កាលពីថ្ងៃទី១០ ខែមេសា ឆ្នាំ២០២៥ ផលិតកម្ម Galaxy Navatra បានបញ្ចេញចម្រៀងចង្វាក់ប្រពៃណី ១១បទក្នុងថ្ងៃតែមួយ ខណៈក្នុងចំណោមនោះ មានចម្រៀងរួមគ្នារបស់ កញ្ញា តន់ ចន្ទសីម៉ា និងលោក ខេម គឺបទ “ចង់ប្រាប់ថាដៃអូនទំនេរ” និងបទ “លឺថាដៃអូនទំនេរ” ។

តួយ៉ាង ការបកស្រាយចម្រៀងរួមគ្នានេះ មិនមែនជាលើកទីមួយនោះឡើយសម្រាប់តារាប្រុសស្រីទាំងពីរដួង ខណៈបទថ្មីចង្វាក់ប្រពៃណីជាតិទាំងពីរ សុទ្ធតែទទួលបានការពេញចិត្តពីអ្នកស្តាប់។

ក្រៅពីចម្រៀងចង្វាក់កន្ទ្រឹមទាំងពីរបទ ខេម និង តន់ ចន្ទសីម៉ា ក៏មានបទចម្រៀងទោលអបអរបុណ្យចូលឆ្នាំខ្មែរផងដែរ ខណៈផលិតកម្មធំ Galaxy ទើបតែទម្លាក់ MV ចម្រៀងទោលរបស់ ខេម មួយបទថែមទៀត កាលពីយប់មិញនេះ។

គួរជម្រាបថា ចំពោះការចាប់គូច្រៀងបទចម្រៀងចង្វាក់ប្រពៃណីនេះ ក្រៅពី ខេម កញ្ញា តន់ សីម៉ា នៅមានចម្រៀងរួមគ្នាជាមួយតារាប្រុសល្បីឈ្មោះប្រចាំផលិតកម្ម Galaxy ២រូបផ្សេងទៀត គឺឧកញ៉ា ខេមរៈ សិរីមន្ត និងលោក ខាន់ ជេមស៌ ជាដើម ខណៈបទចម្រៀងទាំងនោះ សុទ្ធតែទទួលបានការចាប់អារម្មណ៍ខ្លាំងសឹងតែគ្រប់បទ៕

The post ខេម និង តន់ ចន្ទសីម៉ា ចេញកន្ទ្រឹម ២បទរួមគ្នា អង្រួនព្រឹត្តិការណ៍បុណ្យចូលឆ្នាំថ្មីប្រពៃណីជាតិ appeared first on Kampuchea Thmey Daily.

ក្នុងនោះ កំពូលតារាចម្រៀង ២ដួងរបស់ ផលិតកម្មខ្នាតធំមួយនេះ គឺឧកញ៉ា ខេមរៈ សិរីមន្ត និងកញ្ញា តន់ ចន្ទសីម៉ា ក៏បានចាប់ដៃគ្នាច្រៀងចម្រៀងចង្វាក់ប្រពៃណីជាតិខ្មែរ និងទទួលបានការកោតសរសើរផងដែរ។

តាមរយៈចម្រៀងពីរោះរណ្តំ បទ “ទៅឬមិនទៅ” និងបទ “អូនលេងបងបាត់” ជាមួយកាយវិការច្រៀងរាំទន់ភ្លន់ក្នុងឈុតប្រពៃណីខ្មែរ ដែលជាការច្រៀងរួមគ្នា ក្នុងទម្រង់ចង្វាក់ប្រជាប្រិយ-រាំវង់ បានធ្វើឱ្យមហាជនពិសេសអ្នកគាំទ្រវិស័យចម្រៀងនៅកម្ពុជា ផ្ទុះការសរសើរគ្រប់ៗគ្នា មិនថាការរៀបចំ ឬកាយវិការច្រៀងនិងរាំនោះឡើយ។

ខណៈមតិខ្លះ ក៏បានបង្ហាញការកោតស្ញប់ស្ញែងនូវការផលិតចម្រៀងរបស់ផលិត Galaxy ឆ្នាំនេះ ដែលវ៉ាដាច់គេ ក្នុងការផលិតចម្រៀងសម្រាប់អបអរឆ្នាំថ្មីប្រពៃណីជាតិដល់ទៅរាប់សិបបទ។

