ប្រតិបត្តិការនេះ ធ្វើឡើងក្រោមការដឹកនាំបញ្ជាផ្ទាល់ដោយលោក ឃួង ស្រេង ប្រធានគណៈបញ្ជាការឯកភាពរាជធានីភ្នំពេញ និងលោកឧត្តមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ និងក្រោមការសម្របសម្រួលនីតិវិធីច្បាប់ដោយលោកស្រីភី ស៊ីថន ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ ផងដែរ ។ 

ជាលទ្ធផល នៃប្រតិបត្តិការ កម្លាំងអាជ្ញាធរចម្រុះ បានឃាត់ខ្លួនជនបរទេស ជាជនជាតិឥណ្ឌូនេស៊ី ៥៥នាក់ និងបានដកហូតវត្ថុតាងពាក់ព័ន្ធរួមមាន ៖ ទូរស័ព្ទដៃចំនួន ២៨០គ្រឿង

, Latop ០៨គ្រឿង , លិខិតឆ្លងដែនឥណ្ឌូនេស៊ី ចំនួន៣០ច្បាប់ , រថយន្តម៉ាក ALPHRAD ពណ៌ខ្មៅ ផ្លាកលេខ ភ្នំពេញ 2CC-3190។

ផ្អែកតាមលទ្ធផលកោសល្យវិច្ច័យរបស់ក្រុមមន្ត្រីជំនាញ បានរកឃើញថា ៖ ក្រុមជនសង្ស័យបានប្រើប្រាស់កម្ពុជាជាកន្លែងជ្រកកោន ប្រព្រឹត្តបទល្មើស ឆបោកតាមប្រព័ន្ធអនឡាញ (Online scam ) ក្រោមរូបភាពលួងលោមអូសទាញបែបស្នេហា(Romance scams) ដែលជនរងគ្រោះនៅប្រទេសឥណ្ឌូនេស៊ី ។

បច្ចុប្បន្ន ជនសង្ស័យទាំង៥៥នាក់ ត្រូវបានបញ្ចូនខ្លួនទៅកាន់ស្នងការដ្ឋាននគរបាលរាជធានីភ្នំពេញ ដើម្បីចាត់វិធានការទៅតាមផ្លូវច្បាប់ ៕ 

អត្ថបទ៖ សុភា

The post គណៈបញ្ជាការឯកភាពរាជធានី បន្តចុះបង្ក្រាប Online Scams នៅខណ្ឌ៧មករា ឃាត់ជនជាតិឥណ្ឌូនេស៊ី៥៥នាក់  appeared first on Kampuchea Thmey Daily.

​លទ្ធផលនៃប្រតិបត្តិការ៖

-​ការឃាត់ខ្លួន៖ មនុស្សប្រមាណ ៣០០នាក់ (មានច្រើនជាតិសាសន៍)។

-​វត្ថុតាង៖ ដកហូតបានឧបករណ៍ និងសម្ភារៈដែលបម្រើឱ្យសកម្មភាពល្មើសច្បាប់មួយចំនួន។

-​ទីតាំង៖ ស្ថិតនៅក្បែរសាលារៀនព្រហ្មនិមិត្ត ភូមិក្បាលស្ពាន២។

​បច្ចុប្បន្ន សមត្ថកិច្ចជំនាញកំពុងបន្តនីតិវិធីសាកសួរ និងចាត់ការទៅតាមផ្លូវច្បាប់៕

The post បើកប្រតិបត្តិការធំ! បង្ក្រាបទីតាំង Online Scams នៅប៉ោយប៉ែត ឃាត់ខ្លួនជាង ៣០០នាក់ appeared first on Kampuchea Thmey Daily.

ប្រតិបត្តិការបង្ក្រាបនេះ ធ្វើឡើងកាលពីល្ងាចថ្ងៃទី២៤ ខែមេសា ឆ្នាំ២០២៦ ក្រោមការបញ្ជាពីលោកឃួង ស្រេង អភិបាលរាជធានីភ្នំពេញ និងលោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ និងមានការចូលរួមពីអាជ្ញាធរខណ្ឌពោធិ៍សែនជ័យ ដោយមានការសម្របសម្រួលនីតិវិធីច្បាប់ពីលោក ហាង សម្បត្តិ ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញ។

យោងតាមការស៊ើបអង្កេត និងពិនិត្យកោសល្យវិច្ច័យលើឧបករណ៍អេឡិចត្រូនិច សមត្ថកិច្ចបានរកឃើញថា ក្រុមជនសង្ស័យបានប្រើប្រាស់ទីតាំងខាងលើ ដើម្បីធ្វើសកម្មភាពប្រព្រឹត្តបទល្មើស ឆបោកតាមប្រព័ន្ធអនឡាញ ក្រោមរូបភាពក្លែងបន្លំជាក្រុមហ៊ុនលក់កញ្ចប់ទេសចរណ៍ក្លែងក្លាយ ដែលមានគោលដៅទៅប្រទេសបង់ក្លាដេស និងប្រទេសផ្សេងទៀត ។

