គិតមកត្រឹមថ្ងៃទី ០៨ តុលា ឆ្នាំ២០២៥ ដំណើរជិះកង់សប្បុរសធម៌ដើម្បីកុមារកម្ពុជា របស់លោក ទីវ តារារិទ្ធ ប្រើជាង ១ឆ្នាំហើយ (ជាង ៤៨០ថ្ងៃ) សម្រាប់បេសកកម្មរៃអង្គាសប្រាក់ទ្រទ្រង់មន្ទីរពេទ្យគន្ធបុប្ផា និងមន្ទីរពេទ្យកុមារអង្គរ ឆ្លងកាត់អាសុីកណ្តាល ទ្វីបអឺរ៉ុប និងបន្តដំណើរទៅកាន់ទ្វីបអាហ្វ្រិក ដោយឆ្លងកាត់ឧបសគ្គជាច្រើន ពិសេសការស្នើសុំឆ្លងកាត់ប្រទេសនិមួយៗ។

តួយ៉ាង តាមរយៈវីដេអូជាង ៥នាទី លោក ទីវ តារា រិទ្ធ បានរៀបរាប់ពីឧបសគ្គនៃការស្នើរសុំ Visa បរាជ័យ ក្នុងដំណើរបេសកកម្មរបស់លោកជាថ្មី ដែលធ្វើឱ្យលោកជាប់គាំងនៅព្រំដែន Morocco និង Mauritania រហូតដល់ទៅ ៧ថ្ងៃ ខណៈឧបសគ្គលើកនេះ ធ្វើឱ្យលោកត្រូវចំណាយថវិកាច្រើនដើម្បីដោះស្រាយផងដែរ។

សម្រាប់ឧបសគ្គលើកនេះ ក៏មិនខុសពីសព្វមួយដងដែរ ដោយសារតែប្រទេស ម៉ូរីតានី មានការរឹតត្បិតចំពោះការឆ្លងចូលរបស់ជនជាតិអាសុី ដែលសូម្បីតែជប៉ុន និងចិន ក៏ស្ថិតក្នុងបញ្ជីរបស់ប្រទេសនេះដែរ។ តែទោះជាបែបនេះ លោកបញ្ជាក់ការអះអាងរបស់មន្ត្រីយាមការនៅតាមបន្ទាត់ព្រំដែន ម៉ារុក – ម៉ូរីតានី ថា ករណីធ្វើដំណើរឆ្លងចូលរបស់កម្ពុជា ជាករណីដំបូងមិនធ្លាប់មាន ហេតុនេះមន្ត្រីតំបន់នោះទាមទារឱ្យលោករង់ចាំ។

ក្នុងនោះ លោកអះអាងដែរថា ៧ថ្ងៃពេញ ទម្រាំតែលោកទទួលបានការអនុញ្ញាតឱ្យធ្វើដំណើរឆ្លងកាត់ តែក្នុងការដោះស្រាយនោះ លោកបានចាយលុយក្រោមតុច្រើនផងដែរ។ យ៉ាងណាង ក្រោយដោះស្រាយរួចរាល់ លោកក៏កំពុងបន្តដំណើរទៅប្រទេសបន្ទាប់ហើយដែរ។ សូមស្តាប់វីដេអូលម្អិត៖

គួររំលឹកថា ដំណើរផ្សងព្រេងដ៏វែងឆ្ងាយនេះ គឺធ្វើឡើងដើម្បីរៃអង្គាសថវិកាជូនមន្ទីរពេទ្យគន្ធបុប្ផា និងមន្ទីរពេទ្យកុមារអង្គរ ជាសកម្មភាពជិះកង់សប្បុរសធម៌របស់លោកទៅកាន់ទ្វីបអឺរ៉ុប ដោយដំបូងឡើយគ្រោងធ្វើដំណើរឆ្លងកាត់ ២៥ប្រទេស ប៉ុន្តែក្រោយមក លោកមានបំណងបន្តដំណើរទៅកាន់តំបន់អាហ្វ្រិកទៀត។

បេសកកម្មទៅកាន់ទ្វីបអឺរ៉ុបលើកនេះ លោកបានឆ្លងកាត់ឧបសគ្គជាច្រើន ស្ទើរតែមិនអាចពណ៌នាពីអារម្មណ៍ដែលខ្លួនពើបប្រទះ ដូចជា គ្រោះថ្នាក់នៅឡាវ…; សីតុណ្ហភាព -30°C ឬ -40°C…; ស្ទើរកកស្លាប់… ក៏ដូចជាការធ្វើដំណើរឆ្លងកាត់ទឹកដី​ប្រទេស​អាហ្វហ្គានីស្ថាន ​ដែល​ស្ថិត​នៅ​ក្រោម​ការ​គ្រប់គ្រង​របស់​ក្រុម​សកម្ម​ប្រយុទ្ធ​តាលីបង់ ជា​ប្រទេស​ដែល​អសន្តិសុខ​បំផុត​លើ​ពិភពលោកជាដើម។

ក្រៅពីឧបសគ្គនៃដំណើរផ្លូវឆ្លងកាត់រដូវក្តៅ និងត្រជាក់តាមភូមិសាស្ត្រតំបន់នៃប្រទេសជាច្រើនដែល អ្នកជិះកង់សប្បុរធម៌រូបនេះត្រូវឆ្លងកាត់នោះ គឺមានឧបសគ្គធំមួយទៀត ដែលតែងផ្តល់ផលវិបាកសម្រាប់លោកបំផុតនោះ គឺការស្នើរសុំធ្វើដំណើរឆ្លងកាត់ពីប្រទេសមួយទៅប្រទេសមួយ ខណៈដែលលក្ខខណ្ឌតម្រូវរបស់ប្រទេសមួយនិមួយៗ ខុសៗគ្នា។

