គាំងបេះដូងស្លាប់ Archives - Kampuchea Thmey Daily

បុរសម្នាក់ដាច់ខ្យល់ស្លាប់នៅក្នុងព្រៃពេលដើរឆ្លុះកង្កែប សង្ស័យជំងឺគាំងបេះដូង

អុន ស្រីមាន — Tue, 06 May 2025 07:06:06 +0000

ដើម្បីរកម្ហូបដោះស្រាយជីវភាពគ្រួសារប្រចាំថ្ងៃ បុរសម្នាក់ នាំគ្នាមួយក្រុមទៅឆ្លុះកង្កែប តែអកុសលបុរសម្នាក់ក្នុងចំណោម ៣នាក់ បានបាត់បង់ជីវិតបន្ទាប់ពីពួកគេនាំគ្នាទៅឆ្លុះកង្កែប នៅក្នុងព្រៃ។ ហេតុការណ៍នេះ បានកើតឡើង នៅថ្ងៃទី៥ ខែឧសភា ឆ្នាំ២០២៥ ស្ថិតក្នុងភូមិពូទុង ឃុំចុងផ្លាស់ ស្រុកកែវសីមា ខេត្តមណ្ឌលគិរី។

ជនរងគ្រោះ ឈ្មោះ មើល យ៉ាន ភេទប្រុស អាយុ៤៥ឆ្នាំ មុខរបរកសិករ មានទីលំនៅបច្ចុប្បន្នភូមិពូទុង ឃុំចុងផ្លាស់ ស្រុកកែវសីមា ខេត្តមណ្ឌលគិរី។ បើតាមសាក្សីត្រូវជាបងប្អូនជីដូនមួយដែលទៅឆ្លុះកង្កែបជាមួយជនរងគ្រោះបានឲ្យដឹងថា មុនពេលកើតហេតុ គេបាននាំគ្នាទៅឆ្លុះកង្កែបនៅក្នុងព្រៃ មានគ្នា៣នាក់ ទី១ ឈ្មោះ មឿង ខ្វេ ភេទប្រុស អាយុ៣៦ឆ្នាំ, ទី២ឈ្មោះ មឿង ច្រេក ភេទប្រុសអាយុ២៨ឆ្នាំ និងទី៣ឈ្មោះ មើល យ៉ាន ភេទប្រុសអាយុ៤៥ឆ្នាំ។ នៅវេលាម៉ោង២០ និង ៣០នាទីថ្ងៃទី៤ខែឧសភា ពួកគេបាននាំគ្នា ទៅរកកង្កែបនៅក្នុងព្រៃដែលឆ្ងាយពីភូមិប្រហែល០៦គីឡូម៉ែត្រ ពេលដែលរកកង្កែបរហូតដល់ម៉ោងប្រហែល ១២យប់ ឈានចូលថ្ងៃទី៥ ខែឧសភា ឆ្នាំ២០២៥ ជនរងគ្រោះបាននិយាយថា ខ្លួនចុកជើង ចុកចង្កេះហើយហត់ទៀត ក៏បបួលគ្នាគ្នាសម្រាកនៅទីនោះ រហូតដល់ម៉ោង៦ ព្រឹកនៅថ្ងៃទី៥ ខែឧសភា ឆ្នាំ២០២៥ ពួកខ្លួនបានហៅជនរងគ្រោះក៏ឃើញមានស្រមោចរោមមុខមាត់ជនរងគ្រោះ ហើយពួកគេក៏បានបោសស្រមោចពីមុខ និងមាត់របស់ជនរងគ្រោះ រួចហៅឱ្យងើបឡើង តែជនរងគ្រោះមិនងើបនោះទេ ទើបដឹងថាគាត់ស្លាប់។

បន្ទាប់ពីដឹងថាជនរងគ្រោះស្លាប់ ក៏តេទូរសព្ទប្រាប់លោក កេង សុភីន ហើយលោក បានរាយការណ៍ទៅលោកនាយប៉ុស្ដិ៍ចុងផ្លាស់ ភ្លាមនោះក៏ឃើញលោកនាយប៉ុស្ដិ៍ និងមន្រ្តីព្រមទាំងប្រជាការពារមកដល់កន្លែងសាកសពតែម្តង។ បើតាមការឲ្យដឹងពី លោក អន មុន្នីរិទ្ធ អ្នកនាំពាក្យស្នងការនគរបាលខេត្តមណ្ឌលគិរីបានឲ្យដឹងថា យោងតាមការឆ្លើយបំភ្លឺរបស់ប្រពន្ធជនរងគ្រោះ ឈ្មោះ ផេត ឌី បានរៀបរាប់ថា កន្លងមកប្ដីរបស់ខ្លួន ធ្លាប់មានជំងឺ ស្ពឹកដៃស្ពឹកជើង ហើយធ្លាប់ទៅព្យាបាលនៅមន្ទីរពេទ្យបង្អែកខេត្តមណ្ឌលគិរី និងធ្លាប់មានជំងឺលើសឈាម ជំងឺគាំងបេះដូងផងដែរ។ ក្រោយការកោសល្យវិច័យពីមន្ត្រីជំនាញរបស់ស្នងការនគរបាលខេត្តមណ្ឌលគិរី បានពិនិត្យទៅលើសពជនរងគ្រោះ តាមដងខ្លួនអវយវៈ មិនមានការដាច់រលាត់ ឬស្លាកស្នាមអ្វីគួរកត់សម្គាល់នោះឡើយ។ សមត្ថកិច្ចជំនាញសន្និដ្ឋានថា សាកសពខាងលើនេះ ពិតជាបានដាច់ខ្យល់ស្លាប់ដោយគាំងបេះដូង អាចបណ្តាលមកពីជំងឺ បេះដូងពិតប្រាកដមែន ដោយមិនជាប់ពាក់ព័ន្ធនឹងអំពើឃាតកម្មឡើយ។

