នៅ​ថ្ងៃ​ទី​២០ ខែ​មករា ឆ្នាំ​២០២៦ នេះ ក្រសួងកសិកម្ម រុក្ខាប្រមាញ់ និងនេសាទ បាន​ចុះ​ហត្ថលេខា​លើ​អនុស្សរណៈ​នៃ​ការ​យោគយល់គ្នា (MoU) ជា​មួយ​ធនាគារ ស្ថាបនា និងក្រុមហ៊ុន ខាបូន ខេភីថល ឯ.ក (Carbon Capital Co., Ltd)។

ក្នុង​ឱកាស​នោះ​លោក​រដ្ឋមន្ត្រី​ក្រសួង​កសិកម្ម ឌិត ទីណា បាន​មាន​ប្រសាសន៍​​ស្វាគមន៍​ក្នុងការបង្កើត​កិច្ច​សហប្រត្តិបត្តិការ​ថ្មីជា​មួយ​វិស័យឯកជន ដោយ​អនុស្សរណៈនៃការយោគយល់គ្នា​ទាំងពីរនេះ​នឹង​ចូលរួម​ចំណែក​យ៉ាង​សំខាន់ ក្នុងបង្កើន​ការ​អភិវឌ្ឍវិស័យកសិកម្ម លើកកម្ពស់ជីវភាពប្រជាពលរដ្ឋ និងបង្កើននិរន្តភាព។

បន្ទាប់​ពី​ការ​ចុះ​ MoU នេះ ធនាគារ ស្ថាបនា បានក្លាយជាធនាគារដៃគូទី៥ ដែលបានចុះ MoU ជាមួយក្រសួង​កសិកម្ម​ដើម្បីផ្ដល់​ទុនកម្ចីការប្រាក់ទាបជូនដល់សហគមន៍កសិកម្មទំនើប ដោយធនាគារ ស្ថាបនា នឹងត្រៀម​កញ្ចប់​ថវិកា​ពិសេស​ចំនួន ៣ លានដុល្លារអាមេរិក​សម្រាប់ផ្តល់​ជា​ឥណទាន​ជូនដល់​សហគមន៍​ក្នុង​លក្ខខណ្ឌ​សមស្របមួយ។

ចំណែក​ឯ​ក្រុមហ៊ុន ខាបូន ខេភីថល គឺជាក្រុមហ៊ុន​ដែលធ្វើការ​ប្រមូលកាក​សំណល់​លាមក​ពីកសិដ្ឋាន​ចិញ្ចឹម​ជ្រូក​មក​ធ្វើ​ផលិត​កម្មជីកំប៉ុស ក្នុងបំណងកាត់បន្ថយការបំភាយឧស្ម័នកាបូន ផ្គត់ផ្គង់ជីកំប៉ុសគុណភាពខ្ពស់ បង្កើត​ប្រភព​ចំណូល​បន្ថែមជូនកសិករចិញ្ចឹមជ្រូក ព្រមទាំងធ្វើអាជីវកម្មឥណទានកាបូនផងដែរ។

លោក​រដ្ឋមន្ត្រី​ សង្ឃឹម​ថា តាមរយៈMoUនេះ  ក្រុមហ៊ុន ខានបូន ខេភីថល នឹងធ្វើវិភាគ​ទាន​ប្រាក់​ចំណូល​មួយ​ផ្នែក​សម្រាប់គាំទ្រដល់មូលនិធិអភិវឌ្ឍន៍សហគមន៍កសិកម្ម។

ជា​មួយ​គ្នា​នេះ លោក​រដ្ឋមន្ត្រី ឌិត ទីណា ក៏​បាន​អរគុណធនាគារ ស្ថាបនា ចំពោះការ​បង្ហាញ​ទំនុកចិត្តផ្ដល់​ទុន​កម្ចីដើម្បី​គាំទ្រ​សហគមន៍កសិកម្មទំនើប ព្រម​ទាំង​ក្រុមហ៊ុន ខាបូន ខេភីថល ចំពោះការវិនិយោគ​ប្រកប​ដោយ​ទំនួល​ខុសត្រូវខ្ពស់ ដែល​ចែករំលែកចំណូលដើម្បីគាំទ្រផលប្រយោជន៍រួមរបស់សង្គម ជាពិសេស​ការគាំទ្រ​មូល​និធិអភិវឌ្ឍន៍​សហគមន៍កសិកម្ម។ បន្ថែម​ពី​នេះ លោក​ក៏​លើកទឹកចិត្តឱ្យ​ស្ថាប័នវិស័យ​ឯកជនដទៃ​ទៀត​ចូលរួម​លើក​ស្ទួយ​វិស័យ​កសិកម្មតាមគំរូរបស់ដៃគូទាំងពីរនេះ៕

The post ធនាគារស្ថាបនា ចុះ MoU ជាមួយក្រសួងកសិកម្មផ្ដល់ទុនកម្ចីការប្រាក់ទាបដល់សហគមន៍កសិកម្មទំនើប appeared first on Kampuchea Thmey Daily.

