ជនសង្ស័យទាំងពីរនាក់ឈ្មោះ ញ៉ន រ៉ា ភេទប្រុស អាយុ២១ឆ្នាំ ជនជាតិព្នង និងឈ្មោះ ផល ហ៊ុន ភេទប្រុស អាយុ២០ឆ្នាំ ជនជាតិព្នង រស់នៅភូមិពូក្រូច ឃុំស្រែអំពូម ស្រុកពេជ្រាដា ខេត្តមណ្ឌលគិរី។ បច្ចុប្បន្ន វត្ថុតាង និងជនសង្ស័យ ត្រូវបានមន្ត្រីជំនាញកសាងសំណុំរឿងបញ្ជូនទៅតុលាការ ដើម្បីអនុវត្តតាមនីតិវិធីច្បាប់។

ក្នុងប្រតិបត្តិការបង្ក្រាបលើកទី១ កាលពីថ្ងៃទី១១ ខែឧសភា ឆ្នាំ២០២៦ ដោយក្រុមល្បាតចល័តរបស់មន្ទីរបរិស្ថានចំនួន៥នាក់ បានចុះទប់ស្កាត់ និងបង្ក្រាបបទល្មើសធនធានធម្មជាតិ ខណៈក្រុមជនល្មើសកំពុងធ្វើសកម្មភាពដឹកជញ្ជូនឈើជន្លុងម្រេច ដោយប្រើរថយន្តកែច្នៃភ្លៅ៣ (អូរ៉ាល់) គ្មានផ្លាកលេខ ចំនួន១គ្រឿង ដឹកឈើលេខ១ ប្រភេទផ្ចឹក ជន្លុងម្រេច ចំនួន១៥០ដើម។

ដោយឡែក ក្នុងប្រតិបត្តិការលើទី២ នៅព្រឹកថ្ងៃទី១៤ ខែឧសភា ឆ្នាំ២០២៦ លោកប្រធានមន្ទីរបរិស្ថាន បានដឹកនាំមន្ត្រីឧទ្យានុរក្ស ចុះបង្ក្រាបបទល្មើសធនធានធម្មជាតិ ដោយប្រទះឃើញទីតាំងស្តុកឈើខុសច្បាប់មួយកន្លែង ដែលជនមិនស្គាល់អត្តសញ្ញាណបានលាក់ទុកឈើ ចំនួន២៦កំណាត់ ស្ថិតក្នុងភូមិឡៅកា សង្កាត់សុខដុម ក្រុងសែនមនោរម្យ។

បើតាមប្រធានមន្ទីរ កម្លាំងជំនាញគ្រប់ដែនជម្រកទាំងអស់ ត្រូវបានដាក់ផែនការល្បាតជាប្រចាំ និងបន្តស្រាវជ្រាវវែកមុខអ្នកពាក់ព័ន្ធបន្ថែម ដើម្បីអនុវត្តច្បាប់ឱ្យបានម៉ឺងម៉ាត់ ដោយគ្មានការលើកលែង។

ឆ្លៀតក្នុងឱកាសនោះ លោក ហាស់ វិបុល អំពាវនាវដល់ប្រជាពលរដ្ឋទាំងអស់ សូមបញ្ឈប់សកម្មភាពកាប់បំផ្លាញព្រៃឈើ និងការទន្ទ្រានដីព្រៃដោយខុសច្បាប់។ លោកបានបញ្ជាក់ថា៖ «ព្រៃឈើ គឺជាដង្ហើម និងជាប្រភពជីវិតដ៏សំខាន់ មិនអាចខ្វះបានសម្រាប់មនុស្សជាតិ សត្វព្រៃ និងប្រព័ន្ធអេកូឡូស៊ីទាំងមូល»៕

អត្ថបទ៖ រៀម សុខហេង

The post សមត្ថកិច្ចខេត្តមណ្ឌលគិរី បញ្ជូនជនសង្ស័យ២នាក់ទៅតុលាការពាក់ជួញដូរឈើខុសច្បាប់ appeared first on Kampuchea Thmey Daily.