តួយ៉ាង កាលពីអំឡុងខែឧសភា ឆ្នាំ២០២៥នេះ លោកទើបតែពើបប្រទះនឹងឧបសគ្គឆ្លងកាត់ព្រំដែនម្តងរួចមកហើយ ក្នុងការស្នើសុំ Visa ចូលទៅកាន់ប្រទេសបន្ទាប់។ គ្រានោះ លោកត្រូវបង្ខំចិត្តទិញសំបុត្រយន្តហោះធ្វើដំណើរមកមាតុភូមិកំណើតវិញ ដើម្បីតែបំពេញតាមលក្ខខណ្ឌតម្រូវរបស់ប្រទេសមួយចំនួនក្នុងទ្វីបអឺរ៉ុប។ គូសបញ្ជាក់ដែរថា រាល់ការចំណាយលើការធ្វើដំណើរ ទិញសម្ភារៈ ឬស្នាក់នៅ លោកត្រូវដោះស្រាយដោយខ្លួនឯង ប្រើថវិកាផ្ទាល់ខ្លួនរបស់លោកសុទ្ធសាធ។

តែទោះជាបែបនេះ លោកមិនបានបោះបង់បេសកកម្មរៃអង្គាសថវិកាដើម្បីកុមារកម្ពុជាឡើយ ខណៈមហាជន ពិសេសថ្នាក់នាំមន្ទីរពេទ្យ បានចាត់ទុកថា នេះជាបេសកកម្មដ៏មានតម្លៃ ដែលមិនត្រឹមតែជួយដល់កុមារកម្ពុជា ថែមទាំងបានចូលរួមផ្សព្វផ្សាយ និងបានធ្វើឱ្យប្រទេសនានាក្នុងពិភពលោកបានស្គាល់កម្ពុជាកាន់តែច្បាស់ក្នុងសម័យសន្តិភាព។

គួរបញ្ជាក់ជាថ្មី តាមរយៈបេសកកម្មជិះកង់ដើម្បីកុមារកម្ពុជាជិត ១ឆ្នាំមកនេះ លោកបានធ្វើដំណើរនៅលើផ្លូវដ៏សែនវែងឆ្ងាយ ឆ្លងកាត់ព្យុះភ្លៀង និងគ្រោះថ្នាក់ជាច្រើនរៀបរាប់មិនអស់នោះឡើយ ខណៈរាល់ការចំណាយលើបេសកកម្មនេះ គឺត្រូវដោះស្រាយដោយខ្លួនឯងផ្ទាល់ ខណៈនេះពុំមែនជាលើកទី១ឡើយសម្រាប់សកម្មភាពជិះកង់សប្បុរសធម៌របស់លោក។

ដំណើរជិះកង់ផ្សងព្រេងដ៏វែងឆ្ងាយលើកនេះ ធ្វើឡើងដើម្បីរៃអង្គាសថវិកាជូនមន្ទីរពេទ្យគន្ធបុប្ផា និងមន្ទីរពេទ្យកុមារអង្គរ ជាសកម្មភាពជិះកង់សប្បុរសធម៌ជាថ្មីម្តងទៀត បន្ទាប់ពីលោកបានជិះកង់រៃអង្កាសថវិកាក្នុងតំបន់អាសុីអាគ្នេយ៍ ប្រើពេលជិត ៣ខែ ឆ្លងកាត់ប្រទេសអាស៊ានចំនួន៦ និងបាននាំយកថវិកាជាង ៥ម៉ឺនដុល្លារ ជូនមន្ទីរពេទ្យកុមារអង្គរ ឆ្នាំមុន៕

The post បេសកកម្មជិះកង់មនុស្សធម៌ ជាប់គាំងនៅព្រំដែនម៉ារ៉ុក-ម៉ូរីតានី ៧ថ្ងៃ ខណៈត្រូវចាយលុយច្រើនដើម្បីបន្តដំណើរ appeared first on Kampuchea Thmey Daily.

គួរជម្រាបថា ក្នុងចំណោមកម្មវិធីជិះកង់សប្បុរសទាំងពីរខាងលើ មួយជាបេសកកម្មដំណើរដ៏វែងឆ្ងាយឆ្លងកាត់ ២៥ប្រទេស និងប្រើរយៈពេលយូរ ខណៈបេសកកម្មមួយទៀត ជាដំណើរជិះកង់រៃអង្គាសថវិកាតាមបណ្តាខេត្តមួយចំនួន ក្នុងព្រះរាជាណាចក្រកម្ពុជា ដោយចាប់ចេញដំណើរពីថ្ងៃទី១៩ ធ្នូ ហើយគ្រោងបញ្ចប់នៅថ្ងៃទី២៧ ធ្នូ ខាងមុខនេះ។

១. កម្មវិធី “ជិះកង់សប្បុរសធម៌ ទៅកាន់ទ្វីបអឺរ៉ុប” ដោយលោក ទីវ តារារិទ្ធ
បច្ចុប្បន្ន លោក ទីវ តារារិទ្ធ កំពុងបន្តបេសកកម្មលើព្រិលទឹកកក ក្នុងតំបន់អាសុីកណ្តាល ខណៈនៅរដូវរងានេះ ជាការប្រថុយប្រថានខ្លាំងណាស់ ក៏ព្រោះសីតុណ្ហភាពនៅតំបន់ខ្លះ អាចចុះដល់ -30°C ឬលើសនេះឯណោះ។ តែទោះជាបែបនេះ អ្នកជិះកង់សប្បុរសធម៌ ទីវ តារារិទ្ធ នៅតែមានៈធ្វើដំណើរឥតឈប់ឈរ ដើម្បីរៃអង្គាសថវិកាជួយដល់កុមារកម្ពុជាជាច្រើននាក់ ដែលកំពុងសម្រាកលើគ្រែពេទ្យ។

គួររម្លឹកថា នេះពុំមែនជាលើកទី១ឡើយ សម្រាប់សកម្មភាពជិះកង់សប្បុរសធម៌របស់លោក ទីវ តារារិទ្ធ។ តួយ៉ាង ដំណើរផ្សងព្រេងដ៏វែងឆ្ងាយនេះ គឺធ្វើឡើងដើម្បីរៃអង្គាសថវិកាជូនមន្ទីរពេទ្យគន្ធបុប្ផា និងមន្ទីរពេទ្យកុមារអង្គរ ជាសកម្មភាពជិះកង់សប្បុរសធម៌មួយទៀត បន្ទាប់ពីលោកបានជិះកង់រៃអង្កាសថវិកាក្នុងតំបន់អាសុីអាគ្នេយ៍ ប្រើពេលជិត ៣ខែ ឆ្លងកាត់ប្រទេសអាស៊ានចំនួន៦ និងបាននាំយកថវិកាជាង ៥ម៉ឺនដុល្លារ ជូនមន្ទីរពេទ្យកុមារអង្គរ កាលពីឆ្នាំមុន។

ឯបេសកកម្មទៅកាន់ទ្វីបអឺរ៉ុបលើកនេះ គឺជាដំណើរដ៏វែងឆ្ងាយជាងមុន ក្នុងចម្ងាយប្រមាណជាជាង ២ម៉ឺនគីឡូម៉ែត្រ ដោយត្រូវឆ្លងកាត់ ២៥ ប្រទេស ខណៈបច្ចុប្បន្នលោកបានធ្វើដំណើរឆ្លងកាត់ ឡាវ; ថៃ; បង់ក្លាដែស; ឥណ្ឌា ហើយបាននិងកំពុងបន្តដំណើរទៅគោលដៅបន្ទាប់ៗទៀត។ តួយ៉ាង លោកត្រូវបន្តដំណើរដ៏វែងឆ្ងាយ ឆ្លងកាត់ប្រទេសជាច្រើនទៀត មុននឹងវិលត្រឡប់មកកាន់មាតុប្រទេសវិញ ដើម្បីនាំយកថវិកាដែលលោករៃអង្គាសបានទាំងអស់ ប្រគល់ជូនមន្ទីរពេទ្យគន្ធបុប្ផា និងមន្ទីរពេទ្យកុមារអង្គរ។

២. កម្មវិធី “បេះដូងអច្ឆរិយ” ដោយលោក អ៊ួន បឋម ហៅ
“បេះដូងអច្ឆរិយ” ជាសកម្មភាពសប្បុរសធម៌ ដែលផ្តួចផ្តើមឡើងដោយលោក អ៊ួន បឋម និងបានចាប់ផ្តើមចេញដំណើរ ចេញពីគោលដៅ រាជធានីភ្នំពេញ កាលព្រឹកថ្ងៃទី១៩ ខែធ្នូ ឆ្នាំ២០២៤ ឆ្ពោះទៅខេត្តកំពង់ឆ្នាំង និងខេត្តជាបន្តបន្ទាប់ទៀត។ ដោយឡែកនៅថ្ងៃនេះដំណើរជិះកង់នេះ នឹងចេញពីគោលដៅខេត្តសៀមរាប ទៅកាន់ខេត្តកំពង់ធំ ខណៈវេលាម៉ោង ១០ ព្រឹកថ្ងៃទី២៥ ខែធ្នូនេះ ក្រុមជិះកង់របស់លោក បានធ្វើដំណើរមកដល់ ស្រុកស្ទោង ខេត្តកំពង់ធំហើយ។

តាមរយៈកម្មវិធីនេះ សាធារណជនអាចចូលរួមសកម្មភាពជិះកង់ ក៏ដូចជាចូលរួមបរិច្ចាគជាមួយក្រុមការងារ RUN WITH SAI ដើម្បីបង្ហាញក្ដីស្រលាញ់ជូនកុមារនៅកម្ពុជាផងដែរ។ តួយ៉ាង ដំណើរបេសកកម្មនេះគ្រោងបញ្ចប់នៅថ្ងៃទី២៧ ធ្នូ ខាងមុខនេះ៕ អត្ថបទ៖ សុធាវី

The post កម្មវិធីជិះកង់សប្បុរស ២ កំពុងជួយរៃអង្គាសថវិកាជូនមន្ទីរពេទ្យកុមារអង្គរ និងគន្ធបុប្ផា ដើម្បីកុមារកម្ពុជា appeared first on Kampuchea Thmey Daily.

បើតាមលោក ទីវ តារារិទ្ធ សិល្បៈគំនូរពេញដោយការច្នៃប្រឌិតនេះ ជាការសហការរវាងលោក និងម្ចាស់ស្នាដៃគឺ លោក ចាន់ ដានី ជាការគាំទ្រដល់បេសកកម្មជិះកង់ដើម្បីកុមារកម្ពុជា ខណៈលើកទី១ លោកបានសហការជាមួយនឹងវិចិត្រករមា្នក់ផ្សេងទៀត (រ៉ូប៊ីត) ដើម្បីរកប្រាក់ឧបត្ថម្ភដល់ដំណើរនេះផងដែរ ដែលលក់បាន ២៥០០ដុល្លារ។

ឯថវិកាដែលរកបាននៅពេលនោះ ពោលគឺប្រហែល ៦ខែមុន ត្រូវបានបែងចែកជា ៣ចំណែក ដោយមួយចំណែកសម្រាប់ដំណើរជិះកង់ មួយចំណែកសម្រាប់ម្ចាស់ស្នាដៃ និងបានឧបត្ថម្ភដល់កុមារា ឆលី ២០% នៃថវិកាដែលរកបាន។

អ្នកជិះកង់សប្បុរសរូបនេះ ក៏បានបញ្ជាក់ផងដែរ ពីការកែប្រែផែនការធ្វើដំណើររបស់លោក ដែលមិនត្រឹមតែជិះកង់ទៅកាន់ទ្វីបអឺរ៉ុបប៉ុណ្ណោះទេ តែលោកនឹងបន្តទៅកាន់ទ្វីបអាហ្រ្វិកថែមទៀត ដើម្បីស្វែងរកការឧបត្ថម្ភឱ្យកាន់តែច្រើន សម្រាប់មន្ទីរពេទ្យកុមារអង្គរ និងមន្ទីរពេទ្យគន្ធបុប្ផា។

តួយ៉ាង ក្នុងដំណើរដ៏វែងឆ្ងាយកន្លះឆ្នាំនេះ ថវិកាដែលប្រមូលបានមានចំនួនតិចតួចនៅឡើយ បើធៀបនឹងបេសកកម្មរបស់លោក ក្នុងតំបន់អាសុី គឺទទួលបានត្រឹមតែជាង ៣៦០០០ដុល្លារប៉ុណ្ណោះ។ នេះបើតាមការបញ្ចាក់របស់លោក ទីវ តារារិទ្ធ ក្នុងការ live កាលពីថ្ងៃទី ២៧ វិច្ឆិកា កន្លងទៅថ្មីៗនេះ។ ខណៈចំនួននេះ គឺមានការចូលរួមពីស្ថាប័ន និងធនាគារមួយចំនួនផងដែរ។

ក្នុងដំណើរនៃបេសកកម្មជិះកង់រៃអង្គាសថវិការបស់ លោក ទីវ តារារិទ្ធិ ច្រើនខែមកនេះ លោកបានឆ្លងកាត់ ប្រទេសឡាវ; ថៃ; បង់ក្លាដែស; ឥណ្ឌា និងកំពុងបន្តដំណើរលើទឹកដីតំបន់អាសុីកណ្តាល។

ក្នុងដំណើរបេសកកម្មនេះទៀតសោត លោកបានចំណាយថវិកាផ្ទាល់ខ្លួនច្រើនផងដែរ ពិសេសសម្ភារៈជិះកង់មួយចំនួន និងចំណាយលើសំបុត្រយន្តហោះ ក៏ព្រោះតែមិនអាចជិះកង់ឆ្លងកាត់តំបន់ជួរភ្នំហិមាល័យ ទៅកាន់ប៉ាគីស្ថានតាមគម្រោងបាន ដោយសារព្រំដែនរវាងភាគខាងជើងឥណ្ឌា និង ប៉ាគីស្ថាន ត្រូវបានបិទ។ ខណៈបច្ចុប្បន្ន លោកក៏កំពុងត្រូវការថវិកាបន្ថែមដើម្បីគាំទ្រដល់បេសកកម្មនេះបន្តទៀតផងដែរ។

គួររម្លឹកថា ដំណើរផ្សងព្រេងដ៏វែងឆ្ងាយនេះ គឺធ្វើឡើងដើម្បីរៃអង្គាសថវិកាជូនមន្ទីរពេទ្យគន្ធបុប្ផា និងមន្ទីរពេទ្យកុមារអង្គរ ជាសកម្មភាពជិះកង់សប្បុរសធម៌ជាថ្មីម្តងទៀត បន្ទាប់ពីលោកបានជិះកង់រៃអង្កាសថវិកាក្នុងតំបន់អាសុីអាគ្នេយ៍ ប្រើពេលជិត ៣ខែ ឆ្លងកាត់ប្រទេសអាស៊ានចំនួន៦ និងបាននាំយកថវិកាជាង ៥ម៉ឺនដុល្លារ ជូនមន្ទីរពេទ្យកុមារអង្គរ ឆ្នាំមុន។

ឯបេសកកម្មទៅកាន់ទ្វីបអឺរ៉ុបលើកនេះ គឺជាដំណើរដ៏វែងឆ្ងាយជាងមុន ក្នុងចម្ងាយប្រមាណជាជាង ២ម៉ឺនគីឡូម៉ែត្រ ដោយត្រូវឆ្លងកាត់ ២៥ ប្រទេស ខណៈបច្ចុប្បន្នលោកបានធ្វើដំណើរឆ្លងកាត់ ឡាវ; ថៃ; បង់ក្លាដែស; ឥណ្ឌា ហើយបាននិងកំពុងបន្តដំណើរទៅគោលដៅបន្ទាប់ៗទៀត។ តួយ៉ាង លោកត្រូវបន្តដំណើរដ៏វែងឆ្ងាយ ឆ្លងកាត់ ២០ប្រទេសទៀត មុននឹងវិលត្រឡប់មកកាន់មាតុប្រទេសវិញ ដើម្បីនាំយកថវិកាដែលលោករៃអង្គាសបានទាំងអស់ ប្រគល់ជូនមន្ទីរពេទ្យគន្ធបុប្ផា និងមន្ទីរពេទ្យកុមារអង្គរ៕ អត្ថបទ៖ សុធាវី

