ដូច្នេះហើយ ប្រសិនបើអ្នកមានផ្ទះ តែគ្មានមនុស្សរស់នៅ ត្រូវ​មានវិធីការពារ ឬរាំងពីពពួកអមនុស្ស​យើង​មើល​មិន​ឃើញ ហើយធ្វើ​ឲ្យ​ផ្ទះ​នោះ​ មានពន្លឺ​ ហាក់ដូច​មាន​មនុស្ស​នៅ​ធម្មតា។

១ ប្រើភ្លើងបំភ្លឺដោយស្វ័យប្រវត្តិនៅខាងមុខផ្ទះ

ត្រូវដាក់ភ្លើងបំភ្លឺចាប់ពីម៉ោង៦ល្ងាចដល់ ៦ព្រឹក ដើម្បី​ជា​ជំនួយ​បន្ថែម​សុវត្ថិភាព​ដល់​ផ្ទះ​ ការពារទាំងមនុស្ស​ប៉ង​ចូល​លួច​របស់​ក្នុង​ផ្ទះ​ និង​ពពួក​ខ្មោច​ព្រាយ​ជាដើម។ ម៉្យាងវិញទៀត វា​ក៏​ជា​ការ​បន្ថែម​ហុងស៊ុយ​ដល់​ផ្ទះ​របស់​អ្នក​ផង​ដែរ។

២ ដាក់​វត្ថុ​បរិសុទ្ធ​នៅ​ក្នុង​ផ្ទះ

ចូរ​ដាក់​វត្ថុ​សក្ដិសិទ្ធិ​នេះ ​នៅ​ក្នុង​ចំណុច​នៃ​បន្ទប់​ទទួល​ភ្ញៀវ ឬ​ចំណុច​ដែល​ត្រូវ​ដើរ​ចេញ​ពី​ទ្វារ​ខាងមុខ ដាក់​វា​នៅ​កន្លែង​ដែល​យើង​អាច​មើល​ឃើញ ហើយ​តែងតែ​គិត​អំពី​អ្វី​ដែល​យើង​ឃើញ​នៅ​ក្នុង​ផ្ទះ ឬ​នៅ​ជុំវិញ​ផ្ទះ។

៣ ធ្វើ​​ឲ្យ​ផ្ទះ​មាន​ក្លិន​ល្អ

ផ្ទះ​ដែល​គ្មាន​មនុស្ស​រស់នៅ​ អាច​បណ្ដាល​ឲ្យ​មាន​ក្លិនស្អុយ។ ទឹកអប់​គួរ​ដាក់​នៅ​ជ្រុង​ផ្សេងៗ​នៃ​ផ្ទះ ដើម្បី​ធ្វើឲ្យ​​ផ្ទះ​មាន​ក្លិនក្រអូប។ ជំនឿ​មួយ​ទៀត ​គឺ​នៅ​ពេល​ដែល​ផ្ទះ​មាន​ក្លិន​ល្អ អ្វី​អាក្រក់ ​ឬ​ពពួក​អមនុស្ស​មិន​អាច​ចូល​មក​បាន​ឡើយ។ ក្លិន​ល្អ​អាច​ជួយ​បណ្ដេញ​រឿង​អាក្រក់​ចេញទៅ​ ហើយ​នាំ​តែ​រឿង​ល្អៗ​មក។

៤ ដាក់ចានអំបិល និងធ្យូងនៅក្នុងផ្ទះ

ចូរ​ដោយ​ដាក់​វា​នៅ​ជ្រុង​បង្អួច ជ្រុង​បន្ទប់ ឬ​នៅ​ជ្រុង​ងងឹត ​​ត្រូវ​បាន​គេ​ជឿ​ថា ​​វានឹង​ជួយ​បណ្ដេញ​របស់​អាក្រក់​ចេញ​ពី​កន្លែង​នោះ។ ម៉្យាងទៀត ​ធ្យូង​ក៏​ជួយ​ស្រូប​យក​សំណើម និង​ស្រូប​យក​ក្លិន​មិន​ល្អ​ផង​ដែរ។

