​នៅ​ក្នុង​មាតិកា​របស់ខ្លួន ​សារ​ព័ត៌មាន​ BBC ​បាន​​បង្ហាញពី​ការ​​ផ្សាភ្ជាប់ដំណើរ​កម្សាន្ត​ដ៏​គួរឲ្យ​ទាក់​ទាញ​បំផុត​លើ​ស​ពី​​​​តំបន់​ប្រាសាទ​អង្គរវត្ត​ដ៏ល្បីល្បាញរបស់​​ប្រទេសកម្ពុជា​ ទៅ​កាន់​រឿង​រ៉ាវ​ជា​ច្រើន​​​​​​ទៀត​នៅ​តំបន់​អង្គរ តាំង​ពី​របៀបរបប​នៃ​ការរ​ស់នៅ​ ម្ហូបអាហារ ការផលិត​​សិប្បកម្ម​ ការ​ត្បាញ ដែល​បង្ហាញ​ឲ្យ​ឃើញ​នូវភាព​រស់​រវើក​​​នៅ​ឧទ្យានបុរាណវិទ្យាអង្គរ​​​ដែលត្រូវបាន​ចុះ​ប​ញ្ជី​​​​ជាសម្បត្តិបេតិកភ័ណ្ឌ​របស់​ពិភពលោក​។​

​ដោយ​ចង់បង្ហាញ​ដល់​អ្នក​ទស្សនា​​អន​្តរជាតិ​ដែល​មក​កម្សាន្ត​នៅ​ខេត្តសៀមរាប ជាពិសេស​តំបន់​អង្គរ​ផ្ទាល់​​ ទៅកាន់​សហគមន៍​ដែលសម្បូរបែប​ទៅ​ដោយ​សកម្មភាព​និង​វប្បធម៌​រស់​រវើក​ នៅ​ក្នុងតំបន់​អង្គរ ក៏ដូច​ជា​តំបន់​ជុំវិញ​អង្គរ​​ ដែល​មិនសូវ​មានអ្នកស្គាល់ BBC បាន​ប្រសិទ្ធនាម​​កម្មវិធីរបស់ខ្លួន​ថា «ផ្លូវបេតិកភណ្ឌរស់» ដែល​អ្នក​ទស្សនា​​គួរតែ​ចំណាយ​ពេលវេលា​​បន្ថែម​ដើម្បី​សិក្សា​​ឈ្វេងយល់​លើស​ពី​តំបន់អង្គរ​ដ៏ល្បីល្បាញ​​ជាយូរមកហើយ​នោះ។​

នៅក្នុង​សេចក្តីរាយការណ៍​ចុះ​​​​ផ្សាយ​នៅ​ក្នុង​កម្មវិធី​ BBC StoryWorks ​ចេញ​ផ្សាយ​កាល​ពី​​ពេល​ថ្មីៗនេះ ​​គោល​បំណង​​នៃ​សេចក្តីរាយការណ៍​ គឹ​លើកទឹកចិត្តអ្នកដំណើរកម្សាន្ត​ទៅ​កាន់រមណីយដ្ឋាន​អង្គរ ឱ្យស្វែងយល់ពីរឿងរ៉ាវ និងប្រពៃណីរបស់មនុស្សដែលបន្តរីកចម្រើននៅជុំវិញឧទ្យានបុរាណវិទ្យាអង្គរ ដែលជាតំបន់បេតិកភណ្ឌពិភពលោករបស់អង្គការយូណេស្កូ និងជាទីតាំងនៃប្រាសាទអង្គរវត្តដ៏ល្បីល្បាញ។

​មិនត្រឹមតែប៉ុណ្ណោះទេ ​​​មាតិកានៃ​សេចក្តីរាយការណ៍​​របស់ BBC ​ក៏បាន​លើក​ឡើង​​ ពី​ដំណើរកម្សាន្ត​ទៅមើល សត្វព្រៃ លោហធាតុវិទ្យា និងជ្រុងស្ងប់ស្ងាត់ ដែលត្រូវបានរកឃើញយ៉ាងល្អបំផុតដោយការបន្ថយល្បឿននៃ​ការ​ធ្វើ​ដំណើរ​ ដោយ​គ្រាន់​តែ​​​​ងាកចេញពីផ្លូវសំខាន់​ដែល​គេធ្លាប់​ទៅ​ប៉ុណ្ណោះ​​។