សម្រាប់អ្នកមានបំណងចូលរួម អាចបរិច្ចាគបានតាមរយៈ៖
Bank Account (ACLEDA Bank): 0001-05389418-14 (CYCLING FOR CHILDREN
KHQR link៖ https://epayment.acledabank.com.kh/Z1Z4GQZI8ZMWRXDQ/pay
AHC link៖ https://shorturl.at/tc72l

The post ដើម្បីកុមារកម្ពុជា អ្នកជិះកង់សប្បុរសធម៌ តារារិទ្ធ ដាក់លក់ស្នាដៃសិល្បៈសិល្បករមួយរូប រកថវិកាគាំទ្របេសកកម្ម appeared first on Kampuchea Thmey Daily.

ក្នុងដំណើរនៃបេសកកម្មជិះកង់រៃអង្គាសថវិការបស់ លោក ទីវ តារារិទ្ធិ ជិត ៦ខែមកនេះ លោកបានឆ្លងកាត់ ៤ប្រទេសហើយ រួមមាន ឡាវ; ថៃ; បង់ក្លាដែស និង ឥណ្ឌា ខណៈលោកក៏ទើបតែបញ្ជាក់់ពីការចាកចេញពី ឥណ្ឌា តាមជើងហោះហើរ ពីអាកាសយានដ្ឋានអន្តរជាតិ Indira Gandhi ទីក្រុង New Delhi ដើម្បីបន្តដំណើរជិះកង់ នៅតំបន់អាស៊ីកណ្តាល។

បើតាមគម្រោង លោកមានបំណងជិះកង់ធ្វើដំណើរឆ្លងកាត់តំបន់ជួរភ្នំហិមាល័យ ទៅកាន់ប៉ាគីស្ថានតែម្តង ប៉ុន្តែត្រូវខកខានវិញដោយសារតែព្រំដែនរវាងភាគខាងជើងឥណ្ឌា និង ប៉ាគីស្ថាន ត្រូវបានបិទ ហើយមានការយាមកាមតឹងរឹងថែមទៀតផង។ ហេតុនេះហើយ ទាមទារឱ្យលោកត្រូវបង្ខំចិត្តបង្វែរការធ្វើដំណើរឆ្ពោះទៅគោលដៅ កាហ្សាក់ស្ថាន វិញ។

ក្នុងដំណើរបេសកកម្មនេះទៀតសោត លោកបានចំណាយថវិកាផ្ទាល់ខ្លួនច្រើនផងដែរ ពិសេសលើសំបុត្រយន្តហោះ និងសម្ភារៈជិះកង់មួយចំនួន ដើម្បីទប់ទល់ជាមួយនឹងការធ្វើដំណើរក្នុងអាកាសធាតុនៃរដូវរងា ក្នុងប្រទេសទាំងអស់នោះ។ ជាថ្មីម្តងទៀត អ្នកជិះកង់សប្បុរសធម៌រូបនេះ ត្រូវតស៊ូជំនះឧបសគ្គទាំងស្ថានភាពផ្លូវធ្វើដំណើរ ព្រមនិងអាកាសធាតុ ដែលអាចបង្កគ្រោះថ្នាក់ដល់ជីវិតរបស់លោកផងដែរ។ តែយ៉ាងណា លោកក៏នៅតែបន្តសេចក្តីព្យាយាមមួយនេះ ដើម្បីកុមារកម្ពុជា។

គួររម្លឹកថា ដំណើរផ្សងព្រេងដ៏វែងឆ្ងាយនេះ គឺធ្វើឡើងដើម្បីរៃអង្គាសថវិកាជូនមន្ទីរពេទ្យគន្ធបុប្ផា និងមន្ទីរពេទ្យកុមារអង្គរ ជាសកម្មភាពជិះកង់សប្បុរសធម៌ជាថ្មីម្តងទៀត បន្ទាប់ពីលោកបានជិះកង់រៃអង្កាសថវិកាក្នុងតំបន់អាសុីអាគ្នេយ៍ ប្រើពេលជិត ៣ខែ ឆ្លងកាត់ប្រទេសអាស៊ានចំនួន៦ និងបាននាំយកថវិកាជាង ៥ម៉ឺនដុល្លារ ជូនមន្ទីរពេទ្យកុមារអង្គរ ឆ្នាំមុន។

ឯបេសកកម្មទៅកាន់ទ្វីបអឺរ៉ុបលើកនេះ គឺជាដំណើរដ៏វែងឆ្ងាយជាងមុន ក្នុងចម្ងាយប្រមាណជាជាង ២ម៉ឺនគីឡូម៉ែត្រ ដោយត្រូវឆ្លងកាត់ ២៥ ប្រទេស ខណៈបច្ចុប្បន្នលោកបានធ្វើដំណើរឆ្លងកាត់ ឡាវ; ថៃ; បង់ក្លាដែស; ឥណ្ឌា ហើយបាននិងកំពុងបន្តដំណើរទៅគោលដៅបន្ទាប់ៗទៀត។ តួយ៉ាង លោកត្រូវបន្តដំណើរដ៏វែងឆ្ងាយ ឆ្លងកាត់ ២០ប្រទេសទៀត មុននឹងវិលត្រឡប់មកកាន់មាតុប្រទេសវិញ ដើម្បីនាំយកថវិកាដែលលោករៃអង្គាសបានទាំងអស់ ប្រគល់ជូនមន្ទីរពេទ្យគន្ធបុប្ផា និងមន្ទីរពេទ្យកុមារអង្គរ៕

