ក្រសួងរៀបចំដែនដី បានជូនដំណឹងដល់ប្រជាពលរដ្ឋ ដែលកំពុងរស់នៅ ប្រើប្រាស់ និងអាស្រ័យផលក្នុងអគារ និងដីកម្មសិទ្ធិរបស់អគារអតីតសាលាបឋមសិក្សា ខេម បុត្រ និងសាធារណជន ឱ្យបានជ្រាបថា យោងតាមលទ្ធផលរបស់ក្រុមការងារជំនាញនៃអគ្គនាយកដ្ឋានសំណង់ និង មន្ទីរពិសោធន៍ជាតិសំណង់ បានធ្វើការវិភាគគ្រឿងផ្គុំសំណង់អគារខាងលើឡើងវិញ ជាលទ្ធផលពិនិត្យឃើញថា គុណភាពសំណង់អគារនេះមានការធ្លាក់ចុះខ្សោយយ៉ាងខ្លាំង ក្នុងនោះ ស្រទាប់បេតុងនិងសរសដែកភាគ ច្រើនបំផុតនៃធ្នឹម កម្រាលខណ្ឌ និងសសរ បានផ្ទាត់ចេញ និងមានស្នាមច្រែះធ្ងន់ធ្ងរ ដែលធ្វើឱ្យបាត់បង់ គុណភាពនិងលទ្ធភាពទ្រទ្រង់អគារទាំងមូល ប្រឈមនឹងហានិភ័យបាក់រលំដែលអាចកើតមានឡើងជាយថាហេតុ និងបានចាត់ថ្នាក់អគារនេះថា ជា “សំណង់ដែលមានសភាពគ្រោះថ្នាក់ដែលអាចកើតមានឡើងភ្លាមៗ” ។

ដើម្បីបង្ការនិងបញ្ចៀសគ្រោះថ្នាក់ដល់រាងកាយ និងអាយុជីវិតរបស់ប្រជាពលរដ្ឋកំពុងរស់នៅ ប្រើប្រាស់ និងអាស្រ័យផលក្នុងអគារនិងដីកម្មសិទ្ធិរបស់អគារអតីតសាលាបឋមសិក្សា ខេម បុត្រ សំណង់ជិតខាង អ្នកជិតខាង និងសាធារណជន ក្រសួងរៀបចំដែនដី នគរូបនីយកម្ម និងសំណង់ សូមអំពាវនាវឱ្យ ប្រជាពលរដ្ឋដែលកំពុងរស់នៅ ប្រើប្រាស់ និងអាស្រ័យផលក្នុងអគារនិងដីកម្មសិទ្ធរបស់អគារខាងលើនេះ ស្វែងរកទី កន្លែងស្នាក់នៅថ្មីដែលមានសុវត្ថិភាពជាបន្ទាន់ គិតចាប់ពីថ្ងៃចេញសេចក្តីប្រកាសព័ត៌មាននេះតទៅ ដើម្បីក្រុមការងារចាប់ផ្តើមអនុវត្តការងារតម្លើង “ផ្ទាំងសេចក្តីប្រកាសព័ត៌មាន ស្ដីពីការចាត់វិធានការបញ្ចៀសគ្រោះថ្នាក់ ចំពោះអគារអតីតសាលាបឋមសិក្សាខេមបុត្រ ដែលមានទីតាំងនៅផ្លូវលេខ៩៣ កែងផ្លូវលេខ២៨២ ភូមិ៣ សង្កាត់បឹង កេងកង១ ខណ្ឌបឹងកេងកង រាជធានីភ្នំពេញ។

គិតចាប់ពីថ្ងៃចេញសេចក្ដីប្រកាសព័ត៌មាននេះ ក្នុងរយៈពេលយ៉ាងយូរ ៣០ថ្ងៃ គិតចាប់ពីថ្ងៃទី៣ ខែមីនា នេះតទៅ ក្រសួងរៀបចំដែនដី និងរដ្ឋបាលរាជធានីភ្នំពេញ នឹងចាត់វិធានការដូចខាងក្រោម៖ មិនអនុញ្ញាតឱ្យមានការបន្តស្នាក់នៅឬប្រើប្រាស់អគារនេះទៀតឡើយ នឹង ធ្វើការហ៊ុំព័ទ្ធ និងហាមចូលសំណង់អគារនេះ។

