នៅព្រឹកថ្ងៃទី២៤ ខែកញ្ញា ឆ្នាំ២០២៤នេះ លោក ឯក ឃុនឌឿន អភិបាលរងរាជធានីភ្នំពេញ ទទួលបន្ទុក​ផែន​សាធារណ​ការ រួមជាមួយលោក សេង គន្ធ អភិបាលខណ្ឌមានជ័យ បានបន្តការចុះពិនិត្យស្ថានភាពកន្លែងមានការបាក់ស្រុត និងការបន្តជួសជុលពីសំណាក់ក្រុមជំនាញ។

មន្រ្តីជំនាញបានលើកឡើងថា​ តាមការប៉ាន់ស្មានជាបឋម ផ្លូវដែលខូចខាតនេះអាចនឹងប្រើប្រាស់ពេល២ ទៅ៣ខែ ក្នុងការជួសជុលឡើងវិញ តែនេះគ្រាន់ជាការវាយតម្លៃបឋមដោយមិនអាចកំណត់ភាពច្បាស់ការបាននោះឡើយ។ ផ្អែកតាមស្ថានភាពជាក់ស្តែង បច្ចុប្បន្នក្រុមការងារជំនាញបានកំពុងវាយកម្ទេចបេតុងចាស់ដែលបានបាក់ស្រុតចោលសិន រួចនឹងធ្វើការចាក់បំពេញដីខ្សាច់ និងអាចម៍ដីចូលថ្មីបន្ថែម។

លោក សេង គន្ធ អភិបាលខណ្ឌមានជ័យ បញ្ជាក់ថា ទីតាំងដដែលនេះ ធ្លាប់កើតមានការបាក់២លើកមកហើយ តែមិនធ្ងន់ធ្ងរនោះឡើយ ដោយមានការប្រេះបេតុងផ្អៀងផ្លូវ ហើយក្រុមមន្ត្រីជំនាញក៏បានជួសជុល និងក្រាលបេតុងថ្មីឡើងវិញទៅរកសភាពធម្មតា ដោយឡែកលើកទី៣នេះ ក៏បាក់ស្រុតខ្លាំងតែម្តង។

លោកអភិបាលខណ្ឌបញ្ជាក់ថា ការបាក់ស្រុតនេះ មិនបានបណ្តាលមកពីការកាយអាចម៍ដីនៅក្នុងប្រឡាយស្ទឹងមានជ័យចេញនោះទេ គឺដោយសារសណ្ឋានដីនៅចំណុចកើតហេតុ មានលក្ខណៈជ្រាយ ហើយមុខទឹកគឺហូរបុកមកត្រង់ចំចំណុចនេះតែម្តង ទើបធ្វើឱ្យមានការបាក់ស្រុតតែម្តងទៅ។

សូមបញ្ជាក់ថា កាលវេលាល្ងាចថ្ងៃទី២៣ ខែកញ្ញា ឆ្នាំ២០២៤ លោក ឃួង ស្រេង អភិបាលនៃគណអភិបាលរាជធានីភ្នំពេញ បានដឹកនាំក្រុមមន្ត្រីជំនាញ និងអាជ្ញាធរមូលដ្ឋាន ចុះពិនិត្យជាបន្ទាន់ជុំវិញស្ថានភាព នៃការបាក់ស្រុតផ្លូវបេតុង ស្ថិតនៅជាប់មាត់ប្រឡាយស្ទឹងមានជ័យ ក្នុងសង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ។

លោកអភិបាលបានធ្វើការពិនិត្យវាយតម្លៃជាក់ស្តែងអំពីបញ្ហាដែលនាំឱ្យមានការបាក់ស្រុត និងបានបញ្ជារផ្ទាល់ដល់ក្រុមការងារបច្ចេកទេសឱ្យបង្កើនការយកចិត្តទុកដាក់ខ្ពស់ក្នុងការជួសជុលឡើងវិញ ក្នុងរយៈពេលលឿនបំផុតតាមអាចធ្វើទៅបាន ដើម្បីអាចឱ្យប្រជាពលរដ្ឋបានប្រើប្រាស់សម្រាប់ធ្វើដំណើរឡើងវិញជាធម្មតានៅពេលខាងមុខ។

លោក សាំ ពិសិដ្ឋ ប្រធានមន្ទីរសាធារណការ និងដឹកជញ្ចូនរាជធានីភ្នំពេញ បានឱ្យដឹងថា ករណីបាក់ស្រុតផ្លូវខាងលើនេះ បានបណ្តាលឱ្យផ្លូវប្រវែង១៤៦ម៉ែត្រ និងទទឹង៥ម៉ែត្រ ត្រូវរងការខូចខាត។ លោកបន្តថា ករណីនេះ បណ្តាលមកពីទឹកបានហូរច្រោះដីផ្នែកខាងក្រោមផ្លូវ ធ្វើឱ្យសណ្ឋានដីត្រូវទន់ជ្រាយ ទើបបង្កឱ្យមានការរអិលទាំងតួថ្នល់ និងបេតុង ចុះមកតែម្តង ។

