ណូម័រ Archives - Kampuchea Thmey Daily

ស្រីស្អាត ណូម័រ ទម្លាយរឿងមិនធ្លាប់មានអ្នកដឹង ជីវិតជាអ្នករបាំតាំងពីកុមារភាព រហូតសម្រេចក្តីស្រមៃធំ

Chan Sotheavy — Wed, 23 Oct 2024 10:05:45 +0000

តារាសម្តែងនិងជាពិធីការិនីរូបស្រស់អ្នកនាង ណូម័រ បានទម្លាយរឿងដែលអ្នកគាំទ្រ និងទស្សនិកជនមិនធ្លាប់ដឹង ខណ:នាងមានដុងសិល្ប:តាំងតែពីនៅកុមារភាព រហូតក្លាយជាតារាល្បីឈ្មោះក្នុងអាជីពសិល្ប:ដល់សព្វថ្ងៃ។

ប្រាកដណាស់អ្នកមេម៉ាយចាយសម្រស់ ណូម័រ បច្ចុប្បន្នមិនត្រឹមជោគជ័យលើអាជីពសម្តែងនោះទេ គឺនាងចាប់អាជីពជាពិធីការិនីនិងបំណងធំកាលពី១០ឆ្នាំ មុនគឺក្លាយជា DJ បន្ថែមលើអាជីពសម្តែងនិងពិធីការិ នី។ ដោយសាហេតផលនេះទើបធ្វើឲ្យស្រីស្អាត ណូ ម័រ កាន់តែសប្បាយចិត្តនិងរីកមុខមាត់ដូចគ្រាប់ជីនូវលទ្ធផលដែលនាងសម្រេចបាន។

ដោយឡែករឿងដែលទស្សនិកជនមិនធ្លាប់ដឹងត្រូវបាន ណូម័រ បង្ហើបឲ្យដឹងថាអ្វីដែលអ្នកមិនធ្លាប់ដឹងពីកញ្ញាណូម័រ គឺថា កាលទើបដឹងក្តី ក៏ក្លាយជាអ្នករបាំបន្ទាប់មកជាតួសម្តែង ក្រោយមកជាពិធីការនីហើយពេលនេះជា DJ NoMore ។នាងថានិយាយរួមទៅនាងមានការតស៊ូរកលុយដោយញើសឈាមខ្លួនឯងតាំងពីក្មេងមកម្ល៉េះ។

កត់សម្គាត់ថាតារាសម្តែងនិងពីធីការិនីរូបស្រស់ ណូម័រ ត្រូវបានគេកត់សម្គាល់ឃើញថា បច្ចុប្បន្ននេះនាងនៅតែរក្សាបានការគាំទ្រ ហើយកាន់តែមានរូបសម្រស់ស្រស់ស្អាត។ ខណ:ទីផ្សាការងារក៏មានហាងឆេងខ្ពស់ ដែលជាហេតុធ្វើឲ្យនាងមានលទ្ធភាពសម្ញែងភាពហ៊ឺហារមិនចាញ់តារាស្រីឯទៀតទេ។

គួររម្លឹថាអ្នកនាង ណូម័រ ធ្លាប់បានរៀបមង្គលការម្តងរួ ចមកហើយជាមួយវីជេ សុភា តែគួរឲ្យស្តាយបន្ទាប់ពីរៀបការមិនដល់កន្លះឆ្នាំផងអ្នកទាំងពីរក៏សម្រេចចែ កផ្លូវគ្នាដើររៀងខ្លួនទៅវិញ។ ក្រោយពីបែកផ្លូវគ្នារហូតមកដល់ពេលនេះប្រមាណជជា៥ឆ្នាំទៅហើយតែតារាសម្តែងរូបស្រស់ ណូម័រ ហាក់មិនទាន់រកអ្នកស្អំបេះដូងឃើញឡើយ៕ អត្ថបទ៖ ចាន់រ៉ា

The post ស្រីស្អាត ណូម័រ ទម្លាយរឿងមិនធ្លាប់មានអ្នកដឹង ជីវិតជាអ្នករបាំតាំងពីកុមារភាព រហូតសម្រេចក្តីស្រមៃធំ appeared first on Kampuchea Thmey Daily.