ក្នុងកិច្ចប្រជុំពេញអង្គគណៈរដ្ឋមន្ត្រី កាលពីថ្ងៃ ទី២៣ ខែមេសា ឆ្នាំ២០២៦ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានដាក់បទបញ្ជាយ៉ាងម៉ឺងម៉ាត់បំផុតឱ្យសមត្ថកិច្ច និង កងកម្លាំងពាក់ព័ន្ធទាំងអស់ បន្តការបង្ក្រាបបទល្មើសនេះដោយគ្មានបង្អង់ដៃឡើយ។ សម្តេចធិបតី បានបញ្ជាក់ថា ច្បាប់មានហើយ ដូច្នេះត្រូវតែអនុវត្តឱ្យបានម៉ត់ចត់ និងឱ្យមានប្រសិទ្ធភាពដោយមិនបន្ធូរដៃ និងដោយគ្មាន ការលើកលែងឡើយ ពោលគឺមិនបញ្ឈប់ត្រឹមពិធីបុណ្យចូលឆ្នាំខ្មែរប្រពៃណីជាតិនេះ ដូចដែលមានមតិមួយចំនួន បានលើកឡើងនោះឡើយ។

សូមរម្លឹកថា ច្បាប់ស្តីពីការប្រឆាំងការឆបោកតាមប្រព័ន្ធបច្ចេកវិទ្យាបានចូលជាធរមានកាលពីម៉ោង ០០:០១ ថ្ងៃទី០៧ ខែមេសា ឆ្នាំ២០២៦ ក្រោយការចុះហត្ថលេខាដោយសម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្តីទី នៅថ្ងៃទី០៦ ខែមេសា ឆ្នាំ២០២៦។

ច្បាប់នេះមាន៥ជំពូក និង២៤មាត្រា ។ ជាមួយច្បាប់ នេះ បទ ល្មើស ព្រហ្មទណ្ឌថ្មី ចំនួន៥ ត្រូវបាន បង្កើតឡើង ដើម្បីធានាដល់ប្រសិទ្ធភាពក្នុងការ អនុវត្ត គឺរួមមានៈ ១- បទឆបោកតាមប្រព័ន្ធបច្ចេកវិទ្យា ២- បទរៀបចំ ឬដឹកនាំមជ្ឈមណ្ឌល ឆបោកតាមប្រព័ន្ធបច្ចេកវិទ្យា ៣- បទជ្រើសរើស ឬបណ្តុះបណ្តាល អ្នកដទៃឱ្យចូលរួមប្រព្រឹត្តអំពើឆបោកតាម ប្រព័ន្ធបច្ចេកវិទ្យា ៤- បទប្រមូលក្នុងចេតនាទុច្ចរិតនូវឯកសារសម្គាល់អត្តសញ្ញាណ ឬឯកសារ ព័ត៌មានផ្ទាល់ខ្លួននានារបស់អ្នកដទៃ និង៥- ការ បង្កើត ទម្រង់ពិសេសនៃបទល្មើសសម្អាតប្រាក់។ បទល្មើសទាំងនេះបានកំណត់ដាក់ទោស ជនល្មើស ត្រូវប្រឈមនឹងការ ជាប់ ពន្ធនាគារ ខ្ពស់ បំផុតរហូត ដល់ ១ ជីវិត និង ពិន័យជាប្រាក់ ដល់ ទៅ ១ ០០០ លានរៀល ថែមទាំងការរឹបអូសទ្រព្យសម្បត្តិរបស់ជនល្មើស៕

ប្រភព ៖ លេខាធិការដ្ឋានគណៈកម្មការចំពោះកិច្ចប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា (គ.ប.ឆ.ប.)

The post បង្ក្រាបទីតាំងឆបោក Online Scam ក្នុងបុរីជារី ឃាត់ខ្លួនជនជាតិបង់ក្លាដែស ១២នាក់ appeared first on Kampuchea Thmey Daily.

​យោងតាមរបាយការណ៍ដែលបានផ្សព្វផ្សាយ ចាប់ពីខែកក្កដា ឆ្នាំ២០២៥ ដល់ពាក់កណ្តាលខែមេសា ឆ្នាំ២០២៦ សកម្មភាពបង្ក្រាបទទួលបានលទ្ធផលគួរឱ្យកត់សម្គាល់ដូចខាងក្រោម៖

-​ការបង្ក្រាបផ្ទាល់៖ បង្ក្រាបបានជាង ២៥០ករណី ក្នុងនោះរួមមានទីតាំងកាស៊ីណូ ៩១កន្លែង។

-​ការចាប់ខ្លួន៖ ជនសង្ស័យចំនួន ១,០៨៩នាក់ (មានទាំងជនជាតិខ្មែរ និងបរទេស) ត្រូវបានបញ្ជូនទៅតុលាការ។

