នគរបាល​បាន​ប្រាប់​ថា ដោយ​អនុវត្ត​តាម​បទបញ្ជា​របស់ លោក​ឧត្ដមសេនីយ៍​ឯក ជួន ណារិន្ទ អគ្គ​ស្នងការ​រង និង​ជា​ស្នងការ​នគរបាល​រាជធានី​ភ្នំពេញ និង​មាន​ការ​សម្របសម្រួល​ពី​ព្រះរាជអាជ្ញា​រង​អម​សាលាដំបូង​រាជធានី​ភ្នំពេញ កម្លាំង​ការិយាល័យ​ប្រឆាំង​ការ​ជួញដូរ​មនុស្ស និង​ការពារ​អនីតិជន ដឹកនាំ​ដោយ​លោក​ឧត្ដមសេនីយ៍​ទោ ចាន់ កិត្តិខុម ស្នងការ​រង ផែន​ការងារ​ប្រឆាំង​ការ​ជួញដូរ​មនុស្ស និង​ការពារ​អនីតិជន និង​ការងារ​យេនឌ័រ និង​លោកស្រី​ឧត្ដមសេនីយ៍​ត្រី ឆេង សារ៉េត ស្នងការ​រង ទទួល​ដឹកនាំ​ការិយាល័យ​ប្រឆាំង​ការ​ជួញដូរ​មនុស្ស និង​ការពារ​អនីតិជន បាន​ចុះ​បង្ក្រាប​ហាង​ម៉ាស្សា ១ កន្លែង យីហោ ម៉ាស្សា​សុខភាព ដែល​មាន​ទីតាំង​ស្ថិត​នៅផ្ទះ ២ ល្វែង លេខ ១៣៩&១៤១ ផ្លូវ 8m ភូមិ​ស្ងួន​ពេជ្រ សង្កាត់​កន្ទោក ខណ្ឌ​កំបូល និង​ឃាត់ខ្លួន​ជនសង្ស័យ​ឈ្មោះ ថា​ន់ សុខ​ហេង ភេទ​ស្រី ជនជាតិ​ខ្មែរ (​ថៅកែ​ហាង​ម៉ាស្សា)។

ក្នុង​ប្រតិបត្តិការ​នោះ​ដែរ កម្លាំង​ជំនាញ បាន​សង្គ្រោះ​ជនរងគ្រោះ​ចំនួន ៥ នាក់ ជា​អនីតិជន (​ស្រី ៤ នាក់​ , ភេទ​ទីបី ១ នាក់​) រួម​នឹង​ដកហូត​វត្ថុ​តាង​មួយ​ចំនួន យក​មក​កាន់​ការិយាល័យ ដើម្បី​ធ្វើការ​សាកសួរ និង​អនុវត្ត​តាម​នីតិវិធី។

បន្ទាប់ពី​ការ​សង្គ្រោះ ជនរងគ្រោះ ត្រូវ​បាន​បញ្ជូន​ទៅ​មន្ទីរ​សង្គមកិច្ច និង ស្តារ​នីតិ​សម្បទា ដើម្បី​ធានា​ថា​ពួកគេ​ទទួល​បាន​ការ​ការពារ សេរីភាព និង​ជំនួយ​ចាំបាច់​ផ្សេងៗ ដូចជា​ សេវា​សុខភាព ការពារ​ផ្លូវ​ច្បាប់ និង​សេវា​ពិគ្រោះ​យោបល់​ផ្លូវចិត្ត។ ដោយឡែក​ជនសង្ស័យ​ដែល​ជា​ម្ចាស់​ទីតាំង​ នគរបាល​ជំនាញ​ បាន​កសាង​នីតិវិធី​បញ្ជូន​ទៅ​តុលាការ​ចាត់ការ​តាម​ផ្លូវ​ច្បាប់៕

អត្ថបទ ៖ សំណាង

The post កម្លាំងការិយាល័យប្រឆាំងការជួញដូរមនុស្ស និងការពារអនីតិជន សង្គ្រោះជនរងគ្រោះជាអនីតិជន ៥ នាក់ ពីកន្លែងម៉ាស្សា ១ កន្លែង appeared first on Kampuchea Thmey Daily.

