​គម្រោង ​ដីឡូតិ៍ ​ឡេង រ៉ាវុទ្ធ ​ស្ថិតនៅភូមិភ្លើងឆេះរទេះលិច ​សង្កាត់ភ្លើងឆេះរទេះ ​ខណ្ឌកំបូល ​រាជ​ធានី​ភ្នំពេញ។ ​ចំណែកឯ ​គម្រោង​ដីឡូតិ៍ បញ្ញាលែន ស្ថិតនៅភូមិទាហ៊ា ឃុំស្វាយពោធិ ស្រុក​ស្រី​សន្ធរ ខេត្តកំពង់ចាម។​

​និយ័តករ​អាជីវកម្ម​អចលនវត្ថុ និង​បញ្ចាំ ​អំពាវនាវឱ្យសារធារណៈជន​កុំឱ្យចូលរួម ​ធ្វើអាជីវកម្ម ​ឬពាក់​ព័ន្ធ​ជាមួយនឹងគម្រោងខាងលើដែលអាចធ្វើឱ្យប៉ះពាល់ ឬខាតប្រយោជន៍ជាយថាហេតុ៕

The post ​ក្រុមហ៊ុន​អភិវឌ្ឍ​ដីឡូតិ៍ចំនួន ​២ ​កំពុង​ធ្វើអាជីវកម្ម ​គ្មាន​អាជ្ញាបណ្ណ​ appeared first on Kampuchea Thmey Daily.

យោង​តាម​សេចក្តី​ជូន​ដំណឹង​ស្តីពី «កាតព្វកិច្ចស្នើសុំអាជ្ញាបណ្ណពីនិយ័តករអាជីវកម្មអចលនវត្ថុនិងបញ្ចាំ និយ័តករអាជីវកម្មអចលនវត្ថុនិងបញ្ចាំ (ន.អ.ប.) នៃអាជ្ញាធរសេវាហិរញ្ញវត្ថុមិនមែនធនាគារ» បាន​ឱ្យ​ដឹង​ថា ការធ្វើ​អាជីវកម្មអចលនវត្ថុ និងបញ្ចាំ ដោយគ្មានអាជ្ញាបណ្ណពី ន.អ.ប. គឺជាអំពើល្មើស ដែលត្រូវ​ចាត់វិធានការ​យ៉ាង​តឹងរ៉ឹង​ស្របតាមបទប្បញ្ញត្តិជាធរមាន។

ក្នុង​នោះ​ប្រភេទអាជីវកម្មដែលត្រូវស្នើសុំអាជ្ញាបណ្ណ រួម​មាន​ ១. អាជីវកម្មអភិវឌ្ឍលំនៅឋាន រួមមាន ផ្ទះល្វែង វីឡាកូនកាត់ វីឡាភ្លោះ វីឡាទោល និងភូមិគ្រឹះ ជាដើម។ ២.អាជីវកម្មអភិវឌ្ឍអគារសហកម្មសិទ្ធិ រួមមាន អគារ​ខុនដូ អគារ​ការិយាល័យ អគារផ្សារ និងអគារពហុមុខងារ, ៣.អាជីវកម្មអភិវឌ្ឍដីឡូត៍ រួមមាន ដីឡូត៍លំនៅឋាន ដីឡូត៍លម្តែ និងដីឡូត៍ចម្ការ។

៤.អាជីវកម្មផ្តល់សេវាកម្មអចលនវត្ថុ រួមមាន៖ សេវាកម្មគ្រប់គ្រងអចលនវត្ថុ សេវាកម្មវាយតម្លៃ និងសេវាកម្ម ភ្នាក់ងារអចលនវត្ថុ និង​៥.អាជីវកម្មបញ្ចាំ និងអាជីវកម្មប្រាតិភោគដោយអនុប្បទាន គឺជា​សកម្មភាព​ពាណិជ្ជកម្ម​ដែល​អតិថិជន​យកទ្រព្យ ទៅដាក់បញ្ចាំ ឬធ្វើ​អនុប្បទាន​សិទ្ធិ​លើ​ចលន​វត្ថុ​របស់​ខ្លួនជូន​​ដល់​អ្នកទទួល​ប្រាតិភោគ​ដោយ​អនុប្បទាន ដើម្បី​ទទួល បាន​ប្រាក់​កម្ចី​ដោយ​សន្យា​ទូទាត់​សង​ប្រាក់ដើម និង​ការប្រាក់​ទៅតាម​កិច្ចសន្យា​​ដែល​បានកំណត់។

