ថ្នាំចំនួន ១០០,០០០ ដូសបន្ថែម នឹងត្រូវផ្តល់ឲ្យត្រឹមថ្ងៃទី ៥ ខែកញ្ញា។ ថ្នាំ Molnupiravir ដែលនាំចូលដំបូងជាង ៣០ ម៉ឺនបន្ទះ បានទៅដល់ប្រទេសវៀតណាមកាលពីថ្ងៃទី ២៣ ខែសីហា ហើយគេរំពឹងថា ១.៧ លានបន្ទះទៀត នឹងទៅដល់នៅថ្ងៃទី ២៨ ខែសីហា។

ទន្ទឹមនឹងនេះ ថ្នាំបន្ទាប់នឹងត្រូវនាំចូល សម្រាប់ប្រើប្រាស់ក្នុងកម្មវិធីនេះ នៅដើមខែកញ្ញាឆ្នាំ ២០២១។

ចំពេលជំងឺរាតត្បាតកំពុងបន្តវាយលុកទីក្រុងហូជីមិញនិងខេត្តមួយចំនួននៅភាគខាងត្បូង វិស័យសុខាភិបាលបានសម្រេចចិត្តចាប់ផ្តើមសាកល្បងការព្យាបាលតាមផ្ទះសម្រាប់អ្នកជំងឺកូវីដ ដើម្បីជួយកាត់បន្ថយបន្ទុកនៅក្នុងមន្ទីរពេទ្យនិងការស្លាប់។

ដោយសារជំងឺរាតត្បាតកូវីដ -១៩ កំពុងរីករាលដាលពាសពេញប្រទេស មន្ទីរពេទ្យកំពុងប្រឈមនឹងកង្វះគ្រែនិងបុគ្គលិកក្នុងកម្រិតធ្ងន់ធ្ងរ ដើម្បីផ្តល់ការថែទាំអ្នកជំងឺឲ្យបានគ្រប់គ្រាន់។ ក្រសួងបានបន្តធ្វើបច្ចុប្បន្នភាពផែនការព្យាបាលអ្នកជំងឺដែលមានរោគសញ្ញាស្រាល នៅផ្ទះ។

ការសាកល្បងថ្នាំប្រឆាំងមេរោគ Molnupiravir ក្នុងការព្យាបាលអ្នកជំងឺកូវីដ នៅក្នុងប្រទេសជាច្រើនបានទទួលលទ្ធផលជោគជ័យ ទាក់ទងនឹងសុវត្ថិភាពនិងកម្ចាត់មេរោគចំពោះអ្នកជំងឺស្រាលនិងមធ្យមបន្ទាប់ពីការព្យាបាលបានរយៈពេល៥ថ្ងៃ។

ផ្អែកលើលទ្ធផលនេះ ក្រសួងសុខាភិបាលនិងនាយកដ្ឋានសុខាភិបាលទីក្រុងហូជីមិញ នឹងចាប់ផ្តើមសាកល្បងការព្យាបាលតាមផ្ទះសម្រាប់អ្នកជំងឺកូវីដនៅថ្ងៃទី ២៥ ខែសីហា ក្នុងទីក្រុងនេះ ដើម្បីកាត់បន្ថយអត្រាចូលមន្ទីរពេទ្យនិងកាត់បន្ថយអត្រាស្លាប់។

ក្រោយរយៈពេល ៥ ថ្ងៃ អ្នកជំងឺទាំងអស់នឹងត្រូវបានវាយតម្លៃចំពោះអត្រាអវិជ្ជមានវីរុស SARS-CoV-2 និងជំងឺរបស់ពួកគេ ថាតើកំពុងវិវត្តទៅរកកម្រិតធ្ងន់ធ្ងរជាងនេះដែរឬក៏អត់។ ក្នុងរយៈពេល ១៤ ថ្ងៃ អ្នកជំងឺនឹងត្រូវបានតាមដានរោគសញ្ញានៃជំងឺកូវីដ និងផលប៉ះពាល់របស់ថ្នាំ៕

ប្រែសម្រួល៖ Vann Vann

ប្រភព៖ Vietnam Insider

ចុចអាន៖ សិប្បកម្មវៀតណាមមួយកន្លែង យកម៉ាសប្រើរួចរាប់តោន ទៅកែច្នៃ ហើយដាក់លក់លើទីផ្សារវិញ

The post វៀតណាម ចាប់ផ្តើមប្រើថ្នាំប្រឆាំងវីរុសមួយប្រភេទ ព្យាបាលអ្នកជំងឺកូវីដ តាមផ្ទះ appeared first on Kampuchea Thmey Daily.

