ប្រគំតន្ត្រី Archives - Kampuchea Thmey Daily

វឌ្ឍនៈ ប្រ៊ូវើរី រៀបចំព្រឹត្តិការណ៍ប្រគំតន្រ្តី និងប្រដាល់គុនខ្មែរតាមបណ្តាខេត្តក្រុងជាច្រើន ដើម្បីអបអរពិធីបុណ្យអុំទូក

Sorn Phanith — Thu, 17 Oct 2024 03:58:32 +0000

អុំទូកឆ្នាំនេះ កាន់តែកក្រើក និងអស្ចារ្យ ដោយក្រុមហ៊ុន វឌ្ឍនៈ ប្រ៊ូវើរី រៀបចំព្រឹត្តិការណ៍ប្រគំតន្ត្រី ប្រដាល់គុនខ្មែរ ព្រមទាំងរៀបចំតែងលម្អនៅតាមបណ្តាផ្លូវមួយចំនួន និងចូលរួមបណ្តែតប្រទីតរបស់ វឌ្ឍនៈ គ្រុប នៅមុខព្រះបរមរាជវាំង ដើម្បីបន្តចែករំលែកពេលវេលាល្អ និងផ្តល់ភាពសប្បាយរីករាយជាមួយប្រជាពលរដ្ឋខ្មែរនៅទូទាំងប្រទេសកម្ពុជា។

ជារៀងរាល់ឆ្នាំ វឌ្ឍនៈ ប៊្រូវើរី តែងតែចូលរួមប្រារព្ធពិធីបុណ្យតូចធំជាច្រើន ហើយសម្រាប់ពិធីបុណ្យអុំទូកឆ្នាំនេះ វឌ្ឍនៈ ប៊្រូវើរី បានសហការជាមួយរដ្ឋបាលខេត្តកំពង់ចាម កណ្តាល តាកែវ ត្បូងឃ្មុំ ឧត្តរមានជ័យ ពោធិ៍សាត់ ស្ទឹងត្រែង រតនគិរី កោះកុង ព្រៃវែង កំពង់ធំ បន្ទាយមានជ័យ រៀបចំការតាំងពិព័រណ៍ភូមិមួយផលិតផលមួយ ព្រឹត្តិការណ៍ប្រដាល់គុនខ្មែរ ព្រមទាំងការប្រគំតន្ត្រីខ្នាតយក្ស “ពេលវេលាល្អ អបអរសាទរ ព្រះរាជពិធីបុណ្យអុំទូក” ជាមួយវត្តមានចូលរួមដោយតារាចម្រៀងល្បីៗ និងកំពូលអ្នកប្រដាល់ជាតិ និងអន្តរជាតិមកពីគ្រប់ទិសទី ដែលការរៀបចំនេះនឹងប្រពឹត្តទៅតាមបណ្តាខេត្តនានាទៅចាប់ពីពាក់កណ្តាលខែតុលានេះ រហូតដល់ពាក់កណ្តាលខែវិច្ឆិកានៃព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក នៅទីក្រុងភ្នំពេញ នាថ្ងៃទី១៤ រហូតដល់១៦ វិច្ឆិកា។

ហ្វេនៗនៅតាមខេត្តក្រុងនីមួយៗខាងលើនឹងទទួលបានភាពរីករាយ បង្កើតអនុស្សាវរីយសប្បាយៗក្នុងព្រឹត្តិការណ៍អុំទូកឆ្នាំ២០២៤ របស់ វឌ្ឍនៈ ប្រ៊ូវើរី ដែលមានទាំងកម្មវិធីប្រគំតន្រ្តី កម្មវិធីប្រដាល់ ការប្រណាំងទូកង ការបាញ់កាំជ្រួច ការតាំងពិព័រណ៍ និងស្តង់អាហារចម្រុះសម្បូរបែប ដែលអាចឱ្យបងប្អូនរីករាយក្នុងការដើរទស្សនា ទិញទំនិញ ភ្លក្សរសជាតិម្ហូប និងការលេងហ្គេមកម្សាន្តជាច្រើនទៀត ជាពិសេសក្រេបរសជាតិផលិតផល វឌ្ឍនៈ ប្រ៊ូវើរី ដ៏ឈ្ងុយឆ្ងាញ់ ជាមួយឱកាសឈ្នះរង្វាន់ជាច្រើន។

The post វឌ្ឍនៈ ប្រ៊ូវើរី រៀបចំព្រឹត្តិការណ៍ប្រគំតន្រ្តី និងប្រដាល់គុនខ្មែរតាមបណ្តាខេត្តក្រុងជាច្រើន ដើម្បីអបអរពិធីបុណ្យអុំទូក appeared first on Kampuchea Thmey Daily.

ចូលរួមរាប់ថយក្រោយក្នុងមហាព្រឹត្តិការណ៍ប្រគំតន្ត្រីឆ្លងឆ្នាំលើឆ្នេរសមុទ្រ ដំបូងគេបង្អស់ នៅកម្ពុជា “Element” Countdown Music Festival

អ៊ិន ពិសី — Mon, 25 Dec 2023 06:41:53 +0000

ទទួលយកបទពិសោធន៍ឆ្លងឆ្នាំដ៏អស្ចារ្យ ជាមួយព្រឹត្តិការណ៍ប្រគំតន្ត្រីឆ្លងឆ្នាំ “Element” Music Festival ដំបូងគេបង្អស់នៅកម្ពុជា ដែលនឹងប្រព្រឹត្តិទៅនៅឯគម្រោងអភិវឌ្ឍន៍ Bay of Lights ក្នុងខេត្តព្រះសីហនុ នាថ្ងៃទី៣០ និងទី៣១ ខែធ្នូ។ ព្រឹត្តិការណ៍ប្រគំតន្ត្រីឆ្លងឆ្នាំ “Element” Music Festival នេះ នឹងមានការចូលរួមពីសំណាក់ឌីជេលំដាប់ពិភពលោករួមមាន DJ Yellow Claw និង DJ NERVO អមជាមួយវត្តមានឌីជេល្បីឈ្មោះក្នុងតំបន់ជាច្រើនរូបទៀតមានដូចជា DJ Wukong, ក្រុម Hypertrain, DJ Da Tweekaz, DJ 22 Bullets រួមទាំងសិល្បករល្បីឈ្មោះជាច្រើនរូបទៀត។

ព្រឹត្តិការណ៍ប្រគំតន្ត្រីឆ្លងឆ្នាំលើមាត់ឆ្នេរនេះ ត្រូវបានរៀបចំឡើងដោយ One Asia Ventures ជាក្រុមហ៊ុនដែលមានបទពិសោធន៍ ៩ឆ្នាំ ក្នុងការរៀបចំព្រឹត្តិការណ៍កម្សាន្ត និងមានកេរ្តិ៍ឈ្មោះក្នុងតំបន់អាស៊ី។ One Asia Ventures បានរៀបចំព្រឹត្តិការណ៍ចំនួន ៥០០ព្រឹត្តិការណ៍ប្រកបដោយជោគជ័យ និងបានទាក់ទាញអ្នកចូលរួមសរុបជិត ១លាននាក់ ហើយសម្រាប់ព្រឹត្តិការណ៍ “Element” Music Festival នេះដែរ រំពឹងថានឹងមានអ្នកចូលរួម ១៤ ០០០នាក់។

អ្វីដែលពិសេស និងកាន់តែងាយស្រួល ភ្ញៀវដែលចូលរួមក្នុងពិធីប្រគំតន្ត្រីនេះ អាចធ្វើការកក់កន្លែងស្នាក់នៅជិតនឹងទីតាំងព្រឹត្តិការណ៍ប្រគំតន្ត្រីនេះផ្ទាល់តែម្ដង គឺនៅឯរីសត Summer Bay Beach Club & Cabins នៃគម្រោងអភិវឌ្ឍន៍ Bay of Lights ដែលទើបតែបើកដំណើរការជាផ្លូវការកាលពីថ្មីៗកន្លងទៅនេះ។ មិនត្រឹមតែងាយស្រួលក្នុងការធ្វើដំណើរទៅកាន់ទីតាំងប្រគំតន្ត្រីនោះទេ ប៉ុន្តែភ្ញៀវក៏អាចទទួលអាហារដ៏ឈ្ងុយឆ្ងាញ់ដែលមានច្រើនជម្រើស ដ៏ដូចជាកម្សាន្តលេងជាមួយការជិះទោង Reverse Bungee ដែលមានតែមួយគត់នៅកម្ពុជា និងកម្សាន្តអារម្មណ៍ជាមួយកីឡាទឹកជាច្រើនប្រភេទផងដែរ។

លើសពីការរៀបចំព្រឹត្តិការណ៍ប្រគំតន្ត្រី “Element” Music Festival នេះ គម្រោងអភិវឌ្ឍន៍ Bay of Lights ក៏ឈ្មុសឈ្មុលក្នុងការអភិវឌ្ឍ ដើម្បីអាចក្លាយជាគោលដៅដ៏ទាក់ទាញបំផុតប្រចាំតំបន់ឥណ្ឌូចិន តាមរយៈការបើកដំណើរការអគារតាំងបង្ហាញដ៏ទំនើប (Business Center) ទីលានវាយកូនគោលរយៈចម្ងាយឆ្ងាយខ្នាតអន្តរជាតិ ក៏ដូចជាទីលានប្រណាំងរថយន្ត Go-Kart នៅដើមឆ្នាំ២០២៤។ ទាំងនេះគឺផ្នែកមួយនៃចក្ខុវិស័យដ៏វែងឆ្ងាយរបស់គម្រោង Bay of Lights ក្នុងការក្លាយខ្លួនជាមជ្ឈមណ្ឌលដ៏រស់រវើក និងសម្បូរបែបដើម្បីក្លាយជាគោលដៅទេសចរណ៍ដ៏មានកេរ្តិ៍ឈ្មោះក្នុងតំបន់ឥណ្ឌូចិន។

ដើម្បីទទួលយកបទពិសោធន៍ឆ្លងឆ្នាំដែលពិបាកនឹងបំភ្លេចជាមួយព្រឹត្តិការណ៍ប្រគំតន្ត្រី “Element” Music Festival លោកអ្នកអាចសាកសួរព័ត៌មានបន្ថែមអំពីការទិញសំបុត្រចូលរួមតាមរយៈ ៖

• ទូរសព្ទ ៖ +855 (0)89 948 871 (ENG) / +855 (0)86 999 182 (KH) / +855 (0)17505444 (KH)

• ទំព័រហ្វេសប៊ុក Bay of Lights Entertainment ៖ http://tinyurl.com/Bay-of-Lights-Entertainment

• វិបសាយរបស់ Wonder Pass ៖ http://tinyurl.com/Element-Musice-Festival

• កម្មវិធីទូរសព្ទដៃរបស់ Wonder Pass ៖ http://tinyurl.com/Wonder-Pass-App

អំពី Bay of Lights

Bay of Lights គឺជាគម្រោងអភិវឌ្ឍន៍លំដាប់ពិភពលោកមានទំហំវិនិយោគ ១៦ពាន់លានដុល្លារអាមេរិក លាតសន្ធឹងលើផ្ទៃដីទំហំ ៩៣៤ ហិកតា នៅលើដែនដីនៃឈូង សមុទ្ររាម។ ទទួលយកបទពិសោធន៍នៃការរស់នៅ ជាមួយការកម្សាន្ត ប្រកបដោយទេសភាពធម្មជាតិដ៏ស្រស់ត្រកាល។ ចូលរួមជាមួយពួកយើងក្នុងការបើកទំព័រថ្មីនៃគម្រោងអភិវឌ្ឍន៍ទីក្រុងដ៏ល្អឯករបស់កម្ពុជា។ ព័ត៌មានលម្អិតសូមចូលទៅកាន់វិបសាយ thebayoflights.com៕

អំពី One Asia Ventures

One Asia Ventures គឺជាក្រុមហ៊ុនរៀបចំព្រឹត្តិការណ៍កម្សាន្តដ៏មានកេរ្តិ៍ឈ្មោះមួយក្នុងតំបន់អាស៊ី ដែលមានបទពិសោធន៍ជាង ៩ឆ្នាំ មកហើយ។ ក្នុងរយៈពេល៦ឆ្នាំចុងក្រោយនេះ One Asia Ventures បានរៀបចំព្រឹត្តិការណ៍ចំនួនជាង ៥០០ព្រឹត្តិការណ៍ ហើយបើគិតចាប់តាំងពីព្រឹត្តិការណ៍ដំបូងមក អ្នកចូលរួមគឺមានសរុបជិត ១លាននាក់ទៅហើយ។ ព្រឹត្តិការណ៍ធំៗមួយចំនួនដែល One Asia Ventures បានរៀបចំនាពេលកន្លងមក មានដូចជាពិធីប្រគំតន្ត្រី Unseen Music Festival ឆ្នាំ២០២២ ដែលមានអ្នកចូលរួមជាង ២ម៉ឺននាក់ និងព្រឹត្តិការណ៍ប្រគំតន្ត្រី SIAM Songkran Music Festival ឆ្នាំ២០២៣ ដែលមានអ្នកចូលរួមជាង ១ម៉ឺននាក់៕

The post ចូលរួមរាប់ថយក្រោយក្នុងមហាព្រឹត្តិការណ៍ប្រគំតន្ត្រីឆ្លងឆ្នាំលើឆ្នេរសមុទ្រ ដំបូងគេបង្អស់ នៅកម្ពុជា “Element” Countdown Music Festival appeared first on Kampuchea Thmey Daily.

ក្រុមហ៊ុនធំរបស់កូរ៉េ គ្រោងនឹងរៀបចំការប្រគំតន្ត្រីដើមឆ្នាំក្រោយ ដើម្បីចូលរួមផ្សព្វផ្សាយ ប្រយុទ្ធប្រឆាំងទប់ស្កាត់គ្រឿងញៀនជាមួយរាជរដ្ឋាភិបាលកម្ពុជា

អ៊ិន ពិសី — Thu, 02 Nov 2023 02:36:45 +0000

ថ្មីៗ នេះ ក្រុមហ៊ុនកូរ៉េ ដែលមានឈ្មោះថា wannabe group គ្រោងនឹងរៀបចំការប្រគំតន្ត្រីខ្នាតធំមួយនៅដើមឆ្នាំក្រោយ ដើម្បីចូលរួមយុទ្ធនាការផ្សព្វផ្សាយប្រយុទ្ធប្រឆាំងនឹងគ្រឿងញៀននៅកម្ពុជា បន្ទាប់ពីក្រុមការងារក្រុមហ៊ុន wannabe group បានជួបទំនាក់ទំនងការងារមួយចំនួនជាមួយ ឯកឧត្តម សាម៉ន បណ្ឌិត្យ ដែលជា រដ្ឋលេខាធិការក្រសួងព័ត៌មាន កាលពីថ្ងៃទី១៩ ខែតុលា ឆ្នាំ២០២៣ កន្លងទៅ។

នៅក្នុងឱកាសនោះដែរ លោក Jeon Young-cheol (ជុន យុងឈុល) ប្រធានក្រុមហ៊ុន wannabe group (វ៉ាន់ណាប៊ីគ្រុប) បានទទួលសំណើតបតាមការស្នើសុំរបស់ ឯកឧត្តម សាម៉ន បណ្ឌិត្យ ក្នុងការសហការរៀបចំកម្មវិធីប្រគំតន្ត្រីខ្នាតធំដើម្បីផ្សព្វផ្សាយជូនដល់ប្រជាពលរដ្ឋ យុវជន យុវនារី ក៏ដូចជាមហាជនទូទៅទាំងជាតិ និងអន្តរជាតិ សម្រាប់យុទ្ធនាការប្រយុទ្ធប្រឆាំង ទប់ស្កាត់ ការជួញដូរ និងចរាចរគ្រឿងញៀននៅកម្ពុជាដែលរដ្ឋាភិបាលកម្ពុជាកំពុងដាក់ចេញនូវវិធានការនានា ដើម្បីរួមគ្នាប្រយុទ្ធប្រឆាំងគ្រឿងញៀននៅក្នុងព្រះរាជាណាចក្រកម្ពុជា។

