នៅព្រឹកថ្ងៃទី២៧ ខែវិច្ឆិកា ឆ្នាំ២០២៤ ព្រះមន្ត្រីសង្ឃខ្មែរក្រោមចំនួន៦ព្រះអង្គ នៃខេត្តត្រាវិញ ប្រទេសវៀតណាម ដឹកនាំដោយព្រះតេជគុណ ថាច់ ញ៉ឹក ព្រះចៅអធិការវត្តពោធិគិរីវង្សារាម ហៅវត្តស្វាយសៀមថ្មី និមន្តជួបសំណេះសំណាលជាមួយសម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នៅភូមិគ្រឹះរបស់សម្ដេចនៅក្រុងតាខ្មៅ។

ព្រះតេជព្រះគុណ ថាច់ ញ៉ឹក បានមានថេរដីការជម្រាបជូនសម្ដេចទាំងទ្វេ​ ថា គោលបំណងនៃការជួបសំណេះសំណាលជាមួយសម្ដេចនាពេលនេះ ដើម្បីថ្លែងអំណរគុណដោយផ្ទាល់ចំពោះសម្តេចទាំងទ្វេដែលបានផ្ដួចផ្ដើមរៀបចំអង្គកឋិនទានមហាសាមគ្គីគ្រួសារខ្មែរ ដង្ហែឆ្ពោះទៅកាន់វត្តពោធិគិរីវង្សារាម កាលពីដើមខែវិច្ឆិកា ឆ្នាំ២០២៤កន្លងទៅ ដែលនេះជាប្រវត្តិសាស្រ្តមួយសម្រាប់ព្រះសង្ឃ ក៏ដូចជាពុទ្ធបរិស័ទខ្មែរក្រោមនៅខេត្តត្រាវិញ។

ព្រះអង្គ ក៏បានថ្លែងអំណរព្រះគុណ និងអរគុណចំពោះសម្ដេចព្រះសង្ឃគ្រប់ព្រះអង្គ ថ្នាក់ដឹកនាំគ្រប់លំដាប់ថ្នាក់ មហាពុទ្ធបរិស័ទគ្រប់ទិសទី ដែលមានសទ្ធាជ្រះថ្លា លះបង់អស់កម្លាំងកាយ កម្លាំងចិត្ត និងកម្លាំងទ្រព្យ រៀបចំអង្គកឋិនទានមហាសាមគ្គីគ្រួសារខ្មែរ ក្រោមគំនិតផ្តួចផ្តើមដ៏ខ្ពង់ខ្ពស់បំផុតរបស់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ព្រមទាំងថ្នាក់ដឹកនាំគ្រប់ជាន់ថ្នាក់នៅកម្ពុជា ដែលបានដង្ហែអង្គកឋិនទានមហាសាមគ្គីគ្រួសារខ្មែរទៅកាន់វត្តពោធិគិរីវង្សារាម ខេត្តត្រាវិញ និងបានប្រគេនបច្ច័យដល់វត្តទាំង១៤២វត្តទៀត ដើម្បីទំនុកបម្រុង ក៏ដូចជាការប្រើប្រាស់សម្រាប់ការកសាងនូវសាសនវត្ថុផ្សេងៗនៅក្នុងព្រះពុទ្ធសាសនា ឱ្យមានការរីកចម្រើន តាំងនៅស្ថិតស្ថេរ។​

ក្រៅពីការថ្លែងអំណរគុណចំពោះអង្គកឋិនទានកន្លងមក ព្រះអង្គ ក៏បានស្នើសុំសម្ដេចតេជោ និងសម្ដេចកិត្តិព្រឹទ្ធបណ្ឌិត ក្នុងការផ្ដល់នូវព្រះត្រៃបិដក សៀវភៅវចនានុក្រមភាសាខ្មែររបស់សម្ដេច ជួន ណាត សៀវភៅវចនានុក្រមរៀបរៀងដោយរាជបណ្ឌិតសភាកម្ពុជា និងការជួយកសាងទូកង សម្រាប់ការចូលរួមការប្រកួតក្នុងព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ផងដែរ។

សម្ដេចទាំងទ្វេ មានទឹកចិត្តរីករាយប្រកបដោយសទ្ធាជ្រះថ្លា ដោយបានទទួលប្រតិភូព្រះសង្ឃខ្មែរក្រោមនាពេលនេះដោយផ្ទាល់។ សម្ដេចតេជោក៏បានយល់ព្រមប្រគេនតាមសំណើររបស់ព្រះអង្គនូវទូកង និងព្រះត្រៃបិដកចំនួន ១៦ចប់ សៀវភៅវចនានុក្រមភាសាខ្មែររបស់សម្ដេច ជួន ណាត សៀវភៅវចនានុក្រមរៀបរៀងដោយរាជបណ្ឌិតសភាកម្ពុជាសម្រាប់តម្កល់នៅតាមបណ្ដាវត្តខ្មែរក្រោមនៅក្នុងខេត្តត្រាវិញ ដើម្បីសិក្សារៀនសូត្ររបស់ព្រះសង្ឃក៏ដូចជាពុទ្ធបរិស័ទ៕

The post ព្រះសង្ឃខ្មែរក្រោម អរគុណសម្ដេចតេជោ និងសម្ដេចកិត្តិព្រឹទ្ធបណ្ឌិត ដែលផ្ដួចផ្ដើមដង្ហែអង្គកឋិនទានទៅវត្តខ្មែរក្រោម appeared first on Kampuchea Thmey Daily.

នៅក្នុងជំនួប លោក ជិន ថាញ់មិន  ក៏បានធ្វើការវាយតម្លៃខ្ពស់ចំពោះការរីកចំរើនគួរឱ្យកត់សម្គាល់របស់កម្ពុជាក្រោមការដឹកនាំរបស់ សម្តេចតេជោ ប្រធានគណបក្សប្រជាជនកម្ពុជា។

លោកបានជម្រាបសម្តេចតេជោថា នៅក្នុងដំណើរទស្សនកិច្ចនេះ លោក បានជួបពិភាក្សាជាមួយនឹងសម្តេចប្រធានរដ្ឋសភា និង មានក្តីសប្បាយរីករាយដែលចូលរួមសម្ពោធដាក់ឱ្យដំណើរការជាផ្លូវការសំណង់អគាររដ្ឋបាលថ្មីរបស់រដ្ឋសភាកម្ពុជា តម្លៃ២៥លានដុល្លារអាមេរិក ដែលជាអំណោយរបស់ប្រជាជនវៀតណាមជូនប្រជាជនកម្ពុជា ព្រមទាំង បានចូលជួបសំដែងការគួរសម និងពិភាក្សាជាមួយនឹងសម្តេចធិបតីនាយករដ្ឋមន្ត្រី។

លោក បានជម្រាបសម្តេចតេជោ អំពីស្ថានភាពសេដ្ឋកិច្ចប្រទេសវៀតណាមដែលមានកំណើនខ្ពស់ បើប្រៀបធៀបនឹងប្រទេសនានានៅក្នុងតំបន់ និងពិភពលោក ហើយវៀតណាម ឈានចូលក្នុងយុគសម័យថ្មីទៅជាប្រទេសចំណូលខ្ពស់។