បច្ចុប្បន្ន សាកសពជនរងគ្រោះខាងលើត្រូវបានសមត្ថកិច្ចនិង អាជ្ញាធរភូមិ-ឃុំ ប្រគល់ជូនគ្រួសារធ្វើបុណ្យតាមប្រពៃណី៕

អត្ថបទ៖រៀម សុខហេង

The post បុរសម្នាក់ដាច់ខ្យល់ស្លាប់នៅក្នុងព្រៃពេលដើរឆ្លុះកង្កែប សង្ស័យជំងឺគាំងបេះដូង appeared first on Kampuchea Thmey Daily.

ស្ត្រីមានផ្ទៃពោះជិតគ្រប់ខែម្នាក់ មិនស្រួលខ្លួន ឈឺក្បាល ទិញថ្នាំ Panadol លេប ២ គ្រាប់ ក៏គាំងបេះដូងស្លាប់

អ៊ិន ពិសី — Mon, 25 Nov 2024 09:03:50 +0000

ស្ត្រីកម្មការិនីកាត់ដេរម្នាក់ ស្លាប់បាត់បង់ជីវិតទាំងកូនក្នុងផ្ទៃ ៩ ខែ ក្រោយមកពីធ្វើការហើយមិនស្រួលខ្លួន ដោយសារឈឺក្បាលមួយយប់ បានទិញថ្នាំ Panadol លេបចំនួន ២ គ្រាប់ ក៏គាំងបេះដូងស្លាប់ទាំងព្រឹក។

ហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោង ៧ ព្រឹក ថ្ងៃទី ២៥ ខែវិច្ឆិកា ឆ្នាំ ២០២៤ នៅភូមិទួលសង្កាត់ពន្សាំង ខណ្ឌព្រែកព្នៅ រាជធានីភ្នំពេញ។ ជនរងគ្រោះមានឈ្មោះ វ៉ូ កញ្ញា អាយុ ៣៤ ឆ្នាំ ជាកម្មការិនីកាត់ដេរ។

បើតាមប្រភពពីប្ដីជនរងគ្រោះឈ្មោះ ផូ ផាន ហៅ គរ ជាកម្មករ បានឲ្យដឹងថា កាលពីវេលាម៉ោងប្រហែល ៥ ល្ងាច ថ្ងៃទី ២៤ ខែវិច្ឆិកា ឆ្នាំ ២០២៤ ស្ត្រីរងគ្រោះបានត្រឡប់មកពីធ្វើការវិញ ហើយបានរៀបចំដាំបាយហូប។ លុះពេលហូបបាយរួច ក៏នាំគ្នាសម្រាកមួយសន្ទុះ នៅវេលាម៉ោងប្រមាណ ១០ យប់ ស្រាប់តែប្រពន្ធមានអាការមិនស្រួលខ្លួន ឈឺក្បាលខ្លាំង ហើយគាត់ក៏បានយកប្រេងខ្យល់ជួយរឹត រួចក៏បាននាំគ្នាសម្រាកទៅ។

បុរសជាប្ដីបានបន្តទៀតថា នៅវេលាម៉ោងប្រមាណ ៥ ទៀបភ្លឺ ថ្ងៃទី ២៥ វិច្ឆិកា ប្រពន្ធមានអាការឈឺក្បាលម្ដងទៀត ហើយបានឲ្យកូនប្រុសអាយុ ១៤ ឆ្នាំ ទៅទិញថ្នាំឈឺក្បាល ម៉ាក Panadol លេបអស់ចំនួន ២ គ្រាប់ ក៏មានអាការមិនស្រួលខ្លួន ប្រកាច់បែកពពុះមាត់ ខាំមាត់ ហើយគាត់ក៏បានទៅប្រាប់អ្នកជិតខាង បងប្អូនមកជួយមើល។ ក្រោយមកប្រពន្ធរបស់គាត់ដាច់ខ្យល់ស្លាប់នៅលើផ្ទះទាំងមានផ្ទៃពោះ ៩ ខែ។ បន្ទាប់ពីប្រពន្ធស្លាប់ ក៏បានរាយការណ៍ប្រាប់សមត្ថកិច្ច បង្កឲ្យមានការភ្ញាក់ផ្អើលតែម្ដង។

ក្រោយពេលកើតហេតុនគរបាលការិយាល័យបច្ចេកទេស និងវិទ្យាសាស្ត្រ និងក្រុមគ្រូពេទ្យតុលាការ បានធ្វើការសន្និដ្ឋានថា ស្ត្រីរងគ្រោះស្លាប់ដោយសារគាំងបេះដូងបណ្ដាលមកពីឡើងសម្ពាធឈាម៕

អត្ថបទ ៖ ម៉េង

The post ស្ត្រីមានផ្ទៃពោះជិតគ្រប់ខែម្នាក់ មិនស្រួលខ្លួន ឈឺក្បាល ទិញថ្នាំ Panadol លេប ២ គ្រាប់ ក៏គាំងបេះដូងស្លាប់ appeared first on Kampuchea Thmey Daily.