-​ការបណ្តេញចេញ៖ ជនបរទេសចំនួន ១៣,០៣៩នាក់ (៣៣សញ្ជាតិ) ត្រូវបានបណ្តេញចេញពីកម្ពុជា ពាក់ព័ន្ធនឹងបទល្មើសអនឡាញ។

​ការចាកចេញដោយស្ម័គ្រចិត្ត៖ ជនបរទេសសរុប ២៤១,៨៨៨នាក់ បានចាកចេញពីកម្ពុជា ចាប់ពីដើមឆ្នាំ២០២៦ រហូតមកដល់បច្ចុប្បន្ន។

​ក្នុងកិច្ចប្រជុំពេញអង្គគណៈរដ្ឋមន្ត្រី កាលពីថ្ងៃទី២៣ ខែមេសា ឆ្នាំ២០២៦ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានដាក់បទបញ្ជាយ៉ាងម៉ឺងម៉ាត់បំផុតឱ្យកងកម្លាំងសមត្ថកិច្ចបន្តយុទ្ធនាការនេះដោយ «គ្មានការបង្អង់ដៃ និងគ្មានការលើកលែង»។ 

សម្តេចធិបតីបានសង្កត់ធ្ងន់ថា យុទ្ធនាការនេះមិនមែនធ្វើឡើងត្រឹមតែមួយឆាវក្នុងឱកាសបុណ្យចូលឆ្នាំនោះទេ ប៉ុន្តែជាការអនុវត្តច្បាប់ជាប្រចាំ និងយូរអង្វែង។

​ដើម្បីធានាប្រសិទ្ធភាពក្នុងការលុបបំបាត់ឧក្រិដ្ឋកម្មឆ្លងដែននេះ រាជរដ្ឋាភិបាលបានដាក់ចេញនូវក្របខ័ណ្ឌច្បាប់ថ្មីៗ រួមមាន៖

១. ច្បាប់ស្តីពីការប្រឆាំងការឆបោកតាមប្រព័ន្ធបច្ចេកវិទ្យា ដែលបង្កើតបទល្មើសព្រហ្មទណ្ឌថ្មីចំនួន ៥ និងបង្កើនទោសទណ្ឌឱ្យធ្ងន់ជាងមុន។

២. អនុក្រឹត្យ និងប្រកាសអន្តរក្រសួង ស្តីពីការគ្រប់គ្រងសន្តិសុខនៅតាមទីតាំងរស់នៅប្រមូលផ្តុំ និងការផាកពិន័យម្ចាស់ទីតាំងដែលបណ្តោយឱ្យមានបទល្មើស។

​បន្ថែមលើសកម្មភាពក្នុងស្រុក កម្ពុជាក៏បានពង្រឹងកិច្ចសហប្រតិបត្តិការអន្តរជាតិយ៉ាងជិតស្និទ្ធជាមួយប្រទេសដៃគូ ដើម្បីផ្លាស់ប្តូរព័ត៌មាន និងជួយសង្គ្រោះជនរងគ្រោះ។

 រាជរដ្ឋាភិបាលកម្ពុជា ក៏បានអំពាវនាវដល់សហគមន៍អន្តរជាតិ ឱ្យបន្តគាំទ្រ និងសហការចែករំលែកព័ត៌មានឱ្យបានទាន់ពេលវេលា ដើម្បីរួមគ្នាបំផ្លាញឫសគល់នៃបណ្តាញឧក្រិដ្ឋកម្មឌីជីថលនេះឱ្យអស់ពីតំបន់៕

The post រាជរដ្ឋាភិបាលកម្ពុជាបង្ហាញលទ្ធផលធំៗ ក្នុងការបោសសម្អាតបទល្មើសឆបោកតាមប្រព័ន្ធបច្ចេកវិទ្យា (Online Scams) appeared first on Kampuchea Thmey Daily.

ប្រតិបត្តិការនេះ ធ្វើឡើងកាលពីថ្ងៃទី២០ ខែមេសា ឆ្នាំ២០២៦ ក្រោយពីទទួលបានសេចក្តីរាយការណ៍ និងកិច្ចសហការយ៉ាងល្អប្រសើរពីម្ចាស់ផ្ទះជួលឈ្មោះ  ផូ ដេ ស្ថិតនៅភូមិចេក ឃុំសំរោង ស្រុកចន្ទ្រា ដែលបានរាយការណ៍អំពីសកម្មភាពសង្ស័យនៅក្នុងទីតាំងរបស់ខ្លួន។ ភ្លាមៗនោះ លោកឧត្តមសេនីយ៍ទោ ពេជ្រ វីរៈ ស្នងការនគរបាលខេត្តស្វាយរៀង បានដាក់បទបញ្ជាយ៉ាងម៉ឺងម៉ាត់ដល់ លោកវរសេនីយ៍ទោ ជិន សុភឿន អធិការនគរបាលស្រុកចន្ទ្រា ឱ្យដឹកនាំកម្លាំងជំនាញចុះអនុវត្តច្បាប់ជាបន្ទាន់។

