លោក មុំ គង់ នាយកអង្គការចលនាដើម្បីសុខភាពកម្ពុជា បានឱ្យដឹងថា ឧស្សាហករថ្នាំជក់ មិនត្រឹមតែផលិតបារីប៉ុណ្ណោះទេ ប៉ុន្តែក៏បានផលិតនិងចែកចាយបារីអេឡិចត្រូនិក និងផលិតផលអេចឈ៍ ធី ភី (HTPs) ដែលបានហាមឃាត់ដោយរដ្ឋាភិបាល។ លោកថា នៅកម្ពុជា ឧស្សាហករថ្នាំជក់ និងឧស្សាហករនីកូទីន បានបន្តផ្សព្វផ្សាយផលិតផលរបស់ខ្លួនដើម្បីទាក់ទាញកុមារ និងយុវជនតាមមធ្យោបាយផ្សេងៗ ជាពិសេសតាមបណ្តាញព័ត៌មានសង្គម បើទោះបីជាដឹងថាទង្វើរបស់ខ្លួនផ្ទុយទៅនឹងច្បាប់ និងបទបញ្ជារបស់រាជរដ្ឋាភិបាលក៏ដោយ។

យ៉ាងណាមិញ ចំពោះបារី ការបំពានទៅនឹងច្បាប់ស្តីពីការត្រួតពិនិត្យផលិតផលថ្នាំជក់ របស់ក្រុមហ៊ុនថ្នាំជក់ បានកើតឡើងតាមរយៈការផ្សាយពាណិជ្ជកម្មបារីនៅកន្លែងលក់បារី ការណែនាំឱ្យអ្នកលក់បារីតាំងលក់បារីខុសពីច្បាប់កំណត់ និងការចែកចាយបារីដែលគ្មានសារព្រមានសុខភាពត្រឹមត្រូវ និងគ្មានតែមប្រិ៍ពន្ធជាដើម។ ចំពោះបារីអេឡិចត្រូនិក និងផលិតផលអេចឈ៍ ធី ភី នៅតែបន្តបំពានផ្សាយលក់តាមបណ្តាញព័ត៌មានសង្គម។

លោក មុំ គង់ ស្នើអាជ្ញាធរមានសមត្ថកិច្ចគ្រប់លំដាប់ គួរចាត់វិធានបន្ថែមលើការប្រើប្រាស់ និងការចែកចាយបារីអេឡិចត្រូនិក និងផលិតផលអេចឈ៍ ធី ភី ជាបន្តបន្ទាប់។ ដោយមើលឃើញថា ក្រុមហ៊ុនថ្នាំជក់ និងក្រុមហ៊ុននីកូទីនមួយចំនួននៅតែបន្តបំពានច្បាប់ និងបទដ្ឋានគតិយុត្តរបស់រាជរដ្ឋាភិបាលដដែល។ជាក់ស្ដែង ថ្មីៗនេះ រដ្ឋបាលរាជធានីភ្នំពេញ បានដាក់ចេញសេចក្តីណែនាំដល់អង្គភាពចំណុះ និងមូលដ្ឋានអាជីវកម្មទាំងអស់ មិនឱ្យសហការ ឬចាប់ដៃគូជាមួយក្រុមហ៊ុនថ្នាំជក់ និងក្រុមហ៊ុននីកូទីន ទោះក្នុងគោលបំណងអ្វីក៏ដោយ។

គួរឱ្យដឹងថា តាមរយៈការដាក់ចេញវិធានថ្មីនេះ ស្របគ្នានឹងវិធានការរបស់ក្រសួងអប់រំ យុវជន និងកីឡា និងក្រសួងទេសចរណ៍ ដែលបានហាមឃាត់អង្គភាពចំណុះគ្រឹះស្ថានសិក្សា និងមូលដ្ឋានអាជីវកម្ម មិនឱ្យពាក់ព័ន្ធសហការជាមួយក្រុមហ៊ុនថ្នាំជក់ និងក្រុមហ៊ុននីកូទីន ក្នុងគោលបំណងការពារមូលធនមនុស្សរបស់កម្ពុជា កុំឱ្យធ្លាក់ទៅក្នុងល្បិចកលទាក់ទាញ ភូតកុហករបស់ក្រុមហ៊ុននេះផងដែរ៕

The post ល្បិចបង្កើតភាពទាក់ទាញរបស់ក្រុមហ៊ុនថ្នាំជក់ និងក្រុមហ៊ុននីកូទីន appeared first on Kampuchea Thmey Daily.