គួរឱ្យដឹងដែរថា ដើម្បីជាការអបអរឱកាសចូលឆ្នាំថ្មីប្រពៃណីជាតិ តារាចម្រៀងប្រចាំផលិតកម្មទាំងពីរដួង បានបង្ហាញវត្តមាន ជាមួយវីដេអូចម្រៀងជាច្រើនបទ និងមានបទចម្រៀងទោលដែលទទួលបានការចាប់អារម្មណ៍ផងដែរ។

ក្នុងនោះ បទចម្រៀងរបស់កំពូលតារាចម្រៀង ខេមរៈ សិរីមន្ត មានដូចជាបទ “សៅអើយនាងសៅ” និងបទ “Khmer Vibe” ដែលជាទំនុកភ្លេងផ្សំដោយឧបករណ៍ភ្លេងបុរាណនិងសម័យ និងជាការចម្រៀងរួមគ្នាលើកដំបូងរវាង Tempo Tris ពិតជាទទួលបានក៏ចាប់អារម្មណ៍ខ្លាំង និងត្រូវបានអ្នកផលិតមាតិកាយកទៅ reaction ផងដែរ។

សូមបញ្ជាក់ថា នេះមិនមែនលើកទីមួយឡើយ សម្រាប់ការច្រៀងរួមគ្នា រវាងឧកញ៉ា ខេមរៈ សិរីមន្ត និងកញ្ញា តន់ ចន្ទសីម៉ា ខណៈចម្រៀងដែលតារាទាំងពីរដួងចេញរួមគ្នាកន្លងមក សុទ្ធសឹងជាបទទទួលការគាំទ្រពីអ្នកស្តាប់៕

The post ឧកញ៉ា សិរីមន្ត និង តន់ ចន្ទសីម៉ា ចាប់គូច្រៀងចង្វាក់ប្រពៃណី ២បទរួមគ្នា ធ្វើឱ្យអ្នកស្តាប់បង្ហើបក្តីពេញចិត្តខ្លាំង appeared first on Kampuchea Thmey Daily.

តាមរយៈវីដេអូចម្រៀងផ្លូវការបទនេះ អ្នកគាំទ្របានបង្ហាញការពេញចិត្ត និងកោតសរសើរចំពោះការច្រៀង ក៏ដូចជាការសម្តែងកាយវិការរបស់តារាចម្រៀងជួរមុខទាំងពីររូបផងដែរ។

សូមជម្រាបថា រយៈពេលកន្លះម៉ោង ក្រោយចេញវីដេអូចម្រៀងនេះ ក្នុងចំណោមអ្នកទស្សនាជាង ២ពាន់ដង លើ MV ចម្រៀង version ប្រុស ច្រៀងនិងសម្ដែងផ្ទាល់ដោយកំពូលតារាចម្រៀង ឧកញ៉ា ព្រាប សុវត្ថិ អមជាមួយទឹកដមសំឡេងពិរោះរណ្តំ ជាមួយចង្វាក់ភ្លេងបែបសម័យលាយឡំប្រពៃណី បូករួមនឹងកាយវិការរាំយ៉ាងរស់រវើក ធ្វើឱ្យអ្នកគាំទ្រលើកឡើងថា “នេះហើយ ជារសជាតិព្រាប សុវត្ថិ” ។

តាមរយៈវីដេអូចម្រៀងផ្លូវការបទនេះដែរ ឧកញ៉ាព្រាប សុវត្ថិ បានភ្ជាប់ជាមួយនឹងសារមួយជូនដល់សាធារណជន និងអ្នកគាំទ្ររបស់លោកផងដែរថា “នេះជាបទថ្មីរបស់ខ្ញុំ សង្ឃឹមថាបងប្អូនស្រលាញ់ និងចូលចិត្តសម្រាប់ចម្រៀង១បទនេះ ហើយបងប្អូនក៏អាចបញ្ចេញមតិទីនេះបាន ដើម្បីឲ្យខ្ញុំអាចកែប្រែសម្រាប់បទបន្ទាប់របស់ខ្ញុំ”។