អាស្រ័យ​ហេតុ​នេះ ម្ចាស់ក្រុមហ៊ុន/សហគ្រាស/គម្រោង ទាំងអស់​ត្រូវ​ចូលរួមអនុវត្តប្រកបដោយស្មារតីទទួល ខុសត្រូវខ្ពស់៕

The post រដ្ឋអំពាវនាវដល់​ម្ចាស់អាជីវកម្មអចលនវត្ថុ និងបញ្ចាំ ត្រូវបំពេញនីតិវិធីស្នើសុំអាជ្ញាបណ្ណឱ្យបានត្រឹមត្រូវ ​ appeared first on Kampuchea Thmey Daily.

ខណៈ​បញ្ហា​គម្រោង​អភិវឌ្ឍ​អត់​ច្បាប់​មាន​ដូចជា​លំនៅឋាន និង​ដីឡូតិ៍​ជាដើម​នៅតែ​បន្ត​កើត​មាន និយ័តករ​អចលនទ្រព្យ​និង​ទ្រព្យ​បញ្ចាំ ប្រកាស​នឹង​ធ្វើ​ការ​សហការ​បន្ថែម​ជាមួយ​អាជ្ញាធរ​ពាក់ព័ន្ធ ជាពិសេស​អាជ្ញាធរ​ដែនដី ដើម្បី​បង្កើន​ការ​គ្រប់គ្រង​គម្រោង​អភិវឌ្ឍ​ឲ្យ​មានប្រសិទ្ធភាព ដើម្បី​ការពារ​ផល​ប្រយោជន៍​របស់​ពលរដ្ឋ។

លោក ជូ វណ្ណៈ អគ្គនាយក​និយ័តករ​អាជីវកម្ម​អចលនវត្ថុ និង​បញ្ចាំ បាន​ទទួល​ស្គាល់​ភាព​ចន្លោះ​ប្រហោង​លើ​ការ​គ្រប់គ្រង​គម្រោង​អភិវឌ្ឍ​មួយ​ចំនួន​ដែល​គ្មាន​ច្បាប់ រហូត​នាំ​ឲ្យ​ពលរដ្ឋ​មួយ​ចំនួន​ត្រូវ​ខាតបង់ ដោយសារ​លង់​ជឿ​លើ​ការ​ឃោសនា​​ពី​ម្ចាស់​គម្រោង​។

យ៉ាងណាមិញ ពាក់ព័ន្ធ​គម្រោង​អភិវឌ្ឍ​អត់​ច្បាប់​កន្លងទៅ លោក ជូ វណ្ណៈ បាន​អះអាង​ថា អាជ្ញាធរ​តែងតែ​ចុះ​បង្ក្រាប​ជា​បន្តបន្ទាប់ ក្រោយ​ទទួល​បាន​​ព័ត៌មាន​តាម​ការ​ផ្សព្វផ្សាយនៅលើបណ្តាញ​សង្គម ​និង​រក​ឃើញតាម​ការ​ចុះ​ស្រាវជ្រាវ​ពី​ក្រុម​ការងារ​។

«គម្រោង​ខ្លះ​ទាល់​តែ​មាន​ការ​ផ្សព្វផ្សាយនៅលើបណ្តាញ​សង្គម ទើប​មន្រ្តី​របស់យើង​បាន​ដឹង​ ហើយ​​ចុះ​ស្រាវជ្រាវ​ថា​អត់មាន​អាជ្ញាប័ណ្ណ​ធ្វើ​អាជីវកម្ម​ រួច​ទើប​បាន​អាជ្ញាធរ​ចេញ​សេចក្ដី​ដំណឹង​ផ្សព្វផ្សាយ​ឲ្យ​ពលរដ្ឋ​ទទួល​ជា​ព័ត៌មាន​»។

