តែទឹកឃ្មុំ Archives - Kampuchea Thmey Daily

ភេសជ្ជៈ ៤មុខ ជួយពង្រឹងប្រព័ន្ធភាពស៊ាំបានល្អ សក្តិសមបំផុតសម្រាប់រដូវរងា

Sonya — Sun, 28 Nov 2021 00:58:00 +0000

រដូវរងាយើងងាយនឹងឈឺណាស់។ អាកាសធាតុត្រជាក់ អាចបណ្ដាលឱ្យរាងកាយឆាប់ចុះខ្សោយ មេរោគអុកលុក ជាពិសេសជំងឺផ្ដាសាយ។ ដើម្បីការពារប្រព័ន្ធភាពស៊ាំឱ្យនៅមាំទាំ និងការពារជំងឺផ្សេងៗក្នុងរដូវនេះ គប្បីជ្រើសទទួលទានភេសជ្ជៈទាំង ៤ ខាងក្រោម។

១- តែខ្ញីក្រូចឆ្មា

នរណាៗក៏ដឹងដែរថា ខ្ញីមានប្រយោជន៍សម្រាប់សុខភាព និងត្រូវបានប្រើប្រាស់ជាថ្នាំបុរាណព្យាបាលជំងឺទៀតផង។ ចំណែកតែខ្ញីលាយចំណិតក្រូចឆ្មា ឬបើអាចបន្ថែមទឹកឃ្មុំចូលបន្តិចរស់ជាតិកាន់តែពិសេស។

ក្នុងរដូវត្រជាក់នេះ តែខ្ញីក្រូចឆ្មាជាភេសជ្ជៈល្អបំផុតសម្រាប់រាងកាយ បើអាចផឹករាល់ថ្ងៃ នោះនឹងទទួលបានអត្ថប្រយោជន៍កាន់តែច្រើន។ វាល្អចំពោះប្រព័ន្ធរំលាយអាហារ បង្ការជំងឺទឹកនោមផ្អែម ជួយដល់ការសម្រកទម្ងន់ ជួយដល់សក់និងស្បែក ការពារពីជំងឺភ្លេចភ្លាំង បំបាត់ការឈឺចុកចាប់ ជួយទ្រទ្រង់ប្រព័ន្ធភាពស៊ាំ និងបង្ការជំងឺមហារីក។

២-តែទឹកឃ្មុំ

ទម្លាប់ផឹកទឹកក្ដៅឧណ្ហៗលាយជាមួយនឹងទឹកឃ្មុំរៀងរាល់ព្រឹក នឹងផ្តល់គុណសម្បត្តិដល់សុខភាពយ៉ាងលើសលុប។ តែទឹកឃ្មុំបន្ថយឧស្ម័នអាក្រក់ក្នុងពោះវៀន ពង្រឹងប្រព័ន្ធភាពស៊ាំ បញ្ចេញជាតិពុល ស្បែកភ្លឺរលោង ជួយសម្រកទម្ងន់ សម្រួលដល់អាការៈឈឺ ក រក្សាកម្រិតជាតិស្ករក្នុងឈាម ព្រមទាំងបង្ការជំងឺបេះដូង។ កាន់តែល្អថែមទៀតនោះ វាជួយពង្រឹងប្រព័ន្ធភាពស៊ាំឱ្យរឹងមាំ។

៣- តែគល់ស្លឹកគ្រៃ

កុំទាន់ចម្លែកពេលឮឈ្មោះតែគល់ស្លឹកគ្រៃ! តែនេះមានជាយូរមកហើយ គ្រាន់តែប្រជាជនយើងមិនសូវនិយមទទួលទានប៉ុណ្ណោះ។ តែគល់ស្លឹកគ្រៃមិនពិបាកធ្វើទេ មានតែទឹកក្ដៅមួយកែវ លាយជាមួយស្លឹកគ្រៃមួយគល់ហាន់ជាចំណិតៗបង់ចូលកែវ ជាការស្រេច។ ស្លឹកគ្រៃមានផ្ទុកសារធាតុសំខាន់មួយឈ្មោះ citral ដែលមានប្រយោជន៍ជួយដោះស្រាយបញ្ហាទាក់ទងនឹងប្រព័ន្ធរំលាយអាហារ។ ក្រៅពីនោះវាមានផ្ទុកសារធាតុចិញ្ចឹមល្អៗដូចជាអាស៊ីដហ្វូលិក វីតាមីនB1 ជាតិដែក ប៉ូតាស្យូម និងស័ង្កសី ទប់ស្កាត់ផ្ដាសាយ ជួយដល់បញ្ហារំលាយអាហារ បញ្ហាស្លេកស្លាំង សម្រកទម្ងន់ គ្រប់គ្រងសម្ពាធឈាម និងជួយស្បែកឱ្យមានសុខភាពល្អ។

