ចាប់តាំងពីជម្លោះកើនឡើងមានការជម្លៀសយ៉ាងច្រើនពីអ៊ីរ៉ង់ និងអ៊ីស្រាអែលដោយ ប្រទេសចិនបានជម្លៀសពលរដ្ឋជាង ១​៦០០នាក់ ពីប្រទេសអ៊ីរ៉ង់ និងរាប់រយនាក់ទៀតពីអ៊ីស្រាអែល។ ឥណ្ឌា ជប៉ុន និងកូរ៉េខាងត្បូង បានផ្លាស់ប្តូរជនជាតិខ្លួន​ទៅប្រទេសជិតខាងដូចជា អាមេនី អាស៊ែបៃហ្សង់ និងតួកម៉េនីស្ថាន។ សហរដ្ឋអាមេរិក ក៏កំពុងរៀបចំផែនការជម្លៀសតាមរយៈយន្តហោះ និងនាវាកម្សាន្ត ដោយបានលើកទឹកចិត្តឱ្យជនជាតិអាមេរិកចុះឈ្មោះសម្រាប់ការធ្វើបច្ចុប្បន្នភាព។

ចំណែកប្រទេសនៅអឺរ៉ុប និងមជ្ឈឹមបូព៌ាដូចជា ប្រទេសបារាំង អាល្លឺម៉ង់ ក្រិក និងប៉ូឡូញ បានរៀបចំជើងហោះហើរ និងក្បួនធ្វើដំណើរឆ្លងកាត់អេហ្ស៊ីប ហ្ស៊កដានី និងតួកគី។ សហភាពអឺរ៉ុបបានគាំទ្រការជម្លៀសជាហិរញ្ញវត្ថុ និងភស្តុភារ។ ប៊ុលហ្គារី​បាន​ផ្លាស់​ប្តូរ​បុគ្គលិក​ស្ថានទូត​របស់​ខ្លួន​ពី​ក្រុង​តេហេរ៉ង់​ទៅ​បាគូ ខណៈប្រទេស​អូម៉ង់​បាន​ជម្លៀស​មនុស្ស​រាប់រយ​នាក់​តាម​ទីក្រុង​ឆ្នេរ​របស់​អ៊ីរ៉ង់។

រដ្ឋាភិបាលនានា រួមទាំងប្រទេសថៃ និងឥណ្ឌូនេស៊ី បានណែនាំពលរដ្ឋរបស់ពួកគេឱ្យជៀសវាងតំបន់ជម្លោះ ដោយខ្លះផ្លាស់ប្តូរទីតាំងស្ថានទូត ដើម្បីសុវត្ថិភាព។ ជាមួយគ្នានេះមនុស្សជាច្រើនកំពុងសម្របសម្រួលការចាកចេញជាក្រុម ឬផ្តល់ការគាំទ្រដល់ជនជាប់គាំង។

នៅពេលដែលការប្រយុទ្ធគ្នារវាងអ៊ីស្រាអែល និងអ៊ីរ៉ង់នៅតែបន្ត បណ្តាប្រទេសជុំវិញពិភពលោកកាន់តែព្រួយបារម្ភអំពីសុវត្ថិភាពរបស់ប្រជាជនរបស់ពួកគេនៅក្នុងតំបន់។ នេះបាននាំឱ្យមានកិច្ចខិតខំប្រឹងប្រែងជម្លៀសអន្តរជាតិដ៏ធំបំផុតមួយក្នុងរយៈពេលជាច្រើនឆ្នាំ ដោយរដ្ឋាភិបាលជាច្រើនបានធ្វើការរួមគ្នាដើម្បីជួយពលរដ្ឋរបស់ពួកគេឱ្យចាកចេញដោយសុវត្ថិភាព៕

អត្ថបទ៖ ប៊ុន សុភាព

The post ប្រទេសនានា​ជម្លៀសពលរដ្ឋខ្លួនតាមគ្រប់ច្រក ខណៈជម្លោះ​អ៊ីស្រាអែល និង​អ៊ីរ៉ង់​កាន់តែ​ខ្លាំងឡើង appeared first on Kampuchea Thmey Daily.