លោកប្រធានរដ្ឋសភាវៀតណាម  ក៏បានគូសបញ្ជាក់ថាប្រទេសវៀតណាម និងកម្ពុជាជាប្រទេសភូមិផងរបងតែមួយ ការជួយគ្នាទៅវិញទៅមកគឺជាជាកត្តាសត្យានុម័ត និងកិច្ចសហប្រតិបត្តិការយូរអង្វែង ដើម្បីសន្តិភាពតំបន់ និងពិភពលោក និងសូមវាយតម្លៃខ្ពស់ចំពោះ សម្តេចតេជោ ដែលសម្រេចបាននូវស្ថិរភាព សុខសន្តិភាព និងការអភិវឌ្ឍនៃប្រទេសកម្ពុជា និង អបអរសាទរតួនាទី និងកិត្យានុភាពកម្ពុជា នៅលើឆាកអន្តរជាតិ។

 លោក ជិន ថាញ់មិន ក៏បានប្តេជ្ញា  បន្តពង្រឹងនិងពង្រីកកិច្ចសហប្រតិបត្តិការនិងជំនួបរវាងគណបក្ស សភា រដ្ឋាភិបាល និងរវាងប្រជាជន  និង ការផ្លាស់ប្តូរទស្សនកិច្ចជាន់ខ្ពស់នៃប្រទេសយើងទាំងពីរ។ លោក ក៏បានគូសបញ្ជាក់ពីការរក្សាឱ្យបានម៉ឺងម៉ាត់នូវគោលការណ៍មិនឱ្យកម្លាំងអមិត្តប្រើប្រាស់ទឹកដីប្រឆាំងប្រទេសជិតខាង និងការប្រយុទ្ធប្រឆាំងនឹងឧក្រិដ្ឋកម្មឆ្លងដែន ទប់ស្កាត់បទល្មើស និងព័ត៌មានមិនពិត និងថែរក្សាការពារប្រភពទឹកទន្លេមេគង្គ។ លោក បានថ្លែងអំណរគុណ ចំពោះកម្ពុជាដែលបានផ្តល់អំណោយដល់វៀតណាម នៅពេលរងគ្រោះព្យុះយ៉ាហ្គី។

ជាការឆ្លើយតប ក្នុងនាមសម្តេចតេជោផ្ទាល់ និងសម្ដេចកិត្តិព្រឹទ្ធបណ្ឌិត សម្តេចតេជោ បានផ្តាំផ្ញើសួរសុខទុក្ខ និងថ្លែងអំណរគុណដល់ លោក តូ ឡឹម និងថ្នាក់ដឹកនាំវៀតណាម ដែលបានស្វាគមន៍ សម្របសម្រួល និងការពារសន្តិសុខល្អ ដល់ការដង្ហែអង្គកឋិនទានមហាសាមគ្គីគ្រួសារខ្មែរទៅខ្មែរក្រោមយ៉ាងរលូន  ដែលនេះបង្ហាញឱ្យឃើញកិច្ចសហប្រតិបត្តិការវប្បធម៌ល្អ និងការថែរក្សាទំនៀមទំលាប់ខ្មែរក្រោម។

សម្តេចតេជោ ក៏បានកត់សម្គាល់យ៉ាងយកចិត្តទុកដាក់ និងវាយតម្លៃខ្ពស់ ចំពោះពលរដ្ឋខ្មែរក្រោម ដែលគោរព និងអនុវត្តបានយ៉ាងខ្ជាប់ខ្ជួននូវច្បាប់ និងបទបញ្ញត្តិនានារបស់អាជ្ញាធរវៀតណាម៕

The post សម្ដេចតេជោ ស្នើវៀតណាមបន្តផ្ដល់សេរីភាពខាងជំនឿ ប្រពៃណី សាសនា ដល់ពលរដ្ឋខ្មែររស់នៅវៀតណាម appeared first on Kampuchea Thmey Daily.

តាមការចុះផ្សាយរបស់ Tuoi Tre, ព្រឹត្តិការណ៍យ៉ាងអធិកអធមនេះរៀបចំឡើងនៅព្រែក Nhieu Loc-Thi Nghe ក្នុងសង្កាត់៣ នៃទីក្រុងហូជីមិញ កាលពីថ្ងៃអាទិត្យទី១០ខែវិច្ឆិកាឆ្នាំ២០២៤។ 

អ្នកស្រី Vu Thi My Ngoc អនុប្រធានគណៈកម្មាធិការប្រជាជនសង្កាត់៣ ដែលជាអ្នករៀបចំកម្មវិធីនេះ និយាយថា «ព្រឹត្តិការណ៍ដ៏មានអត្ថន័យបែបនេះ គឺដើម្បីលើកកម្ពស់ និងរក្សាតម្លៃវប្បធម៌របស់ជនជាតិខ្មែរ នៅភាគខាងត្បូងប្រទេសវៀតណាម ដែលជាផ្នែកមិនអាចកាត់ផ្តាច់បាននៃសហគមន៍ជនជាតិចំនួន៥៤ក្រុម នៅក្នុងប្រទេសនេះ»។

សូមបញ្ជាក់ថា ពិធីនេះមានការចូលរួមពីទូកងចំនួន១២ទូក ស្មើនឹង៦គូ មកពីទីក្រុងហូជីមិញ ទីក្រុង Can Tho និងខេត្ត Kien Giang ដោយចាប់ផ្តើមប្រណាំងពីម៉ោង៦ព្រឹកដល់ម៉ោង១២ថ្ងៃត្រង់ មានចំណុចចាប់ផ្តើមនៅស្ពាន Cong Ly និងទីព្រ័ត្រនៅស្ពាន Le Van Sy។

ពិធីនេះបានទាក់ទាញឲ្យមនុស្សចូលរួមទស្សនាយ៉ាងអឺងកង ជាពិសេសភ្ញៀវទេសចរ ដែលសរសើរមិនដាច់ពីមាត់អំពីក្បាច់រចនានៃទូកង នីមួយៗ៕

អត្ថបទ៖ សុខ សុវណ្ណ

ចុចអាន៖ ត្បិតជាខេត្តសម្បូរភ្នំ តែមណ្ឌលគិរី ក៏មានកម្មវិធីប្រណាំងទូកដែរ

The post ពលរដ្ឋខ្មែរកម្ពុជាក្រោម រៀបចំពិធីប្រណាំងទូក ង យ៉ាងធិកអធម appeared first on Kampuchea Thmey Daily.

