នយោបាយ
គណបក្សខ្មែរស្រឡាញ់ជាតិ កោះប្រជុំផ្ទៃក្នុងនៅថ្ងៃទី៩ សីហា ក្រោយមានដំណឹងប្រកាសរំលាយបក្សចោល
គណបក្សខ្មែរស្រឡាញ់ជាតិ នឹងកោះប្រជុំគណៈកម្មាធិការនាយក និងធ្វើសន្និសីទកាសែត នៅថ្ងៃទី៩ ខែសីហា ឆ្នាំ ២០២២ ក្រោយមានដំណឹងប្រកាសរំលាយបក្សចោលពីសំណាក់លោក ជីវ កក្តា ប្រធានគណបក្សមួយនេះ។ នេះបើតាមសេចក្ដីប្រកាសរបស់លោក សៀវ សុត ប្រធានស្ដីទីគណបក្សនៅថ្ងៃសុក្រនេះ។
សេចក្ដីប្រកាសរបស់លោក សៀវ សុត បានឲ្យដឹងថា «ដើម្បីឆ្លើយតបទៅនឹងសភាពការណ៍នយោបាយ និងការរៀបចំបំពេញបន្ថែមថ្នាក់ដឹកនាំគណបក្ស គណបក្សខ្មែរស្រលាញ់ជាតិ នឹងរៀបចំកិច្ចប្រជុំគណៈកម្មាធិការនាយកគណបក្ស និងធ្វើសន្និសីទសារព័ត៌មាន នៅថ្ងៃ សៅ ទី៩ ខែសីហា ឆ្នាំ២០២២» ។
គួររំលឹកដែរថា កាលពីថ្ងៃទី២៩ ខែកក្កដា ឆ្នាំ២០២២ កន្លងទៅនេះ លោក ជីវ កក្តា ប្រធានគណបក្សខ្មែរស្រឡាញ់ជាតិ រួមទាំងអនុប្រធាន និងសមាជិកគណៈកម្មាធិការអចិន្ត្រៃយ៍ចំនួន ៩រូបទៀត បានប្រកាសរំលាយគណបក្សខ្មែរស្រលាញ់ជាតិចោល។ លោក ជីវ កក្តា បញ្ជាក់ថា ការប្រកាសរំលាយបក្ស នេះ គឺដោយសារមើលឃើញការដឹកនាំដ៏ត្រឹមត្រូវរបស់សម្ដេចតេជោ ហ៊ុន សែន ជាពិសេស កាលពី ថ្ងៃទី២៨ ខែកក្កដា ឆ្នាំ ២០២២ កន្លងទៅនេះ ការធ្វើវិសោធនកម្មរដ្ឋធម្មនុញ្ញ គឺបង្ហាញយ៉ាងច្បាស់អំពីការគិតគូរផលប្រយោជន៍របស់ជាតិជាធំ។
ជាមួយគ្នានេះ លោក ជីវ កក្តា ក៏បានអំពាវនាវឲ្យសមាជិកគណៈកម្មាធិការនាយក និងសមាជិករបស់គណបក្សខ្មែរស្រឡាញ់ជាតិទាំងអស់នាំគ្នាចូលមករួមរស់ជាមួយគណបក្សប្រជាជនកម្ពុជាថែមទៀត៕
ដោយ ៖ ធឿន វ៉ាន់សុង
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង