​ក្រសួង​សេដ្ឋកិច្ច និង​ហិរញ្ញវត្ថុ បញ្ជាក់ថា ​សហគ្រាស​ដែល​ត្រូវ​បាន​កំណត់​ខាងលើ​ត្រូវទទួលបានការអនុគ្រោះ ព្យួរទុក ការបង់ពន្ធអប្បបរមា, ​ព្យួរទុកការបង់ពន្ធប្រាក់រំដោះពន្ធលើប្រាក់ចំណូល និងរួចផុតពីកាតព្វកិច្ចទុកប្រាក់ពន្ធលើការទូទាត់​ចំពោះការផ្គត់ផ្គង់សេវាដោយបុគ្គលិកមិនស្ថិតក្នុងរបបស្វ័យប្រកាស។

​សហគ្រាស​ត្រូវបំពេញលក្ខខណ ៤ ​គឺស្នើសុំវិញ្ញាបនបត្រអាករលើតម្លៃបន្ថែម​ជាបន្ទុករបស់រដ្ឋ​ពីអគ្គនាយកដ្ឋានពន្ធដារ, ​ភ្ជាប់បញ្ជីឈ្មោះអ្នកផ្គត់ផ្គង់​ ទំនិញ ឬសេវាជាមួយនឹងលិខិតប្រកាស​អាករលើតម្លៃបន្ថែមប្រចាំខែ, កាន់បញ្ជីគណនេយ្យស្របតាមច្បាប់ និងលិខិតបទដ្ឋានគតិយុត្តជាធរមាន និងដាក់លិខិតប្រកាសសារពើពន្ធជូនរដ្ឋប្រចាំខែ ប្រចាំឆ្នាំទៅតាមទម្រង់ ពេលវេលា និងទីកន្លែងដែលរដ្ឋបាលសារពើពន្ធបានកំណត៕​

The post ​រដ្ឋ​ប្រកាស​ព្យួរ​​ពន្ធ​លើ​ប្រាក់​ចំណូល​របស់​សហគ្រាស​ផលិត ស្វាយចន្ទី ម្រេច ចេក និងកសិផលមួយចំនួនទៀត appeared first on Kampuchea Thmey Daily.

​លោក ប្រាក់ ដាវីដ ​បាន​លើកឡើង​នៅក្នុងពិធីបើក​ពិព័រណ៍កសិកម្មកម្ពុជា CAFE25 នៅថ្ងៃទី ១៣ ខែវិច្ឆិកា ដែលពិព័រណ័រណ៍នេះរៀបចំឡើងរយៈពេល ៤ ថ្ងៃ ចាប់​ពីថ្ងៃទី ១៣-១៦ ខែវិច្ឆិកា ឆ្នាំ ២០២៥ នៅមជ្ឈមណ្ឌលសន្និបាត​និងពិព័រណ៍កោះពេជ្រ រាជធានីភ្នំពេញ។​

​កម្ពុជាសម្រេចបានការនាំចេញ​ផលិតផលកសិកម្មរាប់លានតោនជារៀងរាល់ឆ្នាំ ​ទៅកាន់ទីផ្សារ​ពិភព​លោក ​ដែលរួមចំណែក​យ៉ាងសំខាន់​ក្នុងការលើកកម្ពស់​ជីវភាពបងប្អូន​ប្រជាក​សិករ​នៅទូទាំង​​ប្រទេស​ ទ្រទ្រង់កំណើនសេដ្ឋកិច្ចជាតិ​ និងចូលរួមធានាសន្តិសុខស្បៀងពិភពលោក។

​នៅក្នុងឆ្នាំ ២០២៤ ​វិស័យកសិកម្មបានបន្តរួមចំណែក ១៦,៧% ​នៃផលិតផលសរុបក្នុងស្រុក ​ជាមួយ​នឹង​តម្លៃបន្ថែមសរុបជាង ៧,៨២ ​ពាន់លានដុល្លារ។

​កម្ពុជាបាននាំចេញផលិតផលកសិកម្មប្រមាណជាង ១២ លានតោន ​ទៅកាន់ទិសដៅ ៩៥ ប្រទេស​ គិត​ជាទឹកប្រាក់ប្រមាណ ៣,៥ ​ពាន់លានដុល្លារ​។