ជាមួយគ្នានេះ សម្ដេចតេជោប្រធានគណបក្ស ក៏បានថ្លែងអំណរគុណដល់បណ្ដាថ្នាក់ដឹកនាំទាំងអស់ដែលបានចូលរួមនៅក្នុងអង្គកឋិនទាន ដែលធ្វើឲ្យអង្គកឋិនទានដង្ហែទៅកាន់វត្តខ្មែរក្រោមទទួលបាននូវភាពជោគជ័យ។

កាលពីថ្ងៃទី០៣ ដល់ថ្ងៃទី០៥ ខែវិច្ឆិកា សម្ដេចកិតិ្តព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ព្រមទាំងមន្ត្រី ថ្នាក់ដឹកនាំនៃរាជរដ្ឋាភិបាលកម្ពុជា បានដង្ហែអង្គកឋិនទានមហាសាមគ្គីគ្រួសារខ្មែរ ដង្ហែទៅដល់វត្តពោធិគិរីវង្សារាម ខេត្តត្រាវិញ ប្រទេសវៀតណាម។

អង្គកឋិនទាននេះទទួលបានការជួយជ្រោមជ្រែង គាំទ្រយ៉ាងខ្លាំងពីសំណាក់ សម្តេចបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និង ក្រោមការដឹកនាំរៀបចំដោយផ្ទាល់របស់ សម្តេច ម៉ែន សំអន ព្រមទាំងមានការចូលរួមយ៉ាងច្រើនកុះករ ពីថ្នាក់ដឹកនាំគ្រប់ជាន់ថ្នាក់ នៃព្រះរាជាណាចក្រកម្ពុជា និងមហាពុទ្ធបរិស័ទខ្មែរ គ្រប់ទិសទី ប្រកបដោយមហាសទ្ធាជ្រះថ្លា។

អង្គកឋិនទានមហាសាមគ្គីគ្រួសារខ្មែរ ទទួលបានបច្ច័យសរុបចំនួន៦០ប៊ីលានដុង ដែលគិតជាដុល្លារគឺប្រមាណ២លាន៣សែនដុល្លារ។

បើតាមប្រសាសន៍របស់សម្ដេចកត្តិព្រឹទ្ធបណ្ឌិត ប៊ុន រ៉ានី ហ៊ុន សែន បានឱ្យដឹងថា ព្រះមហាក្សត្រ នៃព្រះរាជាណាចក្រកម្ពុជា ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ជាទីគោរពសក្ការៈដ៏ខ្ពង់ខ្ពស់ ក៏បានប្រទានព្រះរាជទ្រព្យ ចូលរួមបុណ្យអង្គកឋិនទានមហាសាមគ្គីគ្រួសារខ្មែរចំនួន ១ ម៉ឺនដុល្លារអាម៉េរិកស្មើនឹង ២៥១ លាន

ដុង និង សម្តេចម៉ែ នរោត្តម មុនិនាថ សីហនុ ព្រះវររាជមាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់ក៏បានសព្វព្រះរាជហឫទ័យ ប្រទានព្រះរាជទ្រព្យ ចូលរួមអង្គកឋិនទាននេះ ចំនួន ១ ម៉ឺនដុល្លារអាម៉េរិកស្មើនឹង ២៥១ លានដុងផងដែរ។ បច្ច័យរបស់ សម្តេចតេជោ ហ៊ុន សែន និងសម្ដេច ព្រមទាំងក្រុមគ្រួសារ និងបច្ច័យទទួលបានពីសទ្ធាជ្រះថ្លារបស់មហាពុទ្ធបរិស័ទខ្មែរពីគ្រប់ទិសទី ដែលសង្កត់ត្រៃ នៃអង្គកឋិនទានមហាសាមគ្គីគ្រួសារខ្មែរ គឺសម្រាប់ប្រគេនដល់ព្រះសង្ឃ និងវត្តនានា ដើម្បីព្រះចៅអធិការ និងគណៈកម្មការវត្ត ប្រើប្រាស់ជាប្រយោជន៍ ក្នុងវិស័យព្រះពុទ្ធសាសនា រួមមាន៖ ទី១) ប្រគេនបច្ច័យសង្កត់ត្រៃអង្គកឋិនទានដង្ហែមកវត្តពោធិគិរីវង្សារាម ២៣ ប៊ីលាន ៨៤២ លានដុង។

ទី២) បច្ច័យសង្កត់ត្រៃធំ៥០ លានដុង។ទី៣) បច្ច័យសង្កត់ត្រៃសូត្រស្តាំ ២៥ លានដុង។ ទី៤) បច្ច័យសង្កត់ត្រៃសូត្រឆ្វេង ២៥ លានដុង។ ទី៥) ប្រគេនបច្ច័យព្រះសង្ឃចំនួន ៥៧ អង្គ គង់នៅ វត្តេពោធិគិរីវង្សារាម ក្នុងមួយអង្គបច្ច័យចំនួន ១២ លាន ៥ សែនដុង។ ទី៦) ជូនគណៈកម្មការ អាចារ្យ យាយជីតាជីចំនួន ១០៤ នាក់ក្នុងម្នាក់ៗ ២លាន៥ សែនដុង និងទី៧) ប្រគេនបច្ច័យដល់វត្តចំនួន ១៤២ វត្តក្នុងខេត្តត្រាវិញ ក្នុង ១ វត្ត បច្ច័យចំនួន២៥១ លានដុង៕

ដោយ៖ ង៉ិល ណារ៉ាត់

The post សម្ដេចតេជោ អរគុណសម្ដេច ម៉ែន សំអន ដែលបានរៀបចំដង្ហែអង្គកឋិនទានទៅវត្តខ្មែរក្រោមប្រកបដោយជោគជ័យ appeared first on Kampuchea Thmey Daily.

គួររំលឹកផងដែរថា អង្គកឋិនទានមហាសាមគ្គីនេះ ត្រូវបានផ្តួចផ្តើមឡើងដោយសម្តេចតេជោ ហ៊ុន សែន ប្រធានព្រឹទ្ធសភាកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន។ បន្ទាប់ពីសូត្រមន្តនៅក្នុងប្រទេសកម្ពុជានៅ ថ្ងៃទី០៣ ខែវិច្ឆិកាហើយនោះ អង្គកឋិនទាននឹង ដង្ហែដោយ សម្តេចកិត្តិព្រឹទ្ធបណ្ឌិតទៅកាន់វត្តពោធិ៍គិរីវង្សារាម ហៅវត្តស្វាយសៀមថ្មី ស្ថិតនៅ ភូមិស្វាយសៀម ឃុំង៉ាយស្វៀង ស្រុកថ្កូវ ខេត្តព្រះត្រពាំង នៅថ្ងៃទី០៤ ខែវិច្ឆិកា ឆ្នាំ២០២៤។

សម្តេចតេជោ ហ៊ុន សែន ធ្លាប់បានជម្រាបជូនសាធារណជនថា ប្រសិនប្រជាជនគ្រប់ស្រទាប់វណ្ណៈ ចង់ទៅលេងបុណ្យកឋិនទាននេះ គឺអាចចូលរួមបាន ប៉ុន្តែត្រូវបំពេញបែបបទតាមនីតិវិធីច្បាប់ឆ្លងប្រទេស ព្រោះជាកឋិនឆ្លងដែនប្រទេស។

សម្តេចតេជោ ហ៊ុន សែន ធ្លាប់បានគូសបញ្ជាក់ថា អង្គកឋិនទាននេះធ្វើឡើងដោយ គណបក្សប្រជាជន រាជរដ្ឋាភិបាល រដ្ឋសភា ព្រឹទ្ធសភា ស្ថាប័នព្រះសង្ឃទាំងពីរគណៈ និងស្ថាប័នថ្នាក់ជាតិផ្សេងទៀត។ ការរៀបចំពិធីធ្វើនៅ វិមាន៧មករា ស្នាក់ការគណបក្សប្រជាជនកម្ពុជា នាល្ងាចថ្ងៃទី៣ ខែវិច្ចកា ឆ្នាំ២០២៤ ដែលមានសម្តេច និងភរិយា ចូលរួមដោយផ្ទាល់៕

The post សម្ដេចម៉ែន សំអន ដឹកនាំប្រតិភូកម្ពុជាពិនិត្យទីតាំងវត្តខ្មែរនៅកម្ពុជាក្រោម ដើម្បីដង្ហែអង្គកឋិនទៅនៅដើមខែវិច្ឆិកា appeared first on Kampuchea Thmey Daily.