ប្រតិបត្តិការនេះ ធ្វើឡើងបន្ទាប់ពីមន្ត្រីជំនាញបានធ្វើការតាមប្រមាញ់ និងស៊ើបអង្កេតយ៉ាងយកចិត្តទុកដាក់ អំពីសកម្មភាពជួញដូរ និងដឹកជញ្ជូនបទល្មើសព្រៃឈើនៅក្នុងមូលដ្ឋាន។ កម្លាំងសមត្ថកិច្ចចម្រុះ ដឹកនាំដោយខណ្ឌរដ្ឋបាលព្រៃឈើមណ្ឌលគិរី និងមានការសម្របសម្រួលពីលោក ស៊ាវ ងីឈន់ ព្រះរាជអាជ្ញារងអមសាលាដំបូងខេត្តមណ្ឌលគិរី បានឡោមព័ទ្ធផ្ទះមួយកន្លែងរបស់ឈ្មោះ ប្រាក់ គា ភេទប្រុស អាយុ ៤១ ឆ្នាំ មានទីលំនៅភូមិដោះក្រមុំ សង្កាត់សុខដុម ក្រុងសែនមនោរម្យ ខេត្តមណ្ឌលគិរី ដែលសង្ស័យជាទីតាំងស្តុកឈើ និងដឹកជញ្ជូនឈើដោយខុសច្បាប់ ដោយគ្មានលិខិតអនុញ្ញាត។

ការចុះបង្រ្កាបនេះ បានធ្វើឡើងនៅថ្ងៃទី២៣ ខែមករា ឆ្នាំ២០២៦ នៅភូមិដោះក្រមុំ សង្កាត់សុខដុម ក្រុងសែនមនោរម្យ ដោយក្នុងប្រតិបត្តិការបង្រ្កាប សមត្ថកិច្ចបានរកឃើញឈើអាប្រភេទលេខ១ និងលេខ២ (ឈើសុក្រម និងឈើប្រភេទខ្វាវ) សរុបចំនួន ៥៥ ដុំ និងសន្លឹក ដែលមិនទាន់បានវាស់វែង ព្រមទាំងរថយន្តមួយគ្រឿង ប្រភេទ TACOMA ពណ៌ទឹកប្រាក់ ពាក់ស្លាកលេខ ភ្នំពេញ 2BE-9673 ដែលប្រើប្រាស់ជាមធ្យោបាយដឹកជញ្ជូនបទល្មើសព្រៃឈើ។

មន្ត្រីជំនាញបានបញ្ជាក់ថា ការប្រមូលផល និងសន្និធិផលអនុផលព្រៃឈើ ដោយគ្មានលិខិតអនុញ្ញាតពីរដ្ឋបាលព្រៃឈើ គឺជាអំពើល្មើសតាមច្បាប់ស្តីពីព្រៃឈើ។ ចំណែកជនសង្ស័យឈ្មោះ ប្រាក់ គា ត្រូវបានរាយការណ៍ថា បានបើករថយន្តម៉ាក LEXUS 470 ពណ៌ខ្មៅ រត់គេចខ្លួនបាត់មុនពេលសមត្ថកិច្ចទៅដល់។

បន្ទាប់មក ក្រុមការងារចម្រុះបានសម្រេចធ្វើការដកហូតវត្ថុតាងល្មើសទាំងអស់ នាំយកទៅរក្សាទុកជាបណ្ដោះអាសន្ន នៅស្នាក់ការខណ្ឌរដ្ឋបាលព្រៃឈើមណ្ឌលគិរី ដើម្បីបន្តអនុវត្តនីតិវិធីតាមច្បាប់ស្តីពីព្រៃឈើ៕

អត្ថបទ៖ រៀម សុខហេង

The post ទីតាំងស្តុកឈើខុសច្បាប់មួយកន្លែងនៅមណ្ឌលគិរី ត្រូវបានកម្លាំងសមត្ថកិច្ចចម្រុះឆ្មក់បង្រ្កាប appeared first on Kampuchea Thmey Daily.