​នៅ​ក្នុង​រយៈពេល ៩ ​ខែ ឆ្នាំ ២០២៥ ​កម្ពុជា​បាននាំចេញផលិតផល​កសិកម្មជាង ១១ ​លានតោន កើន​ឡើង​ប្រមាណ ៣០% ​ធៀបនឹងរយៈពេលដូចគ្នានៅឆ្នាំ ២០២៤។

​ទន្ទឹម​នឹងនេះ​ វិស័យ​កសិកម្ម ក៏​កំពុង​ជួប​ប្រទះ​បញ្ហាប្រឈមថ្មីមួយចំនួន ​ជា​ពិសេស​និរន្តរភាព នៃ​ផលិត​កម្ម និងតម្រូវ​ការទីផ្សារ ថ្លៃដើមផលិតខ្ពស់ ទីផ្សារ ​និងការកែច្នៃនៅមានកម្រិត និងការ​ប្រែ​ប្រួល​មិន​អាច​ស្មានទុកមុន នៃតម្លៃកសិផលនៅលើទីផ្សារអន្តរជាតិ។​

​រាជរដ្ឋាភិបាលកំពុងខិតខំប្រឹងប្រែង​ អនុវត្តគោលនយោបាយរបស់រាជរដ្ឋាភិបាល ​ជាពិសេស​យុទ្ធ​សាស្ត្របញ្ចកោណដំណាក់កាលទី១ ​និងកម្មវិធីគោលនយោបាយអាទិភាព​ទី ៥ និងទី៦ ​យន្ត​ការ​រក្សាលំនឹងថ្លៃកសិផលគន្លឹះ ​ជាពិសេសតម្លៃស្រូវ​ ត្រូវបានជំរុញអនុវត្តយ៉ាង​សកម្មជា​ច្រើន​លើក​ប្រកប​ដោយជោគជ័យ និងប្រសិទ្ធភាពខ្ពស់​។

​សហគមន៍កសិកម្មទំនើប ត្រូវបានបង្កើតឡើង ក្នុងគោលបំណងផ្ដល់ការគាំទ្រ ក្នុងការកាត់បន្ថយ​ថ្លៃ​ដើម​ផលិត ផ្សារភ្ជាប់ទៅនឹងទីផ្សារ និងចុះកិច្ចសន្យាលក់ក្នុងតម្លៃសមស្រប ​ដើម្បី​ធានា​ប្រាក់​ចំណេញ​សម្រាប់កសិករ៕​

អត្ថបទ៖ ឡេង ដេត

The post ​វិស័យកសិកម្មជំរុញកម្ពុជាឱ្យរួចផុតពីការខ្វះស្បៀង ​នៅចំពេល​ដែល​ថៃបិទព្រំដែន appeared first on Kampuchea Thmey Daily.

តាមការគ្រោងទុក ការនាំចេញផលិតផលកសិកម្មទៅប្រទសអូស្ត្រាលីបន្តបន្ទាប់ទៀតនឹងមានចំនួនកើនឡើង និងមានផលិតផលកសិកម្មកាន់តែច្រើន។

លោក សំហេង បូរ៉ា រដ្ឋលេខាធិការក្រសួងពាណិជ្ជកម្ម និងជាប្រធានក្រុមការងារជំរុញការនាំចេញនៃក្រសួងពាណិជ្ជកម្ម បានថ្លែងថា ការដឹកជញ្ជូនផលិតផលកសិកម្មទៅប្រទេសអូស្រ្តាលីជាលើកដំបូង របស់ក្រុមហ៊ុន Royal Trust Trading ឆ្លុះបញ្ចាំងពីកិច្ចខិតខំប្រឹងប្រែងរួមគ្នារវាងក្រសួងពាណិជ្ជកម្ម និងវិស័យឯកជន ខណៈបរិយាកាសនៃការធ្វើពាណិជ្ជកម្មក្នុងពិភពលោកមានភាពមិនច្បាស់លាស់។