ក្រោមការសម្របសម្រួលនីតិវិធីពីសំណាក់លោកព្រះរាជអាជ្ញារង នៃអយ្យការអមសាលាដំបូងខេត្តស្វាយរៀង កម្លាំងជំនាញនៃអធិការដ្ឋាននគរបាលស្រុក សហការជាមួយកម្លាំងគណៈបញ្ជាការឯកភាពរដ្ឋបាលស្រុក បានចុះត្រួតពិនិត្យឆែកឆេរទីតាំងខាងលើ។ ជាលទ្ធផល សមត្ថកិច្ចបានរកឃើញសម្ភារបម្រើឱ្យសកម្មភាពបទល្មើសមួយចំនួន និងបានសម្រេចឃាត់ខ្លួនជនសង្ស័យចំនួន ០៦នាក់ ភេទប្រុស ជនជាតិវៀតណាម។

កិច្ចប្រតិបត្តិការនេះ ក៏បានបង្ហាញពីគំរូដ៏ល្អរបស់ម្ចាស់ទីតាំងស្នាក់នៅ ដែលបានអនុវត្តតាមការណែនាំរបស់អាជ្ញាធរខេត្ត ក្នុងការតាមដាន និងរាយការណ៍រាល់សកម្មភាពមិនប្រក្រតីស្របតាម អនុក្រឹត្យលេខ ០៣ អនក្រ.បក ស្តីពីការគ្រប់គ្រងសន្តិសុខ សុវត្ថិភាពនៅតាមទីតាំងស្នាក់នៅប្រមូលផ្តុំ ដើម្បីរួមចំណែកលុបបំបាត់បទល្មើសបច្ចេកវិទ្យាក្នុងភូមិសាស្ត្រខេត្ត។

បច្ចុប្បន្ន ជនសង្ស័យទាំង ៦នាក់ រួមជាមួយវត្ថុតាង ត្រូវបានបញ្ជូនមកកាន់ស្នងការដ្ឋាននគរបាលខេត្តស្វាយរៀង ដើម្បីចាត់ការបន្តតាមនីតិវិធីច្បាប់ជាធរមាន៕

ដោយ៖ ភក្ដី

The post នគរបាលស្រុកចន្ទ្រា បង្ក្រាបទីតាំងប្រព្រឹត្តបទល្មើសអនឡាញមួយកន្លែង ឃាត់ខ្លួនជនជាតិវៀតណាម ៦នាក់ appeared first on Kampuchea Thmey Daily.

ភ្នំពេញ៖ កម្លាំងគណៈបញ្ជាការឯកភាពរាជធានីភ្នំពេញ ថ្ងៃទី២១ ខែមេសា ឆ្នាំ២០២៦ បានបន្តប្រតិបត្តិ ការចុះ បង្ក្រាបទីតាំង ឆបោកតាមប្រព័ន្ធ បច្ចេកវិទ្យា( Online Scams ) ទីតាំងអគារខុនដូរ ZHUOYUFENG អគារលេខ៥២៤ ផ្លូវបេតុង ភូមិដំណាក់ធំ៥ សង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ ឃាត់ខ្លួនជនបរទេស៥៥នាក់ និងដកហូតសារធាតុញៀន ជាង១០គីឡូក្រាម។

ប្រតិបត្តិការនេះ ធ្វើឡើងក្រោមការដឹកនាំបញ្ជាផ្ទាល់ដោយ លោក ឃួង ស្រេង អភិបាលរាជធានីភ្នំពេញ និងលោកឧត្តមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ ដឹកនាំអនុវត្តការបង្ក្រាបផ្ទាល់ដោយលោកឧត្តមសេនីយ៍ទោ ប៊ុន សុសិក្ខា លោកឧត្តមសេនីយ៍ត្រី ពូ ដាវី មេបញ្ជាការរងកងរាជអាវុធរាជធានីភ្នំពេញ ដោយបានការសម្របសម្រួលផ្លូវច្បាប់ពី លោក សេង ហៀង និងលោក ថេង សំណាង ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ។

ជាលទ្ធផល នៃប្រតិបត្តិការបង្ក្រាបកម្លាំងសមត្ថកិច្ច បានឃាត់ខ្លួនជនបរទេសសរុប ចំនួន ៥៥នាក់ ៧សញ្ជាតិ ក្នុងនោះជនបរទេសស្នាក់នៅខុសច្បាប់ (គ្មានលិខិតឆ្លងដែន លើសទិដ្ឋាការ៤៤នាក់ ក្នុងនោះ ជនបរទេសប្រព្រឹត្ត online Scamជនជាតិ វៀតណាម១១ (ស្រី៣នាក់)