លោកវេជ្ជបណ្ឌិត Anthony Fauci អ្នកជំនាញខាងជំងឺឆ្លងកំពូលរបស់ប្រទេស បានប្រកាសអំពីការវិនិយោគនេះ កាលពីថ្ងៃព្រហស្បតិ៍នៅឯសន្និសីទសេតវិមាន។

ថ្នាំគ្រាប់ប្រឆាំងកូវីដ ដែលនឹងកាត់បន្ថយរោគសញ្ញាក្រោយពេលឆ្លង កំពុងស្ថិតក្នុងការអភិវឌ្ឍ ហើយអាចសម្រេចបាននៅត្រឹមដំណាច់ឆ្នាំនេះ ដោយរង់ចាំបញ្ចប់ការធ្វើតេស្តគ្លីនិកសិន។ ថវិកានេះ នឹងជួយពន្លឿនការធ្វើតេស្តគ្លីនិកទាំងនោះ និងផ្តល់ការឧបត្ថម្ភបន្ថែមដល់ការស្រាវជ្រាវ ការអភិវឌ្ឍនិងផលិតកម្មផ្នែកឯកជន។

លោក Fauci និយាយថា កម្មវិធីថ្មីនេះ នឹងវិនិយោគលើការពន្លឿនគ្រប់យ៉ាងដែលកំពុងដំណើរការសម្រាប់ប្រឆាំងជំងឺកូវីដ ប៉ុន្តែក៏នឹងធ្វើការដើម្បីបង្កើតការព្យាបាលថ្មីសម្រាប់វីរុសដទៃទៀតផងដែរ។

ទោះបីជាយ៉ាងណាក៏ដោយ លោកបានបន្ថែមថា “ច្បាស់ណាស់ វ៉ាក់សាំងនៅតែជាអាវុធសំខាន់ ក្នុងឃ្លាំងរបស់យើង”។

គួរបញ្ជាក់ថា ក្រោមការដឹកនាំរបស់លោកប្រធានាធិបតី ដូណាល់ ត្រាំ, សហរដ្ឋអាមេរិកបានជះលុយជាង ១៩ ពាន់លានដុល្លារ ក្នុងការបង្កើតវ៉ាក់សាំងជាច្រើនប្រភេទយ៉ាងឆាប់រហ័ស។ ប៉ុន្តែមានតិចជាងពាក់កណ្តាលនៃចំនួនទឹកប្រាក់ទាំងនោះ ដែលបានឆ្ពោះទៅរកការបង្កើតការព្យាបាលថ្មី៕

ប្រែសម្រួល៖ Vann Vann

ប្រភព៖ AP

ចុចអាន៖ មេក្រុមហ៊ុន BioNTech អាចទទួលពានរង្វាន់ណូបែល សម្រាប់ការបង្កើតវ៉ាក់សាំងការពារកូវីដ

The post អាមេរិក ជះលុយជាង ៣ ពាន់លានដុល្លារ អភិវឌ្ឍថ្នាំ ប្រឆាំង កូវីដ appeared first on Kampuchea Thmey Daily.

ទន្ទឹម​នោះ​ក្រុម​​អ្នក​ជំនាញ​បាន​និយាយ​ថា ​កិច្ច​ប្រឹងប្រែង​ស្រាវជ្រាវ​បច្ចុប្បន្ន​នេះ​ត្រូវ​ផ្លាស់ប្ដូរ ​ដើម្បី​ឆ្ពោះ​ទៅ​រក​ការ​អភិវឌ្ឍ​ថ្នាំ​គ្រាប់​ដែល​អាច​ការពារ​កូវីដ​ធ្ងន់ធ្ងរ ​ចំពោះ​អ្នកជំងឺ​ទើប​ឆ្លង​ថ្មីៗ​ ​និង​ជួយ​ពន្លឿន​ឲ្យ​ឆាប់​បាន​ប្រើប្រាស់​នៅ​មុន​ដំណាច់​ឆ្នាំ​នេះ។

វេជ្ជបណ្ឌិត Rajesh Gandhi​ នាយក​នៃ​សេវា​ព្យាបាល​មេរោគ​អេដស៍​នៅ​មន្ទីរពេទ្យ​ទូទៅ​ នៃ​រដ្ឋ​ Massachusetts បាន​មាន​ប្រសាសន៍​នៅ​ក្នុង​សន្និសីទ​សារព័ត៌មាន​សមាគម​ជំងឺ​ឆ្លង​នៃ​អាមេរិក​ថា​” យើង​ត្រូវ​ការ​ថ្នាំ​ដែល​អាច​ជួយ​មនុស្ស​ចេញ​ពី​មន្ទីរពេទ្យ​និង​ពេលវេលា​ដើម្បី​អភិវឌ្ឍ​វា​នា​ពេល​បច្ចុប្បន្ន​នេះ ” ។ ថ្នាំ​ប្រឆាំង​វីរុស​​នឹង​កំណត់​វីរុស ដែល​បណ្ដាល​ឲ្យ​មាន​ជំងឺ​កូវីដក្នុង​ដំណាក់កាល​សកម្ម​បំផុត​របស់​វា​នៅ​ក្នុង​ខ្លួន​មនុស្ស​​ មុន​ពេល​មនុស្ស​វិវត្ត​ជា​រោគសញ្ញាធ្ងន់ធ្ងរ។