ការចាប់ផ្តើមពីការធ្វើទស្សនកិច្ចសិក្សា ការគាំទ្របច្ចេកទេស ការទាក់ទងផ្ទាល់ជាមួយអ្នកទិញ និងការអនុលោមតាមបទដ្ឋានស្តង់ដារនិងគុណភាពអន្តរជាតិ ក្រុមហ៊ុន RTT បានផ្តល់ជាគំរូមួយដល់សហគ្រាសផ្សេងទៀតក្នុងការធានាបានការចូលទីផ្សារប្រកួតប្រជែងពិភពលោក។

លោក សំហេង បូរ៉ា បានវាយតម្លៃខ្ពស់នូវកិច្ចសហប្រតិបត្តិការសេដ្ឋកិច្ចរវាងកម្ពុជា និងអូស្ត្រាលី ដែលពង្រីកវិសាលភាពការនាំចេញរបស់កម្ពុជា និងពង្រឹងការប្តេជ្ញាចិត្តរបស់កម្ពុជាចំពោះពាណិជ្ជកម្មប្រកបដោយចីរភាព៕

The post កម្ពុជានាំចេញផលិតផលកសិកម្មចំនួន ១២ តោន ទៅអូស្ត្រាលី appeared first on Kampuchea Thmey Daily.

សហភាពអឺរ៉ុបប្រចាំនៅកម្ពុជា បានសហការជាមួយក្រសួងពាណិជ្ជកម្មដាក់ឱ្យដំណើការភាពជាដៃគូធុរកិច្ចរវាងសហភាពអឺរ៉ុប-កម្ពុជា៖ ការនាំចេញ និងនវានុវត្តន៍កសិកម្ម (Launching of the EU-Cambodia Business Partnership: Export Lab and Agri-Innovation Lab) ​ដើម្បីជំរុញសមត្ថភាពនាំចេញរបស់ក្រុមហ៊ុន និងសហគ្រាសកម្ពុជា ក្នុងវិស័យកសិកម្ម កសិកែច្នៃ និងផលិតផលបែបច្នៃប្រឌិត ដើម្បីប្រកួតប្រជែងក្នុងទីផ្សារអឺរ៉ុប និងទីផ្សារអន្តរជាតិ​ ជាពិសេសប្លុកអឺរ៉ុប។

ការដាក់ឱ្យដំណើការនៃភាពជាដៃគូនេះត្រូវបានធ្វើឡើងកាលពីថ្ងៃទី២ ខែមិថុនា ដោយមានការចូលរួមជាអធិបតីភាពពីលោក សំហេង បូរ៉ា រដ្ឋលេខាធិការក្រសួងពាណិជ្ជកម្ម ​លោក ប្រាក់ ដាវីដ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ និង លោក អ៊ីហ្កូ ឌ្រីសម៉ាន់ ឯកអគ្គរដ្ឋទូតនៃសហភាពអឺរ៉ុបប្រចាំនៅកម្ពុជា។​  ​ ​

យោងតាមក្រសួងពាណិជ្ជកម្ម កម្មវិធីនេះ ត្រូវបានរៀបចំឡើងក្នុងគោលបំណង ដើម្បីពង្រឹងកិច្ចសហប្រតិបត្តិការរវាងកម្ពុជា និងសហភាពអឺរ៉ុប តាមរយៈការគាំទ្រ និងជំរុញសមត្ថភាពនាំចេញរបស់ក្រុមហ៊ុន និងសហគ្រាសកម្ពុជា ក្នុងវិស័យកសិកម្ម កសិកែច្នៃ និងផលិតផលបែបច្នៃប្រឌិត ដើម្បីប្រកួតប្រជែងក្នុងទីផ្សារអឺរ៉ុប និងទីផ្សារអន្តរជាតិ។

លោក សំហេង បូរ៉ាបានថ្លែងនៅក្នុងកម្មវិធីនោះថា ការដាក់ឱ្យដំណើរការជាផ្លូវការផងដែរនូវគម្រោង Export Lab និង Agri-Innovation Lab ​នេះគឺជាជំហ៊ានចាប់ផ្ដើមសំខាន់មួយក្នុងការគាំទ្រដល់ក្រុមហ៊ុន និងសហគ្រាសកម្ពុជា ដើម្បីពង្រឹងសមត្ថភាពប្រកួតប្រជែងក្នុងទីផ្សារអន្តរជាតិ។