និងដកហូតវត្ថុតាង កុំព្យូទ័រយួរដៃ១៤គ្រឿង, ទូរស័ព្ទដៃ៦គ្រឿង, គ្រឿងញៀនចំរុះទំងន់មានទម្ងន់សរុបប្រហែល១០គីឡូក្រាម។

យោងតាមការធ្វើកោសល្យវិច្ច័យលើសម្ភារៈវត្ថុតាងឧបករណ៍អេឡិចត្រូនិច  សន្និដ្ឋានបានថា ទីតាំងខាងលើជាប់ពាក់ព័ន្ធអំពើ ជនសង្ស័យប្រើទីតាំងក្នុងប្រទេសកម្ពុជា ប្រព្រឹត្តបទល្មើសអំពើឆបោកតាមប្រព័ន្ធបច្ចេកវិទ្យា (Online Scams)។

បច្ចុប្បន្នចំពោះជនបរទេសចំនួន ៥៥នាក់ រួមនិងសម្ភារៈវត្ថុតាងត្រូវបានប្រគល់ជូន ស្នងការដ្ឋាននគរបាលរាជធានីភ្នំពេញ ដើម្បីបន្តនីតិវិធី៕

អត្ថបទ៖ សុភា

The post សមត្ថកិច្ចបង្ក្រាបទីតាំងខុនដូមួយកន្លែងរកឃេីញថ្នាំញៀនជិត១០គីឡូក្រាម និងឃាត់មនុស្ស៥៥នាក់ appeared first on Kampuchea Thmey Daily.

យោងតាមសេចក្តីប្រកាសព័ត៌មានរបស់អគ្គលេខាធិការដ្ឋាន នៃគណៈកម្មការគ្រប់គ្រងល្បែងពាណិជ្ជកម្មកម្ពុជា (គ.ល.ក.) ប្រតិបត្តិការនេះបានធ្វើឡើងនៅព្រឹកថ្ងៃទី៧ ខែមេសា ឆ្នាំ២០២៦ ដោយកម្លាំងអគ្គស្នងការដ្ឋាននគរបាលជាតិ សហការជាមួយគណៈបញ្ជាការឯកភាពក្រុងបាវិត និងមន្ត្រី គ.ល.ក. ក្រោមការសម្របសម្រួលនីតិវិធីពីព្រះរាជអាជ្ញា នៃអយ្យការអមសាលាដំបូងខេត្តស្វាយរៀង។

ទីតាំងដែលត្រូវបានចុះបង្ក្រាប គឺកាស៊ីណូ ហ្គោដិន ហ្កាឡាក់ស៊ី ស្ថិតនៅផ្លូវជាតិលេខ១ ភូមិបាវិតកណ្តាល សង្កាត់បាវិត ក្រុងបាវិត។

ក្នុងប្រតិបត្តិការ សមត្ថកិច្ចបាននាំខ្លួនជនសង្ស័យចំនួន ២៤៤ នាក់ ក្នុងនោះមានជនជាតិវៀតណាម ១៨២ នាក់ ជនជាតិចិន ៤៩ នាក់ ជនជាតិកូរ៉េ ៩ នាក់ និងជនជាតិខ្មែរ ៤ នាក់។ ជាមួយគ្នានេះ ក៏បានដកហូតវត្ថុតាងរួមមាន ទូរស័ព្ទដៃ ៥០៥ គ្រឿង កុំព្យូទ័រលើតុ ១៥០ គ្រឿង កុំព្យូទ័រយួរដៃ ១ គ្រឿង ម៉ូនីទ័រ ១ គ្រឿង និងរថយន្ត ៤ គ្រឿង។

អាជ្ញាធរបានបញ្ជាក់ថា ជនសង្ស័យទាំងអស់ និងវត្ថុតាងកំពុងត្រូវបានបន្តនីតិវិធីតាមច្បាប់ ស្របតាមច្បាប់ស្តីពីការប្រឆាំងការឆបោកតាមប្រព័ន្ធបច្ចេកវិទ្យា ដែលទើបត្រូវបានប្រកាសអនុវត្តថ្មីៗនេះ។

ជាមួយគ្នានេះផងដែរ បន្ទាប់ពីរកឃើញការពាក់ព័ន្ធនឹងសកម្មភាពឆបោកតាមប្រព័ន្ធបច្ចេកវិទ្យា និងការបំពានច្បាប់ស្តីពីការគ្រប់គ្រងល្បែងពាណិជ្ជកម្ម គ.ល.ក. បានសម្រេចដកហូតអាជ្ញាបណ្ណកាស៊ីណូ លេខ ០៨៦ គ.ល.ក. ដែលបានផ្តល់ជូនក្រុមហ៊ុន ខេ ប៊ី អាយ (ខេមបូឌា) ភីអិលស៊ី។