នាំស្រីស្នេហ៍ចូលដេកផ្ទះសំណាក់ ស្រាប់តែគាំងបេះដូងស្លាប់

Kang Tola — Thu, 13 Jun 2024 11:09:00 +0000

ភ្នំពេញ ៖ បុរសម្នាក់ នាំស្រីស្នេហ៍ចូលទៅដេកផ្ទះសំណាក់ មួយកន្លែងស្រាប់តែមានអាការៈមិនស្រួលខ្លួនគាំងបេះដូងស្លាប់ ផ្អើលឆោឡោ ហៅក្រុមគ្រូពេទ្យទៅជួយ តែពិនិត្យជាក់ស្តែង បុរសខាងលើបានស្លាប់បាត់ទៅហើយ។

ហេតុការណ៍នេះបានកើតឡើងកាលពីវេលាម៉ោង៣និង៤០នាទីរសៀល ថ្ងៃទី១៣ ខែមិថុនា ឆ្នាំ២០២៤ នៅផ្ទះសំណាក់មួយកន្លែង យីហោ ភិពភសួគ៍១ បន្ទប់លេខ២០៤ ជាន់ទី២ តាមបណ្តោយផ្លូវចោមចៅ ភូមិជ្រៃកោង សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ។

ជនរងគ្រោះមានឈ្មោះ រស់ បុណ្ណ ភេទប្រុស អាយុ៥៩ឆ្នាំ មានទីលំនៅផ្ទះលេខ២៥០ ភូមិសន្សំកុសល២ សង្កាត់បឹងទំពុន ខណ្ឌមានជ័យ។ ចំណែកស្រីស្នេហ៍មានឈ្មោះ ឯម ស្រីលីន ហៅគង់ អាយុ៤៣ឆ្នាំ ស្នាក់នៅផ្ទះជួលភូមិព្រៃកី«ខ» សង្កាត់ពងទឹក ខណ្ឌដង្កោ មានស្រុកកំណើតនៅឯងស្រុកគីរីវង់ ខេត្តតាកែវ។

តាមប្រភពបានឱ្យដឹងថា គូស្នេហ៍វ័យចំណាស់ទាំង២នាក់ ធ្លាប់នាំគ្នាចូលដេកសម្រាកនៅផ្ទះសំណាក់ខាងលើ ស្រាប់តែនៅវេលាម៉ោង២និង១៥នាទីរសៀល ថ្ងៃទី១៣ ខែមិថុនា ឆ្នាំ២០២៤ អ្នកទាំង២បាននាំគ្នា ធ្វើដំណើរតាមរថយន្តLexus RX330 មួយគ្រឿង ទៅចូលផ្ទះសំណាក់ តែបន្ទប់ខាងជាន់ក្រោមអស់ ភ្ញៀវចូលសម្រាកពេញ អ្នកគ្រប់គ្រងក៏បានប្រាប់ដែរ បើទទួលយកបាន មានតែបន្ទប់ជាន់ទី២ ជនរងគ្រោះនិងស្រីស្នេហ៍ យល់ព្រម ក៏ឡើងទៅដេកសម្រាកនៅបន្ទប់២០៤ ជាន់ទី២ លុះដល់វេលាម៉ោង៣និង៤០នាទីរសៀលថ្ងៃដដែល ស្រាប់តែខាងប្រុសគាំងបេះដូង ខាងស្រីចុះមកតាមហៅ ម្ចាស់ផ្ទះឱ្យជួយ ហៅរថយន្តសង្គ្រោះ ទៅដល់ភ្លាមៗ ក្រុមគ្រូពេទ្យពិនិត្យជាក់ស្តែងបានស្លាប់បាត់ទៅហើយ តាំងពីមុនគ្រូពេទ្យទៅដល់ម្ល៉េះ។

បើតាមភាគីខាងស្រីបានឱ្យដឹងថា គាត់ជាប្រពន្ធក្រៅច្បាប់ ហើយបុរសរងគ្រោះគាត់មានជំងឺបេះដូង កន្លងមកធ្លាប់ដេកនៅជាមួយគ្នា ស្រាប់តែលើកនេះជួបរឿងបែបនេះតែម្តង។

បន្ទាប់ពីមានករណីខាងលើ សមត្ថកិច្ច អាជ្ញាធរចុះទៅពិនិត្យសាកសួរ ធ្វើកោសល្យវិច័យ មុននឹងប្រគល់សពជូនក្រុមគ្រួសារចាត់ចែងដឹកយកទៅធ្វើបុណ្យតាមប្រពៃណី៕

ដោយ ៖ សុខា

The post នាំស្រីស្នេហ៍ចូលដេកផ្ទះសំណាក់ ស្រាប់តែគាំងបេះដូងស្លាប់ appeared first on Kampuchea Thmey Daily.

