គម្រោង Bay of Lights Archives - Kampuchea Thmey Daily

ក្រុមហ៊ុនចិនធំៗ បោះទុនវិនិយោគខ្ទង់ពាន់លានដុល្លារ កំពុងមានវត្តមាននៅកម្ពុជា

Dy Bunnara — Wed, 17 Dec 2025 03:24:30 +0000

ប្រទេសចិនជាប្រភពវិនិយោគដ៏ធំក្នុងប្រទេសកម្ពុជា ដែលបានបោះទុនវិនិយោគស្ទើរគ្រប់វិស័យ។ ក្រុមហ៊ុនចិនកាន់តែមានទំនុកចិត្តក្នុងការបោះទុនពង្រីកការវិនិយោគនៅក្នុងប្រទេសកម្ពុជា ស្របពេលដែលរដ្ឋាភិបាលកម្ពុជាបានដាក់ចេញគោលការណ៍លើកទឹកចិត្តដល់វិនិយោគិន ដែលនាំឲ្យមានការបង្កើនទំហំទុនវិនិយោគដល់រាប់រយរាប់ពាន់លានដុល្លារ។

ក្រុមហ៊ុនចិនធំៗចំនួន ៦ នេះ កំពុងវិនិយោគលើវិស័យសំខាន់ៗមានដូចជា ឧស្សាហកម្ម អចលទ្រព្យ ហេដ្ឋារចនាសម្ព័ន្ធ និងបដិសណ្ឋារកិច្ចក្រោមទុនវិនិយោគខ្ទង់ពាន់លានដុល្លារ។

ក្រុមហ៊ុន“សាជីវកម្មថ្នល់ និងស្ពានចិន (CRBC)

ក្រុមហ៊ុន “សាជីវកម្មថ្នល់ និងស្ពានចិន (CRBC) ជាក្រុមហ៊ុនបុត្រសម្ព័ន្ធនៃក្រុមហ៊ុន China Communications Construction Company ដែលមានការិយាល័យកណ្ដាលនៅទីក្រុងបេកាំង ប្រទេសចិន។

ប្រតិបត្ដិការអាជីវកម្មចម្បងរបស់ក្រុមហ៊ុន ផ្តោតលើការសាងសង់ផ្នែកហេដ្ឋារចនាសម្ព័ន្ធផ្លូវនិងស្ពាន។ បច្ចុប្បន្នក្រុមហ៊ុនបានអភិវឌ្ឍផ្លូវល្បឿនលឿនចំនួនពីរខ្សែនៅក្នុងប្រទេសកម្ពុជាក្នុងនោះមាន ផ្លូវល្បឿនលឿនភ្នំពេញ-ក្រុងព្រះសីហនុ ក្រោមទុនវិនិយោគប្រមាណ ២ ប៊ីលានដុល្លារ ដែលបានបញ្ចប់ដាក់ឲ្យដំណើរការកាលពីឆ្នាំ២០២២ និងផ្លូវល្បឿនលឿនទីពីរភ្នំពេញ-បាវិត ក្រោមទុនវិនិយោគប្រមាណ ១,៣៥ ប៊ីលានដុល្លារ ដែលកំពុងដំណើរការសាងសង់តាមផែនការគ្រោងបញ្ចប់នៅក្នុងឆ្នាំ ២០២៧។

បន្ថែមពីនេះ ក្រុមហ៊ុនក៏កំពុងសិក្សាគម្រោងសាងសង់ផ្លូវល្បឿនលឿនទី ៣ ភ្នំពេញ-សៀមរាបផងដែរ។

ក្រុមហ៊ុនអភិវឌ្ឍតំបន់សេដ្ឋកិច្ចពិសេសក្រុងព្រះសីហនុ (SSEZ)

តំបន់សេដ្ឋកិច្ចពិសេសក្រុងព្រះសីហនុ ត្រូវបានប្រសិទ្ធិនាមថាជាគំរូនៃកិច្ចសហប្រតិបត្តិការជាក់ស្ដែងរវាងរដ្ឋាភិបាលកម្ពុជា-ចិន។

តំបន់សេដ្ឋកិច្ចពិសេសក្រុងព្រះសីហនុ បានសម្ពោធដាក់ឲ្យដំណើរការនៅឆ្នាំ២០០៨ និងនៅឆ្នាំ២០០៩ បានក្លាយជាតំបន់សហប្រតិបត្តិការសេដ្ឋកិច្ចនិងពាណិជ្ជកម្មក្រៅប្រទេសដំបូងគេ ដែលឆ្លងកាត់ការវាយតម្លៃរបស់ក្រសួងពាណិជ្ជកម្មចិន។

តំបន់សេដ្ឋកិច្ចក្រុងព្រះសីហនុជាសួនឧស្សាហកម្មដែលមានបណ្តុំរោងចក្រឧស្សាហកម្មដ៏ធំនៅខេត្តជាប់មាត់សមុទ្រប៉ែកនិរតីនៃប្រទេសកម្ពុជា ដែលបច្ចុប្បន្នមានរោងចក្រចំនួន ២០២ កំពុងដំណើរការ ដែលបង្កើតឱកាសការងារបានប្រមាណ ៣ ម៉ឺន ២ ពាន់កន្លែង។

នៅក្នុងឆ្នាំ ២០២៤ តំបន់សេដ្ឋកិច្ចពិសេសក្រុងព្រះសីហនុសម្រេចបានការនាំចេញនាំចូល គិតជាទំហំទឹកប្រាក់ប្រមាណ ៤,៧៨ ប៊ីលានដុល្លារកើនឡើង ២១,៣% ធៀបឆ្នាំ ២០២៣។

ក្រុមហ៊ុនអភិវឌ្ឍន៍ Peninsula Bay Investment

ក្រុមហ៊ុន ផឹនីនស៊្យូឡឺ បេ អ៊ិនវេសម៉ិន (Peninsula Bay Investment) កំពុងអភិវឌ្ឍសណ្ឋាគារលំដាប់ផ្កាយប្រាំ និងមជ្ឈមណ្ឌលពាណិជ្ជកម្មនៅលើផ្ទៃដីទំហំ ១៦ ហិកតា នៅជិតទីលានតេជោ ភូមិ៤ សង្កាត់លេខ៤ ក្រុងព្រះសីហនុ ដែលចាយទុនប្រមាណ ១ ប៊ីលានដុល្លារ។

Peninsula Bay Investment ជាគម្រោងអភិវឌ្ឍដ៏សំខាន់មួយនៅខេត្តព្រះសីហនុ ដែលជាខេត្តតំបន់ឆ្នេររបស់ប្រទេសកម្ពុជា។ ការអភិវឌ្ឍន៍របស់ក្រុមហ៊ុនបែងចែកជា ២ តំបន់៖

-តំបន់ A: មានសណ្ឋាគារលំដាប់ផ្កាយ ៥ (កម្ពស់ ៣៧ ជាន់), ផ្សារទំនើប និងសួនកម្សាន្តផ្សេងៗដែលគ្រោងបញ្ចប់នៅឆ្នាំ២០២៨
-តំបន់ B: អគារខុនដូរ និងអគារពាណិជ្ជកម្ម ដែលគ្រោងបញ្ចប់នៅដើមឆ្នាំ២០២៦

ចាយទុនជាង ១ ប៊ីលានដុល្លារ គម្រោងអភិវឌ្ឍន៍របស់ក្រុមហ៊ុន Peninsula Bay Investment នឹងចូលរួមចំណែកយ៉ាងសកម្មក្នុងការប្រែក្លាយខេត្តព្រះសីហនុឱ្យទៅជាតំបន់ពាណិជ្ជកម្ម និងទេសចរណ៍លំដាប់អន្តរជាតិ។

ក្រុមហ៊ុនផលិតសំបកកង់ Sailun

ក្រុមហ៊ុន Sailun បានបោះទុនវិនិយោគប្រមាណ ១ ប៊ីលានដុល្លារ ដើម្បីដំណើរការរោងចក្រផលិតសំបកកង់យានយន្តក្នុងប្រទេសកម្ពុជា ដែលមានទីតាំងនៅខេត្ដស្វាយរៀង។

ដំណើរការខ្សែសង្វាក់ផលិតកម្មរបស់ក្រុមហ៊ុន ក្នុងមួយថ្ងៃប្រើប្រាស់ជ័រកៅស៊ូអស់ជាង ៥០០ តោន ជាមួយសមត្ថភាពផលិតបានប្រមាណ ៣០ លានគ្រាប់ក្នុងមួយឆ្នាំ។

ក្នុងឱកាសជំនួបពិភាក្សាការងារជាមួយសម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា នាឱកាសចូលរួមកិច្ចប្រជុំកំពូលមហាអនុតំបន់មេគង្គ (GMS) លើកទី ៨ នាថ្ងៃទី៦ ខែវិច្ឆិកា ឆ្នាំ២០២៤ នៅទីក្រុងគុនមិញ ខេត្តយូណាន ប្រទេសចិន លោក Yuan Zhongxue ប្រធានកិត្តិយសក្រុមហ៊ុន Sailun Group បានលើកអំពីគោលបំណងរបស់ក្រុមហ៊ុនក្នុងការពង្រីកការវិនិយោគរបស់ខ្លួននៅកម្ពុជា ដោយផ្ដោតលើការកែច្នៃផលិតផលកៅស៊ូ ដើម្បីផលិតចេញជាផលិតផលផ្សេងៗ រួមទាំងការបង្កើតសួនឧស្សាហកម្មសម្រាប់ខ្សែច្រវាក់ផលិតកម្មនៃឧស្សាហកម្មកែច្នៃកៅស៊ូ ក៏ដូចជាសមត្ថភាពផលិតរបស់ក្រុមហ៊ុននៅក្នុងតំបន់។

ក្រុមហ៊ុនអភិវឌ្ឍន៍តំបន់វិស្សមកាលឆ្នេរមាស ឆ្នេរប្រាក់

លោក ហ្វូ ហាង អគ្គនាយកក្រុមហ៊ុន យិះ ចៀ ដែលវិនិយោគនៅតំបន់ឆ្នេរមាសឆ្នេរប្រាក់ក្នុងខេត្តព្រះសីហនុបានឲ្យដឹងថា ក្នុងរយៈពេលជិត ១០ ឆ្នាំ ក្រុមហ៊ុនបានចាយទុនវិនិយោគអស់ប្រមាណ ៦០០ លានដុល្លារ ក្នុងទុនបម្រុងគ្រោងចំណាយសរុបប្រមាណ ៥ ០០០ លានដុល្លារ ខណៈការវិនិយោគទាំងមូលខ្ទង់ប្រើប្រាស់ពេលប្រហែល ២០ ឆ្នាំ។

