ប៊ូ សុនីតា Archives - Kampuchea Thmey Daily

តារាស្រី ប៊ូ សុនីតា អួលដើមក ក្រោយយកឈ្នះជំងឺមហារីក ជាមួយគ្រូពេទ្យនៅក្នុងស្រុក

Chan Sotheavy — Mon, 16 Sep 2024 02:15:00 +0000

តារាចម្រៀង និងសម្តែង ប៊ូ សុនីតា បានបង្ហាញអារម្មណ៍ក្តុកក្តួល នៅពេលដែលរំលឹកដល់រឿងដែលនាងធ្លាក់ខ្លួនឈឺធ្ងន់ធ្ងរដោយសារជំងឺកាចសាហាវ (មហារីក) ដំណាក់កាលទី៣ កាលពីអំឡុងឆ្នាំ២០២១ កន្លងទៅ។

យ៉ាងណាមិញក្រោយទទួលបានការព្យាបាលតាមដំណាក់កាល ទីបំផុតកញ្ញា ប៊ូ សុនីតា បានយកឈ្នះនូវជំងឺដ៏កាចសាហាវ (ដុំសាច់ក្នុងស្បូន) ដោយជោគជ័យ ខណ:ដែលការព្យាបាលនេះ ក៏ត្រូវចំណាយអស់លុយច្រើនម៉ឺនដុល្លារផងដែរ។ គេនៅចាំបានថា កាលនោះដើម្បីបន្តជីវិតរស់ ប៊ូ សុនីតា បានអំពាវនាវសុំការជួយឧបត្ថម្ភពីសប្បុរសជនយកប្រាក់ព្យាបាលជំងឺបន្តជីវិតចុងក្រោយផងដែរ។

ដោយឡែកនៅពេលដែលរំលឹកដល់រឿងនេះ តារាចម្រៀង ប៊ូ សុនីតា បាននិយាយដោយខ្លីថា អួលដើម.ក រំភើបនឹងការប្រឹងប្រែងតស៊ូរបស់ខ្លួនឯងដែលអាចយកឈ្នះជំងឺកាចសាហាវមួយនេះបាន។ ជាមួយគ្នានេះ កញ្ញាបានបញ្ជាក់ថា ពេលដែលដឹងថាខ្លួនមានជំងឺនេះដំបូង កញ្ញាពិតជាមានអារម្មណ៍រន្ធត់ ព្រោះគិតថាខ្លួនច្បាស់ជាមិនអាចមើលជាទេអាចប្រឈមនឹងការស្លាប់។

តារាស្រីរូបនេះ អះអាងថា ខ្លួនបានបន្តការព្យាបាលជំងឺនេះនៅក្នុងស្រុក(ពេទ្យរុស្ស៊ី) មិនបានធ្វើការព្យាបាលនៅក្រៅប្រទេសឡើយ តាមរយ:ការចាក់គីមីដែលប្រើពេលចាក់រហូតដល់ ៨ដង និងបាញ់កាំរស្មីចំនួន២៧ដងឯណោះ។

សូមបញ្ជាក់ថា កញ្ញា ប៊ូ សុនីតា គឺជាអតីតម្ចាស់ជ័យ លាភីលេខ២ក្នុងកម្មវិធីកំពូលតារាអាស៊ានកាលពីឆ្នាំ ២០១០ និងបច្ចុប្បន្នជាតារាចម្រៀង-សម្តែង។ កន្លងមក កញ្ញាត្រូវបានប្រភពពីអ្នកសិល្ប:ទម្លាយថា កើតជំងឺមហារីកស្បូនធ្ងន់ធ្ងរស្ថិតក្នុងដំណាក់កាលទី ៣ គួរឲ្យបារម្ភ។ ប៉ុន្តែបន្ទាប់ព្យាបាល ពេលនេះតារាស្រីរូបនេះ បានជាសះស្បើយពីជំងឺនេះហើយ៕

អត្ថបទ៖ ចាន់រ៉ា

The post តារាស្រី ប៊ូ សុនីតា អួលដើមក ក្រោយយកឈ្នះជំងឺមហារីក ជាមួយគ្រូពេទ្យនៅក្នុងស្រុក appeared first on Kampuchea Thmey Daily.

ទុក្ខជាន់ទុក្ខ! ឪពុកឈឺធ្ងន់ បងវិកលចរិត ចំណែក ប៊ូ សុនីតា វិញកើតជំងឺមហារីកមាត់ស្បូនទៀត

Sorn Phanith — Thu, 05 May 2022 09:20:07 +0000

ធ្លាប់តែមានសកម្មភាពសិល្បៈរស់រវើកនៅលើឆាក ពេលនេះ ប៊ូ សុនីតា បែរជាធ្លាក់ខ្លួនឈឺធ្ងន់ ជំងឺមហារីកមាត់ស្បូន កំពុងដង្ហោយរកជំនួយពីសប្បុរសជន ដែលមានចិត្តបុណ្យ ដើម្បីជួយសង្គ្រោះជីវិត។