បុរសម្នាក់ រួមរ័កជាមួយសុនខ គាំងបេះដូងស្លាប់ទាំងមនុស្ស និងសត្វ

Sorn Phanith — Thu, 24 Feb 2022 04:40:50 +0000

បុរសម្នាក់ ត្រូវគេប្រទះឃើញដេកស្លាប់នៅក្នុងខ្ទមស្រែ ក្នុងសភាពអាក្រាតកាយល្វែងខាងក្រោម ដោយប្រដាប់ភេទនៅជាប់ជាមួយអវយវៈភេទរបស់សត្វឆ្កែញី ១ ក្បាល ដែលដេកងាប់ក្នុងចំណង ដែលខ្ទមស្រែមួយនេះ មានចម្ងាយពីភូមិប្រហែល ៣០០ ម៉ែត្រ ត្រង់ចំណុច វាលណងយ៉ាប៉ង់ ស្ថិតក្នុងភូមិ ៤ ឃុំភូលេខ ស្រុកបានផៃ ខេត្តខនកែន ប្រទេសថៃ។

សាក្សីដែលបានឃើញហេតុការណ៍ដំបូង និងស្គាល់ជនរងគ្រោះយ៉ាងច្បាស់ ព្រោះគេចូលចិត្តដើរលួចតែខោលីអូស្រីៗក្នុងភូមិតែប៉ុណ្ណោះ គេបាននិយាយថា នៅវេលាម៉ោងប្រហែល ៩ ព្រឹក កាលពីថ្ងៃទី ២៣ ខែកុម្ភៈ ឆ្នាំ ២០២២ គឺគាត់បានធ្វើដំណើរទៅស្រែដូចសព្វមួយដង ដោយបានឆ្លងកាត់ក្បែរខ្ទមស្រែរបស់ជនរងគ្រោះ ប៉ុន្តែនៅពេលនោះគាត់មិនបានឃើញជនរងគ្រោះនៅខាងក្រៅខ្ទមនោះទេ ហើយគាត់ក៏បានស្រែកហៅ តែដោយសារមិនឮឆ្លើយតប ទើបគាត់ដើរចូលទៅបើកនិងមើលទើបភ្ញាក់ផ្អើលជាខ្លាំង ខណៈដែលឃើញជនរងគ្រោះដេកស្លាប់ទាំងស្រាតននលគោក ។

ក្រោយពីសមត្ថកិច្ចជំនាញចុះពិនិត្យដល់កន្លែងកើតហេតុគឺ បានបញ្ជាក់ថា ជនរងគ្រោះដេកស្រាតល្វែងខាងក្រោម ចំណែកខាងលើមានពាក់អាវយឺតពណ៌ស ដៃខ្លី និងមានស៊កខោលីអូស្រីៗចំនួន៥ខោ នៅនឹង.ក ចំណែកលិង្គគឺនៅជាប់ជាមួយអវយវៈភេទរបស់ឆ្កែញី ពណ៌ស ដែលគេបានយកក្រណាត់ចងជើងទាំង៤ ទៅនឹងជញ្ជាំងខ្ទម។ សមត្ថកិច្ចបានបន្តថា ក្រៅពីមនុស្សបានស្លាប់ ហើយឆ្កែក៏ងាប់ គឺនៅក្នុងនោះក៏មានតុក្កតាសិច រូបរាងប៉ុនមនុស្ស នៅក្បែរជនរងគ្រោះដែរ ចំណែកនៅតាមជញ្ជាំង គឺពោរពេញដោយរូបអាសអាភាស ដែលគេបិទពេញជញ្ជាំងខ្ទម។

ដោយឡែកប្អូនស្រីបង្កើតរបស់ជនរងគ្រោះបាននិយាយថា បងប្រុសរបស់នាង ជាមនុស្សមានរោគប្រចាំកាយ ( ខ្សោយបេះដូង ) និងធ្លាប់មានភរិយាម្តងរួចមកហើយ រហូតមានកូនម្នាក់ ប៉ុន្តែក្រោយមក គឺគាត់បានបែកផ្លូវគ្នារយៈពេលជាង ៧ ឆ្នាំមកហើយ ហើយក៏គាត់មិនដែលទៅជួបគ្រូពេទ្យដើម្បីបើកថ្នាំយកមកលេបបន្តទៀតដែរ ដោយគាត់សុំមករស់នៅក្នុងខ្ទមស្រែនេះជាយូរមកហើយ ឯសត្វឆ្កែនោះគឺជាឆ្កែរបស់គាត់ដែលគាត់ជាអ្នកចិញ្ចឹម និងមានអាយុ ៤ ឆ្នាំមកហើយ។

បើតាមការអះអាងពីក្រុមគ្រូពេទ្យបានសន្និដ្ឋានថា ជនរងគ្រោះអាចស្លាប់ដោយសារគាំងបេះដូង នៅពេលមានអារម្មណ៍រំភើបខ្លាំង។ បច្ចុប្បន្នក្រុមគ្រួសារ បានសុំយកសពទៅរៀបចំធ្វើបុណ្យតាមប្រពៃណីហើយ៕

អត្ថបទ៖ សោ និយមរ័ត្ន

The post បុរសម្នាក់ រួមរ័កជាមួយសុនខ គាំងបេះដូងស្លាប់ទាំងមនុស្ស និងសត្វ appeared first on Kampuchea Thmey Daily.