លោកវរសេនីយ៍ឯក ហុង ពិសិដ្ឋ អធិការនៃអធិការដ្ឋាននគរបាលខណ្ឌកំបូល បានអោយដឹងថា ការចុះធ្វើអត្តសញ្ញាណប័ណ្ឌសញ្ជាតិខ្មែរជូនពលរដ្ឋដល់មូលដ្ឋាននេះ ធ្វើឡើងតាមការសំណូមពរពីប្រជាពលរដ្ឋ ឱ្យសមត្ថកិច្ចចុះថតអត្តសញ្ញាណបណ្ណសញ្ជាតិខ្មែរចល័តតាមមូលដ្ឋាន។ ការចុះថតអត្តសញ្ញាណប័ណ្ណដល់មូលដ្ឋាននេះ គឺដេីម្បីសម្រួលដល់ប្រជាពលរដ្ឋដែលជាជនចាស់ជរា និងស្ត្រីមានផ្ទៃពោះ លំបាកក្នុងការធ្វេីដំណេីរមកថតអត្តសញ្ញាណប័ណ្ណសញ្ជាតិខ្មែរដល់ប៉ុស្តិ៍នគរបាល ឬដល់អធិការរដ្ឋាននគរបាលខណ្ឌ។

ឆ្លៀតក្នុងឱកាសនោះ មន្ត្រីនគរបាលក៏បានរៀបចំវេទិកាសាធារណៈផ្សព្វផ្សាយផលប៉ះពាល់នៃការប្រេីប្រាស់គ្រឿងញៀន បញ្ហាក្មេងទំនេីង និងពិគ្រោះយោបល់​ និងបិទ Sticker តាមខ្នងផ្ទះប្រជាពលរដ្ឋដេីម្បីងាយស្រួលក្នុងការទំនាក់ទំនងអន្តរាគមន៍ទាន់ពេលវេលា​។

លោកអធិការក៏បានណែនាំដល់អាណាព្យាបាល ត្រូវអប់រំកូនចៅមិនត្រូវដាក់អាវុធ ឬឧបករណ៍កែឆ្នៃតាមខ្លួនដូចជា ដាវ កាំបិត និងមិនត្រូវប្រើប្រាស់គ្រឿងញៀនដែលធ្វើប៉ះពាល់ខ្លួនឯង គ្រួសារ និងសង្គមជាតិ។

ប្រជាពលរដ្ឋ ក៏បានសំណូមពរដល់លោកអធិការខណ្ឌ សូមអោយកងកម្លាំងបង្ក្រាបក្រុមក្មេងទំនើង និងបទល្មើសផ្សេងៗអោយទាន់ពេលវេលាដើម្បីរក្សាសន្តិសុខសុវត្ថិភាពជូនប្រជាពលរដ្ឋក្នុងមូលដ្ឋាន៕

អត្ថបទ៖ សំណាង

The post នគរបាលខណ្ឌកំបូល ចុះធ្វើអត្តសញ្ញាណប័ណ្ណសញ្ជាតិខ្មែរ ជូនចាស់ជរា និងស្ត្រីមានផ្ទៃពោះ​៣០០នាក់ដល់មូលដ្ឋាន appeared first on Kampuchea Thmey Daily.