ដូចបានជម្រាបជូនខាងលើ សូមប្រជាពលរដ្ឋដែលកំពុងរស់នៅ ប្រើប្រាស់ និងអាស្រ័យផល ក្នុងសំណង់អគារខាងលើ និងសាធារណជន មេត្តាជ្រាបជាព័ត៌មាន និងចូលរួមសហការអនុវត្ត ប្រកបដោយ ស្មារតីប្រុងប្រយ័ត្ន និងការទទួលខុសត្រូវខ្ពស់ សំណង់អគារអតីតសាលាបឋមសិក្សារ ខេម បុត្រ ជាអគារចំណាស់ដែលមានសភាពទ្រុឌទ្រោម និងគ្រោះថ្នាក់បំផុតក្នុងចំណោមអាគារទាំង១៩ទីតាំងនៅរាជធានីភ្នំពេញ៕

The post ក្រសួងរៀបចំដែនដី ចាប់ផ្តើមអនុវត្តការងារតម្លើង “ផ្ទាំងសេចក្តីប្រកាសព័ត៌មាន ស្ដីពីការចាត់វិធានការបញ្ចៀសគ្រោះថ្នាក់ចំពោះ អគារអតីតសាលាបឋមសិក្សាខេមបុត្រ appeared first on Kampuchea Thmey Daily.

ក្នុងអំឡុពេលកើតហេតុមាន គ្រិស្តបរិស័ទគ្រិស្តអូស្សូដក់រាប់ពាន់នាក់បានប្រមូលផ្តុំគ្នា ខណៈដោយមានធ្នឹម ដែលមិនទាន់សាងសង់រួចរាល់និងកំទេចកំទីធ្លាក់មកលើហ្វូងមនុស្សភ្លាមៗបង្កចលាចល។

ប្រតិបត្តិការជួយសង្គ្រោះបានបន្តពេញមួយថ្ងៃនិងប្រញាប់ប្រញាល់បញ្ជូនជនរងគ្រោះទៅកាន់មន្ទីរពេទ្យក្នុងទីក្រុង។ ក្រុមមន្ត្រីបានព្រមានថា ចំនួនអ្នកស្លាប់អាចកើនឡើង ខណៈដែលមនុស្សជាច្រើនទៀតនៅតែជាប់នៅក្រោមគំនរបាក់បែក។ មេដឹកនាំក្នុងតំបន់បានហៅការបាក់រលំនេះថាជាការបាត់បង់ដ៏បំផ្លិចបំផ្លាញ ខណៈដែលរដ្ឋាភិបាលបានសម្តែងការសោកស្ដាយ និងបានជំរុញឱ្យមានការរឹតបន្តឹងការអនុវត្តស្តង់ដារសុវត្ថិភាពសំណង់៕

អត្ថបទ៖ ប៊ុន សុភាព

The post បាក់រលំវិហារនៅប្រទេសអេត្យូពីសម្លាប់មនុស្ស៣០នាក់ appeared first on Kampuchea Thmey Daily.

យោងតាមទីភ្នាក់ងារគ្រោះមហន្តរាយរបស់ប្រទេសឥណ្ឌូណេស៊ី (BNPB) យ៉ាងហោចណាស់មនុស្ស ៩១ នាក់នៅតែជាប់នៅក្រោមគំនរបាក់បែក។ ក្រុមអ្នកជួយសង្គ្រោះបានរកឃើញសញ្ញានៃអ្នកនៅរស់រានមានជីវិតចំនួន ៦ នាក់ហើយតាមរយៈចន្លោះតូចៗ ពួកគេត្រូវបានបញ្ចូនអាហារ និងទឹកដើម្បីទ្រទ្រង់ជីវិត។ ទោះបីជាយ៉ាងណាក៏ដោយ ក្រុមអ្នកជួយសង្គ្រោះ មិនទាន់អាចប្រើប្រាស់ម៉ាស៊ីនធុនធ្ងន់នៅឡើយទេ ព្រោះវាអាចធ្វើឱ្យអគារកាន់តែបាក់រលំ។

