អាការជំងឺប៉ាគីនសិន មានភាពខុសគ្នាពីមនុស្សម្នាក់ទៅមនុស្សវ័យចំណាស់​ម្នាក់ទៀត យ៉ាងណាមិញ​អាការជំងឺទូទៅមួយចំនួនមានដូចជា៖

១. ញ័រ

អ្នកជំងឺចាប់ផ្តើមញ័រប្រអប់ដៃ ដៃ ថ្គាម ឬប្រអប់ជើង។ ជាធម្មតានៅដំណាក់កាលដំបូង អ្នកជំងឺ​ញ័រ​តែ​នៅរាងកាយ ឬអវយវៈម្ខាងប៉ុណ្ណោះ។ នៅ​ពេលដែលជំងឺវិវដ្ដ អ្នកជំងឺនឹងញ័រកាន់តែខ្លាំង ជា​ពិសេស​ពេលអ្នកជំងឺមាន​ធ្ងន់ធ្ងរ​។ ជារឿយៗអ្នកជំងឺនឹងបាត់ញ័រនៅពេលគេង ព្រោះអ្នក​ជំងឺ​មិនកម្រើកដៃឬជើង។

២. មានចលនាយឺត

ជំងឺប៉ាគីនសិនអាចធ្វើឱ្យចាស់ៗមានចលនាយឺតយ៉ាវ និងត្រូវចំណាយ​ពេល​ច្រើន​ក្នុងការធ្វើការងារសាមញ្ញៗ។ ចាស់ៗអាចបោះជំហានខ្លីជាងមុនពេលដើរ ពិបាកក្រោកពីកៅអី ឬអាចដើរអូសជើង។

៣. រឹងសាច់ដុំ ឬអវយវៈ

អ្នកជំងឺអាចរឹងសាច់ដុំនៅផ្នែកណាមួយនៃរាងកាយ ដែលបណ្តាលឱ្យមានការឈឺចាប់ និងមាន​កម្រិត​​ក្នុង​ការធ្វើចលនា។

៤. រមួលសាច់ដុំ ឬរមួលក្រពើ

អ្នកជំងឺអាចរមួលក្រពើ ឬរួញម្រាមជើង។

៥. បាត់បង់ចលនាស្វ័យប្រវត្តិ

អ្នកជំងឹអាចថយ​សមត្ថភាព​ក្នុងការ​ធ្វើចលនា​ដោយមិន​ដឹងខ្លួន​ដូច​ជា ការ​ព្រិចភ្នែក ញញឹម ឬយោលដៃនៅពេលដើរ។

៦. បាត់បង់លំនឹង

អ្នកជំងឺមានទំនោរផ្អៀងទៅម្ខាងដែលជាហេតុធ្វើឱ្យងាយដួលនៅពេលបុក ឬបះអ្វីមួយ។ នៅពេល​ព្យាយាម​បោះជំហានដើរទៅមុខ អ្នកជំងឺអាចមានអារម្មណ៍ថាដូចជាជាប់ជើងនឹងឥដ្ឋ ឬដី៕

អត្ថបទផ្ដល់ដោយ៖ Hello Krupet

ចុចអាន៖ចាស់ៗច្រើនឈឺសន្លាក់ ក្រៅពីថ្នាំពេទ្យ មានវិធីអ្វី​ជួយបានទៀត​?​

ចុចអាន៖មនុស្សវ័យចំណាស់មានបញ្ហាហូប ឬលេបអាហារ គឺជារឿងធម្មតា?

The post មនុស្សវ័យចំណាស់ចេះតែញ័រដៃ អាចជាអាការ ជំងឺប៉ាគីនសិន appeared first on Kampuchea Thmey Daily.