លោកចិន ខន្តី អភិបាលស្រុកជាំក្សាន្ត បានឲ្យដឹងនៅព្រឹកថ្ងៃទី១៦ខែមករាឆ្នាំ២០២៦នេះថា ហេតុការណ៍បង្ក្រាបនេះធ្វើឡើងនៅថ្ងៃទី១១ ខែ មករា ឆ្នាំ ២០២៦វេលាម៉ោង ២១និង៣០នាទី ដែលដឹកនាំដោយ រដ្ឋបាលឃុំព្រីងធំ ប្រជាការពារ និងប៉ុស្តិ៍រដ្ឋបាលព្រីងធំ បានឃាត់រថយន្ត ម៉ាក ម៉ាស្តា ពណ៌ទឹកប្រាក់ ចំនួនមួយគ្រឿង ឆ្នាំផលិត 2017 ស្លាកលេខចង្កូតស្ដាំ 0DC :0051 អ្នកបើកបរឈ្មោះជិន កេន ភេទប្រុស អាយុ ៤៤ ឆ្នាំ មុខរបរយោធា បម្រើការងារនៅកងពលធំលេខ ៣។ ក្នុងនោះបានដកហូតវត្ថុតាងរួមមាន ឈើផ្ចឹក ប្រវែង២ម៉ែត្រ២តឹក ចំនួន១៨ ដុំ និងបានបញ្ជូនទៅមន្ត្រីជំនាញបរិស្ថានបន្តនីតិវិធី។បច្ចុប្បន្នវត្ថុតាងខាងលើត្រូវបានមន្ត្រីជំនាញយកទៅរក្សាទុកនៅថ្នាក់ការបរិស្ថាន (តាកឹង)ដើម្បីរៀបចំសំណុំរឿងចាត់ការទៅតាមផ្លូវច្បាប់។

សូមជម្រាបផងដែរថា ការកាប់ទន្ទ្រានឈើនៅតំបន់ជិតព្រំដែនកម្ពុជា.ថៃ គឺត្រូវបានអាជ្ញាធរក៏ដូចជាមន្ត្រីជំនាញធ្វើការហាមឃាត់តាំងពីយូរយារណាស់បង្ហើយ។ ប៉ុន្តែក៏មានជនឆ្លៀតឱកាសមួយចំនួនបានលួចចូលទៅ កាប់បំផ្លាញពីឈើទាំងនោះយកទៅជួញដូរដោយខុសច្បាប់។

ទោះជាយ៉ាងនេះក្តី គេនៅមិនទាន់ដឹងថាកម្លាំងជំនាញបរិស្ថានខេត្តព្រះវិហារ មានចំណាត់ការទៅលើរថយន្តទឹកឈើខាងលើនោះដល់កម្រិតណានៅឡើយទេ។ដោយសារទាក់ទងសួរព័ត៌មាននៅមិនទាន់បានប្រភពច្បាស់ការ៕ ដោយ៖ជុន កុសល

The post សមត្ថកិច្ចស្រុកជាំក្សាន្ត បង្ក្រាបរថយន្តដឹកឈើល្មើសច្បាប់មួយគ្រឿង នៅជិតព្រំដែនកម្ពុជា.ថៃ appeared first on Kampuchea Thmey Daily.

