ខ្វះជាតិទឹក Archives - Kampuchea Thmey Daily

មេឃក្ដៅម្លឹងៗ បើខ្សោះជាតិទឹកខ្លាំង ប្រឈមបញ្ហាសុខភាពធ្ងន់ធ្ងរ ៤យ៉ាង

Sonya — Wed, 25 Aug 2021 01:26:25 +0000

ពេលថ្ងៃឡើង ព្រះអាទិត្យបញ្ចេញពន្លឺមកធ្វើឲ្យមេឃក្ដៅហែង គ្នាយើងចេញទៅក្រៅម្ដងៗ ធុញទ្រាន់នឹងបែកញើសពេញខ្លួនតែម្ដង។ ចំណែកខ្លះទៀត ធុញនឹងត្រូវចូលបន្ទប់ទឹកច្រើនលើក ដោយសារញ៉ាំទឹកច្រើន ខ្លាចខ្សោះជាតិទឹកក្នុងរាងកាយព្រោះអាកាសធាតុក្ដៅពេក។ ប៉ុន្តែ បើយើងខ្សោះជាតិទឹកខ្លាំងក្នុងរាងកាយ សុខភាពយើងនឹងប្រឈមបញ្ហាច្រើន។

ពេលខ្លះ បញ្ហាខ្សោះជាតិទឹកកើតឡើងដោយសារហេតុផលសាមញ្ញៗដូចជា អាកាសធាតុក្ដៅខ្លាំង ឬយើងញ៉ាំទឹកមិនគ្រប់គ្រាន់ដោយសារយើងរវល់ពេក ភ្លេចញ៉ាំទឹកក៏ថាបាន។ ក្រៅពីនេះ ខ្សោះជាតិទឹកអាចកើតឡើងបានដោយសាររាករូស ក្អួតខ្លាំង គ្រុនក្ដៅ ឬនោមញឹកញាប់ពេក ហើយបើយើងមិនខ្វាយខ្វល់បំពេញជាតិទឹកក្នុងរាងកាយគ្រប់គ្រាន់ទេ ច្បាស់ជាប្រឈមគ្រោះថ្នាក់។

បញ្ហាសុខភាពធ្ងន់ធ្ងរ ៤យ៉ាង បង្កដោយខ្សោះជាតិទឹកខ្លាំង

១. រងប៉ះពាល់ដោយកម្ដៅថ្ងៃ ៖ ប្រសិនបើយើងញ៉ាំទឹកមិនបានគ្រប់គ្រាន់ទេ ហើយយើងហាត់ប្រាណ ឬបែកញើសច្រើននោះ អាចប្រឈមនឹងរងប៉ះពាល់ដោយកម្ដៅថ្ងៃដៅក្នុងរាងកាយ ចាប់ពីរមួលសាច់ដុំ ទៅហត់ ល្ហិតល្ហៃ ឬអាចសន្លប់ដោយកម្ដៅថែមទៀតផង។

២. បញ្ហាផ្លូវទឹកនោម និងតម្រងនោម៖ ការខ្វះជាតិទឹកយូរ ឬម្ដងហើយម្ដងទៀអាចបណ្ដាលឲ្យមានរលាកបំពង់ទឹកនោម កើតក្រួសក្នុងតម្រងនោម និងអាចបណ្ដាលឲ្យខ្សោយតម្រងនោម។

៣. ប្រកាច់៖ អេឡិចត្រូលីតដូចជា ប៉ូតាស្យូម និងសូដ្យូមជួយបញ្ជូនសញ្ញាអគ្គិសនីពីកោសិកាមួយទៅកោសិកាមួយទៀត។ ប្រសិនបើអេឡិចត្រូលីតមិនមានតុល្យភាពសារអេឡិចត្រូនិកធម្មតាអាចលាយបញ្ចូលគ្នាដែលអាចនាំឲ្យមានការកន្ត្រាក់សាច់ដុំដោយឯកឯងហើយពេលខ្លះធ្វើឲ្យយើងបាត់បង់ស្មារតី។

៤. ស្ហុកដោយសារបាត់បង់ជាតិទឹក៖ បើយើងខ្សោះជាតិទឹកខ្លាំងរហូតដល់ដំណាក់កាលនេះ វាអាចគំរាមកំហែងដល់អាយុជីវិតបាន។ វាកើតឡើងនៅពេលដែលបរិមាណជាតិទឹកធ្លាក់ចុះខ្លាំង បណ្ដាលឲ្យសម្ពាធឈាមក៏ធ្លាក់ចុះ ជាហេតុកម្រិតអុកស៊ីសែនក្នុងរាងកាយធ្លាក់ចុះ។

