ទីភ្នាក់ងារសន្តិសុខសុខភាពចក្រភពអង់គ្លេស បានប្រកាសករណីទី៣នៃជំងឺគ្រុន Lassa កាលពីថ្ងៃសុក្រទី១១ខែកុម្ភៈ ហើយនិយាយថា ជំងឺនេះកាចសាហាវណាស់។

ករណីទាំងអស់ គឺមកពីគ្រួសារតែមួយនៅភាគខាងកើតប្រទេសអង់គ្លេស បន្ទាប់ពីពួកគេទើបតែត្រឡប់មកផ្ទះវិញ ពីដំណើរកម្សាន្តទៅកាន់តំបន់អាហ្វ្រិកខាងលិច ជាកន្លែងដែលមេរោគនេះ កំពុងវាយប្រហារ។

ជំងឺគ្រុន Lassa គឺជាជំងឺធ្លាក់ឈាមស្រួចស្រាវ ដែលបង្កឡើងដោយមេរោគ Lassa ហើយស្រដៀងទៅនឹង Ebola ដែរ។

វាឆ្លងដោយសារតែការប៉ះពាល់ទៅនឹងអាហារ ឬរបស់របរប្រើប្រាស់ក្នុងផ្ទះដែលកខ្វក់ជាមួយនឹងទឹកនោម ឬលាមកសត្វកណ្តុរ។ អ្នកក៏អាចឆ្លងតាមរយៈការប៉ះពាល់ជាមួយសារធាតុរាវនៃរាងកាយ ដែលមានមេរោគផងដែរ។

រោគសញ្ញាចាប់ផ្តើមដោយការឈឺក្បាល ឈឺបំពង់ក និងក្អួត ប៉ុន្តែវាក៏អាចបង្កឲ្យមានការហូរឈាមតាមមាត់ ច្រមុះ ឬទ្វាមាសផងដែរ។

បើគ្មានការព្យាបាលទាន់ពេលវេលាទេ ជំងឺអាចវិវត្តទៅអស់កម្លាំង ប្រកាច់ សន្លប់ និងថ្លង់បណ្តោះអាសន្ន ហើយឈានដល់ស្លាប់៕

ប្រែសម្រួល៖ Vann Vann

ប្រភព៖ Mirror

ចុចអាន៖ អង់គ្លេស រកឃើញអ្នកឆ្លងមេរោគបណ្តាលឲ្យហូរឈាមតាមប្រដាប់ភេទស្រដៀង អេបូឡា

The post ប្រយ័ត្ន! អង់គ្លេស មានអ្នកស្លាប់ទី១ ដោយសារជំងឺធ្លាក់ឈាមដ៏សាហាវ ឆ្លងពីសត្វកណ្តុរ appeared first on Kampuchea Thmey Daily.

មន្ត្រី​សុខាភិបាល​បាន​បង្ហាញ​ថា អ្នក​ជំងឺ​គឺ​ជា​សមាជិក​នៃ​គ្រួសារ​តែ​មួយ ​ដែល​រស់​នៅ​ភាគ​ខាង​កើត​ប្រទេស​អង់គ្លេស។ ពួកគេស្ថិតក្នុងចំណោមករណីចំនួន១០ប៉ុណ្ណោះ ដែលត្រូវបានរកឃើញនៅក្នុងប្រទេស។

សាច់ញាតិទីបី ក៏ត្រូវបានគេសង្ស័យថាមានជំងឺស្រដៀង Ebola នេះដែរ ប៉ុន្តែកំពុងរង់ចាំការធ្វើតេស្តបញ្ជាក់។ ជំងឺនេះបានសម្លាប់មនុស្សប្រហែលម្នាក់ក្នុងចំណោម១០០នាក់ ។

ស្របពេលជាមួយគ្នានោះ ទីភ្នាក់ងារសន្តិសុខសុខភាពចក្រភពអង់គ្លេស (UKHSA) បានសង្កត់ធ្ងន់ថា មិនមានភស្តុតាងនៃការឆ្លងជាបន្តបន្ទាប់ក្នុងចំណោមករណីណាមួយនោះទេ។

ជំងឺគ្រុនក្តៅ Lassa គឺជាជំងឺរាតត្បាតនៅក្នុងប្រទេសនីហ្សេរីយ៉ា និងប្រទេសមួយចំនួនទៀត នៅឆ្នេរសមុទ្រភាគខាងលិចទ្វីបអាហ្រ្វិក រួមទាំងប្រទេសលីបេរីយ៉ា និងហ្គីណេផងដែរ។

ជាធម្មតា មនុស្សឆ្លងមេរោគនេះ បន្ទាប់ពីប៉ះពាល់នឹងអាហារ ឬរបស់របរប្រើប្រាស់ក្នុងផ្ទះដែលកខ្វក់ជាមួយនឹងទឹកនោម ឬលាមករបស់សត្វកណ្តុរដែលមានមេរោគ។ ប៉ុន្តែមេរោគនេះអាចធ្វើឲ្យស្ត្រីចេញឈាមតាមទ្វារមាស និងបណ្តាលឲ្យប្រកាច់។

យោងតាមអង្គការសុខភាពពិភពលោក (WHO) បានឲ្យដឹងថា ប្រហែល៨០ភាគរយនៃមនុស្សដែលឆ្លងជំងឺនេះ មិនមានរោគសញ្ញាអ្វីទាំងអស់។

ក្នុង​ចំណោម​អ្នក​ដែល​មាន​រោគ​សញ្ញា អ្នក​ជំងឺ​មួយ​ភាគ​បួន​នឹង​ជួប​ប្រទះ​ ការ​ថ្លង់​បណ្ដោះ​អាសន្ន។ រោគសញ្ញាផ្សេងទៀតរួមមាន ឈឺក្បាល ឈឺបំពង់ក និងក្អួត។ វាក៏អាចបង្កឲ្យមានការហូរឈាមតាមមាត់ និងច្រមុះផងដែរ៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ ផ្ទុះជំងឺ Lassa​ នៅអាហ្វ្រិក សម្លាប់មនុស្ស ៨០នាក់

The post អង់គ្លេស រកឃើញអ្នកឆ្លងមេរោគបណ្តាលឲ្យហូរឈាមតាមប្រដាប់ភេទស្រដៀង អេបូឡា   appeared first on Kampuchea Thmey Daily.