លោកថា គម្រោងអភិវឌ្ឍន៍ឆ្នេរមាស ឆ្នេរប្រាក់ជាគម្រោងខ្នាតយក្សនៅខេត្តព្រះសីហនុ ដែលត្រូវបានអភិវឌ្ឍតាមដំណាក់កាលផ្ដោតលើវិស័យទេសចរណ៍។

នៅតំបន់វិស្សមកាលឆ្នេរមាសឆ្នេរប្រាក់ ក្រុមហ៊ុនកំពុងអភិវឌ្ឍនៅលើផ្ទៃដីទំហំជាង ៣ ០០០ ហិកតា។ ក្រៅពីការសាងសង់ហេដ្ឋារចនាសម្ពន្ធនានាដែលមានខ្សែផ្លូវប្រវែងជាង ១០០ គីឡូម៉ែត្រ ប្រព័ន្ធភ្លើងអគ្គិសនី ទឹកស្អាត ក្រុមហ៊ុនបានសាងសង់សណ្ឋាគារជាច្រើនកន្លែង រៀបចំតំបន់ទេសចរនៅកោះសំពោច (កោះរាជបុត្រ) បង្កើតសួនផ្កា បូករួមទីលានបាញ់ព្រួយ ហើយទៅថ្ងៃមុខនឹងរៀបចំឲ្យមានតំបន់ទេសចរណ៍ជាច្រើនថែមទៀត។

គម្រោង Bay Of Light

Bay of Lights ជាគម្រោងអភិវឌ្ឍទីក្រុងជាមួយទំហំទឹកប្រាក់វិនិយោគប្រមាណ ១៦ ពាន់លានដុល្លាអាមេរិក ដើម្បីកែប្រែមុខមាត់ឆ្នេរសមុទ្រកម្ពុជា តាមរយៈការបង្កើតទីក្រុងអនាគតមួយដែលលាតសន្ធឹងលើផ្ទៃដី ៩៣៤ ហិកតាតាមបណ្តោយឆ្នេរសមុទ្ររាម។

ចក្ខុវិស័យរបស់គម្រោង Bay of Lights គឺប្រែក្លាយខេត្តព្រះសីហនុក្លាយទៅជាមជ្ឈមណ្ឌលពាណិជ្ជកម្ម វប្បធម៌ និងកិច្ចសហប្រតិបត្តិការអន្តរជាតិ ដោយទីក្រុងនេះនឹងមិនត្រឹមតែជាកន្លែងរស់នៅ និងធ្វើការ ប៉ុន្តែនឹងក្លាយទៅជាចំណុចចាប់ផ្ដើមថ្មីមួយ ដែលបង្ហាញពីអនាគត ការច្នៃប្រឌិត និងសក្តានុពលរបស់តំបន់ឆ្នេរសមុទ្រកម្ពុជា៕

The post ក្រុមហ៊ុនចិនធំៗ បោះទុនវិនិយោគខ្ទង់ពាន់លានដុល្លារ កំពុងមានវត្តមាននៅកម្ពុជា appeared first on Kampuchea Thmey Daily.

គម្រោងអភិវឌ្ឍន៍ Bay of Lights នឹងតភ្ជាប់កម្ពុជាទៅទីផ្សារអន្តរជាតិបន្ថែមទៀត

deth leng — Mon, 08 Sep 2025 09:28:33 +0000

គម្រោងអភិវឌ្ឍន៍ បេ អហ្វ ឡៃថ៍ (BAY OF LIGHTS) ស្ថិតនៅភូមិអុង សង្កាត់រាម ក្រុងកំពង់សោម ខេត្តព្រះសីហនុ នឹងទាក់ទាញក្រុមហ៊ុនអន្តរជាតិផ្សេងៗ ព្រមទាំងផ្តល់នូវការតភ្ជាប់កម្ពុជាទៅកាន់ទីផ្សារអន្តរជាតិច្រើនជាងមុន ហើយបង្កើតឱកាសអាជីវកម្មក្នុងស្រុកឱ្យកាន់តែរីកចម្រើន។

លោក ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ បានលើកឡើងនៅព្រឹកថ្ងៃទី ០៨ ខែកញ្ញា ឆ្នាំ ២០២៥ ក្នុងពិធីសម្ពោធដាក់ឱ្យប្រើប្រាស់សាកល្បង (Soft Opening) អគារការិយាល័យមជ្ឈមណ្ឌលហិរញ្ញវត្ថុ អន្តរជាតិ នៅក្នុងគម្រោង បេ អហ្វ ឡៃថ៍។

លោក ម៉ាង ស៊ីណេត បានថ្លែងកោតសរសើរ និងវាយតម្លៃចំពោះក្រុមហ៊ុន ខានូពី ស៊ែន ឌីវេឡុបម៉ិន ដែលខិតខំប្រឹងប្រែងអភិវឌ្ឍគម្រោង បេ អហ្វ ឡៃថ៍ (BAY OF LIGHTS) ពីមួយថ្ងៃទៅមួយថ្ងៃឱ្យកាន់តែល្អប្រសើរឡើង។

គម្រោងនេះ បានចូលរួមចំណែកយ៉ាងសំខាន់ក្នុងការជំរុញការអភិវឌ្ឍន៍រួមទាំងការលើកកម្ពស់ វិស័យទេសចរណ៍ និងសេដ្ឋកិច្ចក្នុងខេត្តឱ្យកាន់តែទទួលបានភាពទាក់ទាញ និងរីកចម្រើន ជាពិសេសផ្តល់ការងារជូនប្រជាពលរដ្ឋទាំងក្នុងខេត្ត និងមកពីបណ្ដាខេត្តផ្សេងៗ ដើម្បីចូលរួមចំណែកជាមួយរាជរដ្ឋាភិបាលកម្ពុជា ក្នុងការលើកកម្ពស់កម្រិតជីវភាព និងកាត់បន្ថយភាពក្រីក្ររបស់ប្រជាពលរដ្ឋស្របតាមគោលនយោបាយ និងយុទ្ធសាស្រ្តបញ្ចកោណដំណាក់កាលទី១ របស់រាជរដ្ឋាភិបាលកម្ពុជា គឺដើម្បីកំណើនការងារ សមធម៌ ប្រសិទ្ធភាព និងចីរភាព ដែលជាមូលដ្ឋានគ្រឹះឆ្តោះទៅសម្រេចបានចក្ខុវិស័យកម្ពុជាឆ្នាំ២០៥០។

គម្រោង Bay of Light គឺជាគម្រោងអាទិភាពដ៏សំខាន់មួយដែលរាជរដ្ឋាភិបាល និងរដ្ឋបាលខេត្តបាននឹងកំពុងគាំទ្រ និងខិតខំជួយសម្របសម្រួល ដើម្បីឱ្យគម្រោងនេះដំណើរការដោយរលូន និងទទួលបានជោគជ័យតាមដំណាក់ការនីមួយៗជាបន្តបន្ទាប់។

ក្រៅពីកម្មវិធីពិសេសជំរុញការវិនិយោគ និងធានាជំរុញការអភិវឌ្ឍន៍ខេត្តព្រះសីហនុ និយាយដោយឡែក និងនិយាយជារួម ការអភិវឌ្ឍន៍ប្រទេសកម្ពុជាទាំងមូល រាជរដ្ឋាភិបាលកម្ពុជាបាននឹងកំពុងរៀបចំផែនការមេ អភិវឌ្ឍន៍ខេត្តព្រះសីហនុ ជាតំបន់សេដ្ឋកិច្ចពិសេសគំរូពហុបំណង ដែលចែកចេញជាបួនតំបន់រួមមាន៖ តំបន់ទីក្រុងសមាហរណកម្ម តំបន់រស់នៅប្រណិត តំបន់ទេសចរណ៍ប្រណិត មជ្ឈមណ្ឌលពាណិជ្ជកម្ម និងមជ្ឈមណ្ឌលហិរញ្ញវត្ថុអន្តរជាតិ។

តំបន់ឧស្សាហកម្ម និងភស្តុភារកម្ម៖ គឺរៀបចំជាសួនឧស្សាហកម្ម តំបន់សេដ្ឋកិច្ចពិសេស និងជាច្រកចេញចូលអន្តរជាតិ រួមទាំងជាមជ្ឈមណ្ឌល ភស្តុភារ កម្មជាតិ ដោយមានទំនាក់ទំនង ជាមួយទីផ្សារអាស៊ាន និងសកលលោក។

ក្នុងឆ្នាំ ២០២៣ ខេត្តព្រះសីហនុទទួលបានផលិតផលសរុបចំនួនប្រមាណ ១ ៦១៧ លានដុល្លារអាមេរិក ចំណូលជាមធ្យមសម្រាប់មនុស្សម្នាក់ (GDP) ចំនួន ៤ ៦០២ ដុល្លារ អាមេរិក អត្រាកំណើនសេដ្ឋកិច្ច ៦%។

លោក ដេវីដ ដបសាន់ Mr David Richard Dobson នាយកអភិវឌ្ឍអាជីវកម្មជាន់ខ្ពស់ មានប្រសាសន៍ថា ការដាក់ឱ្យប្រើប្រាស់សាកល្បង អគារការិយាល័យមជ្ឈមណ្ឌលហិរញ្ញវត្ថុអន្តរជាតិនៅក្នុងគម្រោង បេ អហ្វ ឡៃថ៍ នឹងក្លាយជាចលករមួយសម្រាប់កម្ពុជាក្នុងការជំរុញវិនិយោគដោយផ្ទាល់ពីបរទេសឱ្យចូលក្នុងប្រទេសកម្ពុជាហើយបង្កើតវេទិការដែលមានតម្លៃស្មើគ្នាជាមួយប្រទេសនៅលើសកលលោក។

