លោក ថេង សុថុល អភិបាលខណ្ឌ៧មករា បានលើកឡើងថា ដោយមានការយកចិត្តទុកដាក់ និងមានការណែនាំពី លោក ឃួង ស្រេង អភិបាលរាជធានីភ្នំពេញ រដ្ឋបាលខណ្ឌ៧មករា បានរៀបចំសណ្ដាប់ ធ្នាប់ ជាពិសេសប្រព័ន្ធលូររំដោះទឹក ដើម្បីបង្ហូទឹកចូលប្រព័ន្ធលូមេឲ្យបានល្អ ព្រោះកន្លងមកពេលភ្លៀងធ្លាក់ម្ដងៗ មានការលិចផ្លូវ ជាងខ្លាំងនៅផ្លូវលេខ២១៥ ចំណុចស្តុបផ្សារដេប៉ូ និងផ្លូវកម្ពុជាក្រោម នេះធ្វើឲ្យអ្នកធ្វើដំណើរលំបាកដូច្នេះ បានដាក់ប្រព័ន្ធលូរមុខកាត់ទំហំ ១ម៉ែត្រកន្លះ ដើម្បីរំដោះទឹក។

លោក អភិបាលបានបន្តលើកឡើងថា រដ្ឋបាលខណ្ឌសង្ឃឹមជឿជាក់ថា ក្រោយការផ្លាស់ប្ដូរប្រព័ន្ធលូមេ និងការរៀបចំប្រព័ន្ធលំហូរទឹកបានត្រឹមត្រូវ ការជន់លិចអាចកាត់បន្ថយបានច្រើន ពីតំបន់ផ្លូវកម្ពុជាក្រោម តំបន់បុរីកីឡា និងផ្លូវលេខ២១៥មូលដ្ឋានខណ្ឌ៧មករា។

ជាចុងក្រោយរដ្ឋបាលខណ្ឌសំណូមពរដល់ពលរដ្ឋដែលមានលំនៅដ្ឋាននៅតាមបណ្ដោយផ្លូវលេខ១២៨ ទាំងអស់គ្នា សូមចូលរួមទុកដាក់សម្រាមឲ្យបានត្រឹមត្រូវ ជៀសវាងហូរចូលមាត់លូរ បង្កការកកស្ទះប្រព័ន្ធទឹក និងដើម្បីរក្សារបរិស្ថានអនាម័យ សណ្ដាប់ធ្នាប់សាធារណៈ បានល្អប្រសើរ៕ អត្ថបទ៖ រដ្ឋា

The post អាជ្ញាធរខណ្ឌខណ្ឌ៧មករា បន្តចុះត្រួតពិនិត្យប្រព័ន្ធលូបង្ហូរទឹក ជៀសវាងរដូវវស្សា មានការកក់ស្ទះ appeared first on Kampuchea Thmey Daily.

លោក ជា ឃឿន ប្រធានការិយាល័យសាធារណៈខណ្ឌកំបូល បានប្រាប់ភ្នាក់ងារសារព័ត៌មាន កម្ពុជាថ្មី នាព្រឹកថ្ងៃទី២២សីហា នេះថា ការដ្ឋានកំពុងសាងសង់លូរំដោះទឹកនេះ ជាគម្រោងរបស់មន្ទីរសាធារណៈការ និងដឹកជញ្ជូន រាជធានីភ្នំពេញ អនុវត្តដោយនាយកដ្ឋានថែទាំចម្រោះទឹកកខ្វក់ ទទួលសាងសង់ដោយ ក្រុមហ៊ុន PHNOM PENH PRECAST PLANTS ។

លោកបានបន្តថា បច្ចុប្បន្នគម្រោងនេះកំពុងសាងសង់ក្នុងដំណាក់កាលទីមួយ ចាប់ពីមុខបុរីពិភពថ្មីកំបូល ទៅបញ្ចប់ត្រឹមព្រំប្រទល់ឃុំបែកចាន និងដំណាក់កាលទី២ ទៅបញ្ចប់នៅក្រោមស្ពានអាកាសផ្លូវក្រវាត់ក្រុងទី៣ កែងផ្លូវជាតិ៤ មូលដ្ឋានសង្កាត់ចោមចៅទី៣ ហើយធ្វើតែម្ខាងប៉ុណ្ណោះ (ខាងត្បូងផ្លូវជាតិលេខ៤) គម្រោងនេះ គឺរយៈពេល១ឆ្នាំ ឬអាចលើសនេះ តាមស្ថានភាព។

លោក សុជាតិ ជាប្រជាពលរដ្ឋរស់នៅតំបន់នោះ បានសម្ដែងការអរគុណដល់អាជ្ញាធរដែលតែងគិតគូរពីទុក្ខកង្វល់ប្រជាពលរដ្ឋ ហើយសមិទ្ធផលនេះ នឹងជួយសម្រួលដល់ប្រជាពលរដ្ឋ ចំនួន២ខណ្ឌ រំដោះទឹកនារដូវរស្សា និងការជន់លិចដោយទឹកភ្លៀង ជាពិសេស ជួយសម្រួលយ៉ាងខ្លាំងដល់ការចេញចូលផ្ទះពលរដ្ឋ ដោយបច្ចុប្បន្នពលរដ្ឋត្រូវធ្វើស្ពានឆ្លងចេញចូលផ្ទះពីលើប្រឡាយទឹកចាស់៕

អត្ថបទ៖ សំណាង

The post គម្រោងស្ថាបនាលូប្រអប់ទទឹង៤ម៉ែត្រ នៅផ្លូវជាតិលេខ៤​ កំពុងស្ថិតក្នុងដំណាក់កាលទី១ លើប្រវែងជិត៧គីឡូម៉ែត្រ appeared first on Kampuchea Thmey Daily.