ប៊ូ សុនីតា មានស្រុកកំណើតនៅឃុំស្លាបលែង ខេត្តកំពង់ស្ពឺ ដែលជាតារាចំរៀង បានចំណាត់ថ្នាក់លេខ ២ ក្នុងកម្មវិធីតារាចម្រៀងអាស៊ាន ឆ្នាំ ២០១០។ ប៉ុន្តែពេលនេះ ហាក់ដូចជាទុក្ខត្រួតលើទុក្ខ ព្រោះដោយសារតែនាងកំពុងមានជំងឺប្រចាំកាយហើយ ថែមទាំងឪពុកឈឺធ្ងន់ និងបងប្រុស វិកលចរិត ទៀតផង។ ទោះជាយ៉ាងណា នីតា នាងមិនផ្ដេកផ្ដួលដោយសារជំងឺឡើយ នាងខំពង្រឹងស្មារតី នាងដេករង់ចាំគ្រូពេទ្យតាំងពីម៉ោង ១២ ថ្ងៃត្រង់ រហូតដល់ម៉ោង ២ កន្លះ ដើម្បីរង់ចាំការជួសឈាម និងធ្វើសំណុំបែបបទចូលបន្ទប់សម្រាកព្យាបាល នៅមន្ទីរពេទ្យខេត្ត។

ដោយសារឃើញសកម្មភាព ប៊ូ សុនីតា ជាច្រើននៅលើឆាកច្រៀង ដើម្បីជួយដល់សង្គម ហើយក៏មានការស្គាល់នាងតាមរយៈបទចម្រៀងអប់រំជាច្រើន ទើបធ្វើឲ្យសប្បុរសជនមួយចំនួន ដែលធ្លាប់ស្គាល់នាង និងគាំទ្រ បានជួយសង្គ្រោះនាងជាថវិកាជាហូរហែ ដើម្បីបានព្យាបាលជំងឺឲ្យជាសះស្បើយ នឹងឆាប់វិលមកបន្តអាជីពជួយដល់សង្គមជាតិយើងទៀត តាមរយៈបទចម្រៀងអប់រំរបស់នាង៕

អត្ថបទ៖ រុងរឿង

The post ទុក្ខជាន់ទុក្ខ! ឪពុកឈឺធ្ងន់ បងវិកលចរិត ចំណែក ប៊ូ សុនីតា វិញកើតជំងឺមហារីកមាត់ស្បូនទៀត appeared first on Kampuchea Thmey Daily.

តារាចម្រៀង ប៊ូ សុនីតា ធ្លាក់ខ្លួនឈឺជំងឺមហារីកដុំសាច់ក្នុងស្បូនធ្ងន់ធ្ងរ ដំណាក់កាលទី ៣

Sorn Phanith — Wed, 23 Mar 2022 03:32:59 +0000

អតីតម្ចាស់ជយលាភីលេខ ២ ក្នុងកម្មវិធីកំពូលតារាអាស៊ាន កាលពីឆ្នាំ ២០១០ និងតារាចម្រៀងកញ្ញា ប៊ូ សុនីតា ត្រូវបានប្រភពពីអ្នកសិល្បៈទម្លាយថា ពេលនេះបានកើតជំងឺមហារីកស្បូនធ្ងន់ធ្ងរស្ថិតក្នុងដំណាក់កាលទី ៣ គួរឲ្យបារម្ភ។

ប្រភពបានបន្តថា បច្ចុប្បន្នកញ្ញា ប៊ូ សុនីតា បាននិងកំពុងព្យាបាលតាមដំណាក់កាល ខណៈនាងក៏បានអំពាវនាវសុំការជួយឧបត្ថម្ភពីសប្បុរសជន ដើម្បីបានប្រាក់ព្យាបាលជំងឺបន្តជីវិតចុងក្រោយផងដែរ។ ប្រភពបន្តថានាងកំពុងស្ថិតក្នុងដំណាក់កាលប្រឈមអាយុជីវិត ប្រសិនបើគ្មានលទ្ធភាពបាញ់គីមីបន្តនោះទេ។

ជាមួយគ្នានេះ បើយោងតាមការបង្ហោះនៅលើទំព័រហ្វេសប៊ុករបស់តារាស្រី ប៊ូ សុនីតា បានបញ្ជាក់ថា នាងខ្ញុំមានជំងឺមហារីកដុំសាច់ក្នុងស្បូនដំណាក់កាលទី3B។ គិតយ៉ាងម៉េចទៅ ជំងឺខ្ញុំពីដំបូងខ្ញុំឭគេនិយាយតៗគ្នាថា ចាក់គីមីហើយលែងហូរឈាមតែឥឡូវខ្ញុំហូរឈាមរហូត។ ខ្ញុំខ្លាចបំផុតការហូរឈាមហ្នឹង។

កញ្ញា ប៊ូ សុនីតា បាននិយាយបន្ថែមថា ពេលនេះនាងកំពុងស្ថិតក្នុងដំណាក់កាលធ្ងន់ធ្ងរណាស់ ព្រោះធ្លាក់ឈាមអត់ឈប់ហើយដួលសន្លប់។ ប៊ូ សុ នីតា បាននិយាយហាក់អស់សង្ឃឹមទៀតថា ខ្ញុំមិនដឹងថា ខ្ញុំត្រូវទៅនៅពេលណាទេ ដូច្នេះខ្ញុំសូមអហោសកម្មខ្លួនឯងទុកជាមុន។ តាមរយៈនេះ គឺមានទស្សនិកជនមួយចំនួន បានសម្តែងការអាណិតអាសូរចំពោះនាង និងថែមទាំងអំពាវនាវដល់សប្បុរសជនជួយសង្គ្រោះជីវិតតារាស្រីរូបនេះផង៕

អត្ថបទ៖ ចាន់រ៉ា

The post តារាចម្រៀង ប៊ូ សុនីតា ធ្លាក់ខ្លួនឈឺជំងឺមហារីកដុំសាច់ក្នុងស្បូនធ្ងន់ធ្ងរ ដំណាក់កាលទី ៣ appeared first on Kampuchea Thmey Daily.