លោក សៃ ឡៅ មេឃុំ​បត់​ត្រង់​បាន​ឲ្យដឹងថា ​បន្ទាប់ពី​ទឹកជំនន់​បាន​ជន់​លិច​ និង​ប៉ះពាល់​ដល់​ផ្ទះ​សំបែង​ប្រជាពលរដ្ឋ​ ដែល​រស់នៅ​ស្រប​មាត់​ស្ទឹង​បត់​ត្រង់​ ខាងលិច​ភូមិ​ព្រែកជីក​ ស្រុក​មង្គល​បូរី​ ត្រូវបាន​ជម្លៀស​រក​ទីទួល​សុវត្ថិភាព​ចំនួន​ ២៥​ គ្រួសារ​ មក​ដាក់​ទីទួល​សុវត្ថិភាព​ក្បែរផ្លូវ​វៀង​ក្រុង​ស្ថិត​ភូមិ​ព្រែកជីក ឃុំ​បត់​ត្រង់​ស្រុក​មង្គល​បូរី ​ដោយបាន​សង់​ទីជម្រក​ជូន​ពួកគាត់ ​និង​ត្រៀម​បម្រុង​បន្ថែមទៀត​បើសិនជា​ទឹកជំនន់​នៅ​បន្ត​ជន់​ឡើង​ខ្លាំង​ នឹងត្រូវ​ជម្លៀស​ជា​បណ្តើៗ​បន្ថែមទៀត​។

​លោក រ័ត្ន ដា​ស៊ី​ណង់ អភិបាលស្រុក​មង្គល​បូរី​ ក៏បានឲ្យដឹងផង​ដែលថា ​គិត​ត្រឹម​ថ្ងៃទី ​១៨ ខែកញ្ញា ឆ្នាំ​ ២០២២​ នេះ​ នៅ​ស្រុក​មង្គល​បូរី ​រង​ផល​ប៉ះ​ពាល់​ដោយ​ទឹកជំនន់​មាន​ចំនួន ​១៩​ ភូមិ​ មាន​ចំនួន​ ១៥៧​ គ្រួសារ​ ប្រជាពលរដ្ឋ​ ៦៨៨​ នាក់​ ស្រី​ ៣៦៥​ នាក់​ និង​ស្លាប់​ដោយ​លង់ទឹក​ ១​ នាក់ ​ជម្លៀស​រក​ទីទួល​សុវត្ថិភាព​ចំនួន​ ១៣ ​គ្រួសារ ​ស្មើ​ ៤៥​ នាក់​ ស្រី​ ២៥​ នាក់ និង​ស្រូវ​លិច​ទឹក​ផ្ទៃដី​ ២.៥៦៣​ ហិតា លិច​វត្ត ​១ ​កន្លែង ​លិច​ផ្លូវ​ ២១​ ខ្សែ​ ប្រវែង​ ១០.៥១៧ ​ម៉ែត្រ​។ ចំពោះ​ស្ថានភាព​ទឹក​នៅ​ស្រុក​មង្គល​បូរី​វិញ​ នៅតែ​បន្ត​ហក់​ឡើង​ខ្លាំង​ដោយ​ទឹកជំនន់​ធ្លាក់​ពី​ស្រុក​ប​វេ​ល ខេត្តបាត់ដំបង ហូរ​ផ្នែក​ខាងក្រោម​ប៉ះពាល់​ប្រជាពលរដ្ឋ​រស់នៅ​តាម​ដង​ស្ទឹង​មាន​ឃុំ​សឿ ឃុំ​ចំណោម ឃុំ​រហាត់ទឹក និង​ឃុំ​បត់​ត្រង់ ដែល​រង​ផល​ប៉ះ​ពាល់​ធ្ងន់ធ្ងរ​ ត្រូវ​ជម្លៀស​ប្រជាពលរដ្ឋ​រក​ទីទួល​សុវត្ថិភាព​។