​​ប្រទេសកម្ពុជា ត្រូវបានគេស្គាល់ថា ជា​​​ទឹកដី​នៃ​ប្រាសាទអង្គរវត្តនៃសតវត្សរ៍ទី១២ ដែលធ្លាប់ជាចំណុច​កណ្តាលនៃអ្វីដែលត្រូវបានចាត់ទុកថា ជាទីក្រុងមុនឧស្សាហកម្មធំជាងគេបំផុតរបស់ពិភពលោក និងជារាជធានីនៃចក្រភពអង្គរដ៏ធំល្វឹងល្វើយ ដែលបានគ្របដណ្ដប់លើតំបន់នេះចាប់ពីសតវត្សរ៍ទី៩ ដល់ទី១៥ ឧទ្យានបុរាណវិទ្យាអង្គរលាតសន្ធឹងលើផ្ទៃដីជាង ៤០០ គីឡូម៉ែត្រការ៉េ និងជាជម្រករបស់ប្រាសាទជាង ១០០០ និងប្រាសាទបុរាណដែលរាយប៉ាយពាសពេញព្រៃ​ក្រាស់។

​BBC បាន​ស្រង់សម្តី មន្ត្រីទេសចរណ៍ និងអ្នកពាក់ព័ន្ធវប្បធម៌ ដែល​បាន​និយាយថា វិធីសាស្រ្តនេះមានគោលបំណងធ្វើពិពិធកម្មបទពិសោធន៍របស់អ្នកទស្សនា ខណៈពេលដែលធានាថា សហគមន៍ក្នុងស្រុកទទួលបានអត្ថប្រយោជន៍ដោយផ្ទាល់កាន់តែច្រើនពី​វិស័យ​ទេសចរណ៍។ ដោយការផ្លាស់ប្តូរលើស​ពីដំណើរកម្សាន្តដែលផ្តោតលើប្រាសាទប្រពៃណី អ្នកទស្សនាអាចចូលរួមជាមួយសិប្បកម្មដូចជាការត្បាញ ការឆ្លាក់ថ្ម និងការផលិតអាហារប្រពៃណី ដោយទទួលបានការយល់ដឹងកាន់តែស៊ីជម្រៅអំពីវប្បធម៌កម្ពុជាសហសម័យ។

គំនិតផ្តួចផ្តើមនេះស្របនឹងកិច្ចខិតខំប្រឹងប្រែងកាន់តែទូលំទូលាយ ដើម្បីលើកកម្ពស់ទេសចរណ៍ប្រកបដោយចីរភាព និងផ្អែកលើសហគមន៍នៅក្នុងប្រទេសកម្ពុជា ជាពិសេសនៅក្នុងខេត្តសៀមរាប ជាកន្លែងដែលអាជ្ញាធរកំពុងស្វែងរកការពង្រីកការស្នាក់នៅរបស់អ្នកទស្សនា និងផ្សព្វផ្សាយអត្ថប្រយោជន៍សេដ្ឋកិច្ចកាន់តែទូលំទូលាយ។ យុទ្ធសាស្ត្រនេះក៏គាំទ្រដល់ការអភិរក្សបេតិកភណ្ឌវប្បធម៌អរូបី រួមទាំងជំនាញ និងប្រពៃណីដែលបានបន្សល់ទុកពីមួយជំនាន់ទៅមួយជំនាន់។

អង្គរនៅតែជាគោលដៅទេសចរណ៍លំដាប់កំពូលរបស់ប្រទេសកម្ពុជា និងជាទីតាំងបុរាណវិទ្យាដ៏សំខាន់បំផុតមួយរបស់ពិភពលោក។ ទោះជាយ៉ាងណាក៏ដោយ អ្នកជំនាញទេសចរណ៍កាន់តែសង្កត់ធ្ងន់ថា ភាពទាក់ទាញរបស់តំបន់នេះលាតសន្ធឹងហួសពីវិមានបុរាណរបស់ខ្លួន រហូតដល់សហគមន៍ដ៏រស់រវើក និងប្រពៃណីវប្បធម៌ដែលបន្តជះឥទ្ធិពលដល់តំបន់នេះរហូតមកដល់សព្វថ្ងៃនេះ៕​​

រ៉ាន់ រើយ​

The post BBC ​ចេញ​ផ្សាយ​អត្ថបទពិពណ៌នា​អំពី​​​​ដំណើរ​កម្សាន្ត​​នៅ​តំបន់​អង្គ​រ​​ ផ្សា​ភ្ជាប់​ទៅសកម្មភាព​​សហគមន៍​​ដ៏រស់រវើក​និង​​ទាក់​ទាញ appeared first on Kampuchea Thmey Daily.