អាជ្ញាធរបានអះអាងថា នឹងបន្តអនុវត្តវិធានការយ៉ាងតឹងរឹង ក្នុងយុទ្ធនាការបង្ក្រាប និងលុបបំបាត់បទល្មើសឆបោកតាមប្រព័ន្ធបច្ចេកវិទ្យា នៅទូទាំងប្រទេស ដោយមិនមានការលើកលែងចំពោះទីតាំង ឬអង្គភាពណាមួយដែលសង្ស័យថាពាក់ព័ន្ធនឹងសកម្មភាពខុសច្បាប់ឡើយ៕

The post បង្ក្រាបករណីឆបោកអនឡាញនៅបាវិត ចាប់ខ្លួន ២៤៤ នាក់ និងដកអាជ្ញាបណ្ណកាស៊ីណូមួយ appeared first on Kampuchea Thmey Daily.

ជាមួយច្បាប់ថ្មីនេះ  សមត្ថកិច្ចនិងអាជ្ញាធរកម្ពុជា បាននិងកំពុងជំរុញប្រតិបត្តិការបង្រ្កាបការឆបោកតាមប្រព័ន្ធបច្ចេកវិទ្យានៅតាមបណ្តាមូលដ្ឋានក្នុងរាជធានី-ខេត្តទាំង២៥ ឱ្យកាន់តែមានភាពខ្លាំងខ្លាឡើង ដើម្បីឱ្យយុទ្ធនាការរបស់រាជរដ្ឋាភិបាលក្នុងការបោសសម្អាតឧក្រិដ្ឋកម្មឆ្លងដែននេះឱ្យអស់ ទទួលបានជោគជ័យ។

នេះជាប្រសាសន៍របស់លោកសន្តិបណ្ឌិត ឆៃ ស៊ីណារិទ្ធ ទេសរដ្ឋមន្ត្រីទទួលបន្ទុកបេសកកម្មពិសេស និងជាអនុប្រធានប្រចាំការ នៃគណៈកម្មការចំពោះកិច្ចប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា ហៅកាត់ថា គ.ប.ឆ.ប. ដែលឯកឧត្តមបានថ្លែង ក្នុងឱកាស អញ្ជើញជាអធីបតី ដឹកនាំកិច្ចប្រជុំផ្សព្វផ្សព្វផ្សាយវឌ្ឍនភាពនៃយុទ្ធនាការបោសសម្អាតបទល្មើសបច្ចេកវិទ្យា និង«ច្បាប់ស្តីពីការប្រឆាំងនឹងឆបោកតាមប្រព័ន្ធបច្ចេកវិទ្យា» ជូនដល់ឯកអគ្គរដ្ឋទូត តំណាងអង្គទូត សហភាពអឺរ៉ុប និងអង្គការអន្តរជាតិប្រចាំកម្ពុជា សរុបចំនួន ៥៥រូប នាព្រឹកថ្ងៃទី០៨ ខែមេសា ឆ្នាំ២០២៦ នៅទីស្តីការក្រសួងការបរទេស និងសហប្រតិបត្តិការអន្តរជាតិ។

‎លោកសន្តិបណ្ឌិត ឆៃ ស៊ីណារិទ្ធ បានមានប្រសាសន៍ថា កិច្ចសហប្រតិបត្តិការអន្តរជាតិ គឺជាសសរស្តម្ភមួយដ៏សំខាន់ក្នុងការប្រឆាំងការឆបោកតាមប្រព័ន្ធបច្ចេកវិទ្យា និងការអនុវត្តច្បាប់ចំពោះបទល្មើសឆបោកអនឡាញ ដែលជាប្រភេទឧក្រិដ្ឋកម្មឆ្លងដែន មានបណ្តាញ និងអង្គការចាត់តាំងស្មុគស្មាញ។ ជាមួយគ្នានោះ លោកក៏បានរំលេចផងដែរថា កិច្ចសហប្រតិបត្តិការរបស់បណ្តាអង្គទូត និងដៃគូសហប្រតិបត្តិការនាពេលកន្លងមក បានរួមចំណែកសំខាន់ដល់យុទ្ធនាការរបស់រាជរដ្ឋាភិបាលកម្ពុជាដើម្បីបោសសម្អាតបទល្មើស Online scam ដែលទទួលបានលទ្ធផលជាផ្លែផ្កាគួរជាទីមោទនក្នុងរយៈពេល៩ខែចុងក្រោយនេះ។

