គ្រឿងតង្វាយបន់ស្រន់ សុំលាភសំណាង និងកុំឲ្យមានជម្លោះក្នុងគ្រួសារ គួរធ្វើបែបនេះ

សាង ស្រីល័ក្ខ — Sun, 13 Mar 2022 00:50:00 +0000

ក្នុងផ្ទះចេះតែមានជម្លោះ គ្មានភាពចុះសម្រុងគ្នា រីឯការរកស៊ីក៏មិនឡើង ទៅមុខដូចគេឯង។ គ្រូ ណុប សូមបង្ហាញពីវិធីកែខៃ សម្រាប់អ្នកចង់សម្រេចបំណង ចង់ឲ្យផ្ទះបានស្ងប់សុខ មានសុភមង្គលនិងសំណាងល្អមកវិញ។

ខាងក្រោមនេះជាគ្រឿងតង្វាយសម្រាប់រៀបចំពិធីគោរពដល់វត្ថុសក្ដិសិទ្ធិ ឬអ្នកដែលបានចែកឋានទៅកាន់បរលោក
-ធូប ៩ ដើម
-គ្រឿងដង្វាយមានផ្លែឈើ ៩ មុខ
-ចេក ១សិត
-ដូង ១ ផ្លែ
-គ្រឿងស្លាម្លូបារី
-ទឹកធម្មតា ឬតែ

របៀបថ្វាយបង្គំ ចាប់ផ្ដើមដាក់តង្វាយនៅពីមុខអដ្ឋិធាតុជីដូនជីតា ដែលបានចែកថានទៅ ឬបើគ្មានអដ្ឋិធាតុនៅផ្ទះ អាចរៀបចំតុនៅមុខផ្ទះក៏បាន។ បន្ទាប់មកអុជធូប៩ដើម ហើយផ្ដោតអារម្មណ៍ លើការបន់ស្រន់ មិនថានឹកគុណដល់មនុស្សដែលបានចែកឋានទៅ ឬព្រះពុទ្ធរូប និងជាពិសេសម្ចាស់ទឹកម្ចាស់ដីថែរក្សាកន្លែងនេះ។ សូមនឹកដល់អ្វីដែលលោកអ្នកប៉ងសុំ មិនថាជាសេចក្ដីសុខសម្រាប់អ្នកផ្ទះ សន្តិភាពក្នុងភូមិស្រុកដែលយើងរស់នៅ ។ ម៉្យាងទៀត ការបួងសួងសុំសំណាងល្អ ទ្រព្យសម្បត្តិ និងជោគជ័យគ្រប់ភារកិច្ច ជាអ្វីយើងគួរធ្វើសម្រាប់ពុទ្ធសាសនិក។

រឿងមួយទៀតដែលសំខាន់ គឺអាកប្បកិរិយានិងការអនុវត្តផ្ទាល់របស់យើង ការគិត ការនិយាយ និងការធ្វើអំពើល្អ ហើយនៅពេលដែលយើងជោគជ័យ មានជីវិតកាន់តែប្រសើរ ការបន់ស្រន់ ទាំងនេះអាចជួយយើងឲ្យរស់នៅកាន់តែមានក្ដីសុខនិងរីកចម្រើនទៅមុខ។

ទោះយ៉ាងណាក៏ដោយ នេះគ្រាន់តែជំនឿនៃការជឿរបស់មនុស្សម្នាក់ៗតែប៉ុណ្ណោះ គ្រូមិនបានឲ្យប្រិយមិត្តអ្នកអានមកជឿងប់ងុលនោះទេ។ សំខាន់គឺអាស្រ័យលើបុគ្គលិកលក្ខណៈរបស់ម្នាក់ៗ បើយើងធ្លាប់កាន់ជើងធូបពីដើមមកហើយ សូមបន្តការជឿនឹងដឹងគុណ នឹករលឹកដល់គុណូបការៈទាំងនោះ ដើម្បីជាជំនួយបន្ថែមឲ្យដល់ជីវិត។ ទន្ទឹមនោះការធ្វើបុណ្យជាមួយឪពុកម្ដាយទាន់នៅខែភ្លឺ ជារឿងមួយកូនៗគួរធ្វើ មិនមែនទាល់តែចាំលោកចែកឋាន ទើបជើងធូបបន់ស្រន់ឡើយ៕

គ្រូ ណុប

ចុចអាន៖ពណ៌កាបូប ៥ នេះ ជាហុងស៊ុយទាក់ទាញលុយណែនៗ ជាពិសេសបង្កើនកិត្យានុភាពខ្លាំងក្លា

ចុចអាន៖ខ្សែដៃនិងរូបចម្លាក់ ភីស៊ីវ មានត្រណម ៤ បើបំពាន ប្រយ័ត្ននាំសយដាក់ខ្លួន

The post គ្រឿងតង្វាយបន់ស្រន់ សុំលាភសំណាង និងកុំឲ្យមានជម្លោះក្នុងគ្រួសារ គួរធ្វើបែបនេះ appeared first on Kampuchea Thmey Daily.

គ្រឿងតង្វាយ សែនព្រេនរួច ខ្លះមិនអាចយកមកហូបបានទេ ប្រយ័ត្នកាត់លាភនាំស៊យ

សាង ស្រីល័ក្ខ — Fri, 11 Mar 2022 07:04:03 +0000

ការបន់ស្រន់សុំសេចក្ដីសុខពីវត្ថុស័ក្ដិសិទ្ធិ ដែលការពារនិងហុចពរជ័យ គ្រឿងតង្វាយមិនអាចខ្វះបាន គឺមានផ្លែឈើ សាច់ បង្អែម ភេសជ្ជៈ និងវត្ថុផ្សេងៗទៀតដែរ។

ទន្ទឹមនោះ មានមនុស្សមួយចំនួននៅតែមានចម្ងល់ ក្រោយពេលសែនព្រេនហើយ តើអាចយកមកវិញបានទេ? ហើយរបស់ដែលគេប្រើសម្រាប់គោរពនោះ អាចហូបបានឬអត់។

ដូច្នេះគ្រូ ណុប នឹងបកស្រាយលម្អិត ពីគ្រឿងតង្វាយណាអាចហូបបាន និងមិនអាចយកមកផ្ទះដាច់ខាត។

ការបន់ស្រន់វត្ថុសក្ដិសិទ្ធិក្នុងផ្ទះ

ចំពោះគ្រឿងតង្វាយក្នុងផ្ទះ សឹងទាំងអស់ សុទ្ធតែអាចហូបបានដោយមិនប្រកាន់ឡើយ។ ជាពិសេសគេមានជំនឿថា កាលណាហូបកាន់តែច្រើន នោះលាភសក្ការៈនឹងកាន់តែហូរចូលមកដល់ខ្លួន ដែលគេហៅថា ហេងហេងពេញមួយឆ្នាំ។ ប៉ុន្តែក្នុងនោះ ក៏មានករណីលើកលែងមួយ ដែលនោះជាអង្ករ និងបាយស ហើយយើងគ្រប់គ្នា រៀបចំជាចានតូចៗដោតធូប។ ការសែនព្រេនជូនដូនតា ឬថ្វាយបង្គំអ្វីដែលអុជធូបតែ១សសៃ មិនត្រូវបរិភោគបាន។

ការបន់ស្រន់ខាងក្រៅផ្ទះ

ក្នុងករណីនេះ តង្វាយសែនរួចមិនត្រូវយកមកវិញ ក្នុងកាលៈទេសៈណាមួយឡើយ។ ព្រោះគេចាត់ទុកថា ដូចជាការធ្វើបុណ្យ ជូនបច្ច័យ ដោយក្នុងមានស៊ុតស្ងោរ សាច់ជ្រូក ឬរបស់អ្វីផ្សេងទៀត តែអ្នកដទៃអាចយកវាទៅហូបបាន(ក្រៅពីយើង)។ ព្រោះចាត់ទុកថាជាបុណ្យ កំពុងផ្ដល់ឲ្យអ្នកអត់ជាងយើង ហើយជាការបញ្ចៀសនៅគ្រោះចង្រៃចេញផងដែរ៕

គ្រូ ណុប

ចុចអាន៖ដង្វាយផ្លែឈើ ១០ មុខនេះ បញ្ជាក់អត្ថន័យឲ្យម្ចាស់ផ្ទះសម្បូរសប្បាយ មានសុភមង្គលពេញលេញ

The post គ្រឿងតង្វាយ សែនព្រេនរួច ខ្លះមិនអាចយកមកហូបបានទេ ប្រយ័ត្នកាត់លាភនាំស៊យ appeared first on Kampuchea Thmey Daily.

គ្រឿងតង្វាយ Archives - Kampuchea Thmey Daily

គ្រឿងតង្វាយបន់ស្រន់ សុំលាភសំណាង និងកុំឲ្យមានជម្លោះក្នុងគ្រួសារ គួរធ្វើបែបនេះ

គ្រឿងតង្វាយ សែនព្រេនរួច ខ្លះមិនអាចយកមកហូបបានទេ ប្រយ័ត្នកាត់លាភនាំស៊យ