ក្រោយពេលសាងកេរ្តិ៍ឈ្មោះល្បីល្បាញអស់រយៈពេលជាច្រើនឆ្នាំ នាយ គ្រោង បានបាត់វត្តមានពីឆាកសិល្បៈ និងកម្មវិធីទូរទស្សន៍ជិត ២០ឆ្នាំមកហើយ ដែលធ្វើឱ្យអ្នកគាំទ្រជាច្រើនតែងនឹករលឹក និងចង់ដឹងពីសុខទុក្ខរបស់អតីតតារាកំប្លែងរូបនេះជានិច្ច។

យ៉ាងណាមិញ ថ្មីៗនេះ មានប្រភពបានបង្ហើបឱ្យដឹងថា ក្នុងវ័យកាន់តែចាស់ នាយ គ្រោង កំពុងរស់នៅក្នុងជីវភាពលំបាក ខ្វះខាតទាំងផ្នែកជីវភាពប្រចាំថ្ងៃ និងកំពុងប្រឈមបញ្ហាជំងឺប្រចាំកាយជាច្រើនមុខ ដែលធ្វើឱ្យស្ថានភាពជីវិតរបស់លោកកាន់តែពិបាកទៅៗ។

តាមការជូនដំណឹងពីក្រុមព្រះសុរិយា បានឱ្យដឹងថា បច្ចុប្បន្ន នាយ គ្រោង វ័យ៧២ឆ្នាំ កំពុងរស់នៅជាមួយកូនក្នុងភូមិត្រពាំងលើក ឃុំវល្លិសរ ស្រុកសំរោងទង ខេត្តកំពង់ស្ពឺ។ មិនត្រឹមតែលោកមានបញ្ហាសុខភាពនោះទេ ភរិយារបស់លោកក៏មានជំងឺដើរមិនរួចផងដែរ ខណៈគ្រួសារទាំងមូលកំពុងរស់នៅដោយខ្វះខាត និងមិនមានលំនៅឋានសមរម្យសម្រាប់ស្នាក់នៅឡើយ។

ដំណឹងនេះបានធ្វើឱ្យមហាជន និងអ្នកស្រឡាញ់វិស័យសិល្បៈជាច្រើនសម្តែងក្តីអាណិតអាសូរ ព្រមទាំងអំពាវនាវឱ្យសប្បុរសជន និងអ្នកគាំទ្រជួយឧបត្ថម្ភដល់អតីតតារាកំប្លែងជើងចាស់រូបនេះ ដើម្បីជួយសម្រាលទុក្ខលំបាកក្នុងជីវិតចុងក្រោយរបស់លោក។

ជាពិសេស ក៏មានក្តីសង្ឃឹមថា សមាគមសិល្បករខ្មែរ ក៏ដូចជាសប្បុរសជននានា នឹងចូលរួមជួយគាំទ្រដល់ នាយ គ្រោង ដែលធ្លាប់ផ្តល់សំណើច និងភាពសប្បាយរីករាយជូនទស្សនិកជនខ្មែរអស់ជាច្រើនទសវត្សរ៍កន្លងមក។

គួរបញ្ជាក់ថា នាយគ្រោង គឺ​ជា​អតីតក្រុម​កំប្លែង​ប្រចាំ​ស្ថានីយ​ទូរទស្សន៍​ជាតិ​កម្ពុជាជា​មួយ​នាយ ខ្ជិប, នាយ​ តឹង, នាយ​ ចាប​ចៀន, តាមឿក, យាយ​ណាង, យាយ​អឿន, តា វីតាមីនសេ, នាយ កុយ និង នាយ ក្រឹម ជា​ដើម។ លោកគឺជាសិល្បករខ្មែរម្នាក់ ដែល​បានផ្តល់ភាពសប្បាយរីករាយដល់ប្រជាជន​រាប់លាន​នាក់ តាមរយៈទេពកោសល្យកំប្លុកកំប្លែងរបស់លោក៕ អត្ថបទ៖ ចាន់រ៉ា

The post វ័យកាន់តែចាស់! អតីតតារាកំប្លែងជើងចាស់ នាយ គ្រោង កំពុងរួមរឹតកាយដោយជំងឺ ខណៈជីវភាពខ្វះខាតខ្លាំង appeared first on Kampuchea Thmey Daily.

