តម្លៃខ្លួនកីឡាករថ្លៃបំផុតក្នុងលោក Archives - Kampuchea Thmey Daily

Wirtz នឹងក្លាយជាកីឡាករទី ៣ បន្ទាប់ពី Neymar, Mbappe មានតម្លៃផ្ទេរថ្លៃបំផុតក្នុងលោក

Kosal Sem — Thu, 12 Jun 2025 10:06:05 +0000

ខ្សែបម្រើប្រយុទ្ធសញ្ជាតិ អាល្លឺម៉ង់ Florian Wirtz នឹងក្លាយជាកីឡាករទី ៣ ដែលមានតម្លៃផ្ទេរថ្លៃបំផុតក្នុងពិភពលោក បន្ទាប់ពីការផ្ទេរទៅកាន់ក្លិបហង្សក្រហម Liverpool សម្រេចជោគជ័យជាស្ថាពរ។

Florian Wirtz

តាមប្រភពពីអ្នកកាសែតអ៉ីតាលីលោក Fabrizio Romano បានឱ្យដឹងថា Wirtz បានព្រមព្រៀងចាកចេញពី Bayer Leverkusen ក្នុងការផ្លាស់ទៅកាន់ Liverpool នៅរដូវក្តៅនេះដោយមានតម្លៃ ១៧៣ លានដុល្លារអាមេរិក។ ជាមួយគ្នានេះ រូបគេបានយល់ព្រមស្នាក់នៅទឹកដី Anfield រយៈពេល ៥ ឆ្នាំ ពោលគឺដល់រដូវកាលក្តៅឆ្នាំ ២០៣០។

តាមរយៈតម្លៃផ្ទេរដ៏ច្រើនមហាសាលនេះ នឹងធ្វើឱ្យ Wirtz បំបែកកំណត់ត្រាក្លាយជាកីឡាករទី ៣ ក្នុងពិភពលោក បន្ទាប់ពី Neymar និង Kylian Mbappe ដែលមានតម្លៃផ្ទេរថ្លៃបំផុតនៅក្នុងប្រវត្តិសាស្ត្របាល់ទាត់។

Neymar និង Mbappe

គួរឱ្យដឹងថា តំណែងកីឡាករផ្ទេរថ្លៃបំផុត គឺពុំទាន់មាននរណាអាចបំបែក Neymar ដែលផ្ទេរចេញពី Barcelona ទៅ Paris Saint-Germain បាននៅឡើយទេ គឺតម្លៃ ២៥៧ លានដុល្លារអាមេរិក។ ចំណែក Mbappe ឈរលេខ ២ មានតម្លៃផ្ទេរពី Monaco ទៅ PSG ក្នុងតម្លៃ ២០៨ លានដុល្លារអាមេរិក។

ដោយឡែក Philippe Coutinho ឈរលេខ ៤ មានតម្លៃផ្ទេរពី Liverpool ទៅ Barcelona ចំនួន ១៦៨ លានដុល្លារអាមេរិក និង Joao Felix ឈរនៅលេខរៀងទី ៥ មានតម្លៃផ្ទេរពី Benfica ទៅ At Madrid ចំនួន ១៤៦ លានដុល្លារអាមេរិក៕

Philippe Coutinho

Joao Felix

ប្រែសម្រួល៖ សេម កុសល
ប្រភព៖ Fabrizio Romano

The post Wirtz នឹងក្លាយជាកីឡាករទី ៣ បន្ទាប់ពី Neymar, Mbappe មានតម្លៃផ្ទេរថ្លៃបំផុតក្នុងលោក appeared first on Kampuchea Thmey Daily.

វ័យត្រឹម ១៧ ឆ្នាំ Yamal ឈរលើគេ ក្នុងចំណោមកីឡាករកំពូលទាំង៥ មានតម្លៃផ្ទេរថ្លៃបំផុតក្នុងលោក

Kosal Sem — Thu, 12 Jun 2025 08:09:46 +0000

ស្ថាប័ន Transfer Market ទើបធ្វើបច្ចុប្បន្នភាពថ្មី ដោយបានបញ្ចេញឈ្មោះកីឡាករកំពូលទាំង ៥ មានតម្លៃផ្ទេរថ្លៃបំផុតក្នុងពិភពលោកនាពេលបច្ចុប្បន្ន គិតត្រឹមពាក់កណ្តាលឆ្នាំ ២០២៥ ។

Lamine Yamal

អ្វីដែលគួរឱ្យចាប់អារម្មណ៍ ខ្សែប្រយុទ្ធវ័យទើប ១៧ ឆ្នាំរបស់ Barcelona កីឡាករ Lamine Yamal បានហក់មក ឈរកំពូលតារាង ជាកីឡាករមានតម្លៃថ្លៃបំផុត ពោលគឺចំនួន ២៣០ លានដុល្លារអាមេរិក។