តាមសេចក្តីណែនាំស្តីពីការហាមឃាត់ការផ្សាយពាណិជ្ជកម្ម និងកិច្ចសហការជាមួយឧស្សាហកម្មថ្នាំជក់ និងអ្នកនាំចូល អ្នកផលិត និងចែកចាយផលិតផលដែលមានជាតិនីកូទីនរបស់រដ្ឋបាលរាជធានីភ្នំពេញបានឱ្យដឹងថា៖ អនុវត្តតាមយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាល នៃនីតិកាលទី៧របស់រដ្ឋសភា ក្នុងគោលបំណងរក្សាបាននូវការអភិវឌ្ឍធនធានមនុស្សឱ្យមានគុណភាពខ្ពស់ និងសុខភាពល្អ ដែលជាទ្រព្យសកម្មជាតិ និងយុទ្ធោបករណ៍ដ៏សំខាន់ក្នុងការអភិវឌ្ឍប្រទេសរយៈពេលវែង ក៏ដូចជាទប់ស្កាត់ បង្ការ ដោះស្រាយឱ្យបានទាន់ ពេលវេលា និងរក្សាការពារសណ្តាប់ធ្នាប់សង្គម ការពារសុខភាពសាធារណៈ ជាពិសេសមន្ត្រីរាជការ សិស្ស បុគ្គលិក សិក្សា រដ្ឋបាលរាជធានីភ្នំពេញសូមធ្វើការណែនាំដល់អង្គភាពចំណុះរដ្ឋបាលរាជធានីភ្នំពេញ រដ្ឋបាលខណ្ឌ សង្កាត់ និងម្ចាស់មូលដ្ឋានអាជីវកម្ម សេវាកម្មឯកជននៅរាជធានីភ្នំពេញ ត្រូវអនុវត្តដូចខាងក្រោម៖

១-មិនត្រូវផ្សាយពាណិជ្ជកម្មផលិតផលថ្នាំជក់ និងឧបករណ៍អេឡិចត្រូនិកនិងសារធាតុគីមី សម្រាប់ជក់ គ្រប់ប្រភេទ នៅគ្រប់ទីកន្លែង

២-មិនត្រូវចាប់ដៃគូសហការជាមួយឧស្សាហករថ្នាំជក់ និងអ្នកនាំចូល អ្នកផលិត អ្នកចែកចាយផលិតផល មានជាតិនីកូទីន ទោះក្នុងគោលបំណងណាមួយ ជាអាទិ៍ សកម្មភាពសប្បុរសធម៌ ព្រឹត្តិការណ៍កីឡា សិល្បៈផ្សេងៗ

៣-មិនត្រូវទទួលការឧបត្ថម្ភគាំទ្រ ឬចុះអនុស្សរណៈជាមួយឧស្សាហករថ្នាំជក់ និងអ្នកនាំចូល អ្នកផលិត អ្នកចែកចាយផលិតផលមានជាតិនីកូទីន

៤-មិនអនុញ្ញាតឱ្យផ្តល់ទីតាំង ឬទីធ្លា សម្រាប់រៀបចំកម្មវិធីផ្សព្វផ្សាយ ឬពិព័រណ៌របស់ឧស្សាហករថ្នាំជក់ និងអ្នកនាំចូល អ្នកផលិត អ្នកចែកចាយផលិតផលមានជាតិនីកូទីន៕

ដោយ ៖ ស្រីរ៏ត្ន

The post រដ្ឋបាលរាជធានីហាមឃាត់ការផ្សាយពាណិជ្ជកម្ម និងកិច្ចសហការជាមួយឧស្សាហកម្មថ្នាំជក់ appeared first on Kampuchea Thmey Daily.

ការជំរុញនេះធ្វើឡើងក្នុងឱកាស លោករដ្ឋមន្ត្រី ដឹកនាំកិច្ចប្រជុំ គណៈកម្មាធិការត្រួតពិនិត្យផលិតផលថ្នាំជក់ ដើម្បីពិនិត្យវឌ្ឍនភាពការងារ ពង្រឹងកិច្ចសហការពហុវិស័យ និងកំណត់អាទិភាពសម្រាប់ជំហានបន្ត ក្នុងការកាត់បន្ថយការប្រើប្រាស់ថ្នាំជក់ ការពារប្រជាជនពីផ្សែងថ្នាំជក់ បង្ក្រាបផលិតផលថ្នាំជក់ខុសច្បាប់ និងក្លែងក្លាយ ព្រមទាំងទប់ស្កាត់បារីអេឡិចត្រូនិក ដែលកំពុងបង្កហានិភ័យដល់យុវជន និងសុខភាពសាធារណៈ នាថ្ងៃទី២៧ ខែមេសា ឆ្នាំ២០២៦។

ថ្លែងនាឱកាសនោះ លោករដ្ឋមន្រ្តីបានលើកឡើងថា «ការត្រួតពិនិត្យផលិតផលថ្នាំជក់ គឺជាការងាររបស់គ្រប់វិស័យ និងជាការទទួលខុសត្រូវរួមរបស់សង្គមទាំងមូល។ យើងត្រូវរួមគ្នាការពារកុមារ យុវជន និងប្រជាពលរដ្ឋពីគ្រោះថ្នាក់នៃការប្រើផលិតផលថ្នាំជក់ បារីអេឡិចត្រូនិក ដើម្បីកសាងអនាគតកម្ពុជា គ្មានផ្សែងបារី មានសុខភាពល្អ និងសុវត្ថិភាព។»

បើតាមលោកសស្ត្រាចារ្យ កម្ពុជាបានសម្រេចសមិទ្ធផលសំខាន់ៗជាច្រើន តាមក្របខណ្ឌអនុសញ្ញា WHO FCTC និងកញ្ចប់អន្តរាគមន៍ MPOWER រួមមានការបោះពុម្ពសារអប់រំសុខភាពលើកញ្ចប់ថ្នាំជក់ ការហាមជក់នៅកន្លែងធ្វើការ និងកន្លែងសាធារណៈ និងការហាមផ្សព្វផ្សាយពាណិជ្ជកម្ម។ ទោះយ៉ាងណា កម្ពុជានៅតែមានអ្នកប្រើប្រាស់ថ្នាំជក់ប្រមាណ ១,៦ លាននាក់ ដែលទាមទារឱ្យបន្តមានយន្តការសមស្របជាប់លាប់ និងមានប្រសិទ្ធភាព។

ជាមួយគ្នានេះ លោកបានណែនាំដល់គណៈកម្មាធិការ បន្តអនុវត្ត ការត្រួតពិនិត្យថ្នាំជក់ ដើម្បីការពារជីវិត និងអនាគតប្រជាជន ដោយសង្កត់ធ្ងន់ថា «យើងមិនត្រឹមតែកាត់បន្ថយការជក់បារីប៉ុណ្ណោះទេ ប៉ុន្តែយើងកំពុងការពារកុមារ យុវជន ស្ត្រី និងប្រជាជនទាំងមូល ពីជំងឺមហារីក ជំងឺបេះដូង ជំងឺផ្លូវដង្ហើម និងជំងឺមិនឆ្លងផ្សេងៗ»។

លោកបន្តថា ការងារនេះត្រូវការកិច្ចសហការពហុវិស័យពិតប្រាកដ ព្រោះក្រសួងសុខាភិបាលមិនអាចធ្វើតែម្នាក់ឯងបានទេ។ ក្រសួង ស្ថាប័នពាក់ព័ន្ធ អាជ្ញាធររាជធានី-ខេត្ត សាលារៀន សហគមន៍ និងសង្គមទាំងមូល ត្រូវចូលរួមជាមួយគ្នា។

លើសពីនេះ ត្រូវបន្តអប់រំ និងផ្សព្វផ្សាយឱ្យទូលំទូលាយ ជាពិសេសដល់សិស្ស និស្សិត និងយុវជន។ យុវជនជាគោលដៅងាយរងគ្រោះពីផលិតផលថ្នាំជក់ទម្រង់ថ្មីៗ និងបារីអេឡិចត្រូនិក។ ការការពារពួកគេ គឺជាការការពារអនាគតសុខភាពជាតិ។

ត្រូវពង្រឹងការអនុវត្តច្បាប់ ស្តីពីការត្រួតពិនិត្យផលិតផលថ្នាំជក់ ការហាមផ្សព្វផ្សាយពាណិជ្ជកម្ម ការបោះពុម្ពសារព្រមានសុខភាព និងការហាមជក់នៅកន្លែងសាធារណៈ។ បង្ក្រាបផលិតផលថ្នាំជក់ខុសច្បាប់ ក្លែងក្លាយ និងបារីអេឡិចត្រូនិកឱ្យមានប្រសិទ្ធភាព។

រៀបចំយុទ្ធសាស្ត្រថ្មីសម្រាប់ឆ្នាំ២០២៧-២០៣១។ យុទ្ធសាស្ត្រថ្មីត្រូវផ្អែកលើទិន្នន័យ ភស្តុតាង វិធានការមានប្រសិទ្ធភាព និងគោលដៅកាត់បន្ថយការប្រើប្រាស់ថ្នាំជក់ឱ្យបាន ៣០% ឆ្ពោះទៅឆ្នាំ២០៣០៕

The post ក្រសួងសុខាភិបាល ជំរុញគណៈកម្មាធិការត្រួតពិនិត្យផលិតផលថ្នាំជក់ ពង្រឹងការអនុវត្តច្បាប់ និងវិធានការហាមឃាត់ឱ្យបានម៉ឺងម៉ាត់ appeared first on Kampuchea Thmey Daily.

យោងតាម​ VN Express, ​តួ​លេខ​ដ៏គួរឲ្យភ្ញាក់ផ្អើល​​នេះ​ត្រូវ​បាន​ផ្សាយ​កាលពីថ្ងៃពុធ នៅ​ឯ​ពិធីប្រគល់​ពាន​រង្វាន់ «សណ្ឋា​គារ​គ្មាន​ផ្សែង​បារី​ឆ្នើម​របស់​វៀត​ណាម​» ដែល​រៀប​ចំ​នៅ​ទី​ក្រុង​ហា​ណូយ​ដោយមូលនិធិ​សម្រាប់​ការ​បង្ការ​គ្រោះ​ថ្នាក់​ថ្នាំ​ជក់​ក្រោម​ក្រសួង​សុខា​ភិបាល។

លោក Phan Thi Hai នាយក​រងមូល​និធិ​បាន​សង្កត់​ធ្ងន់​ថា ​ការ​ខាត​បង់​ទាំង​នេះ​បញ្ជាក់​ពី៖ «ផល​ប៉ះ​ពាល់​យ៉ាង​ធ្ងន់​ធ្ងរ​ដល់​​សុខភាព​សា​ធារណៈ​ និង​ការ​អភិវឌ្ឍសេដ្ឋកិច្ច​សង្គមនានារបស់ថ្នាំជក់»។

គួរ​ឱ្យ​ដឹង​ផង​ដែរ​ថា​ផ្សែង​ថ្នាំ​ជក់​នៅ​តែ​ជា​មូលហេតុ​ចម្បង​នៃ​ជំងឺ​មហា​រីក​សួត ជំងឺ​សរសៃ​ឈាម​បេះដូង និងភាពគ្មានកូន។ វា​ផ្ទុក​សារធាតុគីមីជាង ៧០០០និង​សារធាតុ​បង្ក​មហារីក​យ៉ាង​តិច៧០ ផ្សេងទៀត​។