ប្រទេសកម្ពុជាតាមរយៈធនាគារជាតិនៃកម្ពុជា (NBC) និង ប្រទេសជប៉ុនបានដាក់ឱ្យដំណើរការជាផ្លូវការការទូទាត់ឆ្លងដែនតាមឃ្យូអរកូតដំណាក់កាលទី១ ក្នុងការសម្រួលដល់ការទូទាត់សម្រាប់ភ្ញៀវទេចរ ធុរជនិងវិនិយោគិនរវាងប្រទេសទាំងពីរ។

ការដាក់ឱ្យដំណើការជាផ្លូវការនេះធ្វើឡើងដោយមានការអញ្ជើញជាអធិបតីភាពដោយលោកស្រីបណ្ឌិត ជា សិរី ទេសាភិបាល NBC  កាលពីព្រឹកថ្ងៃទី៤ ខែកក្កដា ឆ្នាំ២០២៥ នៅក្នុងព្រឹត្តការណ៍ពិព័ណពិភពលោកឆ្នាំ២០២៥ (The World Expo 2025) នៅទីក្រុងអូសាកា ប្រទេសជប៉ុន។

បើយោងតាម NBC ការដាក់ឱ្យដំណើរការនេះ នឹងផ្ដល់លទ្ធភាពឱ្យប្រជាជនកម្ពុជា ទទួលបាននូវបទពិសោធន៍នៃការទូទាត់ឆ្លងដែនតាមឃ្យូអរកូតប្រកបដោយប្រសិទ្ធភាព ងាយស្រួល និងឆាប់រហ័ស តាមរយៈការប្រើប្រាស់កម្មវិធីទូទាត់បាគង ឬ កម្មវិធីធនាគារចល័ត ដើម្បីសេ្កនទូទាត់ថ្លៃទំនិញនិងសេវាជាមួយ JPQR របស់ពាណិជ្ជករនៅប្រទេសជប៉ុន។

«គម្រោងនេះឆ្លុះបញ្ចាំងពីភាពជឿនលឿនរបស់កម្ពុជា ក្នុងការបង្កើតហេដ្ឋារចនាសម្ព័ន្ធឌីជីថលសម្រាប់ប្រតិបត្តិការឆ្លងដែន ដើម្បីជំរុញឱ្យមានកិច្ចសហប្រតិបត្តិការ និងកំណើនសេដ្ឋកិច្ចទៅវិញទៅមក»។ នេះបើតាម NBC។

លោកស្រីបណ្ឌិត ជា សិរី  បានសរសេរនៅលើបណ្តាញផ្លូវការណ៍របស់ខ្លួនថា ការដាក់ឱ្យដំណើការនេះគឺជាពេលវេលាដ៏រំភើបមួយសម្រាប់ការទូទាត់ប្រាក់ KHQR របស់កម្ពុជាជាលើកដំបូងដើម្បីភ្ជាប់ជាមួយនឹងប្រព័ន្ធ QR របស់ប្រទេសជប៉ុន JPQR ​សម្រាប់ប្រតិបត្តិការឆ្លងព្រំដែន។

លោកស្រីបណ្ឌិតថា៖«ដំណាក់កាលទី ១ នេះនឹងអនុញ្ញាតឱ្យអ្នកប្រើប្រាស់កម្មវិធី Bakong, Acleda និង Sathapana app ស្កេន JPQR នៅប្រទេសជប៉ុន។ ដំណាក់កាលទី ២ សម្រាប់ JPQR ដើម្បីស្កេន KHQR នឹងចាប់ផ្តើមក្នុងពេលឆាប់ៗនេះ។ នេះ​គឺ​ជា​ការ​សហការ​គ្នាមិនមែនត្រឹមតែជាជោគជ័យនៃការភ្ជាប់ប្រព័ន្ធបច្ចេកវិទ្យានៃប្រព័ន្ធទូទាត់រវាងប្រទេសទាំងពីរប៉ុណ្ណោះទេ ប៉ុន្តែវាបម្រើជាស្ពានភ្ជាប់វប្បធម៌​ សេដ្ឋកិច្ច​ និងប្រជាជនរបស់យើង។ វាឆ្លុះបញ្ចាំងពីការយកចិត្តទុកដាក់របស់យើងចំពោះបច្ចេកវិទ្យាប្រើប្រាស់សម្រាប់កំណើនប្រកបដោយនិរន្តរភាព និងរួមបញ្ចូល និងដើម្បីធានាថាប្រជាជនកម្ពុជាត្រូវបានបំពាក់យ៉ាងពេញលេញក្នុងការចូលរួមក្នុងសេដ្ឋកិច្ចឌីជីថលសកល»។

​

«យើងរួមគ្នាបង្កើតអនាគតមួយដែលឧបសគ្គនានានឹងត្រូវបានកាត់បន្ថយ ឱកាសត្រូវបានពង្រីក ហើយភាពរុងរឿងគឺគ្មានព្រំដែននោះទេ»។ នេះបើតាមលោកស្រីបណ្ឌិត ជា សិរី ។

