សេចក្ដីប្រកាសរបស់លោក សៀវ សុត បានឲ្យដឹងថា «ដើម្បីឆ្លើយតបទៅនឹងសភាពការណ៍នយោបាយ និងការរៀបចំបំពេញបន្ថែមថ្នាក់ដឹកនាំគណបក្ស  គណបក្សខ្មែរស្រលាញ់ជាតិ នឹងរៀបចំកិច្ចប្រជុំគណៈកម្មាធិការនាយកគណបក្ស និងធ្វើសន្និសីទសារព័ត៌មាន នៅថ្ងៃ សៅ ទី៩ ខែសីហា ឆ្នាំ២០២២» ។

គួររំលឹកដែរថា កាលពីថ្ងៃទី២៩ ខែកក្កដា ឆ្នាំ២០២២ កន្លងទៅនេះ លោក ជីវ កក្តា ប្រធានគណបក្សខ្មែរស្រឡាញ់ជាតិ  រួមទាំងអនុប្រធាន និងសមាជិកគណៈកម្មាធិការអចិន្ត្រៃយ៍ចំនួន ៩រូបទៀត បានប្រកាសរំលាយគណបក្សខ្មែរស្រលាញ់ជាតិចោល។ លោក ជីវ កក្តា បញ្ជាក់ថា ការប្រកាសរំលាយបក្ស នេះ គឺដោយសារមើលឃើញការដឹកនាំដ៏ត្រឹមត្រូវរបស់សម្ដេចតេជោ ហ៊ុន សែន ជាពិសេស កាលពី ថ្ងៃទី២៨ ខែកក្កដា ឆ្នាំ ២០២២ កន្លងទៅនេះ ការធ្វើវិសោធនកម្មរដ្ឋធម្មនុញ្ញ គឺបង្ហាញយ៉ាងច្បាស់អំពីការគិតគូរផលប្រយោជន៍របស់ជាតិជាធំ។

ជាមួយគ្នានេះ លោក ជីវ កក្តា ក៏បានអំពាវនាវឲ្យសមាជិកគណៈកម្មាធិការនាយក និងសមាជិករបស់គណបក្សខ្មែរស្រឡាញ់ជាតិទាំងអស់នាំគ្នាចូលមករួមរស់ជាមួយគណបក្សប្រជាជនកម្ពុជាថែ​មទៀត៕

ដោយ ៖ ធឿន វ៉ាន់សុង

The post គណបក្សខ្មែរស្រឡាញ់ជាតិ កោះប្រជុំផ្ទៃក្នុងនៅថ្ងៃទី៩ សីហា ក្រោយមានដំណឹងប្រកាសរំលាយបក្សចោល appeared first on Kampuchea Thmey Daily.

បើតាមសេចក្តីថ្លែងការណ៍ គណបក្សខ្មែរស្រឡាញ់ជាតិ បានថ្លែងអំណរគុណយ៉ាងជ្រាលជ្រៅ ចំពោះកិច្ចខិតខំប្រឹងប្រែង និងការទទួលខុសត្រូវរបស់ថ្នាក់ដឹកនាំគ្រប់លំដាប់ថ្នាក់ ដែលបានបំពេញបេសកម្មដឹកនាំ ចាត់ចែងរៀបចំការងារទាំងឡាយក្នុងដំណើរ ការចូលរួមប្រកួតប្រជែងបោះឆ្នោតជ្រើស រើសក្រុមប្រឹក្សាឃុំ-សង្កាត់ អាណត្តិទី ៥ ឆ្នាំ ២០២២ ប្រកបដោយជោគជ័យ។

ជុំវិញដំណើរបោះឆ្នោត គណបក្សខ្មែរស្រឡាញ់ជាតិ បានលើកឡើងថា ប្រជាពលរដ្ឋមានការយល់ដឹងអំពីសិទ្ធិ កាតព្វកិច្ច និងសារៈសំខាន់នៃការបោះឆ្នោត និងបានទៅចូលរួមបោះឆ្នោតដោយស្មារតីទទួលខុសត្រូវ ហើយដំណើរការបោះឆ្នោតនេះ មានការល្អប្រសើរ ទាំងមន្ត្រីរៀបចំការបោះឆ្នោត និងសកម្មជនគណបក្ស ក៏ដូចជាប្រជាពលរដ្ឋម្ចាស់ឆ្នោត មានភាពចាស់ទុំជាងអាណត្តិមុនៗ។