តិចនិកថែសុខភាពពេលអាកាសធាតុក្ដៅ ចៀសវាងខ្សោះជាតិទឹក

ផឹកទឹកឲ្យបានច្រើន ទោះបីជាមិនស្រេកទឹកក៏ដោយ
ចៀសវាងភេសជ្ជៈដែលមានជាតិកាហ្វេអ៊ីន និងអាល់កុល
ផឹកទឹក ឬភេសជ្ជៈត្រជាក់ និងញ៉ាំអាហារត្រជាក់ដូចជា សាឡាត់ និងផ្លែឈើ
ស្លៀកពាក់ខោអាវដែលមានពណ៌ស្រាល ស្ដើងៗ និងរលុង
កុំនៅក្រោមកម្ដៅថ្ងៃយូរពេក និងរកកន្លែងមានម្លប់៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ក្រោយបញ្ចប់ការរងឥទ្ធិពលកាំរស្មី UV ច្រើនថ្ងៃ តើមានសល់ផលប៉ះពាល់ដែរ ឬទេ?

ចុចអាន៖ ពន្លឺថ្ងៃមានទាំងគុណសម្បត្តិ និងគុណវិប្បត្តិដល់សុខភាពស្បែក ត្រូវចេះការពារឲ្យបានល្អ

The post មេឃក្ដៅម្លឹងៗ បើខ្សោះជាតិទឹកខ្លាំង ប្រឈមបញ្ហាសុខភាពធ្ងន់ធ្ងរ ៤យ៉ាង appeared first on Kampuchea Thmey Daily.

ខ្វះជាតិទឹកមែនទេ? ភេសជ្ជៈ៣ប្រភេទនេះអាចជួយអ្នកបាន

Sorn Phanith — Mon, 25 Jan 2021 02:13:48 +0000

ការបំប៉នរាងកាយជាមួយនឹងភេសជ្ជៈដែលមានសារធាតុចិញ្ចឹម គឺពិតជាមានអត្ថប្រយោជន៍យ៉ាងខ្លាំងដល់សុខភាពរបស់យើង។ វាមិនត្រឹមតែជួយផ្ដល់ជាតិទឹកដល់រាងកាយប៉ុណ្ណោះទេ ថែមទាំងគ្រប់គ្រងសីតុណ្ហភាពរាងកាយ ជួយឲ្យសន្លាក់មានជាតិរម្អិល និងធានាដំណើរការល្អនៃសរីរាង្គផ្សេងៗផងដែរ។ ជាមួយគ្នានេះដែរ ការញ៉ាំភេសជ្ជៈល្អៗ នឹងធ្វើឲ្យយើងមានអារម្មណ៍ស្រស់ស្រាយ រហ័សរហួន និងជួយឲ្យយើងគេងលក់ស្រួលថែមទៀតផង។ នៅរដូវរងានេះ យើងចាំបាច់ក្នុងការបំពេញជាតិទឹកគ្រប់គ្រាន់ដល់រាងកាយ ពីព្រោះវាអាចជួយពង្រឹងដល់ប្រព័ន្ធភាពស៊ាំ ក៏ដូចជាជួយប្រយុទ្ធប្រឆាំងនឹងជំងឺផ្ដាសាយតាមរដូវកាលបានយ៉ាងអស្ចារ្យ។ យ៉ាងណាមិញ ភេសជ្ជៈទាំង៣ខាងក្រោមនេះ គឺជាជម្រើសដ៏ល្អបំផុតដែលយើងមិនគួរមើលរំលងឡើយ។