ណូ ម័រ ចេញមកបញ្ជាក់ពាក់ព័ន្ធរូបថត ១សន្លឹកជាមួយ ប៊ុត សីហា

Din Thary — Thu, 26 Oct 2023 08:13:24 +0000

តារាសម្ដែង និងជាពិធីការិនី ណូ ម័រ ថ្មីៗនេះបានធ្វើឲ្យមហាជនមានការភ្ញាក់ផ្អើល ហើយចាប់អារម្មណ៍គ្រប់គ្នាខណៈ សុខៗស្រាប់តែតារាស្រីរូបនេះបានបង្ហោះរូបថតមួយសន្លឹកជាមួយតារាចម្រៀងលោក ប៊ុត សីហា នៅលើបណ្ដាញសង្គមហ្វេសប៊ុកស្របពេលដែលគេដឹងថា ប៊ុត សីហា ទើបតែផ្ទុះរឿងរ៉ាវគ្រឿងញៀនកាលពីថ្មីៗនេះ។

យោងតាមការបង្ហោះរូបថតមួយសន្លឹកនេះដែរពិធីការិនី ណូ ម័រ បានសរសេរខ្លឹមសារខ្លីថា ជាពិធីការិនី បទសម្ភាសន៍វត្តមានតារាកិត្តយសលោក ប៊ុត សីហា។ បន្ទាប់ពីឃើញការបង្ហោះដូច្នេះ ភ្លាមៗនោះគេក៏ឃើញមហាជន និងអ្នកគាំទ្រជាច្រើនបានចូលខមិនសួរនាំតារាស្រីអ្នកនាង ណូ ម័រ ជុំវិញរូបភាពនេះដោយហេតុ ថាលោក ប៊ុត សីហា ទើបត្រូវបានសមត្ថកិច្ចឃាត់ខ្លួនកាលពីថ្មីៗពាក់ព័ន្ធបញ្ហាគ្រឿងញៀនឥឡូវបែរជាមកថតរូបជាមួយនាងដូច្នេះ។

ចំណែកឯខ្លះទៀតក៏បានចោទជាសំណួរប្រហែលគ្នានេះដែរថា តើរូបភាពនេះថតនៅពេលថ្មីៗនេះ ឬយ៉ាងណា?»។ រីឯខ្លះទៀតក៏បានដាក់ជាចម្ងល់ថា«តើ ប៊ុត សីហា បានចេញពីឃុំវិញហើយឬ?»។

យ៉ាងណាមិញក្រោយមានចម្ងល់ជាច្រើនជុំវិញការបង្ហោះរូបថតនេះសាមីខ្លួន ណូ ម័រ បានចេញមកបញ្ជាក់ច្បាស់ៗ ថារូប ថតនោះគឺនាងបានថតជាមួយលោក ប៊ុត សីហា ច្រើនខែមកហើយ។

តារាស្រីរូបស្រស់ ណូ ម័រ បានលើកឡើងទៅកាន់អ្នក គាំទ្រថា“អធ្យាស្រ័យបងប្អូន នេះជារូបកាលពីប៉ុន្មានខែមុន ដោយសារក្រុមការងារទើបផ្ញើរូបមក ក៏យកមកបង្ហោះទុកជាអនុស្សាវរីយ៍ប៉ុណ្ណោះសូមអរគុណ”។បន្ទាប់ពីមានការចេញមុខបញ្ជាក់របស់អ្នកនាង ណូ ម័រ ខាងលើនេះបានធ្វើឲ្យមហាជនអស់ចម្ងល់ពាក់ព័ន្ធរឿងនេះ។

សូមបញ្ជាក់ថា លោក ប៊ុត សីហា រួមនឹងបក្ខពួកម្នាក់ ត្រូវបានកម្លាំងនគរបាលស្រុកគងពិសី ខេត្តកំពង់ស្ពឺ ឃាត់ខ្លួនកាលពីវេលាម៉ោងប្រមាណ ៤រសៀល កាលពីថ្ងៃទី១ ២ខែកញ្ញាឆ្នាំ២០២៣ កន្លងទៅ ស្ថិតនៅចំណុចភូមិត្រាំខ្នា ឃុំស្នំក្រពើ ស្រុកគងពិសី ខេត្តកំពង់ស្ពឺ ពាក់ព័ន្ធគ្រឿងញៀន ។