គោលការណ៍ណែនាំ និងគោលនយោបាយសំខាន់ៗសម្រាប់ការអភិវឌ្ឍន៍សេដ្ឋកិច្ចក្នុងតំបន់ខ្មែរកម្ពុជាក្រោម

យោងតាមទិន្នន័យរបស់គណៈកម្មាធិការជនជាតិ នៅវៀតណាមមានប្រជាជនខ្មែរជាង 1លាន3សែននាក់ ស្មើនឹង 4,45% នៃចំនួនប្រជាជនសរុបនៃភូមិភាគខាងត្បូង រស់នៅក្នុងសហគមន៍ចម្រុះគ្នាជាមួយជនជាតិភាគតិចគិញ ចិននិងជនជាតិភាគតិចផ្សេងទៀត ដែលប្រមូលផ្តុំគ្នា ភាគច្រើននៅក្នុងខេត្ត និងទីក្រុងក្នុងតំបន់ភាគនិរតី។ ប្រជាជនទាំងនោះភាគច្រើនរស់នៅក្នុងតំបន់ដាច់ស្រយាល តំបន់ភ្នំ និងព្រំដែន។ មុខ​របរ​សំខាន់​គឺ​ផលិត​កម្ម​ កសិ កម្ម និងមួយ​ផ្នែក​តូច​ប្រកប​របរ​ចិញ្ចឹម​ជីវិត​ដោយ​ការ​ជួញ​ដូរ​និង​សេវាកម្ម។

វៀតណាមបានចេញសេចក្តីណែនាំលេខ 19-CT/TW ចុះថ្ងៃទី 10 ខែមករា ឆ្នាំ 2018 ស្តីពីការពង្រឹងការងារនៅតំបន់ជនជាតិខ្មែរក្នុងស្ថានភាពថ្មី (សេចក្តីណែនាំលេខ 19); កម្មវិធី 135 នៃកម្មវិធីគោលដៅជាតិ កាត់បន្ថយភាពក្រីក្រប្រកបដោយនិរន្តរភាព នៅតំបន់ភាគនិរតីទាំង មូលជាដើម បានចូលជ្រៅទៅក្នុងជីវភាពរស់នៅរបស់ប្រជាពលរដ្ឋខ្មែរយ៉ាងពិតប្រាកដ។ ទាំងនេះគឺជា សេចក្តីណែនាំ និងដំណោះស្រាយរបស់បក្សត្រូវបាន រដ្ឋាភិបាល មន្ទីរ អង្គភាព និងមូលដ្ឋានដែលមានជនជាតិខ្មែររស់នៅច្រើន អនុវត្តយ៉ាងម៉ត់ចត់ ស្របតាមការអភិវឌ្ឍន៍ទូទៅនៃតំបន់ទាំងមូល និងតាមមូលដ្ឋាននីមួយៗ។ បច្ចុប្បន្ន រដ្ឋាភិបាលបានចេញឯកសារចំនួន 100 ដែលអនុវត្តគោលនយោបាយ និងគោលការណ៍ណែនាំរបស់បក្សដែលកំពុងអនុវត្តនៅតំបន់ដីសណ្ដរទន្លេមេគង្គ។ក្នុងនោះមានគោលនយោបាយទូទៅចំនួន 58 ទាក់ទងនឹងគោលនយោបាយឆ្ពោះទៅជនជាតិភាគតិច និង 42 គោលនយោបាយដាច់ដោយឡែកសម្រាប់ប្រជាជនខ្មែរក្រោម។ ការសម្រេចចិត្តជាចម្បងលើការអនុម័តគោលនយោបាយ និងគម្រោងសំខាន់ ៗ និងទូលំទូលាយសម្រាប់តំបន់ជនជាតិខ្មែរនៅវៀតណាម។

កម្មវិធី និងគម្រោងនានាបង្ហាញពីការយកចិត្តទុកដាក់របស់បក្ស និងរដ្ឋវៀតណាមចំពោះជនជាតិភាគតិចជារួម និងប្រជាជនខ្មែរជាពិសេស។ អាស្រ័យហេតុនេះ ប្រជាពលរដ្ឋខ្មែរក្រោមមានការរំភើបចិត្តជាខ្លាំង ដែលតែងតែខិតខំលើកកម្ពស់តួនាទី និងការទទួលខុសត្រូវរបស់ខ្លួន ហើយរួមជាមួយនឹងអាជ្ញាធរមូលដ្ឋាន អនុវត្តដំណោះស្រាយប្រកបដោយប្រសិទ្ធភាព ដើម្បីអនុវត្តកម្មវត្ថុនៃកម្មវិធី រួមចំណែកបង្កើតកម្លាំងជំរុញជំរុញការអភិវឌ្ឍន៍សេដ្ឋកិច្ចសង្គមរបស់ជនជាតិភាគតិចក្នុងតំបន់ ។

ជីវភាពរស់នៅ​ប្រជាពលរដ្ឋ​ខ្មែរក្រោម​កាន់តែ​ប្រសើរ​ឡើង​ពីមួយថ្ងៃ​ទៅមួយថ្ងៃ​

ដោយសារគោលនយោបាយ កម្មវិធី និងគម្រោង ហេដ្ឋារចនាសម្ព័ន្ធសេដ្ឋកិច្ចសង្គមនៅតំបន់ដែលមានជនជាតិភាគតិចខ្មែររស់នៅច្រើន ឃុំជាប់ព្រំដែន និងតំបន់ដែលមានការលំ
បាកខ្លាំងត្រូវបានវិនិយោគ និងអភិវឌ្ឍន៍ បំពេញតម្រូវការបានកាន់តែប្រសើរជាងនូវសំណូមពរ ផលិតកម្ម និងការរស់នៅរបស់ប្រជាជន ។ ក្នុងនោះ អត្រាគ្រួសារខ្មែរក្រីក្រមានការថយចុះជាមធ្យមពី 2 – 4% ក្នុងមួយឆ្នាំ។ជីវភាពសេដ្ឋកិច្ច សង្គមនៃតំបន់ខ្មែរក្រោមរស់នៅមានការប្រែប្រួលជាវិជ្ជមាន មុខមាត់នៃទីជនបទ​កំពុង​មាន​ការផ្លាស់ប្ដូរថ្មី​កាន់​តែ​ខ្លាំង​ឡើង ។ជីវភាពផ្នែកសម្ភារៈ ​និងស្មារតី ​របស់ពលរដ្ឋ​ខ្មែរ​ក្រោមត្រូវបានកែលម្អ ​ប្រាក់​ចំណូលជា​មធ្យម​សម្រាប់​មនុស្ស​ម្នាក់កាន់តែ​កើន​ឡើង។

