Connect with us

ជីវិតកម្សាន្ដ

ធ្លាយដំណឹងថា Han Lay អតីត Miss Grand មីយ៉ាន់ម៉ា ត្រូវអាជ្ញាធរ ថៃ ឃុំខ្លួន

បានផុស

នៅ

Han Lay អតីតបវរកញ្ញា Miss Grand Myanmar 2020 ត្រូវបានឃុំខ្លួននៅឯព្រលានយន្តហោះ ពេល​វិល​ត្រលប់ពី​វៀតណាម​ មកកាន់​ប្រទេសថៃ ដើម្បីសុំសិទ្ធិជ្រកកោនបន្ត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹម​នោះ ​នាយកដ្ឋាន​អន្តោប្រវេសន៍​បាន​និយាយ​នៅ​ក្នុង​សេចក្ដី​ថ្លែងការណ៍​មួយ​ថា Han Lay មិន​មាន​ទិដ្ឋាការ​ត្រឹមត្រូវ​ ដើម្បី​ចូល​ប្រទេស​ថៃ​នោះ​ទេ។ ម៉្យាង​ទៀត​ តារាម៉ូដែល​អាយុ ២៣ឆ្នាំ​រូប​នេះ ​មិន​ត្រូវ​បាន​គេ​ឃុំឃាំង​ទេ ហើយ​ការរៀបចំ កំពុងត្រូវបានធ្វើឡើង ដើម្បីឲ្យ​នាង​ឡើង​យន្តហោះ​ចាក​ចេញ​ពី​ប្រទេស​ថៃ​វិញ។

ដោយឡែក ​លោក Nawit Itsaragrisil ស្ថាបនិក​កម្មវិធី​ប្រកួត Miss Grand International ដែល​តំណាង​ឲ្យ​Han Lay បាន​និយាយ​ថា នាង​បាន​ស្ថិត​នៅ​ក្នុង​តំបន់​ឆ្លងកាត់​នៃ​អាកាសយានដ្ឋាន​បាងកក​ តាំងពី​រសៀល​ថ្ងៃពុធ ទី២១ ខែ​កញ្ញា។ លោក​និយាយ​ថា Han Lay ត្រូវ​បាន​បញ្ឈប់​នៅ​ពេល​មក​ដល់ ដោយសារ​តែ​នាង​ស្ថិត​នៅ​ក្រោម​ការ​ជូន​ដំណឹង​របស់​ប៉ូលិស​ឧក្រិដ្ឋកម្ម​អន្តរជាតិ (Interpol)។

ងាក​ទៅ ​Han Lay វិញ​ នាង​ក៏បាន​បង្ហោះ​នៅ​លើបណ្ដាញសង្គម Instagram ផ្ទាល់ខ្លួន ដោយ​បង្ហាញ​ថា ​នាង​បាន​ចំណាយ​ពេល​ភាគច្រើន​នៅ​ក្នុង​ប្រទេស​ថៃ ​កាលពីឆ្នាំមុន និង​បាន​ត្រឡប់​មក​ប្រទេស​វិញ​ តាម​ជើង​យន្តហោះ​ពី​ប្រទេស​វៀតណាម តែត្រូវ​បាន​គេ​បដិសេធ​មិន​ឲ្យ​ចូលប្រទេសទៅវិញ។

គួរ​រំឭក​ដែរថា Han Lay គឺ​ជា​បេក្ខនារី​ក្នុង​កម្មវិធី Miss Grand International ​និងបាន​ទាក់ទាញ​ការ​ចាប់អារម្មណ៍​ពី​អន្តរជាតិ​កាលពីឆ្នាំមុន ​ជាមួយ​នឹង​សុន្ទរកថា​នៃ​កម្មវិធី​ប្រកួត​សម្រស់​ទាំង​ទឹកភ្នែក​នៅ​លើ​ឆាក​ ដោយ​​អំពាវនាវ​ឲ្យ​មាន​ជំនួយ​ជា​បន្ទាន់​សម្រាប់​ប្រជាជន​មីយ៉ាន់ម៉ា ​ក្នុង​អំឡុង​ពេល​ការ​បង្ក្រាប​ដោយ​យោធា នៅថ្ងៃដែលបាតុករជាង១៤០ នាក់​ត្រូវ​បាន​សម្លាប់៕

ប្រែសម្រួល៖ សាង ស្រីល័ក្ខ

ប្រភព៖Nationthailand

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៦ នាទី មុន

ធនាគារ អេស៊ីលីដា ចូលរួមឧបត្ថម្ភកម្មវិធី វេទិកាហិរញ្ញប្បទានសហគ្រាសធុនតូច និងមធ្យមសកលលោក លើកទី ៩

ព័ត៌មានអន្ដរជាតិ១២ នាទី មុន

ថៃ ព្រមានពលរដ្ឋឲ្យប្រយ័ត្ន ខណៈភ្លៀងធ្លាក់ខ្លាំងនឹងវាយប្រហារស្ទើរទូទាំងប្រទេស 

សេចក្ដីជូនដំណឹង២៤ នាទី មុន

សេចក្ដីជូនដំណឹង ស្ដីពីការអញ្ជើញចូលរួមពិគ្រោះថ្លៃ ការងារជួសជុលខ្លោងទ្វារ រដ្ឋបាលស្រុកមោងឫស្សី

ជីវិតកម្សាន្ដ១ ម៉ោង មុន

ធ្លាយដំណឹងថា Han Lay អតីត Miss Grand មីយ៉ាន់ម៉ា ត្រូវអាជ្ញាធរ ថៃ ឃុំខ្លួន

សន្តិសុខសង្គម១ ម៉ោង មុន

អាជ្ញាធរខេត្តព្រះសីហនុ ប្រកាសជូនថវិកា ២​លានរៀល ក្នុងករណីសង្គ្រោះបានជនរងគ្រោះម្នាក់ ខណៈកំពុងបាត់ខ្លួន ២៣ នាក់

Sokha Hotels

ព័ត៌មានពេញនិយម