ចំណែក Jude Bellingham ឈរនៅលេខរៀងទី ២ , Erling Haaland ឈរនៅលេខរៀងទី ៣ និង Kylian Mbappe ឈរនៅលេខរៀងទី ៤ មានតម្លៃខ្លួនស្មើគ្នាចំនួន ២០៧.៣ លានដុល្លារអាមេរិក និងចុងក្រោយកីឡាករ Vinicius Jr. ឈរនៅលេខរៀងទី ៥ មានតម្លៃខ្លួន ១៩៦ លានដុល្លារអាមេរិក។

ខាងក្រោមនេះ គឺជាចំណាត់ថ្នាក់របស់កីឡាករទាំង ៥ ដែលមានតម្លៃផ្ទេរថ្លៃបំផុតក្នុងពិភពលោក៖

១. Lamine Yamal (Barcelona) មានតម្លៃផ្ទេរចំនួន ២៣០ លានដុល្លារអាមេរិក។

Lamine Yamal

២. Jude Bellingham (Real Madrid) មានតម្លៃផ្ទេរចំនួន ២០៧.៣ លានដុល្លារអាមេរិក។

Jude Bellingham

៣. Erling Haaland (Manchester City) មានតម្លៃផ្ទេរចំនួន ២០៧.៣ លានដុល្លារអាមេរិក។

Erling Haaland

៤. Kylian Mbappe (Real Madrid) មានតម្លៃផ្ទេរចំនួន ២០៧.៣ លានដុល្លារអាមេរិក។

Kylian Mbappe

៥. Vinicius Jr. (Real Madrid) មានតម្លៃផ្ទេរចំនួន ១៩៦ លានដុល្លារអាមេរិក។

Vinicius Jr.

តារាងចំណាត់ថ្នាក់

អត្ថបទ៖ សេម កុសល

The post វ័យត្រឹម ១៧ ឆ្នាំ Yamal ឈរលើគេ ក្នុងចំណោមកីឡាករកំពូលទាំង៥ មានតម្លៃផ្ទេរថ្លៃបំផុតក្នុងលោក appeared first on Kampuchea Thmey Daily.

នេះតារាបាល់ទាត់៥នាក់ ជាប់ឈ្មោះជាកីឡាករថ្លៃបំផុតបច្ចុប្បន្ន ខណៈ Yamal ឈរលេខ ៣

Kosal Sem — Thu, 20 Mar 2025 08:22:30 +0000

ខ្សែប្រយុទ្ធរបស់ Barcelona កីឡាករ Lamine Yamal បានហក់ឡើងមកឈរនៅលេខរៀងទី ៣ ជាកីឡាករ ដែលមានតម្លៃផ្ទេរខ្ពស់បំផុតក្នុងលោកនាពេលបច្ចុប្បន្ន ស្របពេលរូបគេ ទើបតែមានវ័យ ១៧ ឆ្នាំប៉ុណ្ណោះ។

កីឡាករ Lamine Yamal

យោងតាមការចុះផ្សាយដោយស្ថាប័ន Transfer Market បានឱ្យដឹងថា ខ្សែប្រយុទ្ធរបស់ Manchester City កីឡាករ Erling Haaland គឺជាកីឡាករ មានតម្លៃផ្ទេរខ្ពស់បំផុតក្នុងលោក ពោលគឺចំនួន ២១៨ លានដុល្លារអាមេរិក។ ចំណែក Vinicius Jr. ខ្សែប្រយុទ្ធរបស់ Real Madrid ឈរនៅលេខរៀងទី ២ ក៏មានតម្លៃ ២១៨ លានដុល្លារអាមេរិក ដូចគ្នា។

Lamine Yamal ឈរនៅលេខរៀងទី ៣ មានតម្លៃផ្ទេរនៅលើទីផ្សារចំនួន ១៩៦ លានដុល្លារអាមេរិក ស្មើគ្នាជាមួយ Jude Bellingham ខ្សែបម្រើប្រយុទ្ធរបស់ Real Madrid ដែលឈរនៅលេខរៀងទី ៤។ ចុងក្រោយខ្សែប្រយុទ្ធ Real Madrid កីឡាករ Kylian Mbappe ឈរនៅលេខរៀងទី ៥ មានតម្លៃខ្លួន ១៧៥ លានដុល្លារអាមេរិក៕

តារាងចំណាត់ថ្នាក់តម្លៃខ្លួនកីឡាករទាំង ៥

ប្រែសម្រួលអត្ថបទ៖ សេម កុសល
ប្រភព៖ Transfer Markt

The post នេះតារាបាល់ទាត់៥នាក់ ជាប់ឈ្មោះជាកីឡាករថ្លៃបំផុតបច្ចុប្បន្ន ខណៈ Yamal ឈរលេខ ៣ appeared first on Kampuchea Thmey Daily.