លោកបានថ្លែងបន្តទៀតថា៖« កម្មវិធីទាំងនេះនឹងផ្តល់នូវការបណ្ដុះបណ្ដាលជំនាញផ្នែកអភិវឌ្ឍផលិតផល ការរៀបចំស្តង់ដារនាំចេញ ការផ្សាភ្ជាប់អាជីវកម្មទៅកាន់ទីផ្សារអឺរ៉ុប-អាស៊ាន និងផ្ដល់ការប្រឹក្សាផ្នែកបច្ចេកទេសដល់ក្រុមហ៊ុន និងសហគ្រាសកម្ពុជា នៅក្នុងវិស័យកសិកម្ម កសិកែច្នៃ និងវស័យគោលដៅជាច្រើនទៀត»។

លោក សំហេង បូរ៉ាក៏ បានលើកទឹកចិត្តឱ្យក្រុមហ៊ុន និងអាជីវកម្មនៅកម្ពុជា ចាប់យកឱកាសនេះ ដើម្បីជំរុញ ការអភិវឌ្ឍន៍ផលិតផលរបស់ខ្លួន ពង្រឹងនវានុវត្តន៍ និងពង្រីកសមត្ថភាពនាំចេញ ដោយផ្តោតលើការស្វែងយល់ទីផ្សារគោលដៅ ជាមួយការយល់ដឹងពីកិច្ចព្រមព្រៀងពាណិជ្ជកម្មសេរី និងប្រព័ន្ធអនុគ្រោះពន្ធនានា ដើម្បីបង្កើនឱកាសចូលទៅក្នុងទីផ្សារអាស៊ាន និងពិភពលោក។

ជាពិសេសលោកក៏បានជំរុញឱ្យក្រុមហ៊ុន និងសហគ្រាសបង្កើនសមត្ថភាពបច្ចេកទេស ស្តង់ដារ និងការវេចខ្ចប់ផលិតផល ដើម្បីបង្កើតគំនិតថ្មី និងជំរុញការចូលរួមក្នុងព្រឹត្តិការណ៍ពាណិជ្ជកម្មអន្តរជាតិ ដែលជាជម្រើសសំខាន់សម្រាប់ពង្រីកទីផ្សារនាំចេញ និងពង្រីកការទទួលស្គាល់កិត្តិនាមរបស់ផលិតផលកម្ពុជា “Product of Cambodia” នៅលើឆាកអន្តរជាតិ។

កម្ពុជាទទួលបានចំណូលជិត ៥ ពាន់លានដុល្លារ (៤,៨) ពីការនាំចេញកសិផលចំនួន ១១,៧ លាន​តោន ទៅក្រៅប្រទេស នៅក្នុងឆ្នាំ ២០២៤ កើនឡើងប្រមាណ ៣៩ ភាគរយ ធៀបនឹងឆ្នាំ ២០២៣ ដែល​មាន​ចំនួន ៨,៤ លានតោន។ នេះបើយោងតាមរបាយការណ៍របស់ក្រសួងកសិកម្ម រុក្ខាប្រមាញ់ និងនេសាទ។

ផលិតផលកសិកម្មសំខាន់ៗ ដែលនាំចេញពីកម្ពុជារួមមាន ស្រូវ អង្ករ ចេក ដំឡូងមី ស្វាយចន្ទី ផ្លែមៀន ម្រេច និងកសិផលប្រមាណ ១០០ មុខទៀត៕

The post កម្ពុជា និងសហភាពអឺរ៉ុបចាប់ដៃគ្នាជំរុញការនាំចេញផលិផលកសិកម្ម ជាពិសេសផលិតផលកម្ពុជា «Product of Cambodia»​ appeared first on Kampuchea Thmey Daily.