ប្រទេស​វៀត​ណាម​ កាន់តែ​ព្រួយ​បារម្ភ​ខ្លាំងទៅៗ អំពី​កំណើន​នៃ​ការ​ប្រើ​ប្រាស់​បារី​អេ​ឡិច​ត្រូ​និច​ក្នុង​ចំណោម​មនុស្ស​វ័យ​ជំទង់​។

លោក Hai បាន​កត់​សម្គាល់​ថា​អ្នក​ជំងឺ​វ័យ​ក្មេង​រាប់​ពាន់​នាក់​ត្រូវ​បាន​បញ្ជូន​ទៅ​មន្ទី​រពេទ្យ​ដោយ​សារ​ការ​ជក់​បារី​អេឡិច​ត្រូនិច​ច្រើន ដែល​ធ្វើ​ឱ្យ​ពួក​គេ​សន្លប់​ ជា​ពិសេស​​​ខូច​ខាត​សួត​ធ្ងន់​ធ្ងរ។

យោង​តាម​ការ​ស្ទង់​មតិ​ថ្នាំ​ជក់​សកល​សម្រាប់​មនុស្ស​ពេញ​វ័យ​ឆ្នាំ២០២៤​ (PGATS) ការ​ប៉ះ​ពាល់​នឹង​ផ្សែង​បារី​នៅ​ក្នុង​សណ្ឋាគាររបស់​វៀត​ណាម​​បាន​ធ្លាក់​ចុះ​ ១៤.៦ភាគរយ បើ​ធៀប​នឹង​ឆ្នាំ ២០២០៕​

ប្រែសម្រួល៖ ណឺ មិនា​

The post មួយឆ្នាំ ប្រជាជន​វៀត​ណាម ស្លាប់​ជាង ១០០ ០០០​នាក់ ដោយ​សារ​ថ្នាំ​ជក់​ appeared first on Kampuchea Thmey Daily.

ក្នុង​ជំនួប​នោះ​សម្ដេច​ធិបតី ហ៊ុន ម៉ាណែត បានលើក​ឡើង​ថាសុខភាពពលរដ្ឋ​គឺ​ជារឿង​សំខាន់ ហើយ​រដ្ឋ​ក៏​កំពុងមាន​វិធាន​ក្នុងការទប់ស្កាត់ការនាំចូលផលិតផលថ្នាំជក់ និងបារីខុសច្បាប់ផងដែរ។ សម្ដេច​បន្ថែមថាបច្ចុប្បន្ន ក្រសួងស្ថាប័នពាក់ព័ន្ធកម្ពុជាកំពុងពិនិត្យយន្តការនានា ដើម្បីធានានូវតុល្យភាពរវាងការដោះស្រាយបញ្ហាប្រឈមរបស់វិនិយោគិន និងការលើកកម្ពស់សុខភាពសាធារណៈជូនប្រជាពលរដ្ឋ។

សម្ដេចបានគូសបញ្ជាក់សាជាថ្មីថា​ រាជរដ្ឋាភិបាលកម្ពុជានឹងមិនអនុញ្ញាតឱ្យមានការវិនិយោគលេីការផលិតបារីអេឡិចត្រូនិក (e-cigarettes) នៅកម្ពុជានោះទេ។

ប្រធាន ATIC លោក Barros Figueira Miguel បាន​ជម្រាបសម្ដេច​ធិបតីថាលោកគាំទ្រនូវរាល់គំនិតផ្ដួចផ្ដើមដែលបានដាក់ចេញដោយរាជរដ្ឋាភិបាលកម្ពុជា និងបានបង្ហាញបំណងសហការជាមួយក្រសួងស្ថាប័នពាក់ព័ន្ធកម្ពុជា ដើម្បីលើកកម្ពស់ការយល់ដឹងអំពីផលិតផលថ្នាំជក់ និងបារី ដល់ប្រជាពលរដ្ឋ។ លោក​បន្ថែមថាក្នុងរយៈពេលកន្លងមក ATIC បានចូលរួមចំណែកបង្កើតការងារក្នុងស្រុកបានជាង ៤៥០០ កន្លែង និង រួមចំណែកដល់ការអភិវឌ្ឍសង្គម-សេដ្ឋកិច្ចនៅកម្ពុជា។