លោក សោម សុផារ៉ាត់ ប្រធាន​នាយកដ្ឋាន​អភិរក្ស​ប្រាសាទ និង​បុរាណ​វិទ្យា​ នៃអាជ្ញាធរ​ជាតិ​អប្សរាលើកពី​​មូលហេតុ​​​​មួយ​ចំនួន ដែល​ប្រាសាទ​បាយ័ន​សាងសង់​សម័យកាលក្រោយ​រង​ការ​ខ្ទេចខ្ទាំ​ច្រើន​ និង​មាន​សភាព​​ឆាប់​ចាស់​ទ្រុឌទ្រោម​ គឺ​ដោយ​សារ​កត្តា​បច្ចេកទេស​នៃ​ការ​សាង​សង់ និង​កត្តា​ខាង​ក្រៅ​មួយ​ចំនួន​។

លោក​ប្រៀប​ធៀប​លក្ខណៈ​បច្ចេកទេស​នៃ​ការ​សាងសង់​ប្រាសាទ​បាយ័ន និង​ប្រាសាទ​អង្គរវត្ត​សាងសង់​សម័យ​កាល​ពីរ​ខុស​គ្នា​ ខណៈ​ប្រាសាទ​បាយ័ន​សាងសង់ក្នុងរាជ្យ​​ព្រះបាទ​ជ័យវរ្ម័ន​ទី ៧ និង​ប្រាសាទ​អង្គរ​វត្ត​សាងសង់​សម័យ​ក្នុងរាជ្យ​ព្រះបាទ​សូរ្យ​វរ្ម័ន​ទី ២ ។

«ខុស​ពី​ប្រាសាទអង្គរវត្ត​ដែល​សាងសង់​ក្នុង​រាជ្យ​​ព្រះបាទ​សូរ្យវរ្ម័នទី ២ ​គឺប្រើប្រាស់​ប្រភេទ​ថ្ម​ធំៗ ខណៈ​ប្រាសាទ​បាយ័ន​សាងសង់​ឡើង​ដោយ​ប្រើប្រាស់​ថ្ម​តូចៗ។ ការប្រើប្រាស់​ថ្ម​តូចៗ​គួបផ្សំ​នឹង​ទម្ងន់​នៃ​សំណង់​ដ៏​ធំ ធ្វើ​ឱ្យ​ប្រាសាទ​មាន​ហានិភ័យ​​ខ្ពស់ និង​ងាយ​រង​ការ​ខូចខាត​ជាង​ប្រាសាទ​ដែល​ប្រើ​ថ្ម​ធំៗ»។ លោក​ សោម សុផារ៉ាត់ អះអាង។

បន្ថែម​ពី​នេះ អ្នក​ជំនាញ​រូប​នេះ​បាន​ក៏​លើក​ឡើង​ពី​​កត្តា​មនុស្ស​មក​ពាក់ព័ន្ធ​ផង​ដែរ ដោយសារ​ការ​ផ្លាស់ប្ដូរ​សាសនា ឥទ្ធិពល​នៃ​សង្គ្រាម និង​អំពើ​ចោរកម្ម​ដូចជា​ការ​គាស់​កកាយក្នុង​សម័យ​សង្គ្រាម។

លោក សោម សុផារ៉ាត់ ​បាន​លើកពី​កត្តា​ធម្មជាតិ​ក៏​ជា​ហេតុផល​មួយ​ទៀត​ដូចជា​ ការ​​បំផ្លាញ​ដោយ​ដើមឈើ កត្តា​ខ្យល់ ទឹក​សំណើម ក៏​ធ្វើ​ឱ្យ​មាន​ការប្រែប្រួល​ដល់​គ្រឹះ​ប្រាសាទ និង​បណ្តាល​ឱ្យ​រចនាសម្ព័ន្ធ​មួយ​ចំនួន​ងាយ​នឹង​ដួល​រលំ។

