Connect with us

កូវីដ-១៩

អ្នកនាំពាក្យអគ្គនាយកដ្ឋានពន្ធនាគារ៖ ចំនួនអ្នកជាសះស្បើយពីកូវីដ ជិត ១០០% ហើយ

បានផុស

នៅ

លោក នុត សវនា អ្នកនាំពាក្យអគ្គនាយកដ្ឋានពន្ធនាគារនៃក្រសួងមហាផ្ទៃ បានមានប្រសាសន៍ប្រាប់ កម្ពុជាថ្មី ថា មកដល់ពេលនេះទណ្ឌិត ឬជនជាប់ឃុំដែលបានឆ្លងជំងឺកូវីដ-១៩ បានជាសះស្បើយជិត ១០០% ហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក នុត សវនា មានប្រសាសន៍បន្តថា ចំនួនអ្នកឆ្លងកូវីដ-១៩ខ្ទង់ ១០-២០% នៃជនជាប់ឃុំ មាននៅ មណ្ឌលអប់រំកែប្រែទី១ “ម១” ពន្ធនាគារភ្នំពេញ “PJ” ពន្ធនាគារខេត្តកណ្តាល ពន្ធនាគារខេត្តកំពង់ស្ពឺ និងពន្ធាគារខេត្តព្រះសីហនុ។

អ្នកនាំពាក្យអគ្គនាយកដ្ឋានពន្ធនាគាររូបនេះ បញ្ជាក់បន្ថែមថា ដោយឡែកពន្ធាគារខេត្តបន្ទាយមានជ័យ ស្វាយរៀង និងពន្ធនាគារខេត្តប៉ៃលិន ត្រូវបានមន្ត្រីពន្ធនាគាររកឃើញអ្នកចាប់ចូលថ្មីមានផ្ទុកមេរោគកូវីដ-១៩ តែពួកគេស្ថិតក្នុងតំណាក់កាលធ្វើចត្តាឡីស័កមុនពេលបញ្ជូនទៅពន្ធនាគារ និងបានបញ្ជូនពួកគេទៅព្យាបាលនៅពេទ្យខាងក្រៅបានជាសះស្បើយអស់ហើយ។

លោក នុត សវនា លើកឡើងថា ការឆ្លងជំងឺកូវីដ-១៩ នៅពន្ធនាគារបច្ចុប្បន្នមានស្ថានភាពពេលនេះមានលំនឹងល្អ ស្ថេរភាព ធានាបានសណ្តាប់ធ្នាប់ សន្តិសុខ និងសុវត្ថិភាព ដោយចំពោះពន្ធនាគារដែលមានអ្នកឆ្លងជំងឺកូវីដ-១៩ គឺត្រូវបានបិទខ្ទប់ទាំងជនជាប់ឃុំ ទាំងមន្ត្រីមិនអនុញ្ញាតចេញក្រៅនោះទេ។

គួរបញ្ជាក់ថា ទន្ទឹមនឹងការព្យាបាលជំងឺកូវីដ១៩ក្នុងពន្ធនាគារ គិតត្រឹមដើមសប្ដាហ៍នេះ មានជនជាប់ឃុំជាង១១,០០០នាក់ហើយបានទទួលចាក់វ៉ាក់សាំងកូវីដ-១៩ ដូសទី២។ ក្រុមទណ្ឌិតដែលទទួលបានចាក់វ៉ាក់សាំងរួចមានដូចជានៅ មណ្ឌលអប់រំកែប្រែទី១ “ម១” មណ្ឌលអប់រំកែប្រែទី២ “ម២” ពន្ធនាគារភ្នំពេញ “PJ” និងពន្ធនាគារខេត្តព្រះសីហនុ។ ជាមួយគ្នានេះ អគ្គនាយកដ្ឋានពន្ធនាគារនៃក្រសួងមហាផ្ទៃ ត្រៀមចាក់វ៉ាក់សាំងប្រភេទ Covishield (AstraZeneca) ជូនអ្នកកំពុងជាប់ឃុំ ជាង ៦៧០០នាក់ទៀត ក្នុងអំឡុងខែមិថុនានេះ សម្រាប់ចាក់ពន្ធនាគារដែលកំពុងមានហានិភ័យខ្ពស់នៃការឆ្លងជំងឺកូវីដ-១៩៕

អត្ថបទ៖ ច័ន្ទ វីរៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣ ម៉ោង មុន

ពលរដ្ឋ​មក​ទទួល​វ៉ាក់សាំង​ដូ​ស​ជំរុញ​ក្នុង​ខេត្តកោះកុង មិនទាន់​សម្រេច​ដល់​គោលដៅ​ចង់បាន​

ព័ត៌មានជាតិ៣ ម៉ោង មុន

ត្រីភាគី​ដាក់​តួលេខ​ប្រាក់​ឈ្នួល​ចុងក្រោយ​ជូន​ក្រុមប្រឹក្សា​ជាតិ​ប្រាក់​ឈ្នួល​សម្រេច​នៅ​ថ្ងៃទី​២១​កញ្ញា​ខាងមុខ

វប្បធម៌ ជំនឿ៤ ម៉ោង មុន

ពណ៌ផ្ទះហុងស៊ុយ​ ស្របតាមទិសទាំង ៨ ជួយទាក់ទាញសំណាងទ្វេដង

ព័ត៌មានជាតិ៤ ម៉ោង មុន

សពលោក ប៊ូ ឡាំ អតីត​អ្នកតំណាងរាស្ត្រ​ខេត្ត​រតនគិរី​ បាន​ដឹក​ពី​ប្រទេសវៀតណាមមកដល់កម្ពុជាហើយ ដើម្បី​រៀប​ចំ​ធ្វើ​បុណ្យ​តាម​ប្រពៃណី

ព័ត៌មានជាតិ៤ ម៉ោង មុន

រដ្ឋមន្ត្រី​ក្រសួងសាធារណការ​ ត្រៀម​ប្រើម៉ាស៊ីនទំនើប​ ដែល​អាច​ជំនួសមនុស្ស​ ក្នុងការចូលលូ​ លើកដំបូង​ក្នុង​ប្រទេស​កម្ពុជា

Sokha Hotels

ព័ត៌មានពេញនិយម