ក្រោយបង្កឱ្យមានការភ័ន្តច្រឡំនេះ តាចេក ក៏បានចេញមុខបញ្ជាក់យ៉ាងច្បាស់ថា បុរសដែលមានវត្តមាននៅក្នុងរូបភាពនោះ មិនមែនជារូបលោកឡើយ គ្រាន់តែមានមុខមាត់ និងរូបរាងស្រដៀងគ្នាប៉ុណ្ណោះ។ ដោយសារតែភាពស្រដៀងគ្នាខ្លាំងពេក ទើបធ្វើឱ្យអ្នកប្រើប្រាស់បណ្តាញសង្គមមួយចំនួនមើលមិនសូវដឹង និងយល់ថាជាតារាកំប្លែងល្បីរូបនេះ

យ៉ាងណា តារាកំប្លែងជើងចាស់រូបនេះ អះអាងថា សុខភាពរបស់លោកនៅតែមានសភាពធម្មតា និងមិនមានបញ្ហាអ្វីគួរឱ្យព្រួយបារម្ភនោះទេ៕

The post តាចេក ចេញមុខបញ្ជាក់ ក្រោយមានអ្នកយល់ច្រឡំថាលោកទទួលមរណភាព appeared first on Kampuchea Thmey Daily.

តារាកំប្លែងវ័យជាង ៧០ឆ្នាំរូបនេះ បានទម្លាយថា កាលពី៤០ឆ្នាំ មុនរូបគាត់ធ្លាប់ឆ្លងកាត់ជីវិតធ្វើជាកងទ័ពបម្រើជាតិមាតុភូមិ ខណ:បច្ចុប្បន្នគឺជាអ្នកសិល្ប:និងធ្លាក់ខ្លួនលក់បន្លែនៅតាមផ្សារ។ តួយ៉ាង​ ថ្មីៗកន្លងមកនេះ តាចេក ក៏បានបង្ហាញឆន្ទ:ស្នេហាជាតិចង់ចូលរួមបម្រើជាតិមាតុភូមិ ប៉ុន្តែអ្វីដែលតាចេកសោកស្តាយនោះគឺហួសវ័យចូលសមរភូមិបាត់ទៅហើយ។

តារាកំប្លែងជើងចាស់តា ចេក បានឲ្យដឹងថាកាលពី ៤០ឆ្នាំមុន ក្នុងជួរកងទ័ពមកដល់ឥឡូវជាសិល្បករនិងលក់បន្លែ។លោកថា ពេលនេះគាត់លក់នៅផ្សារកំពង់ពិលពារាំងហើយលក់មិនសូវកាក់កបនឹងគេទេ បែរមកលក់បន្តិចបន្តូចនៅផ្ទះវិញហើយ។ តារាកំប្លែងតា ចេក ទោះបីបច្ចុប្បន្ននេះ លោកមានជីវភាពលំបាកខ្វះខាតយ៉ាងណា តែដើម្បីចិញ្ចឹមជីវិតចុងក្រោយគាត់ត្រូវតែខំប្រឹងតស៊ូរទោះជួបការលំបាក ឬឆ្លងកាត់ជីតកម្សត់បែបណាក៏ដោយនោះ។

គេចាំបានថាតារាកំប្លែងតាចេក កាលពីថ្មីៗបានរៀបរាប់ថា លោកនឹកស្ដាយចាស់ហួសនៅពេលដែលប្រទេសមានគេឈ្លានពាន តែស្ដាយនៅតែចិត្តទេលោកក៏ធ្លាប់ចូលសមរភូមិរាប់មិនអស់ដែរ ក៏បានទទួលបានមេដាយប្រាក់ការពារជាតិផងដែរ តែឥឡូវបានកូនប្រុសម្នាក់ជាអ្នកស្នងត្រកូលនៅជួរកងទ័ពសព្វថ្ងៃនេះ៕ ចាន់រ៉ា

The post តាចេក ទម្លាយថា ប្រហែលជា ៤០ឆ្នាំមុន ខ្លួនធ្លាប់ជាទាហានប្រឡូកសមរភូមិបម្រើជាតិ appeared first on Kampuchea Thmey Daily.