សម្រាប់អ្នកមានបំណងចូលរួម អាចបរិច្ចាគបានតាមរយៈ៖
Bank Account (ACLEDA Bank): 0001-05389418-14 (CYCLING FOR CHILDREN
KHQR link៖ https://epayment.acledabank.com.kh/Z1Z4GQZI8ZMWRXDQ/pay
AHC link៖ https://shorturl.at/tc72l

អត្ថបទ៖ សុធាវី

The post លោក ទីវ តារារិទ្ធ ត្រេកអរដែលសាធារណជនទទួលស្គាល់សេចក្តីព្យាយាមខ្លួន ក្នុងបេសកកម្មដើម្បីកុមារកម្ពុជា appeared first on Kampuchea Thmey Daily.

កំណត់ហេតុដ៏វែង ក្រោមចំណងជើងថា ” Bicycle Diaries Through the Himalayas ” លោក ទីវ តារារិទ្ធិ បានរៀបរាប់ពីចំណុចចាប់ផ្តើមរបស់លោក លើទឹកដីតំបន់ជួរភ្នំហិមាល័យ ប្រទេសឥណ្ឌា ដោយចាប់ចេញដំណើរពីទីក្រុង New Delhi ។

បើតាមគម្រោង លោកមានបំណងជិះកង់ធ្វើដំណើរឆ្លងកាត់តំបន់ជួរភ្នំហិមាល័យ ទៅកាន់ប៉ាគីស្ថាន ប៉ុន្តែត្រូវខកខានវិញដោយសារតែព្រំដែនរវាងភាគខាងជើងឥណ្ឌា និង ប៉ាគីស្ថាន ត្រូវបានបិទ ហើយមានការយាមកាមតឹងរឹងថែមទៀតផង។ ហេតុនេះហើយ លោកគ្មានជម្រើសអ្វីក្រៅពីធ្វើដំណើរទៅកាន់គោលដៅ ក្នុងក្តីស្រមៃរបស់លោក (ជួរភ្នំហិមាល័យ) មុនពេលត្រឡប់ទៅទីក្រុង New Delhi វិញប៉ុណ្ណោះ ហើយនិងបន្តដំណើរទៅគោលដៅបន្ទាប់ៗទៀត។

លោកថា នៅពេលខ្ញុំទៅដល់ទីក្រុង Manali ក្នុងរដ្ឋ Himachal Pradesh ប្រទេសឥណ្ឌា លោកទទួលបានព័ត៌មានពីមនុស្សជាច្រើន ដោយប្រាប់លោកថា ការជិះកង់ទៅ Ladakh តំបន់ភ្នំហិមាល័យ ក្នុងរដូវរងារបែបនេះ គឺមានហានិភ័យខ្ពស់ណាស់ ដោយសារតែអាកាសធាតុនឹងត្រជាក់ខ្លាំង អាចមានព្រិលធ្លាក់នៅតំបន់ខ្លះ ដែលបណ្តាលឱ្យសីតុណ្ហភាពធ្លាក់ចុះក្រោមសូន្យឯណោះ។

សម្រាប់ការជិះកង់ក្នុងតំបន់ជួរភ្នំមួយនេះ លោកទទួលស្គាល់ថា ការធ្វើដំណើរនៅតំបន់ដែលមានរយៈកម្ពស់ខ្ពស់ ដូចជាតំបន់ជួរភ្នំហិមាល័យ មិនមែនជារឿងដែលមនុស្សគ្រប់គ្នាអាចធ្វើបានទេ វាទាមទារឲ្យយើងមានអំណត់អត់ធ្មត់ខ្ពស់ មានកាយសម្បទារាំងមាំ និងសុខភាពល្អប្រសើរ។ ជាក់ស្តែង បើទោះបីជាលោកមានកាយសម្បទា និងសុខភាពល្អប្រសើរយ៉ាងណា ក៏នៅតែមានបញ្ហាដូចជាឈឺក្បាលជាប្រចាំ និងដេកមិនលក់ដែរ ហើយរៀងរាល់ពេលដែលលោកឈឺក្បាល លោកបានលេបថ្នាំបំបាត់ការឈឺចាប់ ដើម្បីមានកម្លាំងបន្តដំណើរទៅមុខទៀត។

យ៉ាងណាមិញ នៅទីបំផុតលោកក៏អាចសម្រេចគោលបំណងរបស់ខ្លួន ក្នុងការជិះកង់ផ្សងព្រេងនៅតំបន់ជួរភ្នំដ៏ធំនេះ ជាមួយនឹងបទពិសោធថ្មី បើទោះបីជាឆ្លងកាត់ឧបសគ្គច្រើនក៏ដោយ។

លម្អិតពីកំណត់ហេតុ លោក ទីវ តារារិទ្ធិ ៖ Bicycle Diaries Through the Himalayas

ក្នុងដំណើរជិះកង់ផ្សងព្រេងនេះដែរ លោក ទីវ តារារិទ្ធិ បានឆ្លៀតធ្វើរឿងសំខាន់មួយផងដែរ ជាមួយនឹងបុរសម្នាក់ឈ្មោះ Rohan ក្នុងការផលិតភាពយន្តខ្នាតខ្លីមួយអំពីក្រុមហ៊ុនសូកូឡារបស់គាត់ ក្រោយបានស្តាប់ដំណើរផ្សងព្រេងរបស់ បុរសរូបនេះ ពីទីក្រុង Mumbai ទៅជ្រលងភ្នំ Kulu-Manali និងការបើកដំណើរការក្រុមហ៊ុនរបស់គាត់ THC The Himalayan Chocolate ។

