ថៅកែ Archives - Kampuchea Thmey Daily

តារាចម្រៀងល្បី ៣ ដួងបន្ថែមអាជីពថ្មីនារដូវកូវីដ- ១៩

Sonya — Sun, 25 Jul 2021 04:56:31 +0000

អំឡុងពេលដែលជំងឺកូវីដ-១៩បាននឹងកំពុងរាតត្បាតមានរយ:ពេលប្រមាណ២ឆ្នាំគេសង្កេតឃើញមានអ្នកសិល្ប:ជាច្រើនបានបាត់បង់ប្រាក់ចំណូលស្ទើរតែទាំងស្រុងពីការច្រៀង សម្ដែង និងថតភាពយន្ដជាដើម។

ដោយសារតែកត្តានៃបញ្ហាផ្ទុះជំងឺកូវីដ-១៩នេះហើយ ទើបធ្វើឲ្យតារាខ្មែរមួយចំនួនងាកមកបន្ថែមអាជីពថ្មីដើម្បីទប់ទល់កុំឲ្យប្រឈមជួបវិបត្តិសេដ្ឋកិច្ច។ ជាក់ស្តែងគេកត់សម្គាល់ឃើញតារាចម្រៀងស្រីល្បីៗ៣ដួងនាឆ្នាំ២០២១នេះបានបន្ថែមមុខរបរថ្មីក្រៅពីអាជីពសិល្បៈ។

ចំពោះតារាចម្រៀងទាំង៣ដួងដែលក្លាយទៅជាថៅកែស្រីនារដូវកូវីដ-១៩នេះរួមមាន៖

១. តារាចម្រៀង មាស សុខសោភា បច្ចុប្បន្នបានក្លាយទៅជាថៅកែស្រីលក់ផលិតផលមួយដោយនាងចំណាយទុនអស់រាប់ម៉ឺនដុល្លារដើម្បីបើកហាងនៅរដូវកូវីដនេះ បន្ថែមពីលើហាងកាហ្វេនៅក្រុងកំពង់ សោម។

២. កញ្ញា សុខ ពិសី ដែលជាតារាចម្រៀងសាន់ដេត្រូវបានគេដឹងថា បន្ទាប់ពីចំណាយដើមទុនរាប់ម៉ឺនដុល្លារក្នុងការបើកដំណើរការលក់តែគុជដ៏ល្បីមាន ឈ្មោះថា “Tealive Cambodia 310” នោះគឺនាងមានអតិថិជនជាច្រើនគាំទ្រមុខរបរថ្មីរបស់នាងផងដែរ។

៣. តារាចម្រៀងហង្សមាសអ្នកនាង សុគន្ធ និសា ក៏ត្រូវបានគេដឹងថានាងក៏បានត្រៀមខ្លួនក្លាយទៅជាថៅកែស្រីហាងលក់ផលិតផលមួយដែរ ក្រោយនាងជាសះស្បើយពីជំងឺកូវីដជាង៣ខែមមនេះ។ បច្ចុប្បន្ន និសា ក៏មានហាងគុយទាវខ្ចប់ដំណើរការជាច្រើនឆ្នាំមកហើយដែរ។

តាមការកត់សម្គាល់ ទោះបីបច្ចុប្បន្នកំពុងជួបបញ្ហានៃវិបត្តិកូវីដ-១៩ដែលធ្វើឲ្យអ្នកសិល្ប:មួយចំនួនត្រូវផ្អាកឬពន្យាពេលយ៉ាងណាក្តី តែសម្រាប់តារាចម្រៀងស្រី៣ដួងខាលើនៅតែរក្សាបានទីផ្សាគាំទ្រខ្ពស់ដូចគ្នា៕

អត្ថបទ៖ ចាន់រ៉ា

ចុចអាន៖ ឆ្លងកាត់វិថីសិល្បៈជាង ៣០ឆ្នាំ តារាជើងចាស់ ទេព រិន្ទដារ៉ូ ទទួលពាននិងមេដាយរាប់មិនអស់

ចុចអាន៖ រឿងពិត ខាន់ ជេមស៍ កាលជាង២០ឆ្នាំមុនធ្លាប់ផ្ញើវាសនាលើផ្ទៃសមុទ្រដ៏ធំល្វឹងល្វើយនៅស្រុកថៃ

The post តារាចម្រៀងល្បី ៣ ដួងបន្ថែមអាជីពថ្មីនារដូវកូវីដ- ១៩ appeared first on Kampuchea Thmey Daily.