តារាកំប្លែងលោកតា ចេក បានប្រាប់ឲ្យដឹងថា បច្ចុប្បន្នក្រៅពីការលក់បន្លែនៅខាងស្រុកពារាំងខេត្តព្រៃវែងលោកក៏ចាប់ផ្តើមមានគេហៅចេញច្រៀងនិង កំប្លែងតាមរោងការ១រោងឬ២រោងផងដែរ។ ប៉ុន្តែពុំមានច្រើនរោងដូចអ្នកសិល្ប:ផ្សេងៗទៀតឡើយ។

លោកតា ចេក បាននិយាយទៀតថា លោកមិនតូចចិត្តអ្វីទេគ្រាន់តែចង់ស្នើសុំដល់បណ្តាលក្រុមភ្លេងខ្មែរ ឬម្ចាស់ដើមការបើអាចត្រឹមឱកាសហៅទៅកំប្លែង ឬច្រៀងនៅក្នុងពិធីមង្គលការផងដើម្បីកំដរជីវិតចុងក្រោយក្នុងវិស័យសិល្ប:។លោកបន្តថាក្នុងខែនេះទើបចេញ លេងបានប្រមាណ ២ ឬ ៣រោងប៉ុណ្ណោះ។

ដោយឡែកនៅលើទំព័រហ្វេសប៊ុករបស់តារាកំប្លែងជើងចាស់រូបនេះ ក៏បានបង្ហោះសកម្មភាពច្រៀង និងកំប្លែងនៅតាមពិធីមង្គលការផងដែរ។ តាចេក បានបញ្ជាក់ដែរថា ថ្ងៃទី១៤.៣.២០២៥ មកលេងភ្លេងការនៅជិតវត្តបាក់ដាវបានមួយៗហើយគ្រាន់កំដរជីវិតចុងក្រោយក្នុងវិស័យសិល្ប:វប្បធម៌និងប្រពៃណីទំនៀមទម្លាប់របស់ខ្មែរ។

តារាកំប្លែងជើងចាស់លោកតាចេក ក៏ធ្លាប់បានបញ្ជាក់ប្រាប់កម្ពុជាថ្មីដែរថា លោកពិតជាសោកស្តាយជំនាញអាជីពសិល្ប:ដែលបានសាងឡើងជាង ៥០ឆ្នាំ ប៉ុន្តែចុងក្រោយត្រូវបាត់បង់ទៅវិញស្ទើរគ្មានអ្នកស្គាល់ ពិសេសក្មេងៗជំនាន់ក្រោយ។ ក្នុងលោកតាក៏ស្នើអ្នកសិល្ប:បើមានការងារថត ឬសម្តែងជួយហៅលោកទៅសម្តែងផង ដើម្បីបានលុយដោះស្រាយជីវភាពនិងចិញ្ចឹមជីវិត៕ អត្ថបទ៖ ចាន់រ៉ា

The post តាចេក រំពឹងមានអ្នកហៅកំប្លែងតាមរោងការ កំដរជីវិតចុងក្រោយ ខណៈឱកាសសម្តែងទើបថតបានមួយរឿងថ្មីៗ appeared first on Kampuchea Thmey Daily.

តារាកំប្លែងជើងចាស់លោកតា ចេក ធ្លាប់បានបញ្ជាក់ប្រាប់កម្ពុជាថ្មីកាលពីថ្មីៗកន្លងមកនេះថា លោកពិត ជាសោកស្តាយជំនាញអាជីពសិល្ប:ដែលបានសាងឡើងជាង៥០ឆ្នាំ ប៉ុន្តែចុងក្រោយត្រូវបាត់បង់ទៅវិញ ស្ទើរគ្មានអ្នកស្គាល់ពិសេសក្មេងៗជំនាន់ក្រោយ។

យ៉ាងណា ដោយមានការផ្តល់ឱកាសពីខាងអ្នកដឹកនាំរឿង តារាកំប្លែងតាចេក បានបង្ហាញវត្តមានជាថ្មីក្នុងការថតសម្តែងភាពយន្ត។ លោកតា ចេក បានរៀបរាប់ថា ខ្ញុំមកថតកុនរឿងខ្មោចនៅគៀនស្វាយមិនទាន់បានមួយ sense ទេ ប្រហែលរហូតដល់ភ្លឺហើយ ស៊ូៗដើម្បីជីវិត ដឹងម៉េចទេចង់់ភ្លេចអស់ហើយខានថតយូរពេក (មិនមែនផ្ទះថ្មទេចេតីយ៍ដីទេណា។

តារាកំប្លែងវ័យជាង ៧០ឆ្នាំ លោក តាចេក ជារឿយក៏ធ្លាប់ស្នើអ្នកសិល្ប: បើមានការងារថត ឬសម្តែងជួយហៅលោកទៅសម្តែងផង ដើម្បីបានលុយដោះស្រាយជីវភាពនិងចិញ្ចឹមជីវិត។ ជាការពិត តារាកំប្លែងតាចេក កាលពីថ្មីៗនេះបានធ្វើឱ្យទស្សនិកជននិងអ្នក គាំទ្រមានក្តីអាណិតអាសូរខ្លាំងក្រោយឃើញទិដ្ឋភាពតារាកំប្លែងជើងចាស់រូបនេះកំពុងអង្គុយលក់ខ្យងនិងបន្លែនៅក្រោមស្ពានមួយកន្លែងនាទឹកដីស្រុកពារាំងខេត្តព្រៃវែង។

