តារាស្រីវ័យ ៦៩ ឆ្នាំរូបនេះបានឲ្យដឹងថា កាលពីថ្ងៃទី១២ ខែវិច្ឆិកា ពេល Lianhe Zaobao ទាក់ទងទៅ គាត់កំពុងសម្រាកនៅសាឡុង ព្រោះវិលមុខដោយសារជំងឺ Meniere ។ ដូច្នេះហើយ Mimi Choo គាត់ចង់កាត់បន្ថយការងារខ្លះ ជាជាងចូលនិវត្តន៍តែម្ដង ប៉ុន្តែបន្តការច្រៀងធម្មតា ។

ជាការពិតណាស់ Choo មានជំងឺ Meniere កាលពីប៉ុន្មានឆ្នាំមុន ហើយទើបតែធូរស្បើយថ្មីៗនេះទេ ។ ជួនកាលអ្នកស្រីត្រូវពន្យារពេលធ្វើការ ឬហាត់ច្រៀងទៀតផង ដើម្បីសម្រាកយូរបន្តិច ។

សូមបញ្ជាក់ថា ជំងឺ Meniere ជាជំងឺដែលបណ្តាលមកពីការបង្កើតសារធាតុរាវនៅក្នុងត្រចៀក ហើយធ្វើឲ្យមានរោគសញ្ញាដូចជា ចង្អោរ, ក្អួត, ស្តាប់មិនសូវឮ, រោទ៍ក្នុងត្រចៀក, ឈឺក្បាល, បាត់បង់តុល្យភាព, និងបែកញើស ៕

ប្រែសម្រួល៖ វារី

ប្រភព៖ Asianone

ចុចអាន៖ មកដឹងពីជំងឺប្រចាំកាយរបស់តារាអន្តរជាតិ ១០ នាក់

The post Mimi Choo ចង់កាត់បន្ថយការងារខ្លះ ព្រោះជំងឺប្រចាំកាយ appeared first on Kampuchea Thmey Daily.

១. Michael J. Fox

ត្រលប់ទៅកាន់ឆ្នាំ ១៩៩១ លោក Michael មានអាយុ ២៩ ឆ្នាំប៉ុណ្ណោះពេលមានជំងឺ Young-onset Parkinson’s ។ រោគសញ្ញាដំបូងរបស់គាត់គឺកន្ត្រាក់កូនដៃអំឡុងពេលថតរឿង “Doc Hollywood” មិនត្រឹមតែបន្តការសម្ដែងទេ លោក Michael ថែមទាំងបង្កើតមូលនិធិ The Michael J. Fox ក្នុងឆ្នាំ ២០០០ សម្រាប់ការស្រាវជ្រាវជំងឺ Parkinson ទៀតផង ។

២. George Clooney

កំពុងថតរឿង Syriana ក្នុងឆ្នាំ ២០០៥ សុខៗ George បានធ្លាក់ពីលើកៅអីបណ្ដាលឲ្យរបួសក្បាលយ៉ាងធ្ងន់ធ្ងរ ។ មកទល់បច្ចុប្បន្ន គាត់នៅតែមានការឈឺចាប់រ៉ាំរ៉ៃ និងធ្វើទុក្ខមួយអាទិត្យបីដង ។

៣. Alec Baldwin

Alec Baldwin មានជំងឺឡែមជាប់ខ្លួនរាប់សិបឆ្នាំមកហើយ គាត់ប្រាប់សារព័ត៌មាន People ថា “ខ្ញុំស្មានថាមិនរស់ទេ ខ្ញុំឯកាណាស់ ពេលនោះទើបតែលែងលះប្រពន្ធទីមួយរបស់ខ្ញុំរួច ។ ខ្ញុំគេងលើគ្រែគិតថានឹងស្លាប់ដោយសារជំងឺឡែមជាមិនខាន និងសូមឲ្យគេរកសពឃើញឆាប់ៗផង” ។

៤. Lil Wayne

អ្នកចម្រៀងរ៉េបដ៏ល្បីរូបនេះមានជំងឺឆ្កួតជ្រូកចាប់តាំងពីចូលធ្វើការដំបូងមកម្ល៉េះ ។

៥. Bella Hadid

Bella កំពូលតារាម៉ូដែលពិភពលោកដែលត្រូវជាប្អូនស្រី Gigi Hadid តាមពិតមានជំងឺឡែមជាជំងឺប្រចាំកាយសោះ ។

៦. Will.i.am

កាលពីឆ្នាំ ២០១៣ Will.i.am បានប្រាប់ទស្សនាវដ្ដី Mirror ពីការលំបាកពេលផលិតភ្លេងព្រោះលោកមានជំងឺ ADHD ។

៧. Selena Gomez

Selena មានជំងឺលុយពីស និងធ្លាប់វះកាត់ប្ដូរក្រលៀនជាមួយអតីតមិត្តចាស់ម្នាក់ដែរ មកដល់ឆ្នាំ ២០២០ នាងមានជំងឺថែមមួយទៀតគឺ បាយប៉ូឡា ។

៨. Bono

Bono បានកើតជំងឺដក់ទឹកក្នុងភ្នែកអស់រយៈពេល ៣ ទសវត្សរ៍មកហើយ ដូច្នេះគាត់តែងតែពាក់វ៉ែនតាការពារពន្លឺជានិច្ច ។

៩. Nick Jonas

Nick កើតជំងឺទឹកនោមផ្អែមប្រភេទទី ១ តាំងពីគាត់មានអាយុត្រឹម ១៦ ឆ្នាំ ។

១០. Pete Davidson

ពេល Pete Davidson មានជំងឺ Crohn គាត់ទើបតែ ១៧ ឬ ១៨ ឆ្នាំប៉ុណ្ណោះ ។ នៅក្នុងបទសម្ភាសន៍ជាមួយ High Times គាត់បានពន្យល់ថា កញ្ឆាមានសារៈសំខាន់ណាស់សម្រាប់គ្រប់គ្រងការឈឺក្រពះរបស់គាត់ ។ Pete បន្ត “ខ្ញុំនឹងមិនអាចសម្ដែងក្នុង Saturday Night Live បានទេប្រសិនបើខ្ញុំមិនជក់បារី ។ ខ្ញុំពិតជាមិនអាចធ្វើអ្វីបានមែន ខ្ញុំសម្តែងមិនត្រូវសោះ វា​ជា​រឿង​ដ៏​អាក្រក់​សម្រាប់​ខ្ញុំ ព្រោះ​ខ្ញុំ​​មាន​អារម្មណ៍​មិនល្អ​” ៕

ប្រែសម្រួល ៖ វារី

ចុចអាន ៖ តារាលំដាប់ពិភពលោក ៨ នាក់ ធ្លាប់ត្រូវគេផ្សព្វផ្សាយថា ស្លាប់ដោយមិនដឹងខ្លួន

The post មកដឹងពីជំងឺប្រចាំកាយរបស់តារាអន្តរជាតិ ១០ នាក់ appeared first on Kampuchea Thmey Daily.