ការ​លើក​ឡើង​របស់​អ្នកនាំពាក្យ​នេះ​បាន​ធ្វើឡើង​បន្ទាប់ពី មន្ទីរពេទ្យ​ជាតិ តេ​ជោ​សន្តិភាព កាលពី​ថ្ងៃ​ទី ​២៧​ ខែ​ឧសភា ឆ្នាំ ២០២៥ បានចេញ​សេចក្ដីជូនដំណឹង​មួយ​ណែនាំ​ស្ដីពី​ការ​ពិនិត្យ​ និង​ព្យាបាល​ជំងឺ​ជូន​មន្ត្រី​យោធា​ដោយ​ឥតគិតថ្លៃ។

លោក​សាស្ត្រាចារ្យ គុយ វ៉ាន់​នី បាន​បន្តថា «ខ្ញុំ បាន​បញ្ជាក់​ពី​អង្គភាព​អ្នក​ជំនាញ​ហ្នឹងហើយ​ គឺ​អនុវត្ត​តាម​គោលការណ៍​ឯកឧត្ដម​រដ្ឋមន្ត្រី​បាន​ចារ​នៅ​ក្នុង​លិខិត​ខាងលើ​នេះ​ហើយ​ចំពោះ​ការ​ចេញ​លិខិត​ណា​ហ្នុង​ប្រហែលជា​ការ​ភ័ន្តច្រឡំ​របស់​គាត់​ទេ​តាម​ខ្ញុំ​យល់​ ព្រោះថា​គោលការណ៍​នេះ​វា​ជា​គោលការណ៍​ចំពោះ​បុគ្គល​អ​ឌិ​ត​ថ្នាក់​ឧត្ដមសេនីយ៍​ក្នុង​ករណី​ហ្នឹង​គាត់​អាច​ទៅ​រក​សេវា​ខាង​យោធា​ក៏បាន​ មក​រក​ខាង​ស៊ីវិល​ក៏បាន ​ដូច​លិខិត​ដែល​ក្រសួងសុខាភិបាល​បាន​ចេញ​រួច​មក​ហើយ»។

យោង​តាម​សេចក្ដីជូនដំណឹង​របស់​ក្រសួងសុខាភិបាល​ចុះ​ថ្ងៃទី​ ១៩​ ខែមិថុនា​ ឆ្នាំ ​២០២៤ បានឱ្យដឹង​ថា​ ដើម្បី​លើកកម្ពស់​ការ​យកចិត្តទុកដាក់​ក្នុង​ការ​អនុវត្ត​នូវ​លិខិត​បទដ្ឋាន​គតិយុត្តិ​ជា​ធរមាន សំដៅ ធានា​បាន​នូវ​សិទ្ធិ និង​ផលប្រយោជន៍​របស់​យោធិន​អាជីព អតីត​យោធិន​អាជីព អតីត​នាយទាហាន​ថ្នាក់​ឧត្ដមសេនីយ៍ និង ឧ​ត្ត​មនា​វី នៅពេល​មាន​ជំងឺ ក្រសួងសុខាភិបាល សូម​ឱ្យ​គ្រប់​អង្គភាព​ផ្តល់​សេវា​សុខាភិបាល​សាធារណៈ​ទាំងអស់ ពង្រឹង​ការ​អនុវត្ត​ឱ្យ​បាន​កាន់តែ​ល្អ​ប្រសើរ តាម​ខ្លឹមសារ នៃ​មាត្រា ៣០ ថ្មី នៃ​អនុក្រឹត្យ​លេខ ១៤១ អនក្រ​.​បក “​ពេល​មាន​ជំងឺ អតីត​នាយទាហាន​ថ្នាក់​ឧ​ត្ត​ម​សេនីយ៍ និង​ឧ​ត្ត​មនា​វី ត្រូវ​ទទួល​បាន​ការ​ព្យាបាល​នៅ​តាម​បណ្ដាញ​សុខាភិបាល​សាធារណៈ ឬ​យោធា ដោយ​ថ្លៃ​សេវា ​នៃ​ការ​ពិនិត្យ​ព្យាបាល​ជា​បន្ទុក​របស់​រដ្ឋ។ ពេល​ទទួល​មរណភាព ក្រសួង​ការពារ​ជាតិ​ទទួលបន្ទុក​រៀបចំ​ពិធី​បុណ្យ​សព​តាម​ពិធីការ​យោធា​”។ ក្នុង​ន័យ​នេះ អង្គភាព​ផ្តល់​សេវា​សុខាភិបាល​សាធារណៈ​ទាំងអស់ ត្រូវ​យកចិត្តទុកដាក់​ពិនិត្យ ថែទាំ​ព្យាបាល​ជំងឺ ប្រកប​ដោយ​ស្មារតី​ទទួល​ខុសត្រូវ​ក្នុង​មនសិការ​វិជ្ជាជីវៈ​ខ្ពស់​ជូន​ដល់​អតីត​នាយទាហាន​ថ្នាក់​ឧ​ត្ត​ម​សេនីយ៍​ និង​ឧ​ត្ត​មនា​វី នៅ​ពេល​មាន​ជំងឺ ដោយ​ថ្លៃ​សេវា​ នៃ​ការ​ពិនិត្យ​ព្យាបាល​ជា​បន្ទុក​របស់​រដ្ឋ ដែល​ស្ថិត​ក្រោម​ការ​ចំណាយ​របស់​អង្គភាព​សុខាភិបាល​សាធារណៈ​ផ្ទាល់។ មាត្រា ២៣ នៃ​ច្បាប់​ស្ដីពី​លក្ខន្តិកៈ​ទូទៅ​ចំពោះ​យោធិន នៃ​កងយោធពលខេមរភូមិន្ទ យោធិន អតីត យោធិន​អាជីព និង​គ្រួសារ​ផ្ទាល់​របស់​ពួកគេ មាន​សិទ្ធិ​ព្យាបាល​ជំងឺ​នៅ​ក្នុង​មន្ទីរពេទ្យ នៃ​កងយោធពលខេមរភូមិន្ទ។