តារាកំប្លែងជើងចាស់មានឈ្មោះដើមឈុំ ប៊ុន ឈឿន ហៅ តាចេក បានបញ្ជាក់ថា រាល់ថ្ងៃនេះជីវភាពប្រចាំថ្ងៃរបស់គាត់ធ្លាក់ដល់កម្រិតសូន្យ ខណ:ដែលអាជីពសិល្ប:ក៏ស្ទើរបាត់បង់ទាំងស្រុង រីឯការរកស៊ី ក៏មិនសូវកាក់កបឡើយ៕ អត្ថបទ៖ ចាន់រ៉ា

The post បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច appeared first on Kampuchea Thmey Daily.

តារាកំប្លែងជើងចាស់មានឈ្មោះដើមឈុំ ប៊ុន ឈឿន ហៅតា ចេក បានរៀបរាប់ដោយក្តីតក់ស្លុតថា “ខ្ញុំអើយយកបន្លែមកដល់មិនទាន់បានលក់ផង គេតេមកប្រាប់ថាកូនប្រសារខ្ញុំ ឡានបុកស្លាប់ហើយ នៅផ្លូវ២០០៤ ពេលចេញពីធ្វើការ“។

លោកតា ចេក បានបញ្ជាល់ថា រថយន្តបង្កហេតុ(ឡាន) ចាប់បានទាំងអ្នកបើកបរបានហើយ នៅស្នងការនគបាលរាជធានីភ្នំពេញ ទួលគោក ខណៈកូនៗរបស់លោកបានទៅសុំជួបអ្នកបើកបរដែរ តែប៉ូលិសមិនឱ្យជួបទេ ដោយបានប្រាប់ ថា ឱ្យយកសពទៅធ្វើបុណ្យសិនទៅ រួចរាល់ចាំមកដោះស្រាយជាក្រោយ។

តារាកំប្លែងតា ចេក បានបន្ថែមទៀតថា “ខ្ញុំសង្ឃឹមថាច្បាប់នឹងរកយុត្តិធម៌ដល់ក្រុមគ្រួសារខ្ញុំ ដោយសច្ចៈយុត្តិធម៌មិនលំអៀង ទៅតាមច្បាប់ចរាចរណ៍ ក្នុងព្រះរាជាណាចក្រកម្ពុជា“។ តាមរយ:ដំណឹងនេះ ក៏មានអ្នកគាំទ្រនិងមហាជនបានចូលរួមរំលែកមរណ:ទុក្ខដ៏ក្រៀមក្រំនេះជាមួយតារាកំប្លែងតាចេក និងក្រុមគ្រួសារផងដែរ៕ អត្ថបទ៖​ចាន់រ៉ា

The post តា ចេក រន្ធត់ចិត្តពេលឮដំណឹងកូនប្រសារត្រូវឡានបុកស្លាប់ ខណៈគ្រួសារសង្ឈឹមទទួលបានយុត្តិធម៌ appeared first on Kampuchea Thmey Daily.

តារាកំប្លែងតា ចេក កាលពីថ្មីៗនេះបានធ្វើឲ្យទស្សនិ កជននិងអ្នកគាំទ្រមានក្តីអាណិតអាសូរខ្លាំងក្រោយឃើញទិដ្ឋភាពតារាកំប្លែងជើងចាស់រូបនេះ កំពុងអង្គុយលក់ខ្យងនិងបន្លែនៅក្រោមស្ពានមួយកន្លែង លើទឹកដីស្រុកពារាំង ខេត្តព្រៃវែង។

តា ចេក បានបញ្ជាក់ថា រាល់ថ្ងៃនេះជីវភាពប្រចាំថ្ងៃរបស់គាត់ធ្លាក់ដល់កម្រិតសូន្យខណ:អាជីពសិល្ប:ក៏បាត់បង់ រីឯការរកស៊ីក៏មិនសូវកាក់កបឡើយ។