កាលពី​ថ្ងៃទី​៥ ខែឧសភា ឆ្នាំ២០២៥ កន្លងទៅ​ក្នុង​ពិធី​ប្រកាស​ដាក់​ឱ្យ​អនុវត្តជា​ផ្លូវ​ការ «ផែន​ការ​ជាតិប្រយុទ្ធនឹង​ជំងឺ​មហារីក២០២៥-២០៣០ សម្ដេចធិបតី ហ៊ុន ម៉ាណែត បាន​ថ្លែងថាសម្ដេច​មិន​ស្វាគមន៍សំណើរ​ណា​ក្នុង​ការ​បើករោងចក្រផលិត​បារី​អេឡិចត្រូនិកនៅ​កម្ពុជា​នោះទេ ទោះ​ផលិត​ដើម្បី​នាំ​ចេញ​ក៏​ដោយ​។ ក្រៅពី​នេះសម្ដេច​ក៏​បញ្ជា​ឱ្យ​អាជ្ញាធរត្រួតពិនិត្យលើសិស្សសាលាពី​ការ​ប្រើប្រាស់​អេឡិចត្រូនិកនេះផងដែរ៕

អត្ថបទដោយ ហ៊ុន សិរីវឌ្ឍន៍

The post នាយករដ្ឋមន្ត្រីបញ្ជាក់ចំពោះ​មុខប្រធានសមាគមថ្នាំជក់ថា​មិន​ស្វាគមន៍ការវិនិយោគលើបារីអេឡិត្រូនិច appeared first on Kampuchea Thmey Daily.

លោកស្រី ចម និម្មល បានថ្លែងក្នុងឱកាសទស្សនកិច្ចសិក្សាស្តីពីការផលិត និងកែច្នៃផលិតផលថ្នាំជក់កម្ពុជា សម្រាប់ការនាំចេញនៅស្រុកក្រូចឆ្មារ ខេត្តត្បូងឃ្មុំ នៅព្រឹកថ្ងៃទី ០៨ ខែមេសា ឆ្នាំ ២០២៥។

ពិធីនេះ មានការអញ្ជើញចូលរួមពីក្រសួងរៀបចំដែនដី នគរូបនីយកម្ម និងសំណង់ លោក Benjamin Cerletti អគ្គនាយកក្រុមហ៊ុន JTI កម្ពុជា និងប្រជាកសិករដំណាំថ្នាំជក់ជាច្រើនរូប។

លោកស្រីរដ្ឋមន្ត្រីបានគាំទ្រចំពោះក្រុមហ៊ុន JTI ក្នុងការជំរុញផលិតផលថ្នាំជក់កម្ពុជា ក្នុងខេត្តត្បូងឃ្មុំ និងខេត្តកំពង់ចាម សម្រាប់ធ្វើការកែច្នៃវេចខ្ចប់ និងនាំចេញទៅលក់នៅទីផ្សារអន្តរជាតិ ពិសេសទីផ្សារក្នុងប្រទេសជប៉ុន។