ក្រសួងពាណិជ្ជកម្ម និងក្រុមហ៊ុនផលិតចំណីសត្វចំនួន ៦ បានចុះអនុស្សរណៈយោគយល់គ្នា (MoU) ស្តីពីកិច្ចសហប្រតិបត្តិការជំរុញការប្រមូលទិញផលិតផលពោតក្រហម ដំឡូងមី និងផលិតផលកសិកម្ម​ផ្សេងៗទៀត សំដៅចួលរួមលើកកម្ពស់ផលិតផលកសិកម្មរបស់កម្ពុជា ជាពិសេសដើម្បីរក្សាលំនឹងថ្លៃនៅពេលរដូវប្រមូលផល។

ការចុះ MoU​ ត្រូវបានធ្វើឡើងនៅព្រឹកថ្ងៃពុធ​​ ទី១៩ ខែមីនា ឆ្នាំ២០២៥ នៅទីស្តីការក្រសួងពាណិជ្ជកម្ម ​រវាងក្រសួងពាណិជ្ជកម្ម និងក្រុមហ៊ុនផលិតចំណីសត្វចំនួន៦ រួមមានក្រុមហ៊ុនអិមភីក អេស៊ីអិមស៊ី (ខេមបូឌា), ក្រុមហ៊ុនបេតាហ្រ្គោ (ខេមបូឌា) ខមភេនី លីមីធីត, ក្រុមហ៊ុនអេហ្រ្គី-ម៉ាស្ទ័រ ខូអិលធីឌី, ក្រុមហ៊ុន ឌឹ ហឺស្ស ធីអិមអេច, ក្រុមហ៊ុន អេ អេន ធី ហ្វីដ ឯ.ក, និងក្រុមហ៊ុន ស៊ីជេ ជេលជីដាងហ្វីដ (ខេមបូឌា) ខូអិលធីឌី

ក្រសួងថា តាមរយៈអនុស្សរណៈនៃការយោគយល់គ្នានេះ ក្រសួងពាណិជ្ជកម្ម នឹងសហការសម្របសម្រួលជាមួយក្រុមហ៊ុនទាំង៦ ដើម្បីប្រមូលទិញពោតក្រហមចំនួន ១៨៩ ០០០ តោន ដំឡូងមីចំនួន ៨១ ៦០០ តោន កញ្ជុងអង្ករចំនួន ៥១ ១៣០ និងកន្ទក់ចំនួន ៥៧ ៧៣០ តោន។

​ក្រសួងបានលើកឡើងថា៖«ទាំងនេះបានបង្ហាញឱ្យឃើញពីការចូលរួមជំរុញការវិនិយោគទៅលើការកែច្នៃកសិផលនៅក្នុងស្រុក ក៏ដូចជាបង្កើនគុណតម្លៃ និងការពង្រឹងខ្សែច្រវាក់តម្លៃផលិតផលស្របពេលដែលកម្ពុជាកំពុងតែជួបប្រទះបញ្ហាការកើនឡើងថ្លៃដើមចំណីសត្វ ព្រមទាំងបង្កើនឱកាសធុរកិច្ចក្នុងការអភិវឌ្ឍន៍វិស័យកសិ-ពាណិជ្ជកម្ម និងលើកស្ទួយសេដ្ឋកិច្ច-សង្គមប្រកបដោយបរិយាប័ន្ន»។

កាលពីថ្ងៃទី១៧ ខែមីនា ឆ្នាំ២០២៥ ក្រសួងពាណិជ្ជកម្មក៏បានប្រជុំពិ​ភាក្សាស្តីពីការរៀបចំស្តង់ដារដំឡូងមីក្រៀម និងដំឡូងមីស្រស់ ក្នុង​គោល​បំណបង្កភាពងាយស្រួលដល់កិច្ចសម្រួលពាណិជ្ជកម្មទិញ-លក់ដំឡូងមី ការ​កំណត់​តម្លៃ​ ដោយផ្អែកតាមស្តង់ដា ដែលបានដាក់ចេញតាម​ប្រភេទដំឡូងមីស្រស់ ឬក្រៀម និងទៅតាមកម្រិតជាតិម្សៅ។