៥ ប្រើនាឡិការោទិ៍ ឬ​អ្វី​មួយ​ដែល​មាន​តន្ត្រី​ ដើម្បី​ជួយ​ទប់​ថាមពល​អាក្រក់

អាច​កំណត់​វា​ ដោយ​​បន្លឺ​ឡើង​មួយ​ភ្លែត ​ក្នុង​ពេល​ព្រលប់ ឬ​ក្នុង​អំឡុង​ពេល​ម៉ោង ១៧:០០ល្ងាច សូម​ឲ្យ​វិញ្ញាណក្ខន្ធ ឬ​រឿង​អាក្រក់​គិត​ថា មាន​អ្នក​ណា​នៅ​ក្នុង​ផ្ទះ។ ​ដូច្នេះ វាមិនហ៊ានមកបៀតបៀនផ្ទះរបស់យើងនោះទេ។

៦ ដាក់​វត្ថុ​រំ​ញ័រ​ឬ​មាន​ចលនា​ព្យួរ​មុខ​ផ្ទះ

ដោយ​ព្យួរវា​នៅ​កន្លែង​ដែលមាន​ខ្យល់​បក់​កាត់​ផ្ទះ នេះ​ក៏​ជា​ជំនឿ​មួយ​ទៀត​ ដែល​វិញ្ញាណ​មិន​ចូលចិត្ត ឬឮសម្លេងបែបនេះ។ ព្រោះ​ក្នុង​ផ្ទះ​មាន​ចលនា មាន​សំឡេង​រំខាន ពពួកសភាវអាក្រក់នឹងមិនហ៊ានមកក្បែរឡើយ។

៧ ការ​តុបតែង​ផ្ទះ​ដែល​អាច​ផ្លាស់ទី​បាន

ស្វែងរកគ្រឿង​តុបតែង​លំអ​ដែល​តែងតែ​ផ្លាស់ទី ហើយដាក់វានៅក្នុងផ្ទះរបស់អ្នក ដូចជា​ជា​តុក្កតា​ឆ្មា​បកដៃ តុក្កតាងក់ក្បាល ញ័រក្បាល ឬផ្លាស់ទីវត្ថុបាន។ ដាក់វានៅកន្លែង​ដែល​ជា​បន្ទប់ ​យើង​ប្រើ​ញឹកញាប់ ដូចជាបន្ទប់ទទួលភ្ញៀវ ​ បន្ទប់​គេង បន្ទប់ទទួលទានអាហារ ដើម្បីអនុញ្ញាត​ឲ្យ​មាន​ចលនា​នៅ​ក្នុង​ផ្ទះ ។

៨ គួរតែមានពន្លឺដល់ផ្ទះ

ប្រសិនបើផ្ទះត្រូវបានបំពាក់ដោយវាំងននកាំរស្មីយូវី សូម​បើកឲ្យ​ពន្លឺចូលដល់ក្នុងផ្ទះ។ ហើយ​បិទវាំងននមួយជាន់ផ្សេងដែលនាំពន្លឺចូលមកបានពេញលេញ។ វិធីនេះ អ្នកខាងក្រៅមិនអាចមើលខាងក្នុងផ្ទះបានទេ ព្រោះ​មាន​វាំងនន​​ក្រាស់​នឹងលាក់មិនឲ្យមានមនុស្សប៉ងអាក្រក់ចូលមកបាន ឬរារាំងវិញាណតែលតោល មានបំណងចូលមករស់នៅជាដើម៕

គ្រូ ណុប

ចុចអាន៖២ វិធី ជួយកែលំអហិរញ្ញវត្ថុផ្ទាល់ខ្លួន តាមក្បួនលើករាសី នាំលាភសំំណាង និងលុយកាក់ ចូលមកក្នុងជីវិត

ចុចអាន៖«រកា» ឆ្នាំនេះលុយហូរចូលឥតឈប់ក្នុងជីវិត រីឯអាជីពក៏រឹងមាំ ដោយសារភាពស្មោះត្រង់របស់ខ្លួន

The post ផ្ទះទុកចោល អាចមានវិញ្ញាណអាក្រក់រស់នៅ ប្រើក្បួននេះ ពពួកអមនុស្សចាកឆ្ងាយ appeared first on Kampuchea Thmey Daily.