គម្រោងអភិវឌ្ឍន៍ បេ អហ្វ ឡៃថ៍ នឹងបង្កើតឱកាសការងារគ្មានដែនកំណត់ ក៏ដូចជាការនាំចូលជំនាញ និងសេវាកម្មអន្តរជាតិ ហើយក៏ជាគម្រោងអភិវឌ្ឍដ៍អស្ចារ្យដែលអាចឈរជើងលើឆាកអន្តរជាតិ ប៉ុន្តែដើម្បីសម្រេចនូវគោលបំណងនេះ ត្រូវការអត់ធ្មត់ ការធ្វើផែនការនិងភាពឯកភាពជាបន្តបន្ទាប់ តាមរយៈការបំបែកទីក្រុងមហាអធិកនេះជាជំហានតូចៗ ប៉ុន្តែពួកយើងមានយុទ្ធសាស្ត្រយ៉ាងច្បាស់លាស់ពីរឆ្នាំមុន យើងចាប់ផ្តើមគម្រោង Bay of Lights ពីដីទំនេរដែលមិនទាន់មានអ្វីសោះ មកជាតំបន់អភិវឌ្ឍន៍ វានឹងទាក់ទាញក្រុមហ៊ុនអន្តរជាតិផ្សេងៗផ្តល់នូវការតភ្ជាប់កម្ពុជាទៅកាន់ទីផ្សារអន្តរជាតិច្រើនជាងមុខ ហើយបង្កើតឱកាសអាជីវកម្មក្នុងស្រុកឱ្យមានការរីកចម្រើន៕

The post គម្រោងអភិវឌ្ឍន៍ Bay of Lights នឹងតភ្ជាប់កម្ពុជាទៅទីផ្សារអន្តរជាតិបន្ថែមទៀត appeared first on Kampuchea Thmey Daily.

គម្រោងអភិវឌ្ឍន៍ទីក្រុង Bay of Lights បានទទួលពានរង្វាន់ International Property Awards ប្រចាំឆ្នាំ 2025-2026

Joly Heng — Mon, 31 Mar 2025 08:30:09 +0000

ឆ្នេរសមុទ្ររាមនៃខេត្តព្រះសីហនុកំពុងតែធ្វើការប្រែក្លាយខ្លួនទៅជាទីក្រុងឆ្នេរសមុទ្រដ៏រស់រវើកមួយនៅតំបន់អាស៊ីអាគ្នេយ៍។ នៅចំណុចស្នូលនៃការអភិវឌ្ឍនេះ គឺ Bay of Lights ដែលជាគម្រោងអភិវឌ្ឍទីក្រុងជាមួយទំហំទឹកប្រាក់វិនិយោគប្រមាណ 16 ពាន់លានដុល្លាអាមេរិក។ ថ្មីៗនេះ គម្រោង Bay of Lights បានការទទួលស្គាល់លើឆាកអន្តរជាតិតាមរយៈការឈ្នះពានរង្វាន់ International Property Awards ឆ្នាំ 2025-2026 សម្រាប់ផែនការអភិវឌ្ឍមេ Master Plan ល្អបំផុតប្រចាំប្រទេសកម្ពុជា ក្នុងតំបន់អាស៊ីប៉ាស៊ីហ្វិក។

Bay of Lights គឺជាគម្រោងអភិវឌ្ឍន៍ដែលកំពុងកែប្រែមុខមាត់ឆ្នេរសមុទ្រកម្ពុជា តាមរយៈការបង្កើតទីក្រុងអនាគតមួយដែលប្រកបទៅដោយផាសុខភាព ដែលផ្តោតសំខាន់លើកត្តាមនុស្ស វប្បធម៌ និងធម្មជាតិជាគោល។ លាតសន្ធឹងលើផ្ទៃដី 934 ហិកតាតាមបណ្តោយឆ្នេរសមុទ្ររាម គម្រោង Bay of Lights មិនត្រឹមតែជាគម្រោងពង្រីកទីក្រុងប៉ុណ្ណោះទេ ប៉ុន្តែជាប្រព័ន្ធអេកូឡូស៊ីពេញលេញមួយដែលរួមបញ្ចូលគ្នានូវចលនាភាព និងការអភិវឌ្ឍប្រកបដោយចីរភាព។ ផែនការទីក្រុងអនាគតនេះបានរចនាឡើងផ្អែកលើគោលការណ៍ “ការជិះកង់ 5 នាទី និងដើរ 10 នាទី” ដែលនឹងអនុញ្ញាតអ្នករស់នៅអាចធ្វើដំណើរទៅកាន់សេវាកម្មសំខាន់ៗ នៅក្នុងទីក្រុងនេះដូចជាកន្លែងធ្វើការ កន្លែងអាជីវកម្ម និងកន្លែងកម្សាន្តនានា ក្នុងរយៈពេលខ្លី ដោយពុំចាំបាច់ប្រើយានយន្ត។

លើសពីនេះទៅទៀត គោលការណ៍រចនាបទទីក្រុងហូឡូនិច (Holonic Design Concept) ដែលនឹងបង្កើតតំបន់សង្កាត់នីមួយៗតភ្ជាប់គ្នាដោយមានភាពងាយស្រួល ជាជាងការបែងចែកតំបន់នីមួយៗដាច់ដោយឡែកពីគ្នា។ ជាមួយប្រព័ន្ធ Smart Mobility Systems ដ៏ទំនើប រួមមានផ្លូវជិះកង់ និងផ្លូវថ្មើរជើងដែលមានភាពងាយស្រួល Bay of Lights បានកំពុងកំណត់ស្តង់ដារថ្មីសម្រាប់ការរចនាទីក្រុងអនាគតដែលប្រកបដោយប្រសិទ្ធភាព និងចីរភាព។

គម្រោង Bay of Lights បានទទួលពានរង្វាន់ International Property Awards ឆ្នាំ 2025-2026 សម្រាប់ Master Plan ល្អបំផុតប្រចាំប្រទេសកម្ពុជា ក្នុងតំបន់អាស៊ីប៉ាស៊ីហ្វិក ដែលពានរង្វាន់នេះត្រូវបានធ្វើការសិក្សា និងវាយតម្លៃយ៉ាងលម្អិតដោយគណៈវិនិច្ឆ័យដែលមានសមាជិកជាង 100 នាក់ ដែលជាអ្នកជំនាញក្នុងវិស័យអចលនទ្រព្យ។ ការឈ្នះពានរង្វាន់នេះ មិនត្រឹមតែជាការទទួលស្គាល់លើការរចនាបទទីក្រុងប៉ុណ្ណោះ ប៉ុន្តែជាសញ្ញានៃ “គំរូសម័យថ្មីសម្រាប់ការអភិវឌ្ឍទីក្រុងនៅកម្ពុជានាពេលអនាគត” ផងដែរ។

Bay of Lights មានចក្ខុវិស័យប្រែក្លាយខេត្តព្រះសីហនុក្លាយទៅជា មជ្ឈមណ្ឌលពាណិជ្ជកម្ម វប្បធម៌ និងកិច្ចសហប្រតិបត្តិការអន្តរជាតិ ដោយទីក្រុងនេះនឹងមិនត្រឹមតែជាកន្លែងរស់នៅ និងធ្វើការ ប៉ុន្តែនឹងក្លាយទៅជា ចំណុចចាប់ផ្ដើមថ្មីមួយ ដែលបង្ហាញពី អនាគត ការច្នៃប្រឌិត និងសក្តានុពលរបស់តំបន់ឆ្នេរសមុទ្រកម្ពុជា៕

The post គម្រោងអភិវឌ្ឍន៍ទីក្រុង Bay of Lights បានទទួលពានរង្វាន់ International Property Awards ប្រចាំឆ្នាំ 2025-2026 appeared first on Kampuchea Thmey Daily.

បេ អហ្វ ឡៃថ៍ អេនធើធេនម៉ិន សហការជាមួយធនាគារ វីង បង្កើតភាពជាដៃគូយុទ្ធសាស្ត្រកាន់តែអសា្ចរ្យ

Sorn Phanith — Thu, 12 Sep 2024 03:58:18 +0000

បេ អហ្វ ឡៃថ៍ អេនធើធេនម៉ិនជាក្រុមហ៊ុនសម្រាប់លម្ហែកាយ និង ធនាគារ វីង បានផ្សារភ្ជាបភាពជាដៃគូយុទ្ធសាស្ត្រ ដោយផ្តល់ជូននូវអត្ថប្រយោជន៍ និងការបញ្ចុះតម្លៃផ្តាច់មុខដល់អតិថិជនរបស់ធនាគារ វីង។

ក្រុងព្រះសីហនុ ថ្ងៃទី ៩ ខែកញ្ញា ឆ្នាំ ២០២៤៖ ធនាគារ វីង (ខេមមូឌា) ម.ក ដែលជាធនាគារឌីជីថលរីកចម្រើនយ៉ាងឆាប់រហ័សមួយនៅកម្ពុជា និងបេ អហ្វ ឡៃថ៍ អេនធើធេនម៉ិន ដែលជាក្រុមហ៊ុនដែលផ្ដល់ជូននូវការកម្សាន្ត និងសម្រាកលម្ហែកាយដ៏ល្បីល្បាញឈានមុខគេ ហើយបានបង្កើតភាពជាដៃគូយុទ្ធសាស្រ្តមួយក្នុងគោលបំណងផ្តល់ជូននូវអត្ថប្រយោជន៍ពិសេសៗជាច្រើនទៅដល់អតិថិជនមិនធ្លាប់មាន។

លោក Dave Richard នាយកគ្រប់គ្រងក្រុមហ៊ុន បេ អហ្វ ឡៃថ៍បានលើកឡើងថា៖ “យើងខ្ញុំពិតជាមានសេចក្តីសោមនស្សរីករាយក្នុងការចូលរួមសហការជាមួយធនាគារ វីង ដែលជាធនាគារឌីជីថលមានការរីកលូតលាស់យ៉ាងឆាប់រហ័សមួយនៅក្នុងប្រទេសកម្ពុជា។ កិច្ចសហការនេះមិនត្រឹមតែអនុញ្ញាតឱ្យយើងខ្ញុំផ្តល់នូវគុណតម្លៃកាន់តែច្រើនដល់ភ្ញៀវ និងអ្នកដំណើរកម្សាន្តរបស់យើងប៉ុណ្ណោះទេ ប៉ុន្តែក៏នឹងជួយពង្រឹងគោលជំហររបស់យើងខ្ញុំឱ្យកាន់តែរឹងមាំថែមទៀតក្នុងនាមជាក្រុមហ៊ុនកម្សាន្តឈានមុខគេផងដែរ។”