សមត្ថកិច្ចប្រាប់មូលហេតុពិត ករណីគូដណ្ដឹងដេកស្លាប់ក្នុងបន្ទប់ជួលនៅស្ទឹងមានជ័យ

deth leng — Sun, 20 Jun 2021 08:22:56 +0000

មន្ត្រីសមត្ថកិច្ចខណ្ឌមានជ័យ អះអាងបញ្ជាក់ប្រាប់កម្ពុជាថ្មី ឱ្យដឹងថា ចំពោះករណីគូដណ្តឹងប្រុសស្រី២នាក់ ដេកស្លាប់ទាំងអាក្រាតកាយ ក្នុងបន្ទប់ផ្ទះជួល នៅសង្កាត់ស្ទឹងមានជ័យ១ កាលពីថ្ងៃទី១៩ ខែមិថុនា ឆ្នាំ២០២១ ម្សិលមិញ គឺពុំមែនជាករណីឃាតកម្មឡើយ គឺជាករណីគាំងបេះដូងស្លាប់។

អធិការរងនគរបាលខណ្ឌមានជ័យ ទទួលផែនយុត្តិធម៌ លោកវរសេនីយ៍ទោ កឹម កល្យាណ បានប្រាប់ឱ្យដឹងនៅថ្ងៃទី ២០ ខែមិថុនានេះថា៖ ករណីនេះ ក្រោយសមត្ថកិច្ចជំនាញផ្នែកកោសល្យវិច្ច័យ បានធ្វើការពិនិត្យយ៉ាងល្អិតល្អន់មក ឃើញថា សពស្លាប់ដោយសារតែគាំងបេះដូង ហើយចំពោះមូលហេតុ នៃការគាំងបេះដូង គឺដោយសារហូបចំណីខុស ( ពុលចំណី ) ធ្វើឱ្យសសៃឈាមក្នុងរាងកាយរត់លែងស្មើ រហូតគាំងស្លាប់ទាំង២នាក់តែម្តងទៅ។

ជុំវិញការបញ្ជាក់ដដែលនេះ លោកអធិការរង ក៏មិនដឹងថា ការពុលនោះ ជាការហូបចំណីខុស ឬផឹកស្រាឡើយ ព្រោះតាមចម្លើយឆ្លើយបំភ្លឺ ពីស្ត្រីជាម្តាយបង្កើត គឺត្រឹមដឹងថា ខ្លួន និងគូដណ្តឹង បានទៅហូបអីក្រៅ លុះមកវិញ ក៏មានអាការក្អួតចង្អោរឥតឈប់ឈរ រហូតគាំងស្លាប់តែម្តង។

សូមរំឭកថា សពគូដណ្តឹងទាំង២នាក់ ត្រូវបានប្រទះឃើញដេកស្លាប់ទាំងអាក្រាតកាយ នៅក្នុងបន្ទប់ផ្ទះជួលលេខ A306 ជាន់ទី៣ នៃអាគារបន្ទប់ជួលយីហោ ផ្កាម្លិះ ស្ថិតតាមបណ្តោយផ្លូវប៉េតុង ក្នុងភូមិទ្រា សង្កាត់ស្ទឹងមានជ័យ១ ខណ្ឌមានជ័យ បង្កអោយមានការភ្ញាក់ផ្អើលឡើងកាលពីវេលាម៉ោង ១៥ និង៤០នាទីរសៀលថ្ងៃទី១៩ ខែមិថុនា ឆ្នាំ២០២១។

ជនរងគ្រោះ ជាគូរដណ្ដឹងនឹងគ្នាទាំង២នាក់ មានឈ្មោះ ភោគ ជីវា ភេទប្រុស អាយុ២៥ឆ្នាំ មុខរបរពេទ្យធ្មេញ។ ចំណែកនារីឈ្មោះ ភន បូរី ភេទស្រី អាយុ២០ឆ្នាំ មុខរបរបុគ្គលិកក្រុមហ៊ុន។

ទាំង២នាក់ មានស្រុកកំណើតនៅភូមិពោធិ ឃុំល្វា ស្រុកព្រះស្ដេច ខេត្តព្រៃវែង។ អ្នកទាំង២ បានភ្ជាប់ពា្យជាមួយគ្នាតាំងពីខែ១១ ឆ្នាំ២០២០ ហើយត្រូវចូលរោងការជាមួយគ្នានៅខែមេសា ឆ្នាំ២០២១ ប៉ុន្តែដោយសារបញ្ហាជម្ងឺកូវីដក៏ផ្អាកមង្គលការសិន។ តាំងពីភ្ជាប់ពាក្យជាមួយគ្នាមក គឺពួកគេឡើងមកភ្នំពេញ ហើយស្នាក់នៅបន្ទប់ជួលតែ២នាក់ មករហូត ។