យោងតាម NBC ការទូទាត់តាមប្រព័ន្ធបាគង បានកើនឡើងយ៉ាងឆាប់រហ័ស ចាប់តាំងពីការដាក់ឱ្យប្រើប្រាស់កាលពីឆ្នាំ២០២០មក ដែលក្នុងឆ្នាំ២០២៤ ប្រតិបត្តិការទូទាត់សរុបមានចំនួន ៦០៧,៥លានប្រតិបត្តិការ ដោយក្នុងនោះទំហំទឹកប្រាក់នៃ​ប្រតិបត្តិការជាលុយរៀលមានចំនួន ១៨៣,៣ទ្រីលានរៀល និងជាដុល្លារអាមេរិកមានចំនួន ១០៤,៨ប៊ីលានដុល្លារ ហើយមានចំនួនគណនីប្រើប្រាស់ចំនួន​ ៣០លានគណនី ដែលអាចទូទាត់បានជាមួយនឹងពាណិជ្ជករក្នុងស្រុកចំនួន ៤,៥លានកន្លែង និងក្រៅស្រុកច្រើនជាង ២៤០លានកន្លែង ដូចជានៅប្រទេសថៃ វៀតណាម ឡាវ ម៉ាឡេស៊ី និងចិន  និងអនុញ្ញាតឱ្យ ភ្ញៀវទេសចរពីប្រទេសទាំងនោះអាចមកទូទាត់នៅតាម KHQR នៅកម្ពុជាបានយ៉ាងងាយស្រួល៕

The post កម្ពុជា-ជប៉ុនដាក់ឱ្យដំណើការជាផ្លូវការការទូទាត់ឆ្លងដែនតាមឃ្យូអរកូត appeared first on Kampuchea Thmey Daily.

​លោក ហ្វុ​ង កៃ ជីន ប្រធាន​នាយក​ប្រតិបត្តិ​នៃ​ធនាគារ ស្ថាបនា បាន​មានប្រសាសន៍ថា​៖ “«​ចំណុច​សំខាន់​នៃ​អាជីវកម្ម​របស់​យើង គឺ​ការប្តេជ្ញាចិត្ត​ដ៏​រឹងមាំ​ក្នុងការ​ផ្តល់ជូន​អតិថិជន នូវ​បទពិសោធន៍​ល្អឥតខ្ចោះ និង​ដំណោះស្រាយ​ប្រកបដោយ​ភាព​ច្នៃប្រឌិត​។ ការធ្វើ​ប្រតិបត្តិ​ការបង់ប្រាក់ និង​ទទួល​ប្រាក់​រហ័ស ហើយ​មាន​សុវត្ថិភាព គឺមាន​សារៈសំខាន់​ណាស់​សម្រាប់​អាជីវកម្ម​គ្រប់​ទំហំ ជាពិសេស​នៅក្នុង​បរិយាកាស​ធុរកិច្ច​ក្នុង​តំបន់ និង​សកល ដែល​កំពុងមាន​ការផ្លាស់​ប្តូរ​មិន​ឈប់ឈរ​នាពេល​បច្ចុប្បន្ន​នេះ​។ Visa B2B Connect នឹង​ជួយ​ដល់​ប្រតិបត្តិការ​ផ្នែក​ធុរកិច្ច​របស់​ម្ចាស់​អាជីវកម្ម​ដែលជា​អតិថិជន​របស់​ធនាគា​រ ស្ថាបនា​ទាំងអស់ ឲ្យ​ទទួលបាន​នូវ​អត្ថប្រយោជន៍​ពី​ភាពងាយស្រួល​នៃ​ការទូទាត់​ពាណិជ្ជកម្ម​ឆ្លង​ប្រទេស​យ៉ាង​រហ័ស និង​សុវត្ថិភាព តាមរយៈ​បណ្តាញ​សាខា​ដ៏​ច្រើន​របស់​យើង​»​។​

​អ្នកស្រី ជុំ ម៉ូ​នី​កា នាយិកា​គ្រប់គ្រង​ក្រុមហ៊ុន Visa ប្រចាំ​ប្រទេស​កម្ពុជា បាន​មានប្រសាសន៍ថា​៖ “«​ការធ្វើ​អាជីវកម្ម​នាពេល​បច្ចុប្បន្ន​ត្រូវការ​សមត្ថភាព​ទូទាត់​ដែលមាន​តម្លាភាព រហ័ស និង​ងាយស្រួល​គ្រប់គ្រង​»​។ អ្នកស្រី​បន្តថា​៖ «​សេវាកម្ម Visa B2B Connect នឹង​ផ្តល់​សិទ្ធិអំណាច​ដល់​អតិថិជន​របស់​ធនាគារ​ស្ថាបនា​ក្នុងការ​បោះជំហាន​ចូលទៅ​កាន់​សេដ្ឋកិច្ចពិភពលោក​ជាមួយនឹង​ការទូទាត់​អន្តរជាតិ​ប្រកបដោយ​សុវត្ថិភាព​ខ្ពស់ និង​ការចំណាយ​ទាប​ជាង​មុន​»​។​