ប្រតិបត្តិការបង្ក្រាបនេះ ធ្វើឡើងកាលពីយប់ថ្ងៃទី២០ ខែមិថុនា ឆ្នាំ២០២៥ ស្ថិតនៅចំណុចអូរពេស ភូមិបុស្សធំ ឃុំប្រមេរុ៍ ស្រុកត្បែងមានជ័យ ខេត្តព្រះវិហារ។

ប្រភពព័ត៌មានបានឱ្យដឹងថា ម្ចាស់រថយន្តខាងលើមាន ឈ្មោះសាន និងឈ្មោះវ៉ាន់ស៊ី ជាម្ចាស់ឈើ ដែលជាឈ្មួញដុះស្លែប្រចាំខេត្តព្រះវិហារ បានដឹកឈើចេញពីតំបន់ព្រៃព្រះរកា យកមកត្រាំទឹកនៅចំណុចខាងលើ រួចដឹកចែកចាយតាមបណ្ដាខេត្តផ្សេងៗ។ ក្រោយពីសមត្ថកិច្ចបង្ក្រាបបានឈ្មួញឈើខាងលើមិនសហការជាមួយសមត្ថកិច្ចជំនាញ ទើបបច្ចុប្បន្នកម្លាំងជំនាញបានបញ្ជូនទៅតុលាការដើម្បីមានវិធានការនៅតាមផ្លូវច្បាប់។

មន្ត្រីរដ្ឋបាលព្រៃឈើខេត្តព្រះវិហារ បានឱ្យដឹងនៅព្រឹកថ្ងៃទី២៣ ខែមិថុនា ឆ្នាំ២០២៥នេះថា ប្រតិបត្តិការនេះដឹកនាំដោយលោក នួន សុខុម នាយខណ្ឌរដ្ឋបាលព្រៃឈើខេត្តព្រះវិហារ ដោយមានការសម្របសម្រួលនីតិវិធី ដោយ លោកស្រេង វុទ្ធា ព្រះរាជអាជ្ញារងអមសាលាដំបូងខេត្តព្រះវិហារ បានចាប់ឃាត់រថយន្ត ម៉ាក HUYNDAI ពណ៌ស ពាក់ស្លាកលេខ ភ្នំពេញ 3A-3891 ផ្ទុកឈើអារ សរុប ចំនួន ៤០៦ ស្លឹក /ដុំ ស្មើនឹង ១៧,៦០៤ ម៉ែត្រត្រីគុណ ក្នុងនោះ ឈើអារលេខ១ ( ផ្ចឹក កកោះ )ចំនួន ៣៥ ដុំ ស្មើនឹង ៣,០៦០ ម៉ែត្រត្រីគុណ និង ឈើអារលេខ២ (ឈើទាល) ចំនួន ៣៧១ សន្លឹក ស្មើនឹង ១៤,៥៤៤ ម៉ែត្រត្រីគុណ ដែល មានម្ចាស់រថយន្តឈ្មោះ កេន សាន ភេទ ប្រុស អាយុ ៤៣ឆ្នាំ និង បក្សពួក ៣នាក់ទៀត  មានឈ្មោះ សន ស្រីលីន ភេទស្រី ,ឈ្មោះ វន ដាវិន ភេទប្រុស និង ឈ្មោះ ងឹម សារ៉ាត់។ចំណែកក្រុមឈ្មួញឈើទាំង៤នាក់(ប្រុស៣នាក់,ស្រីម្នាក់)ត្រូវបានសមត្ថកិច្ចបញ្ជូនទៅតុលាការដើម្បីមានវិធានការទៅតាមផ្លូវច្បាប់៕

ដោយ ៖ ជុន កុសល

The post UPDATE ៖ សមត្ថកិច្ចបង្ក្រាបរថយន្តយីឌុបដឹកឈើមួយគ្រឿងនិងឃាត់ខ្លួនមនុស្ស៤នាក់ appeared first on Kampuchea Thmey Daily.