យោងតាមការប៉ាន់ស្មាននៅតំបន់មួយចំនួនដែលមានសម្រង់ស្ថិតិលើប្រាក់ចំណូលសម្រាប់ប្រជាជនខ្មែរក្រោម។ នៅឆ្នាំ២០២១ ប្រាក់ចំណូលជាមធ្យមរបស់ពលរដ្ឋខ្មែរក្រោមទើបតែឈានដល់ជិត ៨០០ដុល្លារ/ម្នាក់/ឆ្នាំ ស្មើនឹង ៣៧,៣៣% នៃប្រាក់ចំណូលជាមធ្យមនៃតំបន់ទាំងមូល។នៅឆ្នាំ 2023 វានឹងឈានដល់ 1ពាន់100 ដុល្លារ/ម្នាក់/ឆ្នាំ ស្មើនឹង 40,03% នៃប្រាក់ចំណូលក្នុងតំបន់ទាំងមូល។ តំបន់ខ្លះមានប្រាក់ចំណូលខ្ពស់សម្រាប់ប្រជាជនខ្មែរក្រោមដូចជា៖ កៀនយ៉ាង សុកត្រាំង កាម៉ៅ (ជាង ២.០០០ ដុល្លារ/ម្នាក់/ឆ្នាំ)។

ទន្ទឹមនឹងនោះ ^<<មុខមាត់ជនបទថ្មីរបស់ជនជាតិភាគតិចត្រូវបានផ្លាស់ប្តូរ និងរីកចម្រើនកាន់តែខ្លាំងឡើង ការងារអភិវឌ្ឍន៍ វប្បធម៌ អប់រំ និងថែទាំសុខភាពរបស់ជនជាតិភាគតិចត្រូវបានសង្កត់ធ្ងន់ ហើយអត្តសញ្ញាណវប្បធម៌ ប្រពៃណី របស់ពលរដ្ឋខ្មែរក្រោមត្រូវបានអភិរក្ស និងផ្សព្វផ្សាយ^>> ។បើតាមលោក ឡេ ថាញ់ផឿង អនុប្រធានគណៈកម្មាធិការប្រជាជនស្រុក ឡុងភូ ខេត្តសុកត្រាំង បានឲ្យដឹងថាចំណងសាមគ្គីភាព រវាងគ្រប់ជនជាតិទាំងអស់ក្នុងស្រុកត្រូវបានពូនជ្រំ និងពង្រឹងជាប់ជានិច្ច ។

អ្នកស្រី ថាច់ ធីសារ៉ាយ ពលរដ្ឋនៅឃុំទ្រឿងថូ ស្រុក កូវងាង ខេត្តត្រាវិញ បានឲ្យដឹងថា ពលរដ្ឋខ្មែរក្រោមបច្ចុប្បន្នមានលទ្ធភាពប្រើប្រាស់ស្មាតហ្វូន ហើយប្រព័ន្ធអ៊ីនធឺណែតត្រូវបានអភិវឌ្ឍ។ដូច្នេះពួកគេអាចអនុវត្តសកម្មភាពរដ្ឋបាលតាមប្រព័ន្ធអ៊ីនធឺណែត។ បន្ទាប់មកអាជ្ញាធរប្រគល់លទ្ធផលទៅផ្ទះរបស់ពួកគេ បង្កភាពងាយស្រួល ចំណេញពេលវេលា និងថវិកា។

ចំណែកអ្នកស្រី ណេង ម៉េង នៅឃុំ អាងភូ ក្រុង ទិនបៀន ខេត្ត អាងយ៉ាង ដែលឈានចូលវ័យ ៧១ ឆ្នាំនៅឆ្នាំនេះ បាននិយាយដោយសប្បាយរីករាយថា៖ “យើងខ្ញុំរំភើបខ្លាំងណាស់ចំពោះការផ្លាស់ប្តូរដ៏ខ្លាំងក្លានៅក្នុងមាតុភូមិរបស់យើងខ្ញុំ។ រឹតតែរំភើបជាងនេះទៀត គឺការប្រែប្រួលក្នុងជីវភាព។បច្ចុប្បន្នពករដ្ឋខ្មែរក្រោមគ្រប់គ្រួសារមានជីវភាពប្រសើរឡើងឥតឈប់ឈរ ដោយសារការយកចិត្តទុកដាក់របស់បក្ស រដ្ឋគ្រប់លំដាប់ថ្នាក់ និងគ្រប់វិស័យ”។

ការផ្លាស់ប្តូរ ការអភិវឌ្ឍន៍ហេដ្ឋារចនាសម្ព័ន្ធ ក្នុងតំបន់ខ្មែរក្រោមរស់នៅ

ក្នុងប៉ុន្មានឆ្នាំចុងក្រោយនេះ នៅតំបន់ខ្មែរក្រោមរស់នៅតែងត្រូវបានអាជ្ញាធរវៀតណាម គ្រប់លំដាប់ថ្នាក់ផ្តល់អាទិភាពក្នុងការវិនិយោគ និងកែលម្អប្រព័ន្ធហេដ្ឋារចនាសម្ព័ន្ធ។ រហូតមកដល់ពេលនេះនៅតំបន់ពលរដ្ឋខ្មែរក្រោមរស់នៅបានសាងសង់1,613 សំណង់ ភាគច្រើនជាសំណង់វិស័យគមនាគមន៍(1,360 សំណង់)សំណង់ធារាសាស្ត្រចំនួន43 សំណង់ អគ្គីសនី ចំនួន9  សំណង់វប្បធម៌105 សំណង់ សុខាភិបាលចំនួន1 សំណង់អប់រំចំនួន70 សំណង់ទឹកប្រើប្រាស់ក្នុងផ្ទះចំនួន3 និងសំណង់ផ្សេងៗទៀតចំនួន22 ។ បណ្ដាគោលនយោបាយសម្រាប់ជនជាតិត្រូវបានដាក់បញ្ចូលទៅក្នុងកម្មវិធីគោលដៅជាតិសម្រាប់ការអភិវឌ្ឍន៍សេដ្ឋកិច្ចសង្គមនៃតំបន់ជនជាតិភាគតិច និងតំបន់ភ្នំជាដំណាក់កាល។
ក្នុងដំណាក់កាល 2021 – 2025 មូលដ្ឋានភាគនិរតីបានបែងចែកធនធានដើម្បីអនុវត្តកម្មវិធីគោលដៅជាតិសម្រាប់ការអភិវឌ្ឍន៍សេដ្ឋកិច្ចសង្គមរបស់ជនជាតិភាគតិច និងតំបន់ភ្នំដំណាក់កាលទី១។ដូចជា សុកត្រាំងគម្រោងវិនិយោគប្រមាណ 800 ពាន់លានដុងដើម្បីកសាងប្រព័ន្ធហេដ្ឋារចនាសម្ព័ន្ធ និងស្ថាប័នសង្គមដើម្បីលើកកំពស់ការអភិវឌ្ឍន៍សេដ្ឋកិច្ច-សង្គមនៅតំបន់ ខ្មែរក្រោមរស់នៅ។ នៅត្រាវិញ នឹងអនុវត្តគម្រោងចំនួន 10 ដែលមានថវិកាសរុបជាង 1,400 ពាន់លានដុង ដើម្បីលើកកំពស់ជីវភាពរស់នៅរបស់ជនជាតិភាគតិចទូទាំងខេត្ត។នៅ អាង យ៉ាង បាន​បែង​ចែក​ជិត 183,5ពាន់​លាន​ដុង នៅកាម៉ាវជាង 374,6ពាន់លានដុង។