​សេវាកម្ម Visa B2B Connect ត្រូវបាន​ដាក់​ឲ្យ​ដំណើរការ​សម្រាប់​ប្រតិបត្តិ​ការទូទាត់​ប្រាក់​ទាំង​អា​ជី​កម្ម​ក្នុង និងក្រៅប្រទេស​។ ម្ចាស់​ធុរកិច្ច​នៅ​កម្ពុជា កំពុងតែ​រីករាយ​ជាមួយនឹង​ការទូទាត់​ដែល​រលូន មាន​ប្រសិទ្ធភាព ហើយ​យើង​អាច​ព្យាករណ៍​ពី​គោលដៅ​ពេញនិយម​សម្រាប់​ការទូទាត់ រួមមាន ប្រទេស​ថៃ សិង្ហ​បុរី ហុងកុង អឺរ៉ុប ចិន ជប៉ុន សហរដ្ឋអាមេរិក និង​បង់​ក្លា​ដែ​ស​។ Visa B2B Connect ផ្តល់នូវ​ការតភ្ជាប់​តែមួយគត់​ទៅកាន់​ពិភពលោក អនុញ្ញាត​ឲ្យ​ម្ចាស់​អាជីវកម្ម​អាច​ផ្ទេរប្រាក់​ដោយផ្ទាល់​ទៅ​គណនី​អ្នកទទួល​។ កត្តា​នេះ​ដកចេញ​នូវ​ធនាគារ​អន្តរការី ដោយ​កាត់បន្ថយ​ពេលវេលា និង​ការចំណាយ​ផ្សេងៗ​សម្រាប់​ប្រតិបត្តិការ​នីមួយៗ​។ ក្នុងពេល​ជាមួយគ្នានេះ វា​ផ្តល់​របាយការណ៍​អាជីវកម្ម​ដែល​អាច​ត្រួតពិនិត្យ​ដោយផ្ទាល់ នូវ​តម្លៃ​សេវា អត្រា​ប្តូរប្រាក់ និង​ពេលវេលា​ដែល​ប្រា​ក់បាន​ទៅដល់​អ្នកទទួល​។

Visa B2B Connect បំពាក់​នូវ​ស្រទាប់​សុវត្ថិភាព​ជាច្រើន ដោយ​ប្រតិបត្តិការ​នីមួយៗ​ត្រូវបាន​ត្រួតពិនិត្យ​យ៉ាង​ម៉ត់ចត់​។ លើសពីនេះ សម្រាប់​ទិន្នន័យ និង​ព័ត៌មាន​លម្អិត​របស់​ស្ថាប័ន ត្រូវបាន​ការពារ​ដោយ​បច្ចេកវិទ្យា​បំប្លែង​ព័ត៌មាន​ទៅជា​និមិត្តសញ្ញា (tokenization technology) របស់ Visa ដែល​អាច​ការពារ​ម្ចាស់​អាជីវ​កម្មបាន ក្នុងករណី​មាន​ការចូល​ប្រើប្រាស់​ដោយ​គ្មាន​ការអនុញ្ញាត​។​

​សម្រាប់​ព័ត៌មាន​បន្ថែម​អំពី​សេវា​កម្មនេះ សូម​អញ្ជើញ​ទៅកាន់​សាខា​របស់​ធនាគារ ស្ថាបនា ដែល​នៅ​ជិត​លោកអ្នក​បំផុត ឬ ទូរស័ព្ទ​ទៅ​ផ្នែក​បម្រើ​សេវាកម្ម​អតិថិជន​របស់​យើង​តាមរយៈ​លេខ ០២៣ ៩៩៩ ០១០ ឬ ០៨១ ៩៩៩ ០១០​។ សម្រាប់​ព័ត៌មាន​បន្ថែម​អំពី​ផលិតផល និង សេវាកម្ម​របស់​ធនាគា​រ ស្ថាបនា សូម​ចូលទៅ​កាន់​គេហទំព័រ www.sathapana.com.kh​។​

