ភាគី​ទាំងពីរ​ បាន​វាយ​តម្លៃខ្ពស់ ​និង​ជឿជាក់​ថា ​កិច្ចស​ហប្រតិបត្តិការនេះ នឹង​រួម​ចំណែក​ជំរុញឱ្យមាន​ការ​អភិវឌ្ឍ​មូល​ធន​មនុស្សនៅកម្ពុជា និងជួយដល់​វិស័យ​ឯក​ជន ​នៅរដ្ឋអូស្ត្រាលីខាងត្បូង។ ​កិច្ចសហការនេះ​ក៏​រួម​បញ្ចូល​ការ​បណ្តុះ​បណ្តាល​សមត្ថភាព​គ្រូ ​ការ​អភិវឌ្ឍកម្មវិធីសិក្សា និង​វិធីសាស្ត្របង្រៀន ដែលស្របតាមស្តង់ដារអូស្ត្រាលីផងដែរ។​

លោក Cameron Baker បាន​បញ្ជាក់ថា ​លោក​នឹង​រៀបចំឱ្យមានក្រុមការងារចំពោះកិច្ចសម្រាប់អនុវត្តកិច្ចការនេះឱ្យមានប្រសិទ្ធភាពខ្ពស់ ដែលនឹងអាចចាប់ផ្តើមទទួលសិស្សនិស្សិតកម្ពុជា ក្នុងការហាត់ការ និងកម្មសិក្សានៅក្នុងឆ្នាំ២០២៦ លើមុខជំនាញវិស្វកម្មរថយន្ត រថយន្តអគ្គិសនី និងអេឡិចត្រូនិក និងអាចបន្ថែមជំនាញផ្សេងៗទៀត ចាប់ពីឆ្នាំ២០២៧។

លទ្ធផលនៃកិច្ចសហប្រតិបត្តិការនេះ គឺកើតចេញពីការចង្អុលបង្ហាញ និងផ្តល់អនុសាសន៍ដ៏ខ្ពង់ខ្ពស់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ក្នុងឱកាសដែលលោកជំទាវ Frances Adamson អភិបាលរដ្ឋ នៃរដ្ឋអូស្ត្រាលីខាងត្បូង (South Australia-SA) ប្រទេសអូស្ត្រាលី អញ្ជើញទៅទស្សនកិច្ចនៅកម្ពុជាកាលពីថ្ងៃទី១៩ ខែឧសភាឆ្នាំ២០២៥ កន្លងទៅនេះ។ នាឱកាសនោះ គណៈប្រតិភូកម្ពុជាក៏បានធ្វើទស្សនកិច្ចសិក្សា និងផ្លាស់ប្តូរបទពិសោធ នៅតាមគ្រឹះស្ថានបណ្ដុះបណ្ដាលមួយចំនួនក្នុងទីក្រុងអាដេឡេដ ប្រទេសអូស្ត្រាលី រួមមាន សាលាបណ្តុះបណ្តាលបច្ចេកទេស របស់ Technical and Further Education South Australia, សាលាមធ្យមសិក្សាបច្ចេកទេស Tonsley Technical College, សាលាបណ្តុះបណ្តាលជាងរថយន្ត នៃសមាគមជាង និងអ្នកផ្តល់សេវាថែទាំយានយន្តអូស្ត្រាលី (Motor Trade Association) និងសាលាបណ្តុះបណ្តាលបច្ចេកទេសកសិកម្ម នៃសាលាបណ្តុះបណ្តាលជំនាញតំបន់៕

The post កម្ពុជា និងអូស្ត្រាលី ពង្រីកកិច្ចសហប្រតិបត្តិការផ្នែកបណ្តុះបណ្តាលវិជ្ជាជីវៈ និងកម្មវិធីហាត់ការ appeared first on Kampuchea Thmey Daily.

កំណើននេះក៏មានការចូលរួមពីកត្តាសំខាន់ៗជាច្រើន រួមមាន លទ្ធភាពក្នុងការប្រើប្រាស់ នូវស្មាតហ្វូនរបស់ប្រជាជន, វិសាលភាពនៃបណ្តាញទូរសព្ទក្នុងស្រុក និងការខិតខំរបស់រាជរដ្ឋាភិបាល ក្នុងការអភិវឌ្ឍហេដ្ឋារចនាសម្ព័ន្ធឌីជីថល ក្នុងប្រទេស ជាដើម។

យោងតាមមជ្ឃមណ្ឌុលកម្ពុជា ៤.០ បានឱ្យដឹងអំពីអត្ថប្រយោជន៍បច្ចេកវិទ្យា 5G ទៅលើ អាជីវកម្មរួមមាន៖

