នៅសាធារណរដ្ឋ Sakha ដែលមានទីតាំងនាភាគឦសានតំបន់ស៊ីបេរី និងមានទីក្រុងឈ្មោះ Yakutsk ដែលជាទីក្រុងត្រជាក់បំផុតមួយរបស់ពិភពលោក, សីតុណ្ហភាព បានធ្លាក់ចុះដល់ -៥០អង្សាសេ។

ស្ទើរតែទាំងអស់នៃសាធារណរដ្ឋ Sakha គឺមានទីតាំងនៅតំបន់ Permafrost ឬគេស្គាល់ថា ស្រទាប់ដីខាងក្រោមដែលកកជានិច្ច។ មានចម្ងាយ៥០០០គីឡូម៉ែត្រពីរដ្ឋធានីមូស្គូ, ទីក្រុង Yakutsk ជួនកាល បានកត់ត្រាសីតុណ្ហភាពប្រហែល -៤៤អង្សាសេ ទៅ -៤៨អង្សាសេ។

ក្នុងរយៈពេលប៉ុន្មានឆ្នាំថ្មីៗនេះ សីតុណ្ហភាព -៥០អង្សាសេបានកើតមានញឹកញាប់ដែរនៅទីនោះ ដោយសារបម្រែបម្រួលអាកាសធាតុ ហើយតំបន់ Permafrost គឺជាមុខសញ្ញាធំជាងគេនៃផលប៉ះពាល់។

ងាកមករដ្ឋធានីរុស្ស៊ីឯណោះវិញ ការធ្លាក់ព្រិលធ្ងន់ធ្ងរបំផុតមិនធ្លាប់មានពីមុនមក បានបណ្តាលឲ្យមានការពន្យារពេលជើងហោះហើរ នៅអាកាសយានដ្ឋានមួយចំនួនកាលពីថ្ងៃចន្ទ ព្រោះផ្លូវយន្តហោះ ត្រូវគ្របដណ្តប់ដោយព្រិលយ៉ាងក្រាស់។

ទីភ្នាក់ងារសារព័ត៌មាន RIA រាយការណ៍ថា ជើងហោះហើរយ៉ាងហោចណាស់៥៤ត្រូវពន្យារពេល និង៥ទៀត ត្រូវលុបចោលនៅអាកាសយានដ្ឋានធំចំនួន៣របស់រដ្ឋធានី។

សីតុណ្ហភាពនៅទីក្រុងមូស្គូ ត្រូវបានគេព្យាករថា នឹងធ្លាក់ចុះដល់ប្រហែល១៨អង្សាសេនៅចុងសប្តាហ៍នេះ៕

ប្រែសម្រួល៖ Vann Vann

ប្រភព៖ CNA

ចុចអាន៖ សិស្សសាលាមត្តេយ្យស៊ីបេរី ងូតទឹកកកក្នុងសីតុណ្ហភាព -២៥អង្សាសេដើម្បីការពារការឆ្លងជំងឺ (មានវីដេអូ)

The post សីតុណ្ហភាពនៅតំបន់ស៊ីបេរី ធ្លាក់ចុះដល់ -៥០ អង្សាសេ appeared first on Kampuchea Thmey Daily.

ក្រុម​អ្នក​វិទ្យាសាស្ត្រ​មក​ពី​បណ្ឌិត​សភាសត្វវិទ្យារុស្ស៊ី (ZIRAS) និងវិទ្យាស្ថាន Max Planck សម្រាប់​ហ្សែន និង​ជីវវិទ្យា​កោសិកាម៉ូលេគុល (MPI-CBG) នៃប្រទេស​អាល្លឺម៉ង់​បានចេញផ្សាយការ​រក​ឃើញ​របស់​ពួកវា​នៅក្នុង​ទស្សនាវដ្ដី PLOS Genetics បុរាណដែលត្រូវបាន​រកឃើញ​ដំបូងក្នុងឆ្នាំ ២០១៨ វាមាន​អាយុកាល​រាប់​ម៉ឺនឆ្នាំ​ជាងការគិតពីមុន។

អ្នក​វិទ្យាសាស្ត្រ​បាននិយាយថា ពពួកដង្កូវដែលរស់នៅក្នុងដីប្រភេទនេះ​ វានៅក្នុងស្ថានភាពនៃការជាប់គាំងនិងអសកម្មខ្លាំង​ក្នុងការ​ឆ្លើយតប​ទៅ​នឹង​លក្ខខណ្ឌបរិស្ថាន​អវិជ្ជមាន។ ហើយក៏​ជាស្ថានភាពដែល​អត្រា​មេតាបូលីស​ក្នុងរាងកាយមាន​ការថយចុះ ដល់កម្រិតទាបបំផុត ដូចជាគ្មាន​ការរំលាយ​អាហារអ្វីទាំងអស់។ វាមើលទៅដូចជាសត្វដែលងាប់តាំងពីចុងសម័យ Pleistocene (យុគសម័យ​ទឹកកក) ទោះបីជា​វា​នៅ​មាន​ជីវិតដល់សព្វថ្ងៃ​នេះ​ក៏ដោយ។

