នាយ កៃដរ Archives - Kampuchea Thmey Daily

ខ្ញុង ប្រកាសចែកផ្លូវគ្នាជាមួយស្វាមី នាយ កៃដរ

Sorn Phanith — Thu, 22 Sep 2022 08:52:05 +0000

មានការភ្ងាក់ផ្អើល ក្រោយតារាកំប្លែងនាង ខ្ញុង បានប្រកាសចែកផ្លូវគ្នានឹងស្វាមី នាយ កៃដរ ជាសាធារណៈ ខណៈមានការអន់ចិត្តជាមួយគ្នា។

អ្នកលេងបណ្ដាលសង្គមហ្វេសប៊ុកជាច្រើន បង្ហាញការសោកស្ដាយក្រោយតារាកំប្លែងស្រីសម្ដីចាក់ទឹកមិនលិច នាង ខ្ញុង បានប្រកាសលើហ្វេសប៊ុកផ្ទាល់ខ្លួនច្បាស់ថា ខ្លួនបានចែកផ្លូវគ្នានឹងស្វាមី នាយ កៃដរ ហើយ ក្រោមហេតុផលអាក់អន់ស្រពន់ចិត្តជាមួយគ្នា។ កាលពីមួយម៉ោងមុននេះ ខ្ងុង បានសរសេរបង្ហោះថា ” ជីវិតមនុស្សម្នាក់ៗគ្រួសារនីមួយៗមិនដូចគ្នាទេ បើមិនទាន់ធ្លាក់លើគ្រួសារអ្នកសូមកុំសើចខ្ញុំ “។ លើសពីនេះតារាកំប្លែងស្រីរូបនេះ ក៏បានបង្ហោះទៀតថា ” គ្មានអ្នកណាចង់បែកបាក់គ្រួសារនោះទេ “

តាមរយៈការបង្ហោះទាំងអស់នេះ មានអ្នកលេងបណ្ដាលសង្គមជាច្រើនបានចូលរួមសោកស្ដាយ និងលើកទឹកចិត្តឲ្យអ្នកនាងខ្ញុងខំប្រឹងតស៊ូមុខ ដើម្បីចិញ្ចឹមកូនប្រុសទាំង ២ នាក់បន្តទៀត៕

អត្ថបទ៖ ផានិត

The post ខ្ញុង ប្រកាសចែកផ្លូវគ្នាជាមួយស្វាមី នាយ កៃដរ appeared first on Kampuchea Thmey Daily.

ខ្ញុង ឆ្លើយតបអ្នករិះគន់ថា មិនថោកទាបយកជីវិតគ្រួសារលេងសើចទេ

Sorn Phanith — Fri, 12 Aug 2022 06:56:47 +0000

អ្នកគាំទ្របានដឹងហើយថា កាលពីយប់ថ្ងៃទី ១១ ខែសីហា មានការមានការភ្ញាក់ផ្អើលដល់អ្នកគាំទ្រ និងប្រើប្រាស់បណ្តាញសង្គមហ្វេសប៊ុក ខណៈដែលខ្ញុងនិងស្វាមីកំពុងឡាយលក់ផលិតផលសុខស្រាប់តែនាយ កៃដរ មានអាការៈឈរគាំងវៀចមាត់ក្រញែងក្រញង់ដៃ។

ហេតុការណ៍នេះ បានធ្វើឲ្យភរិយា គឺអ្នកនាងខ្ញុងភ្លាមៗនោះមានអារម្មណ៍ភ័យស្លន់ស្លោស្រែកហៅឲ្យគេមកជួយគ្រប់គ្នា។ ក្នុងនោះក៏មានអ្នកគាំទ្រ និងអ្នកប្រើប្រាស់បណ្តាញសង្គមហ្វេសប៊ុកជាច្រើន ដែលកំពុងទស្សនាការឡាយបង្ហាញការព្រួយបារម្ភ នឹងព្រួយភ័យចំពោះសុវត្ថិភាព បានសួរនាំហើយជួនពរគ្រប់គ្នា។ ដោយឡែកផ្ទុយពីនេះក៏មានខ្លះទៀត បានរិះគន់ដោយមិនជឿលើរឿងនេះឡើយ។