ប្រាសាទ​អង្គរវត្ត​ត្រូវបាន​សាងសង់​ឡើង​ក្នុង​សតវត្សទី ១២ អំឡុង​ឆ្នាំ ១១២២ នៃ​គ.ស. ក្នុង​រាជ្យ​ព្រះបាទ​សូរ្យវរ្ម័ន​ទី ២ ដើម្បី​ឧទ្ទិស​ដល់​ព្រះវិស្ណុនៃ​ព្រហ្មញ្ញសាសនា ខណៈ​ប្រាសាទ​បាយ័ន​សាងសង់​ឡើង​នៅ​ចុង​សតវត្ស​ទី ១២ ឬដើមសតវត្សទី១៣ ក្នុង​រាជ្យ​ព្រះបាទ​ជ័យវរ្ម័នទី​៧ សម្រាប់​ឧទ្ទិសថ្វាយ​ដល់​ព្រះពុទ្ធសាសនា​មហាយាន៕

The post ប្រាសាទ​បាយ័ន​សាងសង់​សម័យ​ក្រោយ​ ​ទ្រុឌទ្រោម​​ជាង​ប្រាសាទ​អង្គរ​វត្ត អ្នកជំនាញប្រាប់មូលហេតុ appeared first on Kampuchea Thmey Daily.

​សមរាត្រីអង្គរ (Angkor Equinox)​ គឺជាព្រឹត្តិការណ៍ដែលព្រះអាទិត្យរះចំកំពូល​កណ្តាលប្រាសាទ​អង្គរវត្ត​ បង្កើតបានផ្ទាំងទស្សនីយភាពដ៏ស្រស់ស្អាត​ និងអស្ចារ្យរបស់ដូនតាខ្មែរ​បន្សល់ទុកដល់​មនុស្សជាតិបានឃើញ​​ និង​យល់អំពីជំនឿ​ និងវិទ្យាសាស្ត្រពិត​ បង្កើត​បាននូវភាពទាក់ទាញ​ដល់​អ្នក​ទេសចរជាតិ ​និង​អន្តរជាតិជាច្រើនកុះករមកទស្សនា​ និងផ្តិតយកអនុស្សាវរីយ៍​ព្រះអាទិត្យរះចំកំពូល​ប្រាសាទព្រះបរមវិស្ណុលោក ឬប្រាសាទអង្គរវត្ត។​

​ព្រឹត្តិការណ៍សមរាត្រី ​នឹង​កើតមានឡើងពីរដងក្នុងមួយឆ្នាំ ដោយនៅរដូវប្រាំង (Vernal Equinox) ចាប់ពីថ្ងៃទី ២១-២៣ ខែមីនា ​និង​រដូវវស្សា ​(Autumnal Equinox) ​ចាប់ពីថ្ងៃទី២១-២៣ ខែកញ្ញា ជារៀងរាល់ឆ្នាំ៕​

The post ភ្ញៀវ​ទេសចរ​ជាច្រើនកុះករ​ ចូលរួមទស្សនា​ថ្ងៃរះចំកំពូលប្រាសាទ​អង្គរវត្ត​ appeared first on Kampuchea Thmey Daily.

លោក ម៉ៅ សុខនី មន្ត្រីបច្ចេកទេសនាយកដ្ឋានអភិរក្សប្រាសាទ និងបុរាណវិទ្យា ឱ្យដឹងថា បច្ចុប្បន្ននេះ រចនាសម្ពន្ធរបស់បណ្ណាល័យនេះមានការខូចខាតជាច្រើនកន្លែងដូចជា គ្រឹះថ្មបាយក្រៀមពុកផុយ ថ្មមួយចំនួនគ្រាកចេញពីទីតាំងដើម ពិសេស ថ្មដំបូល។

អ្នកជំនាញរូបនេះបន្តថា ការជួសជុលនេះត្រូវបានបន្ថែមថ្មថ្មីមួយចំនួននៅផ្នែកខឿន ដែលបានបាត់បង់ថ្ម ដើម្បីរក្សាស្ថិរភាពនៃខឿនបណ្ណាល័យនេះឡើងវិញ និងរំកិលថ្មផ្នែកដំបូលដែលគ្រាក ឱ្យចូលទីតាំងដើមឡើងវិញ បិទបាយអការពារជម្រាបទឹកចូលទៅក្នុងគ្រឹះបន្តទៀត។ ស្របជាមួយគ្នានេះដែរ ក្រុមការងារអភិរក្សថ្ម ក៏បានប្រើបច្ចេកទេសជួសជុលពង្រឹងផ្នែកថ្ម ដែលពុកផុយឱ្យរឹងមាំឡើងវិញ រួមមាន សសរ ជញ្ជាំង មេទ្វារ និងរូបអប្សរាមួយចំនួន។