ត្រូវតែនិយាយថា ត្រឡប់មកដល់ភូមិខ្មែរក្រោមវិញ ឆ្លងកាត់គ្រប់ផ្លូវ ក្នុងភូមិយើងខ្ញុំបានជួបប្រទះការប្រែប្រួលថ្មីតាមគ្រប់ផ្លូវ ទៅកាន់ភូមិនានានៃតំបន់ដែលមានជនជាតិខ្មែរក្រោម រស់នៅកំពុងផ្ទុះឡើងនូវពណ៌ចម្រុះនិងភ្លឺថ្លា។ មក​ដល់តំបន់ដែល​ខ្មែរក្រោមរស់នៅ​ ​ដើរ​លើ​ផ្លូវ​បៃតង-ស្អាត-យើង​មើលឃើញ​ច្បាស់​ពី​ការ​ផ្លាស់​ប្តូររបស់​ស្រុក​ស្រែ​ចម្ការ​នេះ។ ធ្លាប់ជាភូមិក្រីក្ររបស់ឃុំ។ប៉ុន្តែឥឡូវនេះ ភូមិទួលកោះ, ភូមិកាយ៉ា, ភូមិសុកដុង, ភូមិទឹកប្រៃ ត្រូវបានប្រែរូបរាងថ្មី។ ពី​មជ្ឈមណ្ឌលកណ្ដាលនៃ​ឃុំឆ្ពោះ​ទៅកាន់​ភូមិ​នានា ភាព​ទូលាយ​ចេញ​​ពី​ផ្ទះមកកាន់សាលារៀន និង​វត្ត​អារាមខ្មែរនានាធ្វើ​ឲ្យ​ភូមិ​ឃុំក្នុងតំបន់មានភាពត្រចះត្រចង់។

ទន្ទឹមគ្នានេះ ការវិនិយោគលើហេដ្ឋារចនាសម្ព័ន្ធ ការអនុវត្តគម្រោងប្រព័ន្ធធារាសាស្រ្ត ការបណ្តុះបណ្តាល ការផ្ទេរបច្ចេកវិទ្យា ព្រមទាំងការណែនាំឲ្យប្រើប្រាស់ពូជថ្មីក្នុងផលិតកម្ម បានរួមចំណែកបង្កើនផលិតផល និងទិន្នផលដំណាំ។ ដំណាំស្រូវទាំង២រដូវនាពេលថ្មីៗនេះ ដោយសារការប្រមូលផលបានល្អ កសិករខ្មែរមានការរំភើបជាខ្លាំង។

ការអភិវឌ្ឍន៍ដ៏ខ្លាំងក្លាលើគ្រប់វិស័យក្នុងតំបន់ជនជាតិខ្មែរក្រោម បានរួមចំណែកយ៉ាងសំខាន់ក្នុងការពង្រឹង និងពង្រីកសាមគ្គីជាតិទាំងមូល។ លទ្ធផលខាងលើបានបង្ហាញយ៉ាងច្បាស់ជាថ្មីម្តងទៀតនូវការយកចិត្តទុកដាក់ របស់បក្ស និងរដ្ឋវៀតណាមចំពោះប្រជាពលរដ្ឋខ្មែរក្រោម។ ទន្ទឹមនឹងនោះ ក៏បញ្ជាក់ថា ចំណងសាមគ្គីភាពជិតស្និទ្ធរវាងជនជាតិខ្មែរ និងបងប្អូនជនជាតិដទៃទៀត ក្នុងមហាសាមគ្គីភាពរបស់ប្រជាជាតិវៀតណាមទាំងមូល តែងតែមាននិរន្តរភាព គ្មានកម្លាំងណាអាចប្រឆាំង ឬបំបែកបំបាក់បានឡើយ៕

The post មុខមាត់ថ្មីនៃតំបន់ខ្មែរកម្ពុជាក្រោមរស់នៅនាពេលបច្ចុប្បន្ន appeared first on Kampuchea Thmey Daily.

ក្នុង​ដំណើរ​នៃ​ការរស់នៅ និង​អភិវឌ្ឍន៍ ពលរដ្ឋ​ខ្មែរ​កម្ពុជា​ក្រោម​នៅតែ​រក្សា​បាន​នូវ​អត្តសញ្ញាណ​វប្បធម៌​ពិសេស​របស់ខ្លួន ពង្រឹង​នូវ​វប្បធម៌​ចម្រុះ​របស់​ជនជាតិ​វៀតណាម​។ វិសេសភាព​នៃ​វប្បធម៌​ជនជាតិខ្មែរ​ត្រូវបាន​បង្ហាញ​តាមរយៈ​ទំនៀមទម្លាប់ ពិធីបុណ្យ សំលៀកបំពាក់ ផ្ទះសម្បែង​ជាដើម​។

ក្នុង​ជីវិត​ដែល​ផ្សារភ្ជាប់​ជាមួយនឹង​អរិយធម៌​ធ្វើស្រែ និង​ទឹក​នៃ​ដែនដី​សណ្ដរ​ទន្លេមេគង្គ​។ ជាពិសេស ប្រជាជន​ខ្មែរ​កម្ពុ​ជាមាន​សោភ័ណភាព​ពិសេស និង​សមត្ថភាព​ច្នៃប្រឌិត​សិល្បៈ តាមរយៈ​ស្នាដៃ​ស្ថាបត្យកម្ម ចម្លាក់ និង​គំនូរ​។ ក្រៅពី​ទំនៀមទម្លាប់ និង​ពិធីបុណ្យ​ធម្មតា ពលរដ្ឋ​ខ្មែរក្រោម​ក៏មាន​ល្បែង​ប្រជាប្រិយ​ទាក់ទង​នឹង​ពិធីបុណ្យ​ផ្សេងៗ ដែលមាន​លក្ខណៈ​ប្លែក ដែល​ទាក់ទាញ​អ្នកចូលរួម​ជាច្រើន​ដូចជា​៖ ល្បែង​ទាញព្រ័ត្រ ខ្លែង​ឆាប​កូន​មាន់ រុញអង្រែ វាយ​ឆ្នាំងដី អុកចក្រត្រង្គ លាក់កន្សែង ប្រណាំងទូក ង ជាដើម​។​