តាមប្រភពព័ត៌មាន ពីស្ត្រីជាម្តាយបង្កើតរបស់នារីរងគ្រោះបានប្រាប់ឱ្យដឹងថា ៖ នៅវេលាម៉ោង៥ទាបភ្លឺថ្ងៃទី១៩ ខែឆ្នាំខាងលើ នារីជាកូន ប្រាប់ខលទូរស័ព្ទទៅប្រាប់ម្តាយថា ខ្លួន និងគូដណ្តឹង ចេះតែមានអាការះក្អួតចង្អោររហូត ពិបាកក្នុងខ្លួនណាស់ ព្រោះតែកាលពីយប់មិញបានហូបស្រា។

ក្រោយប្រាប់រួចស្ត្រីជាម្តាយបានណែនាំ អោយព្រឹកឡើងកូនទាំង២ស្រូតទៅពេទ្យដើម្បីពិនិត្យសុខភាពទៅ។ លុះដល់វេលាម៉ោង៨ព្រឹកឡើង ស្ត្រីជាម្តាយបានខលទូរស័ព្ទទៅទាំងកូនស្រី និងអនាគត់កូនប្រសារ ចូលតែគ្មានអ្នកទទួលសោះ ។ ដោយមានការសង្ស័យខ្លាចកូនៗកើតអ្វីនោះ ស្ត្រីជាម្តាយបានចេញពីស្រុកកំណើតឡើងមកភ្នំពេញ ដើម្បីជួបកូន។

ស្ត្រីជាម្តាយ បន្តថា ពេលទៅដល់បន្ទប់ជួលហើយនោះ គាត់ក៏រុញទ្វារស្រាប់តែទ្វារមិនមានចាក់សោរឡើយ ក៏ចូលទៅខាងក្នុង ស្រាប់តែប្រទះឃើញ កូនទាំង២នាក់ បានដេកស្លាប់នៅក្បែរគ្នាទាំងបែកពពុះមាត់ និងអាក្រាតកាយផងដែរ ។ បន្ទាប់ពីកើតមានរឿងហេតុបែបនេះហើយនោះ ស្ត្រីជាម្តាយ បានស្រែកឆោរឡោរហៅម្ចាស់បន្ទប់ជួល អោយជួយអន្តរាគមន៍។ ភ្លាមនោះ ម្ចាស់បន្ទប់ជួល បានទំនាក់ទំនងទៅកាន់សមត្ថកិច្ចមូលដ្ឋានដើម្បីចុះអន្តរាគមន៍ពិនិត្យ ។

ក្រោយការទទួលបានព័ត៌មាន នគរបាលមូលដ្ឋាន រួមជាមួយនគរបាលជំនាញកោសលវិច្ច័យ បានចុះដល់ទីតាំងកើតហេតុ ប៉ុន្តែមិនទាន់ធ្វើការពិនិត្យឡើយ រងចាំទំនាក់ទំនងក្រុមគ្រូពេទ្យដើម្បីធ្វើតេស្តិ៍សំណាកលើសពរកមេរោគកូវីដ១៩ជាមុនសិន។ លុះក្រោយមក លទ្ធិផលសំណាកបញ្ជាក់ថា អវិជ្ជមានកូវីដ១៩ ទើបក្រុមសមត្ថកិច្ចជំនាញចូលទៅបន្ទប់កើតហេតុ ដើម្បីធ្វើកោសល្យវិច្ច័យតែម្តង។

ប្រភពមន្ត្រីសមត្ថកិច្ច ឱ្យដឹងថា នៅពេលចូលដល់បន្ទប់កើតហេតុ បានពិនិត្យឃើញថា ជុំវិញសព មានការលាយស្រាក្រឡុក ដោយមានស្រាស ដបទឹកក្រូចមួយចំនួន និងក្រូចឆ្មាផងដែរ៕ ដោយ៖លីហេង

The post សមត្ថកិច្ចប្រាប់មូលហេតុពិត ករណីគូដណ្ដឹងដេកស្លាប់ក្នុងបន្ទប់ជួលនៅស្ទឹងមានជ័យ appeared first on Kampuchea Thmey Daily.