លោក​លើកឡើង​ថា មិន​អាច​គ្រប់គ្រងបាន ១០០% ដោយសារ​គម្រោង​ខ្លះ​ដំណើរការ​ដោយ​លួចលាក់។ តែ​យ៉ាងណា អាជ្ញាធរ​នឹង​ពង្រឹង​ការ​ងារ​ចុះ​ត្រួត​ពិនិត្យ​ជាពិសេស​ធ្វើការ​សហការ​ជាមួយ​អាជ្ញាធរ​ដែនដី ដើម្បី​បង្កើន​ប្រសិទ្ធភាព​គ្រប់គ្រង​ដើម្បី​ការពារ​ផល​ប្រយោជន៍ និង​ការ​ខាត​បង់​របស់​ពលរដ្ឋ។

ជាមួយ​គ្នា​នេះ​អាជ្ញាធរ​ ក៏​នឹង​បន្ត​អប់រំ​ណែនាំ​ដល់​ពលរដ្ឋ​ និង​ថ្ងៃខាងមុខ​និយតករ​នឹង​រៀបចំ​យន្តការ​ពង្រឹង​បន្ថែម​ទៀត ដើម្បី​ឲ្យ​ពលរដ្ឋ​ទទួល​បាន​ព័ត៌មាន​គ្រប់​ជ្រុងជ្រោយ​មុន​ទិញ​គម្រោង​ណាមួយ​ ដើម្បី​ចៀសវាង​ការ​ខាត​បង់៕

The post ​និយ័តករ​អាជីវកម្ម​អចលនវត្ថុ​និង​បញ្ចាំ ​បង្កើន​ប្រសិទ្ធភាព​​​គ្រប់គ្រងគម្រោង​អភិវឌ្ឍ​អត់ច្បាប់ appeared first on Kampuchea Thmey Daily.

ក្នុង​សេចក្តីជូនដំណឹងរបស់​និយ័តករអាជីវកម្មអចលនវត្ថុ និងបញ្ចាំ បាន​ក្រើន​រំលឹកដល់ពលរដ្ឋ​មុនទិញ ជួល ឬចូលរួមធ្វើអាជីវកម្ម ពាក់ព័ន្ធក្រុមហ៊ុន​/គម្រោងអភិវឌ្ឍដីឡូត៍ដែលប្រកបអាជីវកម្ម​​គ្មានអាជ្ញាបណ្ណពី​និយ័តករអាជីវកម្មអចលនវត្ថុ និងបញ្ចាំ ចៀសវាង​​នាំ​ឲ្យ​ខាត​បង់​ផលប្រយោជន៍ណាមួយជាយថាហេតុ ដូចជាពុំអាចធ្វើការផ្ទេរកម្មសិទ្ធិជាដើម។

តាមសេចក្តីប្រកាស​​របស់​និយ័តករអាជីវកម្មអចលនវត្ថុ និងបញ្ចាំ ក៏​បានបង្ហាញ​​ឈ្មោះ​ក្រុមហ៊ុនចំនួន​ ០៧ ដែលជាប់ពាក់ព័ន្ធ​អភិវឌ្ឍ​ន៍គម្រោង​​​ដីឡូ​ត៍គ្មានអាជ្ញាបណ្ណចំនួនមានឈ្មោះដូចជា ៖

១. ក្រុមហ៊ុន ដែនដី អង្គរ អិមផាយអឺ ឯ.ក គម្រោង ដែនដី អាណាចក្រអង្គរ មានទីតាំងស្ថិតនៅភូមិព្រៃគុម្ព ឃុំព្រៃឃ្មុំ ស្រុកទឹកឈូ ខេត្ដកំពត។
២. ក្រុមហ៊ុន ខេភី រៀល អ៊ីស្ទេត ឯ.ក គម្រោង ដីឡូត៍ ម៉ន ដានី មានទីតាំងស្ថិតនៅភូមិច្បារអំពៅ ឃុំព្រៃថ្នង ស្រុកទឹកឈូ ខេត្ដកំពត។
៣. ក្រុមហ៊ុន កំពត អេមផាយ ផាក ឌីវេឡុបម៉ិន ឯ.ក គម្រោង កំពតវីវើផាក មានទីតាំងស្ថិតនៅភូមិអន្លង់គគី ឃុំកណ្ដាល ស្រុកទឹកឈូ ខេត្ដកំពត។
៤. ក្រុមហ៊ុន កំពត ហ្រ្គីនលែន ប្រផឹធី ឯ.ក គម្រោង ចម្ការលំហែកាយ មានទីតាំងស្ថិតនៅភូមិដំណាក់អំពិល ឃុំល្អាង ស្រុកដងទុង ខេត្ដកំពត។
៥. ក្រុមហ៊ុន ដង្ខៅ អ៊ិនវេសម៉ិន ឯ.ក គម្រោង ដង្ខៅអចលនទ្រព្យក្រុងកំពង់ឆ្នាំង មានទីតាំងស្ថិតនៅភូមិប្រស្និប ឃុំប្រស្និប ស្រុករលាប្អៀរ ខេត្ដកំពង់ឆ្នាំង។
៦. ក្រុមហ៊ុន ដាប់ប៊ល ណាញ ឯ.ក គម្រោងមរតកទំព័រមាស មានទីតាំងស្ថិតនៅភូមិហហោងខ្វាវ ឃុំទំព័រមាស ស្រុកសំរោងទង ខេត្ដកំពង់ស្ពឺ។
៧. ក្រុមហ៊ុន វិចិត្រ ដារ៉ា អេនធើប្រាយ ឯ.ក គម្រោង បុរី រីស៊ត មណ្ឌលគិរី មានទីតាំងស្ថិតនៅភូមិពូត្រែង ឃុំដាក់ដាំ ស្រុកអូរាំង ខេត្ដមណ្ឌលគិរី៕

The post ក្រុមហ៊ុនអភិវឌ្ឍ​ដីឡូត៍ចំនួន ៧ គ្មានអាជ្ញាប័ណ្ណ អាជ្ញាធរប្រកាស​ឲ្យ​ប្រុងប្រយ័ត្ន appeared first on Kampuchea Thmey Daily.

ក្រុមហ៊ុន ម៉ន ដានី រៀល អ៉ីស្ទេត ឯ.ក នឹងបើកដំណើរការអាជីវកម្មគម្រោងបុរីទី២៩ឡើងវិញ នៅដើមខែធ្នូ។​ នេះបើតាមសេចក្ដីប្រកាសព័ត៌មានរបស់និយ័តករអាជីវកម្មអចលនវត្ថុ និងបញ្ចាំ(អ.ន.ប) នៅថ្ងៃទី៣០ខែតុលាឆ្នាំ២០២៣នេះ។

និយ័តករអាជីវកម្មអចលវត្ថុ និង​បញ្ចាំ(ន.អ.ប) បានចេញសេចក្ដីប្រកាសព័ត៌មានបែបនេះ នៅក្រោយពេលដែលក្រុមការងារសម្របសម្រួល និងដោះស្រាយវិវាទ(ន.អ.ប និងក្រសួងយុត្តិធម៌) បានជួបប្រជុំជាមួយក្រុមហ៊ុន ម៉ន ដានី រៀល អ៉ីស្ទេត ឯ.ក។

នៅចំពោះមុខ ន.អ.ប និងក្រសួងយុត្តិធម៌ ម្ចាស់ក្រុមហ៊ុន ម៉ន ដានី រៀល អ៊ីស្ទេត ឯ.ក បានអះអាងថា ក្រុមហ៊ុន​នឹងដំណើរការអាជីវកម្មគម្រោងបុរទីទី២៩ ឡើងវិញ នៅថ្ងៃទី០១ ខែធ្នូ ឆ្នាំ២០២៣ឡើងវិញ ដោយសារបច្ចុប្បន្នកំពុងរៀបចំនីតិវិធីលម្អិត និងពិភាក្សាជាមួយដៃគូរសហប្រតិបត្តិការ សហគ្រាសភូមិដ្ឋានសន្តិភាព។

បើតាមសេចក្ដីប្រកាសព័ត៌មានដដែល ន.អ.ប បានបញ្ជាក់ថា ន.អ.ប នឹងជូនដំណឹងជាផ្លូវការអំពីនីតិវិធីនៃការបង់ប្រាក់ និងដំណើរការផ្សេងៗ នៅពេលដែលគម្រោងទី២៩នេះ ដំណើរការឡើងវិញ។

នៅជុំវិញបញ្ហានេះ អ្នកស្រី ម៉ន ដានី ដែលជាម្ចាស់ក្រុមហ៊ុន​បានសរសេរអះអាងនៅលើគណនីហ្វេសប៊ុកខ្លួនថា ក្រុមហ៊ុនកំពុងសហការ​ ជាមួយ​ ន.អ.ប​ ក្រសួងយុត្តិធម៌ព្រមទាំងតុលាការ​ និងអង្គភាពជំនាញសុរិយោដី​ សហការជាមួយនឹងលំនៅឋានភូមិដ្ឋានសន្តិភាព ​ ដេីម្បីដោះស្រាយការកាត់​ និងប្រគល់ប្លង់ជូនអតិថិជនដែលបានបង់ប្រាក់១០០ភាគរយជាមួយក្រុមហ៊ុន​ នាពេលឆាប់ៗនេះ។

តាមរយៈសំណេរនៅលើហ្វេសប៊ុកដដែល អ្នកស្រីក៏បាន ទទូចឱ្យអតិថិជនរបស់ខ្លួនយោគយល់​ និងបានប្ដេជ្ញារកគ្រប់មធ្យោបាយ ដោះស្រាយជូនអតិថិជនឱ្យទទួលបានជោគជ័យ  ទទួលបានផលប្រយោជន៍ និងបានទ្រព្យទៅកាន់ក្នុងដៃ។ ជាចុងក្រោយ អ្នកស្រីម៉ន ដានី បានអរគុណចំពោះ​ ក្រសួងយុត្តិធម៌​ និយ័តករអាជីវកម្មអចលនទ្រព្យ​ ស្ថាប័នពាក់ព័ន្ធ​​ ដែលបានជួយសម្របសម្រួលយ៉ាងយកចិត្តទុកដាក់​៕

The post និយ័តករអាជីវកម្មអចលនវត្ថុ និងបញ្ចាំ៖ គម្រោងបុរីម៉ន ដានី ទី២៩ នឹងបើកដំណើរការឡើងវិញ នៅដើមខែធ្នូ appeared first on Kampuchea Thmey Daily.

ជាមួយគ្នានេះ លោកស្រី ម៉ន ដានី ស្ថាបនិកបុរី KP Developer Land & House បានសម្ដែងការដឹងគុណដល់ប្រមុខរាជរដ្ឋាភិបាល និងស្ថាបណ្ណ័ពាក់ព័ន្ធដែលបានជួយដោះស្រាយបញ្ហានេះ។ លោកស្រីបន្ថែមថា ការទន្ទឹងរង់ចាំរបស់បងប្អូន ការជឿជាក់ ការប្រឈមមុខដោះស្រាយ ដោយសន្តិវិធី វាអាចយឺតបន្តិចតែលិទ្ធផលចុងក្រោយគឺ ឈ្នះ ឈ្នះ៕

The post និយ័តករអាជីវកម្មរចលនវត្ថុ និងបញ្ចាំ ប្រកាសឲ្យក្រុមហ៊ុន ម៉ន ដានី បើកដំណើរការឡើងវិញបន្ទាប់​ពីដោះស្រាយវិវាទជាមួយភាគីពាក់ព័ន្ធ appeared first on Kampuchea Thmey Daily.