បច្ចុប្បន្ននេះ ដំណើរការជួសជុលបណ្ណាល័យខាងជើងនៃជាន់ទី២ របស់ប្រាសាទអង្គរវត្តសម្រេចបានប្រមាណ៦០​ភាគរយ​ហើយ ដែលបានចាប់ផ្ដើមឡើងតាំងពីខែវិច្ឆិកា ឆ្នាំ២០២៥ ហើយគ្រោងនឹងបញ្ចប់នៅក្នុងអំឡុងខែកុម្ភៈ ឆ្នាំ២០២៦ខាងមុខ៕

The post អាជ្ញាធរជាតិអប្សរា ចាប់ផ្ដើមជួសជុលបណ្ណាល័យខាងជើងនៃជាន់ទី២ ប្រាសាទអង្គរវត្ត appeared first on Kampuchea Thmey Daily.

ពិធីបួងសួងនេះ ប្រព្រឹត្តិទៅក្រោមអធិបតីភាព បណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ និងជាប្រធានក្រុមប្រឹក្សាភិបាលអាជ្ញាធរជាតិអប្សរា រួមទាំងថ្នាក់ដឹកនាំ នៃអាជ្ញាធរជាតិអប្សរា ថ្នាក់ដឹកនាំរដ្ឋបាលខេត្តសៀមរាប ថ្នាក់ដឹកនាំមន្ទីរអង្គភាពពាក់ព័ន្ធ មន្ត្រីបុគ្គលិកអាជ្ញាធរជាតិអប្សរា។

សូមជម្រាបដែរថា ពិធីបួងសួង នៃពិធីបុណ្យរំលឹកគុណអង្គរ ធ្វើឡើងក្នុងគោលបំណងរំលឹកគុណដល់បុព្វបុរសខ្មែរ ដែលជាអ្នកកសាងប្រាសាទអង្គរ រួមនិងប្រាសាទបុរាណជាច្រើទៀត ដែលបានបន្សល់ទុកមរតកដ៏មានតម្លៃសម្រាប់កូនខ្មែរជំនាន់ក្រោយ ក៏ដូចជាសុំឱ្យមានសេចក្តីសុខសន្តិភាពដល់មាតុភូមិកម្ពុជាទាំងមូល។ មិនតែប៉ុណ្ណោះ ក៏ដើម្បីឧទ្ទិសកុសលផលបុណ្យជូនចំពោះវិញ្ញាណក្ខន្ធបុព្វបុរសខ្មែរ វីរកងទ័ពខ្មែរគ្រប់ៗជំនាន់ ដែលបានពលីក្នុងបុព្វហេតុការពារទឹកដី និងជាតិមាតុភូមិ ផងដែរ។

ក្នុងនោះ មន្ត្រីជាន់ខ្ពស់នៃក្រសួងវប្បធម៌ និងមន្ត្រីអាជ្ញាធរអប្សរា បាននិមន្តព្រះសង្ឃស្វាធ្យាយជយន្តោ និងបង្សុកូលឧទ្ទិសចំពោះវិញ្ញាណក្ខន្ធបុព្វបុរស វីរជននៃកងកម្លាំងប្រដាប់អាវុធគ្រប់ប្រភេទ និងបានទៅអុជធូបបួងសួង នៅតាមទីស័ក្តិសិទ្ធិជាច្រើនកន្លែង ក្នុងបរិវេណប្រាសាទអង្គរវត្តផងដែរ។

ក្រសួងបញ្ជាក់ទៀតថា ក្នុងឱកាសនៃការអបអរខួប នៃការដាក់បញ្ចូល “តំបន់រមណីយដ្ឋានអង្គរ” ជាសម្បត្តិបេតិកភណ្ឌពិភពលោករបស់អង្គការយូណេស្កូនេះដែរ អាជ្ញាធរជាតិអប្សរាក៏បានរៀបចំស្ដង់ ដើម្បីដាក់តាំងបង្ហាញសមិទ្ធិផលនានា ទាក់ទងនឹងកិច្ចការអភិរក្ស និងការថែរក្សារមណីយដ្ឋានអង្គរ ជូនភ្ញៀវទេសចរនិងមហាជនបានទស្សនាផងដែរ៕

The post អាជ្ញាធរជាតិអប្សរា ធ្វើពិធីបួងសួងនៅប្រាសាទអង្គរវត្ត ក្នុងឱកាសខួបនៃចុះបញ្ជីជាសម្បត្តិបេតិកភណ្ឌពិភពលោក appeared first on Kampuchea Thmey Daily.