ការក្រើនរំឭកនេះ ធ្វើឡើងនាឱកាសលោក សោម ស៊ុន បានដឹកនាំសហការី​ ទៅសំណេះសំណាលសាកសួរសុខទុក្ខ ណែនាំការងារ និងប្រគល់ភារកិច្ច ព្រមទាំងនាំយកស្បៀងអាហារគ្រឿងឧបភោគបរិភោគ ប្រេងឥន្ធនៈ ដែលជាអំណោយរបស់សម្ដេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ជូនកងកម្លាំងចម្រុះប្រចាំការ​ ការពារទប់ស្កាត់និងបង្ក្រាបបទល្មើសធនធានធម្មជាតិ នៅក្នុងដែនជម្រកសត្វព្រៃបឹងពែរ។ ពិធីនេះប្រព្រឹត្តទៅនៅតំបន់ភ្នំប្រង់ ឃុំសាគ្រាម ស្រុកប្រាសាទបល្ល័ង្ល ខេត្តកំពង់ធំ នៅថ្ងៃទី ២២ ខែមិថុនា ឆ្នាំ ២០២៥។

លោក សោម ស៊ុន បានថ្លែងនូវការកោតសរសើរចំពោះទីបញ្ជាការស្រាលទាំងពីរ ដែលប្រចាំការការពារទប់ស្កាត់និងបង្ក្រាបបទល្មើសធនធានធម្មជាតិនៅក្នុងតំបន់ភ្នំប្រង់ និងតំបន់ជាំក្របី ក្នុងដែនជម្រកសត្វព្រៃបឹងពែរ ដែលបានខិតខំប្រឹងប្រែងបំពេញភារកិច្ចប្រកបដោយស្មារតីទទួលខុសត្រូវខ្ពស់ ក្នុងការការពារទប់ស្កាត់ មិនឱ្យមានកើតឡើងជាថ្មីនូវបទល្មើសកាប់ទន្ទ្រានដីព្រៃរបស់រដ្ឋយកធ្វើជាកម្មសិទ្ធិ។ ជាមួយនោះដែរ ក៏បានចូលរួមទប់ស្កាត់ ការពារដីព្រៃរបស់រដ្ឋ ដែលជនល្មើសលួចកាប់ទន្ទ្រានកន្លងទៅ មិនឱ្យមានការបាត់បង់ទៅវិញ ឬមានការដាំដុះជាថ្មីជាកម្មសិទ្ធិឯកជនរបស់បុគ្គលណាបានឡើយ។

បន្ថែមពីនេះ លោកបានណែនាំដល់កងកម្លាំងចម្រុះ និងស្ថាប័នជំនាញពាក់ព័ន្ធទាំងអស់ រួមជាមួយអាជ្ញាធរដែនដី​ឃុំ​ ភូមិ​ និង​ស្រុកប្រាសាទបល្ល័ង្ក ត្រូវខិតខំអប់រំផ្សព្វផ្សាយ​ច្បាប់​ លិខិត​បទដ្ឋាន​នានា​ ដែល​នៅ​ជា​ធរមាន​ជូន​ប្រជាពលរដ្ឋ ឱ្យ​បាន​យល់​ជ្រួតជ្រាប​ ដើម្បីកុំឱ្យមានការកាប់ទន្ទ្រាន ឬដាំដុះលើដីរបស់រដ្ឋ ដែលរដ្ឋកំពុងគ្រប់គ្រង និងផ្ទៃដីដែលតុលាការបានចេញដីកាដកហូតជាសម្បត្តិរដ្ឋរួចហើយ ដើម្បីចៀសវាងបញ្ហាប្រឈមចំពោះមុខច្បាប់ ។

លោកឧត្តមសេនីយ៍ទោ សោម ស៊ុន ក៏បានព្រមានថា ក្នុងករណីមេខ្លោង ឬជនល្មើសនៅតែរឹងទទឹងទន្ទ្រានកាន់កាប់ដីរបស់រដ្ឋដែលខុសច្បាប់ ត្រូវកសាងសំណុំរឿងបញ្ជូនទៅកាន់តុលាការ ផ្ដន្ទាទោសតាមផ្លូវច្បាប់ ដោយគ្មានការលើកលែងឡើយ៕

The post មេបញ្ជាការតំបន់ ជំរុញកម្លាំងចម្រុះបង្ក្រាបបទល្មើសធនធានធម្មជាតិ និងការពារជម្រកសត្វព្រៃ appeared first on Kampuchea Thmey Daily.