ក្រុងព្រះសីហនុ ជាតំបន់ទេសចរណ៍ដ៏ទាក់ទាញ ហើយត្រូវបានចាត់ទុកជាតារារះមួយនៅភាគនិរតីនៃប្រទេសកម្ពុជា។ ដើម្បីរួមចំណែកទាក់ទាញភ្ញៀវទេសចរឱ្យមកទស្សនាតំបន់មាត់សមុទ្រដ៏ស្រស់ស្អាតនេះបានកាន់តែច្រើនថែមទៀត ក្រុមហ៊ុន បេ អហ្វ ឡៃថ៍ អេនធើធេនម៉ិនផ្តល់ជូននូវកន្លែងកម្សាន្ត និងសម្រាកលម្ហែកាយដ៏សម្បូរបែបទៅដល់អតិថិជនទាំងភ្ញៀវជាតិ និងអន្តរជាតិ។

អតិថិជនអាចរីករាយនាថ្ងៃវិស្សមកាល ឬថ្ងៃឈប់សម្រាកជាមួយមនុស្សជាទីស្រឡាញ់ក្រុមហ៊ុន បេ អហ្វ ឡៃថ៍ អេនធើធេនម៉ិនបន្ទាប់ពីការងារប្រចាំថ្ងៃដោយមានការផ្តល់ជូនពិសេសៗជាច្រើន ។ អតិថិជននឹងទួលបានការបញ្ចុះតម្លៃដល់ទៅ ៣០% លើការកក់បន្ទប់ស្នាក់នៅរីហ្សត Summer Bay Beach Club & Cabins និង ១០% ចំពោះការបញ្ជាទិញ អាហារ និងភេសជ្ជៈ ភ្លាមៗតែម្តង ដោយគ្រាន់តែទូទាត់ការចំណាយតាមរយៈកាត ទូធនាគារ វីង ឬតាមអេប វីង ជាការស្រេច។

ពិសេសជាងនេះទៀតគឺ សម្រាប់អតិថិជនទាំងអស់ក៏អាចរីករាយជាមួយការបញ្ចុះតម្លៃ ២០% លើប្រភេទកីឡាលើទឹក និងការប្រណាំងឡាន (Nitro Kart) ផងដែរ។

បន្ថែមពីលើនេះទៀត អតិថិជនក៏អាចទទួលបាននូវអត្ថប្រយោជន៍ដ៏ច្រើនមិនធ្លាប់មាន ពីការប្រើប្រាស់អេប ធនាគារ វីង សម្រាប់ការទូទាត់ ដែលនឹងអាចឈ្នះការបញ្ចុះតម្លៃពីកម្មវិធីបើកហឹបឈ្នះរង្វាន់ពីធនាគារ វីង ដល់ទៅ ៣០% នៅកន្លែងកម្សាន្ដនានាពី ក្រុមហ៊ុន បេ អហ្វ ឡៃថ៍ អេនធើធេនម៉ិន ។

លោក ហោ ប៊ុនថែ អគ្គនាយករងធនាគារ វីង បានលើកឡើងថា៖ “យើងខ្ញុំមានសេចក្តីសោមនស្សរីករាយចំពោះកិច្ចសហការជាមួយក្រុមហ៊ុន បេ អហ្វ ឡៃថ៍ អេនធើធេនម៉ិន។”

លោក ហោ ប៊ុនថែ បានបន្ថែមថា៖ “ភាពជាដៃគូនេះ មិនត្រឹមតែផ្តល់នូវភាពរីករាយ និងការសម្រាកលម្ហែកាយដ៏ប្រណិតជូនដល់អតិថិជនរបស់យើងប៉ុណ្ណោះទេ ប៉ុន្តែគឺការប្តេជ្ញាចិត្តរបស់យើងខ្ញុំក្នុងការរួមចំណែកលើកកម្ពស់វិស័យទេសចរណ៍ និងឱកាសទទួលបានការសម្រាកលម្ហែកាយមួយកាន់តែរីករាយនៅក្នុងខេត្តព្រះសីហនុផងដែរ។”

កិច្ចសហការជាយុទ្ធសាស្ត្ររវាង ក្រុមហ៊ុន បេ អហ្វ ឡៃថ៍ អេនធើធេនម៉ិននិងធនាគារ វីង មានការរំពឹងទុកថានឹងជំរុញកំណើនអាជីវកម្មស្ថាប័នទាំងពីរ ក៏ដូចជាលើកកម្ពស់វិស័យបដិសណ្ឋារកិច្ច និងការកម្សាន្តនៅប្រទេសកម្ពុជាឱ្យបានកាន់តែប្រសើរថែមទៀត៕

អំពីធនាគារ វីង (ខេមបូឌា) ម.ក

ធនាគារ វីង (ខេមបូឌា) ម.ក ដែលជាធនាគារសម្រាប់ប្រជាជនកម្ពុជាបានធ្វើទំនើបកម្មទៅលើមធ្យោបាយសម្រាប់ប្រជាជនកម្ពុជាអាចទទួលបានសេវាហិរញ្ញវត្ថុ។ ចាប់តាំងពីបង្កើតឡើងនៅឆ្នាំ ២០០៨ ធនាគារ វីងបានក្លាយទៅជាធនាគារពាណិជ្ជដែលមានភាពរីកចម្រើនយ៉ាងឆាប់រហ័ស និងស្ថិតក្នុងចំណោមគ្រឹះស្ថានហិរញ្ញវត្ថុដែលទទួលបានការជឿទុកចិត្តខ្ពស់បំផុតនៅក្នុងប្រទេសកម្ពុជា។ ដោយមានចក្ខុវិស័យច្បាស់លាស់ក្នុងការប្រើប្រាស់ដំណោះស្រាយឌីជីថលដើម្បីលើកកម្ពស់ជីវភាពរស់នៅប្រចាំថ្ងៃរបស់ប្រជាជនកម្ពុជាគ្រប់រូប ធនាគារ វីង ក៏សម្រេចបានការវិវឌ្ឍគួរឱ្យកត់សម្គាល់ ហើយបច្ចុប្បន្ននេះក៏មាននូវប្រព័ន្ធអេកូឡូហ្ស៊ីធំបំផុតនៅក្នុងប្រទេស។ ធនាគារ វីង ដំណើរការសាខាចំនួន ២១ ទីតាំង, ភ្នាក់ងារវីង ម៉ាស្ទ័រ ៨០ កន្លែង, បណ្តាញភ្នាក់ងារ ១១,000កន្លែង និងផ្តល់ជូននូវមុខងារប្រើប្រាស់ច្រើនជាង ១០០ មុខ តាមរយៈអេប Wing Bank ដែលមានភាពងាយស្រួលប្រើប្រាស់។

ធនាគារ វីង ប្តេជ្ញាចិត្តលើភាពច្នៃប្រឌិតផ្នែកឌីជីថល ដែលបង្ហាញឱ្យឃើញនៅក្នុងផលប័ត្រចម្រុះនៃសេវាហិរញ្ញវត្ថុ និងសេវាមិនមែនហិរញ្ញវត្ថុ។ រាប់ចាប់ពីកម្ចី ប្រាក់បញ្ញើ និងការផ្ទេរប្រាក់ទៅដល់ផលិតផលធានារ៉ាប់រង ការទូទាត់ទឹកភ្លើង និងវិក្កយបត្រ ការទូទាត់ខ្សែច្រវាក់ផ្គត់ផ្គង់ សេវាកម្មបើកប្រាក់បៀវត្ស ការផ្ទេរប្រាក់អន្តរជាតិ ការផ្ទេរប្រាក់ក្នុងស្រុក កម្ចីតាមប្រព័ន្ធឌីជីថល និងសូម្បីតែការបញ្ចូលទឹកប្រាក់ទូរសព្ទ ធនាគារ វីង ផ្តល់សេវាកម្មយ៉ាងទូលំទូលាយ ទាំងតម្រូវការហិរញ្ញវត្ថុ និងតម្រូវការមិនមែនហិរញ្ញវត្ថុ។ ក្នុងនាមជាគ្រឹះស្ថានហិរញ្ញវត្ថុប្រកបដោយថាមវ័ន្ត និងមានភាពច្នៃប្រឌិតធនាគារ វីង បន្តព្យាយាមបង្កើនឥទ្ធិពលវិជ្ជមានដល់ជីវភាពរស់នៅរបស់ប្រជាជនកម្ពុជាគ្រប់រូប។ សេវាធនាគារឌីជីថលដែលមានភាពងាយស្រួលនិងការប្តេជ្ញាចិត្តចំពោះបរិយាបន្នហិរញ្ញវត្ថុបានធ្វើឱ្យធនាគារ វីង ក្លាយជាធនាគារជម្រើសទីមួយសម្រាប់ប្រជាជនកម្ពុជារាប់លាននាក់៕

អំពី ក្រុមហ៊ុន បេ អហ្វ ឡៃថ៍ អេនធើធេនម៉ិន

បេ អហ្វ ឡៃថ៍ អេនធើធេនម៉ិនជាក្រុមហ៊ុនបដិសណ្ឋារកិច្ច និងគ្រប់គ្រងទ្រព្យសកម្មឈានមុខមួយនៅក្នុងប្រទេសកម្ពុជាដែលនៅពីក្រោយមជ្ឈមណ្ឌលកម្សាន្ត និងកន្លែងសម្រាកលម្ហែកាយដ៏ពេញនិយមបំផុតមួយ ក្នុងក្រុងព្រះសីហនុដែលបណ្តុំទៅដោយសេវាកម្មជាច្រើនដូចជា៖ Sihanoukville Adventure Club, Nitro Kart Circuit និង Fly Max Reverse Bungee។ ក្រុមហ៊ុន នេះដំណើរការប្រមូលផ្តុំដ៏ច្រើនបែបយ៉ាងនៃសេវាកម្មកម្សាន្តក្នុងផែនការអភិវឌ្ឍនៃក្រុមហ៊ុនមេរបស់ បេ អហ្វ ឡៃថ៍ស្ថិតក្នុងក្រុងរាម ធ្វើឱ្យមានកំណើនភ្ញៀវទេសចរ ក្នុងខេត្តព្រះសីហនុតាមរយៈការផ្តល់ជូននូវសេវាកម្មដ៏ល្អឥតខ្ចោះ ចំពោះសេវាកម្មទៅកាន់អតិថិជន ប្រកបដោយការចងចាំដ៏ល្អដែលមិនអាចបំភ្លេចបាន ។