​

ក្នុង​ប៉ុន្មាន​ឆ្នាំ​ថ្មីៗ​នេះ បក្ស និង​រដ្ឋាភិបាល​វៀតណាម បាន​យកចិត្តទុកដាក់​ផ្សព្វផ្សាយ និង​អនុវត្ត​គោលការណ៍​ណែនាំ និង​គោលនយោបាយ​ជាច្រើន ដើម្បី​ផ្តល់​អាទិភាព​ដល់​ការអភិវឌ្ឍន៍​សេដ្ឋកិច្ច​-​សង្គម​ក្នុង​តំបន់​ខ្មែរ​កម្ពុជា​ក្រោម​រស់នៅ​។ ដែល​ផ្តោតលើ​ការវិនិយោគ​ហេដ្ឋារចនាសម្ព័ន្ធ និង​បម្រែបម្រួល​ជីវភាព​រស់នៅ​។ ជា​កត្តា​រួមចំណែក​លើកកម្ពស់​ជីវភាព​រស់នៅ​ប្រចាំថ្ងៃ​ពលរដ្ឋ​ខ្មែរ​ក្រោម លុបបំបាត់​គ្រោះ​ទុរភិក្ស និង​កាត់បន្ថយ​ចំនួន​គ្រួសារ​ក្រីក្រ បង្កើន​ចំនួន​គ្រួសារ​អ្នក​ធូរធារ​យ៉ាង​មាន​ប្រសិទ្ធភាព។

ដោយសារ​គោលការណ៍​ណែនាំ និង​គោលនយោបាយ​យកចិត្តទុកដាក់​របស់​បក្ស និង​រដ្ឋាភិបាល​វៀតណាម និង​ការយកចិត្តទុកដាក់​លើ​ការវិនិយោគ និង​ការគាំទ្រ​យ៉ាង​ស៊ីសង្វាក់​គ្នា​របស់​អាជ្ញាធរ​គ្រប់​លំដាប់​ថ្នាក់ រួមជាមួយ​នឹង​ការខិតខំ​ប្រឹងប្រែង​របស់​ប្រជាពលរដ្ឋ​ខ្មែរក្រោម ជីវភាព​សេដ្ឋកិច្ច​-​សង្គម​បាន​ប្រសើរឡើង គួរ​ឲ្យ​កត់សម្គាល់។

នៅ​ខេត្ត​សុក​ត្រាំ​ង គ្រប់​ឃុំ ស្រុក និង​ទីប្រជុំជន​មាន​ផ្លូវថ្នល់​ក្រាល​កៅស៊ូ​។​គ្រប់ សង្កាត់ ក្រុង និង​ភូមិ​-​ឃុំ មាន​បណ្តាញ​អគ្គិសនី​ជាតិ សម្រាប់​បម្រើ​ដល់ ផលិត កម្ម អាជីវកម្ម និង​ជីវភាព​រស់នៅ​ប្រចាំថ្ងៃ​របស់​ប្រជាពលរដ្ឋ​។ អត្រា​គ្រួសារ​ប្រើប្រាស់​ទឹក​មាន​ស្អាត​ឈានដល់ ៩៩,៦៥%​។​

​នៅ​ខេត្ត​ត្រា​វិញ អត្រា​គ្រួសារ​ខ្មែរ​ក្រីក្រ​នៅ​ខេត្ត​ត្រា​វិញ​បាន​ថយចុះ​ពី​ជាង ៥០% (​ក្នុង​ឆ្នាំ ១៩៩២) មក​តិចជាង ២% (​ក្នុង​ឆ្នាំ ២០២២)​។ គិត​មកទល់ពេលនេះ អាជ្ញាធរ ខេត្ត​ត្រា​វិញ​បាន​ជួយ​ដល់​ផលិតកម្ម និង​លំនៅដ្ឋាន​ដល់​ពលរដ្ឋ​ខ្មែរក្រោម​ជាង ៤​ម៉ឺន​១​ពាន់​គ្រួសារ​; ផ្ដល់​ដី​លំនៅដ្ឋាន និង​ដី​បង្កបង្កើន​ផល​ជាង ៣​ពាន់ គ្រួសារ​; គាំទ្រ​ការបណ្តុះបណ្តាល​វិជ្ជាជីវៈ បង្កើត​ការងារ និង​អនុវត្ត​គោ​លន​យោ បាយ​ឧបត្ថម្ភ​ធន​ជាមួយ​ក្នុង​ទឹកប្រាក់​ច្រើន​ពាន់​លាន​ដុង​។​ក្នុង​ឆ្នាំ​២០២៣ ខេត្ត​ត្រា​វិញ​នឹង​រៀបចំ​ថវិកា​ជាង​៣០០​ពាន់​លាន​ដុង ដើម្បី​វិនិយោគ​លើ​ហេដ្ឋារចនាសម្ព័ន្ធ​សំខាន់ៗ ដើម្បី​បម្រើ​ដល់​ផលិតកម្ម និង​តម្រូវការ​របស់​ប្រជាជន​។ ថែរក្សា និង​លើកតម្កើង​តម្លៃ​វប្បធម៌​ប្រពៃណី និង​លើក​កម្ពស់​គុណភាព​ធនធាន​មនុស្ស ដើម្បី​បំពេញតម្រូវការ​នៃ​ការអភិវឌ្ឍន៍​គ្រប់​ជ្រុងជ្រោយ​នៃ​តំបន់​ខ្មែរក្រោម​រស់នៅ។

នៅ​ខេត្ត​គៀង​យ៉ាង មាន​ឃុំ​ចំនួន ១០១/១១៦ និង​ស្រុក​ចំនួន ៥ បំពេញ​តាម​ស្តង់ដារ​ជនបទ​ថ្មី ដែល​ក្នុងនោះ​មាន​ឃុំ ៣៣ ជា​ឃុំ​ខ្មែរ​កម្ពុជា​ក្រោម​រស់នៅ​។ ក្នុង​ពិធីបុណ្យ​ចូលឆ្នាំថ្មី​នាពេល​ថ្មីៗ​នេះ អាជ្ញាធរ​ខេត្ត គៀង​យ៉ាង បានប្រគល់​ផ្ទះ​ចំនួន ២៤ ខ្នង​ដល់​គ្រួសារ​ដែលមាន​កង្វះ​លំនៅឋាន​។ សាងសង់​ស្ពាន​ចំនួន ៦ ផ្លូវ​ជនបទ​ចំនួន ២ ខ្សែ​; ដាំ​ផ្កា​នៅ​សងខាង​ផ្លូវ ដំឡើង​ភ្លើង​បំភ្លឺ​ផ្លូវ​ជនបទ​; ការពិនិត្យ​សុខភាព អំណោយ អាហារូបករណ៍ និង​កង់​សម្រាប់​សិស្ស​ក្រីក្រ​តែ​រៀន​ពូកែ​។​