ពាក់ព័ន្ធករណីខាងលេីនេះ លោកវរសេនីយ៍ឯក ហុង ពិសិដ្ឋ អធិការនៃអធិការដ្ឋាននគរបាលខណ្ឌកំបូល មិនមានការឆ្លើយតបអ្វីនោះទេ​ នៅពេលក្រុមការងារទំនាក់ទំនងសួរនាំពីបញ្ហានេះ។

សូមរម្លឹកថា កាលពីវេលាម៉ោង១ និង៤០នាទីរសៀល ថ្ងៃទី២៨ ខែឧសភា ឆ្នាំ២០២៤ បុរសម្នាក់បើករថយន្ដពាក់ស្លាកលេខនគរបាលបានបាញ់ប្រហារលើរថយន្ដម៉ាក Prius មួយគ្រឿងបណ្ដាលឲ្យស្ត្រីជាជនជាតិចិនជាអ្នករួមដំណើរក្នុងរថយន្ដបានរងរបួស ខណៈដែលអ្នកបើករថយន្ដPriusស៊ីផ្លេសុំផ្លូវ។ ករណីនេះបានកើតឡើងនៅក្រវ៉ាត់ក្រុងទី៣ ភូមិតាំងរនាម សង្កាត់ប្រទះឡាង ខណ្ឌកំបូល។

តាមការរៀបរាប់ពីបុរសជាអ្នកបើកបររថយន្តPrius បានឱ្យដឹងថា មុនកើតហេតុគាត់ដឹកភ្ញៀវ ស្ត្រីជនជាតិចិនម្នាក់ ធ្វើដំណើរតាមបណ្តោយផ្លូវក្រវ៉ាត់ក្រុង ពីត្បូងទៅជើង ដល់ចំណុចកើតហេតុ ឃើញរថយន្ត ម៉ាកFortuner ពណ៌ស ពាក់ស្លាកលេខនគរបាល បើកយឺតៗ នៅពីមុខ លើគន្លងផ្លូវវ៉ាជែង ឃើញដូច្នោះ គាត់មិនហ៊ានវ៉ាជែងខាងស្តាំទេ ក៏សុីផ្លេ ហើយសុីញ៉ូភ្លើង ក្នុងបំណងសុំវ៉ា តែរថយន្តFortuner មិនឱ្យវ៉ាជែង បែជាជាន់ហ្វ្រាំង ទាំងបង្ខំ ក្នុងចេតនាឱ្យគាត់បុកពីក្រោយ តែដោយសារគាត់ជាន់ហ្វ្រាំងទាន់ទើបមិនបុក ហើយរថយន្តបង្កក៏បើកទៅស្តាំវិញ។

ប្រភពបន្ថែមថា ឃើញដូច្នោះ គាត់ក៏បើកវ៉ាជែងបានទៅមុន ស្រាប់តែខ្មាន់កាំភ្លើងបើកដេញតាមពីក្រោយ ដល់ទន្ទឹមដកកាំភ្លើងបាញ់មួយគ្រាប់ ធ្លាយកញ្ចក់ចំហៀង ត្រូវចំដៃស្ត្រីជនជាតិចិន ហើយរថយន្តបង្កបត់រថយន្តត្រឡប់ក្រោយគេចទៅបាត់។ ដោយភ័យខ្លាច ម្ចាស់រថយន្ដPrius បានបើករថយន្តទៅដល់ចំណុចគល់ស្ពានអាកាសជម្ពូវ័ន ភូមិជម្ពូវ័ន១ សង្កាត់ចោមចៅទី៣ ខណ្ឌពោធិ៍សែនជ័យ ទើបឈប់ឲ្យជនរងគ្រោះទៅមន្ទីរពេទ្យ ចំណែករូបគាត់ក៏បើកទៅប្តឹងនគរបាលនៅប៉ុស្តិ៍ប្រទះឡាងវិញ។

គិតរហូតមកដល់ពេលនេះ មានរយៈពេល៣ថ្ងៃមកហេីយ​ ខណៈសាធារណៈជនជាច្រើន​​រង់ចាំមើល​ថា តើសមត្ថកិច្ច​អាច​ស្វែងរកជន​​បង្ក​បាន​ដែរឬទេ​?​

អត្ថបទ៖ សុខា

The post នគរបាលខណ្ឌកំបូល មិនទាន់កំណត់មុខសញ្ញាអ្នកជិះរថយន្ដពាក់ស្លាកលេខនគរបាលបាញ់ប្រហាររថយន្ដPriusនៅឡើយ appeared first on Kampuchea Thmey Daily.