យោងតាមក្រសួងកសិកម្ម​ នៅក្នុងឆ្នាំ២០២៤ កម្ពុជានាំចេញចំណិតដំឡូងមីក្រៀមចំនួន ជិត ១ លានតោន (៩៦៤ ៦៨១), ដំឡូងមីស្រស់ចំនួនជាង ៣ លានតោន (៣ ៤៤៣ ៧៦០)​ ម្សៅដំ​ឡូង​មីចំនួន ៦០ ៥២៤ តោន។ នៅក្នុងឆ្នាំ ២០២៤ កម្ពុជានាំចេញដំឡូងមីស្រស់ ៩៥% ហើយកែច្នៃក្នុង​ស្រុក ៥% រកចំណូល​បាន​​ប្រមាណ ៧២៨ លានដុល្លារ។

របាយការណ៍​ក្រសួងកសិកម្ម រុក្ខាប្រមាញ់ និងនេសាទ បង្ហាញថា ក្នុង​ឆ្នាំ​២០២៤ កម្ពុជាបាននាំចេញកសិផលចំនួន ១១,៧ លានតោន ​កើនឡើង ៣៩ ភាគរយបើធៀបនឹងឆ្នាំ​២០២៣ ដែលមានចំនួន ៨,៤ លានតោន។

សម្រាប់​ទឹក​ប្រាក់​ដែល​ទទួល​បាន​ គឺ​​ប្រមាណ ៤,៨ ពាន់​លានដុល្លារ។ ផលិតផលកសិកម្មនាំចេញ​សំខាន់ៗ រួមមាន ជ័រកៅស៊ូ ស្រូវ អង្ករ ដំឡូងមី ស្វាយចន្ទី ចេក ផ្លែមៀន ម្រេច និងកសិផលសំខាន់ៗមួយចំនួនទៀត៕

The post ក្រុមហ៊ុនផលិតចំណីសត្វ​​៦ សហការជាមួយរដ្ឋដើម្បីប្រមូលទិញផលិតកសិកម្មដើម្បី កែច្នៃ appeared first on Kampuchea Thmey Daily.

ផែនការនៃការបង្កើតមជ្ឈ​មណ្ឌលពាណិជ្ជកម្ម​នេះត្រូវលើកឡើងដោយលោកលឹម ប៊ុនសួរ អគ្គនាយកក្រុមហ៊ុន AZ Group និងលោក Jas Sohl នាយកក្រុមហ៊ុន SOHL ស្នើទៅកាន់លោកស្រី ចម និម្មល រដ្ឋមន្រ្តីក្រសួងពាណិជ្ជកម្មក្នុងជំនួបពិភាក្សាការងារពាក់ព័ន្ធនឹងសំណើរៀបចំបង្កើត កាលពីថ្ងៃទី២០ ខែមករានៅទីស្តីការក្រសួង។​

បើយោងតាមក្រសួងពាណិជ្ជកម្ម៖« ក្នុងជំនួបនេះ បានពិនិត្យ និងពិភាក្សាអំពីការរៀបចំបង្កើតមជ្ឈមណ្ឌលពាណិជ្ជកម្មឯកជនកម្ពុជានៅក្រៅប្រទេស ដែលមជ្ឈមណ្ឌលពាណិជ្ជកម្មនេះ ជាច្រកទ្វារដ៏សំខាន់ក្នុងការផ្សព្វផ្សាយ និងជំរុញផលិតខ្មែរទៅកាន់ទីផ្សារអន្តរជាតិ តាមរយៈការដាក់តាំងបង្ហាញផលិតសក្តានុពលកម្ពុជា និងឯកសារពាក់ព័ន្ធនឹងវិស័យពាណិជ្ជកម្ម វិនិយោគ ទេសចរណ៍ និងវប្បធម៌របស់កម្ពុជា ដើម្បីទាក់ទាញពាណិជ្ជករ វិនិយោគិន និងភ្ញៀវទេសចរបរទេស មកកាន់ព្រះរាជាណាចក្រកម្ពុជា»។