ក្នុងចំណាត់ថ្នាក់របស់ Trip Advisor, ប្រាសាទអង្គរវត្ត បានយកឈ្នះមហាកំផែងរបស់ប្រទេសចិន និងប្រាសាទ Taj Mahal របស់ឥណ្ឌា។

ក្នុងនោះ Trip Advisor បានសរសើរពេញៗមាត់ថា អង្គរវត្ត គឺជាអច្ឆរិយវត្ថុមួយរបស់ពិភពលោក ហើយគ្មានអ្វីត្រូវឆ្ងល់ទេថាតើហេតុអ្វី។ សូមស្វែងយល់រមណីយដ្ឋានបេតិកភណ្ឌពិភពលោករបស់អង្គការយូណេស្កូមួយនេះ ហើយសូមកោតសរសើរដល់ស្ថាបត្យកម្មនិងចម្លាក់ដ៏អស្ចារ្យរបស់ប្រាសាទ។

មនុស្សជាច្រើនបានទៅទស្សនានៅពេលថ្ងៃរះ ដូច្នេះអ្នកចាំបាច់ត្រូវតែដាក់ម៉ោងរោទិ៍ ដើម្បីទៅឲ្យទាន់ពេល។ បើអ្នកធ្វើដំណើរជាមួយមគ្គុទ្ទេសក៍ រឹតតែមានតម្លៃព្រោះអ្នកនឹងបានស្តាប់នូវរឿងរ៉ាវ និងអត្ថន័យសំខាន់ៗ នៅពីក្រោយសំណង់ប្រវត្តិសាស្ត្រមួយនេះ។

សូមជម្រាបថា ក្នុងចំណោមកន្លែងកំពូលទាំង៥ដែលទាក់ទាញទេសចរខ្លាំងបំផុតនៅអាស៊ីក្នុងឆ្នាំ២០២៥ របស់ Trip Advisor មានអង្គរវត្ត ឈរលេខ១, លេខ២បានទៅលើមហាកំផែងរបស់ចិន, ប្រាសាទ Taj Mahal របស់ឥណ្ឌាលេខ៣, ទីសក្ការបូជា Fushimi Inari-taisha របស់ជប៉ុន លេខ៤ និងសារមន្ទីរ War Remnants របស់វៀតណាម ជាប់លេខ៥។

សូមបញ្ជាក់ថា ក្នុងចំណោមទីតាំងកំពូលទាំង៥របស់ Trip Advisor គឺអត់មានថៃទេ៕

អត្ថបទ៖ សុខ សុវណ្ណ

The post អង្គរវត្ត ជាប់លេខ១នៅអាស៊ី ជាទីតាំងទាក់ទាញទេសចរខ្លាំងបំផុតរបស់ Trip Advisor ក្នុងឆ្នាំ២០២៥ appeared first on Kampuchea Thmey Daily.

ការជំរុញជាថ្មីនេះ ធ្វើឡើងតាមរយៈរដ្ឋមន្រ្តីក្រសួងវប្បធម៌ និងវិចិត្រសិល្បៈលោកស្រី ភឿង សកុណា អញ្ជើញចូលរួមក្នុងនៅក្នុងកិច្ចប្រជុំរដ្ឋភាគីលើកទី២៥នៃអង្គការយូណេស្កូចាប់ផ្តើមពីថ្ងៃទី២៤-២៥ ខែវិច្ឆិកា ឆ្នាំ២០២៥ ដែលដឹកនាំដោយលោកស្រី Gayane UMEROVA ប្រធានអង្គប្រជុំរដ្ឋភាគីលើកទី២៥ និងមានការចូលរួមដោយ លោក khaled Ahmed EL-ENANI ALI EZZ អគ្គនាយកអង្គការយូណេស្កូ។