លោកស្រី ចម និម្មល បានគាំទ្រក្នុងការរៀបចំ និងចុះបញ្ជី “ថ្នាំជក់កម្ពុជា” ជាម៉ាកសមូហភាព ក្នុងប្រទេសកម្ពុជា កាលពីថ្ងៃទី២៦ ខែមេសា ឆ្នាំ២០២៤ កន្លងទៅ ដែលម៉ាកសមូហភាព “ថ្នាំជក់កម្ពុជា” បានផ្តល់ឱ្យកសិករនូវការបណ្តុះបណ្តាលផ្នែកគ្រប់គ្រង បច្ចេកទេសវេចខ្ចប់ នវានុវត្តផលិតផល និងប្រព័ន្ធត្រួតពិនិត្យ ដែលធ្វើឱ្យផលិតផលថ្នាំជក់ ទទួលបានតម្លៃបន្ថែម និងមានតម្រូវការទីផ្សារខ្ពស់ ដែលបានចូលរួមចំណែកក្នុងការជួយលើកស្ទួយសេដ្ឋកិច្ចគ្រួសាររបស់កសិករ​ខ្នាតតូច និងមធ្យមជាច្រើន៕

The post រដ្ឋមន្ត្រីពាណិជ្ជកម្មជំរុញឱ្យកែច្នៃថ្នាំជក់ ដើម្បីនាំចេញ appeared first on Kampuchea Thmey Daily.

អ្នក​ស្រី វន់ ស៊ីណា រស់នៅឃុំកោះតាស៊ុយ ស្រុកព្រែកប្រសព្វ ខេត្តក្រចេះ​បាន​ឲ្យ​ដឹងេ​ថា នៅក្នុងឆ្នាំនេះពលរដ្ឋ​សម្រុក​ដាំ​ដំណាំថ្នាំជក់​ច្រើនជាងដំណាំផ្សេងៗ ខណៈដែលឆ្នាំនេះទទួលបានទិន្នផលល្អ​ហើយ​​ឈ្មួញ​ចុះមកទិញ​ក៏​ឲ្យ​តម្លៃខ្ពស់។

កសិករ​មួយ​រូប​ទៀត អ្នកស្រី​ ឌុច សុីផេង បានឲ្យ​ដឹង​ដែរ​ថា បើទោះបីជាដំណាំថ្នាំជក់ប្រើដើមទុនច្រើនបន្តិចមែន តែទីផ្សារ​​ល្អ​​​ជាង​​​ដំណាំផ្សេង​ទៀត។

កសិករូបនេះ​​បានបង្ហើប​តម្លៃ​ ដែល​ឈ្មួញចុះប្រមូលទិញផលដំណាំថ្នាំជក់ ដោយប្រៀបធៀប​ឆ្នាំមុនលក់បានតម្លៃ ១៣ ៥០០ រៀល ក្នុងមួយគីឡូក្រាម ហើយឆ្នាំនេះតម្លៃបន្តបានខ្ពស់មិនធ្លាក់ចុះនោះទេ។

លោក សំ សំអាន ប្រធានការិយាល័យក្សេតសាស្រ្ដ និងផលិតភាពកសិកម្ម នៃមន្ទីរកសិកម្ម រុក្ខាប្រមាញ់ និង នេសាទខេត្តក្រចេះ បានប្រាប់កម្ពុជាថ្មី ឲ្យដឹងនៅថ្ងៃទី ២០ ខែកុម្ភៈ ឆ្នាំ២០២៥ នេះថា ក្នុងខេត្តក្រចេះ មានស្រុកចំនួន ៣ គឺមានស្រុកឆ្លូង ស្រុកព្រែកប្រសព្វ និងស្រុកចិត្របុរី ដែលមានប្រជាកសិករធ្វើដំណាំថ្នាំជក់។ ក្នុងឆ្នាំនេះប្រជាកសិករសម្រុកនាំគ្នាដាំដំណាំថ្នាំជក់លើផ្ទៃដី ៦៧៥ ហិកតា បើកប្រៀបធៀបទៅនឹងឆ្នាំមុនឃើញថាមានការកើនឡើង។

លោកបានបន្តថា តម្លៃថ្នាំជក់​ឆ្នាំនេះ​អាចលក់បាន​តម្លៃ ១២ ០០០ រៀល ទៅ ១៣ ០០០ រៀល ក្នុងមួយគីឡូក្រាម​បើធៀបទៅនឹងឆ្នាំមុនមិនមានការធ្លាក់ចុះនោះទេ ដែល​តម្លៃសមស្រប​សម្រាប់ប្រជាកសិករទទួលយកបាន​៕

អត្ថបទ៖ ប្រុញ វិធិន

The post កសិករឃុំកោះតាស៊ុយ អាចរកចំណូលជាង ១ ម៉ឺនរៀល ក្នុង ១ គីឡូក្រាម ពីដំណាំថ្នាំជក់ appeared first on Kampuchea Thmey Daily.