ទោះបីជាយ៉ាងណា បន្ទាប់សាងប្រជាប្រិយភាពល្បីរន្ទឺក្នុងអាជីពកំប្លែងអស់រយ:ពេលយូរឆ្នាំក្រោយមក ក៏បាត់វត្តមានរបស់តារាកំប្លែងរូបនេះ ពីលើឆាកទូរទស្សន៍ទាំងស្រុង ដែលគិតរហូតមកទល់ពេលនេះ គឺមានរយ:ពេលជិត២០ឆ្នាំទៅហើយ។ ការបាត់វត្តមានតារាកំប្លែងរូបនេះបានធ្វើទស្សនិកជន និងអ្នកគាំទ្រតែងបង្ហាញការនឹករលឹក ចង់ដឹងពីសុខទុក្ខរបស់លោកតា គ្រោង ផងដែរ។

ដោយឡែកថ្មីៗនេះ មានប្រភពបានបង្ហើបឲ្យដឹងមកថា ស្ថិតក្នុងវ័យកាន់តែចាស់ សព្វថ្ងៃអតីតតារាកំប្លែងរូបនេះ ក៏កំពុងរស់នៅយ៉ាងកម្សត់ ដោយមិនត្រឹមតែជួបការខ្វះខាត ថែមទាំងមានជំងឺប្រចាំកាយទៀតផង។ ជាមួយគ្នានេះ ក៏មានអំពាវនាវមហាជននិងអ្នកគាំទ្រជួយដល់លោកផងដែរ។

អតីតតារាកំប្លែងជើងចាស់នាយ គ្រោង បានបញ្ជាក់ថា មកដល់ពេលនេះលោកមានវ័យ៧២ឆ្នាំហើយ ដោយបច្ចុប្បន្នលោករស់នៅស្រុកកំណើត ឯខេត្តកំពង់ស្ពឺ ។ លោកឡាំ ប៊ុនសេន ហៅ​នាយ​ គ្រោង ធ្លាប់បាន​ប្រាប់ថា សព្វថ្ងៃលោកកើត​ជំងឺ​រលាកថ្លើម, ជំងឺក្រពះ-ពោះវៀន និងទឹកនោម​ផ្អែមយូរឆ្នាំ​ហើយ ប៉ុន្តែ​​លោក​មិន​បាន​ប្រាប់​ឲ្យ​មហាជនឲ្យ​បាន​ដឹង​ឡើយ។

គួរបញ្ជាក់ថា ដំបូង​​ឡើយ លោកគឺ​ជា​ក្រុម​កំប្លែង​ប្រចាំ​ស្ថានីយ​ទូរទស្សន៍​ជាតិ​កម្ពុជាជា​មួយ​នាយ ខ្ជិប, នាយ​ តឹង, នាយ​ ចាប​ចៀន, តាមឿក, យាយ​ណាង, យាយ​អឿន, តា វីតាមីនសេ, នាយ កុយ និង នាយ ក្រឹម ជា​ដើម។ លោកគឺជាសិល្បករខ្មែរម្នាក់ ដែល​បានផ្តល់ភាពសប្បាយរីករាយដល់ប្រជាជន​រាប់លាន​នាក់ តាមរយៈទេពកោសល្យកំប្លុកកំប្លែងរបស់លោក៕ អត្ថបទ៖ ចាន់រ៉ា

The post អតីតតារាកំប្លែង នាយគ្រោង វ័យកាន់តែចាស់ ថែមទាំងមានជំងឺប្រចាំកាយច្រើនមុខ កំពុងរស់ខេត្តកំពង់ស្ពឺ appeared first on Kampuchea Thmey Daily.