ជាមួយនឹងភាពដាក់ខ្លួនរបស់តារាចម្រៀងជួរមុខរបស់ផលិតកម្មធំរូបនេះ កាន់តែធ្វើឱ្យសាធារណជន ពិសេសអ្នកគាំទ្រ កាន់តែស្រលាញ់គាំទ្រលោកថែមទៀត។ ក្នុងនោះ មានមតិខ្លះលើកឡើងថា “មានទាំងសមត្ថភាព ទេពកោសល្យ ហើយចេះដាក់ខ្លួនទៀត ស័ក្តិសមជា Legend ពិតៗ”។

គួរជម្រាបថា ក្នុងឆ្នាំ២០២៤ នេះ តារាចម្រៀងល្បីឈ្មោះជាច្រើនរូបរបស់ផលិតកម្មធំមួយនេះ កំពុងសាងភាពល្បីល្បាញ ឥតឈប់ឈរ លើវិថីសិល្បៈ ខណៈចម្រៀងជាច្រើនបទរបស់តារាជួរមុខទាំងពីរ ក៏ផ្ទុះការចាប់អារម្មណ៍ច្រើនបទផងដែរ។ ជាក់ស្តែង បើគិតតែត្រឹមមួយរយៈពេលចុងក្រោយនេះ MV ចម្រៀងរបស់ឧកញ៉ា ព្រាប សុវត្ថិ ផ្ទុះការចាប់អារម្មណ៍ផ្ទួនៗគ្នា តួយ៉ាងតាមរយៈ MV បទ “សែកមន្ត” និងបទ “កុលាបមានបន្លា”។ ចំណែកឯ កញ្ញា តន់ ចន្ទសីម៉ាវិញ ក៏កំពុងផ្ទុះការគាំទ្របទ សែកមន្ត version ស្រី និង រំលស់ប្រពន្ធ ផងដែរ៕

The post ទីបំផុត Full MV “កុលាបមានបន្លា” ច្រៀងដោយតារាចម្រៀងជួរមុខ Galaxy ចេញជាផ្លូវការហើយ មានពីរ Version appeared first on Kampuchea Thmey Daily.

ទស្សនិកជនដែលនិយម តាមដានរឿងរ៉ាវសិល្បៈ ពិតជាបានដឹងយើងថា ប៉ុន្នានថ្ងៃនេះ បន្ទាប់ពី ផលិតកម្មGalaxy Navatra ប្រលែង វគ្គខ្លីៗបទ”សែកមន្ត” លើបណ្ដាញសង្គមភ្លាម បានធ្វើឲ្យមហាជន ចាប់អារម្មណ៍ជាខ្លាំង ពិសេសក្នុងស្រទាប់យុវវ័យ។ អ្វីដែលជា ការចាប់អារម្មណ៍កាន់តែខ្លាំងនោះ គឺ វីដេអូខ្លីៗ និង រូបថតប៉ុន្មានសន្លឹក នៃឈុតឆាតខ្លះ ពីសកម្មភាពថតMVតែម្ដង។

ក្នុងសកម្មភាពMV ត្រូវបានគេមើលឃើញថា កំពូលតារាចម្រៀង ព្រាប សុវត្ថិ និង កំពូលតារាចម្រៀង តន់ ច័ន្ទសីម៉ា បានតុបតែងតែងខ្លួន បុរាណ ប្លែក អមជាមួយអ្នកលេង ចាប៉ី ល្បីៗជាង១០០នាក់ ហើយសុទ្ធតែសំលៀកបំពាក់បុរាណ ដែលមើលទៅ ពិតជាមានភាពទាក់ទាញជាខ្លាំង។ មិនមែនមានតែ ឈុត បុរាណទេ ក្នុង MVនេះ ក៏មានឈុត សម័យ ជាច្រើនប្លង់ផងដែរ។

បច្ចុប្បន្នក្រុមការងារផលិតកម្មGalaxy navatra កំពុងតែសម្រុកថតMVនេះ យ៉ាងយកចិត្តទុកដាក់បំផុត ជាមួយក្រុមបច្ចេកទេស និងការមេរ៉ា ទំនើបៗ។