ជាមួយគ្នានេះ ឯកឧត្តម សាម៉ន បណ្ឌិត្យ ដែលជាអ្នកទទួលការងារផ្សព្វផ្សាយទប់ស្កាត់ប្រយុទ្ធប្រឆាំងគ្រឿងញៀនប្រចាំក្រសួងព័ត៌មាន បានឱ្យដឹងថា ខ្លឹមសារ នៃជំនួបនេះគឺគ្រាន់តែជាការពិភាក្សាគ្នាមួយជំហានប៉ុណ្ណោះ ក្នុងការជំរុញទំនាក់ទំនងឱ្យកាន់តែស្អិតរមួត ដើម្បីឈានដល់ការងារមួយជោគជ័យសម្រាប់គម្រោងមួយនេះនៅដើមឆ្នាំ២០២៤ ខាងមុខនេះ ស្របតាមគោលការណ៍របស់រាជរដ្ឋាភិបាលកម្ពុជា ក្នុងការបើកយុទ្ធនាការផ្សព្វផ្សាយប្រយុទ្ធប្រឆាំងនឹងគ្រឿងញៀន។

សូមបញ្ជាក់ដែរថា ការប្រគំតន្ត្រីនេះ គ្រោងនឹងអញ្ជើញក្រុមតារាល្បី K-POP ខេផប មកពីប្រទេសកូរ៉េ និងតារាល្បីៗ នៅក្នុងប្រទេសកម្ពុជាផងដែរ។

ឯកឧត្តមបានបន្តថា ក្នុងជំនួបនេះដែរ ភាគីទាំងពីរ ក៏បានជជែកគ្នាអំពីគម្រោងក្នុងការសហការការបង្កើតបណ្ណាល័យ Digital សម្រាប់យុវជន និស្សិតកម្ពុជា សិក្សារៀនសូត្រ និងស្រាវជ្រាវ ដើម្បីចូលរួមលើកកម្ពស់វិស័យអប់រំក្នុងយុគសម័យ Digital ដែលរាជរដ្ឋាភិបាលកម្ពុជា កំពុងផ្តោតយកចិត្តទុកដាក់ ជាពិសេសគឺ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ដែលជានាយករដ្ឋមន្ត្រីដ៏ឆ្នើមរបស់កម្ពុជា៕

The post ក្រុមហ៊ុនធំរបស់កូរ៉េ គ្រោងនឹងរៀបចំការប្រគំតន្ត្រីដើមឆ្នាំក្រោយ ដើម្បីចូលរួមផ្សព្វផ្សាយ ប្រយុទ្ធប្រឆាំងទប់ស្កាត់គ្រឿងញៀនជាមួយរាជរដ្ឋាភិបាលកម្ពុជា appeared first on Kampuchea Thmey Daily.

ការប្រគំតន្ត្រីទេសចរណ៍ ភេសជ្ជៈប៉ូវកម្លាំង ខារ៉ាបាវ ២០២៣ នឹងទៅជួបបងប្អូនអ្នកកំពង់ស្ពឺ នៅថ្ងៃអាទិត្យ ទី ១៤ ឧសភានេះ

អ៊ិន ពិសី — Wed, 10 May 2023 07:57:48 +0000

នៅថ្ងៃអាទិត្យ ទី ១៤ ខែឧសភានេះ ការប្រគំតន្ត្រីទេសចរណ៍ ភេសជ្ជៈប៉ូវកម្លាំង ខារ៉ាបាវ ២០២៣ នឹងទៅជួបបងប្អូនអ្នកកំពង់ស្ពឺ។