គួររម្លឹកដែរថាកាលពីដើមឆ្នាំ២០១៨ តារាចម្រៀងលោក ប៊ុត សីហា ត្រូវបានសមត្ថកិច្ចឃាត់ចាប់ខ្លួនពាក់ព័ន្ធនឹងករណីប្រើប្រាស់គ្រឿងញៀនម្តងរួចមកហើយដែលស្ថិតនៅមុខសាលាបឋមសិក្សាពងទឹក សង្កាត់ពងទឹក ខណ្ឌដង្កោ រាជធានីភ្នំពេញ បន្ទាប់ពីតារាប្រុសរូបនេះទៅទិញគ្រឿងញៀនដើម្បីជក់តែកាលនោះត្រូវបានក្រុមគ្រួសារ ធានាយកទៅធ្វើការអប់រំ និងបន្សាបគ្រឿងញៀន៕

អត្ថបទ៖ ចាន់រ៉ា

The post ណូ ម័រ ចេញមកបញ្ជាក់ពាក់ព័ន្ធរូបថត ១សន្លឹកជាមួយ ប៊ុត សីហា appeared first on Kampuchea Thmey Daily.

ណូម័រ សម្រេចក្ដីស្រមៃកាលពី ១០ ឆ្នាំមុន ក្លាយជា DJ

អ៊ិន ពិសី — Thu, 20 Jul 2023 07:52:28 +0000

តារាសម្ដែង និងជាពិធីការិនីរូបស្រស់អ្នកមេម៉ាយ ណូម័រ បានបញ្ជាក់ឲ្យដឹងថា ទីបំផុតក្ដីស្រមៃរបស់នាង កាលពី ១០ ឆ្នាំមុន ក្នុងការក្លាយជាពិធីការិនីសម្រាប់អាជីពសិល្បៈពេលនេះ ធ្វើបានដូចបំណងហើយ។ ហេតុផលនេះ ទើបធ្វើឲ្យស្រីស្អាត ណូម័រ កាន់តែសប្បាយចិត្ត និងរីកមុខមាត់ដូចគ្រាប់ជីនូវលទ្ធផលដែលនាងសម្រេចបាន។

ពិធីការិនីអ្នកនាង ណូម័រ បាននិយាយថា «ទីបំផុត ខ្ញុំអាចបំពេញក្ដីស្រមៃមួយផ្នែកទៀត នៃជីវិតរបស់ខ្ញុំ កាលពី ១០ ឆ្នាំមុនបានហើយ ដែលកាលនោះព្រោះតែខ្ញុំមិនមានសមត្ថភាពរៀន ព្រោះចាប់ផ្ដើមត្រូវចំណាយខ្ទង់ពាន់ មួយវិញទៀតគឺខ្ញុំគ្មានភាពក្លាហានធ្វើវា អាចថា ខ្ញុំនៅតែគិតពីសម្ដីមនុស្សមួយចំនួនតូចដែលគិតអវិជ្ជមានលើការងារនេះ តែខ្ញុំក៏មិនដែលបោះបង់គោលដៅមួយនេះឡើយ គ្រាន់រង់ចាំពេលវេលាសមស្របមកដល់ប៉ុណ្ណោះ»។

ស្រីស្អាត ណូម័រ បានបញ្ជាក់បន្ថែមទៀតថា «ការហ្វឹកហាត់សម្ងំរៀនកន្លងមក ពេលនេះចេញផ្លែផ្កាហើយ ក្ដីសុបិន ១០ ឆ្នាំ លេចជារូបរាងហើយ (DJ_NoMore)»។ ណូម័រ ក៏បានចាត់ទុកឱកាស DJ ជាការចាប់ផ្ដើមដំបូងរបស់នាងនាពេលនេះ គឺជាការសម្រេចក្ដីស្រមៃតាំងពីតូចរបស់ខ្លួន បន្ទាប់ពីក្លាយជាតារាអាជីពបច្ចុប្បន្ន។

