យឿន សូតអនុស្សាវរីយ៍ ប្រកាសចេញពី សាន់ដេ ទំនងចូលទ្រនំផលិតកម្មធំមួយ

អ៊ិន ពិសី — Fri, 30 Jun 2023 03:58:53 +0000

ម្ចាស់បទ «ទីងមោង និង ឆ្នាំងណាគ្របហ្នឹង» យឿន សូតអនុស្សាវរីយ៍ ប្រកាសបញ្ចប់កុងត្រាការងារជាមួយផលិតកម្ម សាន់ដេ (SUNDAY PRODUCTION) ជាផ្លូវការហើយ នៅថ្មីៗនេះ ដោយមានមតិអ្នកគាំទ្រខ្លះថា តារាចម្រៀងប្រុសរូបនេះ អាចនឹងចូលទ្រនំសម្បូរឧកញ៉ា ខណៈមួយរយៈចុងក្រោយ ឃើញលោកស្និទ្ធស្នាលជាមួយតារាចម្រៀងប្រចាំផលិតកម្ម Galaxy Navatra ដូចជា ឧកញ៉ា ព្រាប សុវត្ថិ ,ឧកញ៉ា ខេមរៈ សិរីមន្ត និងតារាចម្រៀង ខេម ជាដើម។

តារាចម្រៀង យឿន សូតអនុស្សាវរីយ៍ បានឲ្យដឹងថា លោកបានបញ្ចប់កុងត្រាការងារជាមួយផលិតកម្ម សាន់ដេ (SUNDAY PRODUCTION) ជាផ្លូវការហើយ។ រយៈពេលជាច្រើនឆ្នាំមកនេះ លោកបានរួមរស់ក្រោមដំបូលសាន់ដេ ពិតជាទទួលបានភាពកក់ក្ដៅ និងការជួយជ្រោមជ្រែងជាច្រើនរាប់មិនអស់។ លោកថា «ខ្ញុំបាទ មានថ្ងៃនេះ គឺជាគុណបំណាច់ដ៏ធំធេងមិនអាចថ្លៃបានរបស់គ្រួសារសាន់ដេ ពេលវេលាកន្លងមក ធ្វើឲ្យខ្ញុំបាទ ចងចាំមិនអាចបំភ្លេចបានក្នុងមួយជីវិតនេះ»។

តារាចម្រៀងប្រុសទើបបញ្ចប់កុងត្រាការងារជាមួយផលិតកម្ម សាន់ដេ (SUNDAY PRODUCTION) យឿន សូតអនុស្សាវរីយ៍ បានបន្ថែមថា «គ្មានការជួបជុំណាដែលមិនបែកគ្នានោះទេ ប៉ុន្តែអនុស្សាវរីយ៍ល្អៗជាច្រើនរាប់មិនអស់ បានដក់ជាប់ក្នុងក្រអៅបេះដូងខ្ញុំជានិច្ចនិរន្តរ៍»។ ជាចុងក្រោយ តារាចម្រៀងរូបនេះ ក៏បានធ្វើការអរគុណដល់អ្នកគាំទ្រទាំងអស់ ដែលបានគាំទ្រលោក តាំងពីដើមរហូតដល់បច្ចុប្បន្ន។

យ៉ាងណាមិញតាមរយៈដំណឹងនេះ ក៏មានមតិខ្លះលើកឡើងស្រដៀងៗគ្នាថា តារាចម្រៀង យឿន សូតអនុស្សាវរីយ៍ អាចនឹងផ្លាស់ចូលទ្រនំសម្បូរឧកញ៉ា គឺ ផលិតកម្ម Galaxy Navatra។ ឯខ្លះទៀតថា អាចនឹងចូលផលិតកម្ម ហង្សមាស ជាដើម។

ពាក់ព័ន្ធដំណឹងថា តារាចម្រៀង យឿន សូតអនុស្សាវរីយ៍ នឹងចូលផលិតកម្មណាមួយនោះ នៅមិនទាន់មានការបង្ហើបឲ្យដឹងពីតារាប្រុសរូបនេះនៅឡើយទេ៕

អត្ថបទ ៖ ពិសី

The post យឿន សូតអនុស្សាវរីយ៍ ប្រកាសចេញពី សាន់ដេ ទំនងចូលទ្រនំផលិតកម្មធំមួយ appeared first on Kampuchea Thmey Daily.