ឆ្លៀតក្នុងឱកាសអញ្ជើញថ្លែងបទអន្តរាគមន៍គន្លឹះ លោកស្រី ភឿង សកុណា បានទាញចំណាប់អារម្មណ៍នៃកិច្ចប្រជុំទាំងមូលស្តីអំពីនិន្នាការនៃការលួចចម្លងដោយរំលោភបំពាន ការក្លែងបន្លំនូវទ្រង់ទ្រាយដើមនៃសម្បត្តិបេតិកភណ្ឌពិភពលោកនិងកង្វះខាតនូវបទបញ្ញត្តិនៃការប្រតិបត្តិក្នុងអនុសញ្ញាឆ្នាំ១៩៧០និងអនុសញ្ញាឆ្នាំ១៩៧២នាពេលកន្លងមក។

បន្ថែមលើនេះ លោកស្រីបានរំលឹកអំពីបទអន្តរាគមន៍កាលពីខែកក្កដា ឆ្នាំ២០២៥កន្លងមកដែលពេលនោះបានលើកឡើងម្តងរួចមកហើយនូវការសាងសង់ចម្លងប្លង់ប្រាសាទអង្គរវត្តនៅប្រទេសជិតខាង។ លោកស្រីសង្កត់ធ្ងន់ថា៖« ព្រោះ​ការណ៍នេះគឺជាសកម្មភាពខ្វះខាតនូវក្រមសីលធម៌ដែលអាចនាំមកនូវការប៉ះពាល់មិនត្រឹមតែសភាពដើម និងតម្លៃលេចធ្លោជាសកលប៉ុណ្ណោះទេ ប៉ុន្តែក៏ប៉ះពាល់ដល់អត្តសញ្ញាណនៃបេតិកភណ្ឌអរូបីរបស់ប្រជាជនម្ចាស់ស្រុកផងដែរ»។

តាមរយៈវេទិកាអន្តរជាតិនេះ លោកស្រីបញ្ជាក់ថា កម្ពុជាអំពាវនាវយ៉ាងមុតមាំដល់មជ្ឈមណ្ឌលបេតិកភណ្ឌពិភពលោក និងក្រុមប្រឹក្សាអ្នកច្បាប់នៃអង្គការយូណេស្កូធ្វើការយកចិត្តទុកដាក់ជាបន្ទាន់លើបញ្ហានេះដោយកំណត់នូវទិសដៅច្បាស់លាស់ក្នុងក្របខណ្ឌអនុសញ្ញាឆ្នាំ១៩៧០ និងអនុសញ្ញាឆ្នាំ១៩៧២ និងធ្វើការរួមជាមួយបណ្តារដ្ឋភាគីដើម្បីទប់ស្កាត់នូវសកម្មភាពអវិជ្ជមានដែលអាចកើតឡើងនាពេលអនាគតក្នុងបរិបទសកលភាវូបនីយកម្ម។

ការជំរុញជាថ្មីរបស់ភាគីកម្ពុជា បន្ទាប់ពីថៃនៅតែសាងសង់សំណង់ដែលដូចទៅនឹងប្រាសាទអង្គរវត្តមិនបញ្ឈប់ឡើយ បើទោះបីជាភាគីកម្ពុជា បានខិតខំព្យាយាមជាច្រើនលើកច្រើនសារក្នុងការជជែកជាមួយភាគីថៃក៏ដោយ៕

The post កម្ពុជា ជំរុញអង្គការ UNESCO ចាត់វិធានការជាបន្ទាន់ករណីថៃ លួចចម្លងប្រាសាទអង្គរវត្ត appeared first on Kampuchea Thmey Daily.

លោក ឡេក គឹមលីន ប្រធាន​គ្រប់គ្រង​ភ្នាក់ងារ​ទេសចរណ៍​ប្រាសាទ​អង្គរវត្ត បាន​ឲ្យ​ដឹង​ថា ប្រាសាទ​អង្គរវត្ត មាន​ទីតាំង​ជាច្រើន​ដែល​កូន​កំលោះ​ក្រមុំ​និយម​ថតរូប មាន​ចាប់ពី​ច្រាំង​ក​សិន្ធុ​ច្រក​ចូល​ពី​ទិស​ខាងលិច រោងទង​ទី ១ បណ្ណាល័យ​ខាងត្បូង​ខាងជើង ស្រះ​ទឹក ក្ដារ​បែន តាម​ជ្រុង​នីមួយៗ នៃ​រួត​ទី ១ និង​ច្រក​ទ្វារ​ចុះ​ទៅ​ខ្លោងទ្វារ​ខាងជើង ឬ​ហៅថា គុ​ហ៍​តា​ឡឹ​ក រួម​នឹង​ទីតាំង​ជាច្រើន​ទៀត តាម​ការ​ច្នៃប្រឌិត​របស់​អ្នក​ថតរូប​នីមួយៗ។ ក្រៅពី​ប្រាសាទអង្គរវត្ត នៅ​ក្រុង​អង្គរធំ និង​ប្រាសាទ​ផ្សេងៗ ទៀត ក៏​ជាទី​ពេញ​និយម នៃ​ថតរូប​អាពាហ៍ពិពាហ៍​ដែរ មាន​ដូចជា នៅ​ខ្លោងទ្វារ​ទន្លេ​អុំ ខ្លោងទ្វារ​តា​កាវ ខ្លោងទ្វារ​ដី​ឆ្នាំង ព្រះ​លានជល់ដំរី ប្រាសាទ​ព្រះខ័ន ប្រាសាទ​នាគព័ន្ធ ប្រាសាទ​បន្ទាយក្តី និង​ប្រាសាទ​ប្រែរូប​ជាដើម។