តារាសម្ដែង និងពិធីការិនីរូបស្រស់ ណូម័រ ត្រូវបានគេកត់សម្គាល់ឃើញថា បច្ចុប្បន្ននាងនៅតែរក្សាបានការគាំទ្រ ហើយកាន់តែមានរូបសម្រស់ស្រស់ស្អាត។ ចំណែកទីផ្សារការងារ ក៏មានហាងឆេងខ្ពស់ ជាហេតុធ្វើឲ្យនាងមានលទ្ធភាពសម្ញែងភាពហ៊ឺហាមិនចាញ់តារាស្រីឯទៀត៕

អត្ថបទ ៖ ចាន់រ៉ា

The post ណូម័រ សម្រេចក្ដីស្រមៃកាលពី ១០ ឆ្នាំមុន ក្លាយជា DJ appeared first on Kampuchea Thmey Daily.

តារាសម្ដែង ណូម័រ មិនទទួលការសុំទោសពីអ្នកមើលងាយអ្នកស្រែ អ្នកក្រ ឡើយ

អ៊ិន ពិសី — Thu, 06 Jul 2023 08:22:02 +0000

តារាសម្ដែង និងជាពិធីការិនីរូបស្រស់ ណូម័រ បច្ចុប្បន្ននៅតែរក្សាបានការគាំទ្រ និងកាន់តែមានរូបសម្រស់ស្រស់ស្អាត។ ចំណែកទីផ្សារការងារ ក៏មានហាងឆេងខ្ពស់ ជាហេតុធ្វើឲ្យ ណូម័រ មានលទ្ធភាពសម្ញែងភាពហ៊ឺហាមិនចាញ់តារាស្រីឯទៀត។

ដោយឡែកងាកមកចាប់អារម្មណ៍កាលពីថ្មីៗកន្លងទៅ អំឡុងផ្ទុះរឿងរ៉ាវបុគ្គលមើលងាយអ្នកស្រែ រឿងទុរេន ត្រូវតារាស្រី ណូម័រ កាលនោះ ក៏សម្ដែងក្ដីហួសចិត្តខ្លាំងចំពោះទង្វើខ្វះការគិតពិចារណាមួយនេះផងដែរ។ ម្យ៉ាងទៀតស្រីស្អាត ណូម័រ បានប្រកាសជំហរដែរថា បើមានទង្វើនេះទៀត នាងមិនទទួលការសុំទោសពីអ្នកដែលមើលងាយអ្នកស្រែអ្នកក្រឡើយ។

តារាស្រីជាប់ឈ្មោះជាមេម៉ាយអ្នកនាង ណូម័រ បានបញ្ជាក់ថា «ខ្ញុំមិនទទួលការសុំទោសពីអ្នកដែលមើលងាយអ្នកស្រែ អ្នកក្រ ឡើយ ព្រោះថាកូនអ្នកខេត្តតាកែវ និងខេត្តកណ្ដាលម្នាក់នេះ ទម្រាំមានថ្ងៃនេះ ឆ្លងកាត់ឧបសគ្គ របួសកាយ របួសចិត្ត ឆ្អែតហើយ មនុស្សម្នាក់ៗ មានតម្លៃរៀងៗ ខ្លួន»។

ការប្រកាសជំហររបស់ស្រីស្អាត ណូម័រ នេះ បានធ្វើឲ្យមហាជនបង្ហាញការគាំទ្រ ខណៈកន្លងមកធ្លាប់កើតមានរឿងដៀល និងមើលងាយអ្នកស្រែ ពីសំណាក់បុគ្គលខ្វះសីលធម៌ផងដែរ។

សូមជម្រាបថា បច្ចុប្បន្ន ណូម័រ កំពុងសម្ពាយឈ្មោះជាអ្នកមេម៉ាយវ័យក្មេង មានរយៈពេលច្រើនឆ្នាំមកហើយ បន្ទាប់ពីលែងលះគ្នាជាមួយអតីតស្វាមី គឺ វីជេ សុភា ក្រោយរៀបការបានត្រឹមរយៈពេលខ្លីប៉ុណ្ណោះ៕

អត្ថបទ ៖ ចាន់រ៉ា

The post តារាសម្ដែង ណូម័រ មិនទទួលការសុំទោសពីអ្នកមើលងាយអ្នកស្រែ អ្នកក្រ ឡើយ appeared first on Kampuchea Thmey Daily.