សូមបញ្ជាក់ផងដែរថាបទ”សែកមន្ត”ផលិតកម្មGalaxy navatra បានផលិតជាពីរ Version។ កំពូលតារាចម្រៀង ព្រាប សុវត្ថិ ច្រៀងជាVersionប្រុស ចំណែក កំពូលតារាចម្រៀងស្រីរួមទ្រនំ កញ្ញា តន់ ចន្ទសីម៉ា ច្រៀងជាVersion ស្រី។

ទោះបីជា official MV មិនទាន់ផ្លូវការយ៉ាណាក្ដី សូមនាំអារម្មណ៍ ប្រិយមិត្តមកទស្សនាTeaser បន្តិចសិន តើមានភាពទាក់ទាញយ៉ាងណា៕

https://www.facebook.com/share/v/1KpT2ZQXCd/?mibextid=UalRPS

The post MV”សែកមន្ត” ប្រកាសចេញផ្លូវការ ៣០/១១/២០២៤ ក្នុងMVមានចាប៉ីខ្មែរជាង១០០ដើម ប្រគំភ្លេង បុរាណលាយសម័យ ដើម្បីអបអរសាទរគម្រប់ខួប៨ឆ្នាំនៃការចុះបញ្ជីបេតិកភណ្ឌវប្បធម៌អរូបីនៃមនុស្សជាតិ appeared first on Kampuchea Thmey Daily.

ផ្ដើម​ដោយ​ឃ្លា “​រំលស់​ប្រពន្ធ បង​បង់​មុន​ហាសិប​ភាគរយ​” អមដោយ​ចង្វាក់ភ្លេង​បុក​បាស់​យ៉ាង​ពីរោះ តន់ ចន្ទ​សី​ម៉ា ក៏​បញ្ចេញ​ក្បាច់​រាំ​បាន​យ៉ាង​ល្អ​ដែរ នៅក្នុង​បទ “​រំលស់​ប្រពន្ធ​”​។ បទ «​រំលស់​ប្រពន្ធ​» ទើប​ចេញ MV ជា​ផ្លូវការ​កាលពី​ថ្ងៃទី​១៤ ខែកញ្ញា ឆ្នាំ​២០២៤ ប៉ុណ្ណោះ ប៉ុន្តែ​ធ្វើឱ្យ​អ្នកគាំទ្រ​បទ​ចម្រៀង​របស់​នាង ច្រៀង​តាម ស្ទើរ​គ្រប់ៗ​គ្នា​។

ត្រឹម​រយៈពេល​ដ៏​ខ្លី​ប៉ុណ្ណោះ «​បទ​រំលស់​ប្រពន្ធ​» របស់ នាង​ត្រូវបាន​អ្នក​ចូល​ទស្សនា ជាច្រើន​លាន​ដង គ្រប់​បណ្ដាញ​សង្គម​ទាំងអស់ ពិសេស លើ TikTok ។ លើ​បណ្ដាញ​សង្គម​TikTok វិញ​អូស​ចុះ​អូស​ឡើង​ឃើញតែ​អ្នកលេង​ត្រាប់​តាម​បទ «​រំលស់​ប្រពន្ធ​»​នេះ រហូតដល់​ជាង 100K វីដេអូ ក្នុងពេល​ដ៏​ខ្លី​។

ដោយសារតែ​សន្ទុះ​នូវ​ការគាំទ្រ​បែបនេះ បាន​រុញ​បទ​ចម្រៀង​«​រំលស់​ប្រពន្ធ​» របស់​នាង ជាប់ Treding លេខ​1 ដែលជា​បទ​ចម្រៀង ពេញនិយម​ជា​គេ​នៅក្នុង​សប្តាហ៍​នេះ​។​