ជាពិសេស ត្រូវបង្កើតទីក្រុង ស្រុក ឃុំ គ្មានផ្សែងផលិតផលថ្នាំជក់ ទេសចរណ៍គ្មានផ្សែងផលិតផលថ្នាំជក់ឱ្យកាន់តែទូលំទូលាយ ដោយបិទស្លាកហាមជក់បារីនៅតាមទីកន្លែងធ្វើការ និងទីកន្លែងសាធារណៈ និងអប់រំណែនាំអ្នកប្រើប្រាស់ បង្កើតជាបរិបទសង្គម ដែលគ្មានផ្សែងផលិតផលថ្នាំជក់។ បន្ថែមពីនេះ ត្រូវជំរុញការទប់ស្កាត់ និងហាមឃាត់ការផ្សាយពាណិជ្ជកម្ម ការផ្សព្វផ្សាយលក់ និងការឧបត្ថម្ភកម្មវិធីដោយឧស្សាហករថ្នាំជក់គ្រប់ប្រភេទ។ តាមដានការអនុវត្តច្បាប់ និងពង្រឹងសមត្ថភាព ដំណើរការរបស់មន្ត្រីអធិការកិច្ចផលិតផលថ្នាំជក់ ពិសេសក្នុងរាជធានី ខេត្ត និងអប់រំអ្នកលក់ដូរចែកចាយ និងអនុវត្តវិធានការច្បាប់។

លើសពីនេះ ត្រូវទប់ស្កាត់ការលក់ ចែកចាយ និងប្រើប្រាស់បារីអេឡិចត្រូនិក នៅតាមទីតាំងផ្សេងៗ ក្នុងដែនសមត្ថកិច្ចរបស់ថ្នាក់ក្រោមជាតិ និងស្ថាប័នពាក់ព័ន្ធ។ សមាជិកគណៈកម្មាធិការត្រួតពិនិត្យផលិតផលថ្នាំជក់ និងស្ថាប័ន្ធពាក់ព័ន្ធត្រូវគោរពតាមច្បាប់ ស្តីពីការត្រួតពិនិត្យផលិតផលថ្នាំជក់ ដោយមិនទទួលការឧបត្ថម្ភពីឧស្សាហកម្មថ្នាំជក់។ ចំណែករាជធានី ខេត្ត ត្រូវជំរុញការបង្កើតអនុគណៈកម្មាធិការត្រួតពិនិត្យផលិតថ្នាំជក់ថ្នាក់រាជធានី ខេត្ត ដើម្បីជំរុញការអនុវត្តច្បាប់ និងការអប់រំ កាត់បន្ថយការប្រើប្រាស់ផលិតផលថ្នាំជក់។

ព្រមទាំងជំរុញការប្រឹក្សាលះបង់ទម្លាប់ជក់បារីនៅតាមមណ្ឌលសុខភាព ដោយមានការជួយជំរុញពីមេភូមិ អាជ្ញាធរ ដែនដី ដើម្បីគាំទ្រអ្នកប្រើប្រាស់ផលិតផលថ្នាំ ជក់លះបង់ទម្លាប់ប្រើប្រាស់ផលិតផលថ្នាំជក់ដើម្បីបង្ការជំងឺមិនឆ្លង៕

The post រដ្ឋមន្ត្រីសុខាភិបាល ជំរុញការហាមឃាត់ការជក់ ឬបង្ហុយផ្សែងផលិតផលថ្នាំជក់នៅកន្លែងធ្វើការ និងកន្លែងសាធារណៈ appeared first on Kampuchea Thmey Daily.