ព័ត៌មានអន្ដរជាតិ

មហាសេដ្ឋីថៃ រងការចោទប្រកាន់លើការបាក់រលំអគារការិយាល័យសវនកម្មរដ្ឋនៅបាងកក

បានផុស

១១ ខែ មុន

នៅ

ថ្ងៃសុក្រ ៨ សីហា ២០២៥

ដោយ

រដ្ឋអាជ្ញាថៃបានចោទប្រកាន់មនុស្ស ២៣ នាក់ រួមទាំងមហាសេដ្ឋីសំណង់ល្បីឈ្មោះលោក Premchai Karnasuta និងក្រុមហ៊ុនរដ្ឋរបស់ចិន ជុំវិញការដួលរលំអគារនៅទីក្រុងបាងកក ដែលបានសម្លាប់កម្មករយ៉ាងហោចណាស់ ៩៥នាក់។ នេះបើយោងតាមការចេញផ្សាយរបស់សារព័ត៌មាន CNN នៅថ្ងៃទី០៨ខែសីហា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អគារការិយាល័យសវនកម្មរដ្ឋកម្ពស់ ៣០ ជាន់បានដួលរលំក្នុងអំឡុងពេលការរញ្ជួយដីកម្រិត ៧.៧ រ៉ិចទ័រកាលពីថ្ងៃទី ២៨ ខែមីនា ដែលបានវាយប្រហារប្រទេសជិតខាងមីយ៉ាន់ម៉ា។ វាជាអគារតែមួយគត់ក្នុងទីក្រុងបាងកកដែលបានបាក់រលំពីការរញ្ជួយដីនៅពេលនោះ។

អគារនេះត្រូវបានសាងសង់ដោយក្រុមហ៊ុន Italian-Thai Development និង China Railway Number 10 (Thailand) Ltd ដែលជាផ្នែកមួយនៃក្រុមហ៊ុន China Railway Group។ តាមការស៉ើបអង្គេតជនជាប់ចោទបានបំពានច្បាប់សំណង់មានការធ្វេសប្រហែស ហើយក្នុងករណីខ្លះមានក្លែងបន្លំឯកសារវិស្វកម្មទៀតផង។

ទោះយ៉ាងណាលោក Premchai និងមនុស្ស ១៤ នាក់ផ្សេងទៀតបដិសេធការចោទប្រកាន់នេះ ខណៈក្រុមហ៊ុនទាំងពីរមិនទាន់បញ្ចេញមតិជាសាធារណៈនៅឡើយទេ។

គួរបញ្ជាក់ថាលោក Premchai Karnasuta ដែលជាមហាសេដ្ឋីសំណង់ឈានមុខគេរបស់ប្រទេសថៃបានប្រឈមក្រពីការចោទប្រកាន់ផ្លូវច្បាប់បន្ទាប់ពីការដួលរលំអគារនៅទីក្រុងបាងកកក្នុងឆ្នាំ ២០២៥ នេះ។ លោកក៏ធ្លាប់ត្រូវបានចោទប្រកាន់ពីបទធ្វេសប្រហែស និងបំពានច្បាប់សុវត្ថិភាព។ កេរ្តិ៍ឈ្មោះរបស់លោកត្រូវបានបំផ្លាញបន្ថែមទៀតដោយរឿងអាស្រូវការបរបាញ់ខុសច្បាប់កាលពីអតីតកាលក្នុងឆ្នាំ២០១៨ ៕

អត្ថបទ៖ ប៊ុន សុភាព