សូមបញ្ជាក់​ផងដែរ​ថា ការពេញនិយម​នៅលើ YouTube សំដៅលើ​វីដេអូ​ដែល​ពេញនិយម​នាពេល​បច្ចុប្បន្ន និង​ទទួលបាន​ចំនួន​អ្នក មើល ការចូល​ចិត្ត មតិយោបល់ និង​ការចែករំលែក​យ៉ាងច្រើន​ក្នុង​រយៈពេល​ខ្លី​។ ផ្នែក “​ការពេញនិយម​” នៅលើ YouTube រំលេច​វីដេអូ​ដែល​កំពុង​ទទួល​បានកា​រ​ចាប់អារម្មណ៍​យ៉ាង​ឆាប់រហ័ស នៅក្នុង​តំបន់​ជាក់លាក់​មួយ ឬ​ជា​សកល ដោយ​បង្ហាញ​ពី​ការ​លាយ​បញ្ចូល​គ្នា​នៃ​វីដេអូ​តន្ត្រី ព័ត៌មាន មាតិកា និង​ទម្រង់​កម្សាន្ត​ផ្សេងៗ​ទៀត​។ ក្បួន​ដោះស្រាយ​របស់ YouTube ពិចារណា​លើក​ត្តា​ដូចជា ការចូលរួម ពេលវេលា​មើល និង​ភាព​ស្រស់ស្រាយ ដើម្បី​កំណត់​អ្វីដែល​បង្ហាញ​នៅក្នុង​ផ្នែក​កំពុង​ពេញនិយម៕

សូម​ស្ដាប់​បទ «​រំលស់​ប្រពន្ធ​» នេះ​ម្ដងទៀត ទាំងអស់​គ្នា ៖

The post បទ «រំលស់ប្រពន្ធ» របស់ តន់ ចន្ទសីម៉ា កំពុងផ្ទុះ Viral ខ្លាំង ជាប់ Treding លេខ ១ appeared first on Kampuchea Thmey Daily.

ការ​រិះគន់​បាន​លើក​ឡើង​ថា និយាយ​មែន សុំ​តែម្ដង ប្អូន​ស្រី​ជា​តារា​ជួរមុខ​ម្នាក់​ដែរ ហេតុអ្វី​បាន​ធ្វើការ​Cover បទ​បរទេស​ណាមួយ ហេតុអ្វី​មិន​ធ្វើ​ឲ្យ​ល្អ​មុននឹង​យក​មក​ផុស​? ដូច​ច្រៀង​លេងៗ និយាយ​ត្រង់ ១ បទ​នេះ​ខុស​ពាក្យ​គេ​ចង់ ៥០ ភាគ មិនមែន​តែ​បទ​នេះ​ទេ សឹង​គ្រប់​បទ យល់​ល្អ​មិនបាច់​Cover ល្អ​ជាង ព្រោះ​បទ​ប្អូន​មួយ​បទៗ​សុទ្ធតែ​ល្បីៗ​ទាំង​ក្នុង និង​ក្រៅ​ប្រទេស​ស្រាប់​ហើយ។

ឆ្លើយតប​ការ​លើក​ឡើង​នេះ លោក សាក់ ធារិទ្ធ បាន​បញ្ជាក់​ថា «ខ្ញុំ​ជា​អ្នក​កាន់​ការងារ​នេះ ខ្ញុំ​សូម​ជម្រាប​ជូន​ថា ខ្ញុំ​ជា​អ្នក​សុំ​ឲ្យ​កញ្ញា តន់ ចន្ទសីម៉ា ច្រៀង​កុំ​ឲ្យ​ដូច​ម្ចាស់​ដើម​បទ​អង់គ្លេស​ពេក ព្រោះ​កុំ​ឲ្យ​ជាប់ Copyright លើ Internet បើ​ឲ្យ​គាត់​ច្រៀង​មែន​ទែន អ្នក​សើចចំអក​នឹង​បើក​ភ្នែក​ធំៗ សូម​កុំ​មើល​តែមួយ​ជ្រុង ខ្ញុំ​ចង់​ឲ្យ​គាត់​ប្ដូរ​ទាំង​មេ​ឡូ​ឌី​ទៀត​ផង តែ​ដោយសារ​កុំ​ឲ្យ​ខុស​ទ្រង់ទ្រាយ​ដើម​ឆ្ងាយ​ពេក ខ្ញុំ​មាន​ទាំង​វីដេអូ​អំពី​ការ​ប្ដូរ​មេឡូឌី​ទៀត​ផង»។