​អំពី​ធនាគារ ស្ថាបនា​

​ធនាគារ ស្ថាបនា ជា​ធនាគារពាណិជ្ជ​ឈានមុខ​គេ​មួយ​ក្នុង ព្រះរាជាណាចក្រ​កម្ពុជា ​ដែលមាន​ទ្រព្យសកម្ម​សរុប​លើស ២.៤៤ ​ពាន់​លាន​ដុល្លារ​អាមេរិក និង​មាន​បុគ្គលិក​ច្រើនជាង ៤០០០ ​នាក់​។ ធនាគារ​មាន​បណ្តាញ​សាខា​ច្រើនជាង ១៧០​ទីតាំង សេវា​ស្ថាបនា​ព្រី​មារ​ណ៍ ៣​ទីតាំង និង​អេ​ធី​អឹម​ជាង ២៥០​ កន្លែង​ទូទាំងប្រទេស​ដែលមាន​សមត្ថភាព​ពេញលេញ​ដូចជា​ដាក់​ប្រាក់ ដក​ប្រាក់ និង​ធ្វើការ​ទូទាត់​ប្រាក់​។ ធនាគារ ផ្តល់ជូន​អតិថិជន​នូវ​សេវាកម្ម​ធនាគារ​ពេញលេញ រួមមាន សេវា​ឥណទាន សេវា​បញ្ញើ iBanking ប្រព័ន្ធ​ធនាគារ​តាម​ទូរស័ព្ទដៃ ប័ណ្ណ​ឥណ​ពន្ធ​និង​ឥណទាន សេវា​ផ្ទេរប្រាក់​ក្នុង និង​ក្រៅប្រទេស Western Union ហិរញ្ញវត្ថុ​ពាណិជ្ជកម្ម និង​សេវា​ផ្សេងៗ​ទៀត​ជាច្រើន​។ លើសពីនេះ ធនាគារ​មានការ​ផ្តល់​សេវាកម្ម​ប្រមូល​ពន្ធ​គ្រប់​ប្រភេទ ការបង់​កម្រៃ​សេវាសាធារណៈ​ជាមួយ​ក្រសួង​សាធារណការ និង​ដឹកជញ្ជូន ក្រសួង​ការងារ និង​បណ្តុះបណ្តាល​វិជ្ជាជីវៈ និង​ការសហការ ជាមួយ​ក្រុមហ៊ុន​ផ្ទេរ និង​ទូទាត់​ប្រាក់​តាមរយៈ​ទូរស័ព្ទ​រួមមាន​ដូចជា វី​ង ផាយ​ផេ ទ្រូ​ម៉ាន់​នី លី​ហួរ​វេរ​លុយ អ៊ី​-​ម៉ាន់​នី និង បាគង ដើម្បី​ផ្តល់នូវ​ភាពងាយស្រួល និង​ឆាប់រហ័ស​ដល់​អតិថិជន​របស់​យើង​។ អតិថិជន​អាចធ្វើ​ការស្នើរ​សុំ​ត្រួតពិនិត្យ​សុខភាព​ហិរញ្ញវត្ថុ​ជាមួយ ក្រុមហ៊ុន ក្រេ​ឌី​ត ប្យួ​រ៉ូ ខេ​ម​បូ​ឌា​ដែលជា​ដៃគូ​សហការ របស់​យើង​បាន​យ៉ាង​ងាយស្រួល​តាមរយៈ Sathapana Mobile​។​

​អំពី​ក្រុមហ៊ុន Visa Inc.

Visa Inc. (NYSE: V) គឺជា​ក្រុមហ៊ុន​នាំមុខគេ​ក្នុង​បច្ចេកវិទ្យា​ទូទាត់​សាច់ប្រាក់​តាមរយៈ​ឌីជីថល ដែល​ជួយ​សម្រួល​ដល់​ប្រតិបត្តិការ​រវាង​អ្នកប្រើប្រាស់ ពាណិជ្ជករ ស្ថាប័នហិរញ្ញវត្ថុ និង​ស្ថាប័ន​រដ្ឋាភិបាល​ដែល​ពាក់ព័ន្ធ ច្រើនជាង 200 ប្រទេស និង តំបន់ ជា​រៀងរាល់ឆ្នាំ​។ បេសកកម្ម​របស់​យើង​ គឺ​ផ្សារភ្ជាប់​ពិភពលោក​ទាំងមូល តាមរយៈ​ការតភ្ជាប់​បណ្តាញ​ទូទាត់​ប្រាក់​ប្រកបដោយ​ភាព​ច្នៃប្រឌិត​ថ្មី ងាយស្រួល អាច​ទុកចិត្តបាន និង​មាន​សុវត្ថិភាព​បំផុត ដែល​អនុញ្ញាត​ឲ្យ​អ្នកប្រើប្រាស់ អាជីវករ និង​សេដ្ឋកិច្ច​មានការ​រីកចម្រើន​។ យើង​ជឿជាក់ថា​សេដ្ឋកិច្ច​ដែល​រួមបញ្ចូល​មនុស្ស​គ្រប់រូប នៅ​គ្រប់​តំបន់ នឹង​ជួយ​ដល់​ការអភិវឌ្ឍ​នៅ​គ្រប់​ទីកន្លែង ហើយ​យើង​មើលឃើញថា នេះ​គឺជា​មូលដ្ឋានគ្រឹះ​នៃ​ចរន្ត​សាច់ប្រាក់​។ ស្វែងយល់​បន្ថែម​តាមរយៈ Visa.com ៕

​

The post ធនាគារ ស្ថាបនា ភ្ជាប់បណ្តាញអាជីវកម្ម Visa B2B Connect ក្នុងការធ្វើប្រតិបត្តិការផ្ទេរប្រាក់ឆ្លង​ប្រទេស សម្រាប់អតិថិជនជាម្ចាស់អាជីវកម្ម និងសហគ្រាសធុនតូច និងមធ្យម appeared first on Kampuchea Thmey Daily.