សម្រាប់ព័ត៌មានផ្សេងៗទៀតអំពីក្រុមហ៊ុន បេ អហ្វ ឡៃថ៍ អេនធើធេនម៉ិនសូមចូលទៅកាន់គេហទំព័រ

ព័ត៌មានបន្ថែម សូមទំនាក់ទំនង៖

ធនាគារ វីង (ខេមបូឌា) ម.ក

លោក ចន សុរដ្ឋា

ប្រធានគ្រប់គ្រងជាន់ខ្ពស់ផ្នែកទំនាក់ទំនងសាធារណៈ

អ៊ីម៉េល: soratha.chan@wingbank.com.kh

ទូរសព្ទលេខ: ០២៣ ៩៩៩ ៨៩

ក្រុមហ៊ុន បេអហ្វ ឡៃថ៍ អេនធធេនម៉េន

កញ្ញា យស់ ផល្លា

ដៃគូរសហការ និងអ្នកគ្រប់គ្រងសាធារណៈ

អ៊ីម៉េល :paula.yous@bol-entertainment.com

ទូរសព្ទលេខ: ០៨១ ៦៦២ ០៩៧

The post បេ អហ្វ ឡៃថ៍ អេនធើធេនម៉ិន សហការជាមួយធនាគារ វីង បង្កើតភាពជាដៃគូយុទ្ធសាស្ត្រកាន់តែអសា្ចរ្យ appeared first on Kampuchea Thmey Daily.

រួមគ្នាដើម្បីឧត្តមភាពកីឡា៖ Bay of Lights Entertainment ប្រកាសភាពជាដៃគូជាមួយ ក្លិបបាល់ទាត់ឡាយហ្វ

Joly Heng — Tue, 20 Aug 2024 02:33:53 +0000

នៅថ្ងៃទី ២១ ខែសីហា ឆ្នាំ ២០២៤ Bay of Lights Entertainment (BOLE) ដែលជាក្រុមហ៊ុនបដិសណ្ឋារកិច្ច និងគ្រប់គ្រងទ្រព្យសកម្មឈានមុខគេរបស់កម្ពុជា មានសេចក្តីសោមនស្សរីករាយក្នុងការប្រកាសពីភាពជាដៃគូយុទ្ធសាស្ត្ររបស់ខ្លួន ជាមួយក្លិបបាល់ទាត់ឡាយហ្វខេត្តព្រះសីហនុ (Life FC)។ កិច្ចសហការនេះ គឺជាព្រឹត្តិការណ៍ដ៏សំខាន់មួយទៀតសម្រាប់ BOLE ដោយសហការជាមួយ Life FC ដែលជាក្លិបបាល់ទាត់លំដាប់កំពូលប្រចាំខេត្តព្រះសីហនុ ដើម្បីលើកកម្ពស់កីឡាករដែលពេញដោយសមត្ថភាព និងផ្តល់ឱកាសផ្សេងៗដល់កីឡាករ ដែលប្រកបដោយមហិច្ឆតា។ ភាពជាដៃគូនេះ មានគោលបំណងធ្វើឱ្យខេត្តព្រះសីហនុក្លាយជាមជ្ឈមណ្ឌលសម្រាប់ឧត្តមភាពកីឡា និងការកម្សាន្ត ដែលទាក់ទាញចំណាប់អារម្មណ៍ទាំងក្នុងស្រុក និងអន្តរជាតិ។

Bay of Lights Entertainment ចាប់ដៃគូជាមួយក្លិបបាល់ទាត់ឡាយហ្វ (Life Football Club) ដើម្បីបណ្តុះឧត្តមភាពកីឡា និងកីឡាករសក្ដានុពល ខេត្តព្រះសីហនុ

បង្កើតឡើងក្នុងឆ្នាំ ២០០៦ ដើម្បីជាផ្នែកមួយនៃបេសកកម្មរបស់សាកលវិទ្យាល័យឡាយហ្វ (Life University) ក្នុងការលើកកម្ពស់ការអប់រំនៅខេត្តព្រះសីហនុ Life FC បានក្លាយជាអត្តសញ្ញាណដ៏សំខាន់របស់សាកលវិទ្យាល័យ ដែលជានិមិត្តរូបនៃការរីកចម្រើនកីឡាបាល់ទាត់ក្នុងតំបន់។ រយៈពេលប៉ុន្មានឆ្នាំមកនេះ Life FC បានចូលរួមប្រកួតក្នុងកម្មវិធីប្រកួតផ្សេងៗ ដោយបង្ហាញទាំងពីសមត្ថភាព និងការលះបង់របស់កីឡាកររបស់ក្លិប។

ភាពជាដៃគូរវាង BOLE និង Life FC នឹងផ្តល់ឱកាសផ្សេងៗដល់កីឡាករក្នុងខេត្តព្រះសីហនុ ដើម្បីដុះខាត់ជំនាញ និងលើកកម្ពស់សមត្ថភាព ហើយតំណាងឱ្យទីក្រុងរបស់ពួកគេនៅលើឆាកអន្តរជាតិ។ ក្នុងនាមជាទូតសុច្ឆន្ទៈសម្រាប់គំនិតផ្តួចផ្តើមកីឡាផ្សេងៗទៀតរបស់ BOLE និង ក្លិប Life FC នឹងពង្រឹងការប្តេជ្ញាចិត្តរបស់ក្រុមហ៊ុនក្នុងការបណ្ដុះបណ្តាលកីឡាករសក្តានុពលក្នុងតំបន់បន្ថែមទៀត។ BOLE មានគោលបំណងបង្កើតឱកាសសម្រាប់កីឡាករដែលមានសមត្ថភាព ដើម្បីធ្វើឱ្យពួកគេមានភាពស្ទាត់ជំនាញក្នុងអាជីពកីឡារបស់ខ្លួន។

នាយកគ្រប់គ្រងនៃ Bay of Lights លោក David Richard បានមានប្រសាសន៍ថា៖ «ខ្ញុំពិតជារំភើបណាស់ដែលបានសហការគ្នាជាមួយ Life FC ដើម្បីលើកកម្ពស់ខេត្តព្រះសីហនុ ឱ្យក្លាយជាគោលដៅរីកចម្រើនសម្រាប់វិស័យកីឡាបាល់ទាត់ និងកីឡាផ្សេងៗទៀត»។ លោកបន្តថា៖ «តាមរយៈការបណ្ដាក់ទុនធនធានរបស់យើង យើងមានទំនុកចិត្តក្នុងការបង្កើតក្រុងព្រះសីហនុឱ្យក្លាយជាមជ្ឈមណ្ឌលកីឡា និងកន្លែងកម្សាន្តឈានមុខគេនៅកម្ពុជា ដែលទាក់ទាញចំណាប់អារម្មណ៍ពីទូទាំងពិភពលោក។ យើងនឹងពង្រីកការគាំទ្ររបស់យើងសម្រាប់កម្មវិធីកីឡាចម្រុះ បង្កើតឱកាសសម្រាប់កីឡាករជំនាន់ក្រោយ ដើម្បីផ្តល់ផលប្រយោជន៍ដល់សហគមន៍ និងភ្ញៀវរបស់យើង»។ លោកបន្ថែមទៀតថា៖ «យើងប្តេជ្ញាចិត្តយ៉ាងជ្រាលជ្រៅក្នុងការបំផុសគំនិត បណ្ដុះបណ្ដាល និងបញ្ចេញនូវសក្តានុពលកីឡាដែលគ្មានព្រំដែនកំណត់របស់តំបន់ ដោយធ្វើឱ្យខេត្តព្រះសីហនុក្លាយជាគោលដៅទេសចរណ៍ដែលមិនអាចខ្វះបានសម្រាប់កីឡា និងការកម្សាន្ត»។

ដើម្បីជាផ្នែកមួយនៃការប្តេជ្ញាចិត្តជំរុញក្រុមបាល់ទាត់ដែលកំពុងលូតលាស់ ក្រុមហ៊ុន BOLE នឹងណែនាំការបង្កើតក្រុមតាមរដូវកាល ក៏ដូចជាកម្មវិធីសម្រាកលំហែកាយសម្រាប់កីឡាករមកពីក្លិបបាល់ទាត់ឡាយហ្វ, ផ្តល់ឱកាសសម្រាប់កីឡាករក្នុងការសម្រាកលំហែ និងបញ្ចូលថាមពលឡើងវិញ ដោយធានាថា ពួកគេរក្សាបាននូវសុខុមាលភាពផ្លូវចិត្ត និងរាងកាយដ៏ល្អប្រសើរ។

ដើម្បីបង្ហាញពីការប្តេជ្ញាចិត្តរបស់កីឡាករចំពោះសហគមន៍ ក្រុមហ៊ុន BOLE នឹងរៀបចំការប្រកួតបាល់ទាត់សប្បុរសធម៌នៅចុងឆ្នាំនេះ ដោយនឹងនាំមកនូវកីឡាករបាល់ទាត់លំដាប់កំពូលៗរបស់កម្ពុជា និងកីឡាករពេញដោយសមត្ថភាពដែលជាកីឡាករឆ្នើម ដើម្បីជំរុញចំណាប់អារម្មណ៍សហគមន៍ និងបង្កើនការយល់ដឹងអំពីវប្បធម៌កីឡាដែលកំពុងរីកចម្រើននៅខេត្តព្រះសីហនុ។

Bay of Lights Entertainment ទទួលស្វាគមក្លិបបាល់ទាត់ឡាយហ្វ មកកាន់មជ្ឈមណ្ឌលអាជីវកម្មរបស់ Bay of Lights ខេត្តព្រះសីហនុ ប្រទេសកម្ពុជា។