១. ទឹកដូង

យើងប្រហែលជាបានដឹងហើយថា ទឹកដូងមានគុណប្រយោជន៍ដ៏សម្បូរបែបចំពោះរាងកាយ។ ជាក់ស្ដែង ភេសជ្ជៈមួយប្រភេទនេះ មានសារធាតុប្រឆាំងអុកស៊ីតកម្ម ដែលការពារកោសិការបស់យើងពីការបំផ្លាញ ដែលបណ្ដាលមកពីរ៉ាឌីកាល់សេរី ព្រមទាំងជាប្រភពម៉ាញ៉េស្យូម ដែលអាចបង្កើនរំញោចអាំងស៊ុយលីន និងកាត់បន្ថយកម្រិតជាតិស្ករក្នុងឈាមបានយ៉ាងមានប្រសិទ្ធភាពផងដែរ។ លើសពីនេះ វាក៏ជាភេសជ្ជៈដែលល្អបំផុតសម្រាប់បំពេញជាតិទឹក បន្ទាប់ពីធ្វើលំហាត់ប្រាណ ឬលេងកីឡារួចផងដែរ។

២. តែបៃតង

ភេសជ្ជៈមួយប្រភេទនេះ មិនត្រឹមតែជួយសម្អាត និងធ្វើឲ្យបំពង់ករបស់យើងជ្រះល្អប៉ុណ្ណោះទេ វាថែមទាំងមានអត្ថប្រយោជន៍ដល់សុខភាពជាច្រើនផ្សេងទៀតដែលយើងនឹងស្មានមិនដល់។ ពិតណាស់ តែបៃតងអាចជួយបង្កើនមុខងារខួរក្បាល បន្ថយជាតិខ្លាញ់ ការពាររាងកាយប្រឆាំងនឹងជំងឺមហារីក ព្រមទាំងកាត់បន្ថយឱកាសនៃការកើតជំងឺបេះដូងថែមទៀតផង។ ជាងនេះទៅទៀត វាក៏អាចកម្ចាត់បញ្ហាក្លិនមាត់ ដោយរារាំងការលូតលាស់របស់បាក់តេរីនៅក្នុងមាត់ផងដែរ។ ខណៈដែលតែបៃតងជួយបំពេញជាតិទឹកដល់រាងកាយបានយ៉ាងល្អ វាក៏មានគុណប្រយោជន៍ជួយឲ្យយើងមានអាយុវែងផងដែរ។

៣. ក្រូចឆ្មារ និងទឹកឃ្មុំ

ប្រសិនបើយើងចង់បំពេញជាតិទឹកទៅក្នុងរាងកាយ យើងមិនអាចមើលរំលងក្រូចឆ្មារ និងទឹកឃ្មុំបានឡើយ ពីព្រោះទឹកឃ្មុំជួយពង្រឹងប្រព័ន្ធភាពស៊ាំ ព្រមទាំងជួយប្រយុទ្ធប្រឆាំងនឹងការបង្ករោគនៅក្នុងបំពង់កថែមទៀតផង។ លើសពីនេះ វាក៏ជួយបន្សាបជាតិពុល ព្រមទាំងប្រឆាំងនឹងការបង្ករោគផ្សេងៗ ដោយកម្ចាត់បាក់តេរី និងបណ្ដេញសារធាតុមិនល្អចេញពីរាងកាយរបស់យើងផងដែរ៕

អត្ថបទផ្ដល់សិទ្ធិដោយ៖ Hellokrupet

សូមចុចអាន៖ ល្បីថា “តែបៃតង” ជួយឲ្យឆាប់មានកូន?

សូមចុចអាន៖ ផ្លែពោត លាក់អាថ៌កំបាំង ៤ យ៉ាងចំពោះសុខភាព ដែលយើងមិនធ្លាប់ដឹង

The post ខ្វះជាតិទឹកមែនទេ? ភេសជ្ជៈ៣ប្រភេទនេះអាចជួយអ្នកបាន appeared first on Kampuchea Thmey Daily.

ខ្វះជាតិទឹក Archives - Kampuchea Thmey Daily

មេឃក្ដៅម្លឹងៗ បើខ្សោះជាតិទឹកខ្លាំង ប្រឈមបញ្ហាសុខភាពធ្ងន់ធ្ងរ ៤យ៉ាង

បញ្ហា​សុខភាព​ធ្ងន់ធ្ងរ ៤យ៉ាង បង្ក​ដោយ​ខ្សោះ​ជាតិ​ទឹក​ខ្លាំង

តិចនិក​ថែ​សុខភាព​ពេល​អាកាសធាតុ​ក្ដៅ ចៀស​វាង​ខ្សោះ​ជាតិ​ទឹក

ខ្វះ​ជាតិ​ទឹក​មែនទេ? ភេសជ្ជៈ៣ប្រភេទនេះ​អាច​ជួយ​អ្នក​បាន

១. ទឹក​ដូង​