ជួបជាមួយនឹងកំពូលតារាចម្រៀងល្បីៗជាច្រើនរូប នៅគីឡូម៉ែត្រ ៤៣-៤៤ ភូមិស្នោទី ១ សង្កាត់រកាធំ ក្រុងច្បារមន ខេត្តកំពង់ស្ពឺ ចាប់ពីម៉ោង ៦ ល្ងាចតទៅ និងតាមរយៈកញ្ចក់ទូរទស្សន៍ ហង្សមាស HDTV ចាប់ពីម៉ោង ៨ យប់តទៅ។

ចូលរួមឲ្យបានច្រើនកុះករ លោកអ្នក ក៏អាចមានសំណាងឈ្នះរង្វាន់ជាច្រើនផងដែរ៕

The post ការប្រគំតន្ត្រីទេសចរណ៍ ភេសជ្ជៈប៉ូវកម្លាំង ខារ៉ាបាវ ២០២៣ នឹងទៅជួបបងប្អូនអ្នកកំពង់ស្ពឺ នៅថ្ងៃអាទិត្យ ទី ១៤ ឧសភានេះ appeared first on Kampuchea Thmey Daily.

ជួបគ្នាអាទិត្យនេះណា អ្នកកំពត ជាមួយនឹងការប្រគំតន្រ្តីទេសចរណ៍ តែបៃតងលេខ ១ អ៊ីឈីតាន់ ២០២៣

Sorn Phanith — Wed, 03 May 2023 04:24:35 +0000

ជួបជាមួយនឹងកំពូលតារាចម្រៀងល្បីៗជាច្រើនរូប នៅថ្ងៃអាទិត្យ ទី ០៧ ខែឧសភា ឆ្នាំ ២០២៣ នៅក្នុងពហុកីឡដ្ឋានខេត្តកំពត នៅក្នុងចាប់ពីម៉ោង ៦ ល្ងាចតទៅ និងតាមរយៈកញ្ចក់ទូរទស្សន៍ ហង្សមាស HDTV ចាប់ពីម៉ោង ៨យប់តទៅ !! ចូលរួមឲ្យបានច្រើនកុះករ លោកអ្នកក៏អាចមានសំណាងឈ្នះរង្វាន់ជាច្រើនផងដែរ។

The post ជួបគ្នាអាទិត្យនេះណា អ្នកកំពត ជាមួយនឹងការប្រគំតន្រ្តីទេសចរណ៍ តែបៃតងលេខ ១ អ៊ីឈីតាន់ ២០២៣ appeared first on Kampuchea Thmey Daily.

នៅថ្ងៃអាទិត្យ ទី៣០ ខែមេសានេះ ការប្រគំតន្ត្រីទេសចរណ៍ ភេសជ្ជៈប៉ូវកម្លាំង ខារ៉ាបាវ ២០២៣ នឹងទៅជួបបងប្អូនអ្នកខេត្តព្រះសីហនុ

Kang Tola — Tue, 25 Apr 2023 10:38:23 +0000

ជួបជាមួយនឹងកំពូលតារាចម្រៀងល្បីៗជាច្រើនរូប ដូចជាអ្នកនាង សុគន្ធ នីសា កញ្ញា យូរី លោក លីម តិចម៉េង កញ្ញា រ៉េត ស៊ូហ្សាណា លោក គង់ ចំរើន និងលោក អ៊ីម ថៃ នៅខេត្តព្រះសីហនុ ក្នុងទីលានតេជោ ហៅពយតាមូង ចាប់ពីម៉ោង ៦ល្ងាចតទៅ និងតាមរយៈកញ្ចក់ទូរទស្សន៍ ហង្សមាស HDTV ចាប់ពីម៉ោង ៨យប់តទៅ !!

ចូលរួមឲ្យបានច្រើនកុះករ លោកអ្នកក៏អាចមានសំណាងឈ្នះរង្វាន់ជាច្រើនផងដែរ៕

The post នៅថ្ងៃអាទិត្យ ទី៣០ ខែមេសានេះ ការប្រគំតន្ត្រីទេសចរណ៍ ភេសជ្ជៈប៉ូវកម្លាំង ខារ៉ាបាវ ២០២៣ នឹងទៅជួបបងប្អូនអ្នកខេត្តព្រះសីហនុ appeared first on Kampuchea Thmey Daily.

