នៅ​ក្នុង​រាត្រី​ចុងក្រោយ​នៃ​កម្មវិធី Miss Grand Vietnam 2022 ដែល​រៀបចំ​ឡើង​នៅ​មជ្ឈមណ្ឌល​កីឡា Phu Tho ក្នុងតំបន់១១ នៃ​ទីក្រុង​ហូជីមិញ កាលពីល្ងាចថ្ងៃសៅរ៍ ដោយមានការចូលរួមពី​បេក្ខនារី​ចំនួន ៥០ រូប ​ខណៈ​គណៈកម្មការវិនិច្ឆ័យរួម​មាន​អតីតបវរកញ្ញា​ Ha Kieu Anh អ្នកដឹកនាំ​រឿង Hoang Nhat Nam កំពូល​តារា​បង្ហាញ​ម៉ូត Minh Tu តារា​សម្តែង Minh Tiep និង​អ្នក​រចនា Do Long ជាដើម។

ពិធីនេះក៏មានការចូលរួមពី​លោក Nawat Itsaragrisil ប្រធាន Miss Grand International និងលោកស្រី Teresa Chaivisut អនុប្រធាន Miss Grand International ផង​ដែរ។

យ៉ាងណាមិញ​ យប់​នៃការប្រកួតបានចាប់ផ្តើម​នៅម៉ោង ៧:៣០នាទី​យប់ និងមានរយៈពេលជិត៥ ម៉ោង រួមទាំងផ្នែកដែលមាន​រយៈពេល ៤៥នាទី ក្នុងអំឡុងពេលដែលគណៈកម្មការ​រៀបចំបាន​ណែនាំ​អ្នកឧបត្ថម្ភ និង​ចៅក្រម។ ចំណែក​បេក្ខនារីបានឆ្លងកាត់ជាច្រើនជុំ រួមមាន ឈុតហែលទឹក រ៉ូបរាត្រី ធ្វើបទបង្ហាញ សំណួរនិងចម្លើយ ​សម្រាប់​ការជ្រើសរើស Top 20 Top 15 Top 10 និង Top 5។

ដោយឡែក ​បវរកញ្ញា Doan Thien An ​មានអាយុ ២២ ឆ្នាំ​មក​ពី​ខេត្ត Long An ភាគ​ខាង​ត្បូង​បាន​គ្រង​មកុដ Miss Grand Vietnam 2022 នៅ​ទី​បញ្ចប់​កម្មវិធី ហើយ​ជើងឯករង​ទី១ ទី២ ទី៣ និងទី៤ បាន​ទៅ​លើ Che Nguyen Quynh Chau មក​ពី​ខេត្ត Lam Dong ភាគ​កណ្ដាល, Tran Tuyet Nhu មកពីទីក្រុង​ហូជីមិញ , Tran Nguyen Minh Thu មកពីខេត្ត Quang Tri ភាគខាងជើង និង Ngo Thi Quynh Mai មកពី​ទីក្រុង​ហូជីមិញ។

គួរ​បញ្ជាក់​ថា ​បវរកញ្ញា Doan Thien An នឹង​តំណាង​ឲ្យ​ប្រទេស​វៀតណាម​ ទៅ​ចូលរួម​ប្រកួត​ក្នុង​កម្មវិធី Miss Grand International 2022 ដែល​គ្រោង​នឹង​ប្រព្រឹត្ត​ទៅ​នៅ​ថ្ងៃទី ២៥ ខែតុលា នៅ​ប្រទេស​ឥណ្ឌូណេស៊ីខាងមុខនេះ៕

ប្រែសម្រួល៖ សាង ស្រីល័ក្ខ

ចុចអាន៖ធ្លាយដំណឹងថា Han Lay អតីត Miss Grand មីយ៉ាន់ម៉ា ត្រូវអាជ្ញាធរ ថៃ ឃុំខ្លួន

ចុចអាន៖ច្បាស់ការហើយ! វៀតណាម នឹងធ្វើជាម្ចាស់ផ្ទះ ការប្រកួត Miss Grand International 2023 (មានវីដេអូ)

The post វៀតណាមរកឃើញម្ចាស់មកុដ Miss Grand 2022 ត្រៀមប្រកួតនៅ ឥណ្ឌូណេស៊ី appeared first on Kampuchea Thmey Daily.