នេះបើតាមការបញ្ជាក់ឱ្យដឹងពីការិយាល័យ “ចៃកា” JICA ប្រចាំនៅកកម្ពុជា នៅថ្ងៃទី២៣ ខែកញ្ញានេះ បានឱ្យដឹងថា ចាប់តាំងពីឆ្នាំ១៩៩៨ មក ខ្លួនបានផ្តល់កិច្ចសហប្រតិបត្តិការដល់ទីក្រុងភ្នំពេញ ក្នុងការកាត់បន្ថយផលប៉ះពាល់ដោយការជន់លិច។ JICA បានគាំទ្រក្នុងការបង្កើតផែនការមេ និងធ្វើបច្ចុប្បន្នភាពផែនការមេនេះ ដើម្បីកំណត់យកគម្រោងអាទិភាព ក្នុងនោះមានហិរញ្ញប្បទានឥតសំណងចំនួន៤ជំហានដូចជា គម្រោងការពារទឹកជំនន់ និងការកែលម្អប្រព័ន្ធប្រឡាយ-លូ ជំហានទី១ ទី២ និងទី៣ ដែលគ្របដណ្តប់លើតំបន់អាគ្នេយ៍ ឦសាន និងកណ្តាលនៃទីក្រុង។ គម្រោងជំហានទី៤ ដែលបានបើកការដ្ឋានសាងសង់កាលពីខែមេសា ឆ្នាំ២០១៩កន្លងទៅនេះ នឹងត្រូវបញ្ចប់ជាស្ថាពរ។

នៅថ្ងៃទី១៧ ខែកញ្ញា ឆ្នាំ២០២១ មន្ទីរសាធារណការ និងដឹកជញ្ជូនរាជធានីភ្នំពេញ បានរៀបចំកិច្ចប្រជុំដើម្បីបញ្ចប់គម្រោងជាផ្លូវការ ដោយមានការចូលរួមពី តំណាងស្ថានទូតជប៉ុន តំណាងទីភ្នាក់ងារចៃកា ក្រុមហ៊ុនប្រឹក្សាCTI និងក្រុមហ៊ុនម៉ៅការសំណង់ TOA។ គម្រោងដែលមានទឹកប្រាក់ចំនួនប្រមាណ ៣៦ លានដុល្លារអាមេរិចនេះ មានវិសាលភាពគ្របដណ្តប់លើប្រព័ន្ធប្រឡាយលូ នៅតំបន់ខាងជើងនៃវត្តភ្នំ និងតំបន់ទួលគោក។

គម្រោងបានបញ្ចប់ទំហំការងារដូចខាងក្រោម៖
១. តំឡើងប្រព័ន្ធលូសរុបប្រវែង ១២.២គីឡូម៉ែត្រ
២. សាងសង់អាងស្តុកទឹកក្រោមដី និងស្ថានីយ៍បូមទឹកនៅសួនសាធារណៈខាងមុខ CDC
៣. តំឡើងម៉ាស៊ីនមេកានិច (ម៉ាស៊ីនស្ទាក់សម្រាមស្វ័យប្រវត្តិ) ចំនួន៦ នៅច្រកទ្វាស្ថានីយ៍បូមទឹក
៤- លទ្ធកម្មរថយន្តបំពាក់ម៉ាស៊ីនបូមទឹកចំនួន ២
៥. ជំនួយក្នុងការចាប់ផ្តើម ការងារប្រតិបត្តិការ និងថែទាំ។

ក្រោយពីគម្រោងនេះបានបញ្ចប់ វានឹងជួយកាត់បន្ថយបញ្ហាជន់លិចតាមរយៈការបញ្ចេញទឹកភ្លៀងតាមប្រព័ន្ធលូបានលឿនជាងមុននៅក្នុងរដូវវស្សា (ពីរយៈពេល១២-២៤ម៉ោង ទៅតិចជាង ២ម៉ោង)។ ដើម្បីធានាបាននូវប្រសិទ្ធភាពមុខងារប្រព័ន្ធលូដែលបានតំឡើងដោយគម្រោងនេះ យើងរំពឹងទុកថា ប្រជាពលរដ្ឋរស់នៅក្នុងរាជធានីភ្នំពេញនឹងចូលរួមចំណែកកាត់បន្ថយការខូចខាតដោយសារការជន់លិច ដោយចៀសវាងការបោះចោលសំរាមតាមដងផ្លូវដែលជាប្រភពចម្បងនាំឱ្យកកស្ទះប្រព័ន្ធលូ។

JICA សូមកោតសរសើរចំពោះភាគីពាក់ព័ន្ធក្នុងគម្រោងទាំងអស់ សម្រាប់កិច្ចខិតខំប្រឹងប្រែងឥតឈប់ឈរ បើទោះបីស្ថិតក្នុងពេលវេលាដ៏លំបាកនៃការរីករាលដាលនៃជំងឺកូវីដ-១៩ក៏ដោយ ហើយក៏សូមកោតសសើរចំពោះប្រជាពលរដ្ឋរស់នៅក្នុងរាជធានីភ្នំពេញទាំងអស់ សម្រាប់ការយោគយល់ និងគាំទ្រគម្រោងនេះតាំងពីដើមរហូតដល់បញ្ចប់៕

អត្ថបទ៖ ស្រីរ័ត្ន

The post គម្រោងហិរញ្ញប្បទានឥតសំណងសម្រាប់ការពារទឹកជំនន់ និងការកែលម្អប្រព័ន្ធប្រឡាយ-លូ ភ្នំពេញ ជំហានទី៤ បានបញ្ចប់ appeared first on Kampuchea Thmey Daily.