ព័ត៌មានអន្ដរជាតិ

ដង្កូវមូលរស់ឡើងវិញ ក្រោយងាប់នៅក្នុងស្រទាប់ដីកកអស់រយៈពេល ៤៦,០០០ ឆ្នាំ

បានផុស

៣ years មុន

នៅ

ថ្ងៃព្រហស្បតិ៍ ៣ សីហា ២០២៣

ដោយ

កាលពីពេលថ្មីៗនេះ ក្រុមអ្នកវិទ្យាសាស្ត្របានរកឃើញដង្កូវមូលដែលជាប្រភេទសត្វមិនស្គាល់ពីមុន ស្រាប់តែរស់ឡើងវិញពីជម្រៅ៤០ម៉ែត្រក្នុងស្រទាប់ដីកកនៃតំបន់ស៊ីបេរី បន្ទាប់ពីវាគ្មានចលនាអស់រយៈពេលប្រហែល ៤៥,៨៣៩ – ៤៧,៧៦៩ ឆ្នាំមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមអ្នកវិទ្យាសាស្ត្រមកពីបណ្ឌិតសភាសត្វវិទ្យារុស្ស៊ី (ZIRAS) និងវិទ្យាស្ថាន Max Planck សម្រាប់ហ្សែន និងជីវវិទ្យាកោសិកាម៉ូលេគុល (MPI-CBG) នៃប្រទេសអាល្លឺម៉ង់បានចេញផ្សាយការរកឃើញរបស់ពួកវានៅក្នុងទស្សនាវដ្ដី PLOS Genetics បុរាណដែលត្រូវបានរកឃើញដំបូងក្នុងឆ្នាំ ២០១៨ វាមានអាយុកាលរាប់ម៉ឺនឆ្នាំជាងការគិតពីមុន។

អ្នកវិទ្យាសាស្ត្របាននិយាយថា ពពួកដង្កូវដែលរស់នៅក្នុងដីប្រភេទនេះ វានៅក្នុងស្ថានភាពនៃការជាប់គាំងនិងអសកម្មខ្លាំងក្នុងការឆ្លើយតបទៅនឹងលក្ខខណ្ឌបរិស្ថានអវិជ្ជមាន។ ហើយក៏ជាស្ថានភាពដែលអត្រាមេតាបូលីសក្នុងរាងកាយមានការថយចុះ ដល់កម្រិតទាបបំផុត ដូចជាគ្មានការរំលាយអាហារអ្វីទាំងអស់។ វាមើលទៅដូចជាសត្វដែលងាប់តាំងពីចុងសម័យ Pleistocene (យុគសម័យទឹកកក) ទោះបីជាវានៅមានជីវិតដល់សព្វថ្ងៃនេះក៏ដោយ។

យ៉ាងណាមិញ បើប្រៀបធៀបទៅនឹងសត្វបច្ចុប្បន្នដែលអាចចូលទៅក្នុងស្ថានភាពផុតពូជប្រហែល ៣០-៤០ ឆ្នាំដូចជាខ្លាឃ្មុំទឹក tardigrade ដង្កូវ Nematoda ឬ Rotifer ដែលជាប្រភេទសត្វផ្លាកតុន ប្រភេទសត្វដង្កូវបុរាណ P. Kolymaensis អាចរស់នៅបានយូរជាងរាប់ម៉ឺនដងក្នុងស្ថានភាពស្លាប់ដូចមានជីវិត។

ទោះយ៉ាងណាក៏ដោយ ក្រុមអ្នកស្រាវជ្រាវក៏បានប្រៀបធៀបហ្សែនរបស់ P. kolymaenis ទៅនឹងដង្កូវមូល C. Elegans ដែលជាសាច់ញាតិជិតស្និទ្ធនៅរស់ និងបន្តពូជក្នុងសម័យទំនើប។ រហូតគេរកឃើញថា ដង្កូវទាំងពីរប្រភេទមានហ្សែនដូចគ្នា។ ហ្សែន ឬអង្គភាពតំណពូជទាំងនេះពាក់ព័ន្ធនឹងការចូលទៅក្នុងស្ថានភាពដែលគ្មានជីវិតទាំងមូល ដែលអាចឲ្យពួកវាស៊ូទ្រាំនឹងការត្រជាក់ និងការខះជាតិទឹកបានយូរបាន៕