បើតាមក្រសួង មជ្ឈ​មណ្ឌលនេះនឹងជួយជំរុញការនាំចេញផលិតផលសក្តានុពលកម្ពុជា ជាពិសេសស្វាយចន្ទីកម្ពុជា ទៅកាន់ទីផ្សារចក្រភពអង់គ្លេស និងសាធារណរដ្ឋឥណ្ឌា ក្រោយពេលដែលមជ្ឈមណ្ឌលនេះបានបង្កើតរួចរាល់ នៅទីក្រុងឡុងដ៍ និងទីក្រុងញ៊ូវដែលី។

បើយោងតាមរបាយការណ៍របស់ក្រសួងកសិកម្ម រុក្ខាប្រមាញ់ និងនេសាទ

កម្ពុជាទទួលបានចំណូលជិត ៥ ពាន់លានដុល្លារ (៤,៨) ពីការនាំចេញកសិផលចំនួន ១១,៧ លាន​តោន ទៅក្រៅប្រទេស នៅក្នុងឆ្នាំ ២០២៤ កើនឡើងប្រមាណ ៣៩ ភាគរយ ធៀបនឹងឆ្នាំ ២០២៣ ដែល​មាន​ចំនួន ៨,៤ លានតោន។

ផលិតផលកសិកម្មសំខាន់ៗ ដែលនាំចេញពីកម្ពុជារួមមាន ស្រូវ អង្ករ ចេក ដំឡូងមី ស្វាយចន្ទី ផ្លែមៀន ម្រេច និងកសិផលប្រមាណ ១០០ មុខទៀត។

នៅក្នុងឆ្នាំ ២០២៤ កំណើននៃការនាំចេញកសិផលសរុបកើនដល់ ១១,៧ លានតោន ទៅ​ ៩៤ ប្រទេស កើនឡើង ២០ ប្រទេស ក្នុងនោះមានស្រូវជាង ៥ លានតោន (៥១៨០ ១៥៥) និងអង្ករ ៦៥ ម៉ឺនតោន ទៅកាន់ ៧៥ ប្រទេស។

យោងតាមក្រសួងពាណិជ្ជកម្ម ការនាំចេញទំនិញសរុប​​របស់​កម្ពុជាក្នុងឆ្នាំ២០២៤កន្លងទៅនេះ ​​មានទំហំទឹកប្រាក់សរុបជាង ២៦,១៩ ពាន់​លាន​ដុល្លារ កើនឡើង ១៥,៧% ចំណែកឯការនាំទំនិញចូល​មកវិញមាន​ទំហំ​ទឹកប្រាក់ ២៨,៥៤ ពាន់លានដុល្លារ កើន ១៨%។

ទីផ្សារសំខាន់ៗ ដែលកម្ពុជាបាននាំចេញទំនិញទៅរួមមាន៖ ប្រទេសចិន សហរដ្ឋអាមេរិក វៀតណាម ជប៉ុន ថៃរួមនឹងទីផ្សារ​សំខាន់ៗមួយចំនួនទៀត៕

The post កម្ពុជាគ្រោងនឹងបើកមជ្ឈមណ្ឌលពាណិជ្ជកម្ម​នៅ​ចក្រភពអង់គ្លេស និងឥណ្ឌា appeared first on Kampuchea Thmey Daily.

លោក ងិន ឆាយ បានឱ្យដឹងថា ការនាំចេញអាស្រ័យលើប្រភេទដំណាំ ឧទាហរណ៍ថា ផលិតកម្ម​ដំណាំស្រូវ តាមធម្មតាកម្ពុជាផលិតបាន ១២,៥ លានតោន ឆ្នាំ ២០២៣ ​និងបាន​ការនាំ​ចេញ​ទាំងអង្ករ និងស្រូវ ដែលតួលេខកាលពីឆ្នាំ ២០២៣ ក្នុងនោះកម្ពុជានាំចេញអង្ករបាន ៦០ ម៉ឺនតោន និង​ស្រូវប្រមាណ ៤ លានតោន ស្វាយចន្ទីដូចគ្នា កម្ពុជាផលិត​លើស​ជាតួលេខរួមបានប្រមាណជា ៨០ ម៉ឺនតោន ស្វាយចន្ទីត្រូវបាន​នាំចេញ​ស្ទើរតែ​ទាំងអស់ ដែលភាគច្រើនគឺជាគ្រាប់ស្វាយចន្ទីឆៅ ខណៈកែច្នៃ​បានតែ ១០%។ ក្រៅពីនេះ កម្ពុជាមានផលិតកម្មដំឡូងមីចំនួន ១៤ លានតោន ដែលធ្វើការនាំចេញ​ស្ទើរតែ​ទាំង​អស់​​​ដែរ។

