ពលរដ្ឋខ្មែរកម្ពុជាក្រោម រៀបចំពិធីប្រណាំងទូក ង យ៉ាងធិកអធម

ពលរដ្ឋខ្មែរកម្ពុជាក្រោមបានរៀបចំពិធីប្រណាំងទូកង ដើម្បីអបអរព្រះរាជពិធី​បុណ្យអុំទូក អកអំបុក សំពះ​ព្រះ​ខែ និង​បណ្តែតប្រទីបនិងដើម្បីរក្សាអត្តសញ្ញាណខ្មែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការចុះផ្សាយរបស់ Tuoi Tre, ព្រឹត្តិការណ៍យ៉ាងអធិកអធមនេះរៀបចំឡើងនៅព្រែក Nhieu Loc-Thi Nghe ក្នុងសង្កាត់៣ នៃទីក្រុងហូជីមិញ កាលពីថ្ងៃអាទិត្យទី១០ខែវិច្ឆិកាឆ្នាំ២០២៤។ 

អ្នកស្រី Vu Thi My Ngoc អនុប្រធានគណៈកម្មាធិការប្រជាជនសង្កាត់៣ ដែលជាអ្នករៀបចំកម្មវិធីនេះ និយាយថា «ព្រឹត្តិការណ៍ដ៏មានអត្ថន័យបែបនេះ គឺដើម្បីលើកកម្ពស់ និងរក្សាតម្លៃវប្បធម៌របស់ជនជាតិខ្មែរ នៅភាគខាងត្បូងប្រទេសវៀតណាម ដែលជាផ្នែកមិនអាចកាត់ផ្តាច់បាននៃសហគមន៍ជនជាតិចំនួន៥៤ក្រុម នៅក្នុងប្រទេសនេះ»។

សូមបញ្ជាក់ថា ពិធីនេះមានការចូលរួមពីទូកងចំនួន១២ទូក ស្មើនឹង៦គូ មកពីទីក្រុងហូជីមិញ ទីក្រុង Can Tho និងខេត្ត Kien Giang ដោយចាប់ផ្តើមប្រណាំងពីម៉ោង៦ព្រឹកដល់ម៉ោង១២ថ្ងៃត្រង់ មានចំណុចចាប់ផ្តើមនៅស្ពាន Cong Ly និងទីព្រ័ត្រនៅស្ពាន Le Van Sy។

ពិធីនេះបានទាក់ទាញឲ្យមនុស្សចូលរួមទស្សនាយ៉ាងអឺងកង ជាពិសេសភ្ញៀវទេសចរ ដែលសរសើរមិនដាច់ពីមាត់អំពីក្បាច់រចនានៃទូកង នីមួយៗ៕

អត្ថបទ៖ សុខ សុវណ្ណ

ចុចអាន៖ ត្បិតជាខេត្តសម្បូរភ្នំ តែមណ្ឌលគិរី ក៏មានកម្មវិធីប្រណាំងទូកដែរ