ជនជាតិចិនម្នាក់ស្លាប់ ក្រោយបញ្ជូនដល់មន្ទីរពេទ្យកាល់ម៉ែត ខណៈមានអាការៈមិនស្រួលខ្លួនជាច្រើនថ្ងៃ

Sorn Phanith — Wed, 02 Jun 2021 08:09:34 +0000

បុរសជនជាតិចិន ពេលមានអាការៈមិនស្រួលក៏ចូលព្យាបាលនៅពេទ្យឯកជន ប៉ុន្តែពេលអាការៈកាន់តែធ្ងន់ធ្ងរឡើង ក៏ត្រូវខាងមន្ទីរពេទ្យបញ្ជាឱ្យមិត្តភក្ដិនាំជនជាតិចិនរូបនោះទៅព្យាបាលនៅមន្ទីរពេទ្យកាល់ម៉ែត ប៉ុន្តែជាអកុសលពេលមកដល់មន្ទីរពេទ្យគាត់ក៏ត្រូវបានក្រុមគ្រូពេទ្យអះអាងថា បុរសជនជាតិចិននោះស្លាប់បាត់ទៅហើយ។

ពាក់ព័ន្ធនឹងហេតុការណ៍នោះដែរ អធិការដ្ឋាននគរបាលខណ្ឌដូនពេញ បានឲ្យដឹងថា ករណីជនជាតិចិនស្លាប់នោះ បានភ្ញាក់ផ្អើលឡើងកាលពីវេលាម៉ោង០២និង៣០នាទី ថ្ងៃទី០២ ខែមិថុនាឆ្នាំ២០២១ នៅចំណុចពេលដឹកចេញពីមន្ទីរពេទ្យហ័រ ស៊ីង ផ្លូវសម្ដេចហ៊ុនសែន សង្កាត់ទន្លេបាសាក់ ខណ្ឌចំការមន មកកាន់មន្ទីរពេទ្យកាល់ម៉ែតក្នុងសង្កាត់ស្រះចកខណ្ឌដូនពេញ។

សមត្ថកិច្ចបន្តថាអត្តសញ្ញាណ សាកសពឈ្មោះ WANG ZIXU ភេទប្រុស ឆ្នាំកំណើត០១ MAY ១៩៩៧ ជនជាតិចិន មុខរបរទេសចរណ៍ ស្នាក់នៅខេត្តកំពត កាន់លិខិតឆ្លងដែនលេខEG៨៩០៤៨២១។ យោងតាមការបំភ្លឺពីសាក្សីទី១ ឈ្មោះ YANG FAN ភេទប្រុស អាយុ២៥ឆ្នាំ ជាមិត្តភក្តិរបស់ជនរងគ្រោះបានឲ្យដឹងថា នៅល្ងាចថ្ងៃទី០១ ឧសភា ២០២១ ជនរងគ្រោះបានឆាតតាមវីឆាតមកសុំខ្ញុំទៅភ្នំពេញជាមួយផង ដើម្បីទៅមន្ទីរពេទ្យ ព្រោះជនរងគ្រោះមានអាការៈឈឺក្បាល ហើយខ្ញុំបានចេញឡានពីខេត្តកំពង់សោមជាមួយមិត្តភក្តិជនជាតិចិនម្នាក់ទៀត មកយកជនរងគ្រោះនៅមុខសណ្ឋាគារមួយនៅខេត្តកំពត ពេលមកដល់ភ្នំពេញពួកខ្ញុំក៏បានជូនជនរងគ្រោះទៅមន្ទីរពេទ្យហ័រ ស៊ី នៅសង្កាត់ទន្លេបាសាក់ ខណ្ឌចំការមន ពេលទៅដល់គ្រូពេទ្យបានព្យួរសេរ៉ូម និងដាក់ថ្នាំឲ្យ តែជនរងគ្រោះ ស្រាប់តែមានអាការៈមិនស្រួល រួចខាងគ្រូពេទ្យក៏បានឲ្យពួកខ្ញុំដឹកជនរងគ្រោះទៅសង្គ្រោះនៅមន្ទីរពេទ្យផ្សេង ពេលនោះខ្ញុំក៏បានដឹកជនរងគ្រោះមកកាន់មន្ទីរកាល់ម៉ែត ពេលមកដល់គ្រូពេទ្យពិនិត្យប្រាប់ថា ស្លាប់បាត់ទៅហើយ។

យោងតាមការបំភ្លឺពីសាក្សីទី២ ឈ្មោះMING WULIANG ភេទប្រុស ជនជាតិចិន ជាគ្រូពេទ្យនៅគ្លីនិកហ័រ ស៊ី បានឲ្យដឹងថា នៅវេលាម៉ោង២១:៣០នាទី ថ្ងៃទី០១ មិថុនា ២០២១ ជនរងគ្រោះបានមកជាមួយនឹងមិត្តភក្តិ២នាក់ទៀត ចូលមកពិនិត្យក្នុងគ្លីនិក ដោយជនរងគ្រោះមានអាការៈមិនស្រួល និងប្រាប់ខ្ញុំថា ហូបបាយមិនបានរយៈពេលយូរហើយ និងចេះតែក្អួតពេលហូបបាយម្តងៗ រួចខ្ញុំបានដាក់ថ្នាំកម្លាំង និងសេរ៉ូមឲ្យ តែដោយអាការៈកាន់តែធ្ងន់ធ្ងរទើបខ្ញុំប្រាប់ឲ្យមិត្តភក្តិជនរងគ្រោះនាំជនរងគ្រោះទៅសង្គ្រោះនៅមន្ទីរពេទ្យផ្សេងទៅ។