ស្របពេលនឹងការបញ្ចប់ភាពយន្តខ្លីនេះដែរ លោក ទីវ តារារិទ្ធិ ក៏ទទួលបានអុីម៉ែលពីស្ថានទូត Kyrgyzstan ដែលបញ្ជាក់អំពីការអនុម័តទិដ្ឋាការបស់លោក ទៅកាន់ប្រទេសនោះផងដែរ។ ហើយជំហានបន្ទាប់ ជាពេលដែលលោកត្រូវត្រឡប់ទៅទីក្រុងញូវដែលីវិញ ដើម្បីទិញសំបុត្រយន្តហោះ បន្តដំណើរទៅកាន់គោលដៅថ្មីរបស់លោក គឺអាស៊ីកណ្តាល។

គួររម្លឹកថា ដំណើរផ្សងព្រេងដ៏វែងឆ្ងាយនេះ គឺធ្វើឡើងដើម្បីរៃអង្គាសថវិកាជូនមន្ទីរពេទ្យគន្ធបុប្ផា និងមន្ទីរពេទ្យកុមារអង្គរ ជាសកម្មភាពជិះកង់សប្បុរសធម៌ជាថ្មីម្តងទៀត បន្ទាប់ពីលោកបានជិះកង់រៃអង្កាសថវិកាក្នុងតំបន់អាសុីអាគ្នេយ៍ កាលពីឆ្នាំ២០២៣ ក្នុងដំណើរ ៩៧៥០គីឡូម៉ែត្រ ដោយប្រើពេលជិត ៣ខែ ជិះកង់ផ្សងព្រេងតែម្នាក់ឯង ឆ្លងកាត់ប្រទេសអាស៊ានចំនួន៦ រួមមាន វៀតណាម ឡាវ សិង្ហបុរី ម៉ាឡេស៊ី និង ថៃ និងបាននាំយកថវិកាជាង ៥ម៉ឺនដុល្លារ ជូនមន្ទីរពេទ្យកុមារអង្គរ។

ដោយឡែក សម្រាប់បេសកកម្មទៅកាន់ទ្វីបអឺរ៉ុបនេះ គឺជាដំណើរដ៏វែងឆ្ងាយជាងមុន ប្រមាណជាជាង ២ម៉ឺនគីឡូម៉ែត្រ ដោយត្រូវឆ្លងកាត់ ២៥ ប្រទេស រួមមាន ឡាវ; ថៃ; បង់ក្លាដែស; ឥណ្ឌា; ប៉ាគីស្ថាន; អាហ្វហ្កានីស្ថាន; កាហ្សាក់ស្ថាន; តាហ្សីគីស្ថាន; អូសបេគីស្ថាន; តួកម៉េនីស្ថាន; អុីរ៉ង់; តួកគី; ប៊ុលហ្ការី; រូម៉ានី; ហុងគ្រី; អូទ្រីស; អាល្លឺម៉ង់; ស្វីស; អេស្ប៉ាញ; ព័រទុហ្គាល់; ហូឡង់; បារាំង; ន័រវេស; និង អុីតាលី ដោយចាប់ចេញដំណើរពីកម្ពុជា កាលពីថ្ងៃទី ០៦ ខែមិថុនា ឆ្នាំ២០២៤៕ អត្ថបទ៖ សុធាវី

សម្រាប់អ្នកមានបំណងចូលរួម អាចបរិច្ចាគបានតាមរយៈ៖
Bank Account (ACLEDA Bank): 0001-05389418-14 (CYCLING FOR CHILDREN
KHQR link៖ https://epayment.acledabank.com.kh/Z1Z4GQZI8ZMWRXDQ/pay
AHC link៖ https://shorturl.at/tc72l

The post លោក ទីវ តារារិទ្ធបានសរសេរកំណត់ហេតុមួយ នៃការជិះកង់ផ្សងព្រេងរបស់ខ្លួន នៅតំបន់ជួរភ្នំហិមាល័យ appeared first on Kampuchea Thmey Daily.

ដំណើរផ្សងព្រេងនេះ លោក ទីវ តារារិទ្ធិ បានឆ្លងកាត់ឧបសគ្គជាច្រើន និងធ្លាប់បានជួប​ឧប្បត្ដិហេតុ​គ្រោះថ្នាក់​ចរាចរណ៍​នៅប្រទេស​ឡាវ​ ​កាលពីអំឡុងខែសីហា ដែលធ្វើឱ្យលោករងរបួស ហើយខូចខាតកង់មិនអាចបន្តបេសកកកម្មអស់មួយរយៈពេលខ្លី និងជាពិសេស គឺនៅពេលដែលលោកចាប់ផ្តើមបេសសកកម្មជិះកង់នៅតំបន់ភ្នំ។

លោកថា ការធ្វើដំណើរនៅតំបន់ដែលមានរយៈកម្ពស់ខ្ពស់ដូចជាតំបន់ជួរភ្នំហិមាល័យ មិនមែនជារឿងដែលមនុស្សគ្រប់គ្នាអាចធ្វើបានទេ វាទាមទារឲ្យយើងមានអំណត់អត់ធ្មត់ខ្ពស់ មានកាយសម្បទារាំងមាំ និងសុខភាពល្អប្រសើរ។ បើទោះបីជាលោកមានកាយសម្បទា និងសុខភាពល្អប្រសើរយ៉ាងណា ក៏នៅតែមានបញ្ហាដូចជាឈឺក្បាលជាប្រចាំ និងដេកមិនលក់ដែរ ហើយរៀងរាល់ពេលដែលលោកឈឺក្បាល លោកបានលេបថ្នាំបំបាត់ការឈឺចាប់ ដើម្បីមានកម្លាំងបន្តដំណើរទៅមុខទៀត។

