លោក នុត សវនា អ្នកនាំពាក្យអគ្គនាយកដ្ឋានពន្ធនាគារនៃក្រសួងមហាផ្ទៃ បានមានប្រសាសន៍ប្រាប់ “កម្ពុជាថ្មី” ថា បើគិតពីស្ថានភាពសុខភាពទូទៅរបស់ទណ្ឌិតដែលបានឈឺជំងឺកូវីដ-១៩ អត់មានអ្នកមានបញ្ហាអ្វីទេ។ ជាក់ស្ដែងករណីខ្លះដូចជានៅ សៀមរាប គឺនៅសល់ទណ្ឌិតក្រោម១០នាក់ដែលកំពុងព្យាបាល ​ដោយការពិនិត្យចុងក្រោយ គឺត្រូវធ្វើតេស្ដផ្ទៀងផ្ទាត់តាមម៉ាស៊ីន CPR។

លោក នុត សវនា មានប្រសាសន៍បន្តថា៖ “ឥឡូវនេះ បើនិយាយពីចំនួនទណ្ឌិតឈឺជំងឺកូវីដ-១៩ គឺសឹងតែអស់ទៅហើយ។ ក្នុងចំណោម ជិត៤ម៉ឺននាក់ មានតែទណ្ឌិតជាង១០នាក់ មិនដល់២០នាក់ កំពុងព្យាបាលជំងឺកូវីដ។ អ្នកទាំងហ្នឹង បានព្យាបាលជាហូរហែ រង់ចាំតែលទ្ធផលតាមម៉ាស៊ីន​​​​ CPR ទេ ព្រោះតេស្តតាមឧបករណ៍តេស្តរហ័ស អត់ឃើញមានវិជ្ជមានទៀតទេ គ្រាន់តែតាមក្បួនដើម្បីឱ្យប្រាកដ ចុងក្រោយអ្នកជំងឺត្រូវធ្វើតេស្តតាមម៉ាស៊ីនធំ CPR។

អ្នកនាំពាក្យអគ្គនាយកដ្ឋានពន្ធនាគារនៃក្រសួងមហាផ្ទៃ ខាងលើនេះ បញ្ជាក់ទៀតថា ករណីទណ្ឌិតឈឺជំងឺកូវីដ-១៩ គឺមានតែអ្នកទើបចូលមកថ្មី ចំណែកអ្នកចាស់បានទទួលវ៉ាក់សាំង ហើយអ្នកធ្លាប់កើតហើយ ក៏លែងអីទៅ។

លោក នុត សវនា មានប្រសាសន៍បន្តថា៖ “ឥឡូវយើងមានការយល់ដឹង និងប្រុងប្រយ័ត្នរឿងបង្ការជំងឺកូវីដ-១៩នេះ គឺកម្រមានការផ្ទុះជំងឺកូវីដ-១៩ ក្នុងពន្ធនាគារទៀតណាស់ បើមាន គឺមានតែអ្នកចូលថ្មី ហើយមន្ត្រីពន្ធនាគារធ្វើចត្តាឡីស័កទៅ ធ្វើតេស្តទៀត បើឃើញវិជ្ជមាន គឺព្យាបាល”។

លោក នុត សវនា លើកឡើងថា លទ្ធផលជោគជ័យមិនមានការផ្ទុះជំងឺកូវីដក្នុងពន្ធនាគារនៅទូទាំងប្រទេសជាបន្តទៀតនេះ ដោយសារការយកចិត្តទុកដាក់របស់មន្ត្រីពន្ធនាគារក្នុងការបង្ការ និងទប់ស្កាត់ការរាលដាលជំងឺកូវីដ-១៩។

លោក បញ្ជាក់ថា៖ “មន្ត្រីយើង និយាយទៅគាត់ធ្វើការនឿយហត់ ស៊ូអត់ទៅផ្ទះ នៅតែក្នុងបន្ទាយ អ៊ីចឹងប៉ុន្មានខែជិត១ឆ្នាំហ្នឹង គ្នាអត់បានទៅផ្ទះទេ។ អ្នកខ្លះទៅផ្ទុះបុណ្យចូលឆ្នាំបុណ្យភ្ជុំអីហ្នឹង គឺដាក់វេនគ្នាទៅទេ។ ទៅហើយ ពេលមកវិញត្រូវធ្វើតេស្តរហ័សហើយ ធ្វើចត្តាឡីស័កទៀត នៅក្នុងបន្ទាយហ្នឹង”។

គួរបញ្ជាក់ថា បន្ទាប់ពីមានផ្ទុះព្រឹត្តិការណ៍ឆ្លងជំងឺកូវីដ-១៩ចូលសហគមន៍ ២០កុម្ភៈ ឆ្នាំ២០២១នេះ នៅតាមពន្ធនាគារក៏ទទួលរងឥទ្ធិពលនៃការឆ្លងរាលដាលនោះ។ ដោយកាលនៅដើមខែមិថុនា កន្លងទៅនេះ ពន្ធនាគារដែលផ្ទុះការឆ្លងខ្លាំងមានដូចជា  មណ្ឌលអប់រំកែប្រែទី១ “ម១” មណ្ឌលអប់រំកែប្រែទី២ “ម២” ពន្ធនាគារភ្នំពេញ “PJ” ពន្ធនាគារខេត្តកណ្ដាល និងពន្ធនាគារខេត្តព្រះសីហនុ និងរហូតទៅដល់ពន្ធនាគារនៅតាមបណ្ដាខេត្តមួយចំនួនទៀត រហូតមន្ត្រីពាក់ព័ន្ធ និងរដ្ឋាភិបាលបានចាត់វិធានការទប់ស្កាត់បន្ទាន់យ៉ាងម៉ឺងម៉ាត់៕

អត្ថបទ៖ ច័ន្ទ វីរៈ

The post ​ក្នុងចំណោមទណ្ឌិតជិត៤ម៉ឺននាក់ តើមានប៉ុន្មាននាក់កំពុងឈឺជំងឺកូវីដ-១៩? appeared first on Kampuchea Thmey Daily.

លោក នុត សវនា មានប្រសាសន៍បញ្ជាក់ថា៖ “មួយរយៈមុនមាន [ផ្ទុះឆ្លងជំងឺកូវីដ-១៩ក្នុងពន្ធនាគារ] ខ្លះ តែឥឡូវស្ថានភាពហ្នឹងមិនអ៊ីចឹងទេ។ ទោះបីនៅខាងក្រៅ [ពន្ធនាគារ] កំពុងរាលដាលឆ្លងខ្លាំង តែយើងយកចិត្តទុកដាក់ខ្ពស់ខ្លាំង ហើយប្រយ័ត្នថែមទៀត ជាពិសេសការបិទខ្ទប់តាមពន្ធនាគារ សូម្បីមន្ត្រី [ពន្ធនាគារ] ក៏មិនឱ្យដើរចេញចូលពន្ធនាគារដូចមុន ហើយចំពោះអ្នកជាប់ឃុំចូលពីក្រៅក៏យើងប្រយ័ត្ន ពិសេសអ្នកចូលមកថ្មី គឺយើងប្រយ័ត្នខ្លាំង”។

ថ្វីដ្បិតមិនអាចបង្ហាញពីតួលេខបាន ប៉ុន្តែ មន្ត្រីអ្នកនាំពាក្យអគ្គនាយកដ្ឋានពន្ធនាគារខាងលើ បានបញ្ជាក់ជារួមថា អ្នកជំងឺកូវីដ-១៩ ក្នុងពន្ធនាគារបានជាសះស្បើយច្រើន ចំណែកអ្នកកំពុងព្យាបាលមានចំនួនតិចតួច ដោយពួកគាត់មិនមានអាការៈធ្ងន់ធ្ងរនោះទេ។

លោក នុត សវនា មានប្រសាសន៍ថា “ការពិតទៅ យើងបារម្ភខ្លាំងពីដំបូង ដោយសារយើងអត់ដែលជួបប្រទះបញ្ហាហ្នឹងពីមុន។ ដល់តែយើងឆ្លងកាត់បទពិសោធន៍ [ការឆ្លងកូវីដ-១៩ក្នុងពន្ធនាគារ] ប៉ុន្មានកន្លែងហ្នឹងទៅឃើញថា របៀបព្យាបាលក៏យើងបានបទពិសោធន៍ជាក់ស្ដែង បានយល់ដឹងច្រើន ចឹង(អ៊ីចឹង) យើងអនុវត្តតាមអ្វីដែលយើងធ្វើកន្លងមកទៅ ឃើញថាអត់មានបញ្ហាអីដែរ។ តែយើងទប់ស្កាត់ផង យើងព្យាបាលផង គឺអត់មានបញ្ហាអីទេ ខ្ញុំមើលទៅ។”

ទាក់ទងទៅការស្លាប់របស់អ្នកជំងឺកូវីដ-១៩ក្នុងពន្ធនាគារ លោក នុត សវនា បានបង្ហាញថា ករណីនេះក៏មានកើតឡើងដូចស្ថានភាពខាងក្រៅដែរ ប៉ុន្តែអត្រាអ្នកស្លាប់នោះគឺមានចំនួនតិចតួច។

លោកមានប្រសាសន៍ថា៖ “ខ្ញុំសូមជម្រាបជាភាគរយ គឺប្រហែលជា ០.២៥ភាគរយ បានន័យថា ករណីស្លាប់ដោយសារជំងឺកូវីដ-១៩ក្នុងពន្ធនាគារអត់ដល់ ១ភាគរយទេ គឺតិចជាងខាងក្រៅ។”

គួរបញ្ជាក់ថា បន្ទាប់ពីមានផ្ទុះព្រឹត្តិការណ៍ឆ្លងជំងឺកូវីដ-១៩ចូលសហគមន៍ ២០កុម្ភៈ ឆ្នាំ២០២១នេះ នៅតាមពន្ធនាគារក៏ទទួលរងឥទ្ធិពលនៃការឆ្លងរាលដាលនោះ។ ដោយកាលនៅដើមខែមិថុនា ឆ្នាំ២០២១នេះ ពន្ធនាគារដែលផ្ទុះការឆ្លងខ្លាំងមានដូចជា  មណ្ឌលអប់រំកែប្រែទី១ “ម១” មណ្ឌលអប់រំកែប្រែទី២ “ម២” ពន្ធនាគារភ្នំពេញ “PJ” ពន្ធនាគារខេត្តកណ្ដាល និងពន្ធនាគារខេត្តព្រះសីហនុ និងរហូតទៅដល់ពន្ធនាគារនៅតាមបណ្ដាខេត្តមួយចំនួនទៀត រហូតមន្ត្រីពាក់ព័ន្ធ និងរដ្ឋាភិបាលបានចាត់វិធានការទប់ស្កាត់បន្ទាន់យ៉ាងម៉ឺងម៉ាត់៕

អត្ថបទ៖ ច័ន្ទ វីរៈ

The post ស្ថានភាពជំងឺកូវីដ-១៩ នៅពន្ធនាគារមិនដូចការបារម្ភដំបូង ករណីស្លាប់មានតិចតួច appeared first on Kampuchea Thmey Daily.

លោក នុត សវនា មានប្រសាសន៍បន្តថា ចំនួនអ្នកឆ្លងកូវីដ-១៩ខ្ទង់ ១០-២០% នៃជនជាប់ឃុំ មាននៅ មណ្ឌលអប់រំកែប្រែទី១ “ម១” ពន្ធនាគារភ្នំពេញ “PJ” ពន្ធនាគារខេត្តកណ្តាល ពន្ធនាគារខេត្តកំពង់ស្ពឺ និងពន្ធាគារខេត្តព្រះសីហនុ។

អ្នកនាំពាក្យអគ្គនាយកដ្ឋានពន្ធនាគាររូបនេះ បញ្ជាក់បន្ថែមថា ដោយឡែកពន្ធាគារខេត្តបន្ទាយមានជ័យ ស្វាយរៀង និងពន្ធនាគារខេត្តប៉ៃលិន ត្រូវបានមន្ត្រីពន្ធនាគាររកឃើញអ្នកចាប់ចូលថ្មីមានផ្ទុកមេរោគកូវីដ-១៩ តែពួកគេស្ថិតក្នុងតំណាក់កាលធ្វើចត្តាឡីស័កមុនពេលបញ្ជូនទៅពន្ធនាគារ និងបានបញ្ជូនពួកគេទៅព្យាបាលនៅពេទ្យខាងក្រៅបានជាសះស្បើយអស់ហើយ។

លោក នុត សវនា លើកឡើងថា ការឆ្លងជំងឺកូវីដ-១៩ នៅពន្ធនាគារបច្ចុប្បន្នមានស្ថានភាពពេលនេះមានលំនឹងល្អ ស្ថេរភាព ធានាបានសណ្តាប់ធ្នាប់ សន្តិសុខ និងសុវត្ថិភាព ដោយចំពោះពន្ធនាគារដែលមានអ្នកឆ្លងជំងឺកូវីដ-១៩ គឺត្រូវបានបិទខ្ទប់ទាំងជនជាប់ឃុំ ទាំងមន្ត្រីមិនអនុញ្ញាតចេញក្រៅនោះទេ។

គួរបញ្ជាក់ថា ទន្ទឹមនឹងការព្យាបាលជំងឺកូវីដ១៩ក្នុងពន្ធនាគារ គិតត្រឹមដើមសប្ដាហ៍នេះ មានជនជាប់ឃុំជាង១១,០០០នាក់ហើយបានទទួលចាក់វ៉ាក់សាំងកូវីដ-១៩ ដូសទី២។ ក្រុមទណ្ឌិតដែលទទួលបានចាក់វ៉ាក់សាំងរួចមានដូចជានៅ មណ្ឌលអប់រំកែប្រែទី១ “ម១” មណ្ឌលអប់រំកែប្រែទី២ “ម២” ពន្ធនាគារភ្នំពេញ “PJ” និងពន្ធនាគារខេត្តព្រះសីហនុ។ ជាមួយគ្នានេះ អគ្គនាយកដ្ឋានពន្ធនាគារនៃក្រសួងមហាផ្ទៃ ត្រៀមចាក់វ៉ាក់សាំងប្រភេទ Covishield (AstraZeneca) ជូនអ្នកកំពុងជាប់ឃុំ ជាង ៦៧០០នាក់ទៀត ក្នុងអំឡុងខែមិថុនានេះ សម្រាប់ចាក់ពន្ធនាគារដែលកំពុងមានហានិភ័យខ្ពស់នៃការឆ្លងជំងឺកូវីដ-១៩៕

អត្ថបទ៖ ច័ន្ទ វីរៈ

The post អ្នកនាំពាក្យអគ្គនាយកដ្ឋានពន្ធនាគារ៖ ចំនួនអ្នកជាសះស្បើយពីកូវីដ ជិត ១០០% ហើយ appeared first on Kampuchea Thmey Daily.