ជួបគ្នាអាទិត្យនេះណា អ្នកខេត្តព្រះវិហារ ជាមួយនឹងការប្រគំតន្ត្រីទេសចរណ៍ ភេសជ្ជៈប៉ូវកម្លាំង ខារ៉ាបាវ ២០២៣

អ៊ិន ពិសី — Wed, 15 Feb 2023 09:55:26 +0000

ជួបជាមួយនឹងកំពូលតារាចម្រៀងល្បីៗជាច្រើនរូប ដូចជា អ្នកនាង ពេជ្យ សោភា លោក វង្ស តារារតនា កញ្ញា រ៉េត ស៊ូហ្សាណា លោក នាងដាវីត លោក សួង វីចិត កុមារា សារុំ បញ្ញាស័ក្ត នាថ្ងៃអាទិត្យ ទី ១៩ ខែកុម្ភៈ ឆ្នាំ ២០២៣ នៅក្នុងដីឡូត៍ ក្បែរភោជនីយដ្ឋានមានរស្មីច័ន្ទពេញវង់ ២ សង្កាត់ប៉ាលហាល ក្រុងព្រះវិហារ ខេត្តព្រះវិហារ ចាប់ពីម៉ោង ៦ ល្ងាចតទៅ និងតាមរយៈកញ្ចក់ទូរទស្សន៍ ហង្សមាស HDTV ចាប់ពីម៉ោង ៨ យប់តទៅ !!

ចូលរួមឲ្យបានច្រើនកុះករ លោកអ្នកក៏អាចមានសំណាងឈ្នះរង្វាន់ជាច្រើនផងដែរ៕

The post ជួបគ្នាអាទិត្យនេះណា អ្នកខេត្តព្រះវិហារ ជាមួយនឹងការប្រគំតន្ត្រីទេសចរណ៍ ភេសជ្ជៈប៉ូវកម្លាំង ខារ៉ាបាវ ២០២៣ appeared first on Kampuchea Thmey Daily.

ក្រុមហ៊ុន វឌ្ឍនៈ ប្រ៊ូវើរី សហការជាមួយអគ្គនាយកដ្ឋានពន្ធដារ រៀបចំការប្រគំតន្ត្រីដ៏ធំ និងការចាប់ឆ្នោតកម្មវិធីវិក្កយបត្រនាំសំណាង នាថ្ងៃទិវា នៃក្ដីស្រឡាញ់ នៅសួនបទុមវតី

អ៊ិន ពិសី — Mon, 13 Feb 2023 07:30:46 +0000

វឌ្ឍនៈ ប្រ៊ូវើរី ត្រូវបានគេស្គាល់ថាជាក្រុមហ៊ុនក្នុងស្រុកគំរូដំបូងគេបំផុត និងទទួលបានលិខិតកោតសរសើរពី សម្ដេចតេជោ នាយករដ្ឋមន្ត្រី នៃព្រះរាជាណាចក្រកម្ពុជា ដែលបានស្ម័គ្រចិត្តចូលរួមបំពាក់ឧបករណ៍វាស់ចំណុះស្រាបៀរ និងភេសជ្ជៈគ្មានជាតិសុរា ដើម្បីធ្វើឲ្យមានតម្លាភាពចំណូលពន្ធអាករជាតិ និងការអភិវឌ្ឍសេដ្ឋកិច្ច។ ដើម្បីបន្តលើកស្ទួយវប្បធម៌បង់ពន្ធនៅកម្ពុជា ក្រុមហ៊ុន វឌ្ឍនៈ ប្រ៊ូវើរី សហការជាមួយអគ្គនាយកដ្ឋានពន្ធដារ រៀបចំកម្មវិធីចាប់ឆ្នោត វិក្កយបត្រនាំសំណាង GDT Lucky Draw ជូនដល់សាធារណជនដែលបានថតវិក្កយបត្រទិញទំនិញក្នុងហាងនានា ចូលក្នុងកម្មវិធីទូរសព្ទដៃ GDT Lucky Draw App រួមជាមួយនឹងការប្រគំតន្ត្រីដ៏ធំនាថ្ងៃទី ១៤ ខែកុម្ភៈ ឆ្នាំ ២០២៣ ត្រូវជាទិវា នៃក្ដីស្រឡាញ់ ដោយមានការចូលរួមពីកំពូលតារាចម្រៀងអ្នកនាង ឱក សុគន្ធកញ្ញា អ្នកនាង សុគន្ធ នីសា អ្នកនាង សួស វីហ្សា កញ្ញា ឈិន រតនៈ លោក នាង ដារីន និងលោក ស៊ឹម ចាន់ពន្លឺ នៅសួនច្បារបទុមវតី ចាប់ពីម៉ោង ៦ ល្ងាចតទៅ និងមានផ្សាយបន្តផ្ទាល់នៅលើកញ្ចក់ទូរទស្សន៍រស្មីហង្សមាស ផេកផ្លូវការរបស់អគ្គនាយកដ្ឋានពន្ធដារ និងផេកផ្លូវការរបស់ផលិតផលទាំងអស់ នៃក្រុមហ៊ុន វឌ្ឍនៈ ប្រ៊ូវើរី។