​ខណៈ​នៅតាម​មូលដ្ឋាន​នានា​ដែលមាន​ប្រជាជន​ខ្មែរក្រោម​រស់នៅ​ច្រើន​ដូចជា ខេត្ត​អាងយ៉ាង​, កា​ម៉ា​វ​, ហូ​វ​យ៉ាង​, វិញ​ឡុង​, សុក​ចាំង​, កិន​ថឺ​ជាដើម មាន​កសិដ្ឋាន និង​អាជីវកម្ម​ជាច្រើន​ដែលជា​កម្មសិទ្ធិ​របស់​ជ​ន​ជាតិខ្មែរ​ក្រោម​ផងដែរ​។ ប្រាក់ចំណូល​ក្នុង​មនុស្ស​ម្នាក់ (GDP) នៅតាម​មូលដ្ឋាន​ទាំងនេះ​មានការ​កើនឡើង​ជា​លំដាប់ ដែល​ជួយ​ឱ្យ​ជីវភាព​សម្ភារៈ​របស់​ប្រជាពលរដ្ឋ​ខ្មែរ​នៅទីនេះ​កាន់​តែមាន​ភាពប្រសើរឡើង ជា​លំដាប់​។​

​ការថែទាំ​សុខភាព​របស់​ប្រជាពលរដ្ឋ​ខ្មែរ​ត្រូវបាន​យកចិត្តទុកដាក់​។ បណ្តាញ​វេជ្ជសាស្ត្រ​មូលដ្ឋាន​ត្រូវបាន​វិនិយោគ និង​ពង្រឹង​ជាប្រចាំ​។ គុណភាព​នៃ​ការពិនិត្យ និង​ព្យាបាល​ជំងឺ​ត្រូវបាន​កែលម្អ​ជា​បណ្តើរៗ​; ការការពារ និង​គ្រប់គ្រង​ជំងឺ ការថែទាំ​សុខភាព អនាម័យ​ចំណីអាហារ និង​សុវត្ថិភាព​ត្រូវបាន​ដាក់ពង្រាយ​ស្របគ្នា និង​ទូលំទូលាយ​។ អត្រា​នៃ​កុមារ​ដែល​ខ្វះ​អាហារូបត្ថម្ភ​បាន​ថយ​ចុះមក​នៅក្រោម ៣០% ។ ជា​រៀងរាល់ឆ្នាំ​ពលរដ្ឋ​ខ្មែរក្រោម​ជាង​៧​ម៉ឺន​នាក់​ទទួលបាន​ការពិនិត្យ និង​ព្យាបាល​ដោយ​ឥតគិតថ្លៃ។

ទន្ទឹមនឹងនោះ បក្ស និង​រដ្ឋាភិបាល​វៀតណាម តែងតែ​យកចិត្តទុកដាក់​លើ​ការស្រាវជ្រាវ អភិរក្ស អភិវឌ្ឍន៍ និង​លើកតម្កើង​អត្តសញ្ញាណ​វប្បធម៌​ជនជាតិ​ខ្មែរក្រោម​។ កេរដំណែល​ប្រវត្តិសាស្ត្រ និង​វប្បធម៌​របស់​ប្រជាជន​ខ្មែរក្រោម​ជា​មូលដ្ឋាន​ត្រូវបាន​វិនិយោគ និង​ជួសជុល​ជាមួយនឹង​ទឹកប្រាក់​រាប់រយ​ពាន់​លាន​ដុង​ពី​ថ្នាក់កណ្តាល និង​មូលដ្ឋាន​។ ទន្ទឹមនឹងនេះ​បុរាណវត្ថុ​វប្បធម៌​រូបី និង​អរូបី​ដ៏​មានតម្លៃ​ជាច្រើន​ត្រូវបាន​ស្រាវជ្រាវ​រកឃើញ​។ ពិធីបុណ្យ​ប្រពៃណី​ត្រូវបាន​រក្សា និង​រៀបចំ​បានល្អ​។

ក្រុម​សិល្បៈ​សម្តែង​អាជីព និង​មហាជន​ ត្រូវបាន​លើកទឹកចិត្ត​ឱ្យ​វិនិយោគ និង​អភិវឌ្ឍន៍​។ ការ​ផ្លាស់ប្តូរ​វប្បធម៌ និង​ជំនួប​មិត្តភាព​ជាមួយ​បណ្តា​ជនរួមជាតិ​ក្នុងប្រទេស​វៀតណាម និង​ប្រទេសជិតខាង ជាពិសេស​ទំនាក់ទំនង​ជា​ប្រពៃណី មិត្ត​ភាពល្អ​រវាង​វៀតណាម និង​កម្ពុជា​ត្រូវបាន​ពង្រឹង និង​ពង្រីក​។

​មកដល់​ភាគខាងត្បូង​ប្រទេស​វៀតណាម​ក្នុងឱកាស​ពិធីបុណ្យ​ប្រពៃណី​ខ្មែរ ប្រជាជន និង​អ្នក​ទេសចរ​ក៏​អាច​ជ្រួតជ្រាប​ក្នុង​បរិយាកាស​វប្បធម៌​ចម្រុះ​ពណ៌​ផងដែរ​។ នោះ​គឺ​ពិធីបុណ្យ អុំទូក អកអំបុក សំពះ​ព្រះ​ខែ នៅ​ខេត្ត សុក​ចាំង​, ត្រា​វិញ និង​ខេត្ត​គៀង​យ៉ាង​។​ជាមួយនឹង​ការប្រកួត​យ៉ាង​ស្វិតស្វាញ​នៃ​ក្រុម​ប្រណាំងទូក ង​។ ជាមួយគ្នា​នោះ គេ​នឹង​បាន​ទស្សនា​សិល្ប​យីកេ ឆាក​របាំ​រាំវង់ និង​ភ្លេងពិណពាទ្យ ដែលជា​និមិត្តរូប​នៃ​លំហ​វប្បធម៌​ខ្មែរ​។​

​សមិទ្ធផល​ទាំងនេះ មាន​សារៈសំខាន់​មិន​ត្រឹមតែ​ក្នុងការ​លើកកម្ពស់​ជីវភាព​រស់នៅ​ខាង​សម្ភារៈ និង​ស្មារតី​របស់​ប្រជាពលរដ្ឋ​ខ្មែរ​ប៉ុណ្ណោះ​ទេ​។ ប៉ុន្តែ​ថែមទាំង​ជួយ​យ៉ាងសកម្ម​ដល់​ការងារ​ធានា​សន្តិសុខ សណ្ដាប់ធ្នាប់​ពី​តំបន់​ជនជាតិ​ខ្មែរ​ផង​ដែរ។ ទន្ទឹមនឹងនោះ ក៏បាន​ពង្រឹង​ទំនុកចិត្ត និង​ការឯកភាព​របស់​មន្ត្រី ព្រះសង្ឃ និង​ប្រជាពលរដ្ឋ​ខ្មែរក្រោម​ក្នុង​គោលនយោបាយ​របស់​បក្ស និង​រដ្ឋ​វៀតណាម​ផងដែរ៕

The post លើកកម្ពស់ជីវភាពរស់នៅផ្នែកស្មារតី និងសម្ភារៈ ចំពោះពលរដ្ឋខ្មែរកម្ពុជាក្រោម appeared first on Kampuchea Thmey Daily.