ជីវិតកម្សាន្ដ

ខាន់ ជេមស៍ ប្រកាសបើកផលិតកម្មខ្លួនឯង ក្រោយដំណឹងចេញពីសាន់ដេ

បានផុស

៤ years មុន

នៅ

ថ្ងៃសៅរ៍ ២២ តុលា ២០២២

ដោយ

ខាន់ ជេមន៍ តារាចម្រៀងខ្មែរល្បីឈ្មោះយូរឆ្នាំមកហើយនោះ ថ្មីៗនេះមានដំណឹងថា លោកបានចាកចេញពីផលិតកម្មសាន់ដេ ជាផ្លូវការហើយ ក្រោយរួមរស់សាងកេរ្តិ៍ឈ្មោះជាមួយផលិតកម្មនេះជាច្រើនឆ្នាំកន្លងមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមគ្នា នៃដំណឹងចាកចេញពីទ្រនំចាស់ផលិតកម្មសាន់ដេ លោក ខាន់ ជេមន៍ ម្ចាស់បទ”ស្តាយក្រោយ”រូបនេះ ក៏បង្ហើបតម្រុយមកថា មានគម្រោងត្រៀមបើកផលិតកម្មផ្ទាល់ខ្លួននាពេលឆាប់ៗនេះផងដែរ។

ចាប់អារម្មណ៍ទៅមើលនៅលើទំព័រហ្វេសប៊ុករបស់លោក ខាន់ ជេមស៍ ដែលបង្ហោះជាសាធារណៈ កាលពីរសៀលថ្ងៃទី ២១ ខែតុលា ឆ្នាំ ២០២២ លោកបានបង្ហើបពីការត្រៀមបើកផលិតកម្មផ្ទាល់ខ្លួនដល់អ្នកគាំទ្រ។

លោក ខាន់ ជេមស៍ បានសរសេរសំណេរខ្លីទៅកាន់អ្នកគាំទ្រថា ជម្រាបសួរបាទ ពុកម៉ែបងប្អូន នៅក្នុងពេលដ៏ខ្លីឆាប់ៗនេះ ខ្ញុំបាទ នឹងបើកនូវផលិតកម្មផ្ទាល់ខ្លួន តើពុកម៉ែបងប្អូនគាំទ្រទេបាទ?។

ការប្រកាសនេះធ្វើឲ្យអ្នកគាំទ្រ ក៏ដូចជាអ្នកប្រើប្រាស់បណ្ដាញសង្គមហ្វេសប៊ុកភ្ញាក់ផ្អើល និងខ្លះទៀត បានចោទជាសំនួរថា លោកចាកចេញពីផលិតកម្មសាន់ដេហើយ ឬយ៉ាងណា?។

ពាក់ព័ន្ធព័ត៌មាននេះ កម្ពុជាថ្មី នៅមិនទាន់ទទួលបានការបកស្រាយពីតារាចម្រៀងលោក ខាន់ ជេមស៍ នៅឡើយទេ។

ដោយឡែកបើតាមរយៈការផ្តល់សម្ភាសន៍ដល់សារព័ត៌មានក្នុងស្រុកមួយ តារាចម្រៀងខ្មែរល្បីឈ្មោះ ខាន់ ជេមស៍ បានទទួលស្គាល់ថា លោកពិតជាបើកផលិតកម្មខ្លួនឯងក្នុងពេលដ៏ខ្លីនេះ។