លោក​និយាយ​បន្ថែម​ទៀត​ថា «តើ​អ្នក​សើចចំអក​គាត់​ចង់​មើល​ដែរ​ឬ​ទេ? តែ​ខ្ញុំ​គិត​ថា គ្មាន​ប្រយោជន៍​ទេ ពួក​ខ្ញុំ​ធ្វើ​អ្វី​ពួក​ខ្ញុំ​ដឹងខ្លួន​ឯង​ហើយ។ គួរ​បញ្ជាក់​ផង​ដែរ​ថា សូម​បងប្អូន​មើល​វីដេអូ Cover របស់​ជនជាតិ​ដទៃ​មួយ​ចំនួន​ធំ​ថា តើ​ការ​ច្រៀង​របស់​ពួកគាត់​យ៉ាងណា​ដែរ បងប្អូន​នឹង​យល់​ហើយ មិន​បាច់​ចាំ​ឲ្យ​ច្រៀង​ដូច​ម្ចាស់​ដើម​នោះ ហើយ​ថា​ល្អ​នោះ​ទេ សំខាន់​គឺ​លើ​ទឹកដម​សំនៀង​សំឡេង​របស់​គាត់ គឺ​ពីរោះ គឺ​គេ​ចូលចិត្ត​ស្ដាប់​ហើយ។ ពួក​យើង​ក៏​មាន​គម្រោង​ឲ្យ​គាត់​ច្រៀង​ភាសា​ដទៃ​ជាច្រើន​ទៀត​ផង​ដែរ»៕

អត្ថបទ ៖ ចាន់រ៉ា

The post លោក សាក់ ធារិទ្ធ បកស្រាយជំនួស តន់ ចន្ទសីម៉ា ក្រោយរងការរិះគន់ Cover ចម្រៀងភាសាអង់គ្លេស appeared first on Kampuchea Thmey Daily.

បើ​តាមរយៈ​ការ​លើក​ឡើង​របស់​កញ្ញា តន់ ចន្ទសីម៉ា បាន​បញ្ជាក់​ថា «(២០១៥-២០២៣) ពី​យុវជន​ស្ម័គ្រ​ចិត្ត ស​.​ស​.​យ​.​ក​-ខេត្ត​តាកែវ ច្រៀង​បទ​”​នគររាជ​” និង​”ពង្សាវតារ​” បើក​ព្រឹត្តិការណ៍​អង្គរ​សង្ក្រាន្ត ឆ្នាំ ២០១៥ ធ្លាប់​មាន​ក្តី​ស្រមៃ​ថា ថ្ងៃ​ណាមួយ ខ្ញុំ​នឹង​ច្រៀង​លើ​ឆាក​ធំ​អង្គរ​សង្ក្រាន្ត​ឲ្យ​បាន ពេលនេះ​ខ្ញុំ​ធ្វើ​បាន​ហើយ»។

តារា​ចម្រៀង តន់ ចន្ទសីម៉ា បាន​និយាយ​ទៀត​ថា «អរគុណ​ជា​ពិសេស​ដល់​ពុក​ម៉ែ​បងប្អូន​ដែល​គាំទ្រ ឆ្នាំ ២០២៣ នេះ ខ្ញុំ​មាន​កិត្តិយស​បាន​សម្ដែង​នៅ​ឆាក​ធំ​ទីលាន​ជល់ដំរី​ជាមួយ​នឹង​បទ​”​ស្រឡាញ់​អ្វី​ដែល​ខ្មែរ​មាន​” ក្តី​ស្រមៃ និង​ក្តីសង្ឃឹម សិល្បៈ​រស់​ក្នុង​សន្តិភាព អរគុណ​សន្តិភាព»។