ក្នុង​ការផ្អាក​បណ្ដោះអាសន្ន​របស់​រដ្ឋបាលខេត្ត​បញ្ជាក់ថា ការផ្អាក​សកម្មភាព​ប្រតិបត្តិការ​ជា​បណ្ដោះអាសន្ន​នេះ ត្រូវអនុវត្ត​ចាប់ពី​ថ្ងៃទី១៣ ខែសីហា​ឆ្នាំ ២០២១ រហូតដល់​មានការ​ជូនដំណឹង​សារជាថ្មី ក្នុង​គោលបំណង ដើម្បី​ប្រយុទ្ធ​និង​ទប់ស្កាត់​ការឆ្លង​រាលដាល​ជំងឺ​កូ​វីដ​១៩ ធានា​ការពារ​បាន​អាយុជីវិត​ប្រជាជន និង​សុខភាព​សាធារណៈ​ព្រមទាំង​សន្តិសុខ សុវត្ថិភាព​សង្គម​៕​

អត្ថបទ៖ ងិន​លីម​

The post បិទ​ធនាគារ​ស្ថាបនា សាខា​ខេត្តស្ទឹងត្រែង​ ក្រោយ​រក​ឃើញ​បុគ្គលិក​ឆ្លង​កូ​វីដ​១៩ appeared first on Kampuchea Thmey Daily.

​ភាពជា​ដៃគូ​ឌីជីថល​នេះ គឺជា​ដៃគូ​លើកដំបូង​គេ​បង្អស់​នៅក្នុង​ប្រទេស​កម្ពុជា​ដើម្បី​ពង្រឹង​បន្ថែមទៀត​នូវ​ការប្តេជ្ញាចិត្ត​របស់​ស្ថាប័ន​ទាំងពីរ ​ក្នុងការ​លើកកម្ពស់​ចំណេះដឹង​ផ្នែក​ហិរញ្ញវត្ថុ បរិយាប័ន​ហិរញ្ញវត្ថុ និង​ធ្វើ​ឲ្យ​ប្រសើរឡើង​នូវ​ការគ្រប់គ្រង​ហានិភ័យ​ឥណទាន​នៅក្នុង​ឧស្សាហកម្ម​ហិរញ្ញវត្ថុ​នៅ​កម្ពុជា​។​

​របាយការណ៍​ឥណទាន​របស់​អ្នក​ខ្ចីប្រាក់ គឺជា​កំណត់ត្រា​មួយ​នៃ​ប្រវត្តិ​ទូទាត់​សង​ឥណទាន​របស់​ពួកគេ ដែល​ប្រមូល​បានមកពី​បណ្តា​ធនាគារ និង​គ្រឹះស្ថាន​មីក្រូហិរញ្ញវត្ថុ​ផ្សេងៗ​។ ជាធម្មតា​អ្នកផ្តល់​ប្រាក់កម្ចី​នឹង​ពិនិត្យមើល​របាយការណ៍​ឥណទាន​ដើម្បី​វាយតម្លៃ​ពី​លទ្ធភាព​នៃ​ការទទួលបាន​ឥណទាន​របស់​អ្នក​ខ្ចី​។ ដូច្នេះ​វា​មាន​សារៈសំខាន់​ខ្លាំងណាស់​ក្នុងការ​ត្រួតពិនិត្យ​របា​យ​ការណ៍​ឥណទាន​របស់​អ្នក​ឲ្យ​បាន​ទៀងទាត់​ដើម្បី​រក្សា​ស្ថានភាព​ហិរញ្ញវត្ថុ​ឲ្យ​មាន​ភាពល្អប្រសើរ និង​ធានា​បាន​នូវ​ភាព​ត្រឹមត្រូវ​នៃ​ព័ត៌មាន​ឥណទាន​។ ម្យ៉ាងទៀត អ្នក​ក៏​អាច​ប្តឹងតវ៉ា​ជាមួយ​ស៊ី​ប៊ី​ស៊ី​ផងដែរ បើសិន​ជាមាន​ព័ត៌មាន​មិន​ត្រឹមត្រូវ​ណាមួយ​នៅក្នុង​របាយការណ៍​ឥណទាន​របស់ខ្លួន​។

​ក្នុង​ជំហាន​សាមញ្ញៗ អតិថិជន​របស់​ធនាគារ​ស្ថាបនា​អាចដាក់​សំណើរ​សុំ​របាយការណ៍​ឥណទាន​របស់ខ្លួន​ទៅកាន់ CBC តាមរយៈ​សំណុំ​បែបបទ​បំពេញ​ស្វ័យប្រវត្តិ​នៅក្នុង​កម្មវិធី​ទូរ​សព្ទ​ចល័ត​របស់​ស្ថាបនា (Sathapana Mobile) ។ បន្ទាប់ពី​ការផ្ទៀងផ្ទាត់​រួច CBC នឹង​ផ្ញើ​របាយការណ៍​ឥណទាន​ដល់​អតិថិជន​។ សម្រាប់​អ្នក​ដែល​មិនទាន់​ក្លាយជា​អតិថិជន​របស់​ធនាគា​រ​ស្ថាបនា ការត្រួតពិនិត្យ​សុខភាព​ហិរញ្ញវត្ថុ​ក៏​នៅតែ​អាចធ្វើ​ទៅបាន​ ដោយ​ការទាញយក​កម្មវិធី​ទូរស័ព្ទ​ចល័ត​របស់​ស្ថាបនា ដើម្បី​បើក​គណនី​អន​ឡាញ​ភ្លាមៗ ។​