ទោះជាយ៉ាងណា គណបក្សខ្មែរស្រឡាញ់ជាតិ បានអះអាងថា ឥរិយាបទរបស់អាជ្ញាធរមូលដ្ឋានមួយចំនួន នៅតែមិនផ្លាស់ប្តូរទម្លាប់ មិនគោរពសេចក្តីណែនាំរបស់ គ.ជ.ប។ គណបក្សខ្មែរស្រឡាញ់ជាតិ បានបញ្ជាក់ចុងក្រោយថា «គណ បក្សខ្មែរស្រឡាញ់ជាតិ សូមប្រកាសគោរពទៅតាមច្បាប់ បទបញ្ជានិងនីតិវិធី និងឆន្ទៈរបស់ប្រជាពលរដ្ឋម្ចាស់ឆ្នោត នៅថ្ងៃទី ៥ ខែមិថុនា ឆ្នាំ២០២២»៕

អត្ថបទ៖ កោះកែវ

The post បក្សខ្មែរស្រឡាញ់ជាតិ ៖ ដំណើរការបោះឆ្នោតមានភាពល្អប្រសើរ ហើយពលរដ្ឋមានភាពចាស់ទុំជាងអាណត្តិមុនៗ appeared first on Kampuchea Thmey Daily.

លោក ជីវ កត្តា​ បញ្ជាក់យ៉ាងនេះថា «គម្រោងឃោសនារបស់យើង ​ដូចជាមិនមានការហែក្បួនអីធំដុំទេ គ្រាន់តែធ្វើ​តាម​លទ្ធភាពនៃឃុំនីមួយៗ ដែលធ្វើកើត ឬមិនកើត។ ទីពីរទៀត​ ការឃោសនារបស់យើង គឺធ្វើតាម​ឃុំ-សង្កាត់ ដែលយើងមានដាក់បេក្ខជន គឺ​ធ្វើទៅតាមអ្វី​​ដែល​យើង​មាន​ជាក់​ស្ដែង ហើយ​យើងចង់បំផុស ចង់ផ្ញើសារជូនបងប្អូន​ប្រជាពលរដ្ឋ និង​ចុះទៅតាមផ្ទះ​របស់​ប្រជាពលរដ្ឋ​ ដើម្បីសុំការគាំទ្រ និងជូនជាគោលនយោបាយ បំណងរបស់យើង ​ជូនទៅដល់ម្ចាស់ឆ្នោតលោកជ្រាបជាព័ត៌មាន ដើម្បីសុំការគាំទ្រពីពួកគាត់”។​

សូមជម្រាបថា ការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី ៥ នឹងប្រព្រឹត្តទៅនៅថ្ងៃអាទិត្យ​ទី ៥ ខែមិថុនា ឆ្នាំ ២០២២ខាងមុខ ដោយចាប់ផ្តើមពីម៉ោង ៧ ព្រឹក រហូតដល់ម៉ោង ៣ រសៀល។ ក្នុងនោះ មានគណបក្សនយោបាយចំនួន ១៧ បានចូលរួម ហើយ​ការឃោសនា នឹងចាប់ផ្តើមពីថ្ងៃទី ២១ ខែឧសភា ដល់ថ្ងៃទី ៣ ខែមិថុនា ឆ្នាំ២០២២៕

អត្ថបទ៖ កោះកែវ ​

The post គណបក្សខ្មែរស្រឡាញ់ជាតិ ផ្តោត​សំខាន់​លើការ​​ចុះ​តាម​ផ្ទះ​របស់ប្រជាពលរដ្ឋ​ អំឡុងពេលឃោសនា appeared first on Kampuchea Thmey Daily.