មានការបញ្ចេញមតិថា ករណីនាយ កៃដរ ដួលសន្លប់យប់មិញ គឺគ្រាន់តែជាការសម្តែងដើម្បីយកចាប់អារម្មណ៍ពីអ្នកគាំទ្រប៉ុណ្ណោះ។ ដោយឡែកក៏មានមតិខ្លះទៀត ក៏បានលើកទឹកដែរថា អ្នកសម្តែងបំពុលច្រើនអញ្ចឹងយើងការពិតគេមិនសូវជឿទេ ជូនពរបងប្រុសឆាប់ប្រសើរឡើងផងវិញ។ទាក់ទងរឿងនេះដែរ តារាកំប្លែងស្រីអ្នកនាង ខ្ញុង បានបញ្ចេញប្រតិកម្មដោយបញ្ជាក់ថា ពួកគាត់មិនថោកទាបយកជីវិតគ្រួសារលេងសើចទេ។

អ្នកនាង ខ្ញុង បានលើកឡើងទាំងមួយចិត្តថា ហេតុអី្វមនុស្សមួយចំនួនចូលចិត្តជាន់ សើចចំអក គិតអ គតិមកលើគ្រួសារខ្ញុំម្ល៉េះ ខ្ញុំមិនថោកទាបយកជីវិតគ្រួសារខ្ញុំទៅលេងសើចឡើយ។ អ្នកនាង ខ្ញុង នាព្រឹកថ្ងៃទី ១២ ខែសីហា ឆ្នាំ ២០២២ នេះនៅលើទំព័រហ្វេសប៊ុករបស់ខ្លួន ក៏បានបង្ហោះដោយបញ្ជាក់អាការៈជំងឺរបស់ស្វាមីថា ឥឡូវប្តីខ្ញុំចេញពីសង្គ្រោះបន្ទាន់ហើយ អគុណសម្រាប់ការបារម្ភនឹងសួរសុខទុក្ខ។ ព័ត៌មានលំអិតខ្ញុំនឹងប្រាប់ពេលក្រោយទៀត ឥឡូវគាត់នៅកាលម៉ែត រង់ចាំលទ្ធផលស្កែនខួរក្បាលម្តងទៀតសិនសូមអគុណ៕

អត្ថបទ៖ ចាន់រ៉ា

The post ខ្ញុង ឆ្លើយតបអ្នករិះគន់ថា មិនថោកទាបយកជីវិតគ្រួសារលេងសើចទេ appeared first on Kampuchea Thmey Daily.

តារាកំប្លែង ខ្ញុង លើកទឹកចិត្តខ្លួនឯង និងស្វាមី ក្រោយជួយរឿងបរាជ័យ

Sorn Phanith — Wed, 08 Dec 2021 06:38:34 +0000

តារាកំប្លែងអ្នកនាង ស្រេង សុកាន់ដា ហៅ ខ្ញុង កាលពីថ្មីៗកន្លងទៅបានផ្ទុះរឿងរ៉ាវអាស្រូវផ្អើលអស់អ្នកគាំទ្រពេញមួយប្រទេសបន្ទាប់ពីនាងទម្លាយចំនួនទឹកប្រាក់ដែលជំពាក់បំណុលគេជាងកន្លះលានដុល្លារ។

ទោះបីយ៉ាងណាក្តីសម្រាប់ ខ្ញុង និងស្វាមីនាយកៃដរ នៅតែបន្តការតស៊ូជាមួយគ្នាតាមរយៈការឡាយលក់ ផ្អក ប្រហុក ត្រីងៀត ដើម្បីយកលុយដោះបំណុលគេនិងធ្វើជាដើមទុកសាងជីវិតជាថ្មីឡើងវិញផងដែរ។ ទន្ទឹមគ្នានេះដែរ គេក៏ឃើញតារាកំប្លែង ខ្ញុង បានប្រកាសលើកទឹកចិត្តខ្លួនឯង និងស្វាមីក្រោយជួបរឿងបរាជ័យ។

អ្នកនាង ខ្ញុង បានលើកឡើងថា ជីវិត គឺបែបនេះហើយប្តីពេលបរាជ័យមិនសូវមានអ្នករាប់មិនសូវមានអ្នកស្គាល់វាជារឿងធម្មតា តែយើងក៏នៅតែញញឹម ព្រោះជីវិតយើងទាំងពីរបានស្គាល់គ្នាកាន់តែច្បាស់ ហើយកាន់តែមានសុភមង្គលនឹងភាពតស៊ូបន្តទៅមុខដោយភាពរឹងមាំ និងកម្លាំងចិត្តពេញលេញ។