អំពី Bay of Lights Entertainment

Bay of Lights Entertainment គឺជាក្រុមហ៊ុនបដិសណ្ឋារកិច្ច និងគ្រប់គ្រងទ្រព្យសកម្មឈានមុខគេនៅកម្ពុជា ដែលគ្រប់គ្រងកន្លែងសម្រាកលំហែកាយ និងកន្លែងកម្សាន្តដ៏ពេញនិយមបំផុតរបស់ខេត្តព្រះសីហនុ ដូចជាកន្លែងកម្សាន្តចម្រុះ Sihanoukville Adventure Club ទីលានប្រណាំងឡាន Nitro Kart Circuit និងកន្លែងជិះទោង Fly Max Reverse Bungee ជាដើម។ ក្រុមហ៊ុនដំណើរការកន្លែងកម្សាន្តចម្រុះជាច្រើន ក្នុងគម្រោងអភិវឌ្ឍន៍ Bay of Lights ក្នុងក្រុងរាម ដែលជំរុញកំណើនទេសចរណ៍របស់ខេត្តព្រះសីហនុ តាមរយៈសេវាកម្មពិសេស និងបទពិសោធន៍ដែលមិនអាចបំភ្លេចបាន។ សម្រាប់ព័ត៌មានបន្ថែមអំពី Bay of Lights Entertainment សូមចូលទៅកាន់គេហទំព័រ www.bayoflights-entertainment.com

Press Contact

Paula Yous

Partnerships and PR Manager

+855 (0) 81 662 097

paula.yous@bol-entertainment.com

The post រួមគ្នាដើម្បីឧត្តមភាពកីឡា៖ Bay of Lights Entertainment ប្រកាសភាពជាដៃគូជាមួយ ក្លិបបាល់ទាត់ឡាយហ្វ appeared first on Kampuchea Thmey Daily.

ក្រុមហ៊ុន Bay of Lights Entertainment សូមប្រកាសនូវកិច្ចសហប្រតិបត្តិការថ្មីដើម្បីធ្វើបរិវត្តកម្មបទពិសោធន៍អប់រំនៅក្រុងព្រះសីហនុ

Joly Heng — Mon, 19 Aug 2024 02:36:55 +0000

ថ្ងៃទី១៩ខែសីហា ២០២៤ ក្នុងដំណើរវិវឌ្ឍនៈផ្លាស់ប្តូរទៅរកទំនើបកម្មវិស័យអប់រំនៅក្រុងព្រះសីហនុ ក្រុមហ៊ុន Bay of Lights Entertainment (BOLE) សូមប្រកាសនូវភាពជាដៃគូដ៏សែនរីករាយ ជាមួយនិង សាលា Life International School ដែលជាស្ថាប័នអប់រំឈានមុខមួយនៅកម្ពុជា។

Bay of Lights Entertainment (BOLE) និង Life International School (LIS) នឹងធ្វើបរិវត្តកម្មបទពិសោធន៍អប់រំនៅក្រុងព្រះសីហនុ

លើកកិត្យានុភាពបទពិសោធន៍អប់រំ

សម្ព័ន្ធភាពយុទ្ធសាស្រ្តនេះនឹងផ្លាស់ប្តូរទិដ្ឋភាពអប់រំនៅក្រុងព្រះសីហនុ ដែលនឹងផ្តល់ឱ្យដល់សិស្សនូវឱកាសក្រេបយកចំណេះដឹងតាមមធ្យោបាយដ៏សម្បូរបែប។ ដោយការរួមបញ្ចូលនូវជំនាញដ៏ប៉ិនប្រសព្វរបស់ BOLE ក្នុងវិស័យសេវាកម្មកម្សាន្ត បដិសណ្ឋារកិច្ច និង ដំណើរកម្សាន្ត ភាពជាដៃគូនេះមានគោលបំណងធ្វើឱ្យកាន់តែជាក់ច្បាស់នូវការអភិវឌ្ឍជំនាញជីវិត បង្វឹកគំនិតច្នៃប្រឌិតរបស់សិស្ស និង លើកកម្ពស់ទំនាក់ទំនងសហគមន៍។

កិច្ចសហប្រតិបត្តិការនេះនឹងផ្តល់ឱ្យសិស្សក៏ដូចជាការបង្រៀននៃសាលា LIS នូវធនធានបទពិសោធន៍ដ៏សម្បូរបែប រួមទាំងការស្នាក់នៅ រីសត Summer Bay Beach Club & Cabins ការប្រើប្រាស់ទីលានប្រណាំងឡាន Nitro Kart និងសកម្មភាពកីឡាលើទឹក នៅ Sihanoukville Adventure Club។ តាមរយៈវិធីសាស្រ្តនេះ BOLE មានគោលបំណងផ្តល់ LIS នូវបទពិសោធន៍អប់រំប្រកបដោយបរិវត្តកម្ម ដែលរៀបចំឱ្យសិស្សទទួលបានជោគជ័យក្នុងអន្តរទំនាក់ទំនងពិភពលោក។

ការប្រមូលផ្តុំដើម្បីភាពជោគជ័យរបស់សិស្ស

ដោយការប្រមូលផ្តុំធនធានចម្រុះដ៏សម្បូរបែបរបស់ខ្លួន ភាពជាដៃគូរវាង BOLE និង LIS នឹងផ្តល់អំណាចឱ្យសិស្សបង្កើនឱកាសអភិវឌ្ឍខ្លួនរបស់ពួកគេ និងបណ្តុះបណ្តាលពួកគេជាមួយជំនាញក្នុងសតវត្សរ៍ទី២១។ តាមរយៈការផ្តល់សម្ភារៈឧបទេ្ទសទំនើបចុងក្រោយនិងជំរុញមហិច្ឆតារបស់សិស្ស កិច្ចសហប្រតិបត្តិការនេះនឹងបណ្តុះអ្នកច្នៃប្រឌិត ប្រជាពលរដ្ឋសកល និងអ្នកផ្លាស់ប្តូរប្រកបដោយការបង្កើតថ្មី ដើម្បីរុញការរីកចម្រើនរបស់ខេត្តព្រះសីហនុ។

តម្រង់ទិសអនាគតរបស់ខេត្តព្រះសីហនុ

ការវិនិយោគក្នុងឧត្តមភាពអប់រំរបស់ក្រុមហ៊ុន Bay of Lights Entertainment កំពុងតែជួយសាបព្រោះកម្លាំងការងារសកម្មត្រៀមសម្រាប់អនាគត ដែលនឹងរុញការរីកចម្រើនរបស់ទីក្រុងក្នុងប៉ុន្មានឆ្នាំខាងមុខ។ ជាមួយគ្នានេះ ពួកគេមានគោលជំហរធ្វើឱ្យខេត្តព្រះសីហនុក្លាយជា «មណ្ឌល» សម្រាប់ការផ្តល់អំណាចអ្នកដឹកនាំជំនាន់ក្រោយ។

លោក David Richard នាយកគ្រប់គ្រងនៃក្រុមហ៊ុន Bay of Lights បាននិយាយថា៖«កិច្ចសហប្រតិបត្តិការនេះនឹងលើសភាពជាដៃគូរវាងក្រុមហ៊ុនទាំងពីរ ព្រោះវាជាចក្ខុវិស័យសម្រាប់អនាគតនៃខេត្តព្រះសីហនុ»។ «យើងប្តេជ្ញាចិត្តគាំទ្របរិវត្តកម្មរបស់ទីក្រុងទៅជាមជ្ឍមណ្ឌលឧត្តមភាពអប់រំ»។

ភាពជាដៃគូរវាង Bay of Lights Entertainment និង Life International School បង្កើតប្រវត្តិសាស្រ្តក្នុងបេសកកម្មអប់រំរបស់ខេត្តព្រះសីហនុ ផ្តល់មធ្យោបាយសម្រាប់អនាគតដែលសិស្សប្រឹងសម្រេចឱ្យបាន ការរីកចម្រើនសហគមន៍ និងការស្ទុះងើបឡើងរបស់ទីក្រុងជាឧត្តមភាពនៃឱកាស។ លើសពីនេះ BOLE នឹង ដាក់ចេញកម្មវិធី ក្រោយការបញ្ចប់ការសិក្សា និង សកម្មភាពបន្ថែមលើកម្មវិធីសិក្សា ការវិនិយោគក្នុងការរីកចម្រើនពេញលេញនៃយុវជនខេត្តព្រះសីហនុ និងលើកកម្ពស់ទិដ្ឋភាពអប់រំរបស់ទីក្រុង។

អំពី Bay of Lights Entertainment

Bay of Lights Entertainment ជាក្រុមហ៊ុនបដិសណ្ឋារកិច្ចនិងគ្រប់គ្រងទ្រព្យសកម្មឈានមុខរបស់ប្រទេសកម្ពុជា ដែលនៅពីក្រោយសេវាកម្មទាក់ទាញដំណើរកម្សាន្តដ៏ពេញនិយមបំផុត និងសេវាកម្មកម្សាន្ត របស់ខេត្តព្រះសីហនុ ដូចជា Sihanoukville Adventure Club, Nitro Kart Circuit និង Fly Max Reverse Bungee។ ក្រុមហ៊ុននេះដំណើរការនូវការប្រមូលផ្តុំដ៏ច្រើនបែបយ៉ាងនៃសេវាកម្មកម្សាន្តក្នុងផែនការអភិវឌ្ឍមេនៃក្រុមហ៊ុនមេ Bay of Lights ក្នុងទីក្រុងរាម ដែលនឹងរុញច្រានកំណើនវិស័យទេសចរណ៍ខេត្តព្រះសីហនុតាមរយៈសេវាកម្មដ៏ល្អឥតខ្ចោះ និងបទពិសោធន៍ភ្ញៀវប្រកបដោយការចងចាំដ៏ល្អដែលមិនអាចបំភ្លេចបាន។

សម្រាប់ព័ត៌មានលម្អិតផ្សេងៗទៀតអំពី ក្រុមហ៊ុន Bay of Lights Entertainment, សូមមេត្តាចូលទៅកាន់គេហទំព័រ www.bayoflights-entertainment.com

The post ក្រុមហ៊ុន Bay of Lights Entertainment សូមប្រកាសនូវកិច្ចសហប្រតិបត្តិការថ្មីដើម្បីធ្វើបរិវត្តកម្មបទពិសោធន៍អប់រំនៅក្រុងព្រះសីហនុ appeared first on Kampuchea Thmey Daily.