ប្រតិបត្តិការខាងលើនេះ ធ្វើឡើងនៅយប់ថ្ងៃទី២០ ខែមិថុនា ឆ្នាំ២០២៥ ស្ថិតនៅចំណុចអូរពេស ភូមិបុស្សធំ ឃុំប្រមេរុ៍ ស្រុកត្បែងមានជ័យ ខេត្តព្រះវិហារ ដោយមានមន្ត្រីរដ្ឋបាលព្រៃឈើខេត្តព្រះវិហារ សហការជាមួយកម្លាំងស្នងការដ្ឋានខេត្តព្រះវិហារ និងកម្លាំងអធិការនគរបាលស្រុកត្បែងមានជ័យ បានធ្វើការដកហូតវត្ថុតាងរថយន្តម៉ាកយីឌុប ពណ៌ខៀវ០១គ្រឿង ពាក់ផ្លាកលេខ ភ្នំពេញ3E-3891 ដឹកឈើមានចំនួនជាច្រើនម៉ែត្រគូប និងទ្វារជាច្រើនវង់ផងដែរ។

ប្រភពព័ត៌មានបានឱ្យដឹងថា ម្ចាស់រថយន្តខាងលើមាន ឈ្មោះសាន និងឈ្មោះវ៉ាន់ស៊ី ជាម្ចាស់ឈើ ដែលជាឈ្មួញដុះស្លែប្រចាំខេត្តព្រះវិហារ បានដឹកឈើចេញពីតំបន់ព្រៃព្រះរកា យកមកត្រាំទឹកនៅចំណុចខាងលើ រួចដឹកចែកចាយតាមបណ្ដាខេត្តផ្សេងៗ។ ប្រភពព័ត៌មានបន្តទៀតថា ក្រោយពីសមត្ថកិច្ចបង្ក្រាបបានឈ្មួញឈើខាងលើ មិនសហការជាមួយសមត្ថកិច្ចជំនាញ ទើបបច្ចុប្បន្នកម្លាំងជំនាញបានបញ្ជូនទៅតុលាការ ដើម្បីមានវិធានការនៅតាមផ្លូវច្បាប់។

ប្រភពព័ត៌មានបានបញ្ជាក់ថា ការចាប់រថយន្តដឹកឈើខាងលើ ក៏មានសមត្ថកិច្ចខ្លះមិនពេញចិត្តផងដែរ។

មន្ត្រីរដ្ឋបាលព្រៃឈើខេត្តព្រះវិហារ បានឱ្យដឹងនៅល្ងាចថ្ងៃទី២១ ខែមិថុនា ឆ្នាំ២០២៥នេះថា ក្រោយពេលធ្វើការបង្រ្កាបនឹងរឹបអូសរថយន្តដឹកឈើខុសច្បាប់ខាងលើ បានយកទៅរក្សាទុកនៅស្នាក់ការរដ្ឋបាលព្រៃឈើ ដើម្បីចាត់ការតាមនីតិវិធី។ ប៉ុន្តែរថយន្តខាងលើនោះខូចកំពុងជួសជុលតាមផ្លូវនៅឡើយ៕

ដោយ ៖ ជុន កុសល

The post សមត្ថកិច្ចចម្រុះនៃខេត្តព្រះវិហារ ឃាត់រថយន្តយីឌុប ដឹកឈើមួយគ្រឿងបម្រុងលោតឆ័ត្រ appeared first on Kampuchea Thmey Daily.