យ៉ាងណាមិញ បើប្រៀបធៀបទៅនឹងសត្វបច្ចុប្បន្នដែលអាចចូលទៅក្នុងស្ថានភាពផុតពូជប្រហែល ៣០-៤០ ឆ្នាំដូចជាខ្លាឃ្មុំទឹក tardigrade ដង្កូវ Nematoda ឬ Rotifer ដែលជាប្រភេទសត្វ​ផ្លាកតុន ប្រភេទសត្វដង្កូវ​បុរាណ​ P. Kolymaensis អាចរស់នៅបានយូរជាងរាប់ម៉ឺនដង​ក្នុង​ស្ថានភាព​ស្លាប់​ដូច​មាន​ជីវិត។

ទោះយ៉ាងណាក៏ដោយ ក្រុមអ្នកស្រាវជ្រាវក៏បានប្រៀបធៀប​ហ្សែន​របស់ P. kolymaenis ទៅនឹងដង្កូវមូល C. Elegans ដែលជាសាច់ញាតិ​ជិតស្និទ្ធ​នៅរស់ និងបន្តពូជក្នុងសម័យ​ទំនើប។​ រហូតគេ​រក​ឃើញ​ថា ដង្កូវ​ទាំង​ពីរ​ប្រភេទ​មាន​ហ្សែន​ដូច​គ្នា។ ហ្សែន ឬ​អង្គភាពតំណពូជទាំងនេះពាក់ព័ន្ធនឹង​ការចូលទៅក្នុង​ស្ថានភាពដែលគ្មាន​ជីវិតទាំងមូល​ ដែលអាចឲ្យពួកវាស៊ូទ្រាំនឹងការត្រជាក់ និងការខះជាតិទឹកបានយូរបាន៕

ប្រែសម្រួល៖ សាង ស្រីល័ក្ខ

ប្រភព៖BBC

ចុចអាន៖ប្រទេសតូចជាងគេបំផុតលើពិភពលោក មានប្រជាជនតែ ២៧ នាក់ប៉ុណ្ណោះ

The post ដង្កូវមូលរស់ឡើងវិញ ក្រោយងាប់នៅក្នុងស្រទាប់ដីកកអស់រយៈពេល ៤៦,០០០ ឆ្នាំ appeared first on Kampuchea Thmey Daily.

នៅសាលាមត្តេយ្យរដ្ឋលេខ៣១៧ ក្នុងទីក្រុង Krasnoyarsk នៃតំបន់ស៊ីបេរី ការធ្វើបែបនេះត្រូវបានគេជឿថា ជួយឲ្យពួកគេមានសុខភាពល្អនិងបញ្ឈប់ការឆ្លងជំងឺ។

ឃ្លីបវីដេអូមួយបានបង្ហាញពីកុមារងូតទឹកកកទាំងធុងៗ នៅសាលាមត្តេយ្យដែលក៏ត្រូវបានគេស្គាល់ថា សាលា Sibiryachok ផងដែរ។

អ្នកនាំពាក្យមន្ទីរអប់រំក្រុង Krasnoyarsk បាននិយាយថា “ក្មេងៗបានកម្តៅខ្លួនពូកគេនៅក្នុងបន្ទប់ Sauna រួចហើយមុនពេលពួកគេចេញទៅក្រៅសម្រាប់ការងូតទឹកត្រជាក់តាមប្រពៃណី។

គ្រូបង្រៀននៅសាលាមត្តេយ្យនិងជាគ្រូបង្វឹកហែលទឹកឈ្មោះ Oksana Kabotko អាយុ៤៥ឆ្នាំបាននិយាយថា “កុមារងូតទឹកកកកប្រសិនបើសីតុណ្ហភាពមិនត្រជាក់ក្រោមដក២៥អង្សាសេ។ យើងមិនបានបង្ខំនរណាម្នាក់ទេ”។

ឪពុកម្តាយភាគច្រើនបានផ្តល់ការអនុញ្ញាតរបស់ពួកគេសម្រាប់ការងូតទឹកត្រជាក់នេះ។

ក្មេងៗក៏ត្រូវបានបង្រៀនលំហាត់ដកដង្ហើមក្នុងសីតុណ្ហភាពត្រជាក់ខ្លាំងផងដែរ។

គ្រូបង្រៀនម្នាក់ទៀតឈ្មោះ Lyubov Daniltsova បាននិយាយថា “វេជ្ជបណ្ឌិតរបស់យើងបញ្ជាក់ថា កុមារដែលស្ថិតក្នុងក្រុមអនុវត្តការងូតទឹកកកកនេះ បានឆ្លងកាត់រដូវផ្តាសាយងាយជាងមុន។ ស្ថិតិបានបង្ហាញថា មាន៩៥ភាគរយនៃកុមារដែលមានសុខភាពល្អនៅក្នុងក្រុមនេះ បើប្រៀបធៀបទៅនឹងកុមារ៧៥ភាគរយនៅក្នុងក្រុមផ្សេង”៕

ប្រែសម្រួលដោយ៖ Vann Vann

ប្រភព៖ Daily Mail

The post សិស្សសាលាមត្តេយ្យស៊ីបេរី ងូតទឹកកកក្នុងសីតុណ្ហភាព -២៥អង្សាសេដើម្បីការពារការឆ្លងជំងឺ (មានវីដេអូ) appeared first on Kampuchea Thmey Daily.