រីសត Summer Bay Beach Club & Cabins ផ្ដល់ជូននូវពិធីមង្គលការលក្ខណៈពិសេសតាមមាត់ឆ្នេរដ៏រ៉ូមែនទិកបំផុតនៅក្នុងប្រទេសកម្ពុជា

Joly Heng — Mon, 06 May 2024 03:33:25 +0000

រីស៊ត Summer Bay Beach Club & Cabins ដែលជាគម្រោងដំបូងគេរបស់ក្រុមហ៊ុន Bay of Lights បានណែនាំទីតាំងសម្រាប់ការរៀបពិធីមង្គលការលក្ខណៈពិសេសតាមមាត់ឆ្នេរដ៏ល្អឥតខ្ចោះ ។ ស្ថិតក្នុងចំណោមតំបន់ធម្មជាតិនៃឧទ្យានជាតិរាម និងនៅតាមបណ្ដោយឆ្នេរដ៏ស្រស់ស្អាត គម្រោងអភិវឌ្ឍន៍លើផ្ទៃដីទំហំ ៩៣៤ ហិកតាមួយនេះ បង្ហាញពីទីតាំងរស់នៅ និងកន្លែងកម្សាន្តលំដាប់ពិភពលោកតែមួយគត់នៅក្នុងខេត្តព្រះសីហនុ រួមមានទាំងបន្ទប់សា្នក់នៅដ៏ប្រណិតចំនួន ៦០ បន្ទប់ អាងហែលទឹក សួនច្បារ កន្លែងស្ប៉ា កីឡាលើទឹក និងសកម្មភាពលេងកម្សាន្តលើឆ្នេរជាដើម ។

រាប់ចាប់ពីការធ្វើពិធីតាមបែបប្រពៃណី ការទទួលភ្ញៀវតាមបែបបស្ចិមប្រទេស រហូតដល់ការសុំរៀបអាពាហ៍ពិពាហ៍, ពិធីមង្គលការលក្ខណៈពិសេសតាមមាត់ឆ្នេរ ឬ Waterfront Weddings គឺជាជម្រើសដ៏ល្អឥតខ្ចោះសម្រាប់គូស្វាមីភរិយាថ្មីថ្មោង និងភ្ញៀវកិត្តិយសដើម្បីអបអរឱកាសដ៏ពិសេសមួយនេះ ។

កាលពីសប្តាហ៍មុនរីស៊តមាត់ឆ្នេរមួយនេះបានរៀបចំពិធីមង្គលការនៅលើឆ្នេរដ៏ស្រស់ស្អាតដែលមានការអញ្ជើញចូលរួមពីសំណាក់ភ្ញៀវកិត្តិយសចំនួន ៤០០ នាក់ជាមួយនឹងការរៀបចំបង្ហាញការបាញ់កាំជ្រួច ការប្រគំតន្ត្រី អាហារប៊ូហ្វេ និងសាច់អាំងជាមួយនឹងការគយគន់ទស្សនីយភាពថ្ងៃលិចនៅក្នុងខេត្តព្រះសីហនុ ។ ចំណែកភាពល្បីល្បាញរបស់រីស៊តលំដាប់ផ្កាយ ៤ មួយនេះគឺដោយសារតែបទពិសោធន៍សម្រាកលំហែកាយ និងកន្លែងកម្សាន្តជាប់មាត់ឆ្នេរជាដើម ហើយលោកអ្នកអាចថតរូប និងវីដេអូ ក៏ដូចជាទេសភាពដ៏ស្រស់បំព្រងជាច្រើនផ្សេងទៀតដើម្បីផ្សព្វផ្សាយពីបរិវេណរីសត រួមទាំងអាងហែលទឹកខ្នាតធំ សួនច្បារ និងផែនៅជាប់មាត់សមុទ្រ ។ រូបភាពកម្មវិធីនៅទីនេះ

លើសពីនេះទៀត ពីរីស៊តទៅកាន់កោះឋានសួគ៌ដូចជា កោះរ៉ុង និងថ្មប៉ប្រះទឹកនៃឧទ្យានជាតិរាម លោកអ្នកចំណាយពេលត្រឹមតែ ៣០ នាទីប៉ុណ្ណោះ ហើយវាជាភាពងាយស្រួលមួយក្នុងការស្វែងរកតំបន់ឆ្នេរសមុទ្រផ្សេងទៀតរបស់កម្ពុជា ។ ចំណែកអាកាសយានដ្ឋានអន្តរជាតិក្រុងព្រះសីហនុក៏មានចម្ងាយមិនដល់ ១៤ គីឡូម៉ែត្រផងដែរពីរីស៊តមួយនេះ ស្របពេលដែលបច្ចុប្បន្នក៏មានផ្លូវល្បឿនលឿន ភ្នំពេញ-ព្រះសីហនុដែលធ្វើដំណើរមិនដល់ ២ ម៉ោងផង ។

អ្នកគ្រប់គ្រងទូទៅនៃក្រុមហ៊ុន Bay of Lights លោក David Richard Dobson បាននិយាយថា “ការរៀបចំពិធីមង្គលការលក្ខណៈពិសេសតាមមាត់ឆ្នេរ ឬ Waterfront weddings នៅរីស៊ត Summer Bay Beach Club & Cabins គឺជាការចាប់ផ្តើមនៃដំណើរដ៏ពិសេសមួយសម្រាប់ពួកយើង ។ ទីតាំងមាត់សមុទ្រតែមួយគត់របស់យើង បូករួមភាពរស់រវើកនៃរីសតសម្រាកលំហែកាយ រួមជាមួយនឹងគ្រឿងបរិក្ខារ និងសេវាកម្មជាច្រើន បង្ហាញពីការប្តេជ្ញាចិត្តរបស់យើងក្នុងការលើកកម្ពស់បទពិសោធន៍ផ្នែកបដិសណ្ឋារកិច្ចក្នុងខេត្តព្រះសីហនុ ។

ការរៀបចំពិធីមង្គលការជាលក្ខណៈពិសេសតាមមាត់ឆ្នេរនៅក្នុងប្រទេសកម្ពុជាកំពុងមានការកើនឡើងគួរឲ្យកត់សម្គាល់ និងជាបទពិសោធន៍ចងចាំដ៏រំភើប ។ នៅពេលដែលគូស្វាមីភរិយាកាន់តែច្រើនជ្រើសរើសគោលដៅរៀបចំពិធីមង្គលការនៅក្នុងប្រទេសកម្ពុជា និងនៅអាស៊ីអាគ្នេយ៍ សេដ្ឋកិច្ចក្នុងស្រុកក៏ទទួលបានអត្ថប្រយោជន៍ផងដែរពីលំហូរនៃភ្ញៀវអន្តរជាតិ ជំរុញទេសចរណ៍ និងសេវាកម្មពាក់ព័ន្ធ ។

កុំភ្លេច! ថតរូបអនុស្សាវរីយ៍ជាមួយទូរស័ព្ទ Vivo!

សូមកុំឲ្យខកខានឱកាសដើម្បីអបអរសាទរថ្ងៃពិសេសរបស់អ្នកនៅក្នុងកន្លែងរៀបចំពិធីមង្គលការដ៏រ៉ូមែនទិកបំផុតក្នុងប្រទេសកម្ពុជា ។ សហការជាមួយក្រុមហ៊ុនទូរស័ព្ទ Vivo, ពិធីមង្គលការលក្ខណៈពិសេសតាមមាត់ឆ្នេរ ឬ Waterfront Weddings បានដាក់ចេញកញ្ចប់ពិសេស “V25 Pro Giveaway” ចាប់ពីថ្ងៃទី១ ខែឧសភា រហូតដល់ថ្ងៃទី៣០ ខែមិថុនា ឆ្នាំ ២០២៤ ។ គូស្នេហ៍ ៣ នាក់ដំបូងដែលកក់កញ្ចប់អាពាហ៍ពិពាហ៍នឹងទទួលបានទូរស័ព្ទដៃ Vivo V25 Pro មួយគ្រឿងដោយឥតគិតថ្លៃ ដោយគ្រាន់តែនិយាយថា “ខ្ញុំនឹងរៀបពិធីមង្គលការ” នៅរីសត Summer Bay Beach Club & Cabins ដើម្បីបំពេញក្តីស្រមៃរបស់គូស្វាមីភរិយាថ្មីៗ ។

សម្រាប់ព័ត៌មានលម្អិត និងព័ត៌មានបន្ថែម សូមចូលទៅកាន់គេហទំព័រ www.bayoflights-entertainment.com

អំពីក្រុមហ៊ុន Bay of Lights

ក្រុមហ៊ុន Bay of Lights មានគម្រោងអភិវឌ្ឍន៍ក្នុងសង្កាត់ចំនួន ៩ ដែលក្នុងសង្កាត់នីមួយៗគាំទ្រដោយសសរស្តម្ភស្នូលចំនួន ៦ គឺសេវាហិរញ្ញវត្ថុ ទេសចរណ៍ ការកម្សាន្ត និងរបៀបរស់នៅ សុខភាព និងភាពសុខសប្បាយ ការអប់រំ និងសិល្បៈ និងវប្បធម៌ ។ មានទីតាំងនៅក្នុងក្រុងរាម ការអភិវឌ្ឍន៍ដ៏ធំត្រូវបានជំរុញដោយចក្ខុវិស័យដើម្បីបង្កើតជាគោលដៅហិរញ្ញវត្ថុ និងទេសចរណ៍លំដាប់ពិភពលោក ។ យុទ្ធសាស្ត្ររបស់គម្រោងមាត់សមុទ្រទំហំ ៩៣៤ ហិកតា ជំរុញឲ្យមានទំនាក់ទំនងរវាងវិស័យចម្រុះ ជំរុញកំណើនសេដ្ឋកិច្ច និងជំរុញឲ្យមានវប្បធម៌រស់រវើករួមបញ្ចូលគ្នា ។

តាមរយៈការប្តេជ្ញាចិត្តនៃគោលការណ៍និរន្តរភាព និងបទពិសោធន៍នៃការរស់នៅទីក្រុងដ៏ប្រណិត, ក្រុមហ៊ុន Bay of Lights ស្វែងរកការរួមចំណែកដល់វឌ្ឍនភាព និងការរីកចម្រើនយូរអង្វែងសម្រាប់ប្រជាពលរដ្ឋ ភ្ញៀវទេសចរ និងអាជីវកម្មរបស់ខេត្តព្រះសីហនុ ៕

Paula Yous
Partnerships and PR Manager
+855 (0) 81 662 097
paula.yous@bol-entertainment.com

The post រីសត Summer Bay Beach Club & Cabins ផ្ដល់ជូននូវពិធីមង្គលការលក្ខណៈពិសេសតាមមាត់ឆ្នេរដ៏រ៉ូមែនទិកបំផុតនៅក្នុងប្រទេសកម្ពុជា appeared first on Kampuchea Thmey Daily.