លោក ឡេក គឹមលីន បាន​បន្ត​ថា ជា​រៀងរាល់​ឆ្នាំ ក្រោយ​ថ្ងៃ​ចេញ​វស្សា នៅ​ប្រាសាទ​អង្គរ ក្នុង​មួយថ្ងៃ​មាន​កូន​កំលោះ​ក្រមុំ យ៉ាងហោចណាស់​ពី ៥០ ទៅ ៦០ គូ មក​ថតរូប​មុន​រៀប​អាពាហ៍ពិពាហ៍​ទុកជា​អនុស្សាវរីយ៍។ ការ​ថតរូប​អាពាហ៍ពិពាហ៍​ដោយ​ភ្ជាប់​ជាមួយ​ប្រាសាទ​អង្គរវត្ត មាន​តាំងតែ​ពី​ម៉ោង ៧ ព្រឹក រហូតដល់​ម៉ោង ៥ ល្ងាច។ អ្នក​ថតរូប​ទៀតសោត បាន​ជ្រើសរើស​ទីតាំង​ពិសេសៗ និង​កាល​វេលា​តាម​ការ​ច្នៃប្រឌិត​បាន​ធ្វើ​ឱ្យ​រូបភាព​មាន​កាន់​តែ​មាន​សោភ័ណភាព និង​ស្រស់​ស្អាត​ប្រៀប​បាន​ឋានសួគ៌​លើ​ដី។ ម្យ៉ាងទៀត ការ​ស្លៀកពាក់​បែប​ប្រពៃណី​ខ្មែរ​ស័ក្តិសម​ទៅ​នឹង​សំណង់​ប្រាសាទ​បុរាណ​ដ៏​អស្ចារ្យ ដែល​បុព្វបុរស​ខ្មែរ​បាន​បន្សល់ទុក ហើយ​រួម​ជាមួយ​នឹង​ទេសភាព​ប្រាសាទ​ជាមួយ​ព្រៃឈើ និង​ស្មៅ​ពណ៌​បៃតង​ផង​នោះ កាន់តែ​ធ្វើ​ឱ្យ​រូបភាព​អនុស្សាវរីយ៍​មាន​តម្លៃ និង​ស្រស់​ស្អាត។

ក្នុង​នោះ​ដែរ អាជ្ញាធរ​ជាតិ​អប្សរា បាន​សំណូមពរ​ដល់​អ្នក​ថត ត្រូវ​ចេះ​យោគយល់​គ្នា​នៅ​ពេល​ដែល​មាន​អ្នក​ថត​ច្រើន​ចំពោះ​ទីតាំង​មាន​ការ​មមាញឹក​ថត និង​ទីតាំង​ចង្អៀត។ សូម​រួមគ្នា​លើក​តម្លៃ នៃ​រមណីយដ្ឋាន​អង្គរ ព្រមទាំង​បរិស្ថាន​ស្អាត ដើម្បី​លើក​ស្ទួយ​វប្បធម៌ និង​ទេសចរណ៍​នៅ​កម្ពុជា​កាន់តែ​រីកចម្រើន​ថែមទៀត៕

អត្ថបទ ៖ ជុន កុសល

The post ប្រាសាទអង្គរវត្តដ៏ល្បីល្បាញ និងជាទីពេញនិយម នៃការថតរូបកូនកំលោះក្រមុំ មុនរៀបមង្គលការ appeared first on Kampuchea Thmey Daily.