គេចាំបានថា ក្រោយពេលដែលអ្នកនាង ខ្ញុង ទម្លាយនូវរឿងរ៉ាវបំណុលគេជាសាធារណៈបែបនេះ ឃើញមានអ្នកគាំទ្រមួយចំនួនបានបង្ហាញការអាណិតអាសូរ និងលើកទឹកចិត្តដល់ ខ្ញុង តែក៏មានខ្លះទៀតបានរិះគន់ដែរថា នេះអាចជាការសម្តែងឆាកល្ខោនរបស់អ្នកនាង ខ្ញុង។ ប៉ុន្តែភ្លាមៗនោះអ្នកនាង ខ្ញុង បានចេញមុខបញ្ជាក់ថា ពុំមែនជាការសម្តែងទេ ខណៈនាងបានប្រកាសលក់អស់ខ្ទិចអស់ខ្ទីនូវទ្រព្យសម្បត្តិដែលមានទាំងប៉ុន្មាន៕

អត្ថបទ៖ ចាន់រ៉ា

The post តារាកំប្លែង ខ្ញុង លើកទឹកចិត្តខ្លួនឯង និងស្វាមី ក្រោយជួយរឿងបរាជ័យ appeared first on Kampuchea Thmey Daily.

រដូវមង្គលការ ខ្ញុង ផ្តើមកម្រើកខ្លួនឡើងវិញលើវិថីសិល្បៈ ក្រោយផ្ទុះរឿងបំណុល

Sorn Phanith — Sun, 21 Nov 2021 05:09:28 +0000

គេចាំបានថាតារាកំប្លែងអ្នកនាង ស្រេង សុកាន់ដា ហៅ ខ្ញុង បានប្រកាសកាលពីថ្ងៃទី១៧ ខែតុលា ឆ្នាំ ២០២១ កន្លងទៅថានាងបានលង់ខ្លួនជំពាក់បំណុលគេ នូវទំហំទឹកប្រាក់ចំនួន ៥៧២ ០០០ ដុល្លារ ដែលមានម្ចាស់បំណុលប្រមាណ៣០នាក់។

យ៉ាងណាមិញ បន្ទាប់ពីធ្លាយរឿងជំពាក់បំណុលគេជាងកន្លះលានដុល្លារ រហូតលក់អស់ទ្រព្យពីខ្លួន និងរងការរិះគន់ពីមហាជនថា ជាការសម្តែងក៏ពិតមែន តែឥឡូវនេះ ខ្ញុង និងស្វាមីនាយ កៃដរ ត្រូវបានគេមើលឃើញថា អ្នកទាំង២កំពុងខិតខំសាងជីវិតជាថ្មី ដោយការឡាយលក់ប្រហុក ផ្អក ត្រីងៀត ដើម្បីយកលុយដោះបំណុលគេ។

លើសពីនេះទៀតនោះ ស្របពេលដែលប្រទេសត្រូវបានប្រកាសឲ្យបើកឡើងវិញ និងអនុញ្ញាតឲ្យមានពិធីរៀបមង្គលការផងនោះ ពេលនេះអ្នកនាង ខ្ញុង និងស្វាមីនាយ កៃដ ក៏ចាប់ផ្តើមក្តាប់បានឱកាសជាមួយការងារនេះឡើងវិញផងដែរ។ ហេតុផលនេះ ត្រូវបានអ្នកគាំទ្រយល់ថា ខ្ញុង និង កៃដរ មានទីផ្សារវិញហើយ។

ជាក់ស្តែងនៅព្រឹកថ្ងៃទី២១ ខែវិច្ឆិកា ឆ្នាំ២០២១នេះ គេឃើញអ្នកនាង ខ្ញុង បានបង្ហោះរូបភាពពីរនាក់ស្វាមីនាយ កៃដរ ដោយទឹកមុខស្រស់ស្រាយនៅក្នុងកម្មវិធីមង្គលការមួយថា ចូលរួមកម្មវិធីកាត់សក់នៅព្រែកក្តាម។ តាមរយៈនេះគេឃើញមានមហាជន និងអ្នកគាំទ្រនាងបានបង្ហាញការលើកទឹកចិត្តគ្រប់គ្នាផងដែរ៕

អត្ថបទ៖ ចាន់រ៉ា

The post រដូវមង្គលការ ខ្ញុង ផ្តើមកម្រើកខ្លួនឡើងវិញលើវិថីសិល្បៈ ក្រោយផ្ទុះរឿងបំណុល appeared first on Kampuchea Thmey Daily.

នាយ កៃដរ អង្វរសុំចិត្តអ្នកដែលកាត់តវីដេអូចាស់ៗរឿងភរិយាជេរគ្នា

Sokhom Khon — Thu, 28 Oct 2021 03:38:24 +0000

អំឡុងពេល ខ្ញុង បានផ្ទុះការរិះគន់ក្រោយទម្លាយនូវរឿងរ៉ាវជំពាក់បំណុលគេជិត៦០ម៉ឺនដុល្លារផ្អើលមហាជននេះដែរ ក៏ស្រាប់តែគេឃើញលេចមុខជនឱកាសនិយមលើបណ្តាញសង្គមមួយចំនួនបានឆ្លៀតយកវីដេអូចាស់ៗរបស់ ខ្ញុង ដែលធ្លាប់ជេរគ្នាតាមរយ:ការឡាយមកកាត់តបង្ហោះដើម្បីធ្វើឲ្យកាន់តែមានការភណ្ឌច្រឡំនិងគេកាន់តែស្អប់ចំពោះនាងថែមទៀត។

ជុំវិញបញ្ហានេះដែរ នាយ កៃដរ ដែលជាស្វាមីអ្នកនាង ខ្ញុង តាមរយ:ការLiveកាលពីថ្ងៃ២៧ ខែតុលា ម្សិលមិញបានធ្វើការបកស្រាយជំនួសភរិយា និងទទូចអង្វរសុំចិត្តអ្នកដែលកាត់តវីដេអូចាស់ៗរឿងភរិយាជេរបញ្ជោរគ្នាឲ្យបញ្ឈប់ចែកចាយទៀត ព្រោះបញ្ហានេះបានកើតឡើងយូហើយ ។

នាយ កៃដរ បានរៀបរាប់ថា មានវីដេអូមួយចំនួនបានកាត់តរឿងប្រពន្ធខ្ញុំជេរ រឿងប្រពន្ធខ្ញុំខឹង អាហ្នឹងខ្ញុំសូមអត់ទទួលស្គាល់ទេ ព្រោះមូលហេតុដែលខ្ញុំមិនទទួលដោយសារតែជាការកាត់តដែលយកវីដេអូចាស់ៗដែលគាត់ធ្លាប់បានជជែកគ្នាជាមួយអ្នកដែលខុស(ឈ្លោះ)ជាមួយគាត់កន្លងផុតទៅយូហើយមកកាត់តដាក់បង្ហោះខណ:ដែលគាត់កំពុងតែមានវិបត្តិនិងពិបាកចិត្ត។

នាយ កៃដរ បន្តថា គាត់កំពុងរងគ្រោះហើយ បែជាពួកគាត់យកមកកាត់តធ្វើដូចវីដេអូនោះថ្មីៗអញ្ចឹង។ដូច្នេះវីដេអូទាំងនោះ គឺខ្ញុំមិនអាចទទួលយកបានទេ ខ្ញុំសូមប្រច្រានចោលឬប្រកែកព្រោះអីជាទូទៅវីដេអូចាស់ៗនោះបានកន្លងផុតទៅយូហើយ។

នាយ កៃដរ បាននិយាយទៀតថា គេកាត់តវីដេអូចាស់នោះដើម្បីមកជាន់ពន្លិចភរិយាខ្ញុំបន្ថែមទៀត ហេតុនេះហើយខ្ញុំសង្ឃឹមថា បងប្អូនដែលជំនាញខាងបច្ចេកទេសកាត់តអនុគ្រោះផងទៅបងអើយ។ បើបងៗធ្វើអញ្ចឹងតើបានផលចំណេញអ្វីខ្លះដល់បងៗទៅ ព្រោះពេលខ្លះក៏មានអ្នកដឹងហើយយល់ដែរចំពោះវីដេអូកាត់តទាំងនោះ ហេតុនេះសូមបងៗគួរតែងាកមកស្រលាញ់គ្នាក្នុងនាមខ្មែរដូចគ្នា។

ទោះបីជាយ៉ាងណាក្តីនាយ កៃដរ នៅតែបង្ហាញពីកាយវិកាលើដៃចេញមុខសំពះដើម្បីសូមទោសមហាជននិងអ្នកសិល្ប:គ្រប់គ្នាចំពោះរឿងរ៉ាវដែលបានកើតឡើងកាលពីថ្មីៗជុំវិញភរិយា ខ្ញុង ចេញមក Liveទម្លាយរឿងជំពាក់បំណុលគេពិសេសប្រកាសសុំលុយ១ដុល្លារពីមហាជនផងដែរ៕

អត្ថបទ៖ ចាន់រ៉ា

The post នាយ កៃដរ អង្វរសុំចិត្តអ្នកដែលកាត់តវីដេអូចាស់ៗរឿងភរិយាជេរគ្នា appeared first on Kampuchea Thmey Daily.