គម្រោងអភិវឌ្ឍន៍ Bay of Lights និងក្រុមហ៊ុន Ascott បានចាប់ដៃគូគ្នាដើម្បីកំណត់ស្តង់ដារថ្មីសម្រាប់វិស័យបដិសណ្ឋារកិច្ចនៅខេត្តព្រះសីហនុ ប្រទេសកម្ពុជា

Joly Heng — Thu, 11 Apr 2024 02:43:36 +0000

[ព្រះសីហនុ ប្រទេសកម្ពុជា — ថ្ងៃទី១០ ខែមេសា ឆ្នាំ២០២៤] ការបោះជំហ៊ានក្នុងការអភិវឌ្ឍន៍គម្រោង Bay of Lights ក្រុមហ៊ុន Canopy Sands Development (CSD) បានបង្កើតភាពជាដៃគូដ៏សំខាន់មួយជាមួយ The Ascott Limited (Ascott) ដែលជាក្រុមហ៊ុនបដិសណ្ឋារកិច្ចដ៏ល្បីរបស់ CapitaLand Investment ។

កិច្ចសហការនេះផ្ដល់ឲ្យAscott នូវការគ្រប់គ្រងគម្រោង Summer Bay Beach Club & Cabins (Summer Bay) ក្រោមម៉ាកយីហោ Preference និង Oakwood Bay of Lights Sihanoukville ស្ថិតនៅក្នុងគម្រោង Bay of Lights ដែលជាគម្រោងអភិវឌ្ឍន៍ឆ្នេរសមុទ្រទំហំ 934 ហិកតា ក្នុងគោលបំណងប្រែក្លាយវិស័យសេវាកម្មហិរញ្ញវត្ថុ និងទេសចរណ៍នៃក្រុងព្រះសីហនុ។

ពិធីចុះហត្ថលេខាជាផ្លូវការបានធ្វើឡើងនៅ មជ្ឈមណ្ឌលពាណិជ្ជកម្ម នៃគម្រោងអភិវឌ្ឍន៍ Bay of Lights ដែលទើបនឹងសាងសង់ថ្មីក្នុងក្រុងព្រះសីហនុ ដោយមានការចូលរួមពីនាយកប្រតិបត្តិនៃ Ascott និង CSD ដែលបង្ហាញពីការប្ដេជ្ញាចិត្តទ្វេភាគីក្នុងការលើកកម្ពស់ឧស្សាហកម្មទេសចរណ៍នៅកម្ពុជា។

តាមរយៈសម្ព័ន្ធភាពនេះ Ascott និង CSD គ្រោងនឹងនាំម៉ាកយីហោសណ្ឋាគារអន្តរជាតិដ៏ល្បីល្បាញមកកាន់គម្រោងអភិវឌ្ឍន៍ Bay of Lights ដែលមិនត្រឹមតែគាំទ្រដល់កំណើនភ្ញៀវទេសចរអន្តរជាតិនោះទេ ថែមទាំងជួយកំណត់ស្តង់ដារថ្មីនៃផ្នែកបដិសណ្ឋារកិច្ចរបស់ Summer Bay by Preference ទៀតផងដែរ។ យុទ្ធសាស្រ្តនេះត្រូវបានដាក់ចេញក្នុងគោលដៅពង្រីកវត្តមានសណ្ឋាគារអន្តរជាតិឲ្យកាន់តែរីកសាយនៅក្នុងតំបន់ ដើម្បីផ្តល់ជូននូវការស្នាក់នៅគ្រប់ជម្រើសសម្រាប់បំពេញរាល់តម្រូវការរបស់អតិថិជន។

លោក David Richard នាយកគ្រប់គ្រងនៃ គម្រោងអភិវឌ្ឍន៍ Bay of Lights Entertainment for Summer Bay បានបង្ហាញសុទិដ្ឋិនិយមដោយបញ្ជាក់ថា “ភាពជាដៃគូជាមួយ Ascott នេះគឺឈរលើបន្ទាត់ស្របជាមួយចក្ខុវិស័យរបស់យើងក្នុងការលើកកម្ពស់វិស័យបដិសណ្ឋារកិច្ច និងទេសចរណ៍ក្នុងខេត្តព្រះសីហនុ។ យើងជឿជាក់ថា តាមរយៈការផ្តល់ជូនបទពិសោធលំដាប់ពិភពលោក និងគ្រប់ជម្រើសសម្រាប់រាល់តម្រូវការ យើងអាចទាក់ទាញភ្ញៀវទេសចរកាន់តែច្រើន និងលើកកម្ពស់កេរ្តិ៍ឈ្មោះរបស់ គម្រោងអភិវឌ្ឍន៍ Bay of Lights ក៏ដូចជាប្រទេសកម្ពុជា ក្នុងនាមជាជម្រើសគោលដៅឈានមុខគេមួយ»។

គោលបំណងរបស់ក្រុមហ៊ុនទាំងពីរក្រោមភាពជាដៃគូនេះ គឺការចែករំលែកចំណេះដឹងប្រកបដោយអត្ថប្រយោជន៍ និងការប្រើប្រាស់បច្ចេកវិទ្យាឱ្យគ្នាទៅវិញទៅមក។ ផ្អែកតាមប្រព័ន្ធគ្រប់គ្រងដ៏ទំនើប និងការយកចិត្តទុកដាក់របស់ Ascott ក្នុងការពង្រឹងសមត្ថភាពជំនាញរបស់ប្រជាជនក្នុងសហគមន៍ នឹងអនុញ្ញាតឲ្យកិច្ចសហការនេះបន្តឆ្ពោះទៅសម្រេចគោលដៅរួមក្នុងការលើកកម្ពស់គម្រោងអភិវឌ្ឍន៍ Bay of Lights បន្ថែមទៀត ក៏ដូចជាលើកមុខមាត់ខេត្តព្រះសីហនុ ព្រមទាំងផ្សព្វផ្សាយប្រទេសកម្ពុជា ជាគោលដៅទេសចរណ៍ដែលពេញនិយមដល់មនុស្សរាប់លាននាក់ តាមរយៈកម្មវិធីសមាជិកជុំវិញពិភពលោករបស់ Ascott។

“យើងមានសេចក្តីរំភើបរីករាយដែលបានក្លាយជាផ្នែកមួយនៃចក្ខុវិស័យប្រកបដោយមហិច្ឆតារបស់ គម្រោងអភិវឌ្ឍន៍ Bay of Lights ។ តាមរយៈការរួមបញ្ចូលគ្នានៃជំនាញជាក់លាក់របស់យើងនៅក្នុងវិស័យបដិសណ្ឋារកិច្ច ជាមួយនឹងយុទ្ធសាស្រ្តអភិវឌ្ឍន៍ដ៏រឹងមាំរបស់ CSD យើងកំពុងបង្កើតបទពិសោធដែលមិនអាចប្រៀបផ្ទឹមបានដែលនឹងកំណត់ស្តង់ដារថ្មីនៅក្នុងវិស័យបដិសណ្ឋារកិច្ចនៅកម្ពុជា” ។ នេះបើតាមអ្នកនាំពាក្យរបស់ លោក David Cumming អ្នកគ្រប់គ្រងទូទៅប្រចាំតំបន់នៃប្រទេសវៀតណាម កម្ពុជា និងមីយ៉ាន់ម៉ា នៃក្រុមហ៊ុន The Ascott Limited។

ក្នុងការពង្រឹងការប្តេជ្ញាចិត្តរយៈពេលវែងនេះ កិច្ចព្រមព្រៀងបានគូសបញ្ជាក់អំពីផែនការពង្រីកសេវាកម្មស្នាក់នៅ សណ្ឋាគារ វីឡា រីសត និងផែនការក្នុងការអភិវឌ្ឍលើប្រភេទលំនៅឋានយីហោប្រណីត ដែលរចនាឡើងសម្រាប់អភិជនលំដាប់កំពូល ដែលនឹងជួយលើកកម្ពស់បទពិសោធនៃការស្នាក់នៅដ៏ប្រណិតក្នុងតំបន់។

លើសពីការពង្រីកខ្លួនរបស់ Ascott មកទឹកដីកម្ពុជា ភាពជាដៃគូនេះក៏បង្ហាញពីជំនឿរួមគ្នាលើទីផ្សារកម្ពុជា ព្រមទាំងជាសក្ខីភាពនៃការជឿជាក់លើចក្ខុវិស័យរបស់គម្រោងគម្រោងអភិវឌ្ឍន៍ Bay of Lights ក្នុងការក្លាយខ្លួនទៅជាមជ្ឈមណ្ឌលទេសចរណ៍អន្តរជាតិដ៏លេចធ្លោមួយផងដែរ៕

The post គម្រោងអភិវឌ្ឍន៍ Bay of Lights និងក្រុមហ៊ុន Ascott បានចាប់ដៃគូគ្នាដើម្បីកំណត់ស្តង់ដារថ្មីសម្រាប់វិស័យបដិសណ្ឋារកិច្ចនៅខេត្តព្រះសីហនុ ប្រទេសកម្ពុជា appeared first on Kampuchea Thmey Daily.

គម្រោង Bay of Lights Archives - Kampuchea Thmey Daily

ក្រុមហ៊ុនចិនធំៗ បោះទុន​វិនិយោគ​ខ្ទង់ពាន់​លាន​ដុល្លារ​ កំពុងមានវត្តមាននៅកម្ពុជា

គម្រោង​អភិវឌ្ឍន៍ ​Bay of Lights ​នឹង​តភ្ជាប់កម្ពុជាទៅ​ទីផ្សារអន្តរជាតិបន្ថែមទៀត