ជាមួយ​ការ​ទម្លាយ​របស់​កញ្ញា តន់ ចន្ទ​សី​ម៉ា ដូច្នេះ​គឺ​មាន​អ្នកគាំទ្រ​នាង​លើក​ឡើង​ថា នេះ​មិនមែន​ជា​ភាព​ចៃដន្យ​ទេ តែ​ជា​លទ្ធផល នៃ​ការ​តស៊ូ​មិន​ចុះចាញ់​របស់​ប្អូនស្រី។ ក្តី​ស្រមៃ​តែងតែ​មាន​លើ​មនុស្ស​គ្រប់គ្នា តែ​ទង្វើ​ដែល​បាន​ធ្វើ​មិន​ប្រាកដ​ថា​ដូចគ្នា​ទេ អ្នកខ្លះ​ក៏បាន​ដូច​ក្តី​បំណង​ប្រាថ្នា អ្នកខ្លះ​ក៏​មិន​បាន​…..​។ អបអរសាទរ​ដែល​ទទួល​បាន​ជោគជ័យ​ក្នុង​ក្តី​បំណង​ដ៏​ធំ​នេះ៕

អត្ថបទ ៖ ចាន់រ៉ា

The post តន់ ចន្ទសីម៉ា ក្ដីស្រមៃធំបំផុតរយៈពេល ៨ ឆ្នាំ ក្លាយជាការពិត appeared first on Kampuchea Thmey Daily.

ANDAMI Group គឺជា​ក្រុមហ៊ុន​បច្ចេកទេស​ដ៏​ធំ​នៅ​ប្រទេស​កូរ៉េខាងត្បូង ដែល​មាន​ជំនាញ និង​បទពិសោធន៍​ជាង ២០ ឆ្នាំ នៅ​ក្នុង​វិស័យ​ឧស្សាហកម្ម​ផលិត​ចំណីអាហារ និង​ភេសជ្ជៈ ឧស្សាហកម្ម​ឡូ​ជី​ស្ទីក​ចំណីអាហារ​កក និង​ឧស្សាហកម្ម​ផលិត និង​ចែកចាយ​អាហារ​វេច​ខ្ចប់។

នាពេល​ឆាប់ៗ​ខាងមុខនេះ សម្ព័ន្ធ​ក្រុមហ៊ុន ANDAMI Group នឹង​ឈាន​ជើង​ចូល​មក​កាន់​ទីផ្សារ​ប្រទេស​កម្ពុជា លើ​ការ​បង្កើត​រោងចក្រ​កែច្នៃ​អាហារ ជាពិសេស​គឺ​ផលិតផល​ទឹក​ផ្លែឈើ និង​ដំណាប់ នៅ​ក្នុង​ប្រទេស​កម្ពុជា នាំ​ចេញទៅ​ប្រទេស​កូរ៉េខាងត្បូង ជប៉ុន ចិន សាំង​ហ្គា​ពួរ និង​ហុងកុង​។ល។

ជាមួយ​នឹង​ការងារ​ជា Brand Ambassador កញ្ញា តន់ ចន្ទ​សី​ម៉ា នឹង​ត្រូវ​ធ្វើ​ការងារ​ជាច្រើន​ជា​មួយ​ក្រុមហ៊ុន​កូរ៉េ ក្នុងនាម​ជា​ផ្សព្វផ្សាយ​ផលិតផល​ក្រុមហ៊ុន តាម​ការ​ព្រមព្រៀងគ្នា។ នេះ​ជា​ជោគជ័យ​ថ្មី​មួយ​ទៀត​របស់ តន់ ចន្ទ​សី​ម៉ា បន្ទាប់ពី​ប្រជាប្រិយភាព​របស់​នាង កាន់តែ​ទទួល​បាន​ការ​គាំទ្រ​ខ្លាំង​វ៉ា​ដាច់​គេ។ បែប​ណា​ក្ដី ហ្គា​ឡាក់​ស៊ី ណា​វ៉ា​ត្រា មិនបាន​ទម្លាយ​ពី​តម្លៃ​ខ្លួន​របស់​កញ្ញា តន់ ចន្ទ​សី​ម៉ា លើ​ការងារ​ជា Brand Ambassador ជាមួយ​ANDAMI Group នោះ​ឡើយ៕

The post តន់ ចន្ទសីម៉ា ត្រូវបានសម្ព័ន្ធក្រុមហ៊ុន ANDAMI Group របស់កូរ៉េ ជ្រើសរើសជា Brand Ambassador appeared first on Kampuchea Thmey Daily.