ដោយឡែកពេលនេះតារាកំប្លែងតា ចេក បានរៀបរាប់ពីការលំបាកថាថ្ងៃនេះក្ដៅខ្លាំងមកទិញព្រលិតនឹងត្រកួននៅបឹងតែក្ដៅយ៉ាងណាក៏ស៊ូៗដើម្បីចញ្ញឹមជីវិតចុងក្រោយបើការងាសិល្ប:វិញគ្មាននរណាហៅទេ គឺសព្វថ្ងៃធ្លាក់ដល់ចំណុចសូន្យហើយនោះ ទោះបីការសម្ដែងកន្លងមកជិត ៥០ ក៏ដោយមានតែស៊ូដើម្បីជីវិត។

តារាកំប្លែងជើងចាស់លោកតា ចេក ធ្លាប់បានបញ្ជាក់ប្រាប់កម្ពុជាថ្មីកាលពីថ្មីៗកន្លងមកនេះថា លោកពិត ជាសោកស្តាយជំនាញអាជីពសិល្ប:ដែលបានសាងឡើងជាង៥០ឆ្នាំប៉ុន្តែចុងក្រោយត្រូវបាត់បង់ទៅវិញស្ទើរគ្មានអ្នកស្គាល់ពិសេសក្មេងៗជំនាន់ក្រោយ។ក្នុងលោកតាក៏ស្នើអ្នកសិល្ប:បើមានការងារថតឬសម្តែងជួយហៅលោកទៅសម្តែងផងដើម្បីបានលុយដោះ ស្រាយជីវភាពនិងចិញ្ចឹមជីវិត៕ អត្ថបទ៖ ចាន់រ៉ា

The post តា ចេក ខំប្រឹងតស៊ូដើម្បីចិញ្ចឹមជីវិតចុងក្រោយ ខណ:សិល្ប:ធ្លាក់ដល់ចំណុចសូន្យ appeared first on Kampuchea Thmey Daily.

លោកតា ចេក បាននិយាយឲ្យដឹងថា បើនិយាយពីអាជីពសិល្ប:សព្វថ្ងៃ គឺធ្លាក់ដល់ចំណុចសូន្យ អត់ដែលមានខាងសិល្ប:ណាគេហៅទៅសម្តែងអីទេ ហើយបើសិនជាមានគេហៅទៅផ្នែកខាងសិល្ប:សម័យគេឲ្យតម្លៃយើងទាប (២០ ឬ ២៥ដុល្លារ) ខុសកាលពីមុន ដោយបានតម្លៃខ្ពស់ជាងនេះបន្តិច។ លោកបន្តថា ដោយសារមូលហេតុនេះហើយ ទើបលោកបាត់មុខពីសិល្ប:ឈឹងតែម្តែង។

តារាកំប្លែងតា ចេក និយាយទៀតថា “ពេលខ្លះមានអ្នកគាំទ្រខ្ញុំ ក៏ភ្ញាក់ខ្លួនពេលឃើញមកអង្គុយលក់បន្លែ និងខ្យងនៅតាមចិញ្ចើមផ្លូវ ព្រោះគេមិននឹកស្មានថា ខ្ញុំធ្លាក់ខ្លួនដល់កម្រិតសូន្យបែបនេះ ម្យ៉ាងមកពីបាត់មុខសិល្ប:យូរផង…។ ខ្ញុំស្តាយខំស៊ូជាមួយសិល្ប:យូរឆ្នាំមកហើយ តែចុងក្រោយត្រូវបាត់មុខពីអាជីពមួយនេះ ស្ទើរលែងមានអ្នកស្គាល់ទាល់តែសោះ”។

តារាកំប្លែងជើងចាស់មានឈ្មោះដើម ឈុំ ប៊ុនឈឿន ហៅតា ចេក ឬនាយ ចេក បាននិយាយទៀតថា ទោះយ៉ាងលោកក៏មិនដឹងត្រូវធ្វើបែបណាដើម្បីឲ្យអាជីពមួយនេះមានទីផ្សាវិញទេ មានតែស្នើរអ្នកសិល្ប: បើមានការងារថត ឬសម្តែង ជួយហៅលោកទៅសម្តែងផង ដើម្បីបានលុយដោះស្រាយជីវភាពនិងចិញ្ចឹមជីវិត។

សូមជម្រាបដែរថាតារាកំប្លែងតា ចេក កាលពីថ្មីៗនេះ បានធ្វើឲ្យទស្សនិកជននិងអ្នកគាំទ្រ កាន់តែមានក្តីអាណិតអាសូរថែមទៀតក្រោយឃើញទិដ្ឋភាពតារាកំប្លែងជើងចាស់រូបនេះកំពុងអង្គុយលក់ខ្យងនិងបន្លែបន្តិចបន្តូចនៅក្រោមស្ពានមួយកន្លែងនាទឹកដីស្រុកពារាំ ងខេត្តព្រៃវែង។តា ចេក បានបញ្ជាក់ថារាល់ថ្ងៃនេះជីវ ភាពប្រចាំថ្ងៃរបស់គាត់ធ្លាក់ដល់កម្រិតសូន្យខណ:អា ជីពសិល្ប:ក៏បាត់បង់ រីឯការរកស៊ីក៏មិនសូវកាក់កបឡើយ៕ អត្ថបទ៖ ចាន់រ៉ា