កម្មវិធី វិក្កយបត្រនាំសំណាង- GDT Lucky Draw នេះបានប្រកាសដាក់ឲ្យប្រើប្រាស់ជាផ្លូវការ កាលពីថ្ងៃទី ០៥ ខែឧសភា ឆ្នាំ ២០២២ ហើយទទួលបានការទាក់ទាញចំណាប់អារម្មណ៍យ៉ាងខ្លាំងពីអ្នកជាប់ពន្ធ និងសាធារណជន ក្នុងការកៀរគរព័ត៌មាន ក៏ដូចជាការពង្រឹងនូវអនុលោមភាពអាជីវកម្មថែមទៀត។

ការចូលរួមរបស់ វឌ្ឍនៈ ប្រ៊ូវើរី មិនត្រឹមតែបានឆ្លុះបញ្ចាំងពីអភិបាលកិច្ចសាជីវកម្មដ៏ល្អរបស់ក្រុមហ៊ុនផ្ទាល់ប៉ុណ្ណោះទេ ប៉ុន្តែថែមទាំងធ្វើជាគំរូដ៏ល្អសម្រាប់សហគ្រាសផ្សេងទៀតក្នុងការរួមចំណែក និងលើកស្ទួយវប្បធម៌បង់ពន្ធ ១០០ ភាគរយ ដែលកាយវិការនេះគឺជាកម្លាំងចលករយ៉ាងសំខាន់សម្រាប់ការអភិវឌ្ឍ និងរីកលូតលាស់ នៃសេដ្ឋកិច្ចជាតិ៕

The post ក្រុមហ៊ុន វឌ្ឍនៈ ប្រ៊ូវើរី សហការជាមួយអគ្គនាយកដ្ឋានពន្ធដារ រៀបចំការប្រគំតន្ត្រីដ៏ធំ និងការចាប់ឆ្នោតកម្មវិធីវិក្កយបត្រនាំសំណាង នាថ្ងៃទិវា នៃក្ដីស្រឡាញ់ នៅសួនបទុមវតី appeared first on Kampuchea Thmey Daily.

ប្រគំតន្ត្រី​ Archives - Kampuchea Thmey Daily

ជួបគ្នាអាទិត្យនេះណា អ្នកកំពត ជាមួយនឹងការប្រគំតន្រ្តីទេសចរណ៍ តែបៃតងលេខ ១ អ៊ីឈីតាន់ ២០២៣

ជួបគ្នាអាទិត្យនេះណា អ្នកខេត្តព្រះវិហារ ជាមួយនឹងការប្រគំតន្ត្រីទេសចរណ៍ ភេសជ្ជៈប៉ូវកម្លាំង ខារ៉ាបាវ ២០២៣

ប្រគំតន្ត្រី Archives - Kampuchea Thmey Daily