ការបាក់រលំដ៏រន្ធត់នេះត្រូវបានសនិដ្ឋានថាបណ្ដាលមកពីសរសរគ្រិះជាន់ខាងលើមិនរាំងមាំនិងសាងសង់ដោយគ្មានការអនុញ្ញាត្ត។ មក​ទល់​ពេល​នេះ​ចំនួន​អ្នក​ស្លាប់​ជា​ផ្លូវ​ការ​មាន​ចំនួន​បី​នាក់ ហើយ​មនុស្ស​ជិត​១០០​នាក់​បាន​រង​របួស។ ជាការឆ្លើយបុគ្គលិកសង្គ្រោះជាង ៣០០នាក់ មកពីក្រុមប៉ូលិស យោធា និងក្រុមឆ្លើយតបគ្រោះមហន្តរាយ កំពុងជីកកកាយដោយដៃ ដើម្បីស្វែងរកអ្នកនៅរស់រានមានជីវិត។

ក្រុមមន្ត្រីឥណ្ឌូណេស៊ីបាននិយាយថា ប្រសិនបើគេបញ្ជាក់ថា គ្មានមនុស្សនៅរស់ទេនោះ ពួកគេនឹងប្រើឧបករណ៍ធុនធ្ងន់ ដើម្បីយកកម្ទេចថ្ម និងយកសាកសពអ្នកស្លាប់ចេញ៕

អត្ថបទ៖ ប៊ុន សុភាព

The post សិស្សនិងគ្រូ៩០នាក់ទៀតនៅតែជាប់ក្រោមគំនរបាក់បែកបន្ទាប់ពីបាក់រលំសាលារៀននៅឥណ្ឌូណេស៊ី appeared first on Kampuchea Thmey Daily.

អគារការិយាល័យសវនកម្មរដ្ឋកម្ពស់ ៣០ ជាន់បានដួលរលំក្នុងអំឡុងពេលការរញ្ជួយដីកម្រិត ៧.៧ រ៉ិចទ័រកាលពីថ្ងៃទី ២៨ ខែមីនា ដែលបានវាយប្រហារប្រទេសជិតខាងមីយ៉ាន់ម៉ា។ វា​ជា​អគារ​តែ​មួយ​គត់​ក្នុង​ទីក្រុង​បាងកក​ដែល​បាន​បាក់​រលំ​ពី​ការ​រញ្ជួយ​ដីនៅពេលនោះ។

អគារនេះត្រូវបានសាងសង់ដោយក្រុមហ៊ុន Italian-Thai Development និង China Railway Number 10 (Thailand) Ltd ដែលជាផ្នែកមួយនៃក្រុមហ៊ុន China Railway Group។ តាមការស៉ើបអង្គេតជន​ជាប់​ចោទ​បាន​បំពាន​ច្បាប់​សំណង់​មាន​ការ​ធ្វេសប្រហែស ហើយ​ក្នុង​ករណី​ខ្លះ​មានក្លែង​បន្លំ​ឯកសារ​វិស្វកម្មទៀតផង។

ទោះយ៉ាងណាលោក Premchai និងមនុស្ស ១៤ នាក់ផ្សេងទៀតបដិសេធការចោទប្រកាន់នេះ ខណៈក្រុមហ៊ុន​ទាំង​ពីរ​មិន​ទាន់​បញ្ចេញ​មតិ​ជា​សាធារណៈ​នៅ​ឡើយ​ទេ។

គួរបញ្ជាក់ថាលោក Premchai Karnasuta ដែលជាមហាសេដ្ឋីសំណង់ឈានមុខគេរបស់ប្រទេសថៃបានប្រឈមក្រពីការចោទប្រកាន់ផ្លូវច្បាប់បន្ទាប់ពីការដួលរលំអគារនៅទីក្រុងបាងកកក្នុងឆ្នាំ ២០២៥ នេះ។ លោកក៏ធ្លាប់ត្រូវបានចោទប្រកាន់ពីបទធ្វេសប្រហែស និងបំពានច្បាប់សុវត្ថិភាព។ កេរ្តិ៍ឈ្មោះរបស់លោកត្រូវបានបំផ្លាញបន្ថែមទៀតដោយរឿងអាស្រូវការបរបាញ់ខុសច្បាប់កាលពីអតីតកាលក្នុងឆ្នាំ២០១៨ ៕

អត្ថបទ៖ ប៊ុន សុភាព

អត្ថបទ៖ ប៊ុន សុភាព

The post មហាសេដ្ឋី​ថៃ ​រងការចោទប្រកាន់លើការបាក់រលំអគារការិយាល័យសវនកម្មរដ្ឋនៅបាងកក appeared first on Kampuchea Thmey Daily.