លោកសន្តិបណ្ឌិត បញ្ជាក់ថា កម្ពុជាត្រៀមខ្លួនជានិច្ច ហើយតែងតែបានទទួលយកការសហការ និងសំណូពររបស់បណ្តាស្ថានទូតនានាជុំវិញករណី online scamនេះ ដើម្បីរួមគ្នាលុបបំបាត់ពើឆបោកតាមបចច្ចេកវិទ្យានេះឱ្យមានប្រសិទ្ធភាព ខណៈដែលបញ្ហានេះជាបញ្ហារួមរបស់សកលោក។  ជាមួយគ្នានេះ កម្ពុជាបានថ្លែងអំណរគុណជូនដល់បណ្តាអង្គទូត អង្គការអន្តរជាតិ ភ្នាក់ងារអន្តរជាតិ និងដៃគូសហប្រតិបត្តិការទាំងអស់ ដែលកន្លងមកតែងតែជួយគាំទ្រ និងផ្តល់កិច្ចសហប្រតិបត្តិការយ៉ាងល្អទាំងផ្នែកបច្ចេកទេស ទាំងផ្នែកប្រតិបត្តិការ ទាំងផ្នែកនីតិវិធីច្បាប់ នៅក្នុងការអនុវត្តយុទ្ធនាការបោសសម្អាតការឆបោកតាមប្រព័ន្ធបច្ចេកវិទ្យា ដល់រាជរដ្ឋាភិបាលកម្ពុជា, គណៈកម្មការចំពោះកិច្ចប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា ព្រមទាំងក្រសួង ស្ថាប័ន និងអាជ្ញាធរមានសមត្ថកិច្ចនៅក្នុងរយៈកាលកន្លងមក។

‎ក្នុងន័យនេះដែរ លោកក៏បានបានវាយតម្លៃខ្ពស់ផងដែរចំពោះ ស្ថានទូតសហរដ្ឋអាមេរិក និង ស្ថានទូតចិន ដែលបានសហការយ៉ាងល្អតាមរយៈភ្នាក់ងារជំនាញដូចជា FBI, Homeland Security និង ក្រសួងសន្តិសុខសាធារណៈចិន រួមចំណែកដល់ការស៊ើបអង្កេត និងការធ្វើកោសល្យវិច័យ។

តាមរយៈការដាក់ចេញនូវច្បាប់ថ្មីនេះ និងការបើកចំហកិច្ចសហប្រតិបត្តិការអន្តរជាតិ កម្ពុជាបង្ហាញទៅកាន់ពិភពលោកនូវការទទួលខុសត្រូវខ្ពស់ក្នុងការលុបបំបាត់រាល់ទម្រង់ នៃឧក្រិដ្ឋកម្មបច្ចេកវិទ្យា ដើម្បីការពារផលប្រយោជន៍ពលរដ្ឋខ្លួន និងសហគមន៍អន្តរជាតិឡើងវិញ។ ការប្រើប្រាស់កម្លាំងសរុបនៅទូទាំងប្រទេស ជាមួយឆន្ទៈឥតដកថយរបស់រាជរដ្ឋាភិបាល គឺជាសក្ខីភាពឆ្លុះបញ្ចាំងពីការបេ្តជ្ញាចិត្តដ៏មោះមុត ដើម្បីធានាថាឧក្រិដ្ឋកម្មឆ្លងដែននេះ នឹងមិនវិលត្រឡប់មកកម្ពុជាវិញឡើយ។

‎‎ជាមួយគ្នានេះលោកទេសរដ្ឋមន្រ្តីបានស្នើដល់ ឯកអគ្គរដ្ឋទូតតំណាងអង្គទូត និងអង្គការអន្តរជាតិដែលមានវត្តមានក្នុងកិច្ចប្រជុំ ឱ្យចូលរួមជំរុញការផ្សព្វផ្សាយអំពីច្បាប់ស្តីពីការប្រឆាំងនឹងឆបោកតាមប្រព័ន្ធបច្ចេកវិទ្យា នេះឱ្យបានទូលំទូលាយដល់ប្រជាពលរដ្ឋរបស់ខ្លួន ដើម្បីបង្កើនការប្រុងប្រយ័ត្ន និងការពារប្រជាពលរដ្ឋ កុំឱ្យធ្លាក់ក្នុងឧបាយកលនៃការឆបោកតាមប្រព័ន្ធអនឡាញ។

លោកទេសរដ្ឋមន្រ្តី ក៏បានឆ្លៀតយកឱកាសនោះអំពាវនាវដល់អ្នកដែលបានជ្រុលខ្លួនធ្លាក់ក្នុងសកម្មភាពឆបោកជាមួយក្រុមឧក្រិដ្ឋជន ឬមានការពាក់ព័ន្ធនឹងការឆបោកតាមប្រព័ន្ធបច្ចេកវិទ្យា ត្រូវចេញមកសារភាព និងចូលរួមផ្តល់ព័ត៌មានជូនសមត្ថកិច្ច ដើម្បីឈានទៅវែកមុខក្រុមមេខ្លោង និងបក្ខពួក ព្រមទាំងផ្តល់កិច្ចសហការជាមួយអាជ្ញាធរដើម្បីពង្រឹងសណ្តាប់ធ្នាប់ និងសន្តិសុខសង្គម។