៤-សូកូឡាក្តៅ

សូកូឡាក្ដៅៗមួយកែវសម្បូរសារធាតុចិញ្ចឹម ជាតិសរសៃ ជាតិដែក ជាតិទង់ដែង ម៉ង់កាណែស ប៉ូតាស្យូម ហ្វូស្វ័រ ស័ង្កសីនិង សេលេញ៉ូម ដែលអាចសម្រួលលំហូរឈាម បន្ថយសម្ពាធឈាម ក៏ដូចជាបន្ថយហានិភ័យជំងឺសរសៃឈាមបេះដូងផងដែរ។ ភេសជ្ជៈនេះសក្តិសមផឹកសម្រាប់រដូវត្រជាក់សានេះ៕

ប្រែសម្រួល៖ សន្យា

ប្រភព៖ YAVA

ចុចអាន៖ ហូបតែបៃតង៣ដង ក្នុង១សប្តាហ៍បង្ការជំងឺបានច្រើន ហើយជួយខួរក្បាលទៀត

ចុចអាន៖ អាហារ ៥ មុខនេះអាចជួយរាងកាយជាសះស្បើយពីរបួស ឬជំងឺផ្សេងៗបានលឿន

The post ភេសជ្ជៈ ៤មុខ ជួយពង្រឹងប្រព័ន្ធភាពស៊ាំបានល្អ សក្តិសមបំផុតសម្រាប់រដូវរងា appeared first on Kampuchea Thmey Daily.

តិចអត់ដឹង! ផឹកទឹកក្ដៅឧណ្ហៗលាយទឹកឃ្មុំរាល់ថ្ងៃ មានប្រយោជន៍ច្រើនចំពោះសុខភាព

Sonya — Wed, 05 May 2021 00:46:00 +0000

គ្នាយើងដឹងហើយថាការផឹកទឹកគឺសំខាន់សម្រាប់សុខភាពណាស់។ ចុះបើយើងបានបន្ថែមទឹកឃ្មុំទៅក្នុងទឹកក្ដៅឧណ្ហៗ និងផឹករាល់ថ្ងៃ។ តើទឹកឃ្មុំអាចផ្តល់ប្រយោជន៍អ្វីខ្លះដល់សុខភាពយើង? តោះស្វែងយល់ទាំងអស់គ្នា។

១. បន្ថយឧស្ម័នក្នុងពោះវៀន

ប្រសិនជាយើងមានបញ្ហាហើមពោះ ឬមានអារម្មណ៍ថាមានឧស្ម័នក្នុងពោះជាប្រចាំ ការផឹកទឹកក្ដៅឧណ្ហៗលាយជាមួយទឹកឃ្មុំអាចជួយបន្សាបឧស្ម័នចេញពីពោះវៀនបាន។

២. ពង្រឹងប្រព័ន្ធភាពស៊ាំ

ទឹកឃ្មុំអាចជួយពង្រឹងប្រព័ន្ធភាពស៊ាំរបស់យើងបានយ៉ាងល្អ។ ទឹកឃ្មុំធម្មជាតិគឺអាចផ្តល់ប្រយោជន៍កាន់តែច្រើនដល់សុខភាពដោយសារទឹកឃ្មុំធម្មជាតិសំបូរដោយអង់ស៊ីម វីតាមីន និងជាតិរ៉ែដែលអាចការពារយើងពីបាក់តេរីផ្សេងៗ។

៣. បញ្ចេញជាតិពុល

ទឹកក្ដៅឧណ្ហៗលាយជាមួយនឹងទឹកឃ្មុំគឺជាជម្រើសដ៏ល្អដើម្បីបញ្ចេញជាតិពុលពីក្នុងខ្លួនយើង។ យកល្អយើងអាចបន្ថែមក្រូចឆ្មារបន្តិចព្រោះអាចជួយដល់ការបញ្ចុះនោមបាន។

៤. ស្បែកភ្លឺរលោង

ទឹកឃ្មុំគឺជាសារធាតុប្រឆាំងអុកស៊ីតកម្មធម្មជាតិដែលអាចកម្ចាត់នូវកាកសំណល់ផ្សេងៗ ហើយទឹកឃ្មុំក៏ជាសារធាតុប្រឆាំងបាក់តេរីដែលអាចជួយរក្សាស្បែកយើងឲ្យស្អាត និងភ្លឺរលោង។