ឱកាសថ្មីៗសម្រាប់អាជីវកម្ម៖ បច្ចេកវិទ្យា 5G បានជួយឱ្យការធ្វើទំនាក់ទំនងកាន់តែរហ័ស និងមានប្រសិទ្ធភាពខ្ពស់ជាង មុន ដែលជួយឱ្យអាជីវកម្មអាចពង្រីកប្រតិបត្តិការរបស់ពួកគេទៅកាន់ទីផ្សារថ្មី ដើម្បីបង្កើនប្រាក់ចំណូល និងធ្វើឱ្យ អាជីវកម្មមានភាពរីកចម្រើន។ BusinessTechWeekly បានលើកឡើងពីឱកាសថ្មីៗនៃការប្រើប្រាស់បច្ចេកវិទ្យា 5G សម្រាប់អាជីវកម្មក្នុងវិស័យកសិកម្ម ដែលជួយក្នុងការគ្រប់គ្រងកាកសំណល់, ការត្រួតពិនិត្យសុវត្ថិភាពបសុសត្វ (សត្វចិញ្ចឹម) និងការគ្រប់គ្រងដំណាំដោយស្វ័យប្រវត្តិ។

សម្រាប់អាជីវកម្មក្នុងវិស័យឧស្សាហកម្ម បច្ចេកវិទ្យានេះត្រូវបានចាត់ទុកថាជាបច្ចេកវិទ្យាមួយដែលជំរុញដល់ការកសាង រោងចក្រឆ្លាតជាមួយសកម្មភាពសំខាន់ៗ ដោយអាចជួយគ្រប់គ្រងខ្សែច្រវាក់ផលិតកម្ម, ខ្សែច្រវាក់ផ្គត់ផ្គង់ និងថែទាំ ឧបករណ៍ជាដើម។

ឯវិស័យដឹកជញ្ចូនវិញ ការប្រើប្រាស់បច្ចេកវិទ្យា 5G បានជួយសម្រួលដល់ផ្នែកសំខាន់ៗជាច្រើន ដូចជា ធ្វើឱ្យ ប្រព័ន្ធទំនាក់ទំនង Vehicle to Vehicle (V2V) កាន់តែមានដំណើរការល្អ, ការគ្រប់គ្រងហេដ្ឋារចនាសម្ព័ន្ធផ្លូវថ្នល់ កាន់តែប្រសើរ, ការរៀបចំប្រព័ន្ធគ្រប់គ្រង ចរាចរណ៍ឆ្លាតវៃ ឬប្រព័ន្ធឆ្លើយតបឆ្លាតវៃនៅពេលមានបញ្ហាចរាចរណ៍ និងគ្រប់ គ្រងទំនិញកាន់តែមាន ប្រសិទ្ធភាព។

ការបង្កើនប្រសិទ្ធភាពនៃអាជីវកម្ម៖ បច្ចេកវិទ្យា 5G បានជំរុញការផ្ទេរទិន្នន័យកាន់តែលឿន ដែលជួយឱ្យអាជីវកម្មអាច ដំណើរការ និងប្រើប្រាស់ទិន្នន័យ ដើម្បីវិភាគក្នុងពេលវេលាជាក់ស្តែងពីតម្រូវការចំនួនផលិតផល ដែលនឹងជួយឱ្យ អាជីវកម្មអាចធ្វើការសម្រេចចិត្តបានឆាប់រហ័ស។

បច្ចេកវិទ្យា 5G ក៏ធ្វើឱ្យការផ្តល់សេវាកម្មជូន អតិថិជនកាន់តែមានភាពរហ័ស, លទ្ធភាពដោះស្រាយបញ្ហា និងសុវត្ថិភាព ខ្ពស់ ដែលធ្វើឱ្យទំនាក់ទំនង របស់អាជីវកម្មកាន់តែមានភាពប្រសើរឡើង ដូចនេះអាជីវកម្មក៏អាចរក្សានូវអតិថិជនចាស់ និងស្វែងរក អតិថិជនថ្មីបានផងដែរ។ បន្ថែមពីនេះ បច្ចេកវិទ្យានេះក៏បានជំរុញស្វ័យប្រវត្តិកម្មការងារ, ជំរុញផលិតភាព របស់អាជីវកម្ម និងកាត់បន្ថយការចំណាយ។

យោងតាមរបាយការណ៍របស់គេហទំព័រ DATA REPORTAL កម្ពុជាមានប្រជាជនប្រមាណ ១១,៣៧ លាននាក់ ស្មើនឹង ៦៧,៥ ភាគរយ ដែលកំពុងប្រើប្រាស់អ៊ីនធឺណិតគិតត្រឹមដើមឆ្នាំ ២០២៣។ ក្នុងនោះកម្ពុជាមានអ្នកប្រើប្រាស់ បណ្តាញសង្គមប្រមាណជា ១០,៩៥ លាននាក់ ស្មើនឹង ៦៥ ភាគរយ នៃចំនួនប្រជាជនសរុប។ សម្រាប់ការតភ្ជាប់ទូរសព្ទ ចល័តសរុបមានចំនួនប្រមាណជា ២២,១៦ លាន គ្រឿងដែលកំពុងដំណើរការនៅក្នុងប្រទេសកម្ពុជា តួលេខនេះស្មើនឹង ១៣១,៥ ភាគរយនៃចំនួនប្រជាជនសរុប៕

អត្ថបត៖ ផល ធារិត

The post តើបច្ចេកវិទ្យា 5G ជួយអ្វីខ្លះទៅដល់អាជីវកម្ម? appeared first on Kampuchea Thmey Daily.