ទម្លាប់មិនល្អទាំង ៥ របស់ថៅកែៗដែលកំពុងធ្វើឲ្យកូនចៅរត់ចោលអស់

Sonya — Mon, 21 Jun 2021 04:40:58 +0000

ពុំមានបុគ្គលិកណាដែលចេះតែចង់ផ្លាស់ប្ដូរការងារពីមួយទៅមួយញឹកញាប់ពេកនោះទេ ប៉ុន្តែបើគេឃើញថា និយោជកមានចរិតយ៉ាប់ ដែលពិបាកទ្រាំធ្វើការជាមួយ ជាពិសេសមេដឹកនាំដែលមានលក្ខណៈ ទាំង ៥ ខាងក្រោម គេមុខតែវេចបង្វេចចេញមុនហើយ៖

១. បង្ខំបុគ្គលិកឲ្យធ្វើការច្រើនឡើងៗ

ការសិក្សាស្រាវជ្រាវដែលធ្វើឡើងដោយសាកលវិទ្យាល័យ Stanford បានរកឃើញថា ប្រសិទ្ធភាពការងារក្នុងមួយម៉ោងៗនឹងចាប់ផ្តើមធ្លាក់ចុះ បើម៉ោងធ្វើការកើនហួសពី ៥០ ម៉ោងក្នុងមួយសប្តាហ៍ ហើយវានឹងឡើងដល់លើសពី ៥៥ ម៉ោងក្នុងមួយសប្តាហ៍ កំណើនប្រសិទ្ធភាពការងារនឹងធ្លាក់ស្មើនឹងសូន្យ។

ទោះបីបុគ្គលិកល្អយ៉ាងណាក៏ដោយ ក៏នឹងអស់ការអត់ធ្មត់ដែរ បើសិនត្រូវធ្វើការច្រើនហួសហេតុពេក។

២. មិនយកចិត្តទុកដាក់ជាមួយបុគ្គលិក

តាមការសិក្សាដដែល បានលើកឡើងថា បុគ្គលិកប្រមាណ ៥០% ដែលលាឈប់ពីការងារ ពីព្រោះពួកគេមានទំនាក់ទំនងមិនល្អជាមួយនឹងចៅហ្វាយនាយ។ ក្រុមហ៊ុនល្អមួយ ជាក្រុមហ៊ុនដែលចេះបែងចែកពេលវេលាសម្រាប់ធ្វើការងារ និងពេលវេលាសម្រាប់ប្រាស្រ័យទាក់ទងជាមួយនឹងបុគ្គលិក។ បើពុំមានទំនាក់ទំនងជាមួយអ្នកក្រោមបង្គាប់ខ្លួន សួរថាធ្វើការឲ្យទៅមុខយ៉ាងម៉េច?

៣. មិនគោរពពាក្យសន្យា

ការសន្យារបស់មេកោយជាមួយកូនចៅ ជាពាក្យមួយដែលជំរុញទឹកពួកគេឲ្យសប្បាយចិត្ត និងខំធ្វើការ។ ប៉ុន្តែបើអ្នកដឹកនាំចេះតែដើរសន្យា ហើយមិនគោរពតាមពាក្យរបស់ខ្លួន ចៅហ្វាយនាយរូបនោះ នឹងត្រូវបានបុគ្គលិកឃើញថា ជាមនុស្សដែលមិនគួរឲ្យគោរព និងមិនអាចទុកចិត្ត។

៤. បំបិទគំនិត

បុគ្គលិកដែលមានទេពកោសល្យ ច្រើនតែមានគំនិតច្នៃប្រឌិតច្រើន។ ការផ្តល់ឱកាសឲ្យកូនចៅធ្វើតាមគំនិតរបស់ពួកគេ ជួយបង្កើនប្រសិទ្ធភាព និងការពេញចិត្តក្នុងការងារ។ ផ្ទុយទៅវិញ បើអ្នកដឹកនាំនិយមបង្ខំឲ្យបុគ្គលិកធ្វើការតាមគំនិតខ្លួនឯងទាំងស្រុង នោះច្បាស់ណាស់ថា ប្រសិទ្ធភាពការងារនឹងធ្លាក់ចុះ ហើយគ្មានបុគ្គលិកណាចង់បន្តធ្វើការទៀតទេ។

៥. មិនអភិវឌ្ឍន៍ជំនាញឱ្យ

ចៅហ្វាយនាយមានភារកិច្ចត្រូវគ្រប់គ្រង ទោះបីជាបុគ្គលិកនៅក្រោមបង្គាប់ពូកែ ឬឆ្លាតយ៉ាងណាក្តី។ នៅពេលខ្លួនក្លាយចៅហ្វាយនាយរបស់គេ ហើយមានបុគ្គលិកដែលពូកែ និងមានទេពកោសល្យនៅក្រោមបង្គាប់ តែបែរជាមិនរិះរកចំណុចខ្លាំងរបស់ពួកគេ ហើយអភិវឌ្ឍចំណុចនោះទេ សមត្ថភាពរបស់ពួកគេដែលមានទាំងប៉ុន្មានហាក់មិនសូវមានប្រយោជន៍៕

ប្រែសម្រួល៖ សន្យា

ប្រភព៖ Lifehack

ចុចអាន៖ អាជីពអ្វីក៏ដោយ បើគ្មាន ៥យ៉ាងនេះពិបាកជោគជ័យណាស់

ចុចអាន៖ ទម្លាប់ ៦យ៉ាងដែលអ្នកដឹកនាំឆ្លាតវៃតែងធ្វើ សម្រាប់កូនក្រុម

The post ទម្លាប់មិនល្អទាំង ៥ របស់ថៅកែៗដែលកំពុងធ្វើឲ្យកូនចៅរត់ចោលអស់ appeared first on Kampuchea Thmey Daily.