ដោយឡែកចំពោះម្ចាស់ផ្ទះ ឬអគារ ត្រូវមានស្មារតីម្ចាស់ការខ្ពស់ មិនត្រូវជឿតាមការអូសទាញ ឬយល់ព្រមជួលអគារ និងផ្ទះសម្បែង ទៅឱ្យក្រុមឧក្រិដ្ឋជនសម្រាប់ប្រើប្រាស់ជាទីតាំងប្រព្រឹត្តបទល្មើសឡើយ‎ ‎ ដើម្បីចូលរួមកម្ចាត់រាល់សកម្មភាពឆបោកតាមប្រព័ន្ធបច្ចេកវិទ្យាឱ្យអស់ពីកម្ពុជា។

‎‎កិច្ចប្រជុំនេះបានប្រព្រឹត្តទៅ ដោយមានការធ្វើបទបង្ហាញពីតំណាងក្រសួងយុត្តិធម៌ ដែលផ្តោតការពន្យល់លម្អិតលើខ្លឹមសារសំខាន់ៗ នៃ«ច្បាប់ស្តីពីការប្រឆាំងនឹងឆបោកតាមប្រព័ន្ធបច្ចេកវិទ្យា»ជូនដល់អង្គប្រជុំទាំងមូល រាប់បញ្ចូលទាំងទិដ្ឋភាពសំខាន់ៗនិងលក្ខណៈពិសេសនៃច្បាប់ថ្មីនេះ។ ស្របជាមួយការលើកឡើងជាសំណួរដែលសុទ្ធសឹងមានសារៈសំខាន់ សម្រាប់ការស្វែងយល់ស៊ីជម្រៅពីសំណាក់អង្គប្រជុំយ៉ាងផុលផុស ឯកអគ្គរដ្ឋទូត តំណាងស្ថានទូត និងអង្គការអន្តរជាតិ ក៏បានបង្ហាញការសាទរដល់ប្រទេសកម្ពុជាយ៉ាងខ្លាំងចំពោះលទ្ធផល និងវឌ្ឍនភាពនៃការបោសសម្អាតបទល្មើសឆបោកតាមប្រព័ន្ធបច្ចេកវិទ្យា ជាពិសេសសការដាក់ឱ្យអនុវត្តច្បាប់ថ្មី ក្នុងការប្រយុទ្ធប្រឆាំងឧក្រិដ្ឋកម្មឆបោកតាមប្រព័ន្ធបច្ចេកវិទ្យា Online Scam ។

ច្បាប់ស្តីពីការប្រឆាំងការឆបោកតាមប្រព័ន្ធបច្ចេកវិទ្យា មាន៥ជំពូក និង២៤មាត្រា ។

ជាមួយច្បាប់នេះ បទល្មើសព្រហ្មទណ្ឌថ្មី ចំនួន ៥ ត្រូវ បាន បង្កើតឡើង ដើម្បីធានាដល់ប្រសិទ្ធភាព ក្នុងការ អនុវត្ត គឺរួមមាន៖ ១- បទឆបោកតាមប្រព័ន្ធបច្ចេកវិទ្យា ២- បទរៀបចំ ឬដឹកនាំមជ្ឈមណ្ឌល ឆបោកតាមប្រព័ន្ធបច្ចេកវិទ្យា ៣- បទជ្រើសរើស ឬបណ្តុះបណ្តាល អ្នកដទៃឱ្យចូលរួមប្រព្រឹត្តអំពើឆបោកតាម ប្រព័ន្ធបច្ចេកវិទ្យា ៤- បទប្រមូលក្នុងចេតនាទុច្ចរិតនូវឯកសារសម្គាល់អត្តសញ្ញាណ ឬឯកសារ ព័ត៌មានផ្ទាល់ខ្លួននានារបស់អ្នកដទៃ និង៥- ការ បង្កើត ទម្រង់ពិសេសនៃបទល្មើសសម្អាតប្រាក់។ បទល្មើសទាំងនេះបានកំណត់ដាក់ទោស ជនល្មើស ត្រូវប្រឈមនឹងការ ជាប់ ពន្ធនាគារ ខ្ពស់ បំផុតរហូត ដល់ ១ ជីវិត និង ពិន័យជាប្រាក់ ដល់ ទៅ ១ ០០០ លានរៀល ថែមទាំងការរឹបអូសទ្រព្យសម្បត្តិរបស់ជនល្មើស ផងដែរ ៕

The post លោកសន្តិបណ្ឌិត ឆៃ ស៊ីណារិទ្ធ៖ ច្បាប់ស្តីពីការប្រឆាំងការឆបោកតាមប្រព័ន្ធបច្ចេកវិទ្យា ជួយកម្ពុជាកម្ចាត់ឧក្រិដ្ឋកម្មបច្ចេកវិទ្យាឱ្យអស់ appeared first on Kampuchea Thmey Daily.