The post តា ចេក ស្តាយអាជីពសិល្ប:ខំសាងរាប់ឆ្នាំ តែត្រូវបាត់បង់ទៅវិញស្ទើរគ្មានអ្នកស្គាល់ appeared first on Kampuchea Thmey Daily.

តាមរយៈការផ្តល់សម្ភាសដល់កម្ពុជាថ្មីនាព្រឹកថ្ងៃទី១៧ ខែតុលាឆ្នាំ ២០២៤នេះ តារាកំប្លែង តាចេក បានរៀបរាប់ឲ្យដឹងថា សព្វថ្ងៃនេះគាត់បានផ្លាស់ប្តូរទីតាំងមកលក់បន្លែ និងខ្យង នៅក្រោមស្ពាននៃផ្សារកំពង់ពិលពារាំង ដែលជាទឹកដីកំណើតខាងប្រពន្ធ។តា ចេក បានបញ្ជាក់ថា រាល់ថ្ងៃនេះសម្រាប់ជីវភាពប្រចាំថ្ងៃរបស់គាត់ធ្លាក់ដល់កម្រិតសូន្យ ខណ:អាជីពសិល្ប:ក៏បាត់បង់រីឯការរកស៊ីក៏មិនសូវកាក់កប។

លោកតា ចេកបាននិយាយទៀតថាគាត់បានខិតខំប្រឹងណាស់ដែរ តែការរកស៊ីកន្លង ហាក់មិនមានភាពរីកចម្រើនទេដោយពេលខ្លះក៏ខាត់អស់ទាំងដើមទុនទៀតផង។ ជាក់ស្តែងកាលពីអំឡុងពេលលក់ទុរេននៅឯគីរីរម្យ គាត់បានលង់ខ្លួនខាត់អស់លុយពីខ្លួនតែម្តង។ តាចេក បន្តថា បច្ចុប្បន្នលោកតាមានតែខំបន្តដើម្បីក្រពះ ទោះបានតិចឬច្រើនក៏ដោយ។

អតីតតារាកំប្លែងរូបនេះ បានឲ្យដឹងទៀតថា សម្រាប់ការលក់បន្លែនិងខ្យងនៅខាងផ្សារកំពង់ពិលរាល់ថ្ងៃ គឺចំណេញបានតិចតូច ១ថ្ងៃអាចរកបាន៣ម៉ឺន ទៅ៤ម៉ឺនរៀន ប៉ុណ្ណោះ ខណៈថ្ងៃខ្លះក៏ខាតចូលដើមព្រោះលក់មិនសូវដាច់ដោយសារមេឃភ្លៀង។ ចំពោះដើមទុន គាត់បញ្ជាក់ថា គឺយកលុយរាប់ (ខ្ចីគេ) ដើម្បីយកមកទិញបន្លែទៅលក់បន្តនៅផ្សារ។

យ៉ាងណាមិញលោកតាចេក បានបន្ថែមថា បច្ចុប្បលោកមានការខ្វះខាតស្ទើររកព្រឹកខ្វះល្ងាចក៏មានផងដែរចំណែកឯផ្ទះដែលកំពុងរស់នៅឯស្រុកពារាំងខេត្តព្រៃវែង គឺជាផ្ទះរបស់ប្អូនថ្លៃខាងប្រពន្ធដែលគេឲ្យស្នាក់ នៅបណ្តោះអាសន្នព្រោះម្ចាស់គេចេញទៅរកស៊ីគ្មានអ្នកនៅ។លោកតា ចេក ក៏បានស្នើអ្នកសិល្ប:បើមាន ការងារធ្វើជួយហៅលោកទៅសម្តែងផងដើម្បីបានលុយដោះស្រាយជីវភាពនិងចិញ្ចឹមជីវិត៕ អត្ថបទ៖ ចាន់រ៉ា

The post របរអ្វីក៏មិនកាក់កប! តា ចេក ធ្លាក់ខ្លួនអង្គុយលក់ខ្យងនិងបន្លែតាមចិញ្ចើមផ្លូវ ដើម្បីក្រពះ appeared first on Kampuchea Thmey Daily.