ទោះយ៉ាងណា ខណៈប្រឈមនឹងឧបសគ្គជាច្រើន អ្នកជិះកង់សប្បុរធម៌រូបនេះ នៅតែបង្ហាញឆន្ទៈរបស់ខ្លួនថា “រាល់សេចក្តីខិតខំប្រឹងប្រែងតស៊ូជម្នះរាល់ឧបសគ្គ និងមិនខ្លាចសូម្បីបាត់បង់ជីវិតនៅទីកន្លែងដែលមានអាកាសធាតុត្រជាក់ក្រោមសូន្យ លោកគ្រាន់តែសង្ឃឹមថា កិច្ចការងារទាំងអស់នេះបានចូលរួមជួយដល់កុមារកម្ពុជាជាច្រើន ពិសេសកុមារមានជំងឺមហារីកនៅមន្ទីពេទ្យ ដែលកំពុងត្រូវការជំនួយខ្លាំង”។

ទន្ទឹមនឹងនេះ លោក ទីវ តារារិទ្ធិ ក៏បានឱ្យដឹងដែរថា ក្នុងដំណើរផ្សងព្រេងរបស់លោកនៅតំបន់ភូមិភាគជើងប្រទេសឥណ្ឌា លោកក៏ទទួលបានស្វាគមន៍យ៉ាងកក់ក្តៅពីអ្នកនៅទីនោះផងដែរ ដោយបានផ្តល់កន្លែងស្នាក់នៅ ផ្តល់អាហារ និងបានអញ្ជើញលោកទៅលោតឆ័ត្រយោង (Paraglaiding) ពីលើជ្រលងភ្នំដែលមានកម្ពស់ ២២០០ ម៉ែត្រ ខ្ពស់ជាងនីវ៉ូទឹកសមុទ្រទៀតផង។

គួររម្លឹកថា ដំណើរផ្សងព្រេងដ៏វែងឆ្ងាយនេះ គឺធ្វើឡើងដើម្បីរៃអង្គាសថវិកាជូនមន្ទីរពេទ្យគន្ធបុប្ផា និងមន្ទីរពេទ្យកុមារអង្គរ ជាសកម្មភាពជិះកង់សប្បុរសធម៌ជាថ្មីម្តងទៀត បន្ទាប់ពីលោកបានជិះកង់រៃអង្កាសថវិកាក្នុងតំបន់អាសុីអាគ្នេយ៍ កាលពីឆ្នាំ២០២៣ ក្នុងដំណើរ ៩៧៥០គីឡូម៉ែត្រ ដោយប្រើពេលជិត ៣ខែ ជិះកង់ផ្សងព្រេងតែម្នាក់ឯង ឆ្លងកាត់ប្រទេសអាស៊ានចំនួន៦ រួមមាន វៀតណាម ឡាវ សិង្ហបុរី ម៉ាឡេស៊ី និង ថៃ និងបាននាំយកថវិកាជាង ៥ម៉ឺនដុល្លារ ជូនមន្ទីរពេទ្យកុមារអង្គរ។

ដោយឡែក សម្រាប់បេសកកម្មទៅកាន់ទ្វីបអឺរ៉ុបនេះ គឺជាដំណើរដ៏វែងឆ្ងាយជាងមុន ប្រមាណជាជាង ២ម៉ឺនគីឡូម៉ែត្រ ដោយត្រូវឆ្លងកាត់ ២៥ ប្រទេស រួមមាន ឡាវ; ថៃ; បង់ក្លាដែស; ឥណ្ឌា; ប៉ាគីស្ថាន; អាហ្វហ្កានីស្ថាន; កាហ្សាក់ស្ថាន; តាហ្សីគីស្ថាន; អូសបេគីស្ថាន; តួកម៉េនីស្ថាន; អុីរ៉ង់; តួកគី; ប៊ុលហ្ការី; រូម៉ានី; ហុងគ្រី; អូទ្រីស; អាល្លឺម៉ង់; ស្វីស; អេស្ប៉ាញ; ព័រទុហ្គាល់; ហូឡង់; បារាំង; ន័រវេស; និង អុីតាលី ដោយចាប់ចេញដំណើរពីកម្ពុជា កាលពីថ្ងៃទី ០៦ ខែមិថុនា ឆ្នាំ២០២៤៕ អត្ថបទ៖ សុធាវី

សម្រាប់អ្នកមានបំណងចូលរួម អាចបរិច្ចាគបានតាមរយៈ៖
Bank Account (ACLEDA Bank): 0001-05389418-14 (CYCLING FOR CHILDREN
KHQR link៖ https://epayment.acledabank.com.kh/Z1Z4GQZI8ZMWRXDQ/pay
AHC link៖ https://shorturl.at/tc72l

The post លោក ទីវ តារារិទ្ធិ សង្ឃឹមថា រាល់ការតស៊ូរបស់លោក មិនខ្លាចសូម្បីបាត់បង់ជីវិត នឹងបានចូលរួមជួយដល់កុមារកម្ពុជា appeared first on Kampuchea Thmey Daily.