លោក​បាន​បន្ថែម​ថា​ “ ​វា​ជា​តម្រូវការ​ចាំបាច់​សម្រាប់​ថ្នាំ​ប្រឆាំង​វីរុស​ ដែល​មាន​ប្រសិទ្ធភាព​បំផុត ” ។ អ្វី​ដែល​យើង​ត្រូវការ​ជាង​អ្វីៗ​ទាំង​អស់​នា​ពេល​នេះ​ គឺ​ថ្នាំ​លេប​ ដែល​ជា​ថ្នាំ​អាច​ការពារ​អ្នក​ដែល​មាន​ជំងឺ​ពី​កម្រិត​ស្រាល​ទៅ​មធ្យម​មិន​ឲ្យ​ឈឺ​កាន់​តែ​ច្រើន​ឡើងៗ ។

លោក Gandhi បាន​និយាយ​ថា ​កិច្ច​ខិតខំ​ប្រឹងប្រែង​ស្រាវជ្រាវ​កំពុង​ធ្វើ​ការ​យ៉ាង​សកម្ម​ ដើម្បី​អភិវឌ្ឍ​ថ្នាំ​ប្រភេទ​នេះ​ ហើយ​មាន​ក្ដី​សង្ឃឹម​ថា​ អាច​មាន​មុន​ពេល​ដំណាច់​ឆ្នាំ ២០២១ ។

ថ្នាំ​ប្រឆាំង​វីរុស​​ដែល​បាន​លើក​ឡើង​ដោយ​លោក Gandhi កំពុង​ត្រូវ​បាន​បង្កើត​ឡើង​ដោយ​ក្រុមហ៊ុន Pfizer ។ ថ្នាំ​ប្រឆាំង​វីរុស​នេះ​ហៅ​ថា PF-07321332 ជា​ប្រភេទ​ថ្នាំ Protease Inhibitor ​ជួយ​ទប់ស្កាត់​ការ​ផលិត​អង់ស៊ីម​ទ្វេ​គុណ​​នៅ​ក្នុង​រាងកាយ​ និង​រារាំង​វីរុស​ពី​ការ​ចម្លង​នៅ​ខាង​ក្នុង​កោសិកា។ ​ការ​ព្យាបាល​បែបនេះ​ដូច​ដែល​ប្រើ​សម្រាប់​ព្យាបាល​មេរោគ​អេដស៍ ​និង​ជំងឺ​រលាក​ថ្លើម​ប្រភេទ C ។​

លោក Albert Bourla នាយក​ប្រតិបត្តិ​ក្រុមហ៊ុន Pfizer បាន​ប្រាប់​ស្ថានីយ​ទូរទស្សន៍ CNBC កាល​ពី​ដើម​សប្ដាហ៍​នេះ​ថា ​ក្រុមហ៊ុន​របស់​លោក​កំពុង​ធ្វើការ​នាំ​យក​ថ្នាំ​លេប ​ទៅ​កាន់​ទីផ្សារ​នៅ​ចុង​ឆ្នាំ​នេះ​ហើយ៕

ប្រែសម្រួល៖ សាង ស្រីល័ក្ខ

ប្រភព៖UPI

ប្រភព៖ក្រោយជោគជ័យជាមួយវ៉ាក់សាំង ក្រុមហ៊ុន Pfizer ចាប់ផ្តើមសាកល្បងប្រើថ្នាំគ្រាប់ព្យាបាលកូវីដ

ចុចអាន៖ថ្នាំគ្រាប់ការពារកូវីដរបស់ក្រុមហ៊ុន Pfizer នឹងចាប់ផ្តើមផលិតនៅចុងឆ្នាំនេះ បើការសាកល្បងជោគជ័យ

The post ពិភពលោក​មាន​សង្ឃឹម​ហើយ!ថ្នាំ​លេប​ប្រឆាំង​កូវីដ​អាច​មាន​ប្រើប្រាស់​នៅ​មុន​ដំណាច់​ឆ្នាំ​នេះ appeared first on Kampuchea Thmey Daily.