បើតាមលោក ងិន ឆាយ កម្ពុជាមានផលិតផលជាច្រើនទៀត ដូចជាស្វាយកែវរមៀត មៀន​​​ប៉ៃលិន និងចេកអំបូងលឿងក៏នាំចេញច្រើន។

លោកបញ្ជាក់ថា កម្ពុជាអាចផ្គត់ផ្គង់ដំណាំ​ប្រភេទ​បន្លែប្រមាណ ៧០ ទៅ ៨០% អាស្រ័យ​ទៅ​តាម​រដូវ ខណៈរដូវរំហើយជាពេលសមស្របដាំដុះបន្លែទៅជាបញ្ហាផ្គត់ផ្គង់លើស ដែលធ្វើឱ្យតម្លៃធ្លាក់ចុះ៕

អត្ថបទ៖ ឡេង ដេត

The post មន្ត្រីកសិកម្មអះអាង ផលិតកម្មដំណាំនៅកម្ពុជា ទទួលបានលើសផែនការ appeared first on Kampuchea Thmey Daily.

លោក ស៊ុន ចាន់ថុល បានលើកឡើងក្នុងពេលអនុញ្ញាតឱ្យអ្នកឧកញ៉ា ហ៊ុន ឡាក់ សមាជិកក្រុមប្រឹក្សាភិបាល និងជាអគ្គលេខាធិការ នៃសមាគមឧកញ៉ាកម្ពុជាចូលជួបពិភាក្សាលើ​ការនាំចេញផលិតផលចំណីអាហារ និងកសិផលរបស់កម្ពុជានាំចេញទៅកាន់ទីផ្សារប្រទេសបារាំង និងសហគមន៍​អឺរ៉ុបនៅថ្ងៃទី ១៧ ខែតុលា ឆ្នាំ ២០២៤។

អ្នកឧកញ៉ា ហ៊ុន ឡាក់ បានដឹកនាំគណៈប្រតិភូពីសមាគមឧកញ៉ាកម្ពុជា និងវិនិយោគិនពីប្រទេសបារាំងគឺលោក Laurent Strauch នាយកប្រតិបត្តិក្រុមហ៊ុន Smart Eden ដែលជាអ្នកទទួលទិញផលិតផលចំណីអាហារ និងកសិផលរបស់កម្ពុជានាំចេញទៅកាន់ទីផ្សារប្រទេសបារាំង និងសហគមន៍អឺរ៉ុប។

លោកឧបនាយករដ្ឋមន្ត្រី បានបង្ហាញនូវការគាំទ្រដល់ក្រុមហ៊ុនទាំងពីរដែលបានរៀបចំកិច្ចសហប្រតិបត្តិការធុរកិច្ចថ្មីដោយ​ចាប់យកការនាំចេញផលិតផលចំណីអាហារ និងកសិផលរបស់កម្ពុជា ដូចជាគ្រាប់ស្វាយចន្ទី ដំណាប់ស្វាយ ស្ករត្នោត និងម្រេចជាដើម នាំចេញទៅកាន់ទីផ្សាររបស់ប្រទេសបារាំង និងសហគមន៍អឺរ៉ុប។

លោកឧបនាយករដ្ឋមន្រ្តី បានជំរុញឱ្យក្រុមហ៊ុនបង្កើនការនាំចេញ និងបង្កើនវត្តមានផលិតផល និងកសិផលរបស់កម្ពុជានៅក្នុងទីផ្សារអន្តរជាតិឱ្យបានកាន់តែច្រើន៕

The post ឧបនាយករដ្ឋមន្ត្រី ស៊ុន ចាន់ថុល ជំរុញឱ្យវិស័យឯកជន បន្តវិនិយោគលើការកែច្នៃកសិផលនាំចេញ appeared first on Kampuchea Thmey Daily.