ជីវិតកម្សាន្ដ

ទុក្ខជាន់ទុក្ខ! ឪពុកឈឺធ្ងន់ បងវិកលចរិត ចំណែក ប៊ូ សុនីតា វិញកើតជំងឺមហារីកមាត់ស្បូនទៀត

បានផុស

២ years មុន

នៅ

ថ្ងៃព្រហស្បតិ៍ ៥ ឧសភា ២០២២

ដោយ

ធ្លាប់តែមានសកម្មភាពសិល្បៈរស់រវើកនៅលើឆាក ពេលនេះ ប៊ូ សុនីតា បែរជាធ្លាក់ខ្លួនឈឺធ្ងន់ ជំងឺមហារីកមាត់ស្បូន កំពុងដង្ហោយរកជំនួយពីសប្បុរសជន ដែលមានចិត្តបុណ្យ ដើម្បីជួយសង្គ្រោះជីវិត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៊ូ សុនីតា មានស្រុកកំណើតនៅឃុំស្លាបលែង ខេត្តកំពង់ស្ពឺ ដែលជាតារាចំរៀង បានចំណាត់ថ្នាក់លេខ ២ ក្នុងកម្មវិធីតារាចម្រៀងអាស៊ាន ឆ្នាំ ២០១០។ ប៉ុន្តែពេលនេះ ហាក់ដូចជាទុក្ខត្រួតលើទុក្ខ ព្រោះដោយសារតែនាងកំពុងមានជំងឺប្រចាំកាយហើយ ថែមទាំងឪពុកឈឺធ្ងន់ និងបងប្រុស វិកលចរិត ទៀតផង។ ទោះជាយ៉ាងណា នីតា នាងមិនផ្ដេកផ្ដួលដោយសារជំងឺឡើយ នាងខំពង្រឹងស្មារតី នាងដេករង់ចាំគ្រូពេទ្យតាំងពីម៉ោង ១២ ថ្ងៃត្រង់ រហូតដល់ម៉ោង ២ កន្លះ ដើម្បីរង់ចាំការជួសឈាម និងធ្វើសំណុំបែបបទចូលបន្ទប់សម្រាកព្យាបាល នៅមន្ទីរពេទ្យខេត្ត។

ដោយសារឃើញសកម្មភាព ប៊ូ សុនីតា ជាច្រើននៅលើឆាកច្រៀង ដើម្បីជួយដល់សង្គម ហើយក៏មានការស្គាល់នាងតាមរយៈបទចម្រៀងអប់រំជាច្រើន ទើបធ្វើឲ្យសប្បុរសជនមួយចំនួន ដែលធ្លាប់ស្គាល់នាង និងគាំទ្រ បានជួយសង្គ្រោះនាងជាថវិកាជាហូរហែ ដើម្បីបានព្យាបាលជំងឺឲ្យជាសះស្បើយ នឹងឆាប់វិលមកបន្តអាជីពជួយដល់សង្គមជាតិយើងទៀត តាមរយៈបទចម្រៀងអប់រំរបស់នាង៕