សមត្ថកិច្ចបញ្ជាក់ថា ក្រោយពីសភាពការណ៍កើតឡើងកម្លាំងជំនាញខណ្ឌ នឹងប៉ុស្តិ៍បានចុះដល់ បានគ្រប់គ្រងកន្លែងកើតហេតុ រួចរាយការណ៍ជូនព្រះរាជអាជ្ញារងអមសាលាដំបូងរាជធានីភ្នំពេញ និងការិយាល័យបច្ចេកទេសវិទ្យាសាស្ត្រ ការិយាល័យព្រហ្មទណ្ឌកម្រិតធ្ងន់ និងការិយាល័យស៊ើបអង្កេតនឹងអនុវត្តនីតិវិធីផែនការងារអន្តោប្រវេសន៍ និងពេទ្យអមសាលាដំបូងរាជធានីភ្នំពេញ ដើម្បីបង្កើត គណៈកម្មការធ្វើកោសល្យវិច័យ ពិនិត្យសពនិងកន្លែងកើតហេតុ។

ក្រោយចុះដល់កន្លែងកើតហេតុ និងឆ្លងតាមការពិនិត្យរបស់លោកឧកញ៉ាវេជ្ជបណ្ឌិត នង សុវណ្ណរ័ត្ន គ្រូពេទ្យកោសល្យវិច័យរាជធានីភ្នំពេញ និងការិយាល័យជំនាញបច្ចេកទេសវិទ្យាសាស្ត្រកោសល្យវិច័យ នៃស្នងការដ្ឋាននគរបាលរាជធានីភ្នំពេញបានបញ្ជាក់ថា សពស្លាប់ដោយគាំងបេះដូង(អាចបណ្ដាលមកពីជំងឺបេះដូង)។ ចំពោះលិខិតឆ្លងដែនជនជាតិចិនលេខEG៨៩០៤៨២១ បានប្រគល់ឲ្យនាយកដ្ឋាននគរបាលបច្ចេកទេសក្រសួងមហាផ្ទៃ ដើម្បីរក្សាទុកជបណ្ដោះអាសន្ន។ បច្ចុប្បន្នសព ត្រូវបានយកទៅរក្សានៅសាលតម្កល់សពវត្តស្ទឹងមានជ័យសង្កាត់ស្ទឹងមានជ័យខណ្ឌមានជ័យរាជធានីភ្នំពេញ៕

អត្ថបទ៖ រស្មី

The post ជនជាតិចិនម្នាក់ស្លាប់ ក្រោយបញ្ជូនដល់មន្ទីរពេទ្យកាល់ម៉ែត ខណៈមានអាការៈមិនស្រួលខ្លួនជាច្រើនថ្ងៃ appeared first on Kampuchea Thmey Daily.

Update បុរសជាប្តីដែលរាយខ្សែភ្លើងឆក់ប្រពន្ធស្លាប់នោះ បានគាំងបេះដូងស្លាប់

Kang Tola — Sat, 03 Apr 2021 14:29:07 +0000

បាត់ដំបង ៖ បន្ទាប់ពីបានរាយខ្សែភ្លើងឆក់ប្រពន្ធស្លាប់ហើយនោះ ជនសង្ស័យដែលត្រូវបានសមត្ថកិច្ចឃាត់ខ្លួន បានគាំងបេះដូងស្លាប់ ខណៈបញ្ជូនទៅមន្ទីរពេទ្យ។

បើតាមប្រភពព័ត៌មានបានឲ្យដឹងថា ជនសង្ស័យត្រូវបានសមត្ថកិច្ចបញ្ជូនទៅអធិការដ្ឋានស្រុកសង្កែ ដើម្បីធ្វើការសាកសួរ ហើយបានសារភាពថា ខ្លួនពិតជាបានរាយខ្សែភ្លើងឆក់ប្រពន្ធខ្លួនឯងមែន។

ក្រោយពេលសារភាពរួច នៅវេលាម៉ោង៨និ៤៥នាទីយប់ថ្ងៃទី០៣ ខែមេសា ឆ្នាំ២០២១ ជនសង្ស័យក៏មានអាការៈថប់ៗ ទើបសមត្ថកិច្ចបញ្ជូនទៅមន្ទីរពេទ្យខេត្តរួចក៏បានស្លាប់តែម្តង។

លោកស៊ុន សុវណ្ណ អធិការនគរបាលស្រុកសង្កែ បានបញ្ជាក់ថា ជនសង្ស័យរូបនេះ គឺជាមុខសញ្ញាប្រើប្រាស់គ្រឿងញៀន ដែលកន្លងមក កម្លាំងសមត្ថកិច្ចធ្លាប់ហៅមកណែនាំនិងធ្វើការអប់រំរួចមកហើយនៅអធិការដ្ឋានដើម្បីបញ្ចប់សកម្មភាព។ ក្រោយឆក់ប្រពន្ធស្លាប់និងគាំងបេះដូងស្លាប់ បានបន្សល់ទុកកូនស្រីចំនួន២នាក់៕

សោ និយមរ័ត្ន

The post Update បុរសជាប្តីដែលរាយខ្សែភ្លើងឆក់ប្រពន្ធស្លាប់នោះ បានគាំងបេះដូងស្លាប់ appeared first on Kampuchea Thmey Daily.