ប្រធានមន្ទីរដដែល បន្ថែមថា ផ្លូវបេតុងនេះ ទទួលការស្ថាបនាដោយអង្គការ Jica មានកម្រាស់១៥សម ជាប្រភេទបេតុងអារមេ ក្នុងនោះមានប្រវែង៥០ម៉ែត្រ មានតំណសម្រាប់ការរីករួមនៃបេតុង ខណៈផ្លូវទាំងស្រុងមានអាយុកាលប្រមាណ​២៤ឆ្នាំកន្លងទៅហើយ គិតតាំងពីនៅជាផ្លូវដី រហូតកកើតជាបេតុង ។

តាមប្រភពព័ត៌មានពីប្រជាពលរដ្ឋរស់នៅក្បែរកន្លែងកើតហេតុ បានឱ្យដឹងថា នៅមុនកើតហេតុ គេបានលឺសម្រឹកបេតុងមានការបាក់ ហើយស្ថានភាពផ្លូវបេតុង ក៏មានការប្រេះដោយអន្លើរៗ នៃចំណុចខ្លះ។ ដោយឃើញដូចនោះ ពលរដ្ឋបានបង្កើនការប្រុងប្រយ័ត្នជាមុន និងបានជួយណែនាំដល់អ្នកដំណើរឱ្យនាំគ្នាផ្អាកការឆ្លងកាត់ផងដែរ៕

អត្ថបទ៖ សុភា

The post មន្ត្រីជំនាញកំពុងជួសជុលផ្លូវបេតុងដែលបាក់ស្រុតនៅប្រឡាយស្ទឹងមានជ័យយ៉ាងយកចិត្តទុកដាក់ និងឆាប់រហ័សជូនពលរដ្ឋ appeared first on Kampuchea Thmey Daily.

លោក ឆាយ ឫទ្ធិសែន រដ្ឋមន្រ្តីក្រសួងអភិវឌ្ឍន៍ជនបទ បានប្រកាសបែបនេះ ក្នុងពេលដឹកនាំមន្ត្រី បច្ចេកទេស និង​ទីប្រឹក្សា​​​បច្ចេក​ទេសគម្រោង ចុះត្រួតពិនិត្យជាក់ស្តែងកន្លែងបាក់ច្រាំទន្លេ នៅស្រុក​ត្បូង​ឃ្មុំ ខេត្តត្បូងឃ្មុំ នៅថ្ងៃទី ១៣ ខែកុម្ភៈ ឆ្នាំ ២០២៤។

​លោក អាន ស៉ីណា ប្រធានមន្ទីរអភិវឌ្ឍន៍ជនបទខេត្តត្បូងឃ្មុំ បានឲ្យដឹងថា ផ្លូវវាងថ្មីមួយ ប្រវែង ១ ៥០០ម៉ែត្រ ដែលត្រូវស្ថាបនា ជំនួសផ្លូវ ដែលរងការខូចខាតប្រវែង១២០ម៉ែត្រ ស្ថិតនៅចុង​ភូមិទួល​គរ ឃុំទន្លេបិទ ស្រុកត្បូងឃ្មុំនោះ គឺចាប់ផ្តើមពីចំនុចខាងកើតវត្តពាមចក គល់ស្ពានអង្កូ បន្តទៅ​ស្ពាន​ព្រែកតាខ្វាន់ចុងភូមិទួលគរ ដែលចំណាយថវិកាសាងសង់ដោយក្រសួង។ 

​ការសម្រេចសាងសង់ផ្លូវវាងថ្មីវិញ បន្ទាប់ពីមន្រ្តីជំនាញបានដាក់ម៉ាស៊ីន​ខួងយកអាចម៍ដី​ទៅពិនិត្យ​រួចរាល់ ឃើញថា មិនអាចជួសជុលទប់ច្រាំងបានទេ ព្រោះនៅតែបន្តបាក់ដដែល។

​សូមបញ្ជាក់ថា ផ្លូវបេតុងមួយកន្លែងនេះ បានរងការបាក់ស្រុតចូលទន្លេមេគង្គ កាលពីថ្ងៃទី២៣ធ្នូ ឆ្នាំ២០២៣ ដោយសារទឹកហូរជ្រាប៕

​អត្ថបទ៖ សាន វិឡែម

The post ​ក្រសួងអភិវឌ្ឍន៍ជនបទ ស្ថាបនាផ្លូវវាងថ្មីជំនួសផ្លូវបាក់ច្រាំងចូលទន្លេ​ appeared first on Kampuchea Thmey Daily.

ចៅសង្កាត់ស្ទឹងមានជ័យ១បានឱ្យដឹងថា ផ្លូវបាក់ស្រុតនេះបានកើតឡើងនៅអំឡុងម៉ោង១ រំលងអធ្រាត្រឈានចូលថ្ងៃទី​១០​ខែតុលានេះ។ ហើយភ្លាមៗកម្លាំងអាជ្ញាធរបានធ្វើការហ៊ុពទ្ធ័ខ្សែជុំវិញទីតាំងផ្លូវបាក់ស្រុតរងចាំឲ្យមន្ទីរជំនាញចុះមកសិក្សាជួសជុល។

អាជ្ញាធរសុំធ្វើការអំពាវនាវដល់អ្នកធ្វើដំណើរមេត្តារកផ្លូវវាងព្រោះប្រឈម និងការកកស្ទះចរាចរណ៍ផងនោះ៕

អត្ថបទ៖ នរា

The post ផ្លូវជាប់ស្ពានអាកាសស្ទឹងមានជ័យរងការបាក់ស្រុតមន្ត្រីជំនាញកំពុងជួសជុល appeared first on Kampuchea Thmey Daily.