គួរ​បញ្ជាក់​ថា បច្ចុប្បន្ន ក្នុងចំណោម​កងកម្លាំង​ប្រដាប់​អាវុធ ៣ ប្រភេទ​រួមមាន នគរបាល​ជាតិ កងរាជអាវុធហត្ថ និង​យោធា គឺ​មាន​តែ​នគរបាល​ជាតិ​ទេ​ដែល​ទទួល​បាន​ប័ណ្ណ ប​.​ស​.​ស អាច​ទៅ​ពិនិត្យ និង​ព្យាបាល​ជំងឺ​នៅ​តាម​មន្ទីរពេទ្យ​រដ្ឋ និង​ពេទ្យ​ឯកជន​មួយ​ចំនួន​ដែល​ចារ​ដៃគូ ប​.​ស​.​ស ដោយ​ឥតគិតថ្លៃ។ ចំណែក​កងរាជអាវុធហត្ថ និង​យោធា នៅ​មិន​ទាន់​មាន​ប័ណ្ណ ប​.​ស​.​ស ប្រើប្រាស់​នៅឡើយ​ទេ៕

អត្ថបទ ៖ សំអឿន

The post អ្នកនាំពាក្យ ៖ អតីតនាយទាហានថ្នាក់ឧត្ដមសេនីយ៍ អាចទៅពិនិត្យ ថែទាំ ព្យាបាលជំងឺ នៅគ្រប់មូលដ្ឋានសុខាភិបាលដោយឥតគិតថ្លៃ appeared first on Kampuchea Thmey Daily.

បើតាមព្រះរាជក្រឹត្យរបស់ព្រះមហាក្សត្រចុះថ្ងៃទី១២ ខែមេសា ឆ្នាំ២០២៣ បានត្រាស់បង្គាប់ប្រគល់ឋានន្តរស័ក្តិជានាយឧត្តមសេនីយ៍ចំពោះលោកស្រី ដាំ ដារីនី ដែលជារដ្ឋលេខាធិការក្រសួងការពារជាតិ ខណៈលោកស្រី ម៉ាលី សុជាតា អនុរដ្ឋលេខាធិការក្រសួងការពារជាតិ ត្រូវបានប្រគល់ឋានន្តរស័ក្តិជាឧត្តមសេនីយ៍ឯក នៃកងយោធពលខេមរភូមិន្ទ។

លោកស្រី ដាំ ដារីនី គឺជាស្ត្រីមួយរូបដែលបានកំពុងកាន់តំណែងជារដ្ឋលេខាធិការក្រសួងការពារជាតិ ចាប់តាំងពីអំឡុងឆ្នាំ២០១៤។ មុនកាន់តំណែងជារដ្ឋលេខាធិការនេះ លោកស្រី ដាំ ដារីនី ធ្លាប់បានបម្រើការងារជាមន្ត្រីនៃក្រសួងកិច្ចការនារី ក្នុងតួនាទីជាប្រធានការិយាល័យក្រុមប្រឹក្សាជាតិកម្ពុជាដើម្បីស្ត្រី ក្នុងចន្លោះឆ្នាំ២០០៦ ដល់ឆ្នាំ២០០៨។ បន្ទាប់មកស្ត្រីរូបនេះ ក៏បានបំពេញតួនាទីជាអនុរដ្ឋលេខាធិការក្រសួងអភិវឌ្ឍន៍ជនបទ នៃរាជរដ្ឋាភិបាលកម្ពុជា អាណត្តិទី៤ (ឆ្នាំ ២០០៨ ដល់ឆ្នាំ២០១៣)។

ក្នុងតំណែងជារដ្ឋលេខាធិការក្រសួងការពារជាតិ លោកស្រី ដាំ ដារីនី ទទួលបន្ទុកលើការងារយេនឌ័រ ការងារនាយកដ្ឋាន​នីតិកម្ម និងការងារវិទ្យាស្ថាន​វិទ្យាសាស្រ្ដ​សុខាភិបាលនៃកងយោធពលខេមរភូមិន្ទ។ ចំពោះការងារបក្ស លោកស្រី គឺជាសមាជិកក្រុមការងារយុវជនគណបក្សប្រជាជនកម្ពុជាថ្នាក់កណ្តាលទទួលបន្ទុកជាប្រធានផ្នែកសិល្បៈ និងកីឡា ព្រមទាំងជាអនុប្រធានក្រុមការងារចុះជួយមូលដ្ឋានស្រុកត្បូងឃ្មុំ។