​លោក ហ្វុ​ង កៃ​ជីន ដែលជា​ប្រធាន​នាយក​ប្រតិបត្តិ​របស់​ធនាគារ​ស្ថាបនា បាន​មានប្រសាសន៍ថា​៖ “​ធនាគារ​ស្ថាបនា​មាន​កិត្តិយស​និង​ក្តី​សោមនស្ស​រីករាយ​ក្នុង​ការធ្វើ​សហប្រតិបត្តិការ​ជាមួយ​ស៊ី​ប៊ី​ស៊ី ដើម្បី​ផ្តល់​សេវា​ត្រួតពិនិត្យ​សុខភាព​ហិរញ្ញវត្ថុ​ដល់​ប្រជាពលរដ្ឋ​កម្ពុជា តាមរយៈ​កម្មវិធី Sathapana Mobile ដែលមាន​លក្ខណៈ​រហ័ស និង​ងាយស្រួល​ជាង​មុន​យ៉ាងច្រើន ដោយ​ជម្រុះ​ចោល​នូវ​ដំណើរការ​បែប​បុរាណ​ដែល​ត្រូវ​ប្រើ​ពេលវេលា​ច្រើន​។ នេះ​គឺជា​សក្ខីភាព​មួយ​នៃ​ការប្តេជ្ញាចិត្ត​ចំពោះ​តួនាទី​ឈានមុខ​របស់​ធនាគារ​នៅក្នុង​ការធ្វើ​ប្រតិបត្តិការ​ធនាគារ​ឌីជីថល នៅក្នុង​ព្រះរាជាណាចក្រ​កម្ពុជា​។​”

​លោក អឿ សុធា​រ័ត្ន ដែលជា​ប្រធាន​នាយក​ប្រតិបត្តិ​របស់​ស៊ី​ប៊ី​ស៊ី បាន​មានប្រសាសន៍ថា​៖ “​ស៊ី​ប៊ី​ស៊ី​ពេញចិត្ត​ធ្វើជា​ដៃគូ​ជាមួយ​ធនាគារ​ស្ថាបនា ដើម្បី​ផ្តល់ឱ្យ​អតិថិជន​ទាំងអស់​របស់​ធនាគារ​ស្ថាបនា​នូវ​ភាពងាយស្រួល​ក្នុង​ការចូល​ប្រើ​សេវា​ត្រួតពិនិត្យ​សុខភាព​ឥណទាន​ស៊ី​ប៊ី​ស៊ី តាមរយៈ​កម្មវិធី​ប្រតិបត្តិការ​ធនាគារ​លើ​ទូរ​សព្ទ​ចល័ត​(Mobile Banking App)​។ កម្មវិធី​នេះ នឹង​អនុញ្ញាត​ឱ្យ​អតិថិជន​របស់​ធនាគា​រ​ស្ថាបនា​នៅ​ទូទាំងប្រទេស​អាច​ស្នើសុំ​របាយការណ៍​ឥណទាន​បាន ដោយ​ប្រើ​ស្មា​ត​ហ្វូ​ន​របស់ខ្លួន​។ បន្ថែម​ពីលើ​នេះ លោក​បាន​សង្កត់ធ្ងន់ថា នេះ​គឺជា​គំនិត​ផ្តួចផ្តើម​មួយ​សម្រាប់​ការធ្វើ​ឌី​ជី​ថ​លូ​ប​នីយកម្ម​នៃ​សេវាកម្ម​បម្រើ​អតិថិជន​របស់​ស៊ី​ប៊ី​ស៊ី ដើម្បី​លើកកម្ពស់​ចំណេះដឹង​ហិរញ្ញវត្ថុ និង​ការខ្ចីប្រាក់​ប្រកបដោយ​ទំនួល​ខុសត្រូវ​របស់​ប្រជាពលរដ្ឋ​កម្ពុជា​។​”

​អំពី​ក្រេ​ឌី​ត​ប្យួ​រ៉ូ​ខេ​ម​បូ​ឌា (​ស៊ី​ប៊ី​ស៊ី​)