លោក នួន សារ៉ុន ស្នងការរងដឹកនាំការងារការិយាល័យនគរបាលប្រឆាំងបទល្មើសសេដ្ឋកិច្ចខេត្តសៀមរាប បានឲ្យដឹងថា ដោយមានការចង្អុលបង្ហាញរបស់ លោក ហួត សុធី ស្នងការនគរបាលខេត្តសៀមរាប និងក្រោមការសម្របសម្រួលនីតិវិធីដោយ លោក មាស ច័ន្ទពិសិដ្ឋ ព្រះរាជអាជ្ញាអមសាលាដំបូងខេត្តសៀមរាប បានបន្តចុះបង្រ្កាបដេប៉ូឈើ១កន្លែងទៀតក្នុងក្រុងសៀមរាប។ លោកបន្តថា ម្ចាស់ទីតាំងឈ្មោះ ហ៊ឹម យឿន ភេទប្រុស អាយុ ៤៣ឆ្នាំ  សញ្ជាតិ ខ្មែរ នៅភូមិវិហារចិន សង្កាត់ស្វាយដង្គំ ក្រុងសៀមរាប។ តាមការពិនិត្យ និងវាស់វែងជាក់ស្តែងរួមមាន៖ឈើចំរុះសរុប០៣PC ស្មើនឹង ៦៦,៨៦៧ម៉ែត្រគីប (PC គិតចាប់ពីឆ្នាំ២០២៤)⁃ វាស់វែងជាក់ស្ដែង មានចំនួន ៤៥,៤៧០ ម៉ែត្រគីប។វិក័យបត្រលក់ឈើចេញចំនួន ១៦សន្លឹក ស្មើនឹង ២៨,៨៦៩ ម៉ែត្រគីប។ សរុបឈើដែរលសមត្ថកិច្ចដកហូតទាំងអស់ ៨,២៣៩ ម៉ែត្រគីប។

បច្ចុប្បន្នវត្ថុតាងខាងលើ ត្រូវបានកម្លាំងនគរបាលប្រឆាំងបទល្មើសសេដ្ឋកិច្ចនៃស្នងការដ្ឋាននគរបាលខេត្តសៀមរាប បានប្រគល់ឲ្យខណ្ឌរដ្ឋបាលព្រៃឈើខេត្តសៀមរាប ដើម្បីអនុវត្តន៍តាមនីតិវិធីផ្លូវច្បាប់។ ប្រភពព័ត៌មានបានឲ្យដឹងថា ការណ៍ដែលកម្លាំងសមត្ថកចិ្ចចុះបង្ក្រាបនេះ គឺបន្ទាប់ពីមានសេចក្តីរាយការណ៍យ៉ាងល្អិតល្អន់ ពីលោកតាន់ គឹមសួរ អ្នកការពារព្រៃឈើនៅកម្ពុជា។

ទោះជាយ៉ាងនេះក្តីគេនៅមិនទាន់ដឹងថា សមត្ថកិច្ចខេត្តសៀមរាប នឹងបន្តចុះពិនិត្យដេប៉ូឈើស្របច្បាប់ក្នុងខេត្តសៀមរាប ដែលលួចលក់ឈើល្មើសច្បាប់បានដល់ឫសគល់ដែរឬទេ ព្រោះសព្វថ្ងៃគេសង្គេតឃើញមានក្រុមឈ្មួញដឹកជញ្ជូនជាហូរហែចេញពីខេត្តព្រះវិហារ ចូលមកខេត្តសៀមរាប យ៉ាងច្រើន។ មហាជនមានសង្ឃឹមយ៉ាងមុតមាំថា កម្លាំងសមត្ថកិច្ចជំនាញនៃខេត្តសៀមរាប និងសហការគ្នាបង្ក្រាបបទល្មើសធនធានធម្មជាតិឲ្យដល់ឫសគល់ដើម្បីឲ្យកូនខ្មែរជំនាន់ក្រោយបានស្គាល់ដើមឈើទាំងនោះផង៕

ដោយ៖ជុន កុសល

The post សមត្ថកិច្ចជំនាញនៃខេត្តសៀមរាប បន្តចុះបង្ក្រាបទីតាំងផ្ទុកឈើល្មើសច្បាប់១កន្លែង នៅកណ្តាលក្រុង appeared first on Kampuchea Thmey Daily.

