ស្របពេលដែលទទួលបានទីផ្សារសម្តែងភាពយន្តលើកដំបូងនេះដែរ តារាស្រីរូបស្រស់ សុគា គីមលាង បានបង្ហាញការសប្បាយរីករាយដោយជឿជាក់ថា នាងនឹងកាន់តែវិវឌ្ឍខ្លួនឱ្យកាន់តែខ្លាំង និងល្អថែមទៀត។ មិនតែប៉ុណ្ណោះ គីមលាង បានបើកចិត្តទទួលយករាល់ការរិះគន់ដើម្បីស្ថាបនាផងដែរ។

ជាក់ស្តែង ថ្មីៗនេះ កំឡុងពេលលេចវត្តមានក្នុងភាពយន្តរឿង “សាសនាងងឹត” នាដការី សុគា គីមលាង ហៅ កូនអាន បានធ្វើឱ្យទស្សនិកជនមួយចំនួន គាំទ្រនិងសរសើរការសម្តែងរបស់នាង។ ដោយឡែក ក្រោយរឿងនេះត្រូវបានចាក់បញ្ចាំងក៏មានមតិលើកឡើងពីភាពវិជ្ជមានច្រើននិងអវិជ្ជខ្លះផងដែរ។

ឆ្លើយតបនឹងការលើកឡើងរវាងភាពវិជ្ជមាន និងអវិជ្ជមាននៅក្នុងសាច់រឿងនោះដែរ កញ្ញា សុគា គីមលាង បានបញ្ជាក់ដោយទទួលការរិះគន់ ដើម្បីកែតម្រូវចំណុចខ្វះខាតក្នុងវិស័យភាពយន្ត។ គីមលាង បាននិយាយខ្លីថា ខ្ញុំទទួលយកនិងកែតម្រូវនូវចំណុចខ្វះខាត ដើម្បីឱ្យកាន់តែល្អបន្ថែមសម្រាប់ភាពយន្តក្រោយៗទៀត។ ចំណុចបានធ្វើឱ្យមហាជនកាន់តែសរសើរចំពោះការបើកចិត្តរបស់ស្រីស្អាតរូបនេះ។

ជាការពិត នាដការីឆ្នើមផ្នែករបាំបុរាណអប្សារាលើភ្នំទឹកកកកញ្ញា កូនអាន កន្លងមកត្រូវបានទស្សនិកជនដឹងថា នាងតែងតែមានភាពលេចធ្លោលើសកម្មភាពផ្សព្វផ្សាយវប្បធម៌សិល្ប:ខ្មែរ។ សកម្មភាពនេះ តែងទទួលបានកាសរសើរ និងគាំទ្រពីសំណាក់មហាជនខ្មែរគ្រប់មជ្ឈដ្ឋាន៕ អត្ថបទ៖ ចាន់រ៉ា

The post នាដការីរបាំ កូនអាន ទទួលយករាល់ការរិះគន់ ដើម្បី កែតម្រូវចំណុចខ្វះខាតក្នុងវិស័យភាពយន្ត appeared first on Kampuchea Thmey Daily.

ប្រាកដណាស់ដោយមើលឃើញពីកាលំបាក និងការអំពាវនាវសុំជំនួយសប្បុរសជនកាលថ្មីៗកន្លងទៅ ពីសំណាក់នាដការី សាលី ស្រីមាស នោះ ដោយឃើញក្តីអាណិតអាសូរស្រាប់តែអ្នកឧកញ៉ា លាង ម៉េង សហស្ថាបនិកនិងជាប្រធានក្រុមអគ្គនាយកក្រុមហ៊ុន ជីបម៉ុង និងលោកជំទាវ បានសម្រេចជួយឧបត្ថម្ភថវិការទាំងស្រុងដើម្បីវះកាត់ដូរក្រលៀនថ្មីផ្តល់ក្តីសង្ឃឹមដល់កញ្ញា ស្រីមាស ។

ជាក់ស្តែងកាលពីរសៀលថ្ងៃទី ២០ ខែកុម្ភៈ ឆ្នាំ២០២៥ អ្នកឧកញ៉ា លាង ម៉េង ដោយមានការចូលរួមពីប្រធានសមាគមសិល្បករខ្មែរ បានរៀបចំពិធីសំណេះសំណាល ជាមួយកញ្ញា សាលី ស្រីមាស នាដការីដ៏មានទេពកោសល្យមួយរូបដែលកំពុងមានបញ្ហាខូចក្រលៀនទាមទារការព្យាបាលជាបន្ទាន់។

បន្ទាប់ពីទទួលបានការឧបត្ថម្ភសង្គ្រោះជីវិត តាមរយ:ការប្តូរក្រលៀនថ្មីនេះដែរ នាដការីកញ្ញា សាលី ស្រីមាស បានសម្តែងក្ដីរំភើបរីករាយយ៉ាងខ្លាំង ចំពោះគុណដ៏ធំធេងពីសំណាក់អ្នកឧកញ៉ាដែលផ្តល់ក្តីអាណិតជួយជីវិតនាងជាថ្មី។ គួរបញ្ជាក់ថា សាលី ស្រីមាស គឺជានាដការីរបាំព្រះរាជទ្រព្យដ៏មានទេពកោសល្យម្នាក់មានស្នាដៃច្រើន និងជាធនធានដ៏សំខាន់សម្រាប់ការអភិវឌ្ឍ និងអភិរក្សសម្បត្តិវប្បធម៌ខ្មែរ។

តាមរយ:ការតាំងចិត្ត និងភាពក្លាហានរបស់នាដការីវ័យក្មេង សាលី ស្រីមាស បានដើរតួជាសិល្បៈការនីគំរូម្នាក់ដល់យុវជនបន្តវេនជំនាន់ក្រោយ ដោយសម្រេចបានសមិទ្ធផលដ៏ត្រចះត្រចង់ជាច្រើន ក្នុងការសម្ដែងសិល្បៈចម្រុះ របាំអប្សរា របាំក្ងោកការសម្ដែងរឿងបុរាណទាំងនៅកម្ពុជា និងក្រៅប្រទេស ជាមួយកាយវិការដ៏រស់រវើកនិងពោរពេញទៅដោយសក្តានុពលក្នុងការជួយផ្សព្វផ្សាយវិស័យសិល្បៈបុរាណខ្មែរ ទៅកាន់ឆាកអន្តរជាតិ៕ អត្ថបទ៖ ចាន់រ៉ា

The post នាដការីរបាំ សាលី ស្រីមាស រំភើបស្រក់ទឹកភ្នែក ក្រោយទទួលបានការឧបត្ថម្ភដូរក្រលៀនថ្មី appeared first on Kampuchea Thmey Daily.