​ក្រេ​ឌី​ត​ប្យួ​រ៉ូ​ខេ​ម​បូ​ឌា (​ស៊ី​ប៊ី​ស៊ី​) គឺជា​ក្រុមហ៊ុន​ឈានមុខ​គេ​ក្នុង​ការផ្តល់សេវា​ព័ត៌មាន​ហិរញ្ញវត្ថុ សេវា​វិភាគ​ទិន្នន័យ និង​សេវា​ធ្វើ​របាយការណ៍​ឥណទាន ទៅដល់​ស្ថាប័នហិរញ្ញវត្ថុ និង​អតិថិជន​ទាំងអស់​នៅក្នុង​ព្រះរាជាណាចក្រ​កម្ពុជា​។ គិតពី​ឆ្នាំ​២០១២​មក ស៊ី​ប៊ី​ស៊ី បាននិងកំពុង​ចូលរួម​ជួយ​អតិថិជន​ក្នុងការ​គ្រប់គ្រង​ហានិភ័យ​និង​រង្វាន់​នៃ​ការសម្រេចចិត្ត​ផ្នែក​ពាណិជ្ជកម្ម​និង​ហិរញ្ញវត្ថុ តាមរយៈ​កញ្ចប់​ដំណោះស្រាយ​មួយ​៖ របាយការណ៍​ឥណទាន​អតិថិជន របាយការណ៍​ឥណទាន​ពាណិជ្ជកម្ម ខេ​-​ស្ករ របាយការណ៍​វិភាគ​ទិន្នន័យ សេវា​តាមដាន​ឥណទាន សេវា​ត្រួតពិនិត្យ​ឥណទាន និង​ដំណោះស្រាយ​តាម​តម្រូវការ​។ ស៊ី​ប៊ី​ស៊ី បម្រើឱ្យ​បណ្តុំ​សមាជិក​ដែលមាន​ជាង ១៦៥ ស្ថាប័នហិរញ្ញវត្ថុ រាប់បញ្ចូល​ទាំង​ធនាគារ​ពាណិជ្ជកម្ម ធនាគារ​ឯកទេស គ្រឹះស្ថាន​មីក្រូហិរញ្ញវត្ថុ​ទទួល​ប្រាក់​បញ្ញើ គ្រឹះស្ថាន​មីក្រូហិរញ្ញវត្ថុ ក្រុមហ៊ុន​ភតិសន្យា និង​ប្រតិបត្តិ​ករ​ឥណទាន​ជនបទ​។​

​អំពី​ធនាគារ​ស្ថាបនា​

​ធនាគារ​ស្ថាបនា គឺជា​ធនាគារពាណិជ្ជ​ក​ម្ម​ឈានមុខ​គេ​មួយ​នៅក្នុង​ប្រទេស​កម្ពុជា ដែលមាន​ទ្រព្យ​សរុប​តម្លៃ​ជាង​២​ពាន់​លាន​ដុល្លារ​អាមេរិក និង​មាន​និយោជិត​ជាង ៤០០០ នាក់​។ យើង​មាន​បណ្តាញ​សាខា​ធំ​ទូលាយ​គ្របដណ្តប់​ទូទាំងប្រទេស ដែល​សរុប​មាន​ជាង ១៧២ សាខា និង ជាង ២៣០ ទូ​អេ​ធី​អឹម​ដែលមាន​សមត្ថភាព​ចាត់ចែង​សាច់ប្រាក់​។ យើង​មាន​ផ្តល់ជូន​នូវ​សេវា​ធនាគារ​ពេញលក្ខណៈ ដូចជា សេវា​ប្រាក់កម្ចី សេវា​ប្រាក់​បញ្ញើ សេវា​ប្រតិបត្តិការ​ធនាគារ​តាម​អ៊ី​ន​ធើរ​ណិ​ត សេវា​ប្រតិបត្តិការ​ធនាគារ​តាម​ទូរ​សព្ទ កាត​ឥណ​ពន្ធ​និង​ឥណទាន សេវា​ផ្ញើ​ប្រាក់​ទៅក្នុង​និង​ក្រៅប្រទេស សេវា​វេ​ស្ទើ​ន​យូ​ញាន សេវា​ហិរញ្ញវត្ថុ​ពាណិជ្ជកម្ម និង​សេវាកម្ម​ជាច្រើន​ផ្សេងទៀត​។ យើង​ក៏មាន​ផ្តល់ជូន​ផងដែរ​នូវ​សេវា​ប្រមូល​ពន្ធ សេវា​ទូទាត់​បង់ប្រាក់​នៃ​សេវាកម្ម​សាធារណៈ​ជាមួយ​ក្រសួង​សាធារណការ​និង​ដឹកជញ្ជូន ព្រមទាំង​មាន​កិច្ចសហប្រតិបត្តិការ​ជាមួយ​អ្នកផ្តល់​សេវាកម្ម​ទូទាត់​បង់ប្រាក់​ចល័ត​ជាច្រើន​ទៀត ដែលមាន​ដូចជា វី​ង ភី​ភេ ទ្រូ​ម៉ាន់​នី លី​ហួរ​វេរ​លុយ អ៊ី​ម៉ាន់​នី និង​បាគង​ជាដើម ដើម្បី​ផ្តល់​ជម្រើស​ភាពងាយស្រួល​កាន់តែច្រើន​ដល់​អតិថិជន​របស់​យើង​៕​

​

The post ក្រេ​ឌី​ត​ប្យួ​រ៉ូ (​ខេ​ម​បូ​ឌា​) ខូ​អិ​ល​ធី​ឌី និង ធនាគារ​ស្ថាបនា​ភីអិលស៊ី ចុះ​កិច្ចព្រមព្រៀង​ភាពជា​ដៃគូ​ឌីជីថល ដើម្បី​ធ្វើឱ្យ​សេវា​ត្រួតពិនិត្យ​សុខភាព​ហិរញ្ញវត្ថុ​អាច​ប្រើប្រាស់​បាន​កាន់តែ​ទូលំទូលាយ​សម្រាប់​ប្រជាពលរដ្ឋ​កម្ពុជា​ appeared first on Kampuchea Thmey Daily.