បន្ថែមពីនេះ លោកស្រី ដាំ ដារីនី ក៏បាននិងកំពុងចូលរួមយ៉ាងសកម្មក្នុងកិច្ចការសង្គម ដែលតួយ៉ាងលោកស្រី បានកំពុងដឹកនាំចលនាយុវជននៅទូទាំងប្រទេសតាមរយៈតួនាទីជាអនុប្រធានសហភាពសហព័ន្ធយុវជនកម្ពុជា ស.ស.យ.ក ដែលមានឯកឧត្តម ហ៊ុន ម៉ានី ជាប្រធាន។ តាមរយៈតួនាទីនេះ លោកស្រី ដាំ ដារីនី ត្រូវបានចាត់ទុកថា ជាស្ត្រីឆ្នើមមួយរូប ដែលបានចូលរួមលះបង់ពេលវេលា កម្លាំងកាយ កម្លាំងចិត្ត និងប្រាជ្ញាស្មារតី ព្រមទាំងធនធានក្នុងបុព្វហេតុជាតិ និងការលើកកម្ពស់តម្លៃយុវជនកម្ពុជានៅលើឆាកអន្តរជាតិ។

ដោយឡែក លោកស្រី ម៉ាលី សុជាតា ត្រូវបានតែងតាំងជាអនុរដ្ឋលេខាធិការក្រសួងការពារជាតិ ក្នុងឆ្នាំអំឡុងឆ្នាំ២០១៣ ក្រោយការបោះឆ្នោតជ្រើសតាំងតំណាងរាស្ត្រ នីតិកាលទី៥។ មុនតែងតាំងតំណែង​ជាអនុរដ្ឋលេខាធិការនៃក្រសួងការពារជាតិ គឺលោកស្រី ម៉ាលី សុជាតា ធ្លាប់បម្រើការងារជាមន្ត្រីរាជការនៅក្រុមប្រឹក្សាជាតិកម្ពុជាដើម្បីស្ត្រី ក្រសួងកិច្ចការនារី​។ លោកស្រី ម៉ាលី សុជាតា ជាសកម្មជនមួយរូបរបស់គណបក្សប្រជាជនកម្ពុជា ដែលបានចូលរួមតស៊ូមតិជាមួយតំណាងយុវជននៃគណបក្សដទៃផ្សេងទៀតក្នុងកម្មវិធីអ្នកបន្តវេន។

លើសពីនេះ លោកស្រី ក៏មានតួនាទីជាសមាជិកក្រុមប្រឹក្សាជាតិកម្ពុជាដើម្បីកុមារ ជាសមាជិកាគណៈកម្មាធិការកណ្ដាលសហភាពសហព័ន្ធយុវជនកម្ពុជា ស.ស.យ.ក និងជាអនុប្រធានក្រុមការងារគណបក្សប្រជាជនកម្ពុជាចុះជួយមូល​ដ្ឋានស្រុកអង្គរធំ ខេត្តសៀមរាប ផងដែរ៕

ដោយ៖ ធឿន វ៉ាន់សុង  

The post តើស្ត្រី ២ រូបដែលទទួលបានឋានន្តរស័ក្តិជានាយឧត្តមសេនីយ៍ និងឧត្តមសេនីយ៍ឯក ជានរណា? appeared first on Kampuchea Thmey Daily.

ព្រះរាជក្រឹត្យរបស់ព្រះមហាក្សត្រ ចេញនៅថ្ងៃទី ១៧ ខែមីនា ឆ្នាំ ២០២៣នេះ បានត្រាស់បង្គាប់ដំឡើងឋានន្តរស័ក្ដិ នាយឧត្ដមសេនីយ៍ ដល់ឧត្ដមសេនីយ៍ឯក ហ៊ុន ម៉ាណែត អត្តលេខ ០៣៣៨៨៣ នាយទាហានថ្នាក់ឧត្ដមសេនីយ៍ នៃកងយោធពលខេមរភូមិន្ទ។

សូមជម្រាបថា ឯកឧត្ដមបណ្ឌិត ហ៊ុន ម៉ាណែត មានតួនាទីជាអគ្គមេបញ្ជាការរង នៃកងយោធពលខេមរភូមិន្ទ និងជាមេបញ្ជាការកងទ័ពជើងគោក៕

The post ព្រះមហាក្សត្រ ចេញព្រះរាជក្រឹត្យដំឡើងឋានន្តរស័ក្តិ នាយឧត្តមសេនីយ៍ ដល់ឯកឧត្ដមបណ្ឌិត ហ៊ុន ម៉ាណែត appeared first on Kampuchea Thmey Daily.