ជាមួយ​ការ​ជម្លៀស​ប្រជាពលរដ្ឋ​រក​ទីទួល​សុវត្ថិភាព​នេះដែរ​ ឯកឧត្តម អ៊ុំ រាត្រី អភិបាលខេត្ត ​បាន​កសាង​ជម្រក​ត្រៀម​បម្រុង​បន្ថែមទៀត​ ដាក់​មន្ត្រី​សុខាភិបាល​ សម្រាប់​ការពារ​ និង​ព្យាបាល​ជូន​ប្រជាពលរដ្ឋ​។ ទោះជា​យ៉ាងណា​អាជ្ញាធរ​កងកម្លាំង​ទាំងបី​ បាន​ត្រៀម​រួចជាស្រេច​ក្នុងការ​ជួយសង្គ្រោះ​ពលរដ្ឋ​ បើសិនជា​ទឹកជំនន់​នៅ​បន្ត​ហក់​ឡើង​ខ្លាំង​ និង​ជម្លៀស​រក​ទីទួល​សុវត្ថិភាព​ឲ្យ​បាន​ទាន់ពេល​។ សូម​បញ្ជក់​ថា ​មួយ​រយៈ​ប៉ុន្មាន​ឆ្នាំ​ចុងក្រោយ​នេះ ​ស្រុក​មង្គលបុរី​បាន​រងគ្រោះ​ខ្លាំង​ជា​បន្តបន្ទាប់​ដោយ​ទឹកជំនន់​។

អត្ថបទ៖ អ​ពៅ​

The post ពលរដ្ឋរស់នៅតាមមាត់ស្ទឹងមង្គលបុរី រត់រកទីទួលសុវត្ថិភាព ខណៈទឹកកំពុងហក់ឡើង appeared first on Kampuchea Thmey Daily.

លោក ហុឹល រ៉ាយ៉ា អភិក្រុងសិរីសោភ័ណបានប្រាប់ អ្នកយកព័ត៍មានឲ្យដឹងថាដោយសារ៣ថ្ងៃនេះមានភ្លៀងធ្លាក់ជាប់ៗគ្នាព្រមទាំងថៃបើកបង្ហូរទឹកមកពីលើទៀតធ្វើឲ្យទឹកហក់ឡើងខ្លាំងមានផ្ទះប្រជាពលរដ្ឋលិចបណ្តើរៗអាជ្ញាធរក្រុងសិរីសោភ័ណបានជម្លៀស ប្រជាពលរដ្ឋលិចនោះមករស់នៅទីទួសសុវត្តិភាពហើយ។

លោក​ រ័ត្ន ដា​ស៊ី​ណង់ បានប្រាប់អ្នកយកព័ត៍មានឲ្យដឹងថា បងប្អូន​ដែលរស់នៅ​តាមបណ្តោយ​ដងស្ទឹង​មង្គល​បូរី​បានលិចជាបណ្តើរៗហើយក្នុងនេះលោកបានជម្លៀស ប្រជាពលរដ្ឋ​ ដឹកជញ្ជូន​ទូក កាណូត មករស់នៅទីទួល​សុវត្ថិភាពកន្លែងផ្លូវវាងក្រុងជាបណ្តើរផងដែរ។

លោក អ៊ុំ រាត្រី អភិបាលខេត្តបន្ទាយមានជ័យ និងក្រុមការងារបានចុះពិនិត្យពិស្ថានភាពទឹកបានប្រាប់ឲ្យដឹងថា ក្រោយពីមានភ្លៀងធំធ្លាក់មកជាប់ៗគ្នា៣ថ្ងៃស្រាប់តែទឹកស្ទឹងសិរីសោភ័ណហក់ឡើងយ៉ាងខ្លាំងនៅខ្វះតែ កន្លះម៉ែត្រទឹកអាចឡើងដល់ឆ្នាំមុនហើយ។

តែតំបន់វាលទំនាប ភូមិ តាមមាត់អូរ ស្ទឹងលិចតែ មិនទាន់ប៉ះពាល់ដល់អាយុជីវិតសត្វនិងហេដ្ឋារចនាសម្ព័ន្ធនោះឡើយ។

ពលរដ្ឋដែលរងគ្រោះដោយទឹកជំនន់ទាំងអស់ខាងលើនោះត្រូវបានរដ្ឋបាលខេត្ត ក្រុង ស្រុកបានជម្លៀសទៅទីទួលសុវត្ថិភាពអស់ហើយថែមទាំងបានចែកស្បៀងឲ្យទុកបរិភោគទៀតផង៕

អត្ថបទៈ វ៉ាន់ ណាង

The post អាជ្ញាធរបន្ទាយមានជ័យ ចាប់ផ្តើមជម្លៀស ពលរដ្ឋរស់នៅតាមមាត់ស្ទឹង លិចទឹកច្រើនគ្រួសារ ទៅរកទីទួលសុវត្ថិភាព appeared first on Kampuchea Thmey Daily.