ខាន់ ជេមស៍ ប្រកាសបើកផលិតកម្មខ្លួនឯង ក្រោយដំណឹងចេញពីសាន់ដេ

អ៊ិន ពិសី — Sat, 22 Oct 2022 03:30:59 +0000

ខាន់ ជេមន៍ តារាចម្រៀងខ្មែរល្បីឈ្មោះយូរឆ្នាំមកហើយនោះ ថ្មីៗនេះមានដំណឹងថា លោកបានចាកចេញពីផលិតកម្មសាន់ដេ ជាផ្លូវការហើយ ក្រោយរួមរស់សាងកេរ្តិ៍ឈ្មោះជាមួយផលិតកម្មនេះជាច្រើនឆ្នាំកន្លងមក។

ទន្ទឹមគ្នា នៃដំណឹងចាកចេញពីទ្រនំចាស់ផលិតកម្មសាន់ដេ លោក ខាន់ ជេមន៍ ម្ចាស់បទ”ស្តាយក្រោយ”រូបនេះ ក៏បង្ហើបតម្រុយមកថា មានគម្រោងត្រៀមបើកផលិតកម្មផ្ទាល់ខ្លួននាពេលឆាប់ៗនេះផងដែរ។

ចាប់អារម្មណ៍ទៅមើលនៅលើទំព័រហ្វេសប៊ុករបស់លោក ខាន់ ជេមស៍ ដែលបង្ហោះជាសាធារណៈ កាលពីរសៀលថ្ងៃទី ២១ ខែតុលា ឆ្នាំ ២០២២ លោកបានបង្ហើបពីការត្រៀមបើកផលិតកម្មផ្ទាល់ខ្លួនដល់អ្នកគាំទ្រ។

លោក ខាន់ ជេមស៍ បានសរសេរសំណេរខ្លីទៅកាន់អ្នកគាំទ្រថា ជម្រាបសួរបាទ ពុកម៉ែបងប្អូន នៅក្នុងពេលដ៏ខ្លីឆាប់ៗនេះ ខ្ញុំបាទ នឹងបើកនូវផលិតកម្មផ្ទាល់ខ្លួន តើពុកម៉ែបងប្អូនគាំទ្រទេបាទ?។

ការប្រកាសនេះធ្វើឲ្យអ្នកគាំទ្រ ក៏ដូចជាអ្នកប្រើប្រាស់បណ្ដាញសង្គមហ្វេសប៊ុកភ្ញាក់ផ្អើល និងខ្លះទៀត បានចោទជាសំនួរថា លោកចាកចេញពីផលិតកម្មសាន់ដេហើយ ឬយ៉ាងណា?។

ពាក់ព័ន្ធព័ត៌មាននេះ កម្ពុជាថ្មី នៅមិនទាន់ទទួលបានការបកស្រាយពីតារាចម្រៀងលោក ខាន់ ជេមស៍ នៅឡើយទេ។

ដោយឡែកបើតាមរយៈការផ្តល់សម្ភាសន៍ដល់សារព័ត៌មានក្នុងស្រុកមួយ តារាចម្រៀងខ្មែរល្បីឈ្មោះ ខាន់ ជេមស៍ បានទទួលស្គាល់ថា លោកពិតជាបើកផលិតកម្មខ្លួនឯងក្នុងពេលដ៏ខ្លីនេះ។

តារាប្រុសរូបនេះបញ្ជាក់ថា ការងាកមកបើកផលិតកម្មខ្លួនឯងនេះ ក៏ព្រោះលោកបានបញ្ចប់កុងត្រាជាមួយផលិតកម្មសាន់ដេ មានរយៈពេលប្រមាណជា ២ ខែមកហើយ៕

អត្ថបទ ៖ ចាន់រ៉ា

The post ខាន់ ជេមស៍ ប្រកាសបើកផលិតកម្មខ្លួនឯង ក្រោយដំណឹងចេញពីសាន់ដេ appeared first on Kampuchea Thmey Daily.

ផលិតកម្មសាន់ដេ Archives - Kampuchea Thmey Daily

យឿន សូតអនុស្សាវរីយ៍ ប្រកាសចេញពី សាន់ដេ ទំនងចូលទ្រនំផលិតកម្មធំមួយ

ខាន់ ជេមស៍ ប្រកាសបើកផលិតកម្មខ្លួនឯង ក្រោយដំណឹងចេញពីសាន់ដេ​

ខាន់ ជេមស៍ ប្រកាសបើកផលិតកម្មខ្លួនឯង ក្រោយដំណឹងចេញពីសាន់ដេ