៥. ជួយសម្រកទម្ងន់

យើងអាចបារម្ភពីជាតិស្ករក្នុងទឹកឃ្មុំ ប៉ុន្តែជាតិស្ករក្នុងទឹកឃ្មុំគឺខុសពីពពួកស្ករស ព្រោះស្ករក្នុងទឹកឃ្មុំជាស្ករធម្មជាតិ។ ស្ករធម្មជាតិអាចជួយឲ្យយើងមិនឃ្លានអាហារមានជាតិស្ករផ្សេងៗដូចជានំខេក សូកូឡា និងភេសជ្ជៈផ្អែមផ្សេងទៀត។ បើយើងផ្លាស់ប្តូរទម្លាប់ពីការផឹកភេសជ្ជៈមានជាតិស្ករមកផឹកទឹកឃ្មុំ យើងអាចបន្ថយកាឡូរីដែលរាងកាយទទួលបានរហូតដល់ ៦៤%។

៦. សម្រួលដល់អាការៈឈឺ ក

ទឹកក្ដៅឧណ្ហៗលាយជាមួយនឹងទឹកឃ្មុំអាចជួយសម្រាលអាការៈឈឺ កបាន។ ទឹកឃ្មុំជាឱសថធម្មជាតិសម្រាប់ជួយព្យាបាលការឆ្លងមេរោគនៅផ្លូវដង្ហើម និងអាការៈក្អក។

៧. រក្សាកម្រិតជាតិស្ករក្នុងឈាម

ដូចបានលើកឡើងខាងលើថាស្ករក្នុងទឹកឃ្មុំជាស្ករធម្មជាតិដែលជា fructose និង glucose។ ស្ករពីរប្រភេទនេះអាចជួយរាងកាយរក្សាកម្រិតជាតិស្ករក្នុងឈាម និងបញ្ចុះកូលេស្តេរ៉ូលដែរ។

៨. បង្ការជំងឺបេះដូង

សារធាតុ flavonoids និងសារធាតុប្រឆាំងអុកស៊ីតកម្មក្នុងទឹកឃ្មុំជួយការពារ និងបន្ថយហានិភ័យជំងឺបេះដូង។ ការសិក្សាបង្ហាញថាទឹកឃ្មុំពន្យឺតដំណើរអុកស៊ីតកម្មនៃខ្លាញ់អាក្រក់នៅក្នុងឈាមដែលអាចបង្កគ្រោះថ្នាក់ដល់បេះដូង និងឈានទៅរកការគាំងបេះដូង និងជំងឺដាច់សរសៃឈាមក្នុងខួរក្បាល៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ គុណប្រយោជន៍ដ៏អស្ចារ្យនៃតែ «ស្លឹកម្រុំ» សម្រាប់សុខភាព

ចុចអាន៖ សម្បកក្រូចឆ្មារ គ្នាយើងដឹងទេថាមានប្រយោជន៍ច្រើនយ៉ាង?

The post តិចអត់ដឹង! ផឹកទឹកក្ដៅឧណ្ហៗលាយទឹកឃ្មុំរាល់ថ្ងៃ មានប្រយោជន៍ច្រើនចំពោះសុខភាព appeared first on Kampuchea Thmey Daily.

តែទឹកឃ្មុំ Archives - Kampuchea Thmey Daily

ភេសជ្ជៈ ៤មុខ ជួយពង្រឹងប្រព័ន្ធភាពស៊ាំបានល្អ សក្តិសមបំផុតសម្រាប់រដូវរងា

តិច​អត់ដឹង! ផឹកទឹកក្ដៅឧណ្ហៗលាយទឹកឃ្មុំរាល់ថ្ងៃ មានប្រយោជន៍ច្រើនចំពោះសុខភាព

១. បន្ថយ​ឧស្ម័ន​ក្នុង​ពោះវៀន

២. ពង្រឹង​ប្រព័ន្ធ​ភាពស៊ាំ

៣. បញ្ចេញ​ជាតិ​ពុល

៤. ស្បែក​ភ្លឺ​រលោង

៥. ជួយ​សម្រក​ទម្ងន់

៦. សម្រួល​ដល់​អាការៈ​ឈឺ ក

៧. រក្សា​កម្រិត​ជាតិស្ករ​ក្នុង​ឈាម

៨. បង្ការ​ជំងឺ​បេះដូង