វប្បធម៌ ជំនឿ

ខ្សែដៃនិងរូបចម្លាក់ ភីស៊ីវ មានត្រណម ៤ បើបំពាន ប្រយ័ត្ននាំស៊យដាក់ខ្លួន

បានផុស

៤ years មុន

នៅ

ថ្ងៃពុធ ២៣ កុម្ភៈ ២០២២

ដោយ

ភីស៊ីវ (Pixiu) ជាសត្វមានសំណាងនៅក្នុងរឿងព្រេងចិន និងជាប្រភេទខ្សែដៃពាក់យកហេង នាំលាភសំណាង ឲ្យមានលុយហូរចូលមកក្នុងជីវិត។ ចំពោះអ្នកដែលមានជំនឿថា បើថ្វាយបង្គំ រូបចម្លាក់ភីស៊ីវ នឹងជួយក្នុងរឿងទ្រព្យសម្បត្តិ ជួយលុយកាក់មិនឲ្យលេចធ្លាយ ផ្ដល់លាភសំណាង និងជួយការពារពីអំពើអាក្រក់ឬគ្រោះថ្នាក់ណាមួយ ដល់អ្នកគោរពបូជាដល់ភីស៊ីវ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះយ៉ាងណា ប្រសិនបើអ្នកមានខ្សែដៃនេះពាក់ជាប់ខ្លួន ឬមានរូបចម្លាក់តាំងលម្អផ្ទះ ក៏ត្រូវតែមានត្រណមខ្លះៗដែរ ប្រយ័ត្នជួបរឿងមិនល្អមានដល់ជីវិត។

១ កុំជូតមាត់របស់ភីស៊ីវ ព្រោះគេជឿថា ប្រសិនបើរង្វង់មាត់របស់ភីស៊ីវ ប្រឡាក់ទឹកអ្វីមួយឬទឹកមិនស្អាត នឹងនាំឲ្យមានលំហូរនៃទ្រព្យសម្បត្តិចេញឆ្ងាយពីខ្លួនមិនខាន។

២ កុំអនុញ្ញាតឲ្យអ្នកដទៃវាយ ឬគោះភីស៊ីវលេង តាមជំនឿគេជឿថា លាភសំណាងនឹងត្រូវបែកគ្នាក្នុងចំណោមមនុស្សដែលមកបំបែក ឬគេនឹងទាញសំណាងចេញពីយើងមិនខាន។

៣ កុំឲ្យភីស៊ីវ ដល់អ្នកដទៃឲ្យសោះ គេជឿថា ប្រសិនបើយើងនាំយកភីស៊ីវ ទៅមនុស្សផ្សេងទៀត។ វាដូចជាការផ្ដល់សំណាងដល់បុគ្គលនោះផងដែរ។

៤ កុំពាក់ខ្សែដៃ ភីស៊ីវ ទៅព្រឹត្តិការណ៍ ឬពិធីណាមិនសមស្រប។ គេជឿថា បើពាក់ទៅ នោះការងារអាចមិនល្អ មិនរលូនមានឧបសគ្គក៏ថាបាន។

ខ្សែដៃភីស៊ីវឬរូបចម្លាក់ ត្រូវបានគេជឿថា ជួយទាញសំណាងហៅលុយ ហៅមាស ការពារអំពើអាក្រក់ តែបើប៉ះជាមួយ Bi Xia (សំណាងអាក្រក់) អាចនឹងស្រូបថាមពលអាក្រក់ចូលមកក្នុងខ្លួន។ ដូច្នេះកុំចេះតែប្រើ ឬយកទៅធ្វើអ្វីផ្ដេសផ្ដាសឲ្យសោះ ប្រយ័ត្ននាំស៊យ ឬទុក្ខទោសដល់ខ្លួន៕

គ្រូ ណុប

ចុចអាន៖ទម្រង់មុខហុងស៊ុយ ៥ ប្រភេទ របស់ស្រីៗ ចាស់ៗថា អាចក្លាយជាសេដ្ឋី និងធ្វើជំនួញជោគជ័យ

ចុចអាន៖ឃ្លោក ចិន ហុងស៊ុយហៅលុយកាក់ បង្កើនលាភសំណាង និងអាយុយឺនយូរក្នុងគ្រួសារ

ចុចអាន៖អង្កាំមាសសរសៃសូត្រ ជាថ្មមង្គល ជួយបន្ថែមលាភសំណាងនិងលុយកាក់ដល់អ្នកពាក់