ការបង្ក្រាបនេះធ្វើឡើងនៅវេលាម៉ោង២១និង៣០នាទីថ្ងៃទី៣០ ខែមេសា ឆ្នាំ២០២៤ស្ថិតក្នុងភូមិម្លូព្រៃ ឃុំម្លូព្រៃ ស្រុកឆែប ខេត្តព្រះវិហារ ក្រោមការសម្របសម្រួលនីតិវិធីដោយតំណាងអយ្យការអមសាលាដំបូងខេត្ត និងដឹកនាំបង្ក្រាបដោយ លោក ឡង សុបិន អភិបាលស្រុកឆែប ព្រមទាំងមានការសហការជាមួយកម្លាំងបរិស្ថានស្រុកឆែប ផងដែរ។

     ប្រភពបានឲ្យដឹងថា មេឈ្មួញដុះស្លែ ឈ្មោះអ៊ួន អូន រូបនេះជាឈ្មួញជើងខ្លាំង អាងខ្សែអ្នកធំនៅពីក្រោយ រស់នៅភូមិពោធិ៍ឃុំពោធិ៍ ស្រុកត្បែងមានជ័យ ខេត្តព្រះវិហារ ដែលតែងតែធ្វើសកម្មភាពដឹកជញ្ជូនឈើប្រភេទលេខ១ ចេញពីព្រៃឡង់ ជារៀងរាល់ថ្ងៃ។ ប្រភពបន្តថា ការកាប់បំផ្លាញ និងដឹកជញ្ជូនឈើដោយខុសច្បាប់ចេញពីតំបន់ព្រៃឡង់ ក្នុងព្រំប្រទល់ស្រុកឆែប,ស្រុករវៀង និងស្រុកជ័យសែន ហាក់ផ្ទុះឡើងវិញបណ្ដើរៗហើយ ខណៈគេសង្ស័យថាសមត្ថកិច្ចជំនាញមួយចំនួនត្រូវថ្នាំសណ្ដំ។

 លោក ផិត វណ្ណៈ មន្ត្រីដែនការពារព្រៃឡង់ បានឲ្យដឹងនៅរសៀលថ្ងៃទី០១ខែឧសភាឆ្នាំ២០២៤នេះថា បទល្មើសខាងលើ គឺខាងលោកឡង់ សុបិន អភិបាលស្រុកឆែប និងលោកប្រធានកសិកម្មស្រុក ជាអ្នកបង្ក្រាបរួចយកមកប្រគល់ឲ្យខាងលោកចាត់ការបន្ត។ លោកបន្តថា រថយន្តសាំយ៉ុងកែច្នៃ១គ្រឿងផ្ទុកឈើលេខ១(ផ្ចឹក)ចំនួន៧០សន្លឹក ស្មើនិង២,៨០ម៉ែត្រគូប។  បច្ចុប្បន្នលោកកំពុងតែរៀបចំសំណុំរឿងបញ្ជូនទៅតុលាការ ដើម្បីចាត់ការបន្តតាមផ្លូវច្បាប់៕

ដោយ៖ជុន កុសល

The post បង្ក្រាបរថយន្តសាំយ៉ុងកែច្នៃ១គ្រឿងផ្ទុកឈើផ្ចឹកជិត៣ម៉ែត្រគូប ប្រគល់ឲ្យមន្ត